|
Re: المطلوب معرفة الاشخاص الفى الصورة ... (Re: نيازي مصطفى)
|
جامعة الخرطوم .. عرفتها طوالى جامعة الخرطوم .. وين ما متذكر فالذاكرة هجلجت .. بعد بحيراوى ومها .. بحر الغزال الكلام ده من لبس الشباب ديل و الشعر و العوامه العايمنها .. خريف 88 الوكت داك نحنا فى الوسطى يا محمد .. انتو يا فى العالى يافى الصورة !!
| |
|
|
|
|
|
|
Re: المطلوب معرفة الاشخاص الفى الصورة ... (Re: محمد حيدر المشرف)
|
Quote: الوكت داك نحنا فى الوسطى يا محمد .. انتو يا فى العالى يافى الصورة !! |
حبابكم
اسماء الجنيد البحيراوى ودالمشرف مها ...
والله الجابنى سريع كدا البهيته بتاعت ودالمشرف دا .. لو انت فى المتوسطه نحن البودينا العالى شنو ؟!.. بنكون لسه مادخلنا ذاتو ...شوفى يامها عايز يصغير روحو على حسابنا ..اوعك تمررى المخطط دا ..
اى الصورة فى البركس ...لكن مختلف حول تاريخها وبالنسبة للناس البجدفوا ديل ..الا نلقى زول من الراكبين داخل المركب عشان يرسينا على بر ...
| |
|
|
|
|
|
|
Re: المطلوب معرفة الاشخاص الفى الصورة ... (Re: محمد عبدالرحمن)
|
سلام يا محمد عبدالرحمن وسلامات لضيوفك نعم الصورة في البركس كما ذكرت انت وضيوفك الصورة في عام 1988 ايام السيول و الأمطار التي دمرت الكثير من المباني و المنازل ولو تتذكر الناس كانوا بغنوا "بيتنا وقع انتو بيتكم كيف" في محاولة لضرب الهم بالفرح واذكر جيداً هذا المركب الذي احضره الطلاب من نادي الزوارق لإخلاء البركس من الطلاب. من التعلقات الطريفة اثناء إخلاء البركس تعليق صديقنا عصام احمد آدم (ابوعسيلة) وكان على متن المركب في طريقه لخارج البركس مع مجموعة من الطلاب حين قال "والله اصلو ما كنت متخيل انه لما اركب مركب أول مرة في حياتي اركبها في البركس" لو الصورة كانت واضحة شوية كنت عرفت ليك واحد ولا اتنين من الطلبة ديل.
| |
|
|
|
|
|
|
Re: المطلوب معرفة الاشخاص الفى الصورة ... (Re: elsawi)
|
Quote: "والله اصلو ما كنت متخيل انه لما اركب مركب أول مرة في حياتي اركبها في البركس" |
حباب الصاوى ..مرحب ناس اقتصاد ...
تعرف الصورة دى فعلا بتكون عام 88 ..الصورة نزلها الاخ حسن عثمان الحسن بمنتدى بزنس بالفيس بوك ...استاذنته فى نشرها ...كنت اعلم انه من الصعب التعرف على من فى الصورة ...لكن احداث 88 داخل ا لبركس بكون فيها ذكريات جميلة ...قلنا نقر لمن حضر ...
غايتو لو فى زول واحد ممكن يعرف الناس فهو المهندس خليل صاحب ذاكرة لاتصدا ....
تحياتى ...
| |
|
|
|
|
|
|
Re: المطلوب معرفة الاشخاص الفى الصورة ... (Re: محمد عبدالرحمن)
|
الحبيب محمد عبدالرحمن نعم الصورة كما قال الاخوان من داخل البركس (خريف 1988)"امام داخلية النيل الازرق " رغما من البركس غرقان لكن معظم الطلاب هبوا لنجدة الاهالي في اطراف العاصمة مع فرق الانقاذ في مناطق مثل الدروشاب وامبدات والثورات ومرزوق والبعض كان ضمن طاقم مناولة الخيم الواصلة لمطار الخرطوم كانت ملحمة اظهرت معادن ناس السودان في المحن وقتها كان هناك وطن كنا نباهي بتلك الديمقراطية ونحلم بمستقبل عالي السقف للسودان ...
تحياتي حافظ ( اشو)
| |
|
|
|
|
|
|
Re: المطلوب معرفة الاشخاص الفى الصورة ... (Re: حذيفة الجلاد)
|
هلا وغلا
كان يوم عصيب اليوم داك
التنقل في البركس كان بالمراكب
بعدين ما كان في فرن شغال
جعنا جوعة تاريخية والرغيف جانا المغرب
وكانه المن والسلوي
فرحنا كالاطفال حينما حضر الرغيف
وفي المساء زارنا السيد عبدالله محمد احمد في الجامعة
اعتقد كان وزير اعلام في حكومة الديموقراطية
ويا ليتنا عدنا او عادت الايام
| |
|
|
|
|
|
|
Re: المطلوب معرفة الاشخاص الفى الصورة ... (Re: حذيفة الجلاد)
|
هلا وغلا
كان يوم عصيب اليوم داك
التنقل في البركس كان بالمراكب
بعدين ما كان في فرن شغال
جعنا جوعة تاريخية والرغيف جانا المغرب
وكانه المن والسلوي
فرحنا كالاطفال حينما حضر الرغيف
وفي المساء زارنا السيد عبدالله محمد احمد في الجامعة
اعتقد كان وزير اعلام في حكومة الديموقراطية
ويا ليتنا عدنا او عادت الايام
| |
|
|
|
|
|
|
Re: المطلوب معرفة الاشخاص الفى الصورة ... (Re: ابراهيم محمد الحسن)
|
الصور دي شاحدا؟ كبر الصور شوية
رجعتنا لي أيام رغم مرها لكن تبقي ذكري جميلة
المركب عائم في البركس أما داخلية النيل الأزرق والزمان أكيد 1988
بالله الأحداث دي مرت عليها 24 سنة!!! مع الغربة الزمن إتسرب من بين إيدينا ولسه قاعدين نحلم بالعودة والإستقرار في السودان
| |
|
|
|
|
|
|
Re: المطلوب معرفة الاشخاص الفى الصورة ... (Re: أسامة البلال)
|
تحياتي أخي محمد عبدالرحمن
لفتة جميلة عن الزمن الجميل ومن أجمل الأماكن في الذاكرة...
أسوقفتني شهادة أخونا حافظ إشو/
Quote: رغما من البركس غرقان لكن معظم الطلاب هبوا لنجدة الاهالي في اطراف العاصمة مع فرق الانقاذ في مناطق مثل الدروشاب وامبدات والثورات ومرزوق والبعض كان ضمن طاقم مناولة الخيم الواصلة لمطار الخرطوم كانت ملحمة اظهرت معادن ناس السودان في المحن وقتها كان هناك وطن كنا نباهي بتلك الديمقراطية ونحلم بمستقبل عالي السقف للسودان ...
تحياتي حافظ ( اشو |
حليل البركس ولعل الهمة في الطلاب لم تتشتت بتشتتهم وتفرقهم في المساكن والمكابسة لأجل لقمة العيش..
تحية لكم ولضيوفكم..
| |
|
|
|
|
|
|
Re: المطلوب معرفة الاشخاص الفى الصورة ... (Re: أسامة البلال)
|
سلامات تاني يا محمد عبد الرحمن ما شاء الله شايف البوست جاب عمالقة البركس ناس حافظ اشو وخليل وفتح طاقة جميلة لإجترار ايام خالدة وذكريات جميلة. يا خليل الجوعة ديك ما كانت في البركس بس بل كانت في كل العاصمة لأنه معظم المخابز توقفت عن العمل و اسواق الخضار واللحوم كانت قافلة لأيام لعدم تمكن عربات الخضار من دخول العاصمة ومعظم الناس كانوا شغالين عصايد بس، لكن فعلاً كما قلت تلك الأزمة ابرزت روح التكاتف واظهرت قيم النفير وسط اهل السودان، وكل الأسر التي تهدمت منازلها لم تذهب للفنادق بل فتح لها الجيران ابوابهم وتسابقوا في استضافتهم لشهور وكثير من المنازل التي تهدمت تم بناءها من جديد بسواعد ابناء تلك الأحياء المنكوبة وبالعون الذاتي دون مساعدة اي جهة حكومية. ياخي السودان ده كان جميل بشكل!!
Quote: الأخ الصاوي والأخ حافظ إشو ... سلام
عصام أحمد آدم أبو عسيلة ود نيالا لم أسمع عنه لما يقارب العشرين عاماً هاجر لأمريكا ثم إنقطعت عني أخباره لو لديكم أي أخبار عنو... طريقة إتصال نرجو التكرم ... |
سلامات اخي حذيفة عصام احمد آدم جاء امريكا عام 1997 واقام في مدينة كولمبوس ولاية اوهايو لمدة عامين تقريباً ثم رحل الى ولاية ميريلاند التي كنت ومازلت اقيم بها، والتحق معنا في نفس برنامج الماجستير الذي سبقناه فيه وتخرج عام 2003 ولم يبق معنا طويلاً بعد تخرجه و رحل الى مدينة فيلادلفيا ولاية بنسلفانيا واستقر بها حتى الآن. اتصالي به انقطع منذ فترة طويلة ولكني سأحاول الحصول على رقم تلفونه وسأرسله له عبر الماسنجر.
بالمناسبة هل لك علاقة بالمهندس محي الدين الجلاد (برضو ود نيالا) ام هو تشابه اسماء؟
| |
|
|
|
|
|
|
|