|
|
 مظاهرات دخيلة علينا
|
لم افهم حتى الان المغزى من "مظاهرات الويك اند " او من جمعة لي جمعة !
فاذا كان الجميع طيلة الاسبوع وايام العمل يمارسون حياتهم الطبيعية , يقومون باعمالهم المكتبية يداومون في دواوين الحكومة وتسير عجلة العمل والانتاج علي طبيعتها ما الفائدة من التظاهر نهاية الاسبوع !!
طيلة الثورات السابقة كان السودانين يتظاهرون يوميا وفي اي وقت وفي كل مكان , حكاية "الجمع" دي جديدة تم استلافها من الربيع العربي
تباعد فترات التظاهر ينبى بانه الناس عايشة حياة عادية جدا ومتقبلة الاوضاع , والخروج في نهاية الاسبوع ما هو الا ترف من باب التقليد ليس الا
ثم انه السودان مافيهو ميدان تحرير زي الفي مصر او الفي بنغازي , حينما كانت الشعوب تزحف نحو ميدانها وتجتمع بالملايين معتصمة في مكان واحد مما يجعل صوتها مؤثرا ضاريا فتجتمع الميديا الاعلامية مستفيدة من هذا الجمع الضخم المتظاهر , هذا الامر مفقود في السودان لذا لا جدوى كما اري من محاكاة واقع ليس كواقعنا
سينتهى الامر بهذه الطريقة ان يخرج الشعب زفراته الحرى واحباطه في جمعتين تلاتة وتوأد الثورة في حجر الجمعة الجاية او البعدها بالكتير وتتقبل الجموع الواقع الذي تتعايش معه يوما بيوم طيلة الاسبوع وتوطن نفسها علي قبوله , وينتهي امر الثورة بالتقادم .
للسودان طريقته في ادارة ثوراته , وطريقة "الويك اند" ليس من بينها
ومن جانب اخر هذا التباعد في التظاهر يسهل من التحوط الحكومي لمقابلة التظاهر والاستعداد المسبق بوقت طويل
|
|
  
|
|
|
|
|
|
|
 Re: مظاهرات دخيلة علينا (Re: اساسي)
|
تسلم اساسي وهذا ماقلته لاحد الزملاء ...
المظاهرات الاسبوعية دي كحالة سودانية تضرها اكثر مما تنفعها..
فتتابع الثورات ضروري جداً ..
شكرا ..
| |
|
|
|
|
|
|
|
|
|
Re: مظاهرات دخيلة علينا (Re: فايزودالقاضي)
|
ياسلام ياخى عبرت عنى تماما والله
نحن شعب ملهم ومعلم للثورات وما كل واقع مشابة لدولة وكل شعب ختلف عن الاخر
ونحن ملولين بطبعنا
ثورة ثورة حتى النصر .... أضرب الحديد وهو سخنن
صدقنى لو الناس اشتغلت بمستوى التظاهر بالامس ل يصمدوا اكثر من ثلاثة أيام
| |
|
|
|
|
|
|
|
|
|
Re: مظاهرات دخيلة علينا (Re: Safia Mohamed)
|
يبدو إن التظاهرات فاجأت زعماء الاحزاب السودانية المعارضة والمتعارضة والجماعة لسة ما هياوا نفسهم لإستلام الحكم بعد ذهاب الإنقاذ ومازلوا مختلفين
غايتو أنا شايف غير الشعبي والترابي العندهم ثأر شخصي وغبينة شديدة باقي الأحزاب مازالت مترددة في الخروج علانية للشارع
يا أساسي غايتو كلامك دا بيثبت علينا إدعاءات الأعراب بأننا شعب كسول ومزاجي لأنو حتي في مصر وسوريا المظاهرات شغالة طوال الأسبوع لكن الجمعة بتكون الوتيرة أقوي
| |
|
|
|
|
|
|
|
|
|
Re: مظاهرات دخيلة علينا (Re: أسامة البلال)
|
يا اساسى
ما ذكرته يحتاج الى نقاش واف و هو صحيح اجمالا
الاضرابات دايرة فى الاول تكون فى حركة نقابية معافاة و منحازة لقضايا شعبها
التخريب النقابى الذى نفذه القتلة و الخصخصة التى غيرت كثيرا فى علاقات العمل ربما تؤخر الخيار الاضرابى
| |
|
|
|
|
|
|
|
|
|
Re: مظاهرات دخيلة علينا (Re: محمد النيل)
|
| Quote: و بعد دا كلو يجيك واحد و يقول ليك الشعب السوداني معلم الشعوب! |
غايتو شفناها بي عينا
نميري نبذ الناس في التلفزيون باليل وسافر في ليلنا داك مشينا جبنا لساتك من المنطقة الصناعية ولعنا في الصينية مافي زول قال لينا اطلعوا
الزمن داك والله ما بفرق ال المهدي من آل الميرغني وقايل شيوعي يعني كافر
| |
|
|
|
|
|
|
|
|
|
Re: مظاهرات دخيلة علينا (Re: اساسي)
|
Quote: تمام يا اساسي
اليام دي طالع من علبك ... ربنا يستر عليك ؟؟ |
يا احمد موش يمكن يكون داخل لي علبو او راجع لي علبو
تحياتي اساسي وبصراحة اوافقك الرأي يجب ان تكون المظاهرات يومية لأن الوضع اصبح لا يطاق والحصار الاقتصادي على النظام سيخنقه وسيقتل المواطنين ( رغم انهم ما عندهم ذنب) ولو الحكومة مسئولة مفروض تستقيل (بالسوداني تستغيل).
| |
|
|
|
|
|
|
| |
اساسي
فايزودالقاضي
بابكر التوم
بله محمد الفاضل
haroon diyab
Nasir Ahmed Elmustafa
Mudather Kunna
ahmed haneen
أسامة البلال
Hussein Mallasi
محمد النيل
Osama Mohammed
فيس بوك
تويتر
انستقرام
يوتيوب
بنتيريست