|
|
 لا نريد ملاحقة أحد ... نريد فقط حماية الحدود والسلام
|
البشير وعلي عثمان وغيرهم يخاطبون الشباب والمتطوعين للقتال ويدعونهم لمحاربة الجنوب.
الآن وزير الدفاع يوعدنا بملاحقة(هم).
يكفينا ما حدث.. لا نريد شكرا لكم..
لا تهمنا ملاحقة الجنوبيين والقضاء عليهم ولا دفع شبابنا ولا قواتنا المسلحة لحرب لا نحتاجها
أمنوا الحدود وكفى...
|
|
 
|
|
|
|
|
|
|
|
Re: لا نريد ملاحقة أحد ... نريد فقط حماية الحدود والسلام (Re: rummana)
|
سلام يا رمانة وجمعة مباركة إن شاء الله
وزير الدفاع ده معروف اكبر جعجاع ، يفوق رفاقته في الهطرقة بمليون سنة عدم دراية بما حوله
لو من حكومة الإنقاذ اتكلوا في اقرب زاوية واحجر عليه
يلحق شنو ؟ دي سياسة إسمها سياسة الإعتداء لو هو فاكر لامن تحصل الزول في بيته وتتعدأ عليه معناها لحقتوا واتسديت !
ثم تانيا هو كان بلحق كان هجليج اصلا احتلوها ولو حتى الإحتلال كان لمدة ساعة واحدة ؟؟
الإحتلال في حد زاتو اكبر فضيحة للإنقذ و غلطة لن يغفرها الشعب للحكومة المنتكلة على رجالة الحلقوم وهز الضراع
لأنه خلل زي ديه اكيد كلف الحكومة خسارة فادحة ماديا ومعنويا غير الأرواح الراحت في شأن الله والرسول ، ودي أهم وأكبر خسارة في الحرب د ي
اللهم لا نسألك رد القضاء ، ولكن نسألك اللطف فيه
ربنا يلطف بي باقي الشعب الفضل ويكفينا شر الفتنة والقتال
وعقبال نحرر أهم اراضينا المحتلة , في الشرق ، حلايب والفشقة
| |
|
|
|
|
|
|
|
|
|
Re: لا نريد ملاحقة أحد ... نريد فقط حماية الحدود والسلام (Re: اسماء الجنيد)
|
دي ما جعجعة ساكت يا أسماء ... الحكومة فرحانة شديد بالدعم والشباب المستعدين يحاربوا.. ممكن يدخلوا بيهم أي حرب عايزنها..
كل الاتكلموا الليلة كرروا نفس كلام البشير وعلى عثمان..
التاريخ بيعيد نفسه ... ما ملاحظة ؟؟..
زمان الشباب الجيشوهم ماتوا بحاربوا في متمردين ..تعال نقول انهم زمان حاربوا حفاظا على وحدة وطن...
ثم ضاع الشباب وبعض الوطن..
هسه سلفاكير وحكومة الجنوب استعدوا الناس على الجنوب باحتلالهم لهجليج وادعاءهم انه هجليج جنوبية ومافي حد حيجبرهم على الخروج منها ولا مجلس الأمن... ده استفزاز شديد للناس .. البدقوا صدورهم كتيرين في السودان يا سوما ما كملوا..
كنا امتثلنا بل تفاءلنا خيرا لما حصل انفصال وكل مجموعة أخدت وطن وأصبح في منافذ للاحتقان .. مافي سلام بجي بدون تضحية..
الجنوب هسه كله صار عدو بعد هجليج ولو الشباب المتحمسين ديل قادوهم أي حتة بيمشوا..وأي حتة دي ما هي أصلا "فركة كعب"، بينا وبين الجنوب أساسا ما في حدود...
لازم الناس بعد رجوع هجليج تقيف تقول احتلال بلدنا خط أحمر ..وكمان حرب فيما عدا الدفاع عن التراب خط أحمر.
شبعنا حروب كفاية كده.
| |
|
|
|
|
|
|
|
|
|
Re: لا نريد ملاحقة أحد ... نريد فقط حماية الحدود والسلام (Re: rummana)
|
يا سوما خليني أفش غبينتي معاك
تعرفي المزعلني (وفااااااارم حشاي)
مافي حد قادر يستوعب إنه في ناس ماتوا.. الموت العديل ده....
مشوا حاربوا وماتوا.....
بالالغام بالرشاشات بالمدافع بصواريخ.. النتيجة انهم ماتوا جد جد
يعني الليلة وامبارح واول امبارح في خبر موت جا لاسرة وفي أم قلبها اتشق بالحزن وفي زوجة اترملت وطفل اتيتم........
لكن الحاسس منو... ؟؟؟ الرئيس يهز ويعرض ...
وناس البورد....الطاير من الفرح .. والشامت المستخف..
تصوري يا سوما دخلت بوست لقيت واحد كاتب إنه ناس الخرطوم تفاعلهم كان ضعيف مع خبر التحرير.. وبكل ارتياح مع الاستخفاف والسخرية يقول الطلعوا كانوا ناس الهامش والفقرا ونسوان وواحدة كانت بتصرخ الله أكبر وشكلها من الهامش ويكون زوجها مات في هجليج...!!!!!!!
مافيش احساس أبدا ..كأنه المشوا مناطق القتال ديل مشوا عملوا "بارتي" وجوا....
ومالهم ناس الهامش والفقرا ما ناس؟ ما بفرحوا؟ معدومي المشاعر والأحاسيس؟
.
يا عالم ... يا عايشين في فقاعة ما فيها إلا أنفسكم
نحن السودانيين في الموت بنحزن .....ونعتبر...
بنعزي بعض .... بنجامل بعض.... بنصبر بعض
ما بنفرح... ونهز ....ونغني
ولا بنشمت .... وما بنستخف بدم وأرواح الماتوا كأنما هم حتة "دلقونة" رميناها في الزبالة
الناس القايمين قاعدين شارقهم الفرح ... موت الرجال ما فرق معاهم .. كان أقله يحتفلوا بدون اسراف احتراما للماتوا
والأسوأ من هؤلاء الناكرين الشامتين المكذبين المستخفين ....
الروح الراحت دي يا إما تطلع بشروطهم أو تبقى لا مهمة ولا عندها قيمة... ولا تسوى لحظة حزن عابرة
بالله عليك الله ده شعب يموتوا عشانه؟؟؟؟
إنا لله وإنا إليه راجعون
| |
|
|
|
|
|
|
|
|
 Re: لا نريد ملاحقة أحد ... نريد فقط حماية الحدود والسلام (Re: rummana)
|
يا رمانة سلامة حشاك يا خية
تعرفي انا قبل كم يوم نزلت لي بوست قلت ليهم يا جماعة والله عيب البتعملوا فيه ده
وكان واحد جايب لي جثث جنوبيين ونازل يعرض فيهم , بكرة جابوا صور لشماليين برضو الناس شمتت
ونوع بقول ليك الليلة الضيح شخخخخخخخ من الأضان للأضان ديل كتااااااااار
وبضبح بي كيبورديه ده , معقول ناس زي ديل بتهز شعرة فيهم الكلام الحاسة بيه إنتي ده وحاسيين بيه كتاااار
والله العظيم انا من امس بتخيل في الأمهات والأسر التعبانة وكروهم بالقروش حسب حوجتهم وساقوا خيرة شبابهم للقتال
بتخيل الأولادهم ماتوا ديل ، واكيد كتار جدا ، بتخيل حالهم اصبحت من الوجع لي وجع اعمق واغرق بكتير ، ولا حولة ولا قوة ليهم
اكيد بموتوا حسرة واكيد بموتوا مغسة سااااي , وفعلا البحرق الأعصاب وبفور الدم رقيص ناس الحكومة
وحفلات ناس البورد دي خليها ساي
وغير ده كمان ما شفتي بوستات صكوك الوطنية والنياشين للناس البحتجوا زيك وزي على الحروب والدمار
أنا وغنتي زماااااااااان بكونوا اعتبرونا صهيونات ,, والله صحي
يا خية بردي على روحك شوية وشر البلية ما يضحك ,, والله صحي
نسأل الله شفاء النفوس السقيمة
ونسأله ان يحمينا من الحروب والفتن
| |
|
|
|
|
|
|
|
|
|
Re: لا نريد ملاحقة أحد ... نريد فقط حماية الحدود والسلام (Re: أمير عثمان)
|
سلامات سوما
عارفة أنا لو عندي سلطة في السودان كان أفردت مساحة ضخمة في قلب الخرطوم (زي الساحة الخضراء الـ عملوا فيها حفلتهم امبارح) ورصيت فيها شواهد لكل شخص مات* في حروبات السودان من 1989 إلى اليوم وكتبت في كل شاهد معلومات عن الشخص وحددت يومين في السنة ، صيفا وشتاءا ، كل سوداني يجي يزور فيها ساحة الشواهد دي (إلزاما) ويقيف خمسة دقائق يفكر فيها في الناس الاسماءهم مكتوبة...
مش كده وبس كنت حألزم كل ولاية بعمل حائط (مبكي) في عاصمتها يكتب فيه أسماء شهداء الولاية ونفس الشيء كنت حألزم الجميع بوقفة الـتأمل والتفكر تلك..
القصة دي كلها مش غرضها تكريم الموتى بس بل تفويق الناس من حالة الازبهلال* العايشين فيها دي
شكرا أسماء ....
------
* أي شخص دي يعني أي شخص بس.
* ما عارفة الكلمة شرحها شنو بس ما عندي في قاموسي كلمة تناسب الحالة..
| |
|
|
|
|
|
|
|
|
|
Re: لا نريد ملاحقة أحد ... نريد فقط حماية الحدود والسلام (Re: rummana)
|
الأخ أمير عثمان سلامات
كيف أجزم أنه أحد أخد فلوس عشان يحارب؟ وهل بفرق كتير لو أخدوا فلوس أو لا ما دام ماتوا؟
الفقرا وأهل الهامش برضو عندهم رأي زي ما عندهم مشاعر.. الراي والمشاعر ربنا ما وزعها على الناس حسب الحظوظ المادية... ومن غير العدل اننا نفترض أنه كل من تجند وحارب وهو فقير معدم عمل كده باغراء الفلوس.. this is so unfair .. ده تجريد ليهم من حقهم ومقدرتهم على التفكير والاختيار..
شكرا لك على المشاركة..
| |
|
|
|
|
|
|
|
|
|
Re: لا نريد ملاحقة أحد ... نريد فقط حماية الحدود والسلام (Re: rummana)
|
Quote: الأخ أمير عثمان سلامات
كيف أجزم أنه أحد أخد فلوس عشان يحارب؟ وهل بفرق كتير لو أخدوا فلوس أو لا ما دام ماتوا؟
الفقرا وأهل الهامش برضو عندهم رأي زي ما عندهم مشاعر.. الراي والمشاعر ربنا ما وزعها على الناس حسب الحظوظ المادية... ومن غير العدل اننا نفترض أنه كل من تجند وحارب وهو فقير معدم عمل كده باغراء الفلوس.. this is so unfair .. ده تجريد ليهم من حقهم ومقدرتهم على التفكير والاختيار..
شكرا لك على المشاركة.. |
الأخت رمانة .. سلامات وأشكر ردك ...
موضوع عندهم رأى هو ما عنيته تماما ...
بإضافة وعندهم كرامة وعزة ...
والحمد لله لم أكن off point ..
وتحياتى ..
| |
|
|
|
|
|
|
| |
rummana
اسماء الجنيد
أمير عثمان
فيس بوك
تويتر
انستقرام
يوتيوب
بنتيريست