خبر عجيب - أقرأ وصم خشمك بس عشان ما تلهّم البوست مطاميرنا

Quote: احتدم الجدل داخل البرلمان امس بين وزير الصحة بحر ادريس ابوقردة ونواب البرلمان بشأن استخدام الواقي الذكري في تنظيم الاسرة وجهاز الشفط اليدوي في عملية الاجهاض ،واعتبر النواب استخدام العازل والجهاز يسهمان في تقنين الرذيلة والترويج للحمل غير الشرعي وتدمير اخلاق الشباب، لكن وزير الصحة تصدى لاتهامات النواب ،موضحا ان الوزارة اعتمدت هاتين الوسيلتين لمكافحة الايدز وتقليل حالات الوفاة بعد الاجهاض التي تصل الي 4% نتيجة مضاعفات التخدير، معتبرا ان تدمير اخلاق الشباب مسؤوليات جهات اخري وليس وزارة الصحة. ودافع ابوقردة خلال رده علي طلب الاحاطة الذي تقدم بها العضو دفع الله حسب الرسول حول (جمعيات تنظيم الاسرة) عن سياسة الوزارة في استخدام العاذل الذكري، وقال ان استعماله قلل نسب الاصابة بالايدز في الدول الموبوءة مثل كينيا وجنوب افريقيا، واضاف لكن هذا لايعني ان الوزارة تساعد في الترويج لاستخدامه وانما الاستفادة منه كوسيلة لحماية الاطفال من نقل العدوي من امهاتهم بنسبة تصل الي 80% ،مبينا ان تنظيم الاسرة الهدف منه تباعد الولادات وليس تحديد النسل ،واحتد الوزير في حديثه مع مقدم طلب الاحاطة الذي كرر مقاطعته له فما كان من الوزير الا ان طالبه بالصمت، وقال «اسكت وخليني اتكلم زي ما انا احترمت وجهت نظرك « ونفي الوزير وصول وزارته اي شكوي او مخالفة بشأن جهاز الشفط اليدوي، وقال ان الشركة المنتجة للجهاز تستخدمه داخل المؤسسات الصحية و لديها ترخيص فضلا عن التزامها بساسية الصحة الانجابية وصيانة الوحدات الطبية، اذ اهلت 150 وحدة صحية ودربت 223 كادرا لتقديم خدمة ما بعد الاجهاض، واعتبر الجهاز تطوراً تقنياً و يجب التعامل معه مثل «الثلاجة والتلفزيون.» غير ان مقدم طلب الاحاطة استنكر حديث الوزير وهاجمه بضراوة وقاطعه اكثر من مرة، واحتج بنقطة نظام ووصف منعه من قراءة طلب الاحاطة كما جرت العادة بالفوضي. وعندما رفضت رئيسة الجلسة سامية احمد محمد مداخلته احتج حسب الرسول بضرب المنضدة امامه والخروج من القاعة التي عاد اليها بعد الحاح رئيس لجنة الشؤون المالية والاقتصادية الزبير احمد الحسن ،وقال حسب الرسول بغضب ان وزارة الصحة ظلمت الشعب السوداني وهي غير مؤهلة لخدمته ولديها الكثير من الاخفاقات واشار الي انها خالفت قرار المجلس الوطني بحظر «الكندم» في مكافحة الايدز الصادر في العام 2006 لافتا الي ان الصحة تدخل 4 ملايين واق توزع بين الطلاب والقوات المسلحة والشباب ،واضاف ان لديه مستندات واسماء متورطة في توزيع العاذل وسط الطلاب ،واستنكر تدريسه لطلاب الجامعات ،مشيرا الي انه في احدي المرات صادف «دكتورة ماسكا توضح للطلاب يستخدموه كيف» وكشف عن امتلاكه فواتير من الجمارك تشير لدخول 147 الف كرتونة من العاذل للبلاد، بينما انتقدت النائبة سعاد الفاتح، اتجاه تنظيم الاسرة وقالت ان المقصود منه تجفيف النسل بطرق علمية ،واضافت «ان شاء الله ألد «20 » واتهمت سعاد جمعيات تنظيم الاسرة بنشر ثقافتهم عبر التذويق وتوظيف طلاب الجامعات وبعض منظمات المجتمع المدني ،قبل ان تستنكر صمت الاطباء تجاه ما يحدث وقالت «انا ماعارفة حتفتحوا خشمكم دا بتين « وطالبت وزارة التربية بالانتباه لمخاطر العازل وقالت «انها وجدت دكتور يفتخر بتوزيع مليون عاذل في مناطق كثيرة من بينها مدارس واضافت «وزارة التربية قاعدة وين والعاذل بتوزع في المدارس». الصحافة

Quote: الله يكافينا شرك يا (مسينيح) تغتس... تغتس... تطلع لينا بي بلوة بوستيك ده المطامير محمداو ..محمداو كان نضمنا وان كان صمينا خشمنا براك بتوديهو بي هناك.

Quote: «اسكت وخليني اتكلم زي ما انا احترمت وجهت نظرك «

Quote: ذكرتني طرفة الرجل إياه اللي قال للمذيعة عن رأيه في المباعدة بين الولادات إنو بيشجع ذلك المبدأ وأنه في عام واحد ولد له طفل في سواكن والتاني في الفاشر والتالت في البردانه...

Quote: انت اصلك عريبي مطموس كلما نحاول نقلقل فيك لا فوق ماشي غاطس لتحت

Quote: هو عازل الذكر ده شنو؟؟

Quote: قلت شنو يا ودالصائم؟؟ ما سامعك والله ارفع صوتك شوية

Quote: والله كان داير تقلقلني لا فوق بي جنس نضميك ده أخير تخليني غاتس فوق بكاني الغاتس فيهو ده

Quote: انت فاكرني بكوّت حديثك المدغمس دا؟

Quote: السبب في كل البلاء وهذه الامراض التى تعم فى العالم والاختلاف مع بعض والافكار المريضة البعد عن الدين وعن زكر الله وكتابه و سنة محمد سيدنا (ص) فارجعوا لى دينكم تسلموا من كل الافات توبوا لى ربكم واستغفروا واعتصموا بحبل الله تجدون لكم مخرج

Quote: سبحان مغير الاحوال من حال الى حال امبارح كان مع الدوبيت والمسادير والحت والهجيج واليوم صار مؤسسة قطر الخيرية

وضاحة الطفلة كبرت وصارت شابة ناضجة

وانت كبرت وخرفت وبقيت غاتس لى تحت

تغتس ما تقلع بركة جدى حامد اب عصاءة سيف يا مسنوح

Quote: دا بوست يستحق بكري يعلقو في الصقية برررررررررة لزوم التوعية وكدا مجنون

Quote: وكت أصلك داير تثقفنا وكدة ... المر ما ياهو داك فوق سألك سؤل واااضح.... ما تجاوبوا؟

Quote: دا يكون أخ شقيق لـ طيب الذكر أوعك تقول لي طيب الذكر ما بتعرفه

Quote: نوصي له بشهادة الزمالة الموقعون: حبيب نورة : رئيس لجنة تقييم المفردات طارق جبريل : مقرر اللجنة صديق الموج: ممتحن زائر فايز ود القاضي: ممتحن مقيم(داخلي) عبدالعزيز عيسى :مراقب أول حامد برقو: كاتب

Quote: وعمك كمال شاهد

Quote: دا كلام غريب والله، ياخي الداير يستعمل عازل استعملو، والداير يمشي ميطي برضو من حقو، غايتو ربنا سلط علينا ناس بيقو يتتدخلو حتي في اختيار ألوان ملابسنا الداخلية، الحرية الشخصية اصبحت ما حرية في هذا البلد، مافي حاجة اسمها رذيلة مالم تكون مقرونة بضرر للآخرين ، العبرة في الاتفاق والموافقة والباقي بين العبد و ربه، قال رذيلة قال...

Quote: المسينيح انا خليني.. عافي عنك.. بس رد على المر ده!!!! ات بقيتك تحرس في الكنجالات عاد ما نسيت ملاواة الجماعة البعتروا للقاضي!!

Quote: ( الضمير يعود للجداد) دحين الزول ده أقع فيهو محط بي عنكوليبة غلييييدة لامن ألحقوا الزينين .... ولا أسوي ليهو شنو؟

Quote: عدل بواسطة العم كمـــال

Quote: هو عازل الذكر ده شنو؟؟

Quote: بتخيل لي دا العزل السياسي ال برلمان المصري صادق عليه قبل فترة بعدين كيف يعني اخوان مصر يصادقوا و اخوان السودان يرفضوا

Quote: هوووووووووووووووووى هووووووووووووي باقي لي انت عايز تجنح بالبوست السمح دا جهة ابو عنجة

Quote: يا و دشيقوق البوست دا اصلا جاي من ابو عجنة مش من البرلمان ؟؟ اها مع السلامة

Quote: عاذل هو مفرد عواذل .. وفي رواية سودانية أخري هو مفرد عذال وقد قال الشاعر "لاموني العواذل وبحالي ازدروا" .. وحق لأي انسان في الدنيا أن يزدرينا ويزدري حالنا طالما برلمانا أزاح مشاكل الفقر والجوع والتشرد والقتل والحروب جانبا وشغل نفسه بمناقشة العازل... بالله دي بلد ينتموا ليها...!!

Quote: ود عيسي ده فوق ما قال ليك نسيت البعتر للقاضي قلبتها ليهو غنا دحين يا ود شيقوق ماك عارف البعتر للقاضي شنو؟

Quote: نوصي له بشهادة الزمالة الموقعون: حبيب نورة : رئيس لجنة تقييم المفردات طارق جبريل : مقرر اللجنة صديق الموج: ممتحن زائر فايز ود القاضي: ممتحن مقيم(داخلي) عبدالعزيز عيسى :مراقب أول حامد برقو: كاتب

Quote: ارحل اخلي ليك البوست دا؟ وش زعلان نامن قاضيهو محمر ههههها

Quote: قلت أرحل .. أسوق خطواتي من زولاً نسى الإلفة أهوِّم ليل أساهر ليل أتوه من مرفى لي مرفى ابدل ريد بعد ريدك(حبك) عشان يمكن يكون اوفي رحلت وجيت في بعدك لقيت كل الأرض منفى عيونك زي سحاب الصيف تجافي بلاد وتسقي بلاد وزي فرحاً يشيل مني الشقا ويزداد وزي كلمات بتتأوّه.. تتوه لمن يجي الميعاد وزي عيدا غشاني وفات عاد عمّ البلد أعياد وزي فرح البعيد العاد وزي وطناً وكت اشتاقلو برحل ليهو من غير زاد بدون عينيك بصبح زول بدون ذكرى وبدون ميلاد رحلت وجيت في بعدك لقيت كل الأرض منفى زمان الفُرقة والتجريح بسِيبُو عشان تشيلو الريح بسيبو عشان صحيح الذكرى بتّوِّه عمرنا صحيح وانتِ معايا لا بندم ولا بقضي العمر تبريح أصلو العمر شوقا ، حزنا كان وصبرا كان فسيح وفسيح أصلو العمر كان دربا مشيتو كسيح وكان غرسا سقيتو بكى وقبضت الريح رحلت وجيت في بعدك لقيت كل الأرض منفى

Quote: يا زول اوع فهمتني غلط؟ مالك مودع؟

Quote: دا شنو يا شيقا ماهم كوووووووووولهم كدا ودا فهمهم اخوك يا دوب جاك كان مشغول بالقانونيين

Quote: انا بقدر ؟؟ بس الواحد فينا وصل مرحلة حتى مكنة عربيتو معاارضة فقلنا ما نعارض ليكم البوست

Quote: بوست هابط وما فيه مؤهلات

Quote: الواقي الذكري الصادق المهدي الشريف [email protected] • بالأمس تجدد الحديث داخل البرلمان عن (الواقي الذكري).. ذلك الواقي الذي اصبح مهماً للدرجة التي ترك فيها نواب الشعب قضايا المعيشة وزيادة الوقود.. وتفرغوا له تماماً في تلك الجلسة. • أذكر وفي معرض الحديث عن الواقي.. فتوى قديمة للدكتور يوسف الكودة اثارت عليه الغبار.. فقامت الدنيا ولم تقعد.. الكودة قال أنّ استخدام الواقي الذكري أخفّ ضرراً لمحاربة ظاهرة الأطفال مجهولي الابوين.. وأخفّ ضرراً على الفتاة من الحمل ثمّ التخلص من الجنين خوفاً المجتمع.. وجآء حديث الكودة من منطلق القاعدة الأصولية التي تتحدث عن الأخذ بِ(أخفّ الضررين).. في وجود حالة زنا واقعة (لا محالة). • ومن يسمعون نصف الحديث.. ويفهمون نصف المعلومة .. ويتجولون بها بين الناس قالوا أنّ الكودة يحثّ الشباب على الزنا ويجوِّز لهم استخدام الواقي. • الجدل الذي دار بالبرلمان أمس.. وجاء عقب استدعاء وزير الصحة للحديث عن منظمة (DKT) وجمعيات تنظيم الاسرة.. وكان واضحاً في ذلك الجدل أنّ الطرفين يتحدثان عن موضوعين مختلفين.. فالوزير تحدّث عن (تنظيم الاسرة).. والبرلمانيون يتحدثون عن (تحديد النسل).. والرابط بينهما هو (الواقي الذكري).. فهو يستخدم هناك لتنظيم الولادات وتباعدها.. ويستخدم هنا لمنع تخلق الجنين. • شركة أو منظمة (DKT) هي منظمة مشبوهة.. تحتاج للتحقيق الموسع من كافة الجهات القانونية والطبية.. وقد ظهرت تحذيرات صحفية وشعبية من مخاطر الأجهزة التي تستوردها تلك الشركة.. وتُرك الأمر في حدود المخاوف.. فهل من العسير تكوين لجنة (طبية قانونية) للنظر في أمر تلك الشركة؟؟.. أم أنّ هنالك مسؤول كبير يقف وراءها هي ايضاً؟؟. • وزير الصحة يحمل المعلومة العلمية التي تحاول منع الولادات المتقاربة.. فكل إنسان جديد يتخلق في الرحم يحتاج الى البناء (لحم وعظام) من جسد الأم.. وتعدد الولادات وتقاربها له آثاره السالبة على صحة الأم.. وفيما بعد على الجنين نفسه.. ولا يوجد شرع يحلل هذا الضرر العظيم المترتب على تقارب الولادات.. ولو بحث فقهاء البرلمان والسلطة عنه في كل كتب الفقه. • هذا عن الدين.. أمّا العلوم السكانية فتقول أنّ بقاء أيِّ حضارة/مجموعة سكانية يحتاج الى نسبة نمو 2.11%.. وأنّ نقصان تلك النسبة الى 1.9% يهدد تلك المجموعة السكانية بالزوال.. فلو توقف الآباء عند أنجاب طفل واحد فقط فسوف يكون عدد الأبناء نصف عدد الآباء.. ولو أنجباء طفلين فلن يكون هنالك زيادة سكانية.. لأنّ عدد الأبناء سيصبح مساوياً لعدد الآباء. • وبسم الله.. ماشاء الله.. لا توجد عندنا الأسرة التي تكتفي بطفل واحد ولا طفلين (إلا بعض المتأثرين بالحضارة الغربية).. وهو تأثر يرجح (تقليل المسؤوليات وزيادة المتعة).. لكنّ إيماناُ بالله واغرٌ في صدور السودانيين يجعلهم ينجبون.. وينجبون. • وغير الإيمان فالفقر ايضاً هو عامل آخر يدفع الى زيادة الإنجاب.. فالفقر الذي يولِّد الإحباط والإكتئاب.. يدفع الرجل الى إطفاء آلام الحياة في جسد زوجته.. ولا يبالي.. وقد ثبت أنّ عدد الأبناء لدى الأسر الفقيرة أكبر منه لدى الأسر ميسورة الحال. • كُنّا بنقول في شنو؟؟. • نعم.. الواقي الذكري هو أداة فقط لا غير.. وهو ك(سلعة) متوفر في الصيدليات وبابخس الأثمان.. ولا يحتاج تملكه لروشتة طبية.. لذا أعتقد أنّ على البرلمان أن يبحث في القضايا الحية.. فهنالك كارثة إقتصادية في الطريق!!!!!!. الراكوبة

Quote: فالفقر الذي يولِّد الإحباط والإكتئاب.. يدفع الرجل الى إطفاء آلام الحياة في جسد زوجته

Quote: فالفقر الذي يولِّد الإحباط والإكتئاب.. يدفع الرجل الى إطفاء آلام الحياة في جسد زوجته