|
Re: صور من الزمن الاجمل (Re: عمر عثمان)
|
Quote: الفنان محمد الامين الوزير حسبو |
الاخ عمر عثمان الصورة تضم الفنان محمد الامين والوزير عبد الماجد ابو حسبو والشاعر .............؟ تمها وادينا مناسبة الصورة والجائزة حاضرة ان شاء الله
| |
|
|
|
|
|
|
Re: صور من الزمن الاجمل (Re: عمر الفاروق عبد الله الشيخ)
|
أعتقد إن لم أكن مخطئ الظن ، أنَّ الصورة تضم كل من وزير الثقافة والإعلام و الشاعر/ هاشم صديق والموسيقار/ محمد الأمين ، والمناسبة جائزة تشجيعية مُقدَّمة من وزير الثقافة والإعلام وقتئذٍ بمناسبة نظم قصيدة الملحمة و تلحينها وادائها بواسطة الموسيقار/ محمد الأمين.
| |
|
|
|
|
|
|
Re: صور من الزمن الاجمل (Re: إيهاب محمد نور)
|
Quote: أعتقد إن لم أكن مخطئ الظن ، أنَّ الصورة تضم كل من وزير الثقافة والإعلام و الشاعر/ هاشم صديق والموسيقار/ محمد الأمين ، والمناسبة جائزة تشجيعية مُقدَّمة من وزير الثقافة والإعلام وقتئذٍ بمناسبة نظم قصيدة الملحمة و تلحينها وادائها بواسطة الموسيقار/ محمد الأمين. |
اخي ايهاب التحية لك .. المناسبة كما ذكرت هي تكريم الشاعر هاشم صديق والفنان محمد الامين بواسطة وزير الاعلام وقتها المرحوم عبد الماجد ابوحسبو اذه انت فائز معنا بهذه الجائزة مع التوفيق
| |
|
|
|
|
|
|
Re: صور من الزمن الاجمل (Re: عمر الفاروق عبد الله الشيخ)
|
Quote: وصورة اندر اللي يعرف من فيها من غير المرحوم وردي يقول وله جائزة من جوائز الزمن الاجمل
|
الصوره للشاعر محجوب شريف وزوجته ,,, مع الفنان وردى وكانت بمناسبة زواج الشاعر محجوب شريف
ياخ اليوم داك هيصنا جنس هييص !! مالك مذكرنا هسه ايام الطيش والشباب ياخ
| |
|
|
|
|
|
|
Re: صور من الزمن الاجمل (Re: أيمن التوم حسن)
|
Quote:
Quote: وصورة اندر اللي يعرف من فيها من غير المرحوم وردي يقول وله جائزة من جوائز الزمن الاجمل
الصوره للشاعر محجوب شريف وزوجته ,,, مع الفنان وردى وكانت بمناسبة زواج الشاعر محجوب شريف
ياخ اليوم داك هيصنا جنس هييص !! مالك مذكرنا هسه ايام الطيش والشباب ياخ |
اخي ايمن التوم لك التحية المغفرة والمرحمة للراحل وردي وتمام العافية والصحة لاخونا محجوب واجمل الاماني لزوجته الفضلي اميرة الجزولي
| |
|
|
|
|
|
|
Re: صور من الزمن الاجمل (Re: عمر الفاروق عبد الله الشيخ)
|
من اروع البوستات التي مرت علي مؤخرا , وتشكر كتير استاذنا عمر الفاروق على هذا الجهد والإمتاع وصدق من قال امتي يا أمة الامجاد والماضي العريق ,, ماضي عريق وحاضر تليد وغدا مشرق بإذن الله ، والله يا استاذ عمر تمنيت لو اكون من ضمن من حضرو عهد الخرطوم في تلك الفترة الزمنية الجميلة والتي تبدو في هذه الصور الجميلة ، وبالله عليك واصل وبدون فواصل ، وزيدنا من دلك شوية ,,, تحياتي : ياسر العيلفون
| |
|
|
|
|
|
|
Re: صور من الزمن الاجمل (Re: ياسر السر)
|
Quote: وبالله عليك واصل وبدون فواصل ، وزيدنا من دلك شوية ,,, تحياتي : ياسر العيلفون |
انت تأمر اخي ياسر يللا نواصل
ماما .... ماما مين؟
يا زمن وقف شوية
| |
|
|
|
|
|
|
Re: صور من الزمن الاجمل (Re: عمر الفاروق عبد الله الشيخ)
|
نبايع الشهيد القرشي قائدا
وهي لأول طبيبتين سودانيتين د. زروي سيركسيان ود. خالدة زاهر
هي صورة نادرة جدا ً (الدفعة التي تخرجت في 1952م من كلية كتشنر الطبية) وهي تضم أول طبيبتين سودانيتين ، قام بإرسالها نادر سعد إبو العلا (إبن الدكتورة زروي) للأخ عادل سمير في بوست خاص بالدكتورة خالدة زاهر في س.أون لاين .. وقد قمت أنا بإضافة الأرقام باللون الأحمر على الصورة حتى يسهل التعرف على الدكاترة
1- د. إمام دوليب 2- د. فؤاد عبدو تادرس 3- د. صلاح عبد الرحمن طه 4- د. مرغني يوسف علي 5- د. محمد المغربي 6- د. الشيخ عبد الرحمن 7- د. فائز أمين السني 8- د. زروي سركسيان 9- د. سومرز (عميد الكلية) 10- د. خالدة زاهر 11- د. أبوبكر محمد الأمين
| |
|
|
|
|
|
|
Re: صور من الزمن الاجمل (Re: وضاحة)
|
Quote: عارف يا عمر
مبارك زروق دا الله يرحموا اعطاء ماما سوار في زوجها هدية
اسموا عيون زروق وللحين ماما محتفظة بيه وادتنى ليه وحلفتنى اعطي لى بنتى
دهبوا بختلف عن الدهب الحين
دهب اصيل وقيم وتقيييل
وحتى الناس الزمان مختلفة عن ناس الزمن الحاضر
ما عارف العلاقة ليه ؟؟؟ |
اخت وضاحة اكرر التحايا
سؤالك ده عاوز بوست لحاله ليه زمان مختلف عن الحين من كل النواحي سياسيا واقتصاديا ورياضيا وفنيا واجتماعيا حتي الناس زي ما بقول اخو ظريف كانت في ناس اناناس وهسي ناس خليهم ساي!!
اها ان شاء الله تكوني محتفظة بعيون زروق ؟
| |
|
|
|
|
|
|
Re: صور من الزمن الاجمل (Re: عمر الفاروق عبد الله الشيخ)
|
تحية...
اتحفتنا يا استاذ عمر بصور نادرة من ماض ولي لن يعود...وعشنا في ظلال التوق لايام لن ننسي ذكراها...
هل يجدي التامل ام نظل نقتات من عطر تلك الايام...كاننا لم نعيشها او لم تكن ماثلة في زمان الناس...
لك الاحترام والشكر الجزيل..
| |
|
|
|
|
|
|
Re: صور من الزمن الاجمل (Re: rummana)
|
Quote: Quote: وتتواصل الجوائز علي من يتعرف علي البنوت اللي في الصورة
وهل يخفى الشبه! البلبلات .. بنات طلسم.. |
شكرا رمانة اجابتك صحيحة والجائزة
| |
|
|
|
|
|
|
Re: صور من الزمن الاجمل (Re: عمر الفاروق عبد الله الشيخ)
|
Quote: ماما .... ماما مين؟ |
ماما صفية (صفية الأمين) .... وهي أول مقدم لبرنامج (جنة الأطفال) التلفزيوني، منذ بداية الإرسال التلفزيوني في 1963.
Quote: واحد شلن ياربي هسي بساوي كام الف |
بل هذه الصورة (5 مليمات) للـ"تعريفة" .... أما الشلن فقيمته (5 قروش).
| |
|
|
|
|
|
|
Re: صور من الزمن الاجمل (Re: Zomrawi Alweli)
|
Quote: يا الله من الطرادة دي لون فاقع يسيل اللعاب خاصة لمن خالك يدسو ليك في الجيب ويقول ليك دا حق الطريق وانت مسافر الخرطوم من البلد او بالعكس لمن تكون راجع من اجازة مدنكلة ما اجمل منظر طرادة في جيب الساعىة في الجلابية التترون الخفيف وتحتها فنيلة ابو شبكة وساعة جوفيال (طبعا الرومر للاغنياء فقط) |
تحياتي اخ زمراوي ولك ما شئت
| |
|
|
|
|
|
|
Re: صور من الزمن الاجمل (Re: محمد أبوالعزائم أبوالريش)
|
Quote: ماما صفية (صفية الأمين) .... وهي أول مقدم لبرنامج (جنة الأطفال) التلفزيوني، منذ بداية الإرسال التلفزيوني في 1963.
بل هذه الصورة (5 مليمات) للـ"تعريفة" .... أما الشلن فقيمته (5 قروش).
|
اجابتك صحيحة وشكرا للتصحيح اذن خذ العملة ام خمسة مليمات جائزة وشوفها بتساوي كام بسعر الليلة
| |
|
|
|
|
|
|
Re: صور من الزمن الاجمل (Re: عمر الفاروق عبد الله الشيخ)
|
والله ياولادي حشّرتونا في ضفورنا... تراكُم صغار شديد ياعمر الفاروق! أنا حايمة بهنا زي "البعّاتي" من الزمن الشايفنه بعيد دا!
بس البوست جميل المفروض الواحد يعمل ليكم معرض من عِلب الصور المكدسة. تحياتي لكم يا "شباب".
| |
|
|
|
|
|
|
Re: صور من الزمن الاجمل (Re: عائشة موسي السعيد)
|
Quote: والله ياولادي حشّرتونا في ضفورنا... تراكُم صغار شديد ياعمر الفاروق! أنا حايمة بهنا زي "البعّاتي" من الزمن الشايفنه بعيد دا! |
يا د. عائشة ..... هسي مالك؟ رغم إنكم قدامنا بشويتين ..... لكن نحن بندخل ونعلّق بدون ما نذكر العُمُر.
فعلاً .. الواحد بقى يتكلم عن حاجات زي الحصلت أمبارح، وينسى إنو (السبعينات) دي فات عليها 30 أو 40 سنة.
| |
|
|
|
|
|
|
Re: صور من الزمن الاجمل (Re: Zomrawi Alweli)
|
. .
تحياتي ياعمر
بوست لطيف جداًَ ، الف شكر يازميل .
بمناسبة الزمن الجميل :
الحبوبة أو النسوان العجائز يقولن ليك: زمان القلوب صافية ياولدي ومليانة محنة، وتلقاها ليها عشرين سنة مابتتكلم مع أختها متشاكلين في (حلة المونيوم)
. .
| |
|
|
|
|
|
|
Re: صور من الزمن الاجمل (Re: ALazhary2)
|
بمناسبة الزمن الجميل :
الحبوبة أو النسوان العجائز يقولن ليك: زمان القلوب صافية ياولدي ومليانة محنة، وتلقاها ليها عشرين سنة مابتتكلم مع أختها متشاكلين في (حلة المونيوم)
اخي الازهري لك التحية وبرضه بغنوا حليل زمن الحنان يا با
| |
|
|
|
|
|
|
|