|
Re: التحية لشرفاء نيويورك وجيرانها فى يوم نصرة السودان (صور كميات) (Re: حسن حماد محمد)
|
Quote: اها....التقديم للمزراع ميتن عشان تلحق ود الباوقه؟! |
يا تراجى يا اختى والحمد لله اخوك بى مزارعو من زمان
والحمدلله حكاية الكاش ربك مسهله تب ولا امتنان
معقوله دى 25 وعشرين سنة فى نيويورك وتقديم لى مزرعة بس
وصدقينى يا ام حازم كان اهلك هنا كان هناك العروض تتضارب
لكن اخوك ليس للبيع
خليك هنا وسوف تسمعى وترى ما يسرك
الله يصحيك ياتراجى وتخلى البتسو فوقو هنا دا
ابقى قريبه
| |
|
|
|
|
|
|
Re: التحية لشرفاء نيويورك وجيرانها فى يوم نصرة السودان (صور كميات) (Re: حسن حماد محمد)
|
الأخ الحبيب و الزعيم: حسن حماد "أبو على"
سلامات
الوقوف بجانب الوطن، وجنوده الأشاوس الذين دحروا الغازي ولقنوه درس لن ينساه، و لو من على البعد، مبادرة تاريخية، و عمل وطني عظيم، التحية و الاحترام لكل من حضر أو حدثته نفسه بالحضور و المشاركة.
*** التحية لشرفاء نيويورك وجيرانها في يوم نصرة السودان ***
متابعين و بشدة
عبدالرحيم منصور الخرطوم ** *
| |
|
|
|
|
|
|
Re: التحية لشرفاء نيويورك وجيرانها فى يوم نصرة السودان (صور كميات) (Re: حسن حماد محمد)
|
Quote: ÝæÞ áÍíä ÚæÏÉيغمرنى احساس بالفرح لا مثيل له لوقت طويل كان الصمت يخيم على الأغلبية الصامتة من ابناء وطنى الحبيب فى التعبير عن مواقفهم تجاه ما يجرى فى الوطن البعض شغلته دوامة الحياة وتحديات وسرعة عجلات الزمن فى مدينة السحر والجمال نيويورك وحقيقةً رب ضارة نافعة ، ما فعلته الحركة الشعبية عند احتلال هجليج ايقظ الكثير من المشاعر النبيلة فى قلوب السودانيين فى شتى بقاع العالم تركنا خلافاتنا جانباً وجئنا تلبيةً لنداء الوطن ذلك النداء الذى لا يعلو فوقه صوت تتداعينا من مختلف اطراف المدينة بالرغم من الامطار الغزيرة كلهفة العاشق للقيا محبوبته التى شغفته حباً ووله كيف لا وهو السودان ، الوطن الحدادى مددادى الذى يسكن فى سويداء الغلوب شربنا من نيله حتى ارتوينا فنما فى دواخلنا حقيقةً لا يهزها البعاد ولا تمحوها نوائب الدهر جئينا ونحن نردد نعم للسلام فى السودان ولا للحرب السودان يسعنا جميعاً فلندع خلافاتنا جانباً ولو للحظات وشدونا جميعاً شباباً ، نساءً ورجالاً واطفالا انا سودانى انا ووسط دهشة المارين رقصنا على تراتيل العلم الذى يضمنا جميعاً تحت ظله الوريف ابدأ ما هنت يا سوداننا يوماً علينا لا شكر اليوم بيننا فانه الوطن ومهما فعلنا لن نوفيه حقه رايت الفرحة مرسومة على الوجوه الطيبة التى اتت من شتى مناحى نيويورك ومن الولايت المجاورة لا يجمعنا الا الحب للسودان والغيرة عليه لنحميه من عبث المعتدين والمأجورين والدخلاء بحق كان يوماً رائعاً بشهادة الجميع |
الاخ حسن حماد
تحياتي
ارجو ان نستأذنك علي ايراد ما كتبته اعلاه مع بعض الصور في صحيفة اخبار اليوم
| |
|
|
|
|
|
|
Re: التحية لشرفاء نيويورك وجيرانها فى يوم نصرة السودان (صور كميات) (Re: حسن حماد محمد)
|
سلام اخي العزيز حسن حماد استوقفتني كلماتك الصادقة
رقصنا على تراتيل العلم الذى يضمنا جميعاً تحت ظله الوريف ابدأ ما هنت يا سوداننا يوماً علينا لا شكر اليوم بيننا فانه الوطن ومهما فعلنا لن نوفيه حقه رايت الفرحة مرسومة على الوجوه الطيبة التى اتت من شتى مناحى نيويورك ومن الولايت المجاورة لا يجمعنا الا الحب للسودان والغيرة عليه لنحميه من عبث المعتدين والمأجورين والدخلاء بحق كان يوماً رائعاً بشهادة الجميع]
| |
|
|
|
|
|
|
Re: التحية لشرفاء نيويورك وجيرانها فى يوم نصرة السودان (صور كميات) (Re: Shawgi Sulaiman)
|
. الأخ العزيز الريس حسن أبو على:
رفرف العلم السودانى بقوة ليلة الأمس بنيويورك وإنشاء الله دائماً يرفرف فى كل بقعة من بقاع بلادنا الحبيبة.
هجليج قطعة عزيزة من تراب الوطن شأنها شأن كل شبر من بلادنا الحبيبة. رأينا الدموع تذرف منالحضور وهم يرددون نشيد العلم والأغانى الوطنية الخالدة كلٌ بنفس واحد وقلب واحد يجمعهم حب الوطن السودان. الحضور كان فى غاية الإحترام والإلتزام بالقوانين بمدينة نيويورك سيتى وقد وجدوا الإشادة من الضابط المسئول عن النظام فى مثل هذه التجمعات.
تدافع الحضور رجالاً ونساءً للتعبير عن رفضهم للإعتداء على التراب السودانى وأتفق الحضور على أن أرض السودان خطُُُ ُ أحمر على كل المعتدين.
فالأفراد والحكومات زائلون ولكن تبقى الأوطان حية لاتموت شامخة وأعلامها خفاقة..
التحية عبر بوستكم المقروء لكل الحضور الذى أكد إحترامه لمبدأ السلام والإبتعاد عن الحروب المدمرة لتنمية الشعوب.
وراجعين لكن بالصور.....
أبقى قريب...... أشرف الباقر .
| |
|
|
|
|
|
|
Re: التحية لشرفاء نيويورك وجيرانها فى يوم نصرة السودان (صور كميات) (Re: حسن حماد محمد)
|
احبابى وأخوانى واخواتى
حاشا لله ان اكون صاحب فضل
صدقونى هناك نخبة من الاخوة والاخوات لم يذوقوا طعم النوم لليالى متتالية ليخرج ذلك اليوم كما كان باهياً وجميلاً كما كان
والفضل اولاً واخيراً بعد الله يرجع لهذا الوطن الرائع الذى يضمنا جميعاً وعلمنا كيف يكون معدننا كسودانيين عند الشدائد
واذا كان هناك من شكر فهو بكل تأكيد للاخوة الذين اتوا من خارج ولاية نيويورك ، خاصة من فيلادلفيا بقيادة الاخ الفاضل على جلاس
والاخ ابراهيم الكعوك وصحبه من نيوجرسى
اردم يا ابوالشوش
اشكركم جميعاً وارجو ان اكون دائماً عند حسن الظن
| |
|
|
|
|
|
|
Re: التحية لشرفاء نيويورك وجيرانها فى يوم نصرة السودان (صور كميات) (Re: حسن حماد محمد)
|
مولانا الأستاذ: عبدالعزيز الفاضلابى
سلامات
Quote:
ونسأل الله ان يهدي اخواننا الذين عُمِّي عليهم الحق فخلطوا بين الوطن وبين ثأرهم, فأوقدوا نيراناً للحرب سيطفئوها الله العزيز الحكيم.
ونقول اللذين ظلوا يأكلون من جسد الوطن الي ما بعد ان تبين لهم خيط الوطنية الأبيض من خيط العمالة الاسود .
نقول لهم: لقد افطرتم علي جسد الوطن المحرّم عليكم وتهافتم علي موائد اللئام فزدتم جرح الوطن جراحاً. واكثرتم من العقوق لاهليكم وطلبتم ثأركم من الوطن. فناصرتم اعداءه وكنتم النار التي تحرق مراقدكم فبئس التدبر وبئس التدبير.
|
آمين
كملت الكلام، سلمت يداك.
عبدالرحيم منصور الخرطوم ** *
| |
|
|
|
|
|
|
Re: التحية لشرفاء نيويورك وجيرانها فى يوم نصرة السودان (صور كميات) (Re: حسن حماد محمد)
|
لأنك محنك عميق الدروس مجيد المهابة مديد القوام شبابك تشابك شديد الزحام أراهم وراهم غبار الحياه مداين تعاين كأمّ العروس تهلل تكلل جبين الإمام
التحية لكم شرفاء نيويورك
لن تفصلكم المحيطات والمسافات عن هموم الوطن العزيز
ولم ينسيكم عناء الحياة وشقاءها في بلاد العم سام عشقكم لبلادكم وأهاليكم
كم سعدنا بلقائكم سويعات كانت لمسة وفاء للوطن , فالتحية لكم ثاني وثالث ...
| |
|
|
|
|
|
|
Re: التحية لشرفاء نيويورك وجيرانها فى يوم نصرة السودان (صور كميات) (Re: أشرف محمد الباقر)
|
Quote: الشكر كميات للباشمهندس: بكرى ابوبكر، لرفع فيديو الحدث التاريخي من تلفزيون السودان.
فقد أصبح الحدث حديث الإعلام و المجالس، فالتحية لكل الوطنيين الذين جعلوا ذلك ممكنا. |
لشرفاء نيويورك التحيات الطيبات لكم وأنتم ترسمون هذه اللوحة الوطنية الوطن فى حدقات العيون كبارنا صغارنا نساءنا رجالنا ابنائنا رفع الله قاماتكم كما رفعتم قامات وطنكم السودان
| |
|
|
|
|
|
|
Re: التحية لشرفاء نيويورك وجيرانها فى يوم نصرة السودان (صور كميات) (Re: تولوس)
|
البوستات دي كويسة
بتوريك مرات مرات الكوز من الماعون الكبير
طيب اسمعوا كلام واحد "مرجف" زيي كده
اولا دي انا لا عرفتها مظاهرة ام مسيرة يعني تصنيفها بكون شنو مثلا ناس حكومتهم استردت ارض لها، بالضبط كده كنت بتعبروا عن شنو في دولة اجنبية؟؟
اوكي، هجيج في الخرطوم للصباح قلنا عادي، لكن في دولة اجنبية؟؟
1. يلاحظ من الصور ان بعض المتظاهرين (ان صحت التسمية) يحملون العلم الامريكي دا هو ذات العلم الاتهرينا بيهو وبي عكاكيز الكيزان وكلاب الامن لاننا في ظنهم حينها كنا نقف ضد المشروع الحضاري واللهو اهم اهدافه "امريكا روسيا قد دنا عذابها"
طيب وبصفتي زول "مرتزق" الكلام دا مفروض اكلو في حناني وانسى واعيش؟؟
2. ايو زول متظاهر (ان صحت التسمية) كان برفع في شعار مكتوب وخطاب موجه لسلفاكير
ولا واحد اكرر ولاااااااااااا واحد فيهم قدر يرفع يافطه يحيي فيها الاسد النتر باسمه ويهنيء عمر البشير على الانتصارات الهم محتفلين بيها
عارفين ليييه؟ (ما تضحكي يا تراجي)
انا "ال########" دا بقول ليكم
اي زول واقف في اي بقعة في امريكا دي خليك من نيويورك يلحق يرفع يافطة يحيي فيها المجرم الهارب من العدالة الدولية امرو بكون في حيص بيص وطوالي بفتحوا ليهو ملف في الـ FBI
هكذا يستبين الخيط الابيض من الاسود في قضية
مرتزق - ج ب ا ن - مرجف
ولسه لحد ما نرجع ليكم في توضيح معاني
العمالة - وشذاذ الآفاق
| |
|
|
|
|
|
|
Re: التحية لشرفاء نيويورك وجيرانها فى يوم نصرة السودان (صور كميات) (Re: الشفيع وراق عبد الرحمن)
|
لا، ما فهمت، اخدني على قدر غبائي
براحه كده
دي مظاهرة وللا مسيرة؟ دا طبعا لو كنتوا عارفين الفرق بيناتهم الاجابة متروكه ليكم لكن في تقديري لا هي مظاهرة ولا هي مسيرة، هي لمة كده ننزل الشارع ونتصور زي المقاومين ديل حاجة عجيبة المناضلين ديل عندهم قضية ليتم عرضها على المجتمع الدولي انتو قضيتكم كانت شنو بالتحديد؟ هجوم سلفاكير على هجليج؟ دا بالله سبب دا (ماخدين في الاعتبار انو في لحظة اللمة دي سلفاكير كان اتخارج منها)
يعني الليله اليابانيين يضربوا الامريكان في بيل هاربور يقوموا امريكان الواغ الواغ يتظاهروا في الواغ الواغ؟؟
وتعملوا زحمة للامريكان في شوارع نيويورك لانو سلفاكير دخل هجليج؟ الازعاج لزومو شنو لناس نيويورك؟ زنبهم شنو النيويوركيين بقضية لا ناقة لهم ولا جمل فيها!
المناضلين واصحاب القضايا الانسانية يحملون دماء اقاربهم التي ازهقتها قوة اكير منهم، طائرات البشير وجنجويدة فمن حقهم ان غلبتهم المقاومة على ارض الواقع ان يلجأوا الى قوى مؤثرة ونجحوا في ذلك وجابوا للبشير 16 الف جندي في دارفور
انتو بالضبط كده عملتوا زحمة في شوارع نيويورك دايرين شنو من امريكا؟
وسؤالي الدائم
لماذا لم ترفعوا شعارات تمجد الاسد النتر؟
| |
|
|
|
|
|
|
Re: التحية لشرفاء نيويورك وجيرانها فى يوم نصرة السودان (صور كميات) (Re: أحمد ابن عوف)
|
يا احمد اسئلتك دي اجابتها فيها انت الليلة مالك مركب مكنة صبري الشريف؟ ما اتعودنا منك علي كده ـ تكون مهكور؟
Quote: اولا دي انا لا عرفتها مظاهرة ام مسيرة يعني تصنيفها بكون شنو مثلا |
ده تسجيل موقف وتذكير لأهلنا بأننا نألم كما يألمون. .Quote: يلاحظ من الصور ان بعض المتظاهرين (ان صحت التسمية) يحملون العلم الامريكي دا هو ذات العلم الاتهرينا بيهو وبي عكاكيز الكيزان وكلاب الامن لاننا في ظنهم حينها كنا نقف ضد المشروع الحضاري واللهو اهم اهدافه "امريكا روسيا قد دنا عذابها" |
هناك فرق بين امريكا الرسمية وامريكا الشعبية ,, من الشعب الامريكي من يساند قضايا الحرية وحق العيش الكريم بإخلاص ودون أجندة خفية ومن حقهم علينا ان نقدر لهم وقفتهم مع قضايا اهلنا الغلابة . فلا اقل من ان نلوح بعلم يحبونه .
Quote: ولا واحد اكرر ولاااااااااااا واحد فيهم قدر يرفع يافطه يحيي فيها الاسد النتر باسمه ويهنيء عمر البشير على الانتصارات الهم محتفلين بيها |
السبب هو ان تلك الوقفة لم تكن تأييدا للحكومة ـ انما كانت تأييدا للوطن ,, فإذا صادف واستفادت منها الحكومة يبقي ده حظها ورزقها.. (اهم يقسمون رحمة ربك)
| |
|
|
|
|
|
|
Re: التحية لشرفاء نيويورك وجيرانها فى يوم نصرة السودان (صور كميات) (Re: عبد الملك يوسف الملك)
|
كتب الكوز علي جلاس:
Quote: الجهل مصيبه ياناس
الديمقراطية , حرية الرأي والتعبير ..... فلقتونا بيها وكلامك الفوق ده بيناقضوا
ولا الديمقراطية , حرية الرأي والتعبير والتظاهر مكفولة لوكلاء الحركات الدارفورية المسلحة الإرهابية
وتجار القضايا وأنتهازية منظمات المجتمع المدني ومتسولي الكنائس والمنظمات اليهودية ذات الأغراض المشبوهه
با زول أنت ما بتشوف , في لافتات بتقول WE SUPPORT OUR ARMY ( الجيش السوداني ) .
البيحاكم عليه القانون في أمريكا الإحتيال والإرتزاق با لقضايا الإنسانية وإحتيال الشخصية والإشارة بعملك
في الوكالات الأمنية والإستخبارتية ( F B I - CIA ... ) لتهديد الناس WHEN THEY EXERCISE THEIR RIGHT
وتخويفهم من ممارسة حقوقهم الديمقراطية التي كفلها لهم القانون الأمريكي ولغيرهم , وهو أساليب درج علي إستخدامها ثلة من أعضاء البورد
من أمثال محمد يس خليفة , GEORGE L. BOUCK وكستاوي , عادل علي صالح سابقًا وأخيراً الصادق الزين ونقولها Enough is Enough
ومايقومون به إسائة لهذة الوكالات الإمريكية وتشويه للأعمال التي تقوم بيها من أمنية ومحاربة الجريمة والإحتيالات بكافة أنواعها .
ا (عدل بواسطة علي جلاس on 11-05-2012, 08:12 PM) (عدل بواسطة علي جلاس on 12-05-2012, 01:55 PM) اضف الموضوع لصفحتنا فى التويتر |
| |
|
|
|
|
|
|
Re: التحية لشرفاء نيويورك وجيرانها فى يوم نصرة السودان (صور كميات) (Re: حسن حماد محمد)
|
الاخوة والاخوات الكرام
اشكركم جميعاً على تتداخلكم ووجودكم معنا تعبيراً عن حبنا لهذه الوطن
وتقديراً لدور قوات شعبنا المسلحة فى الزود عن اراضيه والدفاع عنه بالارواح
وشكر خاص للباشمهندس على المحافظة على روح البوست
لكثرة المشاغل لن اتمكن الآن من شكركم فردا فردا
ولكن البيت بيتكم والسودان يجمعنا جميعاً بكل اتجاهاتنا واعراقنا فلنعمل جميعاً على رفعته
والدفاع عن سيادته كما نرجو ان يجد الجميع مكاناً فى افئدتهم وعقولهم مساحة لكى نلتقى على كلمة سواء
ونجنب بلادنا المزيد من الاحتراب والدمار
جميعنا سودانيون ولا امتنان على احد
ولكل منا همومه ورؤيته ولكن هذا لا يمنع من ان نلتقى عند نقطة ما
فى نهاية المطاف كلنا الى زوال ويبقى الوطن
مودتى لكم جميعاً
ونلتقى باذن الله
تخريمة (المنصور الوقت وقت طعمية وشاورما واليوم الافتتاح دحين خليك هنا وما تقصر يالحبيب)
| |
|
|
|
|
|
|
Re: التحية لشرفاء نيويورك وجيرانها فى يوم نصرة السودان (صور كميات) (Re: Abdelrahim Mansour)
|
Quote: هناك فرق بين امريكا الرسمية وامريكا الشعبية ,, من الشعب الامريكي من يساند قضايا الحرية وحق العيش الكريم بإخلاص ودون أجندة خفية ومن حقهم علينا ان نقدر لهم وقفتهم مع قضايا اهلنا الغلابة . فلا اقل من ان نلوح بعلم يحبونه .
Quote: السبب هو ان تلك الوقفة لم تكن تأييدا للحكومة ـ انما كانت تأييدا للوطن ,, فإذا صادف واستفادت منها الحكومة يبقي ده حظها ورزقها.. (اهم يقسمون رحمة ربك) |
....................... كلام عقل وكلام منطقي جدا .. وكما اشرت انا من قبل فالحكام زائلون والأمة باقية والشعب باق والوطن باق..
......................... تخريمة
ابو ترهاقا.. شكرا على السؤال في الرمال وقول للأفريكان African انا متابعة جيدة والسبب سوف اوضحه لك في رسالة خاصة والله يديكم العافية
| |
|
|
|
|
|
|
Re: التحية لشرفاء نيويورك وجيرانها فى يوم نصرة السودان (صور كميات) (Re: حسن حماد محمد)
|
واحد من الجماعة الزعلانين عشان نحن فرحانين استدل بصورة اخونا الصحفى المعروف محمد الفاتح وقال نحن جبنا ناس غير سودانيين متلفحين بى جلاليب دراويش
الاخ الاستاذ محمد بجلباب الدراويش هذا كان اكثر تعبيراً من الجميع
ولسان حاله يقول
ياهو دا السودان
يا لروعة هذا البلد وتميزه وليت ابناءه يدركون حجم عظمته ويضعون مراراتهم جانباً ولو لحين ويقفون اجلالاً له وتعظيماً لمن وهبوا حياتهم من اجل صون كرامته
عليكم الله واحد ينزل لينا الشفيع وطن الجدود
تقبلوا اسفى للغياب
ومن هسع ياباشمهندس البوست دا يحول للربع الثالث والرابع من هذا العام
ومعكم حتى تحرير كاودا ووقفة اخرى للاحتفاء بالوطن خالياً من دنس العملاء والمأجورين والمتربصين بأمنه وسلامته
وعلى حد قول اخونا عزام (دقى يا مزيكا )
| |
|
|
|
|
|
|
Re: التحية لشرفاء نيويورك وجيرانها فى يوم نصرة السودان (صور كميات) (Re: حسن حماد محمد)
|
الاخوان الاعزاء فى نيويورك لكم التحيه والتقدير - ومع احترامى لكم لكننا كنا نتوقع منكم ادانة من كان السبب فى كل تلك المصائب والحروب طالما كانت المسيره او التظاهره من اجل نصرة السودان - وطن الجدود الذى خرجتم من اجله تعلمون تماما من الذى دمره وقسمه وشتته وجوعه - لماذا تركتم الفيل وطعنتم ظله - مهما كان تبريركم فانها مسيره للمؤتمر الوطنى او انكم مخترقون - تحياتى -
| |
|
|
|
|
|
|
Re: التحية لشرفاء نيويورك وجيرانها فى يوم نصرة السودان (صور كميات) (Re: حسن حماد محمد)
|
Quote: مهما كان تبريركم فانها مسيره للمؤتمر الوطنى او انكم مخترقون - تحياتى - |
الأخ كمال سالم
بل هى مسيره لادانة جيش الحركة الشعبية لاحتلالها لأرض سودانية ومناصرة لقوات الشعب المسلحة السودانية ووفاء لكل من فقد حياته من ابناء الشعب السودانى من اجل تحرير هجليج وقد تم
ذلك الاحتلال الذى وجد الادانة من الامم المتحدة والولايات المتحدة الامريكية عبر ممثلتها فى الأمم المتحدة سوزان رايس
ولا اظن انهما ما مؤيدى المؤتمر الوطنى
وما عدا ذلك يبقى رأى وتكهنات
اشكرك على المرور والمشاركة
تحياتى
| |
|
|
|
|
|
|
|