|
Re: هسي دي حالة مصنع دايرين يفتتحوهو بعد خمسة يوم - صورة واحدة فقط (Re: محمد إبراهيم علي)
|
Quote: قلت لي تويستي يا خي انت قديم وانا ما قدرك بعدين الموج ده عريبي ساي من ضواحي الخرطوم شن عرفو بالتويستي كمان التويستي برقصوهو بالعراريق والسروال ابو تكة لووووول |
الطرطش .........سلام
يازول ناس الاقاليم ديل عندهم حقد طبقى نجاهنا نحن اولاد الخرطوم عليك الله فداسى حقت الزول ده كان ما جمال الوالى فى زول كان بعرفها؟ وحاتك الا تقع فيها طيارى زى لوكربى حتى الزول يسمع بيها بس.. بعدين زول فى تفكيكو داك بحكى من زمن مصنع سكر خشم القربه يقول صغير كالعادة اولاد الاقاليم ديل المدرسه ببنوها ويشتغلو فيها طلب حتى يدخلوهم ليها،،،
| |
|
|
|
|
|
|
Re: هسي دي حالة مصنع دايرين يفتتحوهو بعد خمسة يوم - صورة واحدة فقط (Re: محمد إبراهيم علي)
|
هههههههههه، والله البوست الموازي ده عجبني بشكل! يا باشمهندس، انا نهائي ما بضع حسن الظن مع الناس ديل... رغم اني زول ظني حسن في معظم الاحيان... لكن ديل، اثبتوا بما لا يدع مجال للشك انهم ما ممكن ابدا يعملوا شي ومن وراه قاصدين خير... عشان كده كنت متابعة بصمت البوست بتاعك داك وقلت انتظر اشوف العلم حيوصل لياتو نتيجة...
أظرف مافي صورتك دي انه الشي الوحيد الجاهز هو حجر الاساس بتاع الاحتفال!
| |
|
|
|
|
|
|
Re: هسي دي حالة مصنع دايرين يفتتحوهو بعد خمسة يوم - صورة واحدة فقط (Re: محمد إبراهيم علي)
|
الاخ محمد ابراهيم
تحياتى
والله صورتك تغنى عن الف كلمة كما يقولون
واضح انو ال civil works " الاعمال المدنية لسه ماخلصت بما فيها ال external works
و الكرينات لسه مشحوطة واقفة
عموما يمكن تشغيل المصنع لو اكتملت اعمال ال MEP "اعمال اليكانيكا و الكهرباء" و تم الانتهاء من التشغيل التجريبى و اعطاء الموافقةمن استشارييى تنفيذ المشروع على امكانية بدء التشغيل
الشايفو حتى لو تحصلو على الsoftware العايزنو دايرين ليهم بين اربعة لستة شهور
اها حجر الافتتاح ده يعملو معاهو شنو
افتتحه المشير بتاريخ 5 ابريل 2012 : ما حصل
| |
|
|
|
|
|
|
Re: هسي دي حالة مصنع دايرين يفتتحوهو بعد خمسة يوم - صورة واحدة فقط (Re: هشام المجمر)
|
اها حجر الافتتاح ده يعملو معاهو شنو
افتتحه المشير بتاريخ 5 ابريل 2012 : ما حصل
علا صحيح الحجر دا نسوي بيهو شنو ولا ابتا يا ربي حيعملو حجر جديد عندما يحين الحين ولا ينتظروا حت السنة الجاية حتى يتوافق مع اليوم والشهر وتغيير السنة هين
دا بذكرني افتتاح سد مروي العمال لسع رجلينم ما غسلوهو من الاسمنت قاموا افتتحوه ولا يزال السد في عثرته
قال حنعمل سد كجبار ودال قال
| |
|
|
|
|
|
|
Re: هسي دي حالة مصنع دايرين يفتتحوهو بعد خمسة يوم - صورة واحدة فقط (Re: محمد إبراهيم علي)
|
يعني كلام عبد الغفار المهدي دا برضو صاح؟!!!
Quote: ومعلوم أن الفترة التى تم اعلان الافتتاح فيها وهى فى أول أبريل يقل العصير فى القصب وما اعلان هذا الأفتتاح الا أستعراض لوزراء التجارة العرب وربما للحصول على أكبر قدر من العمولات وحسب حديث الخبراء فان المصنع حتى نوفمبر لايمكن أن يعمل خصوصا وأن (القلايات) لازالت مبعثرة فى الخلاء وهى من اختصاص أسجيك الهندية اما الشركة الفرنسية فاختصاصها هو ما يعرف (بالعصر)،وحسب حديث بعض المصادر فان الكثير من المكن لم يركب حتى الآن،وربما تم ابعاد (تاكوما) الياباينة المتخصصة فى القلايات لعدم توصل الأخوة (المسعورين) لطريقة (كدة) معها فاتجهوا للأخوة الهنود وطلعوا الشعب هندى بقصة السوفت وير والتى كان يمكن الأستعاضة عنها بكبرىولن تكون السابق الأولى فقبل ذلك حدثت فى كنانة لكن أنذاك كان هناك رجال يسعون لجعل السودان سلة غذاء العالم بحق وحقيقية..وليس أمثال هؤلاء اللصوص الذين الفاسدين الذين حولوا السودان لدولة تبحث عن المعونات والأعانات ..ويتموا البلد بأكملها فالسودان فى هذا الشهر يستحق أن يكون نموذج لليتيم فى العالم طالى ما بقى فيه أمثال هؤلاء الذين لايضيرهم خراب مشاريعه وأحلام شعبه ما داموا يقبضون عمولاتهم نظير عمالتهم.. |
| |
|
|
|
|
|
|
|