|
|
|
 Re: قاموس الراندوك .... لغة قاع المدينة (Re: وليد محمد المبارك)
|
ينوبك ثواب والله يا وليد
فإنا ممن تقطعت بهم السبل والبلاد
والقواميس الجديدة
فزودنا بها
عسى أن نلحق بالركب
إن قدر لنا ذلك في مستقبل منظور
الراندوك هو انقلاب على اللغة الأصل
وافتراع مسميات جديدة لأصل
بداعي التخاطب بين فئة من الناس دون أن يعرف
الناس عما يتحدثون
هكذا أظن
والخبراء سيفتونك لا محالة
وأبارك لك مقدماً سيرك المتفرد لطبع الكتاب
وفقك الله
تحياتي واحترامي
| |
  
|
|
|
|
|
|
|
|
Re: قاموس الراندوك .... لغة قاع المدينة (Re: بله محمد الفاضل)
|
سلام يا وليد ...
أنا والله كان مزعلني شديد إني ما تابعت بوست الراندوك (لأسباب خاصة بي)، رغم إني بافتكر إنو مهم شديد ...... وكويس إنك ناوي تتابعو وجبت لينك البوست الأصلي.
بمجرد ما فتحت البوست القديم، لاحظت ورود كلمة (جكسوية). رغم إنها كلمة دخلت قاموس الراندوك، إلاّ إنو أصلها أجنبي والأغرب إنو مصدرها ليس (قاع المدينة).
كلمة (جكسوية) أول من استخدمها على ما أظن هم طلبة جامعة الخرطوم، وكانوا بيقولوا (جيكس)، وبالإنجليزية (Chicks) وتعني لغةً (عصافير) أو (كتاكيت)، ويستخدمها الإنجليز "في لغة الشارع" للإشارة للبنات، أي أن طلبة الجامعة إستخدموها بنفس المعنى. تحرّفت بعد ذلك الكلمة وأصبحت جكسوية .. وعملية إرتباط بنت بولد عاطفياً أصبحت (تجكيس)، والغريب أنهم كما يقولوا أن فلانة دي جكسوية فلان (أي حبيبته)، يقولوا أن فلان هو (جيكس) فلانة. ثم وجدت الكلمة بعد ذلك طريقها للشارع العام، أي خارج أسوار الجامعة. هناك كلمات كتيرة خرجت من وسط الطلبة مثل مدبرس (Depressed)، أيضاً تعبير الخلط (الجلسات الرومانسية).
طبعاً الكلام ده في حقبة زمنية (ليست بعيدة)، لكن حدثت بعدها تطوّرات للغة، وكان قبلها هناك مفردات. أي أن كل جيل يضع بصمته ومركب الراندوك ماشة.
مؤكد حأكون متابع معاك، وصراحة الراندوك المعاصر أخوك (مجلّي) فيهو.
تحياتي.
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: محمد أبوالعزائم أبوالريش)
|
سلام يا وليد
كيفك و العيال
مجهود ممتاز و كويس انك نويت تحولهم لى كتب, و ما دام نويت حقو تجود الشغل لأكبر حد ممكن. يعنى لا بد من بحث حول معنى مفردة رندوك و الفرق بينها و بين مفردات أخرى قد تلتقي معها في جزء من التعريف. مثلآ في الانقليزى في فرق بين السلانق slang و الجارقون jargon الأولى أقرب للرندوك عندنا و الثانيه تشبه الرندوك لكنها تخص فئة معينه - أهل حرفه , مجال معرفه أو علم معين - مثلآ الميكانيكيه عندهم تعابيرهم و كلماتهم الخاصه بيهم الطلعت من شغلهم - جارقون - لكن ممكن بعضها يصبح غير خاص بالميكانيكيه و يستخدم من الآخرين أى تتحول لسلانق - رندوك ...
مهم برضو البحث في الوظائف البيقوم بيها الرندوك في التواصل و التعبير , اجتماعيه أو ثقافيه أو نفسيه الخ
بيكون تمام لو لقيت ليك زول أو زوله عنده اهتمام أو تخصص في علم الاجتماع أو لغويات و ما شابه يظبط معاك البحث .... شخصيآ ما عندى مانع اجادع بالمناقشات و ما تيسر
أجدع لنك البوست الأصلى
سلام يا انسان
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: محمد أبوالعزائم أبوالريش)
|
مبروك مقدماً يا وليد....
عندما رأيت عنوان البوست، كان أول ما خطر ببالي أن أدعوك لجمع مادته في كتاب، فإذا بك قطعت شوطاً في الأمر.
وعلى الرغم من أنني لم أكمل قراءة الجزء الأول، لمشاغل الحياة، فإنني ما زلت أعتبره من أجمل ما ورد في هذا المنبر، وأكثرها فائدة. وكنت أنوي طباعته والاحتفاظ به... الآن سأنتظر الكتاب 
شخصياً دخلته (وأعجبت به) من بابين: ثانيهما أنني مثل أخينا أبي العزايم "مجلي في الراندوك المعاصر".
في البدء كان سماع عبارة أو كلمة غريبة يثير في النفس شيئاً من الفضول. الآن، وبعد عقود من الغربة، تحوّل الفضول إلى شيء من المرارة. حينما يتحدث البعض من حولك، فتستوعب الثلث من كلامهم ويلتبس عليك الثلث... وتسطّح ـ كما ينبغي ـ في الثلث الثالث.
...........
| Quote: حقو تجود الشغل لأكبر حد ممكن |
دا كلام سليم: أبيخ شي لما يكون الموضوع متميز، والمادة متعوب عليها، ويطلع الكتاب مليان أخطاء. أخطاء في اللغة (نحو، إملاء، صياغة .. ) والطباعة (التصفيف) وفقر في الناحية الجمالية في التنسيق والإخراج. الغلاف أهم شي..
.....
عليك بالدكتور محمد الأمين موسى، فله "جكّات" مشهودة في دروب تتقاطع مع دروبك هذه.
| |
|
|
|
|
|
|
|
|
 Re: قاموس الراندوك .... لغة قاع المدينة (Re: محجوب البيلي)
|
يا وليد نقول ليك مقدماً ألف ألف مبروك
الكتاب وبالجد فكرة رائعة جداً جداً
وإن شاء الله ح أشارك معاك في البوست
دا، وبرضو ح أدعمك مادياً لنشر هذا
الكتاب الرائع.
واقترح أن يكون اسم الكتاب:
"دليلك يا الفارطوك لتعلم لغة الراندوك"
وحذف لغة قاعة المدينة من العنوان
ولكن بالطبع يجب إدخالها في المقدمة
عن تأريخ لغة الراندوك بأنها بدأت
من قاع المدينة والآن دخلت الجامعات
السودانية.
تحياتي ليك يا ملك وسأعود كان الله هون
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: النذير حجازي)
|
ابو النيذ يا حبوب
ياخ انت ركيزة اساسية في المشروع ده ... ومعاك الزملاء الاكارم في المنبر
مداخلاتك في البوست السابق كانت الاهم حسب وجهة نظري وجميع المداخلات مهمة
ما حا اوصيك بالمتابعة انكرب معاي يا فردة
Quote: وبرضو ح أدعمك مادياً لنشر هذا
الكتاب الرائع. |
اهو كويس الواحد يفكر م هسع يصبن من الدعومات دي كيف
يصبن : يستقتطع ، يختلس ، يخبئ جزء ...
Quote: واقترح أن يكون اسم الكتاب:
"دليلك يا الفارطوك لتعلم لغة الراندوك" |
اقتراح ممتاز
والامر مفتوح للنقاش من الزملاء
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: وليد محمد المبارك)
|
| Quote: واصل هذه المفردة مستمد من طرفة بذيئة تُحكي |
كلا
لا وألف
لا
لا
قصة هذا المثل ليس كما تفضلت يا اخي الكريم ، وهذه القصة لفقها الناس البشربو السجارة الخضراء وروج لها الناس الماعندهم أدب دايرين يلولوي مسارها ساكت والقصة ليست كما تفضلت فقد جانبك الصواب وأطأت أخي الفاضل
اخوي وليد القصة للفظة الماسورة هي أتت من الماسورة الواحدة دي أي الحنفية الحالجة يعني الزول يقول ليك فلان دا ماسورة وليس أداه ماسورة وليس ركبو ماسورة فلان دا ماسروة يعني زول حالج زي الماسورة الحالجة كابي ساكت بدون ضبط زي الزول الفاشل في شغلو يقول ليك دا ماسورة يعني ما نافع ويقول ليك وارغو ماسورة لا المريخ يعني لاعب ما نافع أما مصطلح ركبو ماسورة دي مسجوها الناس الماعندهم أدب فأنت لمن تقول فلان دا أداهو ماسورة يعني زي بتاع المغلق لمن يبيع ليك ماسورة ( حنفية) وتمشي تركبها وتلقاها محلوجة يقول ليك بتاع المغلق أداه ماسورة ،، وركبو ماسورة برضة يعني اداه ماسورة زي ما يكون عندك موبائل فيهو عيب وتقوم تبيعو لزول ويلقاهو زول تاني يقول ليك الزول دا ركبك يعني باع ليك موبائل ما نافع زي الماسورة المحلوجة ما نافعة تركبها وتندم عليها لانها بتكون شغال على طول وما بتقدر تتحكم فيها
شوف يا وليد المصطلح دا الدليل على انو الماسورة مقصود بيها الماسورة الحالجة هو انو اي طبقة من الناس بتستخدمو حتى العنصر النسائي ولو فعلا كما تفضلت لما استخدمته النساء او اهل الفضل من الناس وحتى الصحفيون لا يستخدمونه لكن اليوم نرى هذا المصطلح يستعمل بكثرة كبيرة جدا في الصحف وفي المواصلات وامان العمل وعند النساء
والدليل الآخر على ان المصطلح واصله ليس كما ذهبت هو في مصطلحات كثيرة اصلها خبيث وفاضح وجنسي لا تستعمل الا لدي الصعاليك كثيرة جدا لا يستخدما أاهل المروءة بل يستخدمها الصعاليك وعديمي الادب ،، الشيء الخلة دي تنتشر وديك ما ينتشرن شنو ؟؟؟؟
الخلاصة اصل الماسورة هي الماسورة المحلوجة ،، إنتهى من واقع المائشات اليومية و استطلاع الكثير من الناس خاصة الميكانيكية البصلحو العربات
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: المكاشفي الخضر الطاهر)
|
المكاشفي عليك الله ما تتشنج لينا هنا
ده المصطلح .. ودي روايتي انا لي مصدره .. رواية الصعاليك كما تفضلت .. انت جيب روايتك ... انا بنصح كل اخت كريمة ما تستخدم المفردة دي لانو ده مصدرها .. العاوز يستخدمها بفهمك انت لمصدرها علي كيفو ..
المهم في كل الحالات بدل التشنج رتب لينا افكارك في صورة ممكن نستفيد منها وادينا مصدر ممكن نعتمده لاصل المفرده ونضيفو في الكتاب
اما حكاية صعاليك وما اداركما .. فانا في البوست ده تحديدا ما بعلب قاعد اوثق .. حتى الصعلكة هي جزء من مجتمعنا والصعاليك وقليلي الادب كان ترضى كان تابي طالما اقريت بوجودهم فهم شريحة من المجتمع السوداني .. وانا حا اوثق ليهم زيهم زي اي زول ..
وهو اساسا الرندوك لغة سرية .. المقصود منها اخفاء المعني الحقيقي للجملة .. فعليك الله اذا كان الفهم محلوج .. مرندكنها لشنو ؟
ما يقولوا ليه محلوج وخلاص
جيب كلامك مكتوب متوازم ... وخت روايتك الموازية لروايتي عشان نضيفها للكتاب بدل التشنج
هذا مع خالص الود
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: وليد محمد المبارك)
|
وليد كيفك .. مشتاقين والله
ياخي أنا لمن مشيت السودان بت اختي قالت لي (يا خال كدي جيب مصلاية)! تعرف المصلاية طلعت شنو!! 50 ألف جنيه بالقديم! وبعدين بالإضافة لي ياخي شنو انت رافع لينا القزاز (مطنشنا) كدي (أرخيني)يعني give me a break تعرف الواحد لمن يجي السودان يعمل حمام ميت لحدي ما يشوف الحنك ماشي كيف عشان ما يدقوك كورة ... بعدين ياخي أخوك ده (ملاكم) ولا شنو (يعني بخيل ومقرض عليها)...
هسع كتابك ده لمن تطبعو حتبيعو ولا توزعو مجانا ولو حتبيعو حتتبرع لدعم الاقتصاد السوداني بي كم؟(..)
تحياتي
أمير
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: المكاشفي الخضر الطاهر)
|
سلام يا وليد
وتحياتي لك ولاسرتك
قد لا تعلم باني عملت مع الاطفال المشردين
خبرتهم وخيروني لفترة طويلة
في منظمتين هما :
جمعية اصدقاء الاطفال "امل "
ومشروع صباح لرعاية الاطفال المشردين
قمت في تلك الفترة بجمع معظم الكلمات المتداولة وسطهم
ضاع الكراس بسبب التسليف !
المهم يا حبيب انا اعرف عن عالمهم الكثير
اكتب لي هنا ربما افيدك في مشروعك الضخم
الذي تحتاجه المكتبة السودانية
[email protected]
_______________________________________
كنت قد كتبت هنا بوست بعنوان
حكاية ولد يدعى ....... " نسيت الاسم "
لكن الاسم اقرب الى :
كريستو او بريستو !!
فابحث معي !!
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: خالد العبيد)
|
سلامات للجميع الفِرد هنا
بمناسبة فِرد دي يا ابو العزائم ممكن برضو يا وليد تنظر في العلاقة التبادلية بين لغة الاعلى (الثقافي) و و لغة قاع المدينة ..
فردة و غيرها، البعتقد انو البوست دا ذاتو سببها و علتها، كلمات هاجرت عكسياً لهرجة جكس و غيرها!
دا واحد ..
اتنين يا ريت لو تم بحث منهجي منظم لدراسة نظم التشفير في لغة الراندوق ..
الموضوع دا شاغلني جداً ..
تماسك اللغة دي، و انتشارها بدل على انو في (نظام) او مجموعة نظم بمنهج محدد وراها!
الشغلة دي ابداً ما اظن صدفة
غايتو ..
سنتابع
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: قيقراوي)
|
Quote: ابو النيذ يا حبوب
ياخ انت ركيزة اساسية في المشروع ده ... ومعاك الزملاء الاكارم في المنبر
مداخلاتك في البوست السابق كانت الاهم حسب وجهة نظري وجميع المداخلات مهمة
ما حا اوصيك بالمتابعة انكرب معاي يا فردة
Quote: وبرضو ح أدعمك مادياً لنشر هذا
الكتاب الرائع.
اهو كويس الواحد يفكر م هسع يصبن من الدعومات دي كيف
يصبن : يستقتطع ، يختلس ، يخبئ جزء ...
Quote: واقترح أن يكون اسم الكتاب:
"دليلك يا الفارطوك لتعلم لغة الراندوك"
اقتراح ممتاز
والامر مفتوح للنقاش من الزملاء |
هاهاها @ وليد
يا ولي ما عندك أي مشكلة صبن طوالي والتصبين من الفرد رجالة هاهاها
(دي على وزن نقط نقط للأخوان رجالة هاهاها)
والله ما كتيرة عليك لو صبنت منها وحلال عليك
وأشكرك بحرارة بالإشادة بمداخلتي في بوستك السابق، وبالجد
لغة الراندوك دي أنا بحبها ولي فيها ذكريات ونوادر جميلة
تحياتي ليك يا ملك، وبرضو بشكر فيك الكرم الحاتمي دا
و ح أعمل البوست بوستي و ح إنكرب معاك يا فردة
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: النذير حجازي)
|
سلام يا مكاشفي
يا مكاشفي ما تغالط ساي كلام وليد عن أدهو ماسورة صاح
ومعظم الشباب عارفين كدا، عليك الله ما تغالط ساي،
وبالمناسبة يا وليد حتى الصحف كتبت عن مصطلح ماسورة وهم
ما عارفين معناه الأصلي وبتذكر كتبوا عن سوق المواسير في
الفاشر، والناس كلها بتتكلم عن سوق المواسير وما فاهمين
أصل المصطلح.
وبعدين يا مكاشفي العلم ما فيهو عيب واللغة برضو ما فيها
عيب علشان تجيء توصفنا بالصعاليق، أها رأيك شنو في الإمام
جلال الدين السيوطي؟! والذي له مؤلفات دينية عديدة أهمها
تفسير القرآن الكريم (تفسير الجلالين) والأحاديث النبوية، أها جلال الدين السيوطي
دا عندو كتاب اسمو "نواضر الأيك في معرفة النـيك" دا عنوان كتابو
ناهيك إنو كاتب شنو. وبرضو الأستاذ الطيب محمد الطيب بتاع صور شعبية
وهو من أسرة ورع ودين عندو كتاب اسمو "الإنداية" وقام بتقديم هذا الكتاب
البروفيسور العلامة عون الشريف قاسم وزير الأوقاف السابق، هذه أمثلة غيض من
فيض والأمثلة تطول ولا حياء في المعرفة والعلم.
تحياتي لكما
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: النذير حجازي)
|
Quote:
ده المصطلح .. ودي روايتي انا لي مصدره .. رواية الصعاليك كما تفضلت .. انت جيب روايتك ... انا بنصح كل اخت كريمة ما تستخدم المفردة دي لانو ده مصدرها .. العاوز يستخدمها بفهمك انت لمصدرها علي كيفو ..
|
كلام غير سليم يا وليد ..
و انت كدا بتنسف كل مشروعك هنا لمن تدعوا لانو ما يستعملوا كلمات فقط لان المصدر فيو خلل!!
طيب كل الراندوق زي ما تفضلت انت تم صياغتو في [قاع المدينة]!!
دام نهج مختل، و مقلوب .. و لا علمية له
معروف بالضرورة انو اللغة حية!
و في دورة حياتا دي بتتم كل التفاعلات كأي نظام مفتوح .. و بتغتني بغيرها، و قد تضمحل و تندثر لو فقدت صفة (الحياة) ..
خلال المسيرة دي بتم تبيئة، و توطين، و تدجين، و استئناس لكتر من المفردات ..
بالمناسبة كل المفردات المستخدمة حالياً في اليومي، و خصوصاً في الكورة كلمات بذيئة في الاصل
مثلاً :
زعط، زعاط
معط، معاط
بل
رش
حش
دي انت قايل معناه الاصلي شنو أول!؟
-------
دا مع شكي في روايتك لي (ماسورة)
ياخ كدي اربطا ساي بـ(الفافنوس) و هو الغليد البوص ..
و دي ذمّة قديمة، نفتها بنونة بت المك عن اخوها عمارة من زماااان!
ما اعتقد انو وكتها النكتة كانت موجودة ذاتو!
ما تتناقض
ما ممكن عنوانك بقول [لغة قاع المدينة] و جايي، تكتف نفسك بنفسك باخلاقي، قيمي*!!
ابعدوا عن التأصيل لما لا اصل لهو .. هل هو ضروري!؟
ما اعتقد .. انت ذكرت انك بتجمع في تراث صاح؟
التزم فقط باخلاقيات البحث و المنهج العلمي
* و دا دائماً بتفروض القوى المهيمنة، السائدة .. ابداً ناس القاع ما ليهم فيهو
و اكيد ح يناقض، و يصطدم بالاخلاقي، القيمي بتاعم
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: احمد محمد بشير)
|
Quote: ما تتناقض
ما ممكن عنوانك بقول [لغة قاع المدينة] و جايي، تكتف نفسك بنفسك باخلاقي، قيمي*!! |
سلام يا قيقا، يا قيقا عنوان وليد إبتدره بكلمة قاموس
لكلمات الراندوك ومن أهداف هذا القاموس توعية الناس للغة
التى يتكلمونها دون وعي أو معرفة، علشان الناس ما تكون زي
الطيرة اللي مبارية السيرة، والشق الآخر من العنوان "لغة .."
برضو بصب في نفس المعني تأسياً بقول الرسول (ص): من تعلم
لغة قومٍ أمن شرهم"، بصراحة ما في أي تناقض ممكن الواحد
يتعلم اللغة ويفهم أصلها وليس بالضرورة يتحدث بها، أو
يتحدث بالبذيء منها.
تحياتي
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: النذير حجازي)
|
ولي يا حبيب سلامات و بيني و بينك أنا زعلان منك لكن ده ما مكانه .
الموضوع ده جميل و لكن الإستعانة بناس علم اللغة مهم . و أنا بعرض خدماتي مجانا .
بالمناسبة حتلاقي كلمات ريفية كتيرة و منها يصبن التي ذكرتها و يستخدمها أهل الريف : فلان صبن العيش في المطمورة
تحياتي و موفق
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: معتز مقبول)
|
الوليد
سلام
ارجو ان يتسع مبحثك ليشمل الفاظ الغزل فى الراندوك السودانى و تطورها:
تتى: فى السبعينات متزامنة مع اغنية لترباس
موس
شرط (بفتح الشين و كسر الراء)
مزة بضم الميم و تشديد الزاى (هذه الايام) و جمعها مزز
سكلانس: تعود الى العشرينات
حبة: تعود الى التسعينات
حتة: تعود للسبغينات
بل و يمكن ان يتناول مبحثك الفاظ الجنس (لا حياء فى التوثيق!!!!)
كما ارجو ان يضم الكتاب فصلا عن الاغنيات التى كانت اساسا لالفاظ و مفاهيم معينة ذات طبيعة راندوكية:
اغنية حنى على انا يا ستى لترباس
اغنية تحرمنى منك لعبد العزيز المبارك
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: خالد العبيد)
|
حكـــــاية ولـــــد يــدعــــى بريــــســـتــو
إلى منير صفي الدين الرائع الذي فتح عيوننا إلى هؤلاء الضحايا
خالد العبيد
.
إنها حكاية قد تبدو مثيرة للكثيرين منكم، ولكنها يا سادتي بالنسبة لي أصبحت لا تعني غير حياة عادية أعيشها صباحاً ومساء .. وسأحاول أن احكي لكم ما أستطيع لانه غير مسموح لي أن أقول كل شئ عن حياتنا، فنحن أبناء الشمس مثلما يطلق علينا، لنا قوانين خاصة تحكمنا لا نستطيع الخروج منها، أهمها السرية المطلقة في كل ما يخص حياتنا وتفاصيل علاقاتنا حتى نحافظ على تقاليد ورثناها ممن سبقونا في هذه الحياة الغريبة والمدهشة والمتوترة التي وجدت نفسي في اتونها وإلا تعرضت لعقوبات قاسية
كنت احلم أن أكون مصوراً مثل والدي الذي يملك استديو للتصوير في الخرطوم بحري، كم تدهشني تلك الآلة السحرية وتمنيت أن أكون خلفها مثل والدي، ولكن بدلاً أن أكون خلف الكاميرا أصبحت خلف حمار عجوز اعرج انقل به الركاب على عربة يطلق عليها تاكسي الغرام لأنها لاتسع اكثر من اثنين !!.
حسناً... اسمي ـ بريستو رودلف ـ ، عمري سبعة سنوات، ومن قبيلة الزاندي, كنت اسكن مع أسرتي في كرتون كسلا أقاصي الحاج اليوسف، هربت من المدرسة بسبب الضرب المبرح،لم اكن كتب شيئاً في دفاتري فالظلام يحيط منطقتنا، من كل الجوانب والعشة التي بنتها أمي اساندا من الكرتون والجوالات لا توجد بها تربيزة واحدة ، فقررت عدم الذهاب إلى المدرسة فعاملني والدي بقسوة اكثر واشترط علي أن اعمل لأتدبر معيشتي وحدي، او اخرج من المنزل نهائياً فخرجت .
استقبلني الشارع بسرعة مذهلة وعشت حياة قاسية، اذكر أن أول أيام تشردي صادف أول يوم للعيد عند المسلمين، في الحدائق شاهدت أطفالا كثيرين يسيرون مع أهلهم كانوا نظيفين وفرحين، وكنت أسير وحدي حافي ومتسخ ومسطول .. إلى أين لا ادري ؟
بعد أيام قليلة وجوار السينما تعرفت على بعض( الفرد )1 اكبر مني وبعضهم اصغر ، كما تعرفت على وبعض (اللقويات )2 كن يحملن أطفالا رضعاً ولدوا داخل (الصواريخ)3 ... كنت لا أفارق أصحابي الجدد لحظة واحدة وندخل السينما يوميا بلا مقابل بعد أن نرشي البواب بمائة قطعة من (اللستك) الذي يحزمون به النقود ، الأفلام الهندية كانت اكثر ما يشغل بالنا ولا نفوت فلما واحدا حتى ولو سافرنا إلى سينما الخواجة بمدني ! كنا نحفظ وجوه الممثلين جيداً ونطلق عليهم ما نهوى من الأسماء المحببة لنا كما نحفظ الأغاني الهندية ونغنيها جماعياً مثلهم تماماً وبإيقاع اشد حرارة في منتصف الليل قبل أن نذهب إلى النوم جوار نقطة البوليس .
طريقة نومنا غريبة فقد كنا نتماسك بالعشرات ونتراص في صفوف طويلة ، منظرنا كان يشبه الانتحار الجماعي للأسماك . واذا لم ننم جوار نقطة البوليس فان مآسي كثيرة كانت تحدث لنا من كبار الشماشة ، كانوا يفعلون بنا أفعال من النادر أن ينجو أحدا منها يسمونها ( شغل أخوان)4 وعندما يكبر هؤلاء فانهم يمارسون نفس الفعل مع القادمون الجدد أمثالي . إنها الضريبة الكبرى او تصريح البقاء الذي يدفعه المشرد طائعاً كان او بالقوة حتى يضمن بعض حقوقه من مأكل وحماية وسلسيون .
في إحدى المرات قبض علي أخي وأعادني إلى الكرتون مرة أخرى والدي لم يكن موجوداً ، وبعد يومين أحسست بالفرق بين ما نأكله في السوق من بقايا البيرقر واللحوم والبيض ، وبين ما تصنعه امي من الذرة ، والليل أيضا كان كئيباً وصامتاً وليلنا هناك كان يضج بالصخب والموسيقى والندية والمخدر الذي يوفره لنا ( الجوكي)5 فانسحبت بهدوء مثل القط بالرغم أن أخي كان ينام جواري الا ان الخبرة التي تعلمتها في السوق عن الذوقان كانت كفيلة بان اخرج من بين ثنايا القش والكرتون دون أن احدث أي صوت على الإطلاق او يشعر بي أحد ، وبعد أن ( تخارجت) فرحت لعدم إحداثي أي صوت فرجعت مرة أخرى ودخلت ناحية امي و( جازفت)5 بعض ملابسها وأحذية ، وتجرأت اكثر عندما بدأت ملأ ت زجاجة من العرقي الجيد بهدوء، وبمهارة أخذت من تحت وسادة امي النائمة مبلغ من المال، ثم تسللت ثانية إلى فضاء الحرية . وعدت سريعاً إلى رفاقي، وعند إطلالتي من راس (الصاروخ) صرخوا مبتهجين واخرجوا الصفائح والباقات وتبرعوا بكل ما معهم من (السلس)7 وبالإضافة إلى الزجاجة التي أحضرتها معي احضروا ثلاثة جرادل مريسة من الحجم الكبير واستدعوا (اللقويات) من أحضان كبار الجوكية ، وبدأ الحفل بهيجاً وجميلاً حتى الصباح ‘ وفي ذلك اليوم الصاخب لم تكن ( جاكي شان ) معنا فقد ساوم بها أحد الجوكية حارس الوردية في نقطة الشرطة لتبيت معه مقابل إطلاق سراح (ودمونج) الذي قبض عليه وهو يسرق كيلو تفاح من سوق العمارات .
استيقظت في تمام الخامسة مساء كنت جائعاً وبي إرهاق من حفل الأمس ولا يوجد في جيبي جنيهاً واحداً ، ولكني كنت سعيدا فالنقود لا تشكل أهمية قصوى لي فأنا آكل من فتات المطاعم ولا يهم نوعية الطعام او مدة بقاءه في البراميل فنحن نأكل أول شئ يصادفنا ، فعلا لقد مرضت في البداية ولكنهم قالوا لي بعد فترة بسيطة ستندبغ معدتي وتستقبل أي طعام، وهذا ما حدث . أن النقود نحتاجها لشراء (السلسيون) ذلك المخدر الذي يذهب بنا إلى عالم الأحلام والخدر الجميل نستنشقه صباحاً ومساء حتى تتجمد أطرافنا ونبحلق في أشياء بعيدة ثم ننام ساعات طويلة لا نسمع أي حركة او أصوات مهما كانت قوتها .
سافرت إلى بعض مدن السودان ، ذهبت إلى مدني ولكنها لم تستهويني كثيراً لصغر السوق فيها ، ولكن البوليس لا يضايقنا كثيراً ، كما سافرنا مجموعة كبيرة إلى عطبرة ونتجمع هناك مع آخرين في مكان اسمه ( الكونغرس) جوار السكة حديد حيث ندخن ونشم البنزين وننام .
وذات ليل كنت نائماً في سوق بحري أحسست بمن يربت على كتفي تجاهلته في البداية لانني ظننته بوليس او أحد الشماشة الكبار ليستعملني ، ولكن عندما استيقظت وجدت اثنين من الرجال النظيفين أستاذ الفاتح وأستاذ وحنفي، تحدثوا معي بصورة لطيفة وسألوني عدة أسئلة لم افهم بعضها جاوبت وأنا نصف نائم ومخدر ثم طلبوا مني أن اذهب معهم إلى ( بيت صباح) وكنت قد سمعت به من بعض الأصدقاء ويسمونه ( البيت الأبيض) ، وافقت وركبت العربة ومعي مجموعة من الشماشة . وبعد أن وصلنا وجدنا مجموعة من الأسَرة المعدة لنومنا وانزلقت على أول سرير صادفني كان دافئاَ وتذكرت على الفور أمي اسندة ، أين هي الان يا ربي هل تذكرني ؟ لا ادري .
في الصباح تعرفت على ست اقبال أجلستني أمامها وسألتني أسئلة كثيرة بعضها محرج لم اكن أتصور أن فتاة جميلة مثلها يمكن أن تسأل مثل هذه الأسئلة !! كانت تسجل كل ما أقول في بعض الأوراق لكنني كنت اكذب كثيراً عليها‘ هكذا قال لي الذين سبقوني إلى هذا البيت ، قالوا لي إذا سألوك عن دينك، قل أنا مسلم، فقلت ذلك مجبراً رغم إنني مسيحي . أكد صديقي بان الذي يقول انه مسلم سيكسب أشياء كثيرة .
عشت في بيت عم سليمان عدة أسابيع كنا نأكل جيداً وندرس ونرسم ونلعب كرة القدم اغلب الوقت ، وشملتني الرعاية الصحية وذهبت معهم إلى الطبيب كنت اعرف باني مصاب بالبلهارسيا وقال الطبيب باني مصاب بالتهابات شديدة في الحلق وذلك من كثرة التدخين وشم السلس والبنزين . كنت أحس بشيء من الأمان، ولكن ضيق المساحة التي كنا نتحرك فيها كان يزيد من حنيننا إلى الشارع مرة أخرى ونتسامر ليلا ونتذكر السوق والكافيتريات والسفر (بالصارقيل)8 ، والأفلام الهندية ، وفي البداية كنا نتسلل خفية إلى سينما كوبر ونعود مرة أخرى .
وفي أحد الأيام اقترحوا علىَ بان أعود إلى البيت برفقتهم ليقنعوا والدي بالبقاء في المنزل ولكنني كنت متردداً، وعندما أحسست بأنهم جادون في ذلك ، تحايلت بالمرض وذهبت مع ست نجلاء إلى المستشفى وحين تأكدت بانها (دقست) مني قليلاً هربت من المستشفى دون أن تراني ووجدت نفسي بعد ساعات من المشي بالأرجل في أحضان السوق الكبير ، ذهبت نهائياً تداعبني أحلام ومعارف كثيرة اكتسبتها في بيت سليمان ، حلم العودة إلى أمي اسندا او أتخرج معلم كبير في الحدادة او الذهاب إلى المدرسة .. لكن حلمي الكبير الذي لا زال يلازمني بان أكون مصوراً مثل أبي واقف خلف تلك الآلة السحرية بدلا من ذلك الحمار العجوز الأعرج وأنا أقود تاكسي الغرام.
حواشي :
المفردات الواردة هي من لغة (الرندوك) الخاصة بالأحداث المشردين
1/ فرد : الأصدقاء
2/ اللقويات : البنات
3/ الصواريخ : مجاري الأمطار التي يسكن فيها هؤلاء الأحداث
4/ شغل أخوان : ممارسة الجنس
5/ الجوكي : رئيس المجموعة
6/ جازفت : سرقت
7/ السلس : مادة السلسيون
8/ الصارقيل : القطار
* هذه القصة حقيقية واعمل الآن على كتابتها مرة أخرى لتكون رواية متكاملة .
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: عوض محمد احمد)
|
وليد ده كلام زي الورد، ربنا يحفظك
عليك ببتاعة علم النفس اختي وصال،
قضت شهور مع الشماسة في الخيران وعندها قصص و معاني ما تخلص
ربنا يوفقك، انا معاك و اضيف ليك اقتراح، مع انه فكرة الكتاب جميلة، اعمله برضه زي الديكشنري اونلاين
انا و مصطفي مدثر عندنا فكرة قريبة منه، لكن لا تختص بالراندوك و هو صاحب فكرة انه نعملها اونلاين بحيث انه يكون متجدد و كده
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: Rihab Khalifa)
|
ةاليك بعض تعليقات اعضاء المنبر على النص:
Quote: الأخ المبدع خالد
رجعتنا سنين للوراء والعمل الجميل الذي كنا نعمله سويا مع بعض الزملاء والزميلات في مجال رعاية الأطفال المشردين - حا انها تجربة رائعة وعالم رائع ومدهش وغريب - مجتمع يحمل كل مكونات المجتمع من لغة وفن عادات وضبط اجتماعي خاص بهذه الفئة حقا يا خالد لقد اكتسبت شخصيا من هذه الفترة قوة وتماسكا ما اعتيادي ودخلت في عالم لم اكن اتصوره ولو في افلام لخيال التحية لجمعية صباح والخ العزيز منير أحمد صفي الدين ذلك الفارس الذي يعمل ليل نهار حتى حير من حوله أهو مدير ام موظف ام مشرف اجتماعي ام (فردة) لك الود يا خالد وساواصل انشاء الله في الكتابة في عالم البنات المشردات تلك التجربة المحيرة التي مررنا بها اتذكرها يا خالد؟؟؟؟
ام سهى
|
Quote: اه يا خالد انهاالحياه بكل قسوتهاوقبحها
دوما
|
Quote: يا خالد صقعتنا ، الليلة سيليسيون الدنيا كلو ما حايكفيني ، ولا بابور مكرب من قعر بابور اول مشرد في السودان حا يجيب راسي ، ولا ونسة اللقويا لبط التي كانت تمارس نوع مغاير من التشرد وتعرف كيف تحمي الحفلات من الكداينه زي ما كانت تسميهم عشان ما يفرتقوها ويختصروا متعتها
صاحبك إبراهيم بخيت طاف مجاري وصواريخ العالم بحثآ رصينآ ومحبطآ في الظاهرة وذلك على صفحات الراية
اليوم سوف اعيد قرأة فرسان الرمال ل جورجي أمادو ، ورائعة ابكر آدم إسماعيل لإصطياد حالة إنسانية في الظاهرة
مازلت أذكر ه########م ، شعلة المظاهرات ، ه########م الموشى بالراندوق ،،لا كهربه لا مويه ، لن يحكمنا.... الككويه
ابوساندرا
|
Quote: ياسلام ياخالد العبيد عشت القصه كانني بطلها
الموصلي
|
Quote: رائع يا انا والله رائع
اسمعني الياس كلمتوا الياس فتح الرحمن وقال بعرفك وانتا صحبوا وبسلم عليك
خالد
|
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: خالد العبيد)
|
اها يا وليد
اوصيك تقبض قوي في ام سهى " اقبال ابراهيم علي "
دي الجوكية بتاعاتنا في صباح !
وهي الوجدت لي الوظيفة مع المشردين بعد فصلي من التدريس
اضافة الى معاوية عبيد الصائم عندو خبرة ومعرفة في هذا المجال
وعملت معه في امل
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: خالد العبيد)
|
الأخ وليد:
مبروك مقدما ودعنا دوما نخرج من قصة التدوين السمعي والشفاهي ، بمعني إرثنا معظمه سماعي غير مدونات
فكرة الكتاب مفيدة وتفيد من يشتغلون على مثل هذه الأموروثوقد سبق أن نوهيت في البوست الأول إلى أن
صديقي ك بروف عبدالرحيم مقدم مدير معهد الدراسات الآسيوية والأفريقية سألني عن بعض المفردات وهو في ألمانيا يعمل في بحث البروفسورشب في لغة أطفال الشارع ونبهته لهذا البوست واستفاد منه غاية الفائدةفعليك به يفيدك علميا في ضبط مادة الكتاب وهو
من هو في علم اللغة فعليك به إن كنت في الخرطوم
اقترح عليك تبويب الكتاب أبجديا وفقا للكلمات ومداخلها في الأبجدية
ثم اشتقاقات الكلمة وأن تردف هذا بجملة بسيطةلتوضيح سياق الكلمة فبعض الكلمات لا يظهر معناها إلا من خلال سياق
هذا الأمر أصبح الآن مجال بحوث علمية جادة فقط نحن نتعامل معه باستخفاف
فقد وصلت هذه اللغة حتى الجامعات وأساتذتها
وهذا من غرائب هذه اللغة من ابتدعوها من قاع المدينة ولا يؤبه لهم
وعلميا ينبغي أن يتأثروا بلغة الآخرين الرفيعة اجتماعيا
لكن في لغتهم هذه حدث العكس فهم من يؤثر الآن إما من باب الطرفة أو التقليديةإلى أن صارت لغة
يتقبلها المجتمع وحتى طبقاته الراقية وتتعاطى هذه اللغة
هذا بحث قيم ويحتاج لمجهود للتعليل ووضع اطار نظري لمثل هذه اللغةعموما أنا على استعداد للمساعدة فيما
ترى من خلال تخصص علم اللغة الاجتماعي الذي يبحث مث هذه الظواهرلا تدع الأمر يقففي حدود طرفة اللغةولك مودتي
بهاء/طوكيو
[email protected]
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: Baha Elhadi)
|
الاخ بهاء الدين سلامات
يديك العافية
Quote: صديقي ك بروف عبدالرحيم مقدم مدير معهد الدراسات الآسيوية والأفريقية سألني عن بعض المفردات وهو في ألمانيا يعمل في بحث البروفسورشب في لغة أطفال الشارع ونبهته لهذا البوست واستفاد منه غاية الفائدةفعليك به يفيدك علميا في ضبط مادة الكتاب وهو
من هو في علم اللغة فعليك به إن كنت في الخرطوم |
ده كلام ممتاز
واكيد حا اتصل بيه
Quote: اقترح عليك تبويب الكتاب أبجديا وفقا للكلمات ومداخلها في الأبجدية
ثم اشتقاقات الكلمة وأن تردف هذا بجملة بسيطةلتوضيح سياق الكلمة فبعض الكلمات لا يظهر معناها إلا من خلال سياق |
100%
Quote: هذا بحث قيم ويحتاج لمجهود للتعليل ووضع اطار نظري لمثل هذه اللغةعموما أنا على استعداد للمساعدة فيما
ترى من خلال تخصص علم اللغة الاجتماعي الذي يبحث مث هذه الظواهرلا تدع الأمر يقففي حدود طرفة اللغةولك مودتي |
يديك العافية
بالتاكيد ساحتاجك انت وكل المختصين طل في مجاله
شكرا كتير
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: Rihab Khalifa)
|
رحاب يا صديقة
ياه والله شرفتينا
اثرت ما ادخل البوست عشان ما ينحرف .. لكن الفي القلب بكون اكيد واصلك
اها
رسلي لي تلفون وصال بعد ما تشاوريها في الخاص بالله
موضوع الوب صايد للقاموش فكرة ممتازة وطبعا ده كارنا بنجضمو ليك
يجضم : يحسن ويجيد فعل الشي والجضام الانسان المميز في شي معين او في شخصيته ويقال فلان مجضمها او فلان جضام .. جضمت ليك الشي اي اجدته ، وجضمت ليك الشخص اي هزمته او تفوقت عليه
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: عوض محمد احمد)
|
مرحب اخونا عوض
Quote: ارجو ان يتسع مبحثك ليشمل الفاظ الغزل فى الراندوك السودانى و تطورها:
تتى: فى السبعينات متزامنة مع اغنية لترباس
موس
شرط (بفتح الشين و كسر الراء)
مزة بضم الميم و تشديد الزاى (هذه الايام) و جمعها مزز
سكلانس: تعود الى العشرينات
حبة: تعود الى التسعينات
حتة: تعود للسبغينات
بل و يمكن ان يتناول مبحثك الفاظ الجنس (لا حياء فى التوثيق!!!!)
كما ارجو ان يضم الكتاب فصلا عن الاغنيات التى كانت اساسا لالفاظ و مفاهيم معينة ذات طبيعة راندوكية:
اغنية حنى على انا يا ستى لترباس
اغنية تحرمنى منك لعبد العزيز المبارك |
ده كلام ممتاز يا عوض
اكتب لينا روئتك يا عوض ونتشارك
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: أسامة الفضل)
|
| Quote: ولي يا حبيب سلامات و بيني و بينك أنا زعلان منك لكن ده ما مكانه . |
اسامه ليه في شنو ؟
عموما مع اني ما عارف في شنو لكن برضو متاسف كان غلطان كان ما غلطان
| Quote: الموضوع ده جميل و لكن الإستعانة بناس علم اللغة مهم . و أنا بعرض خدماتي مجانا . |
مية المية
يلا اقتح لينا طريقة تبويب الدكشنري ده
تكون بالاحرف كله مع بعض
ولا تكون بالفئات والمجالات والابواب
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: احمد محمد بشير)
|
احمد محمد بشير
حبابك يا حلو
شفع الحلة بس
والله تخش معاهم في ونسة يمروحوك زي الترتيب
المروحة : مفرد دخلت مع الركشات والممروح هو سائق الرشكة الذي لا يجد مشوار يكون لافي كالمروحة بحثا عنه .. اصبحت مفردة عامة تعني الجهجهة ، عدم الدراية ،
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: قيقراوي)
|
هو يا قيقر الفاظ جنس اكتر من مفردة ماسورة الشرحتها فوق شنو ؟
بتفتكر انا بديت البوست ده بماسورة ليه ؟
ما كان ممكن ابداه باي مفرده هينة تانية
في الغالب تستخدم لغة الراندوك لتغيطة ونسة جنسية او ما يشير الي الجنس وملحقاته
هذا بالطبع مع اسباب اخرى
لكن الجنس طرف اساسي في الرندكة ومن مسبباتها الرئيسة
لو تجاهلنا الجنس حا نكون ضيعنا ذبدة الراندوك
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: وليد محمد المبارك)
|
Quote:
في الغالب تستخدم لغة الراندوك لتغيطة ونسة جنسية او ما يشير الي الجنس وملحقاته
هذا بالطبع مع اسباب اخرى
لكن الجنس طرف اساسي في الرندكة ومن مسبباتها الرئيسة
لو تجاهلنا الجنس حا نكون ضيعنا ذبدة الراندوك
|
بالضبط كدا ..
زي ما قال كسر الله الراندوق، جارغون مجموعات مهمشة اصلاً ..
بالتالي بتلجأ للتشفير، البنتج لغة جديدة زي الراندوق
في بعض الكلمات عادية جداً، و مستلفة من اللغات المحلية، لكن لمعاني جديدة
زي (متر) للجنيه، و (تشدير) للقروش .. و هكذا
ممكن يقعدوا جمبك و يتكلموا بمفردات معروفة جداً ليك من غير ما تفهم حاجة كلو كلو!!
و دا غالباً لاعتبارات / اختلافات اخلاقية في المفام الاولى..
------
بالله اقنع لي النذير دا ياخي!
| |
|
|
|
|
|
|
|
|
 Re: قاموس الراندوك .... لغة قاع المدينة (Re: قيقراوي)
|
رجوع للماسورة
قرد شنو ولبوة شنو البتقول اداها ماسورة دي اسطورة لا وجود لها بالعقل ، يعني دا نسج من الخيال شيء حصل مافي لافي قرد ولا في لبوة سكتليها قرد ولا دا بيحصل انو يدخل من الماسورة ويمرق بيغادي واللبوة تمشي تشتكي للاسد دا في الخيال واقع مافي
نحن حاجاتنا من الواقع لو تضارب الواقع مع الخيال يقدم الواقع عليه فالماسورة المحلوجة معروفة لدي اي زول اي زول بعرف الماسورة المحلوجة لكن تعال تجي تقول لي ابو اتكلمت مع اسد وسكاها القرد والقرد عمل دا زي الحمير قالو لمن تتقابل بقولو لبعض المرسال ما منو خبر اساطير ما عندها وجود نحن بنجيب امثالنا من الواقع وليس من الخيال يا وليد
فمصطلح ماسو
رة العالم دي كلها عارفاهو جاي من الماسورة المحلوجة وليس من ماسورة القرد ،،، بعدين ليس ما قالو جزع شجرة كبيرة مقرقر الغابة فيها مواسير ؟ كدا جاوبني في غابة فيها مواسير ؟؟؟؟ عارفك يا وليد ما بتجاوب لانو الاجابة الغابة ما فيها مواسير
النزير حجازي لا تكذب على الامام السيوطي انا اعرف كتب السيوطي جيدا وهذا الكتاب ليس له اي علاقة بالسيوطي ولا بأفكاره ابعد من العلماء والصالحين
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: المكاشفي الخضر الطاهر)
|
| Quote: قرد شنو ولبوة شنو البتقول اداها ماسورة دي اسطورة لا وجود لها بالعقل ، يعني دا نسج من الخيال شيء حصل مافي لافي قرد ولا في لبوة سكتليها قرد ولا دا بيحصل انو يدخل من الماسورة ويمرق بيغادي واللبوة تمشي تشتكي للاسد دا في الخيال واقع مافي |
يا مكاشفي دي
نكته .. نكته
والله بالغت
_________
اسمع قريت مزرعة الحيوان
اها رايك فيه شنو ؟
والله بالغت جدجد
| |
|
|
|
|
|
|
|
|
 Re: قاموس الراندوك .... لغة قاع المدينة (Re: وليد محمد المبارك)
|
| Quote: النزير حجازي لا تكذب على الامام السيوطي انا اعرف كتب السيوطي جيدا وهذا الكتاب ليس له اي علاقة بالسيوطي ولا بأفكاره ابعد من العلماء والصالحين |
والله يا مكاشفي إنت أكتر زول بتاع غُلاط في المنبر
دا، ياخي لو فتشت في قووقل ح تلقى الكتاب دا
وكمان ممكن تلقى نسخة تقراها كمان، ويا وليد
مكاشفي دا زعلان منك شديد كدا ليه؟ إنت قلتا القرد
ودا اللبوة الماسورة وللأ قلتا ودا مكاشفي الماسورة؟!
هاهاها
ويا مكاشفي هاك دي صفحة الغلاف من الويكيبيديا
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: النذير حجازي)
|
Quote: لكن الجنس طرف اساسي في الرندكة ومن مسبباتها الرئيسة
لو تجاهلنا الجنس حا نكون ضيعنا ذبدة الراندوك |
يا ولي أقبض قوي في كلامك ده لأنو التابو - أو المسكوت عنه و لا يراد التصريح به من المواضيع مثل الجنس و المرض و الموت و غيرها هي السبب الرئيس في خلق ما يعرف في علم اللغة بال euphemism اي محاولة الإلتفاف علي التعبير الصريح الذي يشكل حرجا عند استخدامه و هذا السلوك اللغوي قديم جدا في المجتمع السوداني مثلا عند الحديث عن الأعضاء الحساسة و عن الممارسة الجنسية و حتي عند الحديث عن المال بسبب الخوف من عين الآخرين فتجد ألفاظ مثل : جمل و فرار و ككس .
بالمناسبة أنت تحتاج شرح الدوافع وراء هذا الأستخدام و كذلك الخلفية التي أتي منها .
| |
|
|
|
|
|
|
|
|
 Re: قاموس الراندوك .... لغة قاع المدينة (Re: أسامة الفضل)
|
سلام أخي وليد والمتداخلين...
هذه بداية دراسة شيقة.. وعشان ما أبقى "درَاع" اقول ليكم يخربني في الراندوك..
بس يا وليد حقو مسألة نشأة الراندوك وظروف ظهوره تكون محور أساسي في الدراسة...
وهل الراندوك ظهر بشكله الحالي أم تطور بتطور الحال...
وبرضو هل بعض الكلمات النسوية التي كن أمهاتنا يستعملنها زي " أجي " و "سجمي" و "كر علي"
ضرب من ضروب الراندوك... ودي في حد ذاتها مدخل لمبحث من أن هل الغرض من الرندوك...
أن تستخدمه فئة معينة بحث لا تفهمه فئات أخرى... وهل يمكن تنميط الرندوك وتصنيفه بأنثوي وذكوري..
وفي رأيي أن الرندوك قد يكون مهربا من رتابة اللغة المعروفة التي ربما أصبحت جامدة ومتخشبة...في عر ف البعض
أو هو بمثابة حلية لغوية ... يسبغها المتحدث للأحساس بالتفرد والعتق من كلمات اللغة العادية ....
يا أخي ده موضوع شيق وكبير أعانك الله على الإحاطة بكل جوانبه...يا "أصلي"...
الكلمة الأخيرة لطشتها من ولدي الصغير الذي يستخدمها في مناداة أخيه الأكبر... إن شاء الله تتطلع سليمة...
"مسالك المسهوك في طبقات الرندوك" إقتراح إلى جانب أقتراح الأخ/ النذير في مسألة عنوان الكتاب...
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: Kamal Karrar)
|
وليد...إزيك...وتحية لضيوفك
الموضوع مميز جدا ويحتاج لدراسة وحفريات عميقة
فى المنابع التاريخية للغة الرندوك...لانو زمان زى ما انت عارف
إنو اللغة دى كانت تُنتج وتستهلك فى الشارع وسط فئة معينة ومحددة
ولاهداف معينة , وتحديدا وسط الشماسة...وقد حدثت تحولات كبيرة فى منابع
لغة الرندوك ...هسى يا وليد اللغة دى بقت تنتج فى الجامعات..وفى الحفلات العامة
...واى جامعة عندها رندوكها....واى حلة أو حى لديه رندوك خاص متدوال وسط شبابه
يعنى مثلا عندنا هسى فى أمبدة فى رندوك خاص ما بعرفو اى زول...وفى العباسية مثلا فى رندوك
خاص ومتدوال وسط شباب العباسية والموردة و والفتيحاب الخ...لأن هذه المناطق شهيرة جدآ بضخ الرندوك
وعموما يا وليد انا قاعد اعتبر إنو الراندوك أمدرمانى الأصل(راندوك ما بعد الشماسة) لانو زى ما قلت ليك لغةالراندوك
أصبحت تتولد خارج منابعها التاريخية القديمة(الشارع/ الشماسة)...فى حاجة تانية مهمة جدا يا ولى الحفلات (الكتمات/ الرَدِم/ الهرجة)
الحفلات البقولو هابطة دى يا ولى بقت من المصادر الاساسية بتاعة الراندوك...يعنى هسى لو سمعت ليك أغنيةلنجاة غرزة وايمن الربع
حتلقى كل كلمات الاغنية متدوالة وسط الشباب فى الونسة العامة الخ...المهم بمر وبجادع معاك شوية شوية يا مان.....قبل ما امشى فى حاجة جديرة بالملاحظة
وتحول فى شكل الرندوك من عصر لى عصر يعنى راندوك زمان كان واضح وبقوم فى الاساس على حسب ظنى على شقلبة الحروف مثلا لو داير يقوق ليك
فلان ده (صعلوق) بقول ليك فلان ده (قعلوص)...الحاج.../ الجاح....الخ...هسى حصلت تحولات كبيرة شديد يا مان لازم تنتبه للموضوع ده....المهم بجيك
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: خالد خليل محمد بحر)
|
الأخ وليد محمد المبارك
تحياتي لك ولضيوفك في هذا البوست التوثيقي لمفردات سودانية أنتجها حراك المجتمع من بدايته وحتى القمة.
بس يا وليد أنا خايف أن يُساء فهم القصد من هذه الكنابه ويطلق عليه كتابات جنينة. ويقوموا يركبوه التونسية ولا تستطيع طباعته أو توزيعه داخل السودان برغم أن الفكرة جميلة جداً ويجب أن تجد التشجيع والنشر .
طبعن في مختلف جهات السودان وطبقاته المختلفة توجد مثل هذه اللغة التي أطلق عليها أخونا عصام جبر الله ( جارقون ) لكني أذكر حيز جغرافي معين قد يتذكره عدد كبير من الإخوة في هذا المنبر . وهو جامعة الخرطوم ففيها تتعدد لغة الجارقون على شاكلة خلط ودبرسة ومبنش والديوان لناس الهندسة والسكرتيرات لناس الإقتصاد وكوم التراب ورماد الكانون وطراطير الدكاترة .
وهنا تحضرني ذكريات ولغة التشجيع والتنافس الكروي بين الكليات وبما أننا في الآداب ليس لدينا كورة وفقط بناتنا السمحات وبالتالي يهاجر لنا ناس الهندسة لذلك تجدنا نشجع الإقتصاد بإعتبار أن لديهم أحسن لاعبين بالجامعة ففي إحدى المباريات كان ثلاثي الإقتصاد أنور أم دوم وحاتم معني ومحمد السيد نجوم فريق الإقتصاد يقابلون فريق الهندسة الذي يتصدرة اللاعب الكبير محمد المتوكل . ففي إثناء المبارة تسمع نغمات التشجيع بلغة الراندوك ( أولاد وبنات سكرتيرات) وعند مرور بنات الإقتصاد بالمدرجات يصيح ناس الهندسة علي قلتهم ( الجاز وصل ) أوأو . وتصيح بنات الإقتصاد يا ناس الديوان العزابة ) وفي تلك المباراة تغلب فريق الإقتصاد على الهندسة فسيرت بنات الإقتصاد مسيرة حاشدة عند المساء لكلية الهندسة ( لن ترتاح يا مساح ) فما كان من ناس الهندسة إلا قطع التيار الكهربائي والله بنات الإقتصاد مرقتهن رجليهن !!!
بحيراوي
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: البحيراوي)
|
وليد الشفت ...... سلام.
حقيقةً ما عارف أصل كلمة "راندوك"، لكن في ظني أن لهذه المصطلحات والمفردات، دور هام جداً، وقد يكون أساسي في تطوّر اللهجة العامية. أعني أن اللهجة التي نتحدثها الآن تختلف في كثير من مفرداتها عن اللهجة التي كانت سائدة قبل مائة عام، وهذا شأن جميع اللغات حول العالم.
سمعت ممن سبقونا، ومن هم من جيل آبائنا، عن بعض المفردات التي كانت تطلع من وقت لآخر كـ (موضة) يتناولها الشباب، مثل كلمة (دستور) التي يطلقها أحدهم عندما يطربه شئ، سواء كان أغنية جميلة أو منظر جميل، أو حتى حسناء مارة بالطريق. هذا الـ (دستور) هو غير التعبير المرتبط بالزار.
أيضاً أتي جيل إستخدم بعض المصطلحات التي ذكرتها في مداخلة سابقة مثل (دبرسة) و(جيكس) وغيرها من التعبيرات التي تدل أن مستخدميها من مثقفي القوم، وفي نفس الوقت كانت موجودة تلك الكلمات التي تأتي مما أطلقت عليه أنت (قاع المدينة). هذا يقودني إلى أن المصطلحات المستخدمة من قبل طلبة الجامعات، قد تختلف من جامعة إلى أخرى من نفس الجيل. فمثلاً الطلبة الذين درسوا بالجامعات المصرية في إحدى الحقب، كان معروف بينهم تعبير (جَبِد) وهو تعبير يُلطلق على بائعات الهوى.
تستمر هذه اللغة في التطوّر، ولكل جيل خصوصيته، وقد نبّهتني في إحدى المداخلات إلى أن كلمة (تتي) أصبحت من الكلمات غير المستعملة (بس يا وليد ياخ، ما تختها على أساس إنها مقياس للعواجيز، لأنها ظهرت في جيلنا).
من التعبيرات التي استمرت فترة طويلة وانتقلت بين الأجيال، هي تحوير الكلمات والإشارة إليها بشخصيات معروفة أو أماكن ... إلخ. كالأمثلة التي أتيت بها .... "عشة الفلاتية ... فتريتة ... القدمبلية .. إلخ." وأجمل ما في هذه اللغة أنها تعتمد على ذكاء وسرعة بديهة المتحدّث والمتلقي معاً، وتتيح تركيب تعبير في لحظته ..... وأسوق إليك مثال: حوالي العام 1984 تعرّضت لحادث مرور نتج عنه كسر مركّب في الرُّكبة. أتى أحد الأصدقاء لعيادتي، وقال لي: ((ياخ صدّام حسين بتاعك ده كبريانو يعني الحكاية فيها كسينجر لـلركبي بتاعك. لازم تعمل لينا كرم الله العوض. ما عايزين ضنين الوعد ولا سمير غانم، عايزين محمود تاور.))
الترجمة لغير الناطقين بها كالتالي:
((ياخ الحادث بتاعك ده كبير يعني الحكاية فيها كسر لـلركبة بتاعتك. لازم تعمل لينا كرامة. ما عايزين خروف ولا غنماية (تيس) ، عايزين تور.)).
رغم إننا كنا نتحدث هذه اللغة بكل سهولة، إلاّ أن اللغة السائدة الآن أجد فيها صعوبة شديدة وأحتاج كثير من التركيز لأفهم، ناهيك عن أتحدّث.
يلاحظ أن كل هذه اللغات عبر الأجيال، يتناولها الشباب، وكما تفضلت أنت، المقصود منها تمرير جملة أو حديث للشخص المقصود، دون أن يفهمه بقية المستمعين. أيضاً مسألة (الشفتنة) شئ أساسي في استخدام هذه اللغات.
تحياتي.
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: محمد أبوالعزائم أبوالريش)
|
عارف يا وليد، إنت ذكرت شئ مهم شديد، وهو رغم إنو اللغة دي كتير من مفرداتها جنسية وأساساً وضعت لإخفائها، إلاّ أنها دخلت البيوت وأصبح يتم استخدامها بكل عفوية وبراءة كما فعلت زميلتك في الجامعة.
مثلاً تعبير (الليفة) المستخدم بمعنى (لأقصى حد)، واحد يقول ليك (ياخ أنا جيعان لليفة)، يقصد أقصى حدود الجوع. إذا رجعنا لأصل الكلمة، فهي أتت من الفعل الجنسي وإيلاج الذكر حتى نهايته – أي حتى يصل شعر العانة – والتي يشار إليها هنا بـ (الليفة). هذا التعبير أصبح الكل يستخدمه الآن دون الإلتفات لمعناه الأصلي وأصبح غاية في البراءة.
أيضاً كلمة (ماسورة) التي تفضلت بشرح أصلها، تجد أن الكل الآن يستخدمها، بل وفي الصحف أيضاً (صراحة حكاية محلوجة دي أول مرة أسمعها)، لأنو التعبير بيقول (فلان ركّبوهو الماسورة)، دي حاجة ما عندها علاقة بالحلجة.
هناك أمثلة أخرى، لكن المهم أن هذه التعبيرات (غير البريئة) دخلت البيوت وأصبحت تستخدم بكل براءة، فهل تسللت بالصدفة وفرضت نفسها، أم أنها أفعال خبيثة مقصودة؟ لا أظن.
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: وليد محمد المبارك)
|
سلام يا وليد وضيوفه الكرام
يا وليد عندي اقتراح بعدما
تفصل شفرات لغات الراندوك
واقتراحي هو نبدأ بالحروف
الهجائية واحد واحد وكل
حرف نضع ليهو إسبوع كامل
والناس تشارك إسبوع كامل
مثلاً نبدأ بحرف الهمزة
والناس كلها تكتب أي كلمة راندوكية
تبدأ بحرف الهمزة لمدة إسبوع كامل
ثم ننتقل إلى حرف الباء ونديهو إسبوع
كامل وهكذا إلى حرف الياء وبي كدا
بنكون جمعنا حصيلة كويسة جداً
جداً من لغة الراندوك
أها رأيكم شنو يا شباب؟!
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: فيصل نوبي)
|
Quote: الزميل النذير حجازي
معلومتكـ الفوق دي مغلوطة و أتمني أن تصححها أو تعدل مداخلتكـ
مؤلف كتاب تفسير الجلالين هو : ع
بد الرحمن بن الكمال أبي بكر بن محمد سابق الدين خن الخضيري الأسيوطي المشهور ب ( جلال الدين الاسيوطي )
و مؤلف كتاب نواضر الأيك هو :
جلال الدين عبد الرحمن بن ابي بكر السيوطي
و كل واحد براهو و الله أعلم.
|
سلام يا فيصل، وإن شاء الله البركة فيكم
في وفاة شقيقك
يا فيصل هذه صفحة غلاف تفسير الجلالين:
تجده السيوطي وليس الأسيوطي
وهذه هي ترجمة اسمه كاملاً من الموسوعة الشاملةQuote: [ تفسير الجلالين - المحلي والسيوطي ]
الكتاب : تفسير الجلالين
المؤلف : جلال الدين محمد بن أحمد المحلي
وجلال الدين عبدالرحمن بن أبي بكر السيوطي
الناشر : دار الحديث - القاهرة
الطبعة الأولى
عدد الأجزاء : 1 |
المصدر: الموسوعة الشاملة
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: النذير حجازي)
|
وليد ..حبابك يا صديقي..
وصلتني الرسالة التالية بالإيميل..و فيها اضافة للخيط..
Quote:
حبينا كبر مشتافين وسعدت بي مشاركتك في موضوع الرندوك في موقع سودانيزاونلاين قلت ارسل ليك ما فضل عندي من كلمات لتضيفها للشباب احتفائهم بالراندوك
* يا حبة شايف فردك ملبوشين في موضوع بيش شكلهم كلهم اربعات ساي جاكين وما عارفين الكنتة شنو
انا من ما كحلتة اليافطة قلت انط و اكشف الوبطة شنو ممكن تقسم معاي بس الحنك طلع عاضي
بس للامانة الموضوع جامد وفيهو كدة ثمينة لو الشباب بطلوا المغارز والدخول اللفت وفهموا الرصة شنو.
- اربعات جمع اربعة وهو تعديل في مصطلح فارة الاصبح معروف للجميع
-جاكين داخلين في الموضوع ولها عدة استخدامات حسب موقعها في العبارة
-الكنتة الموضوع وتستخدم بمعني مكنة التي تعني الكذبة
-كحلتة شفتة
-اليافطة العنوان ويستخدم ابوضلفتين كناية عن باب البيت والمقصود البيت كما في المثال الاتي بت تقول للولد تعال شوف ابوضلفتين لو دايرني بالجد يعني تعال البيت رسمي للخوبة وكدا
-اللوبطة بضم الواو تعني الموضوع نو وزول لبطة يعني بتاع مشاكل وجرجرة
-تقسم تنفع معاي
-الحنك طريقة النقاش المداول او طريقة الاقناع زي استخدمها في جكلة حنك بيش
-عاضي ما جايب حقوا , والعضة هي الاكل وكذلك الجوومة بضم الجيم
-جامد جميل وممتع وتستخدم لوصف الاشخاص وتعني اخو اخوان وكذلك كلمة اصلي لها نفس المعني
- كدة فائدة
- المغارز المكاواة . ومنها كلمة مغرزة والتي تعني كية فيك والغرزة تختلف في المعني وهي مكان اجتماع الشباب من اجل اللهو بكل انواعه
-الدخول اللفت التحدث بي شتارة
- الرصة اتجاه الحديث
عجبني جداً مصطلح بلع الكورة بس نحنا في زمنا كنا بنستخدم كلمة برج الحمل كتير
برضوا كنا بنستخدم كلمة اخلافها عالية للبنت الصدرها جميل وبيتم بعيد للموخرتها مميزة
وكلمة شنكارات للكرعينها جميلة بنقول عندها شنكارات .
رواية وليد لكلمة ماسورة ما صحيح وكذلك المكاشفي . لانوا النكتة قديمة نعم بس لفظ الماسورة اقدم منها
زوول ماسورة زوول حيدوخك لحدي ما تتفك منوا يعني حتتعب معاهو وتتمني متين تتخلص منو يعني بديك هارد تايم وكدا .
وكلمة ماسك ماسورة جات من الوقوف شماعة في الدفارات حقت المواصلات المستخدمة
ووقوف الشماعة هو الموقف الوحيد البتتمني تتخلص منو في اسرع فرصة سوا بالوصول لمحتطك او نزول زوول وتقعد محلوا
دا حدود معرفتي لمصتلح الماسورة .
عموما معرفة الانسان للاسلانج او الايديم او الرندوك وغيروا مهمة لادراك وفهم الاخرين الذين يستخدموها في مخاطبتهم
وكم اندهشت وانا اقراء لكاتب في سودانيزاونلاين عايش في امريكا كتب موضوع
عن اوباما يشرح وينظر معتمدا على مقال كتب في جريدة تحت عنوان اوبا اون ذا رووبس
طوالي البوردابي كتب اوباما في الحبال ودخل في تحليلوا بناء على فهموا للقال وعنوانو
في حين اون زا روبس دي ما عندها علاقة بالحبال نهائياً انما ايديم او رندوك
بطلق للزول الجديد الما عندو خبرة في المكان الفيهو وبسال غيروا عشان يورهو يعمل شنو
والمرادف ليها عندنا بالسوداني زووول ابيض والتي تختلف عن الزول البيض برضوا
ختاماً التحية ليك وللاولاد
ممكن تعدل في الرسالة لو حسيت انوا فيها ما لا يتناسب مع الزوووق العام في موقعكم هناك
|
و دمتم...
كبر
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: Kabar)
|
كبر يا صديقي محرية فيك
واشكر لينا زولك
بس عندي تعليق بسيط
| Quote: اربعات جمع اربعة وهو تعديل في مصطلح فارة الاصبح معروف للجميع |
اربعات فعلا هي جمع اربعة وفعلا حلت محل مصطلح فارة وداقس وما اليه وجميعها تفيد الجهل او الهوان اوعدم الدراسة .. مصدر هذه المفردة هم الجوكية وهم سائقي الركشات .. يتهم سائقي الركشات في سائقي باعتبار انهم لا يستطيعون المناورة بالعربة لانها كبيرة نسبيا مقرنة بالركشة ولانها تسير على اربعة ارجل تحد من امكانية المناورة .. عكس الركشة عند الزحمة التي تستطيع المناورة بسبب صغرها ومحورها الامامي الذي يرتكز على عجل واحد مما يعطيها فرصة افضل في المناورة ..ز اها بتاعين الركشات كانو يستهذئون من سائق الركشة الذي لا يجيد المناورة فيقولون عنه اربعة اي انه يقود ركشته كانها باربعة ارجل مثل السيارة .. ثم عمم المصطلح على الجميع .
| |
|
|
|
|
|
|
|
|
 Re: قاموس الراندوك .... لغة قاع المدينة (Re: وليد محمد المبارك)
|
االنذير انت لا تعرف السيوطي اكثر صدقني وانا منواقع مداخلاتك تبين لى انك فعلا لا تعرفه اكثر مني فالسيوطي لم يؤلف هذا الكتاب ابدا أما إن كان الكتاب موجود فهو دس على السيوطي وأنا اعرف فقه السيوطي واعرف كتاباته جيدا وقد قرأت له الكثير من الكتب ...... إن كنت لا تعلم فألم من هذا اليوم أن هناك دس كثير وحزف حدث في كثير من الكتب
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: محمد أبوالعزائم أبوالريش)
|
يا ابو العزائم
دي نقطة مفيده جدا ومهمة في الكتاب
Quote: من التعبيرات التي استمرت فترة طويلة وانتقلت بين الأجيال، هي تحوير الكلمات والإشارة إليها بشخصيات معروفة أو أماكن ... إلخ. كالأمثلة التي أتيت بها .... "عشة الفلاتية ... فتريتة ... القدمبلية .. إلخ." وأجمل ما في هذه اللغة أنها تعتمد على ذكاء وسرعة بديهة المتحدّث والمتلقي معاً، وتتيح تركيب تعبير في لحظته ..... وأسوق إليك مثال: حوالي العام 1984 تعرّضت لحادث مرور نتج عنه كسر مركّب في الرُّكبة. أتى أحد الأصدقاء لعيادتي، وقال لي: ((ياخ صدّام حسين بتاعك ده كبريانو يعني الحكاية فيها كسينجر لـلركبي بتاعك. لازم تعمل لينا كرم الله العوض. ما عايزين ضنين الوعد ولا سمير غانم، عايزين محمود تاور.))
الترجمة لغير الناطقين بها كالتالي:
((ياخ الحادث بتاعك ده كبير يعني الحكاية فيها كسر لـلركبة بتاعتك. لازم تعمل لينا كرامة. ما عايزين خروف ولا غنماية (تيس) ، عايزين تور.)). |
يا ريت لو تسهب لينا فيهم وتشرح اكتر وتحاول تفك مفاتيحها اكتر
دي مع شرح النذير بتاع للاساليب الراندوك وانا عندي حاجة بكتب فيها لنفس الخصوص ممكن تكون عمود لباب يتحدث عن تكنيك الراندوك وطرق استنباطه
بالنسبة للمجايلة
حكي لي خالا لي انه حينما كان يجلس مع جدي ( توفي عليه رحمة الله ) وكان جدي هذا صديق لشاخور
كان جدي وشاخور يتحدثون بطريقة غريبة لا يفهمها يستخدمون نفس مفدات اللغة بصورة اخرى
يعني الحكاية قديمة
| Quote: يلاحظ أن كل هذه اللغات عبر الأجيال، يتناولها الشباب، وكما تفضلت أنت، المقصود منها تمرير جملة أو حديث للشخص المقصود، دون أن يفهمه بقية المستمعين. أيضاً مسألة (الشفتنة) شئ أساسي في استخدام هذه اللغات. |
عليك نووووووووووووور
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: البحيراوي)
|
الاخ البحيراوي
سلام
| Quote: بس يا وليد أنا خايف أن يُساء فهم القصد من هذه الكنابه ويطلق عليه كتابات جنينة. ويقوموا يركبوه التونسية ولا تستطيع طباعته أو توزيعه داخل السودان برغم أن الفكرة جميلة جداً ويجب أن تجد التشجيع والنشر . |
كله متوقع
Quote: طبعن في مختلف جهات السودان وطبقاته المختلفة توجد مثل هذه اللغة التي أطلق عليها أخونا عصام جبر الله ( جارقون ) لكني أذكر حيز جغرافي معين قد يتذكره عدد كبير من الإخوة في هذا المنبر . وهو جامعة الخرطوم ففيها تتعدد لغة الجارقون على شاكلة خلط ودبرسة ومبنش والديوان لناس الهندسة والسكرتيرات لناس الإقتصاد وكوم التراب ورماد الكانون وطراطير الدكاترة .
وهنا تحضرني ذكريات ولغة التشجيع والتنافس الكروي بين الكليات وبما أننا في الآداب ليس لدينا كورة وفقط بناتنا السمحات وبالتالي يهاجر لنا ناس الهندسة لذلك تجدنا نشجع الإقتصاد بإعتبار أن لديهم أحسن لاعبين بالجامعة ففي إحدى المباريات كان ثلاثي الإقتصاد أنور أم دوم وحاتم معني ومحمد السيد نجوم فريق الإقتصاد يقابلون فريق الهندسة الذي يتصدرة اللاعب الكبير محمد المتوكل . ففي إثناء المبارة تسمع نغمات التشجيع بلغة الراندوك ( أولاد وبنات سكرتيرات) وعند مرور بنات الإقتصاد بالمدرجات يصيح ناس الهندسة علي قلتهم ( الجاز وصل ) أوأو . وتصيح بنات الإقتصاد يا ناس الديوان العزابة ) وفي تلك المباراة تغلب فريق الإقتصاد على الهندسة فسيرت بنات الإقتصاد مسيرة حاشدة عند المساء لكلية الهندسة ( لن ترتاح يا مساح ) فما كان من ناس الهندسة إلا قطع التيار الكهربائي والله بنات الإقتصاد مرقتهن رجليهن !!! |
قلت لي بنات اقتصاد شتتن
هاهاهاهاهاهاهاهاهاها
قولوا ليهن تاني تجوا الحلة ؟؟؟
عليك الله يا بحيراوي وثقوا لينا بتاع الجامعة ده
لانو مرحلتو فاتت الا يحكوه اهله
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: Kamal Karrar)
|
اخونا كمال كرار
حبابك ياخ
Quote: بس يا وليد حقو مسألة نشأة الراندوك وظروف ظهوره تكون محور أساسي في الدراسة...
وهل الراندوك ظهر بشكله الحالي أم تطور بتطور الحال... |
ده الشاغلني هسع
حتى مفردة راندوك مصدر وين دي من الحاجات الاساسية عشان القاموس يكون مفيد وعلمي
Quote: يا "أصلي"...
الكلمة الأخيرة لطشتها من ولدي الصغير الذي يستخدمها في مناداة أخيه الأكبر... إن شاء الله تتطلع سليمة...
"مسالك المسهوك في طبقات الرندوك" إقتراح إلى جانب أقتراح الأخ/ النذير في مسألة عنوان الكتاب... |
شكرا يا عَفِن
ما تتخلع
عَفِن في لغة الراندوك مرادفة لمفردة اصلي .. وتقال للتبجيل والاجلال والتعظيم .. الزول ده عفن تعني زول تمام
شلنا اقتراحك اضفناه لبقية الاقتراحات للمناقشة
ودي
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: أسامة الفضل)
|
يا اسامه
ما وريتني مالك ؟
المهم
الآخرين فتجد ألفاظ مثل : جمل و فرار و ككس . وجميعها تفيد العضو التناسلي لدى الانثى
| Quote: بالمناسبة أنت تحتاج شرح الدوافع وراء هذا الأستخدام و كذلك الخلفية التي أتي منها . |
فعلا لكن هذا يكون لبعض المفردات وليس لها كلها
مستنيك توريني يا حبه
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: محمد أبوالعزائم أبوالريش)
|
يا ابو العزائم الراندوك كلو ابدا
كدي عاين الضحاكات دي ما مجنونة عديل كدعه
الضحاكات : القروش ، الفلوس ، الاموال
رفع القزاز : تعني اصابه الغرور ، واحيانا تفيد التجاهل
كبر اللفة : تعني تجاهلنا بصورة مباشرة
فاكيها في روحو : تعني انه مغرور من دون اسباب ومؤهلات تدعو لذلك
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: خالد العبيد)
|
الايميل حا يجيك يا خالد هسع
تسلم
Quote: بالمناسبة هل قرأت رواية فرسان الرمال
جورج امادو |
قريتها عمري 16 سنة ولي هسع بعتبرها افضل رواية قريتها
اصلوا تفاصيلها ما راحت مني
ووالله يا خالد تصدق اولا تصدق
الوراية دي انا بقرها وبحضر فيها في ذاكرتي
وتفاصيل ابطالها من صوتي الكونتها ليهم قاعدة في ذاكرتي من اليوم داك
ياخ الشاطي ذاتو انا متخيل شكلو كيف
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: وليد محمد المبارك)
|
Quote:
التي بوي بتاعنا كم مره قال لي ما تشوفي لي جاحا ياخ في حلتكم ,, فهمي انو قاصد عروس
مشيت سالتو الليله عشان اتاكد .. قال لي : يعنى بت او اي حاجه سمحه كدا..
دا كلام رندوك يا اصليه
|
دا الزيت بتاع الرندقة ذاتو يا دلال يا درفة
دا واحد من نظم التشفير يا دلال
و هو عملية بسيطة جداً
درفة = فردة
(جاحا) جاحة = حاجة
بتلاحظي بس مجرد تقديم و تأخير في الحروف بس
--------
عشان كدا انا كنت مقترح نظم التشفير في لغة الراندوق لفض النزاع بين الحبش و حمور في :
ولغ & لغو
و كيف (حمور) فاءه بقت لاماً!
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: محجوب البيلي)
|
شكرا يا وليد على ارسال الايميل
ساتواصل معك بخصوص الكتاب وغير الكتاب
لتبقى معرفة واتشرف جدا بصداقتك
وفرسان الرمال كلما وجدت فرصة اعدت قراتها
اتخيل بل اجد نفسي احد فرسانها
لانهم نفس الفرسان الذين عملت معهم باخلاص
وصدقني لا يختلفون عنهم في شئ
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: وليد محمد المبارك)
|
دي مداخلة من الفيس بك تصب في مصلحة شرحي لمعنى الماسورة
كتبها الاخ شاذلي شقاق
Quote: الفكرة ؛ فكرة تناولك للرندوكـ مهمَّة جداً يا وليد ، وأهميتها تأتى من تسلُّل مفرداتها من حيِّز الخصوصية إلى الشيوع جرياً على جُلِّ إنْ لم تُكن كلِّ مستويَّات الألسنة !شرحك للماسورة كان شفيفاً وشافياً .. وأنا كـ مترنْدكـ ضهب ساااكت قد سمعتُ ...قصَّةَ (الماسورة) كما تفضَّلتَ انت ، بل تحرَّيتُ مصداقيتها عنعنةً وتواتراً من بعض (الشرَّامة) الموثوق بتعاطيهم لغة الراندوك دون كُلفة أو تصنُّع ..والدليل على صحَّة هذه الرواية فى تقديرى يتمثَّل فى الآتى
أولاً بعض مستخدمى العبارة المتصالحين مع ايحاءاتها يقولون : ركَّبو ماسورة أو ركَّب فوقو ماسورة !! ثم يدعمون ذلك باللغة الجسديَّة المتمثَّلة فى صفعة قويَّة بكفِّ اليد اليُمنى على قبضة الكفِّ اليُسرة عند انحناء السبَّابة بالتضامن مع الإبهام ! لاحظت الحركة دى ؟
ِثانياً : إمعاناً فى الدلالة الجنسية ؛ تجد بعض (الشفَّاته ، المقرَّمين) يميلون إلى ذكر مقاس الماسورة ، كأنْ يقول لكـ أحدُهم : (ركَّبو ماسورة أربعة بوصة ) !ثالثاً : كلمة (ماسورة) - فى عضمها ده ؛ براها كده- تُستخدم أحياناً فى لُغة تُستخدم أحياناً فى لغة الراندوكـ للدلالة على العضو الذكرى (الفاعل طبعاً) فى مقابل كلمة (الجِلْبة) (المفعول به) .. تأمَّل معى كلتا المفردتين من قاموس هيئة المياه (ماسورة + جِلبة) كما تأمَّل أيضاً وضعهما على أرض الواقع ! وهذا يذكِّرنى بمعنى ك...لمة (نكاح) اللُّغوى !! أخيراً سِرْ فى مشروعكـ وليد ولا تُبالى !! ستجد بعض (الفَسَنْقويـــات) الذى يعترضون على الخوض فى هذه الأشياء و (يشغِّلوهــــا) ليكـ !! بينما يتركون القُبح الحقيقى (يجدًَّع) ساااااكت !! بالنسبة للنقل أنقل يا فردة ..سودانيز أون لاين حوشنا الكبير الكبير قبل الفيس بوك |
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: عاطف عمر)
|
الشفت يا صديقي الوليد سلامات،
الأخت هيام هاشم، من بنات أمدرمان، مقيمة بكندا، قارئة مداومة للمنبر، وبوستك هذا من البوستات التي تتابعها. وتقول لك: هي وزميلتها هيام محي الدين، أعدا بحث بإسم: العوامل النفسإجتماعية لظاهرة الراندوك، في العام 1995، جامعة الأحفاد، وتقول لك: البحث موجود بجامعة الأحفاد إن أردته؛ بحث ميداني من بين أواسط الشباب، وشمل البحث أيضاً أواسط المشردين بمساعدة بعض المنظمات المعنية بأمر المشردين كمنظمة أمل وغيرها؛ والبحث يشتمل على قاموس للغة الراندوك مستقاة من مستخدميها مباشرة..
___
لك ولإلهام(هاشم، محي الدين) التحية..
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: Yassir Tayfour)
|
Quote: عارف يا وليد، إنت ذكرت شئ مهم شديد، وهو رغم إنو اللغة دي كتير من مفرداتها جنسية وأساساً وضعت لإخفائها، إلاّ أنها دخلت البيوت وأصبح يتم استخدامها بكل عفوية وبراءة كما فعلت زميلتك في الجامعة.
مثلاً تعبير (الليفة) المستخدم بمعنى (لأقصى حد)، واحد يقول ليك (ياخ أنا جيعان لليفة)، يقصد أقصى حدود الجوع. إذا رجعنا لأصل الكلمة، فهي أتت من الفعل الجنسي وإيلاج الذكر حتى نهايته – أي حتى يصل شعر العانة – والتي يشار إليها هنا بـ (الليفة). هذا التعبير أصبح الكل يستخدمه الآن دون الإلتفات لمعناه الأصلي وأصبح غاية في البراءة.
أيضاً كلمة (ماسورة) التي تفضلت بشرح أصلها، تجد أن الكل الآن يستخدمها، بل وفي الصحف أيضاً (صراحة حكاية محلوجة دي أول مرة أسمعها)، لأنو التعبير بيقول (فلان ركّبوهو الماسورة)، دي حاجة ما عندها علاقة بالحلجة.
هناك أمثلة أخرى، لكن المهم أن هذه التعبيرات (غير البريئة) دخلت البيوت وأصبحت تستخدم بكل براءة، فهل تسللت بالصدفة وفرضت نفسها، أم أنها أفعال خبيثة مقصودة؟ لا أظن. |
كيف نسيت المثل الأكثر وضوحاً؟
عبارة (إستنكاح) أو (مستنكح).
دي مافي زول بيقدر يأولها زي (ماسورة) ..... ويطلّعها لينا (ماسورة محلوجة).
كلما أسمع زول بيقول (فلان ده مستنكح)، أعجب كيف أصبحت هذه الكلمة بريئة يستخدمها الكبير والصغير، المرأة والرجل، في البيت والشارع ..... رغم وضوحها.
| |
|
|
|
|
|
|
|
|
|
Re: قاموس الراندوك .... لغة قاع المدينة (Re: وليد محمد المبارك)
|
طيب نجي لي كلام اخونا النذير ده
Quote: النوع الثاني:
وهو أقدم شيفرات لغات الراندوك وقد ظهر في بداية ثمنينات القرن الماضي، ويعتمد على حذف الحرف الأول من المفردة العربية، واستبداله بحرف السين ثم إضافة كلمة زائدة للتعريف بالحرف المفقود، كمثال "سيف كمون؟"
نجد هذه المفردة من شقين الشق الأول "سيف" وهو دائماً مفردة عربية مُشفرة مبتدئة بحرف السين، والشق الثاني "كمون" دائماً شيفرة ولا معنى لها وتعتبر دائماً زائدة، وفقط نريد منها الحرف الأول فيها، وهو حرف الكاف ليدل على أن الحرف المفقود وهو حرف الكاف، وعليه نستبد حرف السين في كلمة "سيف" بحرف الكاف أول كلمة "كمون" ليصير المعني للمفردة "كيف؟" . ولتوحيد هذه اللغة وُضع لكل حرف كلمة كما يلي: |
اعتقد انه كان هنالك نوع من أنواع الرناديك أسهل من هذا الذي تحدث عنه أخونا النذير وأقدم منه وهو راندوك يعتمد على إدخال ثلاثة أحرف على المفردة
نْ كِنِّ
ودائما ما تأتي بعد الحرفين الأولين من المفردة الأصلية وأحيانا بعد الحرف الثالث إن كانت المفردة طويلة وأحيانا أخرى بعد الحرف الأول إن كانت المفردة قصيرة
مثلا وليد تفكك إلى (ول) (يد) ثم تركب الأحرف الثلاثة بين الشطرين لتصبح ( ولنْكِنِّيد)
والنذير تصير ( النذينكنير )
والسودان ( السودنكنان)
وجملة مثل (اشكر لكم إسهامكم معي في هذا البوست ) تكون :
اشنكنكر لنكنكم اسهنكنامكم معنكني فنكني هنكنذا البونكنوست
| |
|
|
|
|
|
|
| |
وليد محمد المبارك
بله محمد الفاضل
محمد أبوالعزائم أبوالريش
محجوب البيلي
النذير حجازي
المكاشفي الخضر الطاهر
خالد العبيد
قيقراوي
احمد محمد بشير
أسامة الفضل
Rihab Khalifa
Kabar
Kamal Karrar
خالد خليل محمد بحر
البحيراوي
Dalal Ezzaldin
فيصل نوبي
عاطف عمر
Yassir Tayfour
فيس بوك
تويتر
انستقرام
يوتيوب
بنتيريست