|
|
 القصه الحقيقه لما حدث بمباني (جهاز الآمن)و ما تبعه من اطلاق رصاص!
|
الصراع اولا لم يكن كما روج له البعض
(بين جناح علي عثمان او صلاح قوش) وبين
(جناح نافع)
الصراع كان بين مركز و هامش!
اجتماع طاريء للتنوير عن احداث هجليج وغيرها مفروض يبدأ الساعه 9 صباحا!
لكبار قيادات الآمن يعني مثل رتب ناس عقيد و عميد وانت طالع.....
الحضور من كبار ضباط الآمن وأقليه منهم من ابناء الهامش كانوا....حضور
(وهم من احتدوا مع اللواء تاج السر(الجلابي)!
اسمائهم هي :
1)صلاح تيه
2)هاشم ضؤ البيت
3)الطاهر محمد عيد
4)عبد الرحمن اربجي
بدأ النقاش....واحصاءات مخيفه عن الخسائر البشريه
وعن ضرورة دعم الدفاعات الاماميه و....و....الخ!
وفجأه انتهى التنوير بطلب ان يجهز هؤلاء المذكورين انفسهم للتوجه للميدان للقتال!!
لاحظوا ديل آمن وليس جيش!!
المهم الجماعه اصلا كانوا محتجين على كل التعاطي الحكومي مع قضايا اهلهم
ثانيا:
قالوا ليهم بصريح العباره لماذا نحن وليس انتم ؟!
لماذا نحن فقط من تم اختيارهم
للحاق بالجحيم الذي تحكون عنه؟!
مش كفايه انهم اهلنا...كمان نحن من نقاتلهم؟!
فما كان من الجلابي اللميض[red] اللواء تاج السر الا ان استخرج مسدسه
وصوبه للضابط العظيم صلاح تيه!!
هنا استخرج ايضا الضابط العظيم عبد الرحمن اربجي مسدسه ايضا وصوبه
نحو احد الحراس الذين وجهه اللواء تاج السر بضرب الضابط صلاح تيه!!
وبعدها عينك ما تشوف الا النور!!
استل جميع ابناء الهامش مسدساتهم لمواجهة التحرش المسلح بهم وهاك يا رصع!!
ابناء الهامش اقليه....ولكن الغبينه راقده.....فهاهم الرفاق بكل بساطه يثبتون لهم
انه دمائهم رخيصه ويمكن ان تراق بلا كبير حساب....كيف لا وهم اقارب امثال عوضيه عجبنا
تقتل سنبله ويسفر قاتلها لسفاره بالخارج وكأنها ترقيه له!!
المهم الضباط الاربعه دي وقوفوا لك الجهاز كله على فت رجل!!
والجلابه بدبابيرهم جري نضيف وشيء انحشار تحت التربيزات وشيء انبطح يا زميل!
وناس دخلت الحمامات وقفلوا على انفسهم!ويعني فيلم ما يخلص!
واعمل ساتر يا رفيق ومحن عجيبه!
ودماء سالت.....ومخاريق انكسرت ومحن....ومآسي...
الخلاصه.....ترضيات.....ومصالحات.....وعلاجات في محلهم!!
يعني احضروا الاطباء ولم يذهبوا لا مستشفى!!خوفا من الفضيحه!!
ولم يغادر احد ذلك المبنى منذ الساعه 9 صباحا لحد الساعه 9 ليلا حتى بدأ التسرب بهدؤ!
الجماعه بلعوها في حنانهم
فهم ما فاضين لشماتة ناس ابله ظاظا فيهم ناس تراجي.....
وما فاضين انه المجتمع الدولي يقولوا ليه هاهم يصفون ابناء الهامش الامنجيه معهم!!
وما بقدروا يشرحوها لاي جهة ولا بتنبلع!!لذلك عليهم ان يبلعوها لوحدهم!!
وحتى غدا تصبحون على خير...نكمل الباقي بكره!
|
|
  
|
|
|
|
|
|
|
|
Re: القصه الحقيقه لما حدث بمباني (جهاز الآمن)و ما تبعه من اطلاق رصاص! (Re: ABUHUSSEIN)
|
| Quote: أحـلام سـعـيـدة إن شــاء الله.... |
عزيزنا ابو حسين
تحياتي لأهل الرياض .. عارضنا ممطر فهل المطر زانقاكم زينا كدة
غايتو الجو جو بحر بس
قلت لي كيف.. احمد هارون مطلوب الجنائية ضرب ليك نافع على نافع كف وانتصر لاهل الهامش
والله بالغ لكن دا نصر مؤزر
هسع شايف اعمامك الرتب الامنجية في جهاز الامن البيعذب ويغتصب الناس حقق برضو نصر مؤزر لاهل الهامش
على النعمة الهامش البينتصروا ليهو باحمد هارون بتاع الابادة الجماعية والمطلوب في الجنائية وبينتصروا ليهو بضباط جهاز الامن البيقتل الناس دا بقى هامش ربح ساااي
المهم واصل احلامك يا ابو حسين .. وخلى الارباب يعمل كورسات تقوية في دلة كرهنا يآآخ :) ههه
| |
|
|
|
|
|
|
|
|
[
| Quote: الحضور من كبار ضباط الآمن وأقليه منهم من ابناء الهامش |
أيوااااااااااااااااااااا
ناس الهامش برضك امنجية!!!!!!!!!!
خطوه عديله يا جعفر..
.
.
.
.
.
تراجي ..
تنفعي اسامه انور عكاشه
سيناريو ختري ..
ينفع فيلم هندي.
| |
|
|
|
|
|
|
|
|
|
Re: القصه الحقيقه لما حدث بمباني (جهاز الآمن)و ما تبعه من اطلاق رصاص! (Re: Tragie Mustafa)
|
Quote: 1)صلاح تيه
2)هاشم ضؤ البيت
3)الطاهر محمد عيد
4)عبد الرحمن اربجي |
وشهد شاهد من اهلها
يعنى الضباط العظماء ديل من اهل الهامش وهم من يساعد فى سحل اهل الهامش
وله ياربى بيكونوا فى مهمة نوثيقية لجرائم النظام
والضباط العظماء من اهل الهامش مش ياهم البيعذبوا المناضلين الشرفاء زيكم كدا وانتو برضو بتصفقوا ليهم
ما زمان قلن ليكى المشكلة ما مشكلة جلابة وزنزج ولا مركز وهامش
وانما شرذمة من المنتفعين ومصاصى الدماء
وهؤلاء هم من شارك بالامش من شارك فى ابادة شعب جنوب السودان من دبابين وكلاب امن من الهامش والمركز
غايتو دى طبزتى فيها
وبرضك مصرة على جلابة وهامش وعرب وزنوج
اصحححححححححححححححححححى يا بريش
| |
|
|
|
|
|
|
|
Tragie Mustafa
mansur ali
ABUHUSSEIN
HAIDER ALZAIN
النذير حجازي
بدر الدين اسحاق احمد
اساسي
ناذر محمد الخليفة
saif massad ali
Elawad
Ahmed musa
mayada kamal
أبو عبيدة البصاص
محمد قسم الله محمد
حذيفه ابراهيم الكباشي
Elbagir Osman
Amani Al Ajab
حسن حماد محمد
فيس بوك
تويتر
انستقرام
يوتيوب
بنتيريست