|
|
|
 Re: كراهيتى فى الدنيا تعطيش حرف الجيم عند مذيعيينا (Re: النصرى أمين)
|
ينصر دينك يا النصري
وياريت لو بيعرفو يعطشوها ..
ديل يعطشوها ويعملو ليها سوء تغذية ويعملو لينا نحنا في صمة خشمنا إسهال مزمن.
واحدين يقولو ليك هشليش أيام هجليج ..
التعطيشه دي يمكن نقبلا من البنوت لكن من الجنيات المذيعين ديل أعوج طب.
قناة أم درمان مثلاً فيها مذيع عندو برنامج صباحي يقدنا بيهو مع سبق الإصرار والترصد ويزيدنا سوءاً علي سوئه بالتعطيش الكريه.
والقائمة طويلة.
| |
  
|
|
|
|
|
|
|
|
Re: كراهيتى فى الدنيا تعطيش حرف الجيم عند مذيعيينا (Re: حسن محمود)
|
سلام وليد
حقيقة ما متاكد الصحيح شنو ....كرهتى او كراهيتى....
وده بجيبنا للفرق بين كره وكراهية.....
الكره فيهو شوية اجبار على الشئ ..... مثل ...قبلت مكرها على فعل الشئ
احتمال برضو ...المنطقة بتلعب دور....
زمان ونحن صغار كنا فى امدرمان بنقول حلة للحى ...
نمشى مدنى نسمعهم بقوله فريق لمن يقصدو الحى ...
شعلها الله فى ميزان حسناتك
| |
|
|
|
|
|
|
|
|
|
Re: كراهيتى فى الدنيا تعطيش حرف الجيم عند مذيعيينا (Re: النصرى أمين)
|
شيتني في شرح يا النصري وقعت من السماء
تعرف الموضوع دا مثار تهكمنا في البيت
والصديق الشفيع رمزي كمان في ترقيق للراء
في النيل الازرق بس مرة كدا اقعد لناس افراح
افراح وعينيك ما تشوف الا النور بجد حاجة بايخة
اعتقد انها ظاهرة تستحق الوقوف عندها .
.............................................حجر.
| |
|
|
|
|
|
|
|
|
|
Re: كراهيتى فى الدنيا تعطيش حرف الجيم عند مذيعيينا (Re: الرفاعي عبدالعاطي حجر)
|
Quote: بس مرة كدا اقعد لناس افراح
افراح وعينيك ما تشوف الا النور بجد حاجة بايخة |
عروسة في البرنامج سألتها المذيعه :
بتقولي شنو لزوجك؟
قالت ليها: بقول ليهو بحبك .
والله العظيم لتاريخ الليله أنا ما عارف دي مرت كيف علي القناة.
وواحدات من الأخوات يقدمن التهنئة بالإنجليزي ..
أبيخ برنامج هو أفراح أفراح.
أما تعطيش الجيم فخليها ساي.
| |
|
|
|
|
|
|
|
|
|
Re: كراهيتى فى الدنيا تعطيش حرف الجيم عند مذيعيينا (Re: الرفاعي عبدالعاطي حجر)
|
سلام حسن
طالما جابت ليها دعوة للوقوف صفا واحدا
عليك الله اضيف لى الحاجات دى للقائمة
الحاجة الاولى البدرة المبالغ فيها
الحاجة التانية.. لمن المراسل ينتهى من التقرير
بتاعه بقول اسمه وياخد ليهو صنة طويلة يبحلق
فى الكاميرا واخيرا ينطق المدينة البتراسل منها....
بقلدو باقى القنوات ببلادة ....
النصرى امين (صنة طويلة) كالقرى
ا
| |
|
|
|
|
|
|
|
|
|
Re: كراهيتى فى الدنيا تعطيش حرف الجيم عند مذيعيينا (Re: عبدالعزيز عبدالله محمد)
|
سلام الرفاعى
نحمد الله كثيرا ان مشاهدتنا للقنوات السودانية
ذات دفع احادى..... الفضائية السودانية هى الوحيدة
البتصلنا هنا فى كندا ...... زمان كانت لاتطاق...
دلوقتى بتنبلع للمنهلع ..... لو اجتهدو شوية واعتمدوا
على المبدعين من شبابنا ممكن يستفيدوا من القاعدة الكبيرة
البصلهم الارسال....
بس اهم شئ يضعو بصمتهم الخاصة وما بقلدو زول ....
| |
|
|
|
|
|
|
|
|
|
Re: كراهيتى فى الدنيا تعطيش حرف الجيم عند مذيعيينا (Re: النصرى أمين)
|
يا الله يا محمد عبدالرحمن
انا ما عارف كيف حكاية المتاوقة دى فاتتنى؟
ياخ دى من النوع البسبب غرق الحجاب الاعلى فى السوائل....
الذ حاجة انو المشاهد يفقد الرغبة تماما فى متابعة النشرة وهمه كله
فى توقيت المتاوقة .....
جاية لا ما جاية ...جاية لا ما جاية ...
يظل يزازى هكذا حتى تصدر رصاصة الرحمة
ويتاوق المذيع لزميلته تصحبها ابتسامة بليدة مع هزة راس
فنتنفس الصعداء ...
عالم مرض
| |
|
|
|
|
|
|
| |
walid taha
محمد قسم الله محمد
الرفاعي عبدالعاطي حجر
عبدالعزيز عبدالله محمد
محمد أبوالعزائم أبوالريش
محمد عبدالرحمن محمد
ايمن مستور
فيس بوك
تويتر
انستقرام
يوتيوب
بنتيريست