|
ايها الساسه ليه حياتنا ما تبقا جنه
|
سؤال موجه لساسة بلادى وهذا ما يهمنى فى المقام الاول الاجوبه كثيره جدا على هذا السؤال هذه مساحه لكل من ينتمى الى السودان بكل اثتياته وقبائله ليه حياتنا ماتبقا اضعف الايمان فيها سلام وكل زول ياخد حقوا بقدر ما هو متاح له فى هذا البلد الجميل الاجوبه كثيره جدا على سؤالى
|
|
|
|
|
|
|
|
Re: ايها الساسه ليه حياتنا ما تبقا جنه (Re: خالد المحرب)
|
يا خالد اخوى ازيك الساسة حقينا ديل ناس ما بعرفونا للاسف لا بعرفوا غنانا ولا حياتنا ولا مطالبنا لانهم جايين من مناخات تانية ياحليل زمن الهندى والازهرى والمحجوب وعبدالخالق محجوب ياهم ديل ناسنا وتاج راسنا كانوا بحلمو معانا وبشاركونا حلمنا غير كدا ما بعرف تانى
| |
|
|
|
|
|
|
Re: ايها الساسه ليه حياتنا ما تبقا جنه (Re: سلمى الشيخ سلامة)
|
Quote: يا خالد اخوى ازيك الساسة حقينا ديل ناس ما بعرفونا للاسف لا بعرفوا غنانا ولا حياتنا ولا مطالبنا لانهم جايين من مناخات تانية ياحليل زمن الهندى والازهرى والمحجوب وعبدالخالق محجوب ياهم ديل ناسنا وتاج راسنا كانوا بحلمو معانا وبشاركونا حلمنا غير كدا ما بعرف تانى |
ياتو مناخات التى اتو منها هولاء الناس يا سلمى من يوم عرفنا هذا السودان والله كانت الثقافه والله كان التسامح والله ماكان فى شى اسمو مسيحى ولا شى اسمو القبيله كان هناك الوفاء ياسلمى كان هناك الصدق كانت هناك المبادى كنا نباهى با نفسنا تجاه كل الشعوب الحصل شنو ياسلمى ؟؟
| |
|
|
|
|
|
|
Re: ايها الساسه ليه حياتنا ما تبقا جنه (Re: الشامي الحبر عبدالوهاب)
|
Quote: سؤالك دا يا خالد بطرح موضوعك القديم داك الفتحت بيهو بوست موضوع الوطنية عندما يكون المعيار الانتماء للوطن نحن كدي بنبقى قريبين للجنة غير كدى الجنة في وادي ونحن في وادي
تحياتي |
والله يا شيخ الشامى الواحد بقا زى ديك الجمعه يمشى ويجى مدلدل فهمتها ولا اشرحها ليك
| |
|
|
|
|
|
|
Re: ايها الساسه ليه حياتنا ما تبقا جنه (Re: الشامي الحبر عبدالوهاب)
|
Quote: انا فهمتها يا خالد لكن الشرح بعمم الفائدة وما تنسى كمان في ديك بطانة وفي ديك كمبو وفي ديك مسلمية عشان كدي لازم ديك الجمعة اتعرف للناس
تحياتي[/QUOT ههههههههههههههههههه زمان الديوك والجداد بربطوهم فى جنب اللورى او الياص وبودوهم السوق ما بكون فاهم اى حاجه يمشى ويجى مدلدل كرعيه لى فوق وراسو لى تحت
| |
|
|
|
|
|
|
Re: ايها الساسه ليه حياتنا ما تبقا جنه (Re: حمد فتح الرحمن)
|
Quote: يا ود المحرب تحياتي
اظن انو والله تعلم انو سؤالك او سؤال عثمان حسين وقبلو الشاعر دا اتحور عند ساستنا ديل او بقا ( ليه حياتنا ما تبقا سرقة )
كل حكومة وانت بخير |
حمد فعلا كل شى بقا غير مقنع لا معارضه نافعه ولا حكومه نافعه كل سنه وانت طيب يا حبيب
| |
|
|
|
|
|
|
Re: ايها الساسه ليه حياتنا ما تبقا جنه (Re: خالد المحرب)
|
Quote: هديه لا ختى سلمى بت الشيخ |
يمين الله تكون زد في نظرا مليون مره بي هديتك دي.. عاشرت الحبيبه س. أ. س سنين عددا، عملنا في مكان واحد، طرابزينا في مكتب واحد، وبعد الشغل بيناتنا الإجتماعيات الأسريه والخاصه.. الشاهد، سلمى مسكونه بهذا العميري، الفنان الشامل.. حدثتني عنه كثيرا حتى صرت مثلها في هواهو.. رحمه الله.
- أما عن موضوع البوست: أنا محتار أكتر مالاك. -
تحياتي ليك ولي بت ابحريره والعيال..
وبيناتنا تلفون.. مشتاقلكم يعلم الله.
| |
|
|
|
|
|
|
Re: ايها الساسه ليه حياتنا ما تبقا جنه (Re: محمد عبدالرحمن محمد)
|
مشكلة السياسة أنها أصلاً قائمة على اللف والدوران وعمرو اللف والدوران ما بعمر حياة وفق ما تطلب كلو ÷ كلو كضب × كضب
لن تسمع إلا الوعود الممطولة والكذب الصراح ليل نهار فما الأمل في مثل هؤلاء ستقبض الريح صدقني
أظن الشعب عرف الفي جوات البطيخة ورماها وشتت علي معايشو
فيا شيخنا عشماً في ساسة ما بتلقاهو تب أقنع وشوف حال الوليدات وأمهن وقرط على كدا
تحياتي واحترامي ومحبتي
| |
|
|
|
|
|
|
Re: ايها الساسه ليه حياتنا ما تبقا جنه (Re: محمد عبدالرحمن محمد)
|
Quote: يمين الله تكون زد في نظرا مليون مره بي هديتك دي.. عاشرت الحبيبه س. أ. س سنين عددا، عملنا في مكان واحد، طرابزينا في مكتب واحد، وبعد الشغل بيناتنا الإجتماعيات الأسريه والخاصه.. الشاهد، سلمى مسكونه بهذا العميري، الفنان الشامل.. حدثتني عنه كثيرا حتى صرت مثلها في هواهو.. رحمه الله. |
المطرطش السلام عليكن ات قايلنى ماعندى خبر سلمى بت الشيخ زوله ليها فى قلبى مكان احترما جدا وغصبا عنى طبعا اها قت اديها الشى البنفع معاها لك الشكر اخى محمد على هذه الطله ونسال الله ان يتقمد العميرى بواسع الرحمات
| |
|
|
|
|
|
|
| |