|
|
 قلت وقالوا عن نادر خضر (كلمات بورداب من بوست قديم)
|
فنان وعندوا معجبين كتااااار أنا واحد منهم .... الزول ده صوتو جميل وحافظ الاغاني بطريقة كويسة وفوق كده عندوا بصمتو الخاصة في الاداء والاهم من ده كلو اكتر من زول قال لي نادر خضر ده بشبهبك ......
omer osman
|
|
  
|
|
|
|
|
|
|
 Re: قلت وقالوا عن نادر خضر (كلمات بورداب من بوست قديم) (Re: omer osman)
|
ايام الجامعة كان عندنا اسبوع ثقافي بتاع منو ما متذكر المهم كان فيهو حفلة بي نادر خضر ايام نادر ماسك الجو في الخرطوم جاي جديد من الهند , اها يا مان اخوك قاعد قداااااام في الكراسي الاولي ديك وعمك نادر شابكنا ليك الساعة خمسة يا حبيب ما تنسي اها اول ما انتهي ليك من الفاصل عمك نادر خضر نزل من المسرح وجاني ليك عديييل وخش ليك فيني سلام معرفة واحضان اها انا من اليوم داك بقيت اتكيف ليك من غناهو جنس كيف . طبعا الشباب استغربوا في اساسي المصاحب الفنان الماسك الجو واخوك قشر قشرة الف بالموضوع دا وعمل ليك فيها الود منقطها .
طبعا انا ذاتي استغربت الزول دا بيعرفني من وين لكن النصيحة لله كان الشباب اولاد حلتنا ناس الشاذلي شغالين معاهو بالساوند بتاعهم وبرضو كان بشتغل معاهو عبد العال بتاع الاورغ ساكن قريب مننا وكنت بلاقيهو معاهم طوالي واظنه كان شايفني بس ما متاكد من درجة المعرفة هل بتخليهو يسلم السلام دا كله ولا رفعة راس من بعيد وانتهينا علي العموم القصة دي جات في صالحي وصالحه , انا قشرت وهو لقي زول يتكيف لي اغانيهو .
التوقيع : اساسي
| |
|
|
|
|
|
|
|
|
|
Re: قلت وقالوا عن نادر خضر (كلمات بورداب من بوست قديم) (Re: omer osman)
|
بس نادر ولدنا وإمتداد طبيعي لي فن أمدرمان وناس امدرمان ..(اححححي لو محمود ده من امدرمان كان يها شنو اسة ؟) مشهد لن أنساه لنادر خضر جات بت جميييلة تبشر ليهو في المسرح وايامها نادر في التوب ..الجمهور صفففر شديييييييد ..نادر ده وقف الموسيقى وبي المايك خاطب كللل الجمهور وقال ليهم :
يا شباب دي اختكم ومعجبة زيكم وجات تعبر عن شعورا وتستمتع زيها زيكم بي الحفلة فماف داعي الناس تتصرف بي الطريقة دي.. من يومها عرفت إنو ده زول محترم ومحترم جداً
تخريمة : نادر خضر أفضل من يهذب أغاني زيدان إبراهيم ..ولا ما كده يا خليل؟
عمر الفاروق
| |
|
|
|
|
|
|
|
|
|
Re: قلت وقالوا عن نادر خضر (كلمات بورداب من بوست قديم) (Re: omer osman)
|
واهم الاهم انا حفلة زواجي كانت بي نادر خضر والله غني لي غناء جد
تعرف يا سعادتك في اغنتين واحدة لي شرحبيل اسمها تعال يا ليل خليك معاي والتانية بتاعة نجم الدين الفاضل اسمها يا حبيبي حرام كدة وتجافي تهجرني لو سمعتهم بصوت نادر ما عندك حل غير تبكي (وتتدردق ) بالواطة
صحيح مائة المائة يا عمر ايامي زواجي كان زيدان مرتبطا فكان البديل الناجح هو نادر خضر ولسع بتذكر وانا خاشي مع العروس وهو بغني يا سيد السماحة طيفك مرة جاني
خليل
| |
|
|
|
|
|
|
|
|
|
Re: قلت وقالوا عن نادر خضر (كلمات بورداب من بوست قديم) (Re: omer osman)
|
سلام يا جنابو عمر،
أول مرة أسمع بها بنادر خضر وأسمع له في حفلة
عامة في قصر الشباب والأطفال بأمدرمان، مشيت الحفلة
مع شلتي اللي عزموني الحفلة وبدأ الحفلة الساعة الخامسة
مساءً، وأول ما مسك المايك قال يا شباب الساعة كم؟!
ردوا عليهو الشباب والشابات: الساعة خمسة
وبعديها بصوته المميز غنى الساعة الخمسة
يا حبيب ما تنسى
والليلة مسافر
كانت أجمل حفلة أحضرها في حياتي وأعجبت بهذا الفنان الفلتة
بعديها بي كام يوم كدا بتحاول في سوق أمدمان قابلتو
بالصدفة، وقفت أعاين ليهو وأقول لي نفسي ياربي الزول
دا مشبهو على منو؟
قام وقف وابتسم لي: وقال لي شبهتني؟! والشبه راح عليك؟!
بعديها ضحكت شديد: وقلت ليهو عرفتك الفنان نادر خضر الجديد
قال لي: بس ياهو زاتو
زول حبوب متواضع لأبعد الحدود
وبالمناسبة يا جنابو عمر أنا كان عندي صاحب صحبي مهوس
بنادر خضر، المهم الزول دا شابكني ليك يا نادر خضر يا نادر خضر
وبرضو قال علي بشبهو هاهاهاه، لكن ما في شبه بيني وبينو
وربنا يرحمه ويحسن إليه
تحياتي
| |
|
|
|
|
|
|
|
|
|
Re: قلت وقالوا عن نادر خضر (كلمات بورداب من بوست قديم) (Re: omer osman)
|
أنا لله وإنا إليه راجعون
...
سبحان الله كنا ليلة البارحة او قبل ساعات قلايل حسب توقيتنا
كنا نستمع فى السيارة لتسجيلات له فى اغانى اغانى وقد ذكرت للزملاء ان نادر خضر يتمع بتميز خاص فى حنجرته وله اسلوبه المعين فى الغناء وسط المغنيين الحديثين
وكنت فى نقاش مع اخ عزيز ملم بامور الغناء
وذكرت له ان نادر خدر هو انسب شخص اعطيه عمل ( يا نيل يا شامخ ) من الحانى وكلمات د. المعز عمر بخيت
...
لا حول ولاقوة الا بالله
..
اللهم اغفر له وارحمه
وزد فى احسانه وتجاوز عن سيئاته
وادخله فسيح جناتك
ولآهله الصبر وحسن العزاء
| |
|
|
|
|
|
|
|
|
|
Re: قلت وقالوا عن نادر خضر (كلمات بورداب من بوست قديم) (Re: omer osman)
|
صورة من تشييع نادر خضر فى مقابر حمد النيل ...
احسن الله عزائكم وعزاء الشعب السودانى فى رحيل نادر خضر ...
فى بوست طويل جدا حول تجربة نادر الغنائية ...امتد
البوست لصفحتين على مااعتقد ...لو لقيت الرابط بجيبو
ليك هنا ...
اعتقد اننى سمعت نادر مرة يتحدث فى تلفزيون السودان
عن انتمائه للحزب الاتحادى الديمقراطى ..تحدث فى
ذلك اليوم حديث مسؤول وواعى وعكس فهم عميق
جدا ...
له ا لرحمه والمغفرة وجعل الله قبره روضة من رياض الجنة ...
| |
|
|
|
|
|
|
|
|
|
Re: قلت وقالوا عن نادر خضر (كلمات بورداب من بوست قديم) (Re: omer osman)
|
في بداية التسعينات اول مرة اسمع عن نادر خضر سمعت من اشقائي " التيمان " حينما عادا من حفلة زواج في شارع " الردمية " كانت بنادر خضر , كنت اجلس وصديقي هشام اما منزلنا كعادتنا نسهر ونتسامر فجاء التيمان وهما يرددان في الاغاني التي غناها نادر في الحفل , يومها كانا مبسوطين وفي غاية الابتهاج , حيث ظلا يحكيان طوال ذلك المساء عن حضوره المسرحي في الحفل وطريقة غنائه الفريدة الطريقة التي شبهوها علي ما اذكر بغناء الحبش , وبعدها انتشرت الافراح والحفلات التي يكون فنانها نادر خضر حيثما يحل ينشر الفرح والحبور ويلهب الحضور , حضرت له عدة حفلات خاصة " زواجات" وحفلة واحدة عامة في تلك الفترة , كان من الذين يمثلون فنانين جيلنا , ومثلما كتبت بالاعلي عن علاقته باولاد حلتنا الذين يعملون معه في حفلاته بالساوند وعبد العال في العزف علي الاورج والذي صاحب بعده لفترة طويلة الفنان فرفور , كنت التقيه كثيرا في الحي , كان شابا نابضا بالحياة رجل لطيف حبوب يشعرك بانه صديقك الشخصي من سنوات يتبادل معك الحديث اذا ما القتاك مصادفة
في برنامج اغاني واغاني كما قال خليل كان هو العماد الذي قامت عليه الحقات الستون الاخيرة للعامين الماضيين , حضوره مميزا وحفظه ممتازا للاغنيات وادائه فريدا وبصمته واضحة , منذ فترة طويلة وهذا العام بالذات سمعت له الكثير من الاغنيات, كنت عندما احن الي سماع اغنية لفنان قديم ابحث عنها اولا بصوت نادر لديه توثيق مميز لاغنيات فريدة موجودة علي اليوتيوب
رحمه الله رحمة واسعة بقدر ما اسعد ونشر الفرح في بلادي
| |
|
|
|
|
|
|
|
|
|
Re: قلت وقالوا عن نادر خضر (كلمات بورداب من بوست قديم) (Re: اساسي)
|
لا اله الا الله وانا اليه راجعون...
الاخ الصديق نادر خضر ....لك الرحمة والمغفرة...
وهذا لعمري رحيل اخر مر _ والحمد لله علي ذلك_ ...
كان اول ما سمعته في 1984 في الحديقة النباتية بجامعة عليقار شمال الهند...وغني "انا وانت في الروض يا جميل"...قلت لمن معي الشاب دة عنده صوت جميل ولا دي الهند ياربي؟ اصبح صديقي دون اذن فقد وجدته خلوقا...مؤدبا لطيف المعشر...انتهت بنا الهند للخليج...فالتقينا ثانية وعطر صوته ليالينا هنا...واشتهر نادر خضر له الرحمة...وفي بداية التسعينات شد الرحال للسودان واصبح نادر خضر الذي يعرف الجميع ...
عندما تزوجت اتاني بفرقته من مدني فجاءة وقال لي"كنت اتوقع منك ان تخبرني لا لاحضر بل لاكرم معك ضيوف العرس واوزع الصحون"لكن معليش انت صاحبي وحاغني ليك...وصدقوني لم يكن في البرنامج وبرغم ارتباطاته في منتصف التسعينات...غني من ابدع الاغاني......
كما قال اساسي نادر يشعرك بانك صديقه من زمن...له الفة وود غريب...يدخل في احساسيسك دون صعوبات...
نادر انسان عرفته اكثر من الفنان....لك الرحمة يا صديقي...
وانا لله وانا اليه راجعون..
...
| |
|
|
|
|
|
|
|
|
|
Re: قلت وقالوا عن نادر خضر (كلمات بورداب من بوست قديم) (Re: Ahmed El Gasim)
|
.
بحر ابيض الهادي والسمح رحل
بحر ابيض البتمدد في قلوب الناس ريد بدون مايحسو بيهو رحل
بحر ابيض البازل يمينو وواخو اخوانو رحل
في رحيل كل فنان رحل عنا نقول رحل الاستاذ رحل المبدع
اما برحيله فالكل يقول صاحبي رحل
والدموع تنهر في كل الطرقات صمتا وبصوت لمن لم يتمالك نبل الحزن
ودوما بكاء الرجال يكون الا في الخطب الجلل
وفقدك انت يا صاحبي نادر خطب جلل
اليوم فقط اكتشف الجميع كم كنت خفيف عليها وكم كنت قريب لديها وكم صفي عليها
رحلت كما كل احلامنا الجميلة التي ترحل عنا عند اول خيوط الفجر
اذكر واذكر واذكر فقط كم انت كنت جميل المحيا والاخلاق
انا هنا نشهد لك بنبل الاخلاق وكرائمها
وبما نعرف عنك نسأل الله ان يشفعنا فيه
انه سميع مجيب
| |
|
|
|
|
|
|
|
|
|
Re: قلت وقالوا عن نادر خضر (كلمات بورداب من بوست قديم) (Re: محمد النيل)
|
إنا لله وإنا إليه راجعون
ولا حول ولا قوة إلا بالله العلي القدير
اللهم ارحمه واغفر له واكرم نزله ووسع مدخله
اللهم اغسله بالماء والثلج والبرد
اللهم نقه من الذنوب والخطايا كما ينقى الثوب الابيض من الدنس
اللهم اجعل قبره روضة من رياض الجنة ولا تجعله حفرة من حفر النار
تعازينا لاسرته ولكل اصدقائه ومحبيه
| |
|
|
|
|
|
|
|
|
|
Re: قلت وقالوا عن نادر خضر (كلمات بورداب من بوست قديم) (Re: محمد عبد الرحيم جمعة)
|
رحل ملك الســوثــيـو
يا صديقي العزيز وغالي
لك الصبر الجميل
تفتح امدرمان ابوابها
للحزن
متوشحة بالنيل الابيض
حدادا عليك
يا رفيق الاحلام
والامال الشوادن
على ايقاع الخريف
تراقص الغيوم
الحبلى بالمطر
الهتون
وانت في رحلتك الى السماء المزهرة
ايا نجم الاغنيات الشجية
من يغني معك ؟
ويشيل كتف الغُنا الميل ؟
الحبيبة .؟
مكلومة الفؤاد
دمعها على هدبها
ومنديل بيديها
مرسومة حروفه
من حرير بلون النيل
العشاق؟
على شاطئ النيل
اتنين اتنين
الساعة سته
والذكريات
يبكونك يا جميل
بانت شرق
تنوح تبكيك
وكتفها مسنود
على ( الفتيحاب )
مكندكة بالرماد
تغني مناحتها الأخيرة
في ( حمد النيل )
ياحبيبو
رد علينا
تلفونك مغلق
وقلبك خارج الخدمة
رد علينا
الحديقة الصغيرة
واعلام المحبة على سورها
تفتقد خطواتك عليها
الحديقة الصغيرة
تطل على الميدان
حزينة
| |
|
|
|
|
|
|
|
|
|
Re: قلت وقالوا عن نادر خضر (كلمات بورداب من بوست قديم) (Re: Raja)
|
إنا لله وإنا إليه راجعون
ولا حول ولا قوة إلا بالله العلي القدير
اللهم ارحمه واغفر له واكرم نزله ووسع مدخله
اللهم اغسله بالماء والثلج والبرد
اللهم نقه من الذنوب والخطايا كما ينقى الثوب الابيض من الدنس
اللهم اجعل قبره روضة من رياض الجنة ولا تجعله حفرة من حفر النار
| |
|
|
|
|
|
|
|
|
|
Re: قلت وقالوا عن نادر خضر (كلمات بورداب من بوست قديم) (Re: Mohamed Foto7li)
|
لقد اخرجنى حزنى عليك فى ان ابكيك وتبكيك حروفى التى لم اكتبها وقد رحل قبلك الكثيرين من القامات الفنية السامقة فهذة الايام ايام الرحيل الفنى السودانى المقيم
رحل منذ شهور زيدان ووردى وشاعر الاغنية حميد وترحل اليوم انت يا نادر ويرحل معك الصوت الجميل والانسان النبيل واجد نفسى حزينة جدا وقلمى يجرنى للكتابة عنك يا رائع الاختيارات وتسبقنى الى سيرتك العطرة شخصك الانسان الواعى المحب الغيور على اهله وشعبه و تراب وطنه ومحبة السلام فسارعت بك المنية قبل ان تغنى للسلام فى ابيى وهل ننسى اياما مضت مرحا قضيناها فرحا يا حبيب الطلاب فى الجامعات ومنتديات الثقافة والفنون !!!!!
كنت تغنى للشباب فى الجامعات دون مال ولا ترسل لهم حتى عتاب فى اتعاب فما جاد به البعض خيرا ومن لم يجد ما يجود به اعطيته ومنحته حبك وفنك وغنائك وعطفك وودك النبيل
تغنيت باغنيات العملاقة واضفيت عليها نكهتك المميزة الحلوة والترنيم الفخيم وصنعت لنفسك التمييز الخاص بك فشيدت لك مدرسة انت سيدها الوحيد ومالكها النادر المجود الجميل
تعرفت على مكنونات الانسان واحتياجاته وكانت اقرب الناس اليك امك ثم امك ثم امك ثم ابوك كنت تغنى لها اغنيتها الشهيرة (برسل ليك رسالة طويلة يا امى بقالدك فيها يا امى واضمكك ساعة فى حضنى )فمن يغنيها مثلك اليوم يا حبيبوووووو
حبك للخير حبيبوو وحبك للناس وحب الناس اليك كان شاهدا لك ولعطائك رأيناهم دموع رجال غالية ونحيب كبار ونساء شيبة وشباب بصوت تعلوه عبرة سدت الحناجر وابكت الطير فى سماه وتقاطرت جموع المعزيين والمشيعيين من كل صوب وحدب تبكيك يا فقيد الشباب ويا حبيب الكل الفقراء ولأنهم الاقربون اليك والغبش التعابى ما احببهم حوليك لأنك كنت لهم الدار والمال والاهل
شيعتك امدرمان وبانت شرق ابنا بارا بجيرانه واحبابه وشيعك اهل السودان كله ولأنك كنت رجل من رجال الدبلوماسية تحمل رسالة حب وتواصل مع دول الجوار فخفت الى تشيعك اقدام رجال عرفوك سفيرا لبلادهم وكان كلامك من كلامهم تغنيت به طربا و أهديته لنا فنا وثقافة وادبا رفيعا فلم ينسوا عطاءك لهم فى بلادهم فجاؤوك ليذكروا نبلك وعطائك فى يوم رحيلك فهو يومك الذى ذكرت فيه مأثرك فقد كان شهادة لك سبقتك الى دارك الابدى فأسكن فيه بسكينة هادئة قانعة هانئة بكل ما ذكر وقيل عنك يا شقيقى العزيز فالله ما اعطى ولله ما أخذ
تبكيك المحافل انسانا رائعا وللسلام محبا وللوطن عطاءا وللخير سباقا رسالتك فى ثنايا التاريخ صفحات مضيئات والى جنات الخلد يا نادر النادر يغطيك علما اشهد انه كان وسام فخر لك ولأمة الاجداد التى احبتك واحبتتها وانت تودع دنيا حافلة بعطائك فى عز شبابك ياخذك منا الموت وانت متلفحا باللون الاخضر زرعا وغرسا غرسته سوف لن يموت ونفسا عزيزة وحلما ازرقا صافيا بلون السماء سموا وعلوا والاصفروداعا انه لون الوداع فبعدك الدنيا تراب منه خلقنا واليه نعود
| |
|
|
|
|
|
|
|
|
 Re: قلت وقالوا عن نادر خضر (كلمات بورداب من بوست قديم) (Re: الصادق خليفة)
|
لا حولة ولا قوة إلا بالله العلي العظيم
رحيل نادر رحيل مر دخل على الكثيرين وملأ القلوب حزن لن تغسله مياه نيلنا الخالد
له الرحمه بقدر حب الناس له وبقدر ما اسعد الناس وبقدر بره لأسرته واهله
ربنا يصبرهم على فراقه الحار
نسأل الله له الرحمه الواسعه هو ورفاقه وأن يعوض شبابهم الجنة
البركة في الجميع
إنا لله وإنا إليه راجعون
| |
|
|
|
|
|
|
| |
omer osman
النذير حجازي
Abdlaziz Eisa
محمد النيل
محمد عبدالرحمن
اساسي
أبو عبيدة البصاص
ساميه حامد
محمد عبد الرحيم جمعة
محمد سنى دفع الله
Raja
خالد عبد الله محمود
Mohamed Foto7li
ايمان بدر الدين
الصادق خليفة
اسماء الجنيد
فيس بوك
تويتر
انستقرام
يوتيوب
بنتيريست