|
Re: عمك أساسي بقى معاط (Re: وضاحة)
|
جات وضاحة تستسفر وتسأل عن "معاط" عمك حلبي صنقع ودنقر وراسو جاط ولما ما لقى ليها مرادف جاو إحباط قام فال ليها "معاط" يعني "معاط"
| |
|
|
|
|
|
|
Re: عمك أساسي بقى معاط (Re: عبدالعزيز حسين عبدالرحيم)
|
وإنت ليه جائي تزيد المعط؟ ماكفاية المعط الممعوطنو برانا ياخ خلي اساسي شوف ليك حاجة تفيد الناس اللي إنت جائي تدافع عنهم ضد أساسي قال معاط قال وماوريتنا إنت إتعينت ناظر البورض متين؟ عشان بالمرة نبارك ليك دور المعاط الأكبر ده
| |
|
|
|
|
|
|
Re: عمك أساسي بقى معاط (Re: محمد البشرى الخضر)
|
أشرف الحلبي سلامات
وحاتك عمنا اساسي اتجدع جديع لامن صدق نفسه!
لا وايه عامل نفسه ناطق باسم الشعب يفتي كمان كاودا عنصريه و المعارضه كمونيه؟!
خليه يرجانا لقانا غائيبين وعمل فيها بلد مافيها تمساح يقدل فيها الورل!
وما ااتفه من معارضة اساسي الا قلة شغله خالد كودي العايز يعمل للعشر شوك! وقال ايه بيحاور في اساسي العنصري ويحرص ان ينفي العنصريه عن ( كاودا)! اساسي شنو يا كودي الما بتخجل كمان البيردوا عليه؟! خلاص كملته السحلبه و الدحلبه لناس نجلاء سيد احمد جاي تطارد في اساسي تقول ليه جيب لي اقتباس لكلام عنصري لناس كاودا؟!
هو انت شن طعمك واساسي شن طعمه عشان نبحث عن مصداقيتكم؟! الست انت الراجل اليفترض طول بعرض وادعيت بكامل عقلك انني ضد العرب!
ايها المنافق يا ترى لو قلنا لك جيب اقتباس واحد ضد العرب كآثنيه وليس حكام او حكومات ماذا ستجد ايها المنافق؟!
اساسي ده عامل نسيت ارشيفه العنصري كله وبيهمك تقنعه يا رودا مردة؟! سبحان الله!!
فيا اشرف يا اخوي اساسي خليه يقدل مراهنا على ذاكرى شعبنا الخربه الا البركه في الارشيف يكثر كلامه ننقل ليه زي العجب ما يحيره في مكتبته!
| |
|
|
|
|
|
|
Re: عمك أساسي بقى معاط (Re: Ashraf el-Halabi)
|
كويس أنك فهمت وكنت خايف
هسع لو دخلت صف سنة أولى أبتدائي حا تلاقي المدرس بنسج قصص سخيفة وبايخة عشان يوصل المادة بتاعته للصغار ديل
أساسي أضطر ينزل للمستوى دا
الفرق أنه في المدرسة مدرس أبتدائي وهنا غير ، مافي غير أساسي يشيل سوط ويقع جلد في الناس ديل حا يفهموه ودا الأسلوب الاتعودوه منه وناس ما يفهموا إلا بالضرب
| |
|
|
|
|
|
|
Re: عمك أساسي بقى معاط (Re: Ashraf el-Halabi)
|
الأخ أشرف الحلبي السلام عليكم ورحمةة الله وبركاته
أراك سكبت علي دشاً بارداً والله ههههه بعدين أنا الزعلني إنه الناس ماناقصين معط يجي زول يمعطم بزول معااااط زي أساسي ده أها نديك النصيحة وفي رواية النجيضة أساسي ده زول صاحب وفردة لكن بره البورض حقكم ده وعشان كده بوستاتو بتاعة المعط دي بعمل ليها اقنور زي الاقنور بتاع دكتور مصطفى محمود داك وبذلك أوصيك وتكون حينها كسبت صديقاً لدوداً ودوداً ومعاط كمان وأكون كسبتك إنت برضو باعتبارك معاط أكبر ههههه ودام الود بين الناس يامعاط إنت
| |
|
|
|
|
|
|
Re: عمك أساسي بقى معاط (Re: Ashraf el-Halabi)
|
سلامات عبيدة من ناحية إنو أنا معاط ما ناكر في الإجازة الفاتت الوالدة قالت لي الأولاد ديل من يوم جيت قعد يقولوا فيك "خلاس العماط جا" أنا "عماط" دي ما عارفها شنو، لو حاجة كعبة ما تخليهم من ديك بديت أخف عليهم "العمطة" شوية
يا عبيدة ما من عادتي أفتح بوست موجه زي دا لزميل في البورد وقدر الإمكان أحاول أحتفظ لنفسي بارائي في زملاء البورد صاحبك أساسي قال للمشرف إنتا معاط وقال للخواض شعرك دا دراب قلنا نختوا في نفس الوضع يجرب
| |
|
|
|
|
|
|
Re: عمك أساسي بقى معاط (Re: Ashraf el-Halabi)
|
عمك حلبي يا راجل يا رايق من اساسي بقيت متضايق المعط البورد ملاهو علايق ينظر يفتي من غير عايق
*** الا اساسي راجل قاسي بس وجدانه سليم يكتب رايا راسي و ديمة منشن في الصميم تبع الحق افقي وراسي يجري بكل تصميم ينقد براجع ولو علي نفسه ماهو حليم
**** يا ابوعبيدة ومعاهو عزيز عمك حلبي دا راجل لذيذ يفاكر ويضحك يصرج كورة ينزل طايرة عاملة ازيز يناصح يكتب مكمل خلقه مشرف وضعه بكل تعزيز مهذب خلقة حافظ دينه لا يقرب منكر ولا نبيذ
| |
|
|
|
|
|
|
Re: عمك أساسي بقى معاط (Re: اساسي)
|
بس كمان يا عمك حلبي خليك " كريتف" وابدع مصطلحاتك براك , المعط دا بقي ماركة مسجلة لصاحبنا " المشرف " , لو منك كان قلت عمك اساسي بقي قداد
| |
|
|
|
|
|
|
Re: عمك أساسي بقى معاط (Re: اساسي)
|
Quote: وعمك حلبي كمان إتبّل |
نِسى نعلآتو في البِستِلة مويتو تنقط جوّا الحَلة جاهو أساسي معاهو مسلّة فكّ البيرق شان يتحلّ شعّت فيهو جراقس الحِلّة...
| |
|
|
|
|
|
|
Re: عمك أساسي بقى معاط (Re: اساسي)
|
Quote: يا ابوعبيدة ومعاهو عزيز عمك حلبي دا راجل لذيذ يفاكر ويضحك يصرج كورة ينزل طايرة عاملة ازيز يناصح يكتب مكمل خلقه مشرف وضعه بكل تعزيز مهذب خلقة حافظ دينه لا يقرب منكر ولا نبيذ |
بالله الحاجات الكويسة دي كلها فيني!؟ خلاص إنتا لا معاط لا حاجة
يا أساسي طبعاً لا حكاية معطة لا يحزنون، بس قلتا أجرب معاك أسلوب د. بشاشا بتاع الصدمة، من غير وصاية، وأختك في الجهة المقابلة لـ "معاط"، يمكن تنتبه. عارفك واضح ودوغري (أكتر من جدي القال لعمنا لمن حلق شنو "تاني نفرزك من مرتك بشنو") ولاحظت دا حتى في رأيك في أصحابك، لكن كمان الما فردك كتيرة عليهم حكاية "معاط" و"دراب" دي!! المهم، لك العتبى حتى ترضى وما تخزنها لي لقدام
| |
|
|
|
|
|
|
Re: عمك أساسي بقى معاط (Re: Ashraf el-Halabi)
|
Quote: وعمك حلبي كمان إتبّل
نِسى نعلآتو في البِستِلة مويتو تنقط جوّا الحَلة جاهو أساسي معاهو مسلّة فكّ البيرق شان يتحلّ شعّت فيهو جراقس الحِلّة... |
عمك معاوية بقى تكاسي يبركن التكسي في بوست أساسي ضرب تكسيهو أخدر ليموني وقبض الميتر والتبتبوني جاهو كول من الشفخانة طلعت زولة كديستها نفسياً عيانة.. والله صحي!
| |
|
|
|
|
|
|
Re: عمك أساسي بقى معاط (Re: Ashraf el-Halabi)
|
ياحلبي صاحبنا اساسي ده ميزته الأساسية هي العنف القانوني بكلام الكورنجية لكن مرات بكون زي جوز بلة جابر الشيئ التاني قادر تتخيل معاي شكل اساسي وهو شايل ليهو سوط في واجهة المدرسة وهو يزمجر في الطلاب: أجري ياولد الجرس دق ياولد الهناك ده تعال هنا وشيطك يمعط ليك في الأولاد ويلتفت لي وراء ويتكلم مع فراش المدرسة اسمع جهزت حاجات الفطور؟ عشان في مفتشين جائيين
كفاهو معط ياخ
| |
|
|
|
|
|
|
Re: عمك أساسي بقى معاط (Re: معاوية المدير)
|
العفو يا مديرنا!! ياخ إنتا الزيك ما بيستأذن ذاتو (التقول الصورة حقت أبوي!) الصورة والبوست وصاحب البوست تحت أمرك مع إنو أنا عاجبـاني صورتك بتاعت اللافاش كديس دي.... ههههه
الكريدت دا طبعاً شامل تنقاويتك في عبيدة المعاط دا لصق ليو معط حناننا.. هههههه
| |
|
|
|
|
|
|
Re: عمك أساسي بقى معاط (Re: Ashraf el-Halabi)
|
Quote: العفو يا مديرنا!! ياخ إنتا الزيك ما بيستأذن ذاتو (التقول الصورة حقت أبوي!) الصورة والبوست وصاحب البوست تحت أمرك مع إنو أنا عاجبـاني صورتك بتاعت اللافاش كديس دي.... ههههه
الكريدت دا طبعاً شامل تنقاويتك في عبيدة المعاط دا لصق ليو معط حناننا.. هههههه |
يا سلآم يا بُوا، ياها الفيك محرية والله. أها كمان عشانك حانخلي اللآفاش كديس، وما صورة عمّك هباني دي، أها هآدي طرفي منها. رغم إنها كانت عا########ي. والله صحي.
شايف عبيدة أدانا اللِذن علي قول أهلنا الصوفية. الحكاية دايرالآ قعدة كان كدي...
| |
|
|
|
|
|
|
Re: عمك أساسي بقى معاط (Re: معاوية المدير)
|
عندي ليك حل يا ود المدير صورة بروفايلك تبقى دورية نصف شهرية أسبوعين للكديس وأسبوعين لعمك هباني بالمناسبة عمك هباني السنة الفاتت بدأ في إجراءات رخصة سواقة القطر لكن لليلة ما استلم الرخصة، الظاهر رخصة القطر دي طويلة زيو المهم أول ما يستلم الرخصة تناقويتو عليك كلمتك من أسى عشان ما ترتبط
| |
|
|
|
|
|
|
Re: عمك أساسي بقى معاط (Re: Ashraf el-Halabi)
|
Quote: بالمناسبة عمك هباني السنة الفاتت بدأ في إجراءات رخصة سواقة القطر لكن لليلة ما استلم الرخصة، الظاهر رخصة القطر دي طويلة زيو |
يا اخي دا لو إستلم حا يظعط لك وهبة جنس ظعطة!!! ساآآآآآآآآكت لوجه الله تعالى.
Quote: المهم أول ما يستلم الرخصة تناقويتو عليك كلمتك من أسى عشان ما ترتبط |
إرتبط !!!، إنت قايلني تيمان عطبرة ؟؟؟ بس خليهو يستلم كان راجل، عشان أقصعو ليك قصع القملة...
| |
|
|
|
|
|
|
|