|
|
 الجلابة حسب بشاشا الجلابي (حوار نرجه هادف) ...
|
بمنتهى الامانة ارى ان بشاشا يبلور في فكرة مشتتة الان في الردود المتفرقة هنا وهناك في بوست استدعاء نجلاء سيداحمد اورد السيد كمال بشاشا ردود وجمع كامل الشتات في بوتقة مؤسسة الجلابة التي اشقانا بها ونريد ان نعرف كيف تسنى لبشاشاان يجمع الكل بتباين مؤسساتهم وافكارهم واحزابهم وموالتهم في شمولية جلابيته التي هو من مكونها وفي ذلك عدل اذ شمل ذاته الى مؤسسة الجلابة وفي هذا نظرة تجعل الحوار ممكن فهلا تكرم الاخ بشاشا الى الحضور هنا ووضع النقاط على الحروف لنرى بعيون اخرى ما الذي يجعل نقد شيخ الجلابة ومخلص للقسم الجلابي وماهو هذا القسم السري الذي اقسمناه نحن كمؤسسة جلابية حسبما يرى السيد بشاشا ... وشكراً مقدما لاي طرح عقلاني .
........................................................حجر.
|
|
  
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: الرفاعي عبدالعاطي حجر)
|
مرحبا عاصم
كيف الحال ,,,
لبشاشا رؤى متفرقة هنا وهناك , ربما يضيف النقاش الينا الجديد
وانت في منظور بشاشا جلابي حسب فهمي فهي مظلة تشمل الجميع ما
وددت الوصول اليه من هو غير الجلابي ومن الجلابي وكيف نجمع شتات
افكارنا ونتفق حول وطن فيه الحد الادنى من العدالة بين مكونه .
شكراً لمرورك.
.....................................................حجر.
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: Bashasha)
|
ما معني جلابة ومن هم الجلابة او هو؟
الجلبنة طريقة تفكير محددة، صاغها الاحتلال، او علي هذا الاساس صاغ مشروعو العبقري في شكل الدويلة الحالية.
الاستعمار الغربي عامة والبريطاني خاصة درج علي فرض اقلية بعينها علي الاغلبية كاساس لادارة الاحتلال بما يؤمن مصالحه في ارجاء افريقيا.
في حالة السودان اساس البناء الاجتماعي تاريخيا اصلا "كاستي" علي طريقة الهند، والي حد ما اليمن.
تم توظيف هذا الارث الثقافي، لمشروع دويلة الاحتلال، توظيف حقيقة عبقري، بالذات نهل مهندسي الاحتلال، من بركة ارث العبودية الراكضة في اعماق اعماقنا كقوم سود، الاتسم بالذكاء الحاد حقيقة.
اذن الموضوع ده ضخم حقيقة او متشعب، اقصد موضوع المواد الخام، الصاغ منو الاحتلال، مشروع الوعي الجلابي الماثل، كجرثومة حرب، فتاكة بحق، حصدت ارواح الملايين، بالوكالة، او من دون ادني حوجة انو غزاتنا، يفكو طلقة واحدة!!
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: Bashasha)
|
ا
| Quote: ورد السيد كمال بشاشا ردود وجمع كامل الشتات في بوتقة مؤسسة الجلابة التي اشقانا بها ونريد ان نعرف كيف تسنى لبشاشاان يجمع الكل بتباين مؤسساتهم وافكارهم واحزابهم وموالتهم في شمولية جلابيته التي هو من مكونها |
نعم الدويلة الحالية زي ما ذكرنا خاصة باقلية الجلابة حصرا، او بالتالي مؤسسات هذه الدويلة، كقاعدة جهوية اي شمالية صرفة علي ذات النسق بالضرورة كتحصيل حاصل.
تعدد مشارب، توجهات، او مدارس الجلابة، لاينفي احادية وصمدية الدويلة الجهوية، حيث تعدد اصابع اليد الواحدة، او القدم، لايعني تعدد في ذات فردية الفرد، ذي البصمة المحددة الواحدة، رغم تعدد اطراف الجسد الواحد.
الاشكال الاساسي في جبهة العمل السياسي، ناجم عن الخلط ما بين مفهوم نظام، او مفهوم دولة. مابين معارضة شمالية للنظام الشمالي في الدولة الشمالية، والمعارضة القومية للنظام الجهوي والدويلة الجهوية، معا او في ان واحد!
دي مشكلة كبيرة جدا حقيقة بواجهوها النفرين تلاتة الرافعين راية الطرح الجديد من الورقة ده، اللي في روحو لازال في طور التخلق والتبلور!
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: Bashasha)
|
نعم حتي ادبيات الحركة الشعبية كوعاء جامع لشتات قوي البديل، الكلام ده غريب علي طرحها، الرسمي، الما زال سجين مفاهيم مركز او هامش، المرجعيتو ماركسية للاسف، او بالتحديد اساسو مفهوم الصراع والتكوين الطبقي، المعتت القديم، الذي عفي عليه الزمن، المسؤول من تيه الشيوعي العمر ده كلو.
اذن ما صدفة، كيف بنلقي روحنا كتير جدا في مواجهة المدرسة التقليدية، في الحركة الشعبية، في المنبر ده، البتصر انو الجلابة طبقة اقتصادية اجتماعية بعينها، لامة كل السودانيين، وهذا دجل حقيقة، ربما كان منطلقو، سياسي، تكتيكي بحت، لتفادي عزل الجلابة كمجموعة "اثنية" بي فهم البعض للاسف، حتي في الحركة الشعبية، المنطلق من مركزية اوربية، بحكم التاثير السلبي، للاستلاب الماركسي، الذي تسلل للاسف الي صفوف الحركة، في معية اليسار الجلابي، او اليسار القديم بعامة، صحبة راكب.
اذن التشابك، التداخل، بل التعارض الذي لامفر منه مابين اهداف المعارضة الجهوية، والاخري القومية، مشكلة كبيرة، او واضح انها مكلفة للغاية.
ولكن من جانبنا، مهما كان ثمن فرز الكيمان ما بين تياري المعارضة، يظل هذا الثمن بخس بل لايذكر، قصاد المواصلة علي النهج القديم، الدفع او بدفعو فاتورتو قوي السودان البديل.
لانو المعارضة الشمالية وبما انها اصلا مؤسسة اي مكتملة البنيان والخطاب، طوالي او كالعادة، حتختذل عمل قوي البديل او توظفو في مصلحة صراعا هي، ضد نظاما هي، مع الابقاء علي الدويلة، وهذا يهزم اهداف قوي البديل بل يفرغا تماما من محتواها، لتواصل ساقية جحا البديل الدوران في الفارغ، او كنتيجة يطول امد الصراع، او بالتالي الدم المسفوح كثمن، من اجل مردود، يعيد انتاج المشكلة من اول او جديد.
واضح من نموذج موضوع الاخت العزيزة نجلاء، طريقنا ده طريق وعر، خطر، او مكلف جدا جدا!
لدرجة، السالكين فيهو الان كنتيجة يعدو علي اصابع اليد الواحدة!
فالاخت نجلاء، بي جدارة بتمثل خط المعارضة الشمالية، بينما تراجي او محمد سليمان بمثلو خط ثورة البديل والمعارضة القومية.
واضح طبيعة الاشتباك، التضاد، التعارض، والالتقاء، في النموذج ده، مابين التياريين، الابتدأ يتشكل منذ فجر ما يسمي بالاستقلال، اي "الاستغلال" في قاموسنا، في شكل الانانيا، مؤتمر البجة، نهضة دارفور، لتتجمع قطرات هذا المجهود، او تشكل سيل الحركة الشعبية، والان هذا التيار الجديد، البلح علي فرز الكيمان التكتيكي المرحلي علي مستوي المفاهيم مابين المعارضة الجهوية او ثوار البديل.
العشم انو خطاب ثوار البديل يكون هو الاساس، كبديل للخطاب الجلابي، المهيمن علي الساحة، حتي داخل اروقة ثوار البديل، وهذا خطأ استراتيجي قاتل.
ينبغي قبر الخطاب الجلابي المعارض once and for all!
الخطاب الجلابي المعارض يتمحور حول ازالة النظام فقط، وهذا مرفوض تماما!
الحد الادني لخطاب البديل، ينبغي ان يكون ازالة الدويلة الجهوية ذات نفسها وليس فقط نظاما الحالي والفرق ضخم طبعا!
اكرر علي مستوي الفكرة والطرح والفهم، ده مفروض يكون الحد الادني.
علي مستوي الممارسة العملية، مافي مشكلة تبنينا شعار الخطاب الجلابي، مرحليا، ولكن انطلاقا من فهم او رؤية صافية لاغموض فيها، فيما اتصل بازالة الدويلة ذات نفسها واقتلاعها من الجذور، في المحصلة النهائية.
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: Bashasha)
|
الموضوع شيق يا رفاعي وكذلك تلمس بشاشا بشكل طفيف جوانب التشخيص لكني اختلف معه في امور شتى اولها .
خطاب الهامش والمركز مؤكد ليس بالتحليل الطبقى المتبنى من اليسار عموما ..فالمكنون الراهن لهذا الخطاب (المركز والهامش) يحمل معه وبكل صلابة يجب ان يوضع في قالبه التاريخي الراهن وهو واضح في انه يعني ان التفاوت المشار اليه هو تفاوت مصنوع على خلفية عرقية قامت بتوظيف الدولة لخدمة نظام (جلابة) وستلاحظ بشكل واضح حيز الهامش المتلكم عنه الان لم يستقبله هامش الشمال بذات الفكرة بل يتردد كثيرا في تاثره بخطاب التحزير من الانتقام الافرو هامشي ..
مؤكد اسهمت السلطة الحاكمة الان في وضع هذا الخطاب(جلابي) بشكل اجرائي وصادم للغاية ومحرج في وقت آخر لقوى المعارضة الشمالية بل وضعها في منصة الامتحان الحقيقة لهدفها المتكرر في منظومة التحالف التكتيكي الذي يؤد فقط بابدال الموجود كمقدار لا كنوع ..
.....................سنعود
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: مجاهد عيسى ادم)
|
| Quote: خطاب الهامش والمركز مؤكد ليس بالتحليل الطبقى المتبنى من اليسار عموما |
مجاهد تحاياي،
قدر الاضطلعت عليهو من ادبيات مركز هامش، يؤكد لي انو منبعو مفهوم التكوين والصراع الطبقي.
حيث مفهوم جلابة هناك مطروح في شكل تكوين طبقي، يشمل كل السودانيين، حيث الاساس فيهو، هو علاقات الانتاج.
طرح الحركة الشعبية بعامة وان كان متقدم للغاية، ولكنو للاسف طرح بدورو مستلب، مرجعيتو المركزية الاوربية للاسف وهذه حقيقة!
الي اليوم الاخ ياسر عرمان يتحدث بي صيغة "شعوب" السودان، وهذا بدل خطأ "خطئية"، تؤكد الاثر المدمر للمركزية الاوربية، حتي داخل اروقة قوي البديل!
نحن شعب واحد ولسنا شعوب البتة!
عيب كبير ان يتحدث رجل في قامة عرمان بي صيغة "شعوب" سودانية!
ياخي ده، ماياهو ذات الاساس القسمونا بيهو علي اساس شمال عربي مسلم في مقابل جنوب افريقي مسيحي!
لايمكن نبني بنيان جديد علي اساس قديم!
| Quote: مؤكد اسهمت السلطة الحاكمة الان في وضع هذا الخطاب(جلابي) بشكل اجرائي وصادم للغاية ومحرج في وقت آخر لقوى المعارضة الشمالية |
ياعزيزي:
من السهل جدا مسح كل مساوئ المعارضة الجلابية، والفرد الجلابي في حيطة النظام القصيرية!
في اعتقادي، الشيوعي مثلا اكثر جهوية من الجبهجي او الانقاذي للاسف الشديد!
نظرة واحدة لي بنية الشيوعي الموغلة في النقاء الجهوي، مقارنة بالجبهة الاسلامية تثبت هذا!
لدرجة، ممكن نقول الهامش كان هو وجه الجبهة الاسلامية، مقارنة بالوجه الجلابي التقليدي للشيوعي!!
لهذا الترابي حقيقة ويالسخرية الاقدار كان اقرب لي قوي البديل، وابعد من نظامو، مقارنة بي نقد الكان محبوب او مبجل لدي نظام القتلة، اكثر من الترابي!!
اذن النظام فقط بلور، واستثمر واقع موجود او بس!
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: Bashasha)
|
| Quote: ]والأسس القانونية للدولة دي شنو؟ |
نواصل مع الصادق:
برضو ما فهمنا المقصود بالاسس القانونية.
ولكنها بما انها دويلة اقلية، صممت لخدمة اغراض امبريالية بعينها، فحقيقة لامعني للحديث هنا عن اي اسس قانوية، لانو الاساس ذات نفسو كدويلة خاصة حصرا باقلية، ما قانوني ايا كان هذا القانون، بخلاف قانون فرق تسود، لو بنتكلم عن دولة قومية، محكومة بي دستور ديمقراطي او بالتالي مجموعة قوانين ديمقراطية.
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: Bashasha)
|
Quote: برضو ما فهمنا المقصود بالاسس القانونية.
|
الاخ كمال
نفهمك ليها؟
كدى نتفق معاك إجرائياً إنو الدولة الموجودة حالياً لا تمثلنا كشعب سوداني، ويجب إجتثاثها، فسؤالنا شكل الدولة الجديدة شنو، وتنظيم العلاقات بين المواطنين شنو، وطريقة الحكم حتكون كيف؟
يعنى هسه انا وانتا كمواطنين عايشين في امريكا بيحكمنا الدستور الامريكي في علاقتنا مع بعض وعلاقتنا مع الحكومة ومع اي مواطن بعيش عنا.
بديل دولة الأقلية والابارتايد دي حيقوم على دستور شكلوا شنو واطريقة إدارة الدولة بي مواردها حيكون كيف؟
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: الصادق اسماعيل)
|
الصادق شلوم،
| Quote: فسؤالنا شكل الدولة الجديدة شنو، وتنظيم العلاقات بين المواطنين شنو، وطريقة الحكم حتكون كيف؟ |
شكل الدولة، حياخد طابع الدولة القومية، ولضمان ذلك، ستكون لامركزية.
علي مستوي المركز، نصيب كل ولاية من ولايات 56م الخمسة حيكون بالثقل السكاني، قس علي هذا كل مواقع السلطة المركزية.
يعني لو سكان "المديرية الشمالية" بعادلو 5% من سكان السودان، يكون نصيبم من السلطة المركزية بي اجهزتا التلاتة، تنفيذي، تشريعي، قضائي، 5% فقط من المواقع دي لاغير.
اذن في غاية البساطة، موضوع الدولة القومية البتمثل كل السودانيين، كبديل لدويلة الاقلية الماثلة امامنا، اللي هي سبب كل حروبنا او ماسينا، لانها مصممة تقوم بالدور ده تحديدا.
شئ مضحك حقيقة، كيف الي اليوم، كل عام بنحتفل بالداهية، الصمموها الانجليز دي، بما يخدم مصالحم هم، باعتبارها دولة سودانية، وهي اجنبية from ground up ولاتمت الي السودان والسودانيين، بادني صلة.
يكفي انها معلنة دولة عربية بحد السيف، او مافي ابلغ من كده، كتعبير عن غربة هذا الجسم عنا!
مصداقا لهذا، هذا الجسم الغريب، اباد او شرد قرابة ال10,000,000 سوداني!
اذن جهاز هذه الدويلة، كجرثومة حرب فتاكة، جات منسلة من مختبرات الاحتلال، لاتمت للسودان والسودانيين باي صلة!
نعم بنكرر الكلام ده بلا ملل عشان نتخلي عن تركيزنا الحالي المدمر، علي شدرة النظام او نركز بي ضراوة علي غابة الدويلة، ذات نفسها، باعتبارا اس البلاء، او مش اي نظام من انظمتا، كان مدنية كان عسكرية!
اهدرنا نصف قرن، نطارد شبح انظمة هذه الدويلة، كما ال.ك.لب الذي يطارد ذيله، بلا طائل او بي سذاجة محكمة، لما دقينا الدلجة من لفة الراس!
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: Bashasha)
|
| Quote: ((نعم حتي ادبيات الحركة الشعبية كوعاء جامع لشتات قوي البديل)) |
لا حول و لا قوة الا بالله!!!
أي أدبيات؟ و أي وعاء و أي شتات يا سادة؟
هذه هي دولة (دينكا السودان) :
مصابون من قبيلة النوير في عنف قبلي بجنوب السودان (رويترز-أرشيف)
قالت الأمم المتحدة أمس الاثنين إن ما يقارب 900 شخص من جنوب السودان قتلوا خلال تفجر للعنف بين قبائل تعيش على رعي الماشية في أواخر عام 2011 وأوائل 2012، وانتقدت جيش الدولة الحديث العهد لعجزه عن توفير الحماية للمدنيين.
وتبذل دولة جنوب السودان -التي انفصلت عن السودان قبل عام- جهودا لبسط سيطرتها على البلاد التي تفتقر إلى التنمية، والتي تعادل فرنسا في المساحة، وتنتشر فيها الأسلحة بصورة كبيرة.
وفي واحدة من أكثر الوقائع دموية منذ استقلال جنوب السودان عن السودان، هاجم ما يقدر بنحو 700 من شبان قبيلة النوير المدججين بالأسلحة قرى تابعة لقبيلة المورلي المنافسة بولاية جونقلي الشرقية في نهاية العام الماضي، ونهبوا عشرات الآلاف من رؤوس الماشية واختطفوا النساء والأطفال.
وقالت الأمم المتحدة إن هذه الاعتداءات أجبرت مئات الآلاف على النزوح عن ديارهم وأسفرت عن مقتل 612 شخصا، وأشعلت فتيل موجة من الهجمات الثأرية قتل خلالها 276 آخرون.
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: Hashim Taha)
|
الأخ/ بشاشا
تحياتي
Quote: يعني لو سكان "المديرية الشمالية" بعادلو 5% من سكان السودان، يكون نصيبم من السلطة المركزية بي اجهزتا
التلاتة، تنفيذي، تشريعي، قضائي، 5% فقط من المواقع دي لاغير. |
أظن بسبب ظروف متنوعة وموضوعية بأن سكان "المديرية الشمالية" ال 5%، قد تفرقوا بأنحاء السودان وتعلموا، مما جعل
وزنهم مضاعفا كنوعية وليس عددا، وبالتالي فوجودهم بمرافق الدولة كبير للوزن النوعي، أما كثير من أقاليم السودان
وخاصة الغرب والشرق، فوجودهاالعددي كبير، تفتك به الأمية والجهل وبالتالي فهم أقلية بمرافق الدولة، غير أن نقلة
ثورة التعليم مؤخرا كادت أن تزيل هذه الفوارق، وبالتالي فإن المسالة مسألة وقت فقط، فحينما تتقارب نسبة المتعلمين
من كل الأقاليم إلى بعضها، سيوفر كل إقليم العدد النسبي مع سكانه للقيام بمهام الدولة، بلا ثورة هامش أو إستخدام أي
سلاح آخر غير التعليم..... أو هل ترون غير ذلك؟
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: حماد الطاهر عبدالله)
|
كلمة جلابة كلمة محددة و تعني شيء محدد
و محاولة بشاشا ان يجعل منها صفة لقبائل محددة او مجموعة بشر
ينحدرون من جهة معينة اخل بمعناها و جعلهافضفاضة لدرجة ان اجعص ترزي
ما يقدر يقيفها و يخليها على مقاس ما يعنيه بشاشا ....
و بالتالي فأن استخدام بشاشا لهذه الكلمة بتلك الصورة اما ان يكون هو قد عجز ان
يجد كلمة تتطابق و افكاره العنصرية او انه ارد كلمة اكثر تداولا و اقرب الي العامية
و قد يكون اكثر من يتصفون بها ,,,,, بعض الذين يكن لهم نوعا من العداء الخفي .....
و إن نظرنا لكلمة جلابي من منظور تراجي مصطفي و محمد سليمان لوجدنا ان كمال بشاشا زات نفسه اكبر جلابي
و قد لا يجد ما يسعفه لنفي التهمة عنه ان كانت كلمة جلابي تهمة .
طيب يا اخ بشاشا ان كان من تقصدهم جلابة يبقي نحن في نظرك قلاجة و بالتأكيد انت معانا
ما تعصر زاتك عشان تعرف معني كلمة قلاجة لانك ببساطة لن تعرف لها معني .... و ذلك
لان من اطلقوا كلمة جلابة و اظهروها للناس هم من اطلقوا ايضا كلمة قلاجة ,,,,,
عشان تعرف بس ان كلمة جلابه لا تعني ما ذهبت اليه لا من قريب ولا من بعيد
ابحث لك عن مصطلح تاني .... و فصله على قدر ما تعتقد كلمة جلابة كبيرة جدا على
ما يدور بمخك ..... و ما ممكن تتقيف ابدا .....
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: adam alamar)
|
| Quote: أظن بسبب ظروف متنوعة وموضوعية بأن سكان "المديرية الشمالية" ال 5%، قد تفرقوا بأنحاء السودان وتعلموا، مما جعل وزنهم مضاعفا كنوعية وليس عددا |
حماد الطاهر سلام،
نعم كلامك صاح.
من دون ضوابط محددة، اقلية الجلابة، او بحكم انفرادم بكل شئ في السودان لاكثر من نصف قرن، ممكن او بي حكم نفوذم التاريخي او مؤهلات افرادم النجم عن ريع انفرادم بالسودان، يفرغ مشروع الدولة القومية من مضمونا تماما، ولو الي حين، ولكن ليس في المدي البعيد.
ضع في اعتبارك، تشريد افراد الاغلبية المهمشة خارج السودان ادي الي نتيجة عكسية تماما، فيما اتصل بي تاهيل افراد الاغلبية المهمشمة، الذي تم، ويتم الان علي مستوي عالي جدا، بالذات لما نضع في الاعتبار كيف اغلبية مهاجري الجلابة، مرة اخري بحكم النفوذ، كانت الي العالم الثالث، ممثل في الدول العربية، اللتي اخذت، ولم تضيف شئ يذكر لخبرات المهاجر الشمالي، عكس مشردي الاغلبية المهمشة الكانت هجرة اغلبيتم للغرب او بالتالي مردود الكسب المهني اعلا بما لايقارن بالشمالي المهاجر لي بلاد كالسعودية، قطر وماشابه من مشيخات بدو العرب!
هناك خطوات محددة يمكن اتخاذها، لكبح جماح انفراد الجلابة من جديد، وذلك باستلاف فكرة الAffirmative action المعمول بيهو في امريكا، للتقليل من انفراد افراد الاغلبية البيضاء بكل شئ، لانو افراد الاقلية لم يجدو ولايجدون ذات الفرصة المتاحة للتاهيل، لافراد المجموعة المهيمنة، وعلي حساب الاقليات المضطهدة، او بالاخص السود الزينا!
طبعا في امريكا، في الحتة دي حدثت لعبة كبيرة جدا، بحكم تركيبة امريكا السياسية والاقتصادية، حيث اتضح استفادة النساء اليهوديات من مشروع الAffirmative action باكثر من السود، الاصلا من المفترض المعنيين بالتصميم ده.
لامخرج من الالتزام بالاساس الاقليمي الجغرافي لتوزيع حصص السلطة والثروة، بغض النظر عن خارطة تحرك السودانيين في اقاليم بلدم بحرية.
بمعني، لو في جعلي قرر يقيم في كاودة، في جبال النوبة، والمنطقة دي تابعة لي كردفان، فمن حقو طبعا ينافس مع الاخرين من سكان منطقتو علي اي موقع، في السلطة المركزية وفق حصة اقليم كردفان علي المستوي المركزي، باعتبارو كردفاني اصيل زي غيرو، لو استوفي شرط الاقامة في كاودة!
نعم شرط الاقامة هو الاساس، عشان واحد زي الصادق المهدي، مقيم في امدرمان، ما يروح مرسل لامؤاخذة "سروالو"، بلا "تكة"، لي جزيرة ابا، للفوز بالانتخابات، كما هو الحال الان!
مفهوم ده شمالي او بالتالي "ود بلد" او داك "غرابي" او بالتالي جا من تشاد، كلو كلو حينتهي والي الابد، لنصبح كلنا سودانيين علي قدم المساواة، للمرة الاولي علي الاطلاق او بالتالي تتوقف حروبنا الغبية العبثية بحق.
ده حيتحقق لمانفكك جرثومة الحرب الحالية، الممثلة في دويلة الاقلية الحنستبدلا بي دولة كل السودانيين.
صدقوني اذا نجحنا في انجاز هذا المشروع، نحن كشعب، مؤهلون لنكون قوة ضاربة في المنطقة بل علي مستوي العالم، يفوق بمراحل قوة او نفوذ مصر، الخطاب رئيس انتخاباتا بتنقلا Live اهم القنوات الامريكية!
نعم ذات نفوذ مصر ده في العالم العربي، احنا بي بساطة او بين يوم او ليلة، ممكن ننجزو داخل افريقيا، بل علي نطاق العالم العربي ايضا ممكن يكون عندنا وجود او بل نفوذ افضل.
من الاسباب لي ده كلو، مخزون الماء الموجود عندنا، كاكبر مستودع في العالم للماء العذب الما عندو بديل كما البترول، فوق لي مؤهلات الفرد السوداني العادي، الكامنة خلف ركام الاستلاب الذي ادي لفقدان الهوية "المناعة"، اي مرض Aids الماثل البنعاني منو كشعب، بل كقوم سود اين ما كنا!.
في امريكا اطفالنا وهذا تقدير غير مؤسس من عندي، مكتسحين فصولم او في المقدمة بي جدارة، علي الاقل في منطقتي.
اتمني المشتغلين بالتدريس في امريكا يهتمو بدراسة هذه الظاهرة الفريدة لي اطفالنا في المدارس الامريكية.
ده مهم للغاية، بالذات لما نضع في الاعتبار النظرة التقليدية للانسان الاسود في امريكا، باعتبارو قاع السلم التعليمي من بين كل اجناس العالم قاطبة!
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: Bashasha)
|
| Quote: وبالتالي فإن المسالة مسألة وقت فقط، فحينما تتقارب نسبة المتعلمين من كل الأقاليم إلى بعضها، سيوفر كل إقليم العدد النسبي مع سكانه للقيام بمهام الدولة، بلا ثورة هامش أو إستخدام أي سلاح آخر غير التعليم..... أو هل ترون غير ذلك؟ |
نواصل مع الاخ حماد:
كلامك اعلاه مفهوم من جانبنا ولكنو مثالي او ما عملي.
اسهل الطرق واقلاها تكلفة، واامنها، هو دك حصون هذه الدويلة والي الابد، واستبدالا بي دولة كل السودانيين، او بعد داك نترك التعليم ياخد مجراه لمداوة جروح او تقيحات هذه الدويلة.
بالعدم مافي ضمان زاتو السودان كوطن يفضل موجود في الخرطة لو عملنا بي نصيحتك دي، لانو ما تراه امامك من جنون by design لو تعلم!
صدوقوني، الغرب والعرب، صممو السودان الحالي بالطريقة دي، عشان يحصل الحاصل امامنا الان، او بالتالي تتامن مصالحم في المدي البعيد.
من ذلك حماية ظهر مصر او ده مهم للغاية نفهمو كده!
غردون قالا عديل من سنين، او ده حجر الزاوية الخفي بالمناسبة رغم واقع الصراع العربي الاسرائيلي المرحلي الحينتهي بالتحالف ما بين ابناء ابراهيم في مواجهة الفرس، ليتواصل صراع البقاء الذي نشب في الدلتا في الالفية الرابعة ق.م، ونبدا الان مرحلة جديدة فيه بوصول الالباني مرسي، كخليفة جديد ل"المسلمين"!
اذن لو فطنت للذي يدور حولنا، او نظرتا ليهو نظرة متعمقة بعيدة المدي، بسرعة عرقك بيخر من الجذع، من المصير المظلم الراجينا، لو تواصلت هذه الدويلة او واصلت عملا.
لاحظ كلامنا هنا عن الدويلة العربية الحالية، او مش رهاب النظام الحالي، المصرين البفكرو بي طريقة تقليدية، يدلقو مويتم الشحيحة كل مرة علي رهاب انظمة هذه الدويلة، الديكتاتورية، مع الابقاء علي كارثة الاب الذي انجب افعي هذا النظام، السامة!
ينبغي ان تذهب هذه الدويلة الان او فورا الي الجحيم، مش فقط نظاما الحالي. ده مهم للغاية، والفرق كلو في نظرتنا القاصرة للامور بالتركيز علي ازالة النظام مع الابقاء علي الدويلة!!
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: Bashasha)
|
Quote: شكل الدولة، حياخد طابع الدولة القومية، ولضمان ذلك، ستكون لامركزية.
علي مستوي المركز، نصيب كل ولاية من ولايات 56م الخمسة حيكون بالثقل السكاني، قس علي هذا كل مواقع السلطة المركزية.
يعني لو سكان "المديرية الشمالية" بعادلو 5% من سكان السودان، يكون نصيبم من السلطة المركزية بي اجهزتا التلاتة، تنفيذي، تشريعي، قضائي، 5% فقط من المواقع دي لاغير.
|
طيب يا بشاشا دا كلام جميل
الثقل السكاني دا حنحسبو كيف، يعنى بالناس الساكنين حالياً أم بأصولهم العرقية.
يعنى هسه الخرطوم دي ومدنى وسنار وبورسودان وغيرها من المدن لمت الناس من كل السودان، فالنصيب الحيتوزع دا حيعتمد على الناس الساكنين في الولاية بصرف النظر عن عرقهم واصولهم وكدا.
ولا كمان حنشوف كل شخص أصلو شنو ونرجعو لي ولايتو وبعد داك لو عندو حقوق ياخدا من ولايتو، يعنى أهلى الحمر والبرتي الساكنين ليهم سنين في القضارف نصيبهم مفروض يكون في كردفان؟
كدي فهمنا النقطة دي يا بشاشا
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: الصادق اسماعيل)
|
| Quote: الثقل السكاني دا حنحسبو كيف، يعنى بالناس الساكنين حالياً أم بأصولهم العرقية. |
الصادق شلوم،
لا اصول عرقية في قاموسنا قط.
البتكلم كده في مرجعية المركزية السودانية اي الافريقية، الانا تلميذ كتابا، بعاني من لوثة مركزية اوربية!
كلنا كقوم سود اين ما كنا في الحزام الاسود الممتد من جنوب اسيا والي افريقيا، عرق واحد احد او ثقافة واحدة تاريخيا!
لهذا ماصدفة كيف سود الهند بقولو انهم اتو من السودان الحالي!
الثقل السكاني يعني الثقل السكاني، فقط، ولاعرق اطلاقا، اطلاقا!
ده خطاب جلابي صرف!
| Quote: يعنى هسه الخرطوم دي ومدنى وسنار وبورسودان وغيرها من المدن لمت الناس من كل السودان، فالنصيب الحيتوزع دا حيعتمد على الناس الساكنين في الولاية بصرف النظر عن عرقهم واصولهم وكدا. |
قطعا!
لاعرق لا اصول!
كلنا عرق واحد او اصل واحد.
| Quote: يعنى أهلى الحمر والبرتي الساكنين ليهم سنين في القضارف نصيبهم مفروض يكون في كردفان؟ |
طبعا لا!
ده فهم او خطاب الدويلة الحالية الاحنا كايسين نبدلو بخلعو من الجذور.
اكرر نحن جنس اصل او ثقافة واحدة.
الخطاب الامبريالي الاستعماري، النازي الابارثيدي by design هو الادخل او زرع هذه المفاهيم المدمرة عن قصد ومع سبق الاصرار، حتي نقتل بعضنا بعضا كما نفعل الان!
جنود جيش كتشنر او هم زاحفين علي امدرمان بعد انكسار الراية الزرقاء، باخراج قلب الجيش بي دردقة المثقفاتي شيخ الدين من المعركة، كانت اهازيجم تقول:
Where the Nigers can go, we can go
نعم كلنا اصلنا من يومنا من طرف حتة "نقرز" ولكن الصياغة المطلوبة لتصميم قنبلة حربنا الاهلية العبثية، او اداتا، دويلة الاقلية، اقتضي واحد شامي متعصب في كراهيتو للسود، يخاطب ذنوجة ناس جعلي "حر" بي صيغة سادة "القبائل العربية"!
ياخي الشامي يتافف من مجرد منظر حروف عربيتو، ممضوغة، بواسطة "سادة" القبائل العربية هؤلاء، ابناء السوداء!
ذات اللعبة القردية دي اعادو انتاجا، مع سادة مخترعي الحضارة الانسانية، اين من يسمون انفسهم ب"النوبيين" حصرا، لافراغ مشروع البديل من محتواه من جديد!
اذن البرقاوي المقيم في العفاض بديار الشايقية بي لغة اليوم، يصبح طوالي شمالي، ينافس علي مقاعد حصة الشمالية اي 5% في السلطة المركزية.
لايهم كثير اصل الزول بالفهم الحالي العقيم السقيم الاوردنا موارد التهلكة، في السودان القادم، قط.
ليه؟
لاننا نكرر كلنا سودانيين علي قدم المساواة!
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: الصادق اسماعيل)
|
Quote:
كدي فهمنا النقطة دي يا بشاشا |
انا حاتبرع ليك بالاجابة عن السؤال ده يالصادق اصلو اخوك في الحاجات دي ديناميكي
هو عايز يقول ليك نظام الحكم وتوزيع المناصب في الدول المتقدمة زي السودان يكون زي أمريكا ، يعني شوف اوباما بقى رئيس
لأنه جعلي من هاواي وانت عارف طبعا الثقل السكاني في هاواي كمان بوش الكبير والصغير شوايقة للطيش
والثقل السكاني بتاعهم في اركنساس معروف مقارنة بالمحس والحلفاويين سكان نيويورك الاصليين اللى ما عندهم أي ثقل سكاني
وزي ما انت شفت في الانتخابات الاخيرة في أمريكا ،كان اول حاجة بيسالوك قبيلتك شنو ؟ عشان يحددوا توزيع كوتات القمح والسكر
وجراكين العرقي
إنشاء الله أكون جاوبتك ، وريحت كمال من الاجابة - قر قر قر قر قر قرقرقر
ولكم الود
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: ترهاقا)
|
| Quote: سلامات ... إذن بالله لو تكرمت اعمل لينا break down تقريبى بنسب توزيع السلطة لكل اقاليم السودان حسب ما ترى ... وشكرا |
امير سلام،
ماعندنا احصائيات اقاليم السودان الخمسة الاصلية عشان نحسب حصة كل اقليم من السلطة والثروة علي المستوي الفدرالي. ولكن دعنا نفترض لتقريب الصورة:
لو قنا عدد اعضاء مجلس الشيوخ في الجهاز التشريعي القادم 200، او نصيب المديرية الشمالية 5% اي سكان المديرية دي 5% من سكان السودان، فنصيب الشمالية في مجلس الشيوخ بكونو 10 ممثلين، او بالتالي ال10 ديل بجو بتقسيم المديرية لي 10 دوائر انتخابية، مثلا حسب الكثافة السكانية مرة اخري داخل المديرية او الاقليم. لو دالاقليم الغربي من حيث السكان بمثل 30% من سكان السودان، فنصيبو في المجلس ده بكون 120 شيخ او نائب مقارنة بي 10 فقط للشمالية وهكذا.
واضح تماما التغيير الجذري الحيحصل لي تركيبة السلطة الحالية!
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: Bashasha)
|
| Quote: واضح تماما التغيير الجذري الحيحصل لي تركيبة السلطة الحالية! |
بشاشا
ابداً ما واضح أي تغيير جذري بحسابك دا.
أي نعم ممكن يكون 30% من غرب السودان لكن بيكونوا بيدعموا في مصالح الأقلية الحاكمة بحكم ولائهم الطاتئفي، شوف كتلة النواب في آخر برلمان منتخب قبل انقلاب الجبهة. شوف نسبة النواب الجو من غرب السودان كانو كم؟ والدولة ظلت نفس الدولة.
عشان كده قبيل قلنا ليك التوزيع لو قائم على اساس نسبة السكان في أي منطقة دي ما بيعنى طوالي قومية الدولة.
امريكا في جهازها التشريعي عندها تمثيل بي نسبة السكان في مجلس النواب، وتمثيل متساوي في مجلس الشيوخ. يعنى اي ولاية عندها نائبين في مجلس الشيوخ بغض النظر عن عدد سكانها، والهدف هو التوازن.
لو مشينا بي نظريتك الجهاز التشريعى حيكون غير متوازن، الولايات الاكبر سكاناً حتحاول تعمل تشريعات لصالحها.
ايضاً لم تتطرق للجهاز التنفيذي، وكيف سيكون في ظل نموذجك.
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: Bashasha)
|
| Quote: مفهوم ده شمالي او بالتالي "ود بلد" او داك "غرابي" او بالتالي جا من تشاد، كلو كلو حينتهي والي الابد، لنصبح كلنا سودانيين علي قدم المساواة، للمرة الاولي علي الاطلاق او بالتالي تتوقف حروبنا الغبية العبثية بحق. |
يا حجر إنت وين؟
يبدو لى اطروحة بشاشا واضحه جدا هنا يالصادق ،ودا مربط فرس الازمه المدمره بلدنا ،لو قدرنا نقنع نفسنا كلنا هنا (السودانيين) بالمناسبه
فى سودانه ما بدورو يسموهم سودانيين لأنو التسميه فى حد ذاتا بتلمهم مع النوير المصورنهم فوق ديل كأنهم ناس كوكب تانى اسمهم السودانيين!!(انا
قاصد النوير بناس الكوكب السودانى) (على سبيل المثال وليس الحصر حفيدة الإمام المهدى الدعت لتغير إسم السودان بعد ما النوير شالو ومشو بيهو!!)
شفت المحن دى ككيف ؟
عقلية حسن بشير نصرسنة60
ياها ذاتا عقلية ابو القاسم محمد إبراهيم سنة70
ياها عقلية البنا سنة 80
ياها عقلية إبراهيم شمس الدين سنة 90
ياها عقلية الصوارمى سنة 2000
ولسه المرايه ما إتكسرت .
رؤية حجر شنو؟ دا سؤال مهم وأنا سألتو قبل كدا فى واشنطن العاصمه لواحد من أنصار سنة حجر اللينينيه(ناس العمال ورأس المال)
وقال لى إنت ما قوى حديثه ما عندى بيك شغله (وأنا راكب تور وحايم فى جنوب غرب سودان اللجنه المركزيه دا)
بشاشا جاوب على السؤال بوضوح وإن دسدس منكم لب اطروحتو وشكلو إقتنع بإن يسوق الفكره من ورا وخطوه خطوه لأنو لقاكم حارنين ضمه فى
الٍإستلابات الهويويه وخفة اليد الثقافيه بلا خجله ولا ادنى تردد فى القتل لذاتك الاصليه عشان خاطر عيون التماهى ال م ع ف ن .
اي يا صديقى درجم حبه ..حبه وخطوه خطوه حكاية المرايات وطقطقة الوعى الما يتسماش الناس دى عنيده ومكنكشه ضمه فى مسألة ولاد عرب !!
وما عارفين العز اصلو افريقى ،والحب كل الحب للبنيه الخلاسيه الزنجيه .
راجنك يا حجر.
باي زا واى مافى زول يجيبلنا سيرة المسنوحه الإسمها الديمقراطيه بكون اوف بوينت. (نحن دايرلنا ديمقراطيه برانا) عشان نعرف سبب اذانا ودواسنا.
ارقدو شوافين وتشكر يا حجر على السوعال وتشكر يا بشبش على الغتغته الافريقانيه الجايه فى شكل منقه .
السودان لكل السودانيين.
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: فارس موسى)
|
| Quote: أي نعم ممكن يكون 30% من غرب السودان لكن بيكونوا بيدعموا في مصالح الأقلية الحاكمة بحكم ولائهم الطاتئفي، |
الصادق،
اذا الاقلية نصيبا كلو لن يتعدي ال5% علي كافة مستويات السلطة والثروة، فكيف حتظل برضو حاكمة؟
احنا ضربنا مثل بالجهاز التشريعي ولم نتطرق للسلطات الاخري الحتكون علي ذات النسق، فوق لي قانون Affirmative Action يمنع نهائي انفراد الاقلية باي شئ.
علي اي مستوي للسلطة لازم نضمن تمثيل نسبي متكافئ لكل اقاليم السودان، عشان نقفل الطريق امام انفراد الشماليين "الجلابة" بكل شئ زي ما حاصل الان.
اذن من اساسو مافي حينها اقلية مهيمنة، طائفية ولاغيرا، عشان ال30% من نواب الاقليم الغربي يكونو من جديد مجرد ادوات لسلطة الاقلية زي ما حاصل الان!
ده مجرد تصور مسبق في ذهنك والسلام.
الوعي الحالي او طريقة التفكير حيستمر، مرحليا او ده طبيعي، ولكن الي حين، حيث تدريجيا حيتبلور وعي بديل اصلا مركوز او موجود بالمناسبة، صاغتو الثورة الام، ولكنو مقبور الان.
تغيير بنية الدولة، كاساس لكل اشكال البناء الفوقي الاخري، سيرفد ميلاد وعي جديد، حتما.
| Quote: شوف كتلة النواب في آخر برلمان منتخب قبل انقلاب الجبهة. شوف نسبة النواب الجو من غرب السودان كانو كم؟ |
اخر برلمان قبل انقلاب الجبهة، كان بعض مؤسسات دويلة اقلية، عكس الدولة القومية القادمة، الفيها نصيب الكانو مكوشين علي 95% من السلطة، والثروة حيكون بالارقام 5% فقط!
اذن انت بتسقط معايير الدوم علي المنقة هنا!
| Quote: لو مشينا بي نظريتك الجهاز التشريعى حيكون غير متوازن، الولايات الاكبر سكاناً حتحاول تعمل تشريعات لصالحها. |
تحدثنا عن مستوي واحد من مستويي الجهاز التشريعي كمثال لتوضيح الفكرة.
احد المستوين بكون طبقا لحجم السكان، والاخر بالتساوي.
فمافاهم المشكلة وين؟
| Quote: ايضاً لم تتطرق للجهاز التنفيذي، وكيف سيكون في ظل نموذجك. |
غرضنا ندي نبذة عن تصورنا للبديل، مش نقدم طرح كامل شامل مفصل او كده.
الجهاز التنفيذي علي مستوي الرئاسة، مرحليا ممكن يكون دوري، تتناوب الولايات في رئاستو، حتي نقطع الطريق امام استفادة او توظيف الاقلية لي ريع انفرادا بكل شئ علي مدي اكثر من نصف قرن.
بخلاف كده مادون مستوي الرئاسة في الجهاز التنفيذي ينبغي ان يخضع لي قانون التمثيل النسبي وفق الثقل السكاني لكل ولاية، خضوع كامل او شامل، مع الاحتياط بتوظيف الية الAffirmative Action لمنع تسلل افراد الاقلية من جديد، باسم الخبرة والمؤهل لمواقع السلطة بما يشكل انفراد من اول او جديد بدا باكثر الولايات تضرر او حرمان في عهد دويلة الاقلية لنضمن بالطريقة دي مرور اقلاه 16 سنة اي 4 سنوات رئاسة لكل اقليم من الاقاليم الاربعة، او بعد داك نستخدم اسلوب الحر المباشر لانتخاب راس الجهاز التنفيذي اي رئيس الجمهورية.
لو ملاحظين قنا 4 ولايات او تعمدنا حرمان الاقليم الشمالي الخامس، الانفرد بالسلطة مرة اخري ولو ل4 سنين فقط!
مجرد ما الغرب، ثم الشرق ثم الوسط اخدو دورتم، طوالي نلجأ للحر المباشر او نتجاوز الاقليم الشمالي الخامس، لانتخاب رئيس الجهاز التنفيذي. لايهم حينها من اي اقليم اتي!
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: أمير عثمان)
|
| Quote: على اساس عرقي ام على اساس فكري |
علي اساس ولائي من ولاية اي اقليم او مديرية.
نعم، بالله لو كانت لجنة لي تصليح الفول للعشاء في القصر الرئاسي، اللجنة دي لازم تكون بالتمثيل النسبي للولايات!
اذا لجنة تصليح الفول مكونة من 5 انفار، اذن نفر من كل ولاية!
اذا 6 فنفرين من الولاية الاكبر سكانا وهكذا!!
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: Bashasha)
|
فارس موسي مشتاقين، او وين الحي بيك؟
| Quote: فى سودانه ما بدورو يسموهم سودانيين لأنو التسميه فى حد ذاتا بتلمهم مع النوير المصورنهم فوق ديل كأنهم ناس كوكب تانى اسمهم السودانيين!! |
هذه حقيقة، ولهذا ما صدفة كود "سوداني" تعني شمالي تحديدا!
ده معني تعبير "ودبلد"!
ده اس البلاوي في بلدنا، ولكن يا قول بامسيكا، الراسو بوجعو، الجماعة بربطولو كراعو كعلاج!
اقصد لامعني لي شعار اسقاط النظام فقط مع ابقاء الدويلة الانجبت النظام.
ينبغي ان ينتقل النقاش بكلياتو الي جبهة ازالة الدويلة وليس فقط النظام، عشان نرجع تاني من اول اوجديد للمربع الاول!
من وين، عمر تاني، نجيبو؟
بالطريقة دي البلد ما حيفضل فيها نفاخ النار، او ان فضل فيها نفاخ نار هي لي روحا حتختفي ضمة، من الخرطة!
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: Bashasha)
|
الم تكن المجالس التشريعية تنتخب بالدوائر الجفرافية أى حسب نسبة السكان فى السابق؟
امير،
ماتم في السابق من انتخابات كان في اطار دويلة مملوكة لاقلية.
لدرجة كان عادي بجيبو المرشح الشمالي للدائرة المعنية في دارفور مثلا، فقط لادخالو البرلمان لمصلحة تنظيم من منظومات الجلابة!
مش كده او بس، وانما اسرة واحدة جلابية هي اسرة ال المهدي، تمكنت من اخضاع الاقليم الغربي كله، لسطوة او سلطة اقلية الجلابة، بينما اسرة جلابية اخري قامت باخضاع الشرق كله، ممثلة في ال الميرغني، لي سطوة الجلابة!
نعم المؤسسات الحزبية الحالية حتستمر لبعض الوقت او ده طبيعي، ولكن في خضم تغيير جذري في بنيتا بالتدريج، ربما الي حد التلاشي تماما، او اقلاها التحول بما يناسب التحول التما لي هيكل الدولة.
لازم نتذكر كيف الدويلة الحالية، تصميما علي الورق او تنزيل هذا التصميم لارض الواقع اخذ من مهندسي الاحتلال اكثر من 50 سنة، ليكتمل في 56م، اخيرا، عندما اخذ الاحتلال عصاه او رحل، او هو بصفر بي مزاج من النشوة!
نعم السمع نعوم شقير، حينها في الحمام يغني بالصفير مع الكاشف "البلال وين"، من فرط النشوة ما كضب!!!
عيييييييييييك!
يعني اديها تاني 50 سنة من اليوم، وفق هذا النظام الجديد، او حتلقا دويلة الاقلية اتبخرت تماما!
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: Bashasha)
|
الأخ/ بشاشا
تحياتي
| Quote: اسهل الطرق واقلاها تكلفة، واامنها، هو دك حصون هذه الدويلة والي الابد، |
بصراحة أختلف معك تماما في كيفية دك حصون دويلة ( الجلابة)، كزعمكم، بالرغم من أن مفهومي
للفظة الجلابة قبل أن أقرا لكم وللعضو عزام، كان يختلف تماما عما تعلمته منكما، فالجلابي كانت
بمفهومي لفظة عادية وإسم عادي، ولو وقفت بسوق برام مثلا وقلت يا الجلابي، لظهر لك عدد من الناس
المحترمين، تجارا ومعلمين، لأن إسم احدهم الجلابي، او لأنه يعرف شخصا محددا إسمه الجلابي. كذلك
كلمة غرابي، لم أفهم معناها الآخر إلا من من قراءتي لما سطرتما، يعني تغيير مفاهيم للأسوأ.
أما زوال الدولة القائمة والطرق المناسبة له، فإن (الدك) كزعمكم قد كلف السودان كثيرا، بل وملايين
البشر ماتوا ربما ( فطايس) كزعم كبيركم الذي علمكم السحر، ( فدك ) دولة المهدية والتي كانت تمثل
( الغرابة) جزافا، قد كلف الإستعانة بالمستعمر والتعاون معه لإستبدالها بدويلة ( الجلابة) الحالية حسب
وصفكم، وكيما يتم تغيير ( الدويلة) الحالية، فقد تعاون الجنوبيون والغرابة مع كل شياطين الدنيا
( لدكها) كزعمكم ولما يفلحوا حتى هذه اللحظة، إذن ( الدك) مكلف جدا، بينما أسلوب الإزاحة بالتعليم
هو الأجدي والأنفع، ولتقريب الصورة لكم، كيف وصل أوباما ( النقرو) لحكم ( البيض والنقرو وغيرهم) ؟
هل وصل ( بالدك) ام ( بالإزاحة).
فالعلم يرفع بيتا لا عماد له *** والجهل يهدم بيت العز والشرف.
ولولا بقية من حسن الخلق وصفاء النفس، لقلت بأنك أنت بشاشا شخصيا تعمل على دعم إستمرارية الدولة
السودانية بشكلها الحالي كما أسميتها بنفسك حكرا ( للجلابة) وبمفهومك العنصري، وتزين للناس ( الدك)
لأنه هو الطريق المستحيل في ظل عدم تكافؤ الفرص وإختلاف الحروب المفتعلة ما بين حرب المدن والحرب من
الأطراف، لتفقد الهوامش فلذات أكبادها في حروب عبثية، لأنك تعلم تماما بأن كل أو معظم معارك الأقاليم
فإن الموتي فيها من الطرفين هم أغلبية من أبناء الهامش!!!
صدقني يا بشاشا أنا على يقين لو أن الهامش وتحديدا دارفور، لو لم تدخل هذه الحرب من البداية، لتغيرت
تركيبة الحكم سلميا خلال ( العشر) سنوات الماضية، أما حاليا فقد تخلفت دارفور (200) سنه، ولتهنأ الدولة
الحالية بنفس تركيبتها ( الجلابية) بمفهومك أنت إلى ما لا نهاية فقد مرت خدعة ( الدك).....
بالمناسبة عطفا على مداخلة الأخ/ آدم العمار، فإن كلمة ( قلاجة) في مفهومنا،أيضا كلمة بسيطة في معناها،
ككلمة ( جلابي) ولا تحمل أي معني عنصري، فما معناها في مفهوم بشاشا ومن يمثلهم؟؟؟
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: حماد الطاهر عبدالله)
|
الاخ حماد الطاهر عبدالله
سلام
Quote: بالمناسبة عطفا على مداخلة الأخ/ آدم العمار، فإن كلمة ( قلاجة) في مفهومنا،أيضا كلمة بسيطة في معناها،
ككلمة ( جلابي) ولا تحمل أي معني عنصري، فما معناها في مفهوم بشاشا ومن يمثلهم؟؟؟
|
اخي انا اعلم تماما ان كلمة ( قلاجة ) لا تحمل اي معاني عنصرية و كما كلمة ( جلابة ) ايضا لا تحمل اي معني عنصري
و كنت دائما اعيب على بشاشا و غيره استعمالها في غير مكانها المناسب .... و تحميلها قسرا ما يوحي بأنها
كلمة عنصرية .... و دائما مداخلالتي مع الاخ بشاشا بتكون محددة في اننا عايزنه يحدد لينا مين هم الجلابة في نظره
هل هم قبايل معينة و محددة ..... اذا كان ذلك كذلك عايزين منه تحديد هذه القبائل و من اين اتي وصفهم بهذه الكلمة
دون سواهم .....و ما الذي يجمهعم دون سائر خلق الله في السودان ....
و بعد قراءة بتمعن لكتابات بشاشا اكاد اجزم بأنه يقصد ( القبائل العربيه الشمالية ) و بالتحديد جعليين و شايقية
و مناصير و بديرية و كمان كبابيش لأن في الشمالية كبابيش ايضا .....
و كلمة جلابي التي اعرفها تماما منذ نعومة اظافري كانت تطلق على التجار فقط ... بصرف النظر عن قبيلته
بمعني اخر يعني اي تاجر يجلب السلع و البضاعة هو جلابي و دخل في الامر حتي اصحاب اللواري و العربات
التجارية كنا بنسميهم جلابة .....
و بالتالي ترسخت الكلمة عندنا بمعناها البسيط التجار لا اكثر يعني التجار من النيل الابيض هم جلابة
و التجار من الجزيرة هم جلابة و التجار من شرق السودان هم جلابة و كذلك التجارمن الشمال النوبي
حلفاويين و محس و دناقلة كلهم جلابة و انضم اخيرا الي هذه الفئة مجموعة من ابناء غرب السودان الذين انخرطوا
في الاعمال التجارية ....
و اذكر عندما كنا صغارا عمال و موظفي السكة حديد من الشمالية لا نطلق عليهم كلمة جلابة ....
و لكن تحول الامر الان لتشمل كلمة جلابة كل من هم من الشمالية عرب و نوبة .... و طبعا
هذا ما اراده العنصريون ليفرقوا بين السودانيين اثنيا .... و ارادوا ان يجمعوا كل اهل الشمال
في وصف واحد و لم يجدوا غير كلمة جلابة ليحققوا بها مرادهم ..... و للاسف انساق عدد كبير جدا
من الناس وراء هذه الخطة الجهنمية و بالتالي ادي ذلك لتغيير معني جلابة في نظر كثر ...
اما كلمة ( قلاجة ) فأنا اعرفه جيدا و لكني في انتظار بشاشا عشان يجيب لينا معناها
حسب مفهومه العنصري اكيد هو حتي الان بفتش في معناها ولا داير يفصل ليها سروال قدرها
حسب فكرة العنصري ....
و انا على يقين اخي حماد انت تعرف معناها و الذي لا يختلف عن المعني الذي اعرفة
و لكن خلينا ننتظر بشاشا ليدلوا بدلوه في هذا .......
اخيرا انا فقط اريد ان اثبت ان كلمة جلابة غير عنصرية ... و لا تعني غير التجار و اصحاب
الاموال .... و لا تعني باي حال من الاحوال مجموة اثنية محددة ......
و عند بعض الناس تعني كل الشماليين بما فيهم النوبييين .... و هولاء اصحاب اغراض دنيئة
ان لم نحاربهم و نواجههم ح يوصلوننا الى ما وصلت اليه يوغسلافيا .... عندما دمروها
بايدي ابنائها .... والا ما هو سبب اقتتال الصرب و الكروات ان كانوا هم جميعا اعداء
للبوسنيين .... و الان الكوسوفيين في الطريق ..... اذا طريق العنصرية الذي يذكية
بشاشا و العنصرية المضادة لن توصلنا الي اي مصير غير مصير يوغسلافيا .....
علينا جميعا مواجهته و العمل على تبصير الناس بما ستاؤل اليه حالنا .....
اشكرك على الرد ....
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: حماد الطاهر عبدالله)
|
يا بشاشا ما تعملا على أساس القبيلة بدل الإقليم، عشان نضمن العدالة بصورة أدق، نشوف عدد القبايل العندنا وكذلك عدد المواطنين في كل قبيلة و نكوّن "مجلس الشيوخ" من ممثلين لكل قبيلة حسب كثافتها(عدد الشيوخ يحدد لاحقابعد جرد القبايل)، و نلزم كل أفراد قبيلة باختيار ممثلهم من القبيلة فقط، يعني زول زي ياسر عرمان دا ما يجي يخرب لينا الرصة وكذلك على الحاج . نقضي علي فكرة الحزب السياسي قضاءً تاما عشان ما تلخبت لينا الكيمان و تعمل ليناصَبَلّجة بتاعة علاقات بينية بين القبايل تتسبب ليهافي قومية أو تعويق زي دا يبدأ بعدهااستهبال حفنة من القبايل باسم تلك القومية للسطو على حقوق غالبية القبايل الأخرى..والقبايل برضو تلتزم بأماكنها الجغرافية حتي يسهل الحصر و توزيع موارد الدولة بسهولة و يسر.
تنبيه لا بد منو: لازم لكل قبيلة ان تعمل على توفير الامان لاي فرد فيهاعشان ما تتسرب ليها فيروسات الصراع الطبقي، لكن كمان لو أعضاء "مجلس الشيوخ" ختوا ريسينهم مع بعض و لهتهم كراسيهم عن مصالح قبايلهم وعملو قبيلة جديدة ترعى مصالحهم هم تبقا حكاية.
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: Showgi Omer)
|
Quote: يا بشاشا ما تعملا على أساس القبيلة بدل الإقليم، عشان نضمن العدالة بصورة أدق، نشوف عدد القبايل العندنا وكذلك عدد المواطنين في كل قبيلة و نكوّن "مجلس الشيوخ" من ممثلين لكل قبيلة حسب كثافتها(عدد الشيوخ يحدد لاحقابعد جرد القبايل)، و نلزم كل أفراد قبيلة باختيار ممثلهم من القبيلة فقط، يعني زول زي ياسر عرمان دا ما يجي يخرب لينا الرصة وكذلك على الحاج . نقضي علي فكرة الحزب السياسي قضاءً تاما عشان ما تلخبت لينا الكيمان و تعمل ليناصَبَلّجة بتاعة علاقات بينية بين القبايل تتسبب ليهافي قومية أو تعويق زي دا يبدأ بعدهااستهبال حفنة من القبايل باسم تلك القومية للسطو على حقوق غالبية القبايل الأخرى..والقبايل برضو تلتزم بأماكنها الجغرافية حتي يسهل الحصر و توزيع موارد الدولة بسهولة و يسر.
تنبيه لا بد منو: لازم لكل قبيلة ان تعمل على توفير الامان لاي فرد فيهاعشان ما تتسرب ليها فيروسات الصراع الطبقي، لكن كمان لو أعضاء "مجلس الشيوخ" ختوا ريسينهم مع بعض و لهتهم كراسيهم عن مصالح قبايلهم وعملو قبيلة جديدة ترعى مصالحهم هم تبقا حكاية. |
وجهة نظر برضه ... 
لك التحية أخى شوقى ...
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: أمير عثمان)
|
| Quote: يا بشاشا ما تعملا على أساس القبيلة بدل الإقليم، |
شوقي عمر سلام،
من السهل الانجراف خلف هذا الاسلوب لانو في الظاهر عملي او مباشر، ولكنو مدمر للغاية، بل يهزم فكرة دولة بديلة من الجذور، لو تعلم.
تكريس القبلية، بفكك مفهوم دولة ذات نفسو، لانو شكل الدولة هو المرحلة اللاحقة اللتي تلت تشكيلة "قبيلة" كمرحلة تطور في ثقافتنا، تجاوزناها منذ اكثر من 5,000 سنة.
الي هذا التاريخ بعض الدول العربية لم تبلغ مرحلة الدولة في تطورا بي صورة كاملة في تاريخا كلو، وان كانت شكلا، حيث البناء القبلي هو الاساس كما في جنوب الجزيرة العربية او دول الخليج، وهذه كارثة!
نحن حصلت لينا ردة، فعدنا من جديد لي مشارف البناء والوعي القبلي المدمر جدا.
اي تبني لمعيار قبلي في المرحلة القادمة، حيكون وبال علي تطورنا او مستقبلنا في عالم، مفهوم القبيلة لدي زعامة هذا العالم، علي مستوي الفرد العادي، تحول الي مجرد زائدة دودية والسلام!
هلري كلنتون مثلا، ماهي ياتري قبيلتها؟
كلام غريب طبعا او شاذ!
اطلاقا ماعندها مثقال ذرة، وعي قبلي!
قس علي ذلك شعوب كل الدول الواصلة، ستجد من القواسم المشتركة بينم، وعي عميق بالذات "هوية" مع غياب تام للوعي القبلي!
نعم من السهل جدا، نقول الشايقي ولا الجعلي ولا الدنقلاوي اين ما كان في السودان اي بغض النظر عن الاقليم الهو مقيم فيهو، او بما انو صاحب حظوة سابق بالميلاد كجلابي، فباستمرار حنخت بالنا عليهو حتي لاينفرد هؤلاء من جديد باي شئ!
هذه كارثة بالطريقة دي.
علينا ان نتعجل احداث التغيير المطلوب، بدك حصون ارث الدويلة الحالية، ثقافتا او طريقة التفكير، لنشيد علي انقاضا، دولة البديل.
والنظام سكة حياتنا، مهما، درب السكة طول!
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: Bashasha)
|
و إن نظرنا لكلمة جلابي من منظور تراجي مصطفي و محمد سليمان لوجدنا ان كمال بشاشا زات نفسه اكبر جلابي و قد لا يجد ما يسعفه لنفي التهمة عنه ان كانت كلمة جلابي تهمة .
ادم العمار سلام،
مفردة جلابي ولا اي مصطلح اخر، كل زول حر يستخدمو بالطريقة البتعجبو، فما تقوم نفسك، لو بشاشا استخدم المفردة بي طريقة غير معهودة عندك.
في غرب السودان الجلابي هو ود البحر، او مفهوم ود بحر ولاحتي مندوكورو، اساسو قديم جدا جدا، في تاريخ ثقافتنا، حيث اطلقه اجدادنا علي اجداد مرسي الالباني خديوي مصر الجديد، "زمن حفرو البحر"!
مقولة زمن حفرو البحر، ايضا تاريخية او واقعة حصلت منذ اكثر من 5,000 سنة بالمناسبة، حيث تم تحويل مجري النيل في الدلتا بمصر ابنة السودان الكبري حينها!
عمل خارق لاشك، يوضح عظمة وجلال حضارتنا، كاول حضارة علي ظهر هذا الكوكب، او بعد ده ناس ادم العمار، او بريمة ادم، عاملين فيها عرب، شغل خجل او استحياء من ذاتم الذنجية، لانهم حقيقة زي غيرم من السود ما بعرفو شئ يذكر عن انفسهم او ثقاتم، خارج اطار تنميط الغزاة الاجانب للانسان الاسود، الملعون في كتبهم السماوية عديل كده!!
الجلابي يا ادم، هو الشمالي في قاموس بشاشا، الموطنو الاصلي يقع ما بين حوش بانقا او حلفا.
الشمالي في قاموسنا سوداني زي غيرو، اي تحديدا ذنجي زي غيرو من السود.
عارفك بتكش من مفردة ذنجي، ولذا تتوهم العروبة!
عشان كده اصرينا علي استخدام المفردة هنا.
لذا نطلق علي الوعي الماثل او طريقة التفكير الحالية في بلدنا، اسم:
الوعي الجلابي.
ابرز سمات هذا الوعي، وهم العروبة!
وهم العروبة السرطاني هذا، هو اساس كل البلاوي في بلدنا، وهذا الوهم جرثومة حرب، نعم لم يخترعها مهندسي الاحتلال، وانما اعادو تركيبتا في معاملم البيولجية، وهم قوم لديهم القدرة والخبرة الكافية علي اعادة تركيب الميكروبات، واستخداما كسلاح بيولوجي.
خير مثال هو فيروس الAIDS الذي تم تركيبه في المعامل كجرثومة حرب!
اذن وهم العروبة هذا هو فيروس AIDS السودان الحالي، البتمثل الدويلة العربية الحالية، دور الحاضن والمفرخ لهذا الAIDS الذي حصد ارواح الملايين!
نعم كل متوهم عروبة في السودان، حقيقة مصاب بهذا الAIDS!
علي راس هؤلاء الطيب مصطفي او ود اختو البشير!
نعم البشير الكان بعاتي بعث اصلا او مش كوز، رجل مصاب بهذا الAIDS!
كيف ما كنتم، يولي عليكم!
والAIDS اصلا مرض فقدان مناعة.
بي كده كل فاقد للهوية هو حقيقة فاقد للمناعة!
هذه حقيقة!
نعم كل متوهم عروبة حقيقة بعاني من مرض فقدان الذاكرة الثقافية، او بالتالي فقدان المناعة!
ذاكرتك الثقافية هي مناعتك حقيقة، ثقافيا.
من دون وعي بالذات كما هو حال الياباني ولا الالماني في عالم اليوم، فانت فاقد للمناعة، او بالتالي مريض AIDS!
عييييييييييييييك!
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: فارس موسى)
|
Quote: الجلابي يا ادم، هو الشمالي في قاموس بشاشا، الموطنو الاصلي يقع ما بين حوش بانقا او حلفا.
|
بشاشا سلامات
هذا ما وددت سماعه منك .... يعني انت ضمن من تسميهم جلابة حسب الاقليم الجغرافي الذي حدته انت
و لكن قد يتبادر الي اذهان الناس سؤلا يحتاج الى اجابة .... هل انت ضد هولاء الجلابة و لماذا
تسوق نفسك نصير لمطالب المهمشين او الاغلبيه الما جلابة ديل ؟.... هل هي صحوة ضمير .....؟
ولا انت بتخطط كجلابي لتكون زعيما لهولاء المهمشين برفعك لواء الدفاع عن حقوقهم و مطالبهم
ليزفوك قائدا و ينصبوك زعيما عليهم لانك و بالبارد كدة عايز تقول ديل لا يمكن ان يتقدموا علينا
كجلابة و بما انهم اغلبية فيجب ان ندغدغ مشاعرهم .... لنعود نحن ايضا لمركز القيادة و الريادة
كجلابة .... فالوعي الجلابي عندك يبرر لك الوسيلة مهما كانت فانت انتهازي من نوع اخر ......
ترفع شعار المهمشين و المطحونين للوصول لنفس موقع القائد الذي لن ترضي انت الا ان يكون جلابي بمفهومك
اما الذين يطبلون لك و يصفقون فأن افقهم عاجز عن النظر لما بعد الخطوة و ذلك هو ذانه ما تسميه استلابا
او قل تقليل من قيمة الذات و خنوع و احساس بالدونية تجاه كل ما هو جلابي ......
Quote: وهم العروبة السرطاني هذا، هو اساس كل البلاوي في بلدنا، وهذا الوهم جرثومة حرب، نعم لم يخترعها مهندسي الاحتلال، وانما اعادو تركيبتا في معاملم البيولجية، وهم قوم لديهم القدرة والخبرة الكافية علي اعادة تركيب الميكروبات، واستخداما كسلاح بيولوجي.
خير مثال هو فيروس الAIDS الذي تم تركيبه في المعامل كجرثومة حرب!
اذن وهم العروبة هذا هو فيروس AIDS السودان الحالي، البتمثل الدويلة العربية الحالية، دور الحاضن والمفرخ لهذا الAIDS الذي حصد ارواح الملايين!
نعم كل متوهم عروبة في السودان، حقيقة مصاب بهذا الAIDS!
علي راس هؤلاء الطيب مصطفي او ود اختو البشير!
نعم البشير الكان بعاتي بعث اصلا او مش كوز، رجل مصاب بهذا الAIDS!
كيف ما كنتم، يولي عليكم!
والAIDS اصلا مرض فقدان مناعة.
بي كده كل فاقد للهوية هو حقيقة فاقد للمناعة!
|
ودة نوع من الاستلاب المستعصي جدا .... فحركة التغريب القديمة و الحديثة
اصابت ابنائنا مش فقط فقدان المناعة .... بل اكثر من ذلك ....
و اراك هنا نصبت نفسك ممثل الادعاء و القاضي و اتهمت و اثبت و نفذت الحكم
اما نحن فتمسكنا و التزامنا بقيم ديننا الحنيف هي السد المنيع بيننا
و بين فقد المناعة الثقافية و الاجتماعية ..... فأنظر الى الثقافة الغربيه التي
تعجب بها انت و الفرق الشاسع بينها و ثقافتنا التي تقبلها النفس السوية و العقل السليم
فلما تزعم انت بأنني اجزع لسماع كلمة زنجي ,... كيف عرفت انت ذلك هل انت بتعلم بالغيب
ولا بتعلم بما تخفي الصدور ..... فانا متصالح جدا مع نفسي ..... ولا اجد اي حساسية تجاه كلمة زنجي
او حتي كلمة جلابي التي يقشعر لها بدنك .....
اخيرا اشكاليتنا في طريقة طرح الاراء ... فعندما تطرح رأيك دغري و بدون مراوغة افضل الف مرة
من اللف و الدوران و استعمال غريب اللفظ و التعالي اللغوي ....
( و إن تبدوا ما في انفسكم او تخفوه يحاسبكم به الله ..... ) الاية
| |
|
|
|
|
|
|
|
|
|
Re: الجلابة حسب بشاشا الجلابي (حوار نرجه هادف) ... (Re: adam alamar)
|
| Quote: هل انت ضد هولاء الجلابة و لماذا تسوق نفسك نصير لمطالب المهمشين او الاغلبيه الما جلابة ديل ؟ |
سلام يا ادم،
نعم بشاشا هو اكبر جلابي في السودان كلو، والكلام ده معلن من سنيين في المنبر ده.
فرقي من اي جلابي هو اني قدرت اعزل الظاهرة دي، والتقطا من الخارج بالملاحظة، اي قدرت اوفر مسافة معقولة جدا ما بيني او بين الوعي الجلابي الجواي ده، بما مكنني من تناولو بالملاحظة، لاكتب ما تقرأه انت الان بقلمي عن ظاهرة الوعي الجلابي يا ادم.
علي كده هل بشاشا ضد الجلابة؟
العكس تماما!
بشاشا قلبو علي جلابتو، والبسووي فيهو ده شغل اسمع كلام الببكيك.
بالعدم كيف الواحد يكون ضد اهل بيتو بي معني ان يكون عدو ليهم؟
هذا مستحيل!
اذن بشاشا ضد الوعي الجلابي الجواهو اومش روحو او جلابتو، وليس بنصير للمهمشين، وان بدا شكلا كدا، لانو حقيقة المحتاجين للفزعة هم الجلابة وليس مهمشيهم!
بشاشا بشتبك مع مهمشي الجلابة للاسف غصبا عنو، لما يعترضو سبيلو، مستلبة الجلابة في الهامش، امضي اسلحة الجلابة علي الاطلاق، او سر بقاء سطوتم او نفوذم يالسخرية الاقدار!
كونو بشاشا بقول البغلة في الكفتيرة، ده ما معناه انو ضد البغلة او الكفتيرة، بقدرما وضع بغلة بي حالا داخل كفتيرة، باعتبارو غريب شاذ او بالتالي خطأ!
حيجي يوم او كلامنا ده حيقع للجلابة، ولكن بعد فوات الاوان.
البسوو فيهو جلابتي حقيقة خطر عليهم هم، او تمنو افدح بي مراحل من التمن الدفعو مهمشيهم، لو استمرا الحال كده، والخاسر هم حقيقة لاسباب عديدة جدا!
اذن بشاشا اعتبرو ازرق الجلابة، الذي يري شجرا، يجك، قايم فللي، عاضي العراقي كمان، مش يسير فقط!
نعم شجر او لابس عراقي!
| Quote: ولا انت بتخطط كجلابي لتكون زعيما لهولاء المهمشين برفعك لواء الدفاع عن حقوقهم و مطالبهم ليزفوك قائدا و ينصبوك زعيما عليهم |
يا ادم، او ليه بس من اول اوجديد الزعيم برضو جلابي؟
اليست هذه دونية من قبلك؟
بعدين وفقا لي تصورنا المعلن كل اقليم حيحكم روحو او بالتالي كل ناس منطقة بعينها حيكونو بي زعماهم، او بعد داك فليتفق الجميع بمحض اختيارم مش بي جبر الانفراد، علي اختيار زعيم للسودان اذا لابد من تفكير عقيم كهذا من الاساس!
من دون كل شعوب الارض، كحضارة، مافي شئ دق بينا الدجلة، نزلنا من سابع سما والي قاع هذه الهوة، زي مفهوم زعيم المركوز في جوف كل منا!
في ثقافتنا، المنقذ للفرد هو شيخو، تاريخيا او منذ عصر الاهرامات ده كان الحال.
في عصور الردة كما حالنا الان، المجرمين منا بستغلو الارث ده ابشع استغلال كما في حال ال المهدي وال الميرغني!
اعرف الكثير عن غنج غرور او استعلاء او فشخرة ال المهدي بل وال التعايشي!
نعم حتي في امريكا احدهم يكتب في جرايد هنا، انو مصطفي او مختار او مميز عن بقية خلق الله الزينا في السودان، لانو جدو الرسول زاتو!!
ده كلو لانو جدو التعايشي، "الغرابي الحاقد" في نظر احقر جلابي، خليك من الامركان!!
كلامك مهم، لحظات ونواصل....
| |
|
|
|
|
|
|
| |
الرفاعي عبدالعاطي حجر
Asim Fageary
Bashasha
مجاهد عيسى ادم
ترهاقا
الصادق اسماعيل
ادم شحوتاي
حماد الطاهر عبدالله
أمير عثمان
فارس موسى
Showgi Omer
فيس بوك
تويتر
انستقرام
يوتيوب
بنتيريست