|
Re: ارشح السيد عبد الرحيم محمد حسين لخلافة البشير! (Re: سيف النصر محي الدين)
|
Quote: فى رأى الخاص السودان ما حيتصلح الا بتقوية العلاقات مع امريكا.....الزول الوحيد البقدر على كدا هو الفاتح عروه.... الرجل دا جد versatile والامريكان بحترمو شديد لأنو زولهم |
ما مشكلة يا أمين السيد وزير الدفاع ممكن يمسك الرئاسة و يرسل الفاتح عروة للأمريكان و بعدين الامريكان ممكن يحبوا السيد وزير الدفاع جدا لأنه so funny
| |
|
|
|
|
|
|
Re: ارشح السيد عبد الرحيم محمد حسين لخلافة البشير! (Re: Amin Salim)
|
و الله يا أمين انا الفاتح عروة ده ما بعرف عنه حاجة غير موضوع الفلاشا و طبعا ده كان موضوع بايخ و موقف الفاتح عروة كان ابيخ من الموضوع نفسه. و بعدين بالجد انا ما مهتم بالاشخاص بقدر اهتمامي بحدوث اصلاح ديمقراطي حقيقي يؤسس لقيام دولة سودانية حديثة تنهض على أسس العدل و الاخاء و المساواة و تقوم على المبادئ العقلانية و العلمانية.
| |
|
|
|
|
|
|
Re: ارشح السيد عبد الرحيم محمد حسين لخلافة البشير! (Re: سيف النصر محي الدين)
|
Quote: و بعدين بالجد انا ما مهتم بالاشخاص بقدر اهتمامي بحدوث اصلاح ديمقراطي حقيقي يؤسس لقيام دولة سودانية حديثة تنهض على أسس العدل و الاخاء و المساواة و تقوم على المبادئ العقلانية و العلمانية. |
اظنك بتفتش فى eutopia وهى قطعاً ما موجوده فى الواقع(ولا حتى فى امريكا)...... in my own opinion you should get your grip on reality and compromise
| |
|
|
|
|
|
|
Re: ارشح السيد عبد الرحيم محمد حسين لخلافة البشير! (Re: Amin Salim)
|
دكتورنا سيف النصر
تحياتي
"Quote: وزير الدفاع القادم في حكومة سيادتو مهمته حتكون ساهلة و محددة طيارة انوارها مولعة هاجمت البلد نضربها انوارها مطفية ما عندنا بيها شغلة! |
"
ياخ الزول اجتهد و له اجران! الوزير بيعتمد على استراتيجية مجربة و ارث يمتد لاكثر من الف و اربعمية سنة. يعني تاني الناس لما تستقصى هلال الشهر ما يكون رؤية هلال و بس بس, برضو كمان يشوفوا لو في طيارات جاية و انوارها مولعة, و يكوركوا لناس الدفاع الجوي! اما اذا كانت الطيارة انوارها مطفية دي يخلوها ساكت, لانها ممكن تكون عفريت بس يتعوذوا!
احسن حاجة في التحليل "العميغ" لوزير دفاع الانقاذ, انه ذكر حكاية الآذان دي, لانها وقعت لي في جرح! عارف لما كنا ممتحنين شهادة لو ما الاذان و انصار السنة و الكيزان و الختمية, انا كنت اكون حالتي غير! بيتنا في النص بين مسجدين; واحد حق انصار السنة (مسجد المهداوي), و التاني مشترك بين الكيزان و الختمية, من آذان المغرب المآذن تلعلع لغاية الساعة عشرة و انا اسب ليهم! بعد الساعة عشرة بكون نجضت و مخي اتصلب. آذان, صلاة بالمكرفون, ندوة, مولد, قرآن, ياخ تصدق مرات بفتحو القرآن مع صلاة الصبح بالمكرفون? الحمد لله انهم هسع عرفوا انها مزعجة!
---- طول عمري كنت محتار ليه ناس المعارضة المغرضين بسموا عبدالرحيم "ابو ريالة" لكني بعد ما اتفرجت على الفيديو عرفت!
-
(عدل بواسطة بدر الدين احمد موسى on 06-07-2012, 04:34 AM)
| |
|
|
|
|
|
|
Re: ارشح السيد عبد الرحيم محمد حسين لخلافة البشير! (Re: محمد الكامل عبد الحليم)
|
طيب يا د سيف
Quote: عالم اليوم هو عالم الديمقراطية و العقلانية و هي مبادئ ستعم و تنتشر مع الوقت. |
موافق معاك فى حتة الديمقراطيه هى الحل.....اما العقلانيه حاجه نسبيه وبتختلف من منظور شخص ل آخر على حسب الباكقراوند
لكن كونو طبقنا الديمقراطيه لازم نطبقه بمفهومها و تبعاتها الكامله وما نكون selective.....او نفتش و نصنع ideology جديده
يلّا المشكله بتجى فى التبعيات دى....على سبيل المثال حرية التعبير
فى نظرك هل توجد حدود ل حرية التعبير ولّا لأ....اذا تركناها مفتوحه freedom of speech will lead to the freedom of hate speech وما اظن دا مقبول
اما اذا كانت حرية التعبير ب حدود.....المشكله حتكون فى منو عندو ناصية الحق و مؤهل على introducing الحدود مع اعتبار اختلاف الاديان والتقاليد والسلوك و وجهات النظر
اشان كدا انا بقول انو انت بتفتش على utopia ومن المستحيل الوصول ليها فى الفانيه دى
كل البنقدر عليهو انو نعيش تحت نظام ما perfect وبعد داك it depends on what suits you more which is different from person to another......,و على ضوء ذلك تختار البلد النظامها بريحك اكتر
| |
|
|
|
|
|
|
Re: ارشح السيد عبد الرحيم محمد حسين لخلافة البشير! (Re: العوض المسلمي)
|
Quote: ياخ الزول اجتهد و له اجران! الوزير بيعتمد على استراتيجية مجربة و ارث يمتد لاكثر من الف و اربعمية سنة. يعني تاني الناس لما تستقصى هلال الشهر ما يكون رؤية هلال و بس بس, برضو كمان يشوفوا لو في طيارات جاية و انوارها مولعة, و يكوركوا لناس الدفاع الجوي! |
اها يا بدر انت قلت طيارات جاية و انوارها مولعة يعني دي مقدور عليها بالنظر،بس الانوارها طافية دي كيف؟ الراجل محتاج يضيف لاستراتيجيته كمان مبدأ الدفاع بالسمع طبعا بشرط انها ما تجي في وقت الأذان خصوصا لو كانت المنطقة زي حلتكم المحاصرة ديك..السمع ما عندو اي طريقة و لله الأمر من قبل و من بعد.
| |
|
|
|
|
|
|
|