اها نقول ليك كلام (محمد أحمد) ال plain وما بعرف لا الحكومة لا المعارضه ولا يعرف السياسه واللياسه ويقعد يسمع ويتابع ويلوك الصبر ويتمحن فى عجائب الزمن وجداول الضرب والحساب والمعادلات... يرصد ويترقب؟ بعدما قصوا نصها عشان يقعدوا قالوا (شبر من بلدنا مابنديهو)؟؟؟ وبعدما نشفوا الجزيرة ودفنوا ترعها وشردوا أهلا وهجروا اهل السكه الحديد ودفنوا محطاتها قالوا ناسها جاعوا وماتوا والباقين منهم عجزوا ونسوا السياسه احسن نرجع ندور بوابيرها ونحفر ترعها ونزرع مما نأكل ونصنع مما نلبس ...الخ وبعدما قالوا عندنا resources أكثر من بترول الجنوب قالوا لا أحسن نرفع الدعم عن المحروقات (لأول مره أعرف انه البترول أبو 10 الف للجالون كان مدعوم!!!)وكمان نزيد مرتبات العاملين (ده لو كان فضل فيها عاملين بيصدقوا ....دول نسوا أنه العاملين بقوا يجوا المكاتب المغبرة عشان يقلعوا نعلاتهم ويلبسوا مراكيبهم ويختوا نظاراتهم ويمرقوا من الباب التانى يسوقوا تاكسياتهم أو يشوفوا معايشهم كان (فطور فى بيت طهور ولا غداء فى بيت بكاء) ... وبعدما مضى 23 عاماً وبعد طيران الدولار كالصاروخ من 12 الى 6000 قرش قالوا يتوقعون أن يستقر سعر الصرف خلال 6 شهور فقط ب (الحزمة الساحرة the magic package) وتفاصيلها ال incredible شئ تقشف حكومى بدون تفاصيل وشئ تقليص عدد وحجم الحكام (عدد يعنى بإحالتهم للصالح العام ولا المعاش ولا الحجم بتغيير مسمى الوظيفه والموقع !!)...
وبالنسبة ل (محمد أحمد)المستعدى الأول عشان ما يفتح راديو او تلفزيون ويستمع للحاصل من جوه و بره (نصدر ونحرر ونزرع ونأكل ون...ره ونصنع ونلبس ...وأوكامبو وسلفاكير ومجلس الامن ... وهلمجرا ) او يقعد مع الجيران تحت الشجر ويتنسنس وعشان يلم اولاده الصبيان والخريجين من الشوارع عشان ما يحرقوا اللساتك ويقفلوا الشوارع ويفلقوا بالحجار حيعالجوا مشاكلهم بالحزمة السحريه وحيأكلوهم الملاح بالدين ويعالجوهم و....و......و......وبعد شويه يمكن يصرفوا ليهم الهواء بالدين من البنك ... وفيما يلى بعض التفاصيل وشوفوا الهنا ده (100 الف منهم يأخذوا ليهم قفة خضار ومعاها سكر وشاى وزيت بالدين .... تمنها 500 ج للقفه يدفعوها بالتقسيط ....وبالنسبه للمجاورين لمخابز سين يدوهم 6 رغيفات بجنيه والباقى ربك يهون ول 198 الف يتعالجوا بالتأمين الصحى والدواء الضارب والدكتور تحت التدريب والمفارقه انه حيدوا الشباب عربات (صناعة ماليزيه ) بس يقعدوا مهذبين وممكن كمان يسلفوا 100 الف من المهذبين (الصفوة طبعاً) وربك يسهل بس أدوها صنه خلونا نكمل بيع الباقى من أل assets...ونفرتق ..
06-17-2012, 08:21 PM
Siddig A. Omer Siddig A. Omer
تاريخ التسجيل: 04-06-2005
مجموع المشاركات: 3818
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Siddig A. Omer
sourketti
فيس بوك
تويتر
انستقرام
يوتيوب
بنتيريست