|
|
 الفط.. فى سودانيز اون لاين...
|
يعنى فى بنابر الكترونية تانية بكون عندو مبرر, واسباب معلومة للطرفين,
وقد تكون الفطة رسالة واضحة لـ حنق اوغضب مكبوت لأجل موقف ما, ما هو السبب
هنا, ياترى, ولم نكحل اعيننا بجمال الاعضاء ولا بمعرفتهم الى اللحظة؟
|
|
 
|
|
|
|
|
|
|
 Re: الفط.. فى سودانيز اون لاين... (Re: منال)
|
تعرف يا دكتور من مآسي هذا المنبر انه عقّد مشكلات البعض
النفسية , عموما في علماء هنا ودي سودانيز اون لاين وقد
جمعت كثير من اصحاب النرجسية واعطتهم باص فحسبوا انهم
علماء بحق وحقيقة ... انسى وبس زمان كان بقولو البنساك
تنساه وفي مثل بس بأجلوا حتى نتأمل .
.............................................حجر.
| |
|
|
|
|
|
|
|
|
Re: الفط.. فى سودانيز اون لاين... (Re: معتز مقبول)
|
Quote: الفط عادي هنا ما تشتغل بي زوول انت زاااتك خليك فاطي.بكل بساطه والله سلام
|
المقبول, حبابك, تصدق انا ما بقدر افط زول, نهائى, مهما كان شكل مداخلتو وشتارتا, والبوست ده ما عشان اتفطيت, بشكل شخصى,لكن لكى يبقى الحوار مثمر ,لازم الزول, يعبر الناس ويشارك بفاعلية فى مواضيعو, ولو بعد يومين, تلاتة , جا راجع ورد على المتداخلين حتى لو مداخلة وشكرهم , يبقى كفاية,
| |
|
|
|
|
|
|
|
|
|
Re: الفط.. فى سودانيز اون لاين... (Re: معتز مقبول)
|
الأخ محمد عوض أحمد (مشكل)
الفط في سودانيز أونلاين كتير جداً
وبالذات إذا لم تكن لديك علاقة أو معرفة مع صاحب البوست المعني أولم يسبق لكما التداخل والتحاور من قبل!
أحياناَ بعض المداخلات الجادة والتي يمكن أن تضيف الكثير لموضوع معين تضيع هباءً بينما تجد المداخلات غير المفيدة إطلاقاً حظها من النقاش والتعليق..
تحياتي
| |
|
|
|
|
|
|
|
|
 Re: الفط.. فى سودانيز اون لاين... (Re: حاتم محمد حاج المهدي)
|
Quote: الأخ محمد عوض أحمد (مشكل)
الفط في سودانيز أونلاين كتير جداً
وبالذات إذا لم تكن لديك علاقة أو معرفة مع صاحب البوست المعني أولم يسبق لكما التداخل والتحاور من قبل!
أحياناَ بعض المداخلات الجادة والتي يمكن أن تضيف الكثير لموضوع معين تضيع هباءً بينما تجد المداخلات غير المفيدة إطلاقاً حظها من النقاش والتعليق..
تحياتي |
اهلين يا حاتم
لا اعرف الا عضو واحد من سودانيز اون لاين, الخوف برضو يجى يفطنى, اتفق معك فى ان مداخلات بعض خفيفى الدم او العكس,
تجد نصيبا ربما اكثر من الموضوع الاساسى للبوست
| |
|
|
|
|
|
|
|
|
 Re: الفط.. فى سودانيز اون لاين... (Re: الرفاعي عبدالعاطي حجر)
|
| Quote: تعرف يا دكتور من مآسي هذا المنبر انه عقّد مشكلات البعض النفسية , عموما في علماء هنا ودي سودانيز اون لاين وقد جمعت كثير من اصحاب النرجسية واعطتهم باص فحسبوا انهم علماء بحق وحقيقة ... انسى وبس زمان كان بقولو البنساك تنساه وفي مثل بس بأجلوا حتى نتأمل . |
سلامات يا حجر, يعنى فى نوعية شايفا انو ارائها المفروض تكون قاطعة وينبغى ان ننظر الى كتاباتهم كـ نصوص مقدسة, تجيهم فى البوست, وتقول آمين, حتى يردو عليك..؟ بالمناسبة, اخوك ما دكتور, زول ساى والله,
| |
|
|
|
|
|
|
|
|
 Re: الفط.. فى سودانيز اون لاين... (Re: منال)
|
| Quote: سلام يامحمد انا جيتك عشان حسيت راس السوط هبشنى بالنسبة لي بحاول ارد على كل المداخلات لكن مرات بتكون المداخلات كتيرة ووراء بعض وبالذات لمن البوست يكون وصل الصفحه التانيه مابلاحق على الردود وبغلبنى ارد عليهم كلهم وماتشوفو اسمى فى الحضور انا بكون فى المطبخ يعنى اجى اعمل مداخله وارجع خصوصا انى أم لأطفال والمشغوليات كتيره لكن بحاول ارد عليهم كلهم فى مداخله وحده لكن فى مداخلات بفطها بمزاجى لانها مابتستحق يردو عليها |
مرحب بيك يا منال... ومادام انتى ام , مسموح ليك تفطى زى ماعاوزة, بس ما تعمليها واضحة, ربنا يديك العافية,
| |
|
|
|
|
|
|
|
|
|
Re: الفط.. فى سودانيز اون لاين... (Re: مُحَمَّدٍ عِوَضٌ احْمَدُ)
|
الاخ محمد عوض و الحضور الكريم
اجمل تحية
كلامك في بداية البوست هو وصف دقيق لظاهرة الفط او التطنيش مع تلخيص حقيقي اختزل كل مسبباتها في كلمات بسيطة ونقية وايضا مخففة...
ومن وجهة نظري ... فان الاختلاف السياسي والايدلوجي ... والالتزام بمقاطعة اعضاء بعينهم (نتيجة لاتفاق مجموعات محددة بخط او تيار محدد) من اكبر مساوي هذا المنبر
وبحق لا الوم نفسي من هذه الظاهرة ولكن ربما اكون عن قصد انتقاما لموقف مماثل
..........
سعدت بالتواجد هنا
| |
|
|
|
|
|
|
|
|
|
Re: الفط.. فى سودانيز اون لاين... (Re: زهير عثمان حمد)
|
Quote: يا دكتور
نحياتي
الفط عادي بس أنا لما أفط بكون نايم نأسف لاي فط حصل ليكم اصاله عن نفسي و نيابة عن كل الفاطين سطر وأشياء أخري
لك كل الود
|
الاخ زهير,مرحبتين,
طبعا انتا اكتر زول فطاط, فى بوستاتك العجيبة البتكتبها وانتا شايلك حمار النوم دى, الواحد يجيك, تجليهو عادى, وتمشى
لى البعدو,
بالمناسبة تانى:
والله العظيم انا ما دكتور
| |
|
|
|
|
|
|
|
|
|
Re: الفط.. فى سودانيز اون لاين... (Re: تولوس)
|
Quote: الاخ محمد عوض و الحضور الكريم
اجمل تحية
كلامك في بداية البوست هو وصف دقيق لظاهرة الفط او التطنيش مع تلخيص حقيقي اختزل كل مسبباتها في كلمات بسيطة ونقية وايضا مخففة...
ومن وجهة نظري ... فان الاختلاف السياسي والايدلوجي ... والالتزام بمقاطعة اعضاء بعينهم (نتيجة لاتفاق مجموعات محددة بخط او تيار محدد) من اكبر مساوي هذا المنبر
وبحق لا الوم نفسي من هذه الظاهرة ولكن ربما اكون عن قصد انتقاما لموقف مماثل
..........
سعدت بالتواجد هنا |
مرحبتين تولوس, وشكرا على المشاركة والحضور الجميل,
شخصيا ضد فكرة مقاطعة اى اعضاء بسبب انتمائهم السياسى, يمكننى مقاطعة عضو ما بسبب موقف محدد بيننا, لكن, منطق المدردم كلو ليمون
حاجة ما ياها, وبطريقة واضحة شديد, المجموعات والشلليات التى تنادى مثلاُ بعزل الكيزان عن الحياة الالكترونية ومقاطعتهم
انما تعلن عن فشلهابشكل غير مباشر, الكيزان شاء الناس ام لا ,هم احد مكونات الحياة السياسية فى السودان, حتى من قبل مجئ الانقاذ
ومسألة عزلهم او طمس اثارهم شئ مستحيل,
| |
|
|
|
|
|
|
|
|
|
Re: الفط.. فى سودانيز اون لاين... (Re: منال)
|
قبضتك يا منااااااااااااااااال
غايتو من امس مسكتنى نفوسه عشان فطيتينى فى بوست نصائح لمتزوجات
وقولت يا ربى انا سويت شنو
:(((((((((((((((((((((
حسى نحنا من المشغوليات ولا من الغير مستحقات
:)))))))))))
| |
|
|
|
|
|
|
|
|
|
Re: الفط.. فى سودانيز اون لاين... (Re: رانيه محمد الشيخ)
|
Quote: قبضتك يا منااااااااااااااااال
غايتو من امس مسكتنى نفوسه عشان فطيتينى فى بوست نصائح لمتزوجات
وقولت يا ربى انا سويت شنو
:(((((((((((((((((((((
حسى نحنا من المشغوليات ولا من الغير مستحقات |
لا انتو من المشغوليات يا رانيا
لو لاحظتى اكتر من 30 معاك فى البوست مارديت عليهم
غلبنى يارانيا والله ولما لقيت البوست جارى قفلتو عديييل كده
وشكرت كل المتداخلين فى رد واحد لكن لو لحدى بكره البوست ما اندثر برجع ليهو تانى
الليله الجمعه بقضيها عن ناس ابوى عشان كده لقيت فرقه ارد عليك 
| |
|
|
|
|
|
|
|
|
|
Re: الفط.. فى سودانيز اون لاين... (Re: طارق جبريل)
|
هالاخ محمد
زمان اخونا النصري من نواحي كندا كتب عن الفط بس ما فط المداخلات
كان عاوز يعمل سيرفي عن البوستات التي تتعرض للفط اثاء وجودك في عالمنا الجميل هذا
و كان القصد ان البوست يكفيك من ( كاتبة ) تفط و لا ما تفط
يعني اي زول قداد و لا معاط ايهما اقرب تفطو لحدي ما تقدر تفط بوستات لكاتب معين
توفيرا للزمن كان لعدم موضوعية الكاتب او في الاخر ما بتستفيد من كلامو التكتح
اخونا النصر اقترح ياتو من الاعضاء بتفط بوستاتو !!11
طبعا الناس لبدت خوفا من الكعة
انا شخصيا بفط بوستات اما مداخلات لع الع الع
----------
تحياتي
| |
|
|
|
|
|
|
|
|
|
Re: الفط.. فى سودانيز اون لاين... (Re: نصرالدين صلاح)
|
Quote: هالاخ محمد
زمان اخونا النصري من نواحي كندا كتب عن الفط بس ما فط المداخلات
كان عاوز يعمل سيرفي عن البوستات التي تتعرض للفط اثاء وجودك في عالمنا الجميل هذا
و كان القصد ان البوست يكفيك من ( كاتبة ) تفط و لا ما تفط
يعني اي زول قداد و لا معاط ايهما اقرب تفطو لحدي ما تقدر تفط بوستات لكاتب معين
توفيرا للزمن كان لعدم موضوعية الكاتب او في الاخر ما بتستفيد من كلامو التكتح
اخونا النصر اقترح ياتو من الاعضاء بتفط بوستاتو !!11
طبعا الناس لبدت خوفا من الكعة
|
يا ابونصر, منورنا كتير, والله,
بينى وبينك معاك فى انو الزول يفط بوست بى حالو, امكن من العنوان, بس تعرف انو موضوعو ما من ضمن
اهتمامك, مع اننا اتعودنا نفتى فى كل حاجة, الادب, بانواعه المختلفة, السياسه المحلية والخارجية, الطب,
الهندسة, نحن شعب, بتاع كلو, والحمدلله
| |
|
|
|
|
|
|
| |
مُحَمَّدٍ عِوَضٌ احْمَدُ
الرفاعي عبدالعاطي حجر
حاتم محمد حاج المهدي
تولوس
Amin Salim
زهير عثمان حمد
د.محمد حسن
طارق جبريل
نصرالدين صلاح
فيس بوك
تويتر
انستقرام
يوتيوب
بنتيريست