|
ريتشارد جاستن يرغب بجنسية الشمال (متزوج من شمالية) (صور)
|
طالب ريتشارد السلطات السودانية بمنحه جنسية السودان وذكر أنه ولد وتربى بالشمال ولانية له إطلاقاً بالذهاب للجنوب حقيقة (قلب الأسد) كما يحلو للهلالاب تسميته رجل خلوق وقد خدم المنتخب وأدى مباريات بطوليه وكان بمثابة برج المراقبة للمنتخب السوداني لسنوات طويله جداً تكريم ريتشارد بمنحه الجنسية السودانية واجب ياحكومة السودان
أعلاه صورة ريتشارد وطفلته الأموره
|
|
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: Deng)
|
Quote: كده بالله برضو أمشي جيب لنا مكان ميلاد ونشأة السيد وزير الداخلية البوزع في الجنسية السودانية ده ذاتو. |
العبار دينق أعي تماماً أنك تريد أن تزرع عنصرية بغيضةً بيننا وزير الداخليه سوداني 100% وجميعنا نعلم مدى التداخل الكبير جداً بين الكثير من القبائل في السودان وأريتريا هذا التداخل والتلاحم الكبير والقوي جداً لن تستطيع أنت ولا أمثالك من خدشه ولو ظللتم تنقرون مائة عام أخرى على كيبورداتكم القذره إذهب بعنصريتك هذه بعيداً من هنا
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: Mohd Ibrahim)
|
Quote: دا سوداني مية المية غصبا عن عين البشير ذاتو...اية جنوبي سوداني حتي لو بعد حين.. |
محمد إبراهيم تحياتي فعلاً ريتشارد شمالي (كامل الدسم) لكن حتة إنو أي جنوبي شمالي دي كترت فيها المحلبيه شديد الجماعه (طوعاً) إختارو أن لايكونو شماليين فكيف يكونون كذلك أنا بتكلم عن ريتشارد كـ(حالة خاصة)
مؤونة عام من الود
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: محمد فرح)
|
ينظر في أمره
بعيداً عن العاطفة
لو استوفى شروط من يحق لهم المشاركة في استفتاء "جنوب السودان" فهو بموجب اتفاقية السلام مواطن جنوبي حتى ولو تزوّج سوداني من السودان (الحالي) وولد في السودان (الحالي) وولد أبيه في السودان (الحالي) فهو مواطن جنوب سوداني وبذلك مواطن أجنبي في جمهورية السودان
إذا رغب في البقاء في السودان فعليه توفيق أوضاعه بالبحث عن عمل وفق قانون تشغيل الأجانب
أمّا مسالة تجنيسه هذه تخضع لقوانين البلد " السودان (الحالي)" ولن ينالها بصورة تلقائية بناء على رغبته أو رغبة اسرته
ولكن بعد مرور سنوات من إقامته كأجنبي في السودان (الحالي) يمكن أن يسري عليه قانون الجنسية بالتجنّس
لو الأمر بالعاطفة لكان سلفا كيير أحق منه بجنسية السودان الحالي الغالية فهو قد شغل منصب نائب رئيس جمهورية السودان وليس لاعب يجري خلف كرة.
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: Frankly)
|
ياتو قانون يا فرانكلي ؟!
رتشارد بالميلاد يستحق الجنسية فهو مولود في سودانك الحالي هذا
رتشارد بالعطاء يستحق الجنسية فهو قد دافع عن الوان علمك الحالي هذا ونشيدك الوطني الحالي هذا وللحق فقد شرف هذه البلاد وما بخل
ياتو قانون البتتكلم عنو يا فرانكلي بالمس القريب استطاع الهلال والمريخ تجنيس سنغاليين وماليين ونجيريين لم يقضوا في هذه البلاد الا ساعات فقط
قانون ايه الانت جاي توووول عليه يا فرانكلي وللحق العاطفة تلون مداخلتك انت فقط لكن المتطق والقانون والتجاوز على القانون يقولون ان رتشارد يستحق الجنسية السودانية وهي تتشرف به
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: وليد محمد المبارك)
|
Quote: ياتو قانون يا فرانكلي ؟! |
القانون الذي سمح للجنوب أن يكون دولة مستقلة
كما قلت الأمر ليس بالعاطفة
لو حق لريتشارد أن يصوّت في الاستفتاء لتقرير مصير جنوب السودان فهو مواطن جنوب سوداني . نقطة سطر جديد
أما حكاية بالعطاء والذي منّه فهو كان بيجري وراء كورة
هناك من مواطني جنوب السودان من عملوا نائب للرئيس ووزراء خارجية ولكنهم في الأخير تنطبق عليهم القاعدة أعلاه أي يحق لهم التصويت في الاستفتاء
لو كان رئتشارد يشعر أنه سوداني لما طلب جنسية السودان الغالية
عايز يبقى في السودان عليه توفيق أوضاعه
نقطة. انتهى
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: Zomrawi Alweli)
|
ريتشارد سوداني كامل السودنه وله حق حمل الجنسيتين معا
جنسية السودان التي اصبحت نعطي لكل من لعب للهلال او المريخ
ويحرم منها ريتشارد ابن السودان عجبي وهو يحملها الآن وسافر بها ومثل السودان
كسفير نتشرف به في كثير من المحافل
الحضري حملها !!!!!!!!
وسفهها
محمد فرح ريتشارد يستحقها اكثر منا نحن وهو تربي معنا منذ الميلاد وحتي لحظتنا هذة وهو مثال للسوداني الخلوق
،،،،أبوقصي،،،،
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: سيف النصر محي الدين)
|
Quote: وليس لاعب يجري خلف كرة.
|
هههههههههههه والله دي حاجة غريبة عجيبة حقيقة الأخ فرانكلي مازال يتعامل مع كرة القدم بفهم العصور الوسطي ويعتقد أنها مجرد جلدة منفوخة بالهواء يتجاري خلفها الناس جاهلا أو متجاهلا أنها أصبحت ومنذ وقت بعيد من الصناعات الكبري والتى بمقدروها أن تقوم حكومات وتسقط غيرها وتتحكم تماما في مفاصل السياسة والصناعة والثقافة كمان . يا فرانكلي زي الفهم بتاعك دا هو بالضبط المكرها الناس في الحكومات فلا تعزف على وتره اعترض إعتراضك على تجنيس ريتشارد أو غيره لكن لا تسوق لهذه المفاهيم المحنطة.
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: طلحة عبدالله)
|
Quote: يا فرانكلي زي الفهم بتاعك دا هو بالضبط المكرها الناس في الحكومات فلا تعزف على وتره |
يا طلحة دا تصوير حقيقي للاعبي كرة القدم فهم فعلاً يجرون خلف كرة وليس أقل وليس أكثر من ذلك
Take it or Leave it
ك أن ترى غير ما أرى ولكن لن تسلبني حقي في تعريف لاعب الكرة بالطريقة التي أريد
وبرضو
Take it or Leave it
Case ceased and desisted
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: الصادق صديق سلمان)
|
يا الصادق
حكاية بالميلاد هذه منتهية وملغية
فاي جنوبي هو سوداني بالميلاد قبل فصل الجنوب
يستوي في ذلك ريتشارد مع سلفا كيير مع الود باقان
اتفاقية السلام الشامل أعطت من عرفتهم بمواطني جنوب السودان حق تقرير المصير دون غيرهم من سكان السودان
كل من تنطبق عليه تعريف مواطن جنوب سوداني حسب اتفاقية السلام ويحق له التصويت هو مواطن جنوب سوداني سواء انفصل الجنوب أم لم ينفصل
وها وقد انفصل الجنوب حلّت قضية المواطنة فصار كل مواطن جنوب سوداني مواطن أجنبي في السودان وكل مواطن سوداني في جنوب السودان مواطن اجنبي ما لم يوفّق اوضاعه
سواء ولد في الجنوب أو ولد في الشمال هذه لا تلعب دور في هذه الفئتين تحديداً سوداني وجنوب سوداني
وهو بذلك لا يستحقها بصورة تلقائية سواء كان غصب عني أو غصب عن غيري
عليه أن يقيف في الصف ويقدم طلباه راجياً
وينظر في أمره
بعدين اخجل من نفسك شنو يعني قدمه للهلالاب والبطيخ في قضية تمس سيادة دولة
كرة القدم يلعب بها محترفون من كل العالم ويحق لرئتشارد أن يتكسب من لعبه محترفاً كأجنبي أو يقدم طلب لنيل الجنسية بالتجنّس مثله ومثل أي أجنبي
ما حل لجنسية تلقائية إلا إذا أعدتم جنوب السودان للوطن الأم
غير ذلك أي مواطن جنوب سوداني هو أجنبي في السودان والعكس صحيح
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: طلحة عبدالله)
|
انا متعاطف مع ريتشى فى محنته هذه و حسب ضياء الدين بلال فى احدى اعمده, فان الرجل تعرض لموقق صعب قبل اشهر حيث هتف الناس ضده فى ملعب بكوستى و مطالبا اياه بان يذهب الى بلده و جهش بكاء. المسكين عندو عائلة و عايز عائلتو تبقى فى الخرطوم. الاخبار تتحدث عن حصول الدكتور لام اكوز و الكذاب ديفيد ديشان على الجنسية السودانية و المسكين ربتشارد يستثمر محنته لاغراض سياسية. و بالمناسبة يا محمد فرح, ديقيد دىشان هذا ما عندو دكتورة فى اى حاجة و لم يلتحق فى اى دراسات ما فوق الجامعية, بل, لديه ماجستير من جامعة اسفيرية وهمية. يعنى جامعة غير موجودة و لم يحدث ان قام بتدريس اى شئ لاى شخص. بيكذب عليكم و دى زول مريض نفسيا.
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: على محمد على بشير)
|
يا فرانكلي لو أي زول عندو حق يعرف على كيفو فلماذا هناك تخصصات وعلوم ومختبرات ؟؟ حشرك للمصطلحات والتعابير الإنجليزية في كلام يمكن أن تقولو بالعربي لا يعني أبدا أنك على حق بل العكس تماما يا حبيب .. من ناحية تانية وقياسا على تعريفك للاعب بأنه (يجري خلف الكرة) يمكن تعريف وزير المالية مثلا بأنه ذلك الشخص الذي يلبس نظارات وعندو كرش ويجلس خلف مكتبه في وزارة المالية والضابط بأنه يلبس كاكي وعليه دبابير وشايل مسدس، والدكتور بأنه الذي يلبس أبيض وشايل سماعة ..الخ .. فهمك عاليه لكرة القدم يا فرانكلي هو فهم متحنط من زمن عصر التيوة والتاسوعة ودافوري الحواري وكرة البلاستيك .. كرة القدم أصبحت صناعة تستغل في إنتاجها أحدث التقنيات والحواسيب ويشتغل بها رؤساء ووزراء وعلية القوم في كل العالم،بل وتستخدم للدعايات الإنتخابية ونجومها مطلوبين ومبابعين عن حب حقيقي ليحكموا الناس ويكونوا رؤساء عليهم فهل يمكن أن تكون هي فقط كما قلت أنت لمجرد أنك تريدأن تقول ذلك عنها؟؟؟؟؟؟
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: محمد فرح)
|
Quote: إلغاء الجنسية وجاءت أهم سمات مشروع القانون في أن كفل التعديل سلطة إلغاء شهادة الجنسية للسلطة المخولة بالتصديق بمنحها متى ثبت لها أنها متحصل عليها بطريق غير مشروع، وذلك من خلال إضافة بند جديد للمادة (6) من القانون
وتضمن المشروع معالجة لحالات إسقاط الجنسية السودانية تلقائياً عن أي شخص اكتسب حكماً أو قانوناً، جنسية دولة جنوب السودان، كما تم فرض شروط جديدة يجب توافرها في طالب التمتع بالجنسية السودانية بالتجنس.
|
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: EMU إيمو)
|
Quote: لو الحكومة رفضت منح ريتشارد الجنسية السودانية هل يوجد قانون يطلب من ريتشارد مغادر السودان وهو متزوج من سودانية وله منها أبناء يحملون الجنسية السودانية ؟ |
وإذا غادر إلى الجنوب ومعه زوجته وابناءه يحق لحكومة الجنوب طرد زوجته الشمالية
يفترض أن تكون هنالك معالجات لبعض الإمور الشائكة بدلاً من التعصب الأعمى والغلو في الخصومة.
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: عبد الغفار المهدى)
|
سيف النصر محيي الدين : اي جنوبي يرغب في جنسية السودان-فرع الخرطوم- يجب منحه اياها بدون تردد و اي شمالي يرغب في جنسية السودان-فرع جوبا- يجب منحه اياها بدون تردد ----------------------------------------------------------------------------
ويجب أن يكون ذلك بإعلان رسمي يصدر في كلا الفرعين يكون الترحيب فيه واضحآ بمن يطلب الجنسية وأن تمنح له على الفور والأفضل إعتماد قانون لإزدواج الجنسية ومعالجة التعقيدات الناشئة عن وجود جنسية ثالثة بأن يعتبر حامل جنسية دولة جنوب السودان ، سوداني في دولة الشمال وأن يعتبر حامل جنسية جمهورية السودان ، مواطنآ كذلك في دولة جنوب السودان
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: abubakr salih)
|
في واحدة من مباريات الهلال الأفريقية سقت معاي البنات المباراة أخوهم عنده راي في كرة القدم دي بالذات ... أتلفت لقوا روحه براهو في البيت في آخر لحظة قال يتوكل علي الله ويمشي ... في الإستاد أشترينا الأعلام والكابات .. والتسالي والترمس والأيسكريم وده كله رشاوي لصاحب السبع سنوات حتي يتصالح مع كرة القدم ... بين الشوطين سالت الولد حنا ... اها يا ابو الحنان إنشاء الله مستمتع بالكورة ... قال لي استمتع شنو ياخ ... دي عوارة ساي ... كورة تنطط وناس ينططوا معاها .... اها الكلام ده ما عنده علاقة برأي فرانكلي اعلاه ... ومهدي للعزيز طلحة ....
ريشتارد يستحق أكثر من الجنسية السودانية .... كلاعب من أكثر الذين لعبوا مباريات للفريق القومي هو ريتشارد جاستن ، فهو من القلائل الذين تجاوزوا حاجز المائة مباراة مع الفريق القومي ... الميلاد والإقامة في الشمال والزواج والأطفال كلها أسباب إضافية لمنحه الجنسية ، وهو كشخص يشرف الجنسية فهو خلوق وإنساني ...
أتمني أن تكون قضية منح اللاعب ريتشارد حاستين الجنسية مدخل لحل أزمة الجنسية المزدوجة بين شطري السودان فهي ستحل كثير من الإشكاليات العالقة وستدفع العلاقة بين البلدين والمصالح المشتركة ...
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: Mohamed Moatasim)
|
ويجي فرانكلي يقول ليك عاطفة! رتشارد دا ود حلتنا وقضينا ايام جميلة معاهو قبل الشهرة وانا متأكد انو الموضوع من وجهة نظرو هسي مختلف عن بعض الاتقال هنا، وزيو كتير من زملائنا في المدرسة زمان في الصحافة، وبعدين في الشغل، ما كان في فرق، وحتى لو ثقافتهم كانت شمالية! وديل هم المأساة الحقيقية، ياخي رتشارد زاتو يقيف عشان جنسية! لا حول ولا قوة الا بالله
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: محمد فرح)
|
ما زال تناول هذه القضية عاطفياً ولم يأت أحد بمرجعية قانونية تبيح لريتشارد "الجنوب سوداني" للحصول على الجنسية السودانية الغالية
معلوم أن الكصير من الجنوب سودانين قدموا للسودان قبل الانفصال أكثر مما قدّم الكثير من السودانيين في الشمال
بعضهم قاتل في صفوف الجيش السوداني ضد الحركة الشعبية ولم يشفع له ذلك بنيل الجنسية السودانية الغالية
هذه حقبة زمنية قد مضت
بعد الانفصال هناك تعريف واضح وصريح لمن هو سوداني ولمن هو جنوب سوداني
يمكن لريتشارد ,كأي محترف كرة قدم أن يقدم للجنسية السودانية بالتجنس مثله مثل أي محترف أجنبي سواء كان من نيجيريا الجميلة أو غانا الخضراء أو من جارنا :جنوب السودان"
والناس سواسية ومكرمون عند ربهم فلا تجرفنكم العاطفة للنيل من النيجيريين والمجنسين من أصول اجنبية ما دام قد نالوا تجنسهم بطرق شرعية , فهم مواطنون سودانيون, لهم ما لنا وعليهم ما علينا
ساعدوه على التنجنس بدل بذل هذه العاطفة التي لا تقدّم ولا تؤخر في أمر قانوني سيادي
ولمن ما زال يحلم بسودان واحد أن يسعى سعيه لجعل حلمه حقيقة أو يفق من منامه ويواجه الواقع بشجاعة ورباطة جأش
فالأمور ليس بالتمني والأحلام النرجسية والعاطفة الجياشة بل قوانين ومراسيم ولوائح ونظم
انتهى
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: Frankly)
|
يا فرانكلي يا حبيب..آي يكون تناوله عاطفي آي مالو! هو زاتو غير عاطفي ما دايرين تناول في الموضوع دا! ياخي نحن بشر ياخ! قانوني سيادي دي يمشو بيها أديس اببا في المفاوضات هناك! موضوع رتشارد دا طلعو لينا منو
يا محمد فرح..ياخي عندنا واحد اسمو أ.أ.ل ..مسلم ومجكس شمالية كمان وعربيهو احسن منك ومولود في ام درمان وداير يقعد هنا ..بالله شوفو لينا معاك، استخدم علاقاتك يا امنجي يا مرتزق. ولفو ليهو اقامة اي حاجة!
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: محمد يوسف الزين)
|
عندى سؤال ليكم
فرانكلى دا شنو وزير الهجرة السودانى ؟؟؟؟؟؟؟؟؟؟
ولا يطلع شنو البحدد ويفتى فى شؤن ومصير خلق الله
الناس الله خلقن احرار انتوا تستعبدوهم
فراكلنى قوم لف كده يلفك قطر ما يلموا فى عضامك
الدول الغير مسلمة فى الغرب مثل امريكا كندا بريطانيا الواحد بعيش فيها اكتر من 3 سنوات بدوا الجنسية
دا زول متربي وعايش فى الشمال تجى تفتى وتقول ينظر
يفتك راسك المدوقس دا
مسنوح واحد
متين عقول الخلق دى تتفتح وتكبر كرهتونا ظاتوا نكون سودانين
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: وضاحة)
|
حقك علي يا وضاحة
لكن انفصال الجنوب اصلاً مبني على تعريف من هو الجنوب سوداني (الذي يحق له التصويت في استفتاء حق تقرير المصير)
أي شخص تنطبق عليه هذا التعريف يكون من يوم انفصال الجنوب مواطن أجنبي في جمهورية السودان
رضينا أم ابينا
الجنسية بالتنجنس ما زالت سارية المعول ولكن لا تسري باثر رجعي يعني في الأول يوفق اوضاعه كاجنبي ويقيم المدة القانونية في السودان التي تخوّله لمنح الجنسية بالتجنّس
انتهى
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: محمد يوسف الزين)
|
Quote: يا فرانكلي يا حبيب..آي يكون تناوله عاطفي آي مالو! |
المشكلة ما في التعاطف معه ومع كل جنوب سوداني يرغب في البقاء في السودان
لكن في التمني بأنّ العاطفة يمكن أن تحرك فعلاً موجباً أمام وضع قانوني واضح وصريح؟؟؟!!!
التعاطف الفعلي يكون بمساعدته على الحصول على الجنسية السودانية بالتدنّس أو الحصول على عمل يوفق به وضعه في السودان
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: Frankly)
|
فرانكلي تحياتي بالتأكيد العاطفة هي أول مادفعني لأقف بصف من ينادون بمنح ريتشارد الجنسية السودانية ريتشارد يحب السودان الشمالي حباً جما ويتحدث العربيه بطلاقه وخدم السودان أب برنيطه الكان نائب رئيس الجمهوريه لم يفعل شيئاً سوى الـ(عكننه) لكن بالإضافه للعاطفه فإن ريتشارد رجل يمكن أن يستفيد السودان من خبراته في تطوير الرياضه فالرجل إحترف خارجياً ويمكن أن يساهم في التدريب
مؤونة عام من الود
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: abubakr salih)
|
يا فرانكلي
لا ما انتهى بل بدا وان كنا نحن عاطفيين في هذا الامر فانت مجرد من هذه العاطفة وصدقني دي مشكلة
قانون الجنسية ده لو عاوزين يطبقوه في رتشاد فهو قانون بليد . رتشارد الذي مثل السودان في الكورة المنفوخة بهواء فاسد والتي يشجعها جل الشعب السودان ما عدا فرانكلي وكم زول كده مجهولين .. والتي تسعد السودانيين وترفه عنهم في وسط هذه المعيشة الضنكة والجو المكفهر .. يستحق الجنسية وهي تتشرف به اكرر تتشرف به مع ضغط على الاضراس وهذا الحديث مليان عاطفة لمن مدفقة
اها رتشارد ده واحد من لاعبي الكرة الذين يجرون خلف كرة منفوخة بهواء فاسد ويفعل بها فعلا غير فاسد ... ويمتعنا بها .. و رتشاد ده سوداني اكتر من الزول الخت القانون بتاع التجنس بتاع الجنوبيين ده
وجريه خلف الكرة المنفوخة بهواء فاسد يمنحه الحق في جنسية بلد مثلها وارتدى شعارها فنيلة ( وردا) وكدارة فيهم علم السودان ووقف قبل كل مباراة يجري فيها خلف الكرة ام هواء فاسد يضع يده على صدرة ويردد النشيد الوطني حق السودان الشمالي ده ثم يركض ساعة ونص خلف الكرة ام هواء فاسد .. ونحن على المساطب وامام التفزيونات نتفرج فيه هو والكرة ام هواء فاسد
رتشارد يستحق الجنسية السودان بالقانون بغيره يستحقها بالدرب العديل بالواسطة باستثناء يستحقها
بالعاطفة بالمنطق يستحقها
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: وليد محمد المبارك)
|
يا وليد
الكلام انتهى والأمر قضي وGame Over ذاتو
ما عنه حق غير توفيق اوضاعه والوقوف في الصف لنيل الجنسية السودانية وبالتجنّس مثله مثل أي محترف أجنبي ويقاس وجوده كأجنبي في السودان ابتداءً من انفصال الجنوب وحتى يتم الفترة القانونية يمكن له أن ينال الجنسية بالتجنّس بحق فترة الإقامة
انتهى..... انتهى .
نقطة ... موضوع جديد
يلا شباب خلونا في المفيد
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: Frankly)
|
والله قصة ناس محمد فرح ووزير الداخلية الجديد "فرانكلى" واضحة، هم زعلانيين عشان الجماعة
ديل إختاروا الأنفصال و شالوا بترولهم وخيراتهم وكسحوا! بل لسه بكابسوا فى الفضل! الجماعة ديل
شفّاتة زى "وليد" وحساباتهم للسياسة أبداً ما بالأنفعال ولا العاطفة، عارفين بعملوا فى شنوا؟ لكن بس هو ريتشارد
زاتو داير بالجنسية شنو؟ حتضيف ليه شنو يعنى؟ كونه سودانى دى محمد فرح و لا فرانكلى ولا من لف
لفهم لن يستطيعوا قلعها منو ولا إلغائها مهما تحركت ضغينتهم! ولو للتمتع بكونه سودانى براكم ياكم و ريتونا و كنا زاتنا ما عارفين
عاش وتربى فى الخرطوم و إصدقاؤه ذاتهم أولاد الخرطوم ما ناس سقط لقط، ومثّل السودان
و الأهم من دا متزوج سودانية كاملة الدسم! و فكركم كدة الجماعة الأدوه المرة ديل، يغلبهم يدوه جنسية؟
قوموا لفوا بلاهى و ما تنسوا تلفوا وترجعوا ثانى!
يا ريتشارد إتفرجغ و أقعد فى الواطة دى
ربى شفعك و إتحصل على جنسية الجنوب من السفارة بالخرطوم لأغراض السفر،
بلاش لمة.
نحن زاتنا عايزين نعمل مراجعة للجنسية السودانية دى كيف بتتأخد و بستحقها منو ذاتو؟ بس
عشان ما يجينى واحد ملّون بلون مصرى و لا تركى و لا كردى ما عارف يقول هو سودانى.
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: الصادق الزين)
|
أتير ومارتن أحق بالجنسية من ابراهيما الثلاثاء, 12 يونيو 2012 14:31 حروف كروية - عبد المجيد عبد الرازق
أجبر الاتحاد السوداني لكرة القدم اللاعبان اتير توماس وخميس مارتن لتوفيق أوضاعهما بعد انفصال الجنوب باعتبار أنهما أصبحا لاعبين غير وطنيين وأن استمرارهما في اللعب في أندية الشمال يفرض تسجيلهما كلاعبين أجانب ولم يشفع لهما ماقدماه للمنتخبات الوطنية بداية بالشباب ومروراً بالأولمبي وانتهاء بالمنتخب الأول على المستوى القاري والدولي والإقليمي بجانب مشاركة أتير مع الهلال في المنافسات الإفريقية ورددا السلام الوطني نحن جند الله جند الوطن وبللا شعار السودان بعرقهما. ولم يشفع لهما أنهما ولدا في الشمال وترعرعا في أحضان الوطن ومثلهما من تصاهر مع أسر شمالية بينما اعتمد الاتحاد في نفس الوقت وأمام نفس لجنة التسجيلات اللاعبين السنغالي ابراهيما سانيه والغيني اكانقا كلاعبين وطنيين بجنسية سودانية رغم أنهما يزوران السودان لأول مرة ولايعرفان مفردة عربية واحدة أو لهجة سودانية وحالهما حال كل الأجانب الذين تشرفوا بجنسيتنا (الهاملة) وليست لهم أي علاقة بالسودان بل مازالوا يلعبون لمنتخبات بلادهم ومثال عصام الحضري. أتير توماس وخميس مارتن وغيرهما من أبناء الجنوب يدفعون الآن ثمن الخلافات والصراع الدائر بين دولتي الشمال والجنوب وكنا نتوقع أن يمنحا الجنسية تقديراً لماقدماه للوطن أو أن يتم استثنائهما بأن يسمح للفريق بتسجيل أربعة أجانب من بينهم لاعب جنوبي كما تفعل اتحادات الخليج التي تسمح بتسجيل لاعب خليجي إضافة للأجانب من جنسيات أخرى. تحدثنا كثيراً وتحدث الخبراء عن الضرر الذي يسببه تجنيس اللاعبين وقد دفع منتخبنا الوطني الثمن وطالبنا الدولة بوقف التجنيس الذي لايصب في مصلحة الوطن وما يحدث الآن هو إهانة لهويتنا ولوطنيتنا وقد صول الحال إلى تحويل الجنسية إلى قميص يرتديه اللاعب ثم يخلعه ليرتديه آخر بعد أن قام الهلال بسحب جنسيتي الكميروني أتوبونج والايفواري ابراهيما توريه لتمنح لبراهيما سانيه واكانقا وليس غريباً في التسجيلات الرئيسية أن تحول إلى لاعبين جدد. مايحدث من إهانة لجنسيتنا يتطلب مساءلة وزير الداخلية أمام المجلس الوطني. حروف خاصة الابقاء على وارغو خطوة جيدة إن اكتمل شفائه لحاجة الفريق إلى صانع ألعاب بعد إعارة موتيابا. لم يكن المريخ في حاجة إلى تسجيل المدافع البرازيلي بعد أن اكتسب ضفر الثقة وفي وجود نجم الدين وباسكال وتسجيله مجاملة لريكاردو ورغم ذلك نتمنى أن يثبت وجوده. غداً بإذن الله أكتب عن معارضة المشويات كما قال الصديق مأمون أبوشيبة.
المصدر : جريدة السوداني http://alsudani.sd/news/
| |
|
|
|
|
|
|
Re: ريتشارد جاستن يرغب بجنسية الشمال (متزوج من شمالية) (صور) (Re: محمد فرح)
|
اها بالنسبة لي الموضوع شخصي
ريتشارد صديقي ولاعبي المفضل
خلال وجوده في المنتخب او بالوان الاحمر الوهاج .
كان تكريما جميلا من المريخ ان يضم هذا الاسمر الجميل
قلب الاسد لكشوفاته بعد عودته من السلطنة......!!!!
الاجمل الان وعشان في قانون اعرج .... انوا موضوع جنسية
ريتشارد جاستن يبقي هدف ومهمة وطنية يتبناها قانونيين ضليعين
ويحركوها عشان الناس تعرف منو البستحق الجنسية.....؟
ريتشارد جاستن اخي الحبيب رمز من رموز الوطن مثله مثل
فيصل العجب وهيثم مصطفي يجب ان يصدر قرار رئاسي فوري
باستثنائه من قانون الجنسية .....!!!!!
ياكمال ياحبيب انت رايك شنو في حتة يستحق او لايستحق بعيدا عن القانون....؟
تحياتي لك وتحياتي محمد فرح
| |
|
|
|
|
|
|
| |