|
|
 كتب (Sudan Freedom) في الفيسبك وهو محق
|
بالرغم من أننا ليس لدينا حدود مع إسرائيل إلا أننا دائما نضرب من سلاح الطيران وكأن شرق السودان أصبح جزء من غزة !!!!!!
لماذا لم نسمع بضرب سيارات داخل مصر ؟؟ هل هذه السيارات -التي تم ضربها- لا تعبر الحدود المصرية !!!
وجه وزير الدفاع السوداني الفريق أول ركن مهندس عبدالرحيم محمد حسين الغواصة النووية هجليج الى عمق المياه الإسرائيلية ورفض مقابلة أجهزة الإعلام العالمية إلا بعد الرد على التدخل الاسرائيلي ....
|
|
 
|
|
|
|
|
|
|
 Re: كتب (Sudan Freedom) في الفيسبك وهو محق (Re: معاوية عبيد الصائم)
|
Quote: صلاة الجمعة القادمة فى تل ابيــــــــــــــب وتؤجل صلاة كاودا ...وعلى كيزان الخارج مرعاة فروق (الضغط)
سلام يا مواطن |
حباب الفارس الجحجاح
والله يا معاوية أخوي راسنا ضرب عديل، عليك الله شفت وزير دفاعنا الهمام بعلق كيف على الماساة!
متى تفم حكومتهم
كأن حِرابَ إسرائيل لم تُجهض شقيقاتكْ
و لم تهدم منازلنا…
ولم تُحرق مصاحفنا…
و لا راياتها ارتفعتْ…
على أشلاء راياتكْ..
كأن جميع من صُلبوا(3+102+1)…
على الثغر في كسلا… وفي هيا..
و بورسودان…ليسوا من سُلالاتكْ
تغوص الشرق في دمها ..
و أنت صريعُ شهواتكْ
تنامُ كأنما المأساةُ ليستْ بعضَ مأساتكْ
متى تفهم؟
متــــــى يستيقظُ الإنسانُ في ذاتكْ؟
!!!
| |
|
|
|
|
|
|
|
|
|
Re: كتب (Sudan Freedom) في الفيسبك وهو محق (Re: آدم صيام)
|
سلامات ياصيام اخوى
Quote:
الشوبار في شنو وإنت الصرف الصحي ما قادر تضبطو خليك من الجنيه العاير!
البلد ضريسا وأبوفرار ومياه شرب البقنية أنصح منها
وتكورك بحس طولك: كل الأقطار ما عدا إسرائيل!!!
حبوبتي – رحمة الله عليها – قالت الما بكسي أمو ما بكسي خالتو
|
زماااااااااان قالوا قولدا مائير قالت ليهم
هى الخرطوم دى متشوبرة فى شنو؟؟
خرطوش موية بس وبتدوب!!
دة طبعا قبل زمن الغواصة النووية هجليج!!
تحياتى
| |
|
|
|
|
|
|
|
 Re: كتب (Sudan Freedom) في الفيسبك وهو محق (Re: آدم صيام)
|
Quote: This is what it call in social-psychology; intrinsic and extrinsic!
هذا مايسمى في علم النفس الاجتماعي: بالجوهري والعرضي
الموضوعي والهامشي
اللبي والقشري
الشوبار في شنو وإنت الصرف الصحي ما قادر تضبطو خليك من الجنيه العاير!
البلد ضريسا وأبوفرار ومياه شرب البقنية أنصح منها
وتكورك بحس طولك: كل الأقطار ما عدا إسرائيل!!!
حبوبتي – رحمة الله عليها – قالت الما بكسي أمو ما بكسي خالتو
السؤال الإنترنسك هو: إلى متى نصبر على مطر إسرائيل القنابلي الذي تصبه علينا في كل المواسم ولا نحظى حتى بشجب خجول من الأعراب وحماس وأترابها؟ |
قول ليهم يا أستاذنا
لعل وعسى !!
| |
|
|
|
|
|
|
|
|
|
Re: كتب (Sudan Freedom) في الفيسبك وهو محق (Re: تيسير عووضة)
|
عزيزي/ آدم صيــــــــــــــــــام
سلام
في تاريخنا المعاصر لم نسمع ولا مرة أن اعتذر السودان عن حضور اي قمة عربية سواء قمة راتبة أو قمة طارئة!!
بلد عضو منضبط وملتزم تجاه أمته التي ينتمي اليها شاء من ابى بكل الوشائج!!
طيب..!!
عندما تحدث ازمة او مصيبة لاي من الدول العربية.. يعني من جامعة الدول العربية يقوم العضو المنكوب بعمل دعوة لقمة طارئة لمناقشة تلك المصيبة الجلل..
حتى دويلة فلسطين دعت كم مرة لقمة طارئة والسودان كان اول الحاضرين..
قبل يومين وصل أمين الجامعة العربية الى الخرطوم لمناقشة شنو كدا ما عارف!!
هسي اسرائيل العدو التاريخي..
والعدو المغلظ لعاصمة اللاءات الثلاث...
اعتدت بالشئ الملحوظ والمدون ثلاث مرات!!
ليش ولا مرة واحدة أن تقوم دولة السودان بالدعوة لقمة طارئة لمناقشة العدوان البربري الغاشم على السودان الدولة والعضو النشط في الجامعة؟
طيب بلاش من اجتماع قمة.. ممكن نقول في بعض القادة ولعيون الدول الغربية دول الاستكبار ما عايزين يجوا..
ممكن دعوة لاجتماع طاري على مستوى على كرتي؟!!
بلاش من على كرتي نقول وزراء الخارجية العرب ونقدم ليها زول احمر شوية كدا كان غازي او حتى الخال داك القال مليان عروبة..
ليش لا؟
قلتم ان البلد صارت عربية قحة بعد الانفصال.. يعني زي تونس أو حتى زي لبنان!!
(يا جماعة قحة دي ما بتاعة الدكتور... دي بضم القاف)
بلد اسلامية عربية بلا دغمسة!!
اسرائيل ضربت الشرق 3 مرات... وليس داخل نطاق مثلث حمدي... بالله هو ادروب ده ذاتو عربي!!!
خلاص بلا ش قمة
وبلاش نتعب العرب..
نستدعي السفراء العرب في الخرطوم وننورهم بأن الطيارات الاسرائيلية دي بتهوش ساي وما يشيلوا هم..
وحيجي يوم الرد!!
تحياتي
Re: اسرائيل تاني؟.. الرجالة والوطنية دي في هجليج بس؟!!!!!
نكتب ونكتب الي الضربة الرابعة!!
| |
|
|
|
|
|
|
|
|
|
Re: كتب (Sudan Freedom) في الفيسبك وهو محق (Re: Abdlaziz Eisa)
|
زماااااااااان قالوا قولدا مائير قالت ليهم
هى الخرطوم دى متشوبرة فى شنو؟؟
خرطوش موية بس وبتدوب!!
دة طبعا قبل زمن الغواصة النووية هجليج!!
تحياتى
شكراً أختي العزيزة/ مهيرة
والله محننا محن
هسع نحن نلحق لماصئبنا البنحلها بالكضب ولا نطول إسرائيل؟
كل مرة مواطنين في سياراتهم يحرقوهم فحم وننتظر القنبلة الوراها!!!
التقول ما عندنا شغلة غير انتظار القنابل اليهودية!
| |
|
|
|
|
|
|
|
|
|
Re: كتب (Sudan Freedom) في الفيسبك وهو محق (Re: آدم صيام)
|
| Quote: نكتب ونكتب الي الضربة الرابعة!! |
الحبيب/ عزيز
مساك الله بالخير
في موضع هجليج -موضوع داخلي- جروا الأعمى شايل المكسر لأمريكا والأمم المتحدة
الحرق المتوالي ده ما عندو شكوى ولا وجبع تب!
لك البترول في هجليج فاعصره
على قدمي خليلاتك
هناك على ذرى سنكات
هناك دفنت ثاراتك
فبعت الله
بعت (جدودنا زمان وصونا على الوطن)
بعت رماد أمواتك
تمرغ يا عُبيد النفط
تمرغ في ضلالاتك
كممسحة تمرغ في هزيماتك
| |
|
|
|
|
|
|
|
|
 Re: كتب (Sudan Freedom) في الفيسبك وهو محق (Re: آدم صيام)
|
السودان كدولة منزوعة السيادة بلا أدنى جدال:-
- انتهاك سيادة الدولة المتكرر.
- حرمان رئيس الدولة من الحركة الخارجية.
والأخيرة فسرها فاقدو علم السياسة بضرورة الوقوف مع الرئس المحجور!
إلا أنها تؤكد مما لايدع مجالاً للشك بأن الرئيس ونظامه هو سبب انتقاص السيادة في عضمتها.
الســــــــــــؤال:
إلى متى يستمر السودان منزوع السيادة؟؟؟
| |
|
|
|
|
|
|
| |
آدم صيام
معاوية عبيد الصائم
مهيرة
Abdlaziz Eisa
فيس بوك
تويتر
انستقرام
يوتيوب
بنتيريست