|
|
 الورجغة في كم ؟؟! جيش امؤتمر الوطني لم يسترد هجليج حتي الآن ..
|
مليــون بوست بالمنبر العام عن تحرير هجليج واسترداد هجليج .. الخ الخ الخ
كمال عبيـــد حسم الأمــر قبل قليل في قناة الجزيرة ببرنامج ما وراء الخبر وقال نعمل على تحريـــر هجليج ولكنها تحت سيطرة الجيش الشعبي ..
هل سيسترد المؤتمر الوطني هجليج بالدعايــة والإشاعة؟؟؟!
|
|
 
|
|
|
|
|
|
|
|
Re: الورجغة في كم ؟؟! جيش امؤتمر الوطني لم يسترد هجليج حتي الآن .. (Re: HAIDER ALZAIN)
|
معلومات كثيرة تكلمت عن تقدم عبد الرحيم محمد حسين باستقالته عن منصب وزير الدفاع..
لكن الاستقالة قوبلت بالرفض من عمر البشير ووجهه بمواصلة مهامه..؟؟؟؟؟؟؟؟؟؟
موقف عمرالبشير من عبد الرحيم محمد حسين غير مفهوم مرتين
الاولي عندما كان في وزارة الداخلية وحصل ما حصل وتقدم ايضا باستقالته
والان كونه وزير دفاع وسقط الجيش في عقد وزيادة من الزمان عمر توليه لمنصبه والان تاتي معلومات عن تقديمه للاستقالة بفعل ضغوط من بعض الرتب داخل القوات المسلحة
وياتي عمر البشير لرفضها
البشير دا شكلو بيهظر بالبلد وماخد الشغلة كوار سااي!!
| |
|
|
|
|
|
|
|
|
|
Re: الورجغة في كم ؟؟! جيش امؤتمر الوطني لم يسترد هجليج حتي الآن .. (Re: عبدالمجيد الكونت)
|
سلام ياكونت
الاشكالية ياكونت انه لو النار دي بتحرقهم براهم كنا حانقول ليهم في ستين الف داهية تاخدكم وتاخد عقابكم
النار دي حارقنا وحارقة شعب بحاله... وهم كالعادة وبمنتهي التسلق والانتهازية عاوزين يجيروا الحريق الفعلته يدهم لصالحهم ويجو يقولوا ليك دافعوا عن الوطن - الهم فرطوا في ترابه واغتصبو انسانية انسانه - وقاصدين طبعا بكدة الدفاع عن مصالحهم
ابدن ما بيلقوها المرة دي ساااقطة كدة يمشوا الشباب يموتو وهم يجو يربوهو كروش ويركبوها عربات
وكان بيجبر مالو؟ كل يوم صفاقتهم وفسادهم واستعلاءهم زايد
| |
|
|
|
|
|
|
|
|
|
Re: الورجغة في كم ؟؟! جيش امؤتمر الوطني لم يسترد هجليج حتي الآن .. (Re: adam alamar)
|
..
... الطريفي يا عزيز ...
..
..كيفك ...و الناس ...و بركه بالرجعه ..و انشاء الله تطول المره دي ...
...
..لكن
..دايما جايي شايل عكاكيزك ...و الكتاحه وراك ...اعصار ..
......Quote:
...
... هل سيسترد المؤتمر الوطني هجليج بالدعايــة والإشاعة؟؟؟
|
...ياخوي مؤتمر وطني شنو البسترد هجليج ...و اللّا حركة شعبية شنو البتحتل هجليج ...
...هي هجليج ...بنت الذين دي ....طارت وين ...ما تراها دي قاااااعده في سودانا دا من سنة حفرو السودان ...وحتظل قاعده في خاصرتو الي يوم يبعثون
...ما ح تطشّ منو ...و لا ح تبقي كوره طايره بينم الاتنين يتعاركوا فيها و يتلاقفوها فيما بينم ...و لا في زول فيهم حيقدر يشيلا في ضهرو و يرحل بيها و يخلي مكانا حفره ..
...و حيطير البشير و بطانتو ... و سلفاكير و بطانتو ...و اي زول و بطانتو... وحتظل الاجيال باقيه فيها تتوارث معايشا في تراحم طفلا عن ابا عن جد عن توالي اجيال ستأتي؟؟؟؟!!!!
...
...فياخي دي ما مشكله ... المشكله في ....
Quote:
البشير دا شكلو بيهظر بالبلد وماخد الشغلة كوار سااي
|
و كل الناس المعاهو و الضدو ...البتحاول تفرض علينا خيار الحرب كحل وحيد ...اوحد .... و لا يعلمون ان من يفرض نفسه بقوة السلاح الان ... و يتجاهل كل الاراء الاخري ...لن يترك هذه القوه لاحقا ليفرض ارائه ..بنفس قوة السلاح هذه .....و لن يتنازل عن ذلك ...و لو كانت الملايين تخالفه .... وامثلتنا لا تحتاج لبعد نظر ... في كل الانقلابات ...العسكريه و اللهي اصلا جات للحكم بقوة السلاح ...وكووولها ضوّقت الناس المره ... و لـــ يوم الليله؟؟؟؟؟!!! ..
...والناس دي...ما ...بتهظر بالبلد ...و ماخدا الشغله ...كوار سااي بس ...لا...لا.....كمان معاها ...احتقار ...وسفه لناس البلد ...و رؤيتم في بلدم و ارواح اولادم وبناتم ..من تحت لعلعة السلاح و الدبابات...وقصف الطيارات ...و كانهم بذلك السفه و القوه.....سينتزعون معهم ما تبقي من ناس وحراك بينهم ومعايش ... وكأنهم ايضا سيسفهون الاجيال اللاحقه و يقطّعون معهم تواصل حاضرهم مع ماضيهم و امتدادات المستقبل!!!!!؟؟؟ اي خبل هذا الذي نعيش بين كنفيه يا صديق ؟؟
..
..فيا صديق .....صدقني .....كووووولو مقدور عليهوا .... و مافي مشكله في الدنيا دي ما عندها حل ....طالما هناك حياه مستمره و متلاحقه مع قدوم القادمين ....و المشاكل دي حيصعب حلها و يتعقد .اكثر...لمن تكون الة الموت بالالاف و الملايين مع التدمير الشامل لما بناه السابقين شغاله ....عشان كده ياخ ...ايدينا لبعض و للبلد .لفرض ارادتنا ومحاصرة هذه العصابات ...ايقاف الحرب اولا .... عشان يكون هنالك ناس و ناسات حيين في تلك الاراضي و يقدروا يمشو اكترر لقدام لفرض ..ارادتهم وفق ما يهووا علي كيفية تسييير حياتم في هذه الارض ...
...
...دمت يا عزيز
...
...
| |
|
|
|
|
|
|
|
|
|
Re: الورجغة في كم ؟؟! جيش امؤتمر الوطني لم يسترد هجليج حتي الآن .. (Re: Hololy)
|
الحبيب حلولي .. سلامات .. التطويلة دي ما ظنيتها غايتو اهو بنحاول 
Quote: ...ياخوي مؤتمر وطني شنو البسترد هجليج ...و اللّا حركة شعبية شنو البتحتل هجليج ...
...هي هجليج ...بنت الذين دي ....طارت وين ...ما تراها دي قاااااعده في سودانا دا من سنة حفرو السودان ...وحتظل قاعده في خاصرتو الي يوم يبعثون
...ما ح تطشّ منو ...و لا ح تبقي كوره طايره بينم الاتنين يتعاركوا فيها و يتلاقفوها فيما بينم ...و لا في زول فيهم حيقدر يشيلا في ضهرو و يرحل بيها و يخلي مكانا حفره ..
...و حيطير البشير و بطانتو ... و سلفاكير و بطانتو ...و اي زول و بطانتو... وحتظل الاجيال باقيه فيها تتوارث معايشا في تراحم طفلا عن ابا عن جد عن توالي اجيال ستأتي؟؟؟؟!!!!
...
...فياخي دي ما مشكله |
يا حبيب كيف ما مشكلة.؟؟! مشكلة ونص وخمسة وعشرة كمان
البلد دي فيها بشرر وفيها ناس وفيها موارد سودانيـة .. ضعف الكيزان ولا مبالاتهم ضيعتها كما ضاعت الفشقة وحلايب وهسع بيفنجطو كدة بعد بكرة بتسمع انها منطقة خلاف ومنتظرة الحل .. المؤتمر الوطني حول الجيش السوداني لنمر من ورق يدافع عن مصالحه فقط ضد الشعب السوداني.. دا واحد
من ناحية تانيـة برضو مشكلة في الحرب دي اللي ما بيموت فيها لا الكيزان لا عيالهم ولا قيادتهم .. بيموت ويُجرحوا ويؤسروا ويتعذبوا المساكين من ابناء الشعب اما هم فحا تلقاهم كما هم روحهم ارواح قطط بسبعة قاعدين في المجلس الوطني واللجان الشعبية ومجلس الوزراء والقيادات العليا للجيش والمليشيات مرطبين ونايريين وممسحين ومادين كروشهم وقعورهم ومتزوجين اربعة وخمسين وكل سنة يحجوا ويعمروا ويمشوا امريكا ولندن يعملوا فحوصات ويرجعوا.. كدي بالله شوف صور التعبيئة وقوات الدفاع الشعبي والمساكين البيجيبوهم في التعبيئة تلقاهم جلدهم يبس ودمهم نشف وهم خلف المايكرفونات يدفعوهم للقتال وسمان وغلاد ..
| |
|
|
|
|
|
|
|
|
 Re: الورجغة في كم ؟؟! جيش امؤتمر الوطني لم يسترد هجليج حتي الآن .. (Re: HAIDER ALZAIN)
|
| Quote: كدي بالله شوف صور التعبيئة وقوات الدفاع الشعبي والمساكين البيجيبوهم في التعبيئة تلقاهم جلدهم يبس ودمهم نشف وهم خلف المايكرفونات يدفعوهم للقتال وسمان وغلاد .. |
كدي اتفرج في حال الماشين المحرقة ديل يا حلولي واتفرج في شكل البيحرشوهم وولادهم وولاد نسابتهم وعدايلهم تلقاهم هسع في كندا وامريكا:
( كل الصور من بوستات للأخ واصل على )
ــــــــ..
| |
|
|
|
|
|
|
|
|
|
Re: الورجغة في كم ؟؟! جيش امؤتمر الوطني لم يسترد هجليج حتي الآن .. (Re: HAIDER ALZAIN)
|
| Quote: الورجغة في كم ؟؟! جيش امؤتمر الوطني لم يسترد هجليج حتي الآن |
تحياتي يا حيدر
هجليج بترجع خلال أيام بترجع
لكن فعلا الورجغه ما ليها داعي ومن الجانبين , لانو قبلها قرينا عدة بوستات انو استولت عليها الحركة الشعبية وبوستات بتقول انو استولت عليها قوات كاودا بدعم من الجيش الشعبي وكمان قالوا المصدر اذاعة مش عارف شنو , وبعض اصحاب البوستات جابوا صور مفبركة على اعتبار انها في يد الجيش الشعبي وكدا , وتم دحض الصور والرد عليها .
بمعنى انو الورجغه كانت من الجانبين
لكن المفيد وان تم تحرير هجليج ( ودا حيت باذن الله قريب جدا ) , فالمردود السئ لاحتلال هجليج لن يزول بسهولة , فالاحتلال في حد زاته ومن جيش الجنوب يعني أن قواتنا المسلحة ليست بعافية , أو أن القائمين عليها لم يقدروا العدو حق التقدير وعدم معرفتهم بأمكانياته العسكرية والخ ...
أضف الى أنه يعتبر هي السابقة الأولى بعد الانفصال أن يتم الاعتداء على مدينة شمالية , أي أن الحرب أنتقلت من مدن الجنوب الى مدن الشمال , وهنا تتغير الحسابات .
| |
|
|
|
|
|
|
|
 Re: الورجغة في كم ؟؟! جيش امؤتمر الوطني لم يسترد هجليج حتي الآن .. (Re: مها عبد الله)
|
Quote: طبعا دة اذا اخدنا الامر بالجدية لكن الامر مقصود به الدعاية تخدير المواطن البسيط .
|
بالضبط كدة يا الحبيب عمر فضل المولى
ان هسع من الصباح وبعد سمعت كلام استعدنا هجليج ومعارف ايه وقتل وغنائم وخطاب البشير
من الصباح حايم بكراع كيبورد وتلفون وريموتكنترول عشان اتأكد واجي اقول جيش المؤتمر الوطني استعاد هجليج واستمتع برقصة ونقزة للبشير ورهطه
عليك امان الله واخدها مني... كلام كاويك وتخدير مواطن بس
ووقت تحصل قدام المصيبة حا يُعتبر نصر.. شفت الهزلة الدخلت فيها الانقاذ دي كيف تحت قيادة البشير وعبد الرحيم مقاولات ؟؟ِ
| |
|
|
|
|
|
|
|
|
 Re: الورجغة في كم ؟؟! جيش امؤتمر الوطني لم يسترد هجليج حتي الآن .. (Re: البشير دفع الله)
|
تحياتي اخي البشير دفع الله
Quote: لكن المفيد وان تم تحرير هجليج ( ودا حيت باذن الله قريب جدا ) , فالمردود السئ لاحتلال هجليج لن يزول بسهولة , فالاحتلال في حد زاته ومن جيش الجنوب يعني أن قواتنا المسلحة ليست بعافية , أو أن القائمين عليها لم يقدروا العدو حق التقدير وعدم معرفتهم بأمكانياته العسكرية والخ ...
أضف الى أنه يعتبر هي السابقة الأولى بعد الانفصال أن يتم الاعتداء على مدينة شمالية , أي أن الحرب أنتقلت من مدن الجنوب الى مدن الشمال , وهنا تتغير الحسابات . |
كلامك دا مليون في المية ..ومداخلتك عموماً وجهة نظر سليمة مية في المية
قلت انتظر الورجة تنتهي واجي اعلق عليها بمزاج عشان كلامك يعجب
لكن شكلوا الورجغة حا تستمر كتير
تحياتي
| |
|
|
|
|
|
|
| |
HAIDER ALZAIN
خالد العبيد
كمال مبارك
Hololy
عمر عبد الله فضل المولى
البشير دفع الله
مها عبد الله
فيس بوك
تويتر
انستقرام
يوتيوب
بنتيريست