الكيزان و تخاذلهم عن حلايب: طربقات نافع على نافع فى جامعة البحر الاحمر

مرحبا Guest
اخر زيارك لك: 03-28-2024, 09:38 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثاني للعام 2012م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
04-12-2012, 02:08 PM

abubakr salih
<aabubakr salih
تاريخ التسجيل: 12-27-2007
مجموع المشاركات: 8834

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الكيزان و تخاذلهم عن حلايب: طربقات نافع على نافع فى جامعة البحر الاحمر

    فى أحد الندوات فى جامعة البحر الاحمر هتف الطلاب مطالبين الحكومة بالتحرك لتحرير حلايب من الاحتلال المصري، هتفوا و قاطعوا حديث المجاحد نافع على نافع عدة مرات و عندما ضاق عليه الخناق فقد أعصابه كالعادة و قال ليهم نحنا ما ماشين نحرر حلايب، هديك حلايب الداير يمشى يحررا ما تقعدوا تأكلوا الايسكريم فى الجامعات، بالله شوف نجس هذه الوقاحة و اللماضة!. طبعاً نافع شخصياً ما بقدر يتكلم عن حلايب و لا تحريرها لانو اٍغتصاب حلايب فى الاصل تم كرد عملى على الجرائم و الالاعيب الصغيرة التى خطط لها نافع على نافع، على عثمان و صلاح قوش و كمال عبد اللطيف مع بعض الخلايا الارهابية المصرية.
                  

04-12-2012, 02:10 PM

abubakr salih
<aabubakr salih
تاريخ التسجيل: 12-27-2007
مجموع المشاركات: 8834

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الكيزان و تخاذلهم عن حلايب: طربقات نافع على نافع فى جامعة البحر ال (Re: abubakr salih)

    Quote: بورتسودان: محمد عثمان
    اعلن مستشار رئيس الجمهورية نائب رئيس المؤتمر الوطني نافع علي نافع ،ان مدينة حلايب سودانية مائة بالمائة،لكنه شدد على ان الحكومة لن تدخل في خلافات أو»حرب» مع مصر في هذا الشأن.واكد نافع لدى مخاطبته ندوة سياسية بجامعة البحر الاحمر امس قيام الانتخابات في دارفور ،موضحاً انه لا توجد اية موانع امنية لذلك. ######ر نافع من الاتهامات الموجهة للمؤتمر الوطني بأنه سيزور الانتخابات المقبلة،وقال «الذين يتهموننا بتزوير الانتخابات هم منهزمون ويعانون من انفصام شخصية وسيحصدون الرماد « وجدد نافع اتهامه للاحزاب برفع شعارات لا تعمل بها، مشيراً الى ان معظم التنظيمات الطلابية بالجامعات لاتمثل آراء قياداتها وأنها تعاني من التناقض.
    وشن نائب رئيس المؤتمر الوطني هجوما عنيفا على «حركة تحرير السودان» بزعامة عبدالواحد محمد نور واتهمها بتنفذ اجندة «الحركة الشعبية» وتنادي بالسودان الجديد لغير العرب وغير المسلمين، واعتبر ان حركة عبدالواحد ابعد ما تكون عن قضية دارفور . ووجه نافع اتهامات صريحة لابناء دارفور في السلطة بإعداد (الكتاب الاسود(. وقال نافع رداً على هتافات مجموعة من الطلاب «اين حلايب يا نافع؟» ان حلايب سودانية مائة في المائة، وستظل كذلك، وقبائلها التي تقطنها سودانية، لافتا الى انه ليس من مصلحة السودان خلق حرب مع مصر بشأن مثلث حلايب المتنازع عليه بين البلدين. واضاف «يا طلاب من اراد ان يحرر حلايب فليذهب لها، وما تقعدوا تأكلوا الايس كريم بالجامعات وتقولوا نحن بعنا حلايب.»
                  

04-12-2012, 02:42 PM

عبدالوهاب علي الحاج
<aعبدالوهاب علي الحاج
تاريخ التسجيل: 07-03-2008
مجموع المشاركات: 10548

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الفارة دقس خخخخخخخ (Re: abubakr salih)



    الأستاذ محمد لطيف رئيس التحرير يحاور نقد
    Quote: الموقف من قضية حلايب، ومسيرة أول أمس، لم نلمس تدخل، يعني هل يمكن القول إنو المؤتمر الوطني يتغاضى عن هذه القضية؟.
    -نحن لمن مشينا ليهم، طلعوا فايلات قديمة من أيام محمد علي باشا، طبعا بصبر ودم بارد، أخرجوا وثيقة، جواب مرسلاه الحكومة المصرية للحكومة السودانية بتاريخ معين، بتطلب من حكومة السودان أن تشرف على حلايب لأنها بعيدة من أقرب مركز مصري، وكلام عن أنو إنتو حبايبنا ومفيش حد حيعتدي عليكو، إذا كنتم عايزين القاهرة خدوها، ولكن حلايب نحن لن نفرط فيها، نحن رسلنا جواب يوم كذا عشان يشرفوا عليها لأنها بعيدة عن المركز، بس، دا كل الموضوع، السودان أحيانا بيدخل في معارك من غير (دوكيومنتس).. لا يعني أنت كلامك دا، إنو حلايب مصرية؟.
    حلايب بالوثيقة دي، وحكومة السودان عندها نسخة منها،
    هل الوثيقة دي تقيم حجة؟.
    هو بيتحجج بيها، وقال هم متأكدين أنو النسخة الأصلية عندهم، يعني حكومة السودان، أتذكر أبو سليم راجل دفعتنا وأصحاب، فقلت ليهو المصريين قالوا كذا كذا، فقال لي شوف يا شيوعي أوع تقول الكلام دا لأي زول، قلت ليهو يعني إنت عارف، قال لي أنا ما يهمنيش عارف ولا مش عارف، سيبنا من مصر دي بعيد، ياخي أنت راجل بتاع دار الوثائق، قال لي نحن ساعدنا المصريين لمن حصلت مشكلة بينهم والإسرائيليين حول طابا طلعنا ليهم الوثائق البتثبت حقهم، ما يحترموش العملية دي، إيه حلايب اللعايزين يعملوا منها قضية، الشاهد، هي طبعا حلايب داخل فيها أمن البحر الأحمر، اللأصبح عندو وضع استراتيجي كامل، وداخل فيها النزاع الحدودي بين مصر والسودان، السودان موقفه ضعيف، ولو من باب كمية السودانيين الموجودين في مصر، ودي ما عملية بسيطة، فاكر لما يتلموا السودانيين في ميدان عمر مكرم، المصريين قالوا نحن ما عندنا مشكلة، طبعا هم دولة من أقدم الدول في العالم.
    الآن بعض الأصوات ترتفع، سواء كان المعارضة أو بعض التيارات المتحالفة مع الحكومة، ترتفع مطالبة بإعادة استعادة حلايب؟.
    شنو الضاغط؟، تبقى زي حبن إنت عايز تزيلوا، أنا لا أفتكر أنو دي أسبقية، في شنو؟، دي أول انتخابات في ظل الإنقاذ، على أي حال ما لم تحل، في أكثر من حل، تكون منطقة إدارة مشتركة، منطقة حدود مشتركة، ممكن تكون منطقة تجارية مشتركة، أي شئ يؤدي إلى نزع فتيل الأزمة، لكن ستكون بإستمرار عظمة نزاع ولكن كيف تحل مافيش حد عارف.
    *لكن نقل عنكم أنكم أكدتم أن حلايب مصرية بالوثائق الموجودة في القاهرة والخرطوم، يعني ألا يخشى السكرتير العام للحزب الشيوعي، إتهام الشيوعيين بالعمالة في هذه القضية التي لديها جزء من الحساسية الوطنية، يعني عندما يقطع سكرتير عام الشيوعيين بأن حلايب مصرية ألا يخشى على موقف حزبه وصورته ورصيده وسط البيئة السودانية؟.
    -لا أنا وريتك جانب واحد من الصراع، قالوا إنو حلايب مصرية من واقع الوثيقة التي لديهم، الأنحن رسلناها للسودان لإدارة حلايب لأنها بعيدة من أقرب مركز مصري، حكومة السودان ردت شنو؟، ما عندنا وثائق، جائز تكون موجودة في الخارجية، أو في (الفورين أوفيس) في انجلترا، واضح ليك، في نزاع زي دا ما بتاخد رأي زول واحد، هل استلمت الحكومة الخطاب؟.
    *هناك تصريح سابق نسب إليكم عند لقاءكم بوفد من أبناء المنطقة أنك قلت لهم، عاملين مشكلة في شنو، حلايب دي مصرية، سألوك كيف مصرية، قلت ليهم من خلال الوثائق الموجودة في السودان ومصر، ولذلك أسال عن كيف ستكون صورة الحزب عند وجود رأي مثل هذا؟.
    -أنا قلت بناء على التوثيق الأنا شفته، عايزك تشرف لي على حلايب، معناها أنا صاحب الحق، هل حكومة السودان ردت؟، ما حد عارف، هل في وثائق عند حكومة السودان بالمعنى دا؟، ما فيش حد عارف، يعني هو عبد الله خليل أثار المسألة في زمن الصراع بين دعاة وحدة وادي النيل ودعاة استقلال السودان، (أنفورشنيتلي - لسؤ الحظ) هي الآن بتطرح في نفس السياق بالمناسبة، يعني في 57م أثاروها ناس حزب الأمة عشان يضغطوا على الاتحاديين، الآن أيضا كل ما تكون في جهة عايزة تزايد على المؤتمر الوطني، بتطرح موضوع حلايب؟.
    أنا كل البهمني أنو مافي مبرر حلايب تصبح عظمة نزاع، مرة تثيرها مصر ومرة يثيرها السودان، الأخطر من حلايب، تتعمل لجان مشتركة، رسمية يعني، تدرس، بعدين إنت عندك مشاكل كتيرة جداً، بعدين القذافي عندو مشاكل في الحدود الليبيبة المصرية والليبية السودانية، تشاد عندها مشكلة، أكوبو مع إثيوبيا والفشقة، فإذا هذه المشاكل ما وُضعت على مستوى الجامعة العربية ومنظمة الوحدة الأفريقية يكون في منهج، في لجنة ثابتة (ستاندنق كوميتي)، ماسكة المشاكل الحدودية دي، ممكن تولع أزمات حدودية كثيرة جداً جداً، من الناحية دي المصريين طلعوا وقالوا نحن رسلنا هذا الخطاب، طيب حكومة السودان ردت، حتى لمن حصلت أزمة عبد الله خليل هل حدث (اكسيجينج) للوثائق، (نوو بودي نووز)، بعدين خلينا حلايب بورانا ومشينا لقضايا تانية..
    لكن يا أستاذ الموضوع دا ما تصاعد إلا في ظل الحكومة دي؟ رغم انو آخر انتخابات كانت في دائرة في حلايب وكان لديها ممثل في البرلمان؟.
    -لكن يا أستاذة، ما هي طالما بقت عظمة نزاع كل مرة والتانية حيجي واحد يثيرها، فنحن قلنا الموضوع دا يصلوا لنتيجة، خلاص هي حتة متنازع عليها بين مصر والسودان، معناها منطقة حدودية، كيف ننزع فتيل الانفجار دا، تتكون لجنة من حكومة السودان، ولجنة من مصر، يعني ما يقولوا لي نستفتي السكان، دا ما الموضوع، الموضوع كيف ننزع فتيل الأزمة، ودا ممكن.
    يمكن الوصول لحل إداري؟.
    -آيي، حل مشترك.

    _________________________
    محمـد إبراهيـم نقـد يصرح: منو القال ان حلايب سودانية؟
    Quote: قال الأستاذ محمد إبراهيم نقـد فى مقابلة مع وفد من أبناء كجبار زاره فى مكتبه بمركز الحزب الشيوعى بالخرطوم:
    "منو القال ان حلايب سودانية؟
    والمستندات الموجودة في دار الوثائق السودانية تؤكد
    تبعية حلايب لمصر"
    وقد إندهش أعضاء الوفد لهـذا الحديث.
    المصــــدر
                  

04-12-2012, 05:14 PM

عبدالوهاب علي الحاج
<aعبدالوهاب علي الحاج
تاريخ التسجيل: 07-03-2008
مجموع المشاركات: 10548

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الفارة دقس خخخخخخخ (Re: عبدالوهاب علي الحاج)

    وين يا بوووخا
    شنو يا معلم ،جيت فتحت ليك شوال فحم وجريت خليتو .
    وأقوم أنا أتكبد مشاق الكتابة وأجي أرد ليك تقوم تسفهني كدا .
    ما في ترحيب ؟ ما في مشتاقين يا خال ؟ ولا حتى حمد لله على السلامة ؟
    لكن غلطان انا البتداخل في بوستاتك البايرة دي ..
    الشيوعيين ديل لسه مهمشنك ؟
    تنبح ليهم الليل والنهار خوفاً على ضنبهم وبرضو ما عاملين ليك ايو اعتبار ..

    ______
    تاني لمن تجي تفتح ليك شوال فحم زي دا .. شغل جمجمتك شوية قبل إضافة الرد
    لأني أنا قاعد اليومين دي معاكم شوية ... لحدي ما ربنا يسهل لينا سفرية تاني

                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de