وجاءت سَكْرَةُ ما كُنتُم منه تَحِيدُون! بقلم فتحي الضَّو
كامل إدريس لن يصبح جزولي انتفاضتنا القادمة بقلم كمال الهِدي
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-06-2016, 00:46 AM الصفحة الرئيسية

مكتبة عثمان تراث(تراث)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

ياجماعة البرجعني للبودر الجميل ده شنو ؟

11-04-2003, 11:35 PM

تراث
<aتراث
تاريخ التسجيل: 11-03-2002
مجموع المشاركات: 1555

للتواصل معنا

FaceBook
تويتر Twitter
YouTube

كيف احذف مداخلة من بوستى
ياجماعة البرجعني للبودر الجميل ده شنو ؟

    إشتركت ياسادتي في هذا البورد قبل عام من الآن . سبقتني اليه الجندرية بنحو شهر وعرفتي عليه . فأحببته حد الوله قبل الاشتراك فيه . أما بعد الاشتراك فقد أدمنته . أدمان بمعنى الكلمة ، لدرجة ان أخذت إجازتين للتفرغ له ، لم أجده مجرد موقع على الانترنت من بين ملايين المواقع بل وطني الذي اشتهيه واشتاقه ، ذلك الوطن الذي لم اجده حتى عندما زرت السودان في 1999م بعد غياب كان قد استمر حينها نحو عشر سنوات متصلة . شكراً لزعيم بكري ابو بكر .
    التقيت في هذا البورد أصدقاء ومعارف كنت اشتاقهم وتعودت على السودان بوجودهم ولم أجدهم فيه خلال زيارتي تلك ، وجدت محمد عبد الحميد ، يحي فضل الله ، اسامة الخواض ، ، محمد مدني ، منوت ، لنا وتاج السر ، هدهد ، محمد سيد احمد ، رقية وراق ،الصادق الرضي ، فيصل محمد صالح ، انور ابو غيدا ، الطاهر 2 ،عشة بت فاطنة ، وبدر الدين شنا ، وحمييييييييييييييييد ، والمتشدد دوماً عادل عبد العاطي ، وضنيني الاطلالة الرشيد أحمد عيسى ، وعبد الجبار عبد الله ، ومن بعدهم أمين الصغير ، ومحمد سبيل ... وآخرين .
    ووجدت فيه من كنت أحبهم من على البعد دون ان تتاح لي فرصة كافية للتقارب الشخصي معهم ومن أبرزهم : مبدعنا الكبير الموصلي ، المبدعة الشاملة الجميلة تماضر ، عبد القادر الكتيابي ، بشرى الفاضل ، حمزة سليمان ، واسامة عبد الرحيم ، ومبدعينا العمالقة قليلي الاطلالة : قداااااااااااااال ، والمفكر العملاق منصور خالد ، ومبدعنا الفريد المتفرد وردي ، وصنوه محمد المكي ابراهيم ... وأخرين .
    وهنا رفعت رأسي عالياً وانا اتعرف على ابداعات عمالقة جدد يثرون واقعنا الثقافي بابداع متميز ويملؤنا بالفخر والإعتزاز والثقة ، وهم في البورد كثيرون : أبكر ادم اسماعيل ، احمد المك ، الحسن البكري ، سمندل ، ميرفت ، عماد المليك ، عاطف عبد الله ، والمحظور خالد عويس ، والمحظوظة بأيوب العالمية اشراقة مصطفى .. والقائمة مستمرة ....
    وكان الأجمل ان التقي هنا بأحباء وأصدقاء لم أعرفهم من قبل ، أو لم أعرفهم تماماً ، أصدقاء وأحباء أدين لهذا البورد / الوطن بعلاقتي الجملية معهم أو مع ما يكتبون . وهؤلاء لا يمكنني عدهم جميعاً ، ولكن أسمحوا لي ان اذكر منهم الحميم الأصيل أبوساندرا ، رحمابي الجميل ، نصار الأول، والحميم كبر ، والثنائي المبدع نادوس وأبنوسه ، والضحاك أبا ، ومنعم شوف ، وغيرهم من الذين صرت أرى انهم من أعز اصدقائي : شيري ، المطر ، بت قضيم ، ود عزة ، فتحي البحيري ، الجميل الرقيق الخواض ، والوفي شيبا ، وهوزي ، وتمبس اللذيذ ، وأوسلي الحبوب ، وعجب الفيا ، والشجاعة رودا ، وكحلوش ، وود العجمي ، ودوما ، وبيان ، واهل العوض ، بارعة وخضر ... وما ذكرت مجرد أمثلة فكل أعضاء هذا البورد أحبائي وأصدقائي بما فيهم المشاغبون والرباطية والكيزان .

    لكن ......................

    ورغم كل هذا الجمال بدأت قبل عدة أشهر أشعر بضعف الرغبة في المشاركة في هذا البورد الحميم ، ثم بدأ ذلك الضعف يتحول الى عزوف ، غامض الاسباب ، حتى عن قراءة ومتابعة ما يجري فيه ، ثم تحول الأمر الى ما يشبه المقاطعة .
    وجدت نفسي وبدون أية اسباب واضحة بعيداً عنه ، غير متحمس ، ولا حتى راغب في فتحه . حاولت معاندة هذا النزوع , وفرضت على نفسي فتح الموقع في بعض الأوقات ، ولكن إرادة معاندتي لم تستطع ان تجبرني على قراءة البوستات الواردة فيه ، وعجزتُ تماما عن دفع نفسي للمشاركة في القليل منها الذي فتحته وكأني مجبر على ذلك .
    اكتب هذا البوست بعد أن تيقنت ان سبب الحالة التي أمر بها ليس كامناً في البورد ، بل فيّ أنا ، ولكني عاجز أيضاً عن تحديد السبب . وهو سبب أوقنُ ايضأ انه لايرجع لنضوب حدث في ما يمكن المشاركة به ، فلدي الكثير الذي يمكن نشره وقوله هنا . ولكن تنقصي الرغبة في ذلك .
    ولهذا انا أكتب لتساعدوني ، بتحليل الحالة التي أمر بها ، لتعريفي بأسبابها اذا كنتم تعرفون ، ، هل هي حالة زار كتلك التي تشكي منها الجندرية أحياناً ؟ ، وأتساءل هل مرت ببعضكم مثل هذه الحالة ، وهل استطاع تجاوزها ، وكيف ؟
    ياجماعةماقادر اشارك في البورد الجميل ده
    أسوى شنو ؟

    (عدل بواسطة تراث on 11-05-2003, 01:00 PM)
    (عدل بواسطة تراث on 11-08-2003, 10:11 PM)
    (عدل بواسطة تراث on 11-09-2003, 00:14 AM)
    (عدل بواسطة تراث on 11-13-2003, 01:09 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-04-2003, 11:44 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: تراث)

    تراثنا
    حالة طبيعية بمر بيها كتير جدا ولكن حاول اتغلب عليها
    بعد ايم بعرف ارجعك كيف
    اها رأيك شنو لو جاك المحظوظة بيهو، رفيق ايام حبكم
    شنو قولك

    وتصبح على وطن لاتهجره عصافيره

    اشراقه
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-04-2003, 11:56 PM

تراث
<aتراث
تاريخ التسجيل: 11-03-2002
مجموع المشاركات: 1555

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: Ishraga Mustafa)

    والله لو جاء أيوب شوفوا البحلكم مني .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-05-2003, 05:59 AM

AlRa7mabi
<aAlRa7mabi
تاريخ التسجيل: 08-15-2002
مجموع المشاركات: 1334

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: تراث)

    أستاذنا .. تراث

    رمضان كريم

    أخرج يا رجل من هذه الإعتكاف ، هي حالة تعترينا جميعا
    فأنا مقل كما ترى في انزال بوستات ، وهي ربما لنفس اسبابك
    لكني لم انقطع من متابعة البورد حتى لا اقطع الشعرة نهائيا

    اتمنى أن تكون هذه العودة ( قوة ) حتى نستمتع بكتاباتك ومشاركاتك الجميلة .. وكيف لا أنيست بوست ( التناص ) حبيبك درويش وغيرها من الوبسات ... ولا أنت ناوي تفك فينا الجندرية وشمارها الحارق

    تحياتي لكما وللأبناء

    صديقكم رحمابي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-05-2003, 08:26 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15483

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: تراث)

    هذه هي المرحلة السابقة للإبداع والإنتماء والغرق ، أعرفها جيدآ فهي تنتابني كثيرآ وفي سياقات شتى ، مرات بتحصل لي هذه الحالة مع رشيدة بكون غير قادر على التعاطي معها وأتجنبها تمامآ وبعد فترة محدودة أعود كالواله المتيم حتى عادت تعرف ذلك ويسعدها دبرستي منها لأنها تتوقع بعدها الذوبان التام ، وكانت تحصل لي مع التدخين برغم حبي له وأدماني تأتي أوقات أمله بل أكرهه ثم أعود أولع هذه من تلك ، وتحدث لي الحالة في القراية و حتى مع الأصدقاء ،يمكن ان نقول إنها مرحلة تسبق الطور الثاني من الإدمان ،فشيل شيلتك ،إنت مقدم على إدمان غير وحا يجهجه الجندرية ويرفع غيرتها، خاصة و إشراقة توعدتك بالذي يفل منعك ، وأنا معاك { شرحو }
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-05-2003, 01:41 PM

تراث
<aتراث
تاريخ التسجيل: 11-03-2002
مجموع المشاركات: 1555

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: أبو ساندرا)

    اشراقة ، رحمابي ، ابو ساندرا
    شكراً على التشجيع ومحاولة تحليل الحالة ، حسب كلام ابو ساندرا تصورت اني بوكيمون يتهياً للتطور الى مرحلة جديدة .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-05-2003, 01:58 PM

aba
<aaba
تاريخ التسجيل: 03-06-2002
مجموع المشاركات: 1993

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: تراث)

    تراث الجميل
    تعرف يا صديقي حاول ما تنظر للموضوع من زاويتك الشخصية يعني بي العربي شوف وجودك فيه بيعني شنو للأخرين وصدقني لما شفت إسمك يزين البوست جريت عليه و يدفرني الشوق ويا صديقي اللدود التواصل بيخلق الإلفة وإنت عندنا كل الخير لا تبخل علينا بي طلتك البهية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-05-2003, 03:04 PM

تراث
<aتراث
تاريخ التسجيل: 11-03-2002
مجموع المشاركات: 1555

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: aba)

    شكراً ياابا يالذيذ
    والله عشان خطر أمثالك حقو الزول يبقى ليكم زي شيري زمان وفتحي البحيري ، كل يوم ثلاثة أربعة بوستات .
    وتتحمل انت المسؤولية كاملة .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-05-2003, 02:25 PM

يازولyazoalيازول
<aيازولyazoalيازول
تاريخ التسجيل: 02-05-2002
مجموع المشاركات: 10218

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: تراث)

    تراث

    كيفك؟

    خلينى أدردش معاك شوية يمكن أوريك سبب العزوف ده شنو؟؟؟

    البورد مثله مثل كل الأوطان خليط بتاع انس وجن ، فى الوطن نحن نعيش بين تراب وطين وهواء وماء وماديات ويختلط الجن فى الوطن معنا هو وقبيله بحيث يرونا ولا نراهم وطبعا فيهم الكافر وفيهم المسلم

    وفى الوطن (البوردى) يوجد أيضا قبيل الجن وتكون المسألة بالنسبة للجن أسهل كثيرا من الوطن (الأرضى) لآن هنا المسألة كلها معلقة بين الأرض والسماء وبين أشياء غير مرئية وغير محسوسة ، وهم بالتالى أكثر تفوقا منا فى هذه الحالة ، أى أن المسألة (جنيا) أسهل لهم هنا ، وكذلك هنا فيهم المسلم وفيهم الكافر

    لاحظ أنا هنا لا أتحدث عن (شوطنة) أو (شواطين) ، برغم وجود (شواطين) أيضا - لاحظ الشجار والمعارك التى يتسبب فيها هذا اللعين ، أما الوضع الذى أتحدث فيه هنا هو وضع (الجن) كالذى فى حالتك ، ويمكن أيضا ملاحظة (مداعبات) صغارهم حين (يلطشون) منك (باسوورد) أو تضطر لعمل (ريفريش) لتجد نفسك وقد أنزلت البوست (مرتين) وذلك بسبب مشاغبات (عيالهم) البرئية للضحك عليناليس الا

    يأتى دورهم هنا كما فى حالتك - فيصيبونك بالزهج - من المنبر واعضائه - ويتدخلون بينك وبين نفسك لتكره كتاباتنا وتطفش وتزهج منها سريعا (وهى هنا تعتبر حالة مرضية) ولها أيضا أهلها كما فى الوطن الأرضى لعلاجها واخراج (الجن) الذى تقمص شخصيتك لتكره (البورد) ولعله حبب اليك مواضعا أخرى ليصرفك عنا وهذه تعرف عند بدء جلسات العلاج ومفتاحها يكون عن طريق (اليوزر نيم) لأمك ، لأن الوضع هنا مختلف ، ولا يعالج بالأسماء الحقيقية ، بل بأسماءكم الجنية التى اخترتموها للكتابة هناوبعد ذلك وعن طريق (قراءات) معينة يتم طرد الجنى السالب عنك

    ولا تخف يا أخى تراث فهناك كثير من أخوانك واخواتك هنا فى المنبر (وقد أصابهم) هذا الجن وبعضهم لا يعرفون حتى أنهم مصابون وعلى سبيل المثال أورد لك الحالة التالية

    أساسى
    حالة جنية فظيعة ، تخبط منذ بداية المسار البوردى الابتدائى ودخول بأسماء مختلفة ، كرومانسى ومن ثم (قلب) قلبة فظيعة الى (أساسى) وهى حتى فى علم الفلك والنجوم وما وراء الطبيعة ونتيجة (ضرب) الحروف فى موقع المجرة فى البرج فى (نوء السماك) مطروحا منه (نوء النعائم) يمكن أن يخلف آثار مدمرة كما فى حالة العضو أساسى الذى قال فى آخر بوست كتبه فى المنبر هذا الصباح:

    (لو كنت تفتيحة يا يازول وماسك مفاتيحه كان نقشت العنوان لكن قعاد البلد دي خلاك ساقف رندوق طوالي اها يا سيدي الحنفولي من حنفل وهو الرجل المحنفل بلغة الرندوق او المقرش بلغة كانت زمان كدا او الغنيان او المدياهو او المورتبة معاهو... رحآت بالمدة دي حسب لغة الرندوق برضو يعني يا زول كدا كدا الحنك دا لازم تكون ناقش رندوق لو ما ناقش رندوق تديها صنة خلي الفنان يصلنا )

    وطبعا هذه هى أصعب مراحل المرض عند أساسى (علما أنه لا يعلم أنه مصاب) وتلك هى الطامة الكبرى

    على كل أخ تراث الموضوع مشربك وطويل وله بقية فلو كنت ترغب فى المواصلة للعلاج فلامانع من معالجتك ، بس حاول كتر من قراءة بوستات (شيرى) فهى لك طهر باذن الله

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-05-2003, 02:18 PM

بلدى يا حبوب
<aبلدى يا حبوب
تاريخ التسجيل: 05-29-2003
مجموع المشاركات: 8266

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: تراث)

    ماعارف احتمال اننالم نجظى ببوستاتك منذ دخولناالى البورد ولكن كما قال الاخ خالد الحاج اسمك يحكى عن الجمال عن الوطن عن التراث الفيه ويالله خلينى نبجر معك فى التراث يا تراث
    بأسم البورداب مش البرالمة لكن اكتر شويه نناشدك الاستمرارية
    ورمضان كريم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-05-2003, 03:15 PM

Elmosley
<aElmosley
تاريخ التسجيل: 03-14-2002
مجموع المشاركات: 33334

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: تراث)

    تعرف ياتراث لي كثير من الاصدقاء محتارين من ادائي هنا في الوقت الذي انا فيه مشغول بالعبال ودراستهم ومشغول بدراستي ومشغول بمركز الموصلي للفنون والموسيقي ومشاريعه
    ومشغول باجتماعيات مجتمع ايوا النشط
    بل البعض سامحهم الله يتندرون بذلك وكأنهم يريودن منا ان نكون مثل الحديد المتاكل بلاحراك
    استمر بازول وكل حركه فيها بركه الله يطول عمرك وسلامي للجندريه
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-05-2003, 06:28 PM

بدرالدين شنا
<aبدرالدين شنا
تاريخ التسجيل: 07-30-2002
مجموع المشاركات: 3514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: تراث)

    الشفيف تراث
    رمضان كريم وتصوم وتفطر على خير
    قبل ما أفتح البوست دا لقيت في بريدي رسالة من أهل العوض يسألني عن ضعف مشاركاتي وعزاها هو لما أسماهو (الهمسكة) وهي إختصار ل (هوم سك) حيث عدت من السودان قريب
    فرديت عليه بأنني بأني ربما تعرضت لعملية تصفيد في رمضان
    فيا حبيبي أظنها مسألة طبيعية وربنا يسهل رجوعك
    وإنت أحمد الله عندك الجندرية بتذاكر معاك ممكن تنقل منها أنا أنقل من منو؟؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-05-2003, 08:35 PM

othman mohmmadien
<aothman mohmmadien
تاريخ التسجيل: 12-13-2002
مجموع المشاركات: 4595

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: بدرالدين شنا)

    تحياتي
    اعتقد ان حالتك ترتبط بالمكان الذي تعيش فيه وأنك تعاني من حالة تنتاب كل من يعيش غربته مع عشقه لوطنه كما ذكرت أنت أنها حالة من الحنين الي الوطن الي السودان ارض المسرات الذي لم نأنس شئ سواه ولا في غيره نرجو مماتنا ولكن للحياة بنا صروف فآه من تصارييف الحياة.
    أرجو أن أكون عبر هذه الأسطر قدعبرت عن حالة تنتابني كثيرا ولكنه الاحباط الذي يلتفني عبر هذه الديار التي العنها أنها ديار الغربة أغمض عينيك وحاول أن تتذكر عبر ذاكرتك أجمل أيامك في السودان سيعاودك شئ من النشاط لكي تكتب
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-05-2003, 08:34 PM

مراويد

تاريخ التسجيل: 09-08-2003
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: تراث)





    يا تراث برانا زهجانين..ما تزيدنا..كفايه الولد ابكر اسماعيل الطفش و ما لامين فيهو لليلهاهاالغنيه دي (مع تقديرنا للجندريه) ما بتساعد!!
    و لا داير واحده تانيه, يا انسان اركز,طمام البطن فى كل مكان,و الهارب من دم لا يهرب الا للدم!!!
    اشراقه..ايوب مالو ما داير يخفف ضيقنا شويه!!!
    شنا قول لاهل العوض الهمسكه بنقدر عليها الا السنقله دى نعمل ليها شنو!!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-05-2003, 08:45 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: مراويد)

    يا مراويد
    ما قلنا اي زول ينزل اغنية سمحة ما معاها لنك الحفظ حنقيم عليه الحد عديل كدا
    ما تقول لي حد شنو ؟
    غايتو دي تستاهل عليها حد الحرابة
    عارفو ؟
    في زول ينزل حبك للناس ما معاها لنك
    بس الله مرقت ما بقدر ادخل بالنصيبة دا اجيك في محلك ؟
    يوم القايمة حاقوم وشي دا عدمان حته اللحم
    وانتو وتمبس وامثالكم السبب
    قلنا لنك الحفظ لنك الحفظ مية مرة
    اها شفت الزهج العلي اوصوله ولا لسه
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-05-2003, 09:35 PM

محمد عبدالقادر سبيل

تاريخ التسجيل: 09-30-2003
مجموع المشاركات: 4312

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: الجندرية)

    قول يا الجليل
    ثم يابركة الشيخ حمد النيل
    بترجع .. أب
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-05-2003, 11:14 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: محمد عبدالقادر سبيل)

    مراويد سلامات

    ايوب مزنوق زنقة العدو المحاط من اربعة جوانب، فضل ليهو آخر امتحان يوم الجمعة لمعادلة شهادته، صلعته الايام دى تلمع، طبعا من كترة الكسر، ماشاءالله عينى باردة على ابو واصل،
    طبعا قرأت ليهو تعليقك يا تراث ضحك من جواه، انتو عاملين فى الراجل دة شنو، نحلكم ضاجى فى طمىكل حكايته، حتى حكايتى معاه
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-05-2003, 11:53 PM

Amin Elsayed
<aAmin Elsayed
تاريخ التسجيل: 09-05-2003
مجموع المشاركات: 1246

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: Ishraga Mustafa)

    لو جاء معاوية البلال رأيك شنو؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-06-2003, 00:01 AM

coca

تاريخ التسجيل: 05-03-2002
مجموع المشاركات: 112

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: Amin Elsayed)

    اشتاقكم وافتقدكم واحسدكم على ليالي رمضان الصنعانية
    سلام حتى مشرق النور
    محمد عبد الحميد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-06-2003, 01:05 AM

منعمشوف
<aمنعمشوف
تاريخ التسجيل: 12-08-2002
مجموع المشاركات: 1423

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: coca)

    يا تراث الله يخليك للجندرية والوليدات وللناس كلهم، أها شوف البوست دا بقى جلسة رمضانية سايبر، جريت برشك بعد الفطور فى نص الحوش وسويتلك منلوج شحمان كمنلوجات الحائر هاملت، والناس كلهم يسمعوا فيك وخلوك لامن قفلت منلوجك بسؤال الحيرة، وقومى يا إشراقة بت مصطفى جرى بنبرك وبكلامك البراحة داك طبطبى وأوعديه بجية أيوب القريبة وقبال تتمنليو بصباح على وطن لا تهجره العصافير، يدخل عليك المليح الرحمابى خاشى فى جلابيه وكيو درامى: أخرج يا رجل من هذه الإعتكاف ، هي حالة تعترينا جميعا، ويختار له مكان على برشك ليتم عليك حكايته، الجلسة الرمضانية بدأت تتسع وتغرى المارين بالحوش على المشاركة والمجادعة بالكيوهات. ساندرا الجميلة تقطر عراقى أبوها وبإنسيابية كأنها مرسومة على أرض الحوش تنعطف مع إنعطاف أبيها تجاه الجلسة وهو يردد تجربته حول إدمانه للأشياء الجميلة. ضحكات عريضة تصدر من أبا وهو مشغول مع يازول يازول بزحزحة البرش تجاه الجلسة فى نص الحوش، ينفض يازول يازول ما علق من تراب من على البرش ويدشى ما كركعه من آبرى ليحكى لك ولنا حكايات مجيدة عن جنيات السايبر والجن-نيم، يداخلك بلدى يا حبوب ويناشدك الإستمرار يا تراث، كيو سريع جداً من الموصلى وهو يلحق الباب الخارجى ليفتحه لأحد زوار إيوا النشطة، يتمطى بدر الدين شنا لامن كراعوا تصل الواطة وهو ينقنق ويسربع بكيوهات أهل العوض فى المسنجر، هنااااك فى مكان ما بعيد من الجلسة قاعد عثمان محمدين وقال رايو ومتابع ونستكم، قوم يا مراويد أعمل ليك خلفية شحمانة للقعدة دى كلها الكابلى والبلابل وحبك للناس، وللتعترو ما نزل سيف آت بى سى وتفور ليك فيهو الجندرية فورة جد، ربك ستر مع الكلاى ماكس يدخلوا محمد عبدالحميد وأمين السيد ليرمى أمين خبراً جد شحمان وهو جية معاوية البلال للحوش جد قربت.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-06-2003, 09:22 AM

mohmmed said ahmed
<amohmmed said ahmed
تاريخ التسجيل: 10-25-2002
مجموع المشاركات: 6830

للتواصل معنا

FaceBook
تويتر Twitter
YouTube

كيف احذف مداخلة من بوستى
يا جماعة (Re: تراث)

    تراث الحبيب
    يمكن صنعاء الجميلة اخدتك من البورد
    امس ياعثمان قلت ارجع شوية لمناخات ذاك الزمان الجميل
    مشيت حضرت محاضرة فى اتحاد كتاب الامارات عن حاجة الايزوتيريك وزى ما عرفتو المحاضرة اللبنانية علم معرفة الوعى الباطن
    اولا الحضور 8 والكلام مشاتر
    عادت بى الذاكرة لايام منتدى النيل ومساهماتك الثرة والنابضة وافكار محمد عبد الحميد العميقة والمتجددة ومدخلات السفورى الذكية وجدية المعرفة لدى على بابكر وصمت على الهادى الجميل واسئلة اسامة عبد الجليل الحافزة وحديث الخواض النقدى الجديد والمدهش
    كان عندى فضول لمعرفة الايزوتيريك لكن المحاضرة ما قدمت شىء متماسك واللة الزولة دى لوجاتكم فى تخزينة كان خليتو ريحتا طير طير بالمناسبة ريحة طير طير دى كيف انا ما عارفا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-06-2003, 10:42 AM

Tumadir
<aTumadir
تاريخ التسجيل: 05-23-2002
مجموع المشاركات: 14699

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا جماعة (Re: mohmmed said ahmed)

    عثمان تراث


    لو محمد سيد احمد رجع...يكتب

    خليك مطمن

    نحن غايتو

    بنغمت...سيرتك الميسم فى يدنا وننوم...نتمتم بصلاة الحب...


    والصباح مع الحمارات الفى الشفق....قبل ما يرجع ابو التى تى...هديل القمرى,,, شححححح بتبرق فى الافق نجماية ..وانت تجى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-11-2003, 03:28 AM

Rawia

تاريخ التسجيل: 11-23-2002
مجموع المشاركات: 8396

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا جماعة (Re: mohmmed said ahmed)

    سلام يا تراث
    كفايه انك صاحب محمد سيد احمد
    و زوج الجندريه
    لادخل عندك و احييك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-06-2003, 10:29 AM

مراويد

تاريخ التسجيل: 09-08-2003
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: تراث)

    الجندريه زعلك مابنرضاهو,
    تقوموا تدعى علينا باقى سرك باتع
    سلام




    Save @ PC
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-06-2003, 05:03 PM

coca

تاريخ التسجيل: 05-03-2002
مجموع المشاركات: 112

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: مراويد)

    مرحبا محمد سيد احمد
    وييييييييييييييييييييييييييييييييييييييين
    محمد عبد الحميد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-06-2003, 08:22 PM

ميرفت

تاريخ التسجيل: 04-08-2003
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: تراث)

    العزيز عثمان تراث
    سلام وتحية
    ظروف كتيرة منعتني اتعرف على مبدعين كتيرين ومبدعات كتيرات ،، من حملة المشاعل في بلادنا .. اهمها التصاقي بإقليميتي في كوستي ، وكمان هجرة اغلب هولاء المبدعين والمبدعات . لكن كتر خير بكري الـ اتاح لينا فرصة اللقيا والتعارف .. وكمان شكرا جزيلا للتكنولوجيا

    العايزة اقولوا اني يمكن اكون اكتر واحدة ممتنة لهذا البورد
    وكتر خير صديقنا هدهد ـ رد الله غربته ـ وعبد الله جعفر كمان

    ومن جملة هؤلاء المبدعين ، حملة المشاعل ، انت يا عثمان . وكان وما يزال يعجبني في ما تكتبه هنا ، حسك النقدي العالي وثقافتك الموسوعية . اظن انو شخص بهاتين الصفتين قادر على تجاوز لعنة البياض الـ في الشاشة .. خاصة وانو الصفتان اعلاه تشكلان عبئا وأمانة عليك وعلى كتيرين بحملوا معاك الهم ، تجاه حاضر الثقافة والادب السوداني المشتت في كل الدنيا ، وجا الزمن عشان نلمو هنا في البورد ،، تأسيسا لوطن نعمل كلنا بجد لتنزيله الى ارض الواقع

    قالوا ( والعهدة على السمندل ) انو هدهد ـ أمين زوربا ـ بيتعامل مع اللغة والكتابة باعتبارهم " فعل مقاومة " .. طيب ماهي فعلا كدا عندنا كلنا ، في زمننا اللديح ده

    اكتب يا تراث ، وقاوم . وأسس لينا ( أو معانا ) الطريق المفروض تمشي فيهو أجيال قاعدة تتنسم عبير حرية جاية
    مفروض ما نكتف ايدينا وننتظرها
    المفروض نخبط بالمعاول عشان نبذر بذرتها
    يديك العافية يا عثمان ، والتحية لنصفك الحلو جندرية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-06-2003, 10:32 PM

عشة بت فاطنة
<aعشة بت فاطنة
تاريخ التسجيل: 01-06-2003
مجموع المشاركات: 4572

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: ميرفت)

    تراث يا اصيل سلام
    الحالة عادية ، وزي ما قال ليك الزول ضاربة البورد ، فعلا فاقدين حرفك الرشيق وكما ذكرت يضم البورد كوكبة من المبدعين يستاهلوا المقاومة ، انا ما اكذب عليك امر بحالة امكن اصعب من حالتك قد تصل درجة الغثيان ، وعندي بوست تعبانة فية والمادة متوفرة عندي ويفترض اواصل بس خلاس ما قادرة!! واهو فرصة سالتنا هل نعاني هذه الحالة الركودية ، واقول ليك والله حاصل ، ولو تلاحظ مجموعة من الناس الجميلين اختفوا من البورد ، السبب اكيد هذه الحالة الخنفشارية ، او تطوريةزي ما قت بلغة البكيمونات ، وزي ما قال ليك بدر الدين شنا انت معاك الجندرية ولا يهمك ، تصدقي يا الجندرية انا حلمانة بيك قبل ايام نضحك في موضوع رغم انو بشوفك بالصورة الراسماها ليك وهي مستمدة من لمحات تحفظها الزاكرة من رفاعة واظن كانت معانا اخلاص على العبيد ، وعالية ، طبعا عادي بحلم بناس البورد وبعد دا كلو بقيت زيك يا تراث اطل عليهو يا الله تدفر ، تصبحوا على خير ، وانشاالله سحابة صيف يا تراث
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-06-2003, 10:51 PM

رقية وراق

تاريخ التسجيل: 05-03-2003
مجموع المشاركات: 1110

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: عشة بت فاطنة)

    منكرة
    شريرة الملامح
    كالحة
    وبلا قلب ..
    تلك اللحظات التي يكون المرء فيها بلا حبيب.


    عثمان لا أعرف ان كنت أعينك هنا ، خذ صرختي هذه ، ذات وحدة وعزلة ، وأنظر .. ماذا ترى.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-06-2003, 11:01 PM

نصار
<aنصار
تاريخ التسجيل: 09-17-2002
مجموع المشاركات: 11657

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: تراث)

    اخوى تراث
    لمان واحد جميل زيك يأذن الاحبة الى دواخلوا و يقوموا يعيسوا فيها حبا بشفك عليهوا و هو يحاول يبادلهم ود بود فيتفرق وده بين القبائل...و الكتره بتقلب اى حاجه لوول...انا لو لقيت القات بتاعكم دا لما تركت صفحة بيضاء فى هذا الاسير...
    تعال يا زول الحكاية دى ليست مجرد كتابة الحكاية تواصل وجدانى...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-07-2003, 00:15 AM

osama elkhawad
<aosama elkhawad
تاريخ التسجيل: 12-31-2002
مجموع المشاركات: 10344

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: تراث)

    يا تراث, صديق الغفلة والانتباه
    زي ماقال محمد عبد الحميد ومحمدسيد احمد انا برضو حاسدكم على التخزينات الرمضانية الممتعة
    الايام دي القات سعرو معقول؟؟
    ما احسست به من نفور شيئ طبيعي , فالانسان احيانا ينفر حتى من عالمه الصغير( البيت), لكن غيابه عنه-وهذا ما حدث لك بالنسبة للبورد- يجعله يعيد اكتشاف (جماليات المكان) من جديد
    ارجو ان تنقل تحياتي الخالصة للشيخ طارق,الجندرية,علي الهادي,أيمان عبد الغفور,محمد عبدالجليل,زوجته,علي بابكر وزوجته,الحضور في التخزينة الثقافية,وكل الاصدقاء المشتركين,والقات
    المهم (خليك بالبيت)
    ولك القرنفل
    المشاء
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-07-2003, 01:08 PM

shiry
<ashiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: osama elkhawad)

    سلام مربع

    اخي الجميل
    تــراث

    لست ادري ماذا اكتب بالضبط ولا عن اي شيء اهترش ، ربما هي رغبة شريرة ان ادخل هنا ليس من اجل تحنيسك فمثلك يحنسهم ابداعهم وهو كفيل بهم وانا كفيلة بي هترشتي ، تدخلني في مهالك وتخرجني منها مثل الشعرة من العجين ، ما ان استيقظ من منامي الذي يبتدي في العادة قرب الفجر بتحريض قوي من ابليس .. هذا ما اقنع به نفسي على الدوام انما في الحقيقة انه نوع اخر من الكسل الذي يتربص بك ، حينما تكون على جانبين من تقاطعات في نفس الوقت وترتبك حينها
    اشارات مرورك وتلخبط القواعد حتة واحدة ..
    تقبقني رغبة غريبة ونهمة من الهترشة وتسوقني الي بوستك هذا كلما حاولت الفكاك منها . لوت بوزها ثلاث اشبار واعني هترشتي ..
    من يقول اللحظة عني مجنتره .. ؟؟
    انا اتصادق في غالب حياتي مع تصاريف ما يدور من حولي واتصالح معها
    فمثلا مثلا انا اعتبر ان النحس في حياتي بشر يمشي على رجلين لذلك اتحدث معه وفي لحظات كثيرة ادير حواراً مطولا معه ، قد يعند هو من جهته ويرفض ان يحادثني اي انه يعمل نفسو مخاصمني ، لكني احلف عليه طلاق ثلاثة هاهاههاها ، من يطلق من ؟؟
    طالما انه غير معروف صفة جندره ، فدعوني امتلك سيادة نفسي وامارس سطوة القوة عليه .. فلما لا تملك المرأة سطوة القرارات الحاسمة، تلك التي تجعلك تقف بين حدين من الصرامه . وانا اعني حرية ان تقول الذي تقوله وتمشي المحلة التي تريدها ، وتتجوز ممن ترغب ان تهديه بملء ارداتك كامل حريتك مرهونة بكثير من الشراييين التي تجري رخاء حيث اصاب ..
    وحينما يسيئ هو واعني الطرف الثاني احد شروط هذا الاهداء ، نحاسبه وبالتالي ينسحب هذا القرار على الطرف المانح ..
    يقولون كثيرا ويتحدثون في كل المحاور ، وهذا مؤكد انهم يخطئون بمقدار ما يتحدثون ، وهذا كله من اجل ان يخبروننا اننا ناقصات عقل ودين .. يالهذه المنطق المعوج الذي يطلب منك ان تمسك اضانك اليسري بيمناك ..
    هل هو نقص فيسولوجي اي شيء محسوس يمكنك ان تضع يدك على مكان النقص
    كان تقول هي : هنا العين دي ناقصة ، ومع انها اهي قدامك عين كاملة الا انك تلتمس نفس المنطق المعوج الذي عرجت عليه في قولي وتقول لا انا اقصد ان هنالك شريان اعرض عند الرجل موجود وعند المرأة ضعيفوني نوعا ما ..
    طيب اين مكان النقص في هذا الراس المدوقس ، وبالتاكيد يبذلون قصاري جهدهم من اجل اثبات ان ما بالراس هذا ليس مابالراس دا ؟
    ايها المجادلون السفطائيون هذا دماغ وذاك دماغ ، فلنفتحه سوية
    ونفرز الكيمان ..
    هذه صينيه مكسرة ومطرقعة للراس الذكوري ، وهذه صينيه لكنها مرزكشة ومذهبة للراس الانثوي .
    اقطع هنا في هذا الجانب من المخ ، هل يوجد المخ حقيقة ، واعني المخ الذي يفكر ، اما ان كل ما في مجموعة من الهقايص والنظريات التي لا دليل لها . اين عقلي ؟؟
    هنا شريان ، هناك شريان ، هنا وريد هنا وريد ، هنا نسيج طولي ، هناك نسيج عرضي ..
    اذن اثبتنا ان الدماغ الذكوري لا يختلف كما ولا نوعا ولا ذاتا الا قبحا وجمالا عن الدماغ الانثوي ، وازيد من عندي حتى في هذه قد تتطابق تماما التواصيف اي المقاييس الجميلة ..
    فبنفس المقدار الذي تتزين فيه صور الجمال الاثنوي فيمكنا بكل سهولة ان نجده عند معظم الرجال . وما سيدنا يوسف عليه السلام ببعيد ..
    ومع ذلك هذا الجو العاصف الملبد بالحر والسخانة يزيد من عطشاني ، ويلهلب لساني ، وكثير من الوقت تبقي لاقوم ببقية اشغالي ، كأن احنس امي العزيزة ان تتركني اعمل سلطة الخيار ، وتطعيم المويات ، على ان تعفيني نهائيا وباثر رجعي ، والاثر رجعي الذي اعنيه هو يوم امس واعني بذلك عدة العشاء ، نصف شغالتنا السيرلانكية ، مدت بوزها شبرين وتحججت بانها مريضة وان لم تنام او ترتاح تلك الساعات الجاية سوف تجي عريضة شكاواها مناصفة بيينا وبين جيراننا امام المحاكم العاجلة والمستعجلة ، هذا ان عرفت طريقها اصلا ،
    لذلك ردموا انا هذه الاشغال الكثيرة فوق عاتقي ، دا رمضان دا ولا قيااامه ، والمسلسلات من يحضرها لي .. ام مازن لم تجي حتى الان من السودان .. وليس لدي اي بطاقة يتعدي رصيدها الخمس ريالات ..
    علىالعموم مسالة ناقصات عقل ودين ، انا تصالحت معها تماما ،
    وفسرتها لصالحنا ..
    فالمقصود بناقصات الدين كما سمعت ان المراة لا تصلي الشهر كله ولا تصوم الشهر كله لموانع فيسولوجيه وكفي ، اما ناقصات العقل لان نتاج العقل هو اتخاذ كثير من القرارات في لحظات يكون فيها الانسان على جانب كبير من الثبات والشجاعة والمراة ترجح كفة العاطفة وتسيطر تماما عليها ..
    اذن الشغلانه كلها انتهت على ان اليوم الجمعة الجامعة ورمضان كريم .. دخلت يا اخي تراث لاقراك ، وجدت ان بقية من هترشة صاحبتني
    وابت الا ان تدخل معي وانا اتجول في هذا البوست الجميل ..
    ساعود طبعا ان امد الله في عمري ،
    وان تبقي لي عضم او عرق لم ينشفه العطش
    بصراحة ياجماعة انا جرسية جدا في رمضان
    اصلوا العطش دا ما بحملوا والله لا بكذب ولا شيتين
    يالله هووووي ، هون علينا اليوم الحار دا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-07-2003, 05:25 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: تراث)

    مراويد
    شكراً للنك
    ومعليش للهرشة
    لكن جابت نتيجةسريعة
    بعدين انت ياود حشاي ما بدعوك انت بدعو ليك
    الله يديك الفي مرادك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-07-2003, 05:51 PM

منعمشوف
<aمنعمشوف
تاريخ التسجيل: 12-08-2002
مجموع المشاركات: 1423

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: الجندرية)

    الجندرية عفيت منك
    انت تشاكلى ونحن نخزن أقصد نحفظ فى البى سى
    وتشكرات شحمانات يا مراويد
    ويا سيد البوست .. عثمان تراث
    الناس فى برشك ماشاءالله طقوا الحنك بمزاج إستراتيجى
    وإنت لليلى ساكت .. معقول تكون لا هسع مافكت
    ولا مستمتع بقرايتك أصحابك الأنيقين ديل
    أخد زمنك آزول .. وتلقانا قاعدين .. متفرجخين فى نص الحوش
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-08-2003, 10:22 PM

تراث
<aتراث
تاريخ التسجيل: 11-03-2002
مجموع المشاركات: 1555

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: منعمشوف)

    اقيف يازول .... يازول
    جننتني جن بالجن بتاعك ده .
    قرأت لغة الرندوك ومافهمتها وقلت إمكن عشان الصيام .
    لكن قراتها بعد الفطور فوجدت انها اكثر تعقيداً ، فتيقنت انها لغة جن فعلاً .
    هل تمت معالجة اساسي , اخشى ان تصل حالتي الى حالته المتاخرة .
    أرجوك واصل العلاج . بشرط ألا تكون جناً مدسوسا .
    لم تحدد لي بالضبط العدد المطلوب قراءته من بوستات شيري في اليوم ، وكل كم ساعه ؟

    بلدي ياحبوب
    الف أهلاً ومرحب . ارجو الا يخدعك أسمي ، فعلاقتي بالتراث ضعيفة جداً ، وهي عدائية في أحيان كثيرة . سموني تراث كما يُسمى صائد السمك سماكي ، وهل هناك عدو للسمك أكثر من السماكي .

    الموصلي
    أحيي نشاطك وندعو لانفسنا بمثله ، لو كان هناك الكثير من أمثالك لتغير حالنا وتحققت الكثير من احلامنا المؤجلة منذ فترة طويلة .

    بدر الدين شنا
    حمد الله على السلامة ونكرر التعازي الحارة . ان شاء الله الجيت منهم طيبين ؟
    أحتج بشده على قولك ان لديّ الجندرية يمكنني ان انقل منها ، ألا تعلم إنني جندري مضاد ، بعدين انت سمعت ليك راجل بنقل من مرتو . الشي البنسمعوا دائما انو هناك رجل يكتبون لنسائهم وحبيباتهم ، ولقد أستغربت عندما اتهم أحدهم الجندرية بالنقل والقص واللصق من الكاتبات اليمنيات ومن أدب الحركِة "الأنثوية" الغربية ، وقلت ده ماشي لي بعيد كده مالوا ؟ ماكان يقول ليها انتِ بكتب ليك راجلك الصحفي ده .
    اذا كررت مثل هذا الكلام ، سنوصي بتصفيدكم حتى العيد الكبير .

    عثمان محمدين
    والله حالتنا صعبة ، ربنا يرد غربتنا جميعاً ، ونعود الى وطنا وقد تشكل وفق نسق الحلم الذي نهجس به .

    مراويد
    شكراً للأغنية الجميلة .
    قلت لي : "مع تحياتنا للجندرية ، ولا داير واحدة تانية" ولم افهم واحدة تانية تقصد أغنية تانية ولا واحدة تانية غير الجندرية . على كل حال ما بيفرق فأنا عايز واحدة تانية في كل الأحوال .
    والهمسكة ساهلة والسنغلة أسهل المشكلة في الجندرة . أجاركم الله .

    الجندرية
    اراك مستمرة في التهديد بالاعدام ، ولكني سعيد بأن هناك أخرين بدأوا في مقاسمتي تلقي هذا التهديد ، وكتر خير الزعيم بكري .
    لم يتجيبي سيرة للبوست حقي ومشكلتي المطروحة ، اخشى ان تكوني أنت ذلك الجن الذي حكى عنه يازول يازول .

    محمد سبيل
    ازيك مشاقين
    اكرر خلفك :
    يالجليل ،
    ثم ببركة الشيخ حمد النيل

    اشراقة
    التوفيق كله لأيوب
    استعدادتنا مستمره لاستقباله .
    نحلنا ضاجي عندكم ، وفراشاته تزين دوخلنا وأماكننا وتنقل الرحيق بينا فتخصب حياتنا .

    أمين السيد
    ازيك شديد ، مشتاق ليك ولي راسك الكبير ده .
    التحية لشهداء رمضان في ذكرى المذبحة البشعة التي تعرضوا لها .
    لكن والله بصراحة أول ماشفت الصور دي خفت ، قلت العساكر ديل شنو .. خفت ان يكون عسكريون انقلابيون نطوا على بوستي أو على البورد كله ...ندعو الله الرحمة للشهداء ، وأن يجنبنا شرور العسكريين الانقلابيين .
    معاوية البلال عضو في بورنا هذا ولقد عملنا حفلاً كبيرا بمناسبة انضمامه قبل نحو سنة من الآن ، ولكنه لم يظهر ابداً ، اعتقد انه مركلس كعادته .

    محمد عبد الحميد
    ليالي صنعاء الرمضانية تفتقدك أيضاً ، وقد فقدت جزءأ كبيراً من رونقها وجمالها بعد ان غادرتنا ، ولكنا نحاول تحسينها باستحضارك وتذكر ان كثيراً مما نقوله فيها تعلمنا أبجدياته منك .

    منعمشوف
    انا مندهش تماما بهذه الابدعية الفذة التي استطعت بها تحويل هذا البوست ومايجري فيه الى نص ابدعي خلاق ، نص سردي حوّل ماهو حادث الى سرد جميل محتشد بالصور الدرامية لدرجة انك تشعر بانك ترى نصاً مشهدياً ينسيك حالة انك تقرأ ، أحداث تجري امامك مر العين وقد ادخلها الابداع في قالب الخيال ، فكسر عاديتها كما ينكسر الضوء داخل الماء .
    هذه قدرة عجيبة ومدهشة حقاً ، هل يمكنك ان تفعل ذلك مع كل البوستات ، وبهذه السرعة ؟ اذا نحن بجد أمام مبدع حقيقي لا يرى الأشياء كما يراها الأخرون ، ويستطيع بابدعية فذة ان يحول العادي من الأحداث والوقائع الى عمل ابداعي مشوق وممتع .

    محمد سيد أحمد
    ازيك .. الغيبة طالت . معقول كل الوقت ده وانت في السودان . الحاصل شنو هناك ، هل تغير الى هذه الدرجة ؟؟؟
    منتدى النيلين يفتقدك . بدأت كتابة هذه الردود عقب جلسة هامة وساخنة قدم فيها عبد الناصر ورقة عن الماسونية ، انفض سامرها نحو الساعة الثانية صباحاً ، أي قبل دقائق من بدء كتابة ردودي هذا .

    تماضر :
    طالما ده كلامك ، شوفيني كان غبت تاني .
    ميرفت :
    شكراً كثيرا على هذه الكلمات اللطيفات والتحريض الجميل على الكتابة .

    عشه بت فاطنة
    مشتاقين كثير .. اقرأئي التحريضات والتشجيعات المكتوبة في هذا البوست علها تعينك ايضاً في كسر هذه الحالة الركودية .

    رقية وراق
    انتظريني مكانك .. لا تذهبي الى أي مكان .. سأعود حالاً .

    نصار :
    أهلاااااااااا يانصار أول من صادقت في البورد .
    وين الغيبة . طلتك ندرت بعد ان كنت من المكثرين . ماسمعت الكلام قلت ليك ما تتزوج .. ما تتزوج يانصار ، واذا إتزوجت ما تتزوج جندرية .. أسوى ليك شنو ؟؟
    كلام لطيف زيك . انت برضو أرجع أنشط أكثر . فالبورد وناسو كلهم في حاجة لذلك .

    اسامة الخواض :
    ليك وحشات .. نشتاق اليك بما لايوصف .
    الجميع هنا يشتاقونك ، ومنتدى الخميس يفتقد مساهماتك المتفردة العميقة التي لا تعوض .
    جميع من ذكرت ولم تذكر يبلغونك التحايا ، محمد عبد الجليل وزجته ضاقت بهم اليمن كما ضاقت بكثيرين ، فلحق بعلي السفوري واولاده الى الوطن حيث يتمنوا ان يستقر بهم المقام ، أو أن يجدوا منفى أخر .
    أين نصوصك الجميلة الجديدة ؟ نترقبها باشواق لاتحد .

    شيري
    سلام دائري ، لا نهاية له ولا بداية .
    أهي دي الهترشة ولا بلاش ، ده حالتو انتي دخلتي البوست وما عارفة انك تكتبي شنو ؟ طيب لو عارفة كنت حا اقرأ لمتين يعني ؟
    لم استطع اكتشاف العلاقة بين منلوجي (كما سماه منعمشوف) وبين ما قلتيه ، عن شنو شنو وشنو والمراة وشنو ماعارف . لكن ما مشكلة . ياها هترشات شيري اللذيذة .
    الله يدينا شوية من قدراتك دي على الكتابة والهترشه الممتعة ، وحينها لن نغيب لحظة .

    للجميع :
    عذراً للخطأ في العنوان ، واضح ان المقصود البورد وليس البودر .

    أها يامنعمشوف انا جيت .. أدعوا لي بالاستمرار .

    (عدل بواسطة تراث on 11-08-2003, 10:38 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-09-2003, 09:52 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15483

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: تراث)

    1- منعمشوف
    شايف ، كتابتك الماتعة قربت تستعيد لنا الحميم تراث ، واصل من أجل كامل المعافاة والعودة ، والبت ساندرا بتقول ليك وا شوقها للعرق المبلل عراريق أبوها كما الدعاش ، وبهذه المناسبة نهديك رواية العطر
    2- تراث
    بمناسبة رسالتي لك بالإيميل ، كدي أفطر وعلى فنجان قهوة محوجة وبالجنزبيل ومدعومة بسيجارة طويلة مهما كان لونها ، وبعدها طالعت الرسالتين والحق الولد الحزين بدعم لوجستي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-09-2003, 11:13 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: تراث)

    يا ابو ساندرا خليك شاهد
    قال عايز واحدة تانية قال
    انت نسيت انه في وثائق مكتوبة توضح ليك نهايتك
    ولا نسيت
    خلينا افطر بس
    وارجع للبوست دا
    شكله حتكون في شكله علي الهواء
    والمايشتري يتفرج
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-09-2003, 11:34 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15483

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: تراث)


    1- تراث
    الختيتها رقدت يا ولدي ، عاد ده كلام بيتقال؟! غايتو ممكن تجي تفطر معانا اليوم وأوعك ترجع البيت لغاية ما تعتذر وعلى الهواء مباشرة وبرضو ما بضمن ليك السلامة ، ولو الموضوع سخن انا مع الجندرية والبادي أظلم ، وهي رضت بيك زمن الفلس والكتاحة ، هسع نعنشته وعايز تخذلها ، وطاتك اصبحت
    2- وإنتي يام لسان اها وروك العين الحمره ، الليلة وين بتقبلي! وانا قاعد هنا ومنتظر ، لكن عارف حبيبي رهيف ومكسر فيك وبيجيك لاوي ضنبو
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-09-2003, 10:30 PM

تراث
<aتراث
تاريخ التسجيل: 11-03-2002
مجموع المشاركات: 1555

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: أبو ساندرا)

    ياجماعة الحاصل شنو ؟؟؟
    الجندرية دايره تقتل ابو ساندرا لي شنو ؟
    ابو ساندرا ده صاحبي ياجماعة . الحقونااااااااااااا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-09-2003, 11:02 PM

مراويد

تاريخ التسجيل: 09-08-2003
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: تراث)

    تراث

    Quote: قلت لي : "مع تحياتنا للجندرية ، ولا داير واحدة تانية" ولم افهم واحدة تانية تقصد أغنية تانية ولا واحدة تانية غير الجندرية . على كل حال ما بيفرق فأنا عايز واحدة تانية في كل الأحوال .
    والهمسكة ساهلة والسنغلة أسهل المشكلة في الجندرة . أجاركم الله

    الغنا راقد عندنا,الثانيه لما القا لى روحى,لكن يااخوى حالتكم (المتزوجون) ما بتسر (الكديسه لما ما حصلت اللحمه..الخ), لكن مش قالوا ال...بدقوها بى اختا (اجراكم الجندريه جااااا تكم ومعاها الجندرمه الجندريه),بعيدآ عن الpolitical correctness ,عندنا صديقه جندريه على السكين,يوم عرسا ظبطت حنن تقيله و دهب, عاينت للجماعه و قالت ليهم الليله الجندر خلو بالجنبه كده, و عن اخريات (بينى و بينك راكبات الجندر من غير سرج) قالت عنهم اخري: الجندر طلع ليهم فى راسهم..على وزن الملاريا)
    سلام ليكم يا بديعين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-10-2003, 11:40 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: تراث)

    اي الليلة عاد الا تكورك
    وتعمل فيها مجنون حتى تتخارج من الركن الزنقت نفسك فيه دا
    ابو ساندرا مالي عليه بكتلوا
    الموت راجيك انت .. وما بحلك الا اعتذار علني ومكتوب وبشهادة عدلين او رجل وامراتين
    شفت كيف
    وانت يا مراويد خت لي راسك مع تراث وارجى الراجيك
    ابو ساندرا عرفها واعلن انضمامه لي بالواضح المافضح

    المشكلة اني بجي البوست دا صايمة
    وبعد الفطور تراث يتحكر لي في الجهاز ما يديني فرصة للشكل صاح
    لكن عاد كان افطر ليه عمداً واصوم شهريين متتابعين ما بخليكم
    بس النتم اليوم دا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-10-2003, 11:58 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15483

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: تراث)

    يازوله تمي يومك والفتان ده انا البفطر ليهو ولو ما أعلن إعتذارو على الهواء مباشرة خلي ليهو العيال وبلدك مشتاقه ليك وبعدين بنسمع جرستو ابو عين طايره
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-11-2003, 03:47 AM

degna
<adegna
تاريخ التسجيل: 06-04-2002
مجموع المشاركات: 2980

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: أبو ساندرا)

    العزيزه تراث رمضان كريم الجابك لينا

    منتظرين انسكاب حروف ابداعك وحضورك

    ali adroub
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-12-2003, 00:46 AM

haneena
<ahaneena
تاريخ التسجيل: 05-27-2003
مجموع المشاركات: 2002

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: degna)

    الشكلة وصلت لي وين؟؟
    اي مساعدات؟؟؟
    لووووووووول


    تفوت وين يا تراث
    NO WAY
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-12-2003, 00:52 AM

hala guta

تاريخ التسجيل: 04-13-2003
مجموع المشاركات: 1569

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: تراث)

    الجندرية
    فى شنو ؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-12-2003, 05:50 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: تراث)

    يا حنينة ما تخافي على صاحبتك
    نساعدك في السمح ان شاء الله

    هالة
    لا مافي حاجة
    بس تراث دا كان طاير ليه الجندر في راسه على قول مراويد
    اها قمنا اديناه اسبرو ونكتنا ليه الوثائق القديمة
    بجي لمن يبقى كويس
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-12-2003, 06:45 PM

لنا جعفر

تاريخ التسجيل: 06-18-2003
مجموع المشاركات: 222

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: الجندرية)

    تراث ياحبيب
    كل عام وانت عزيزي
    بقدر انا ارجعك في رجاله اكتر من كده
    ولو ما متاكد اتحداني
    حاول تغمد للجندريه عيونها عشان ما تقرا هلوسات رمضان دي وتجقلب
    وشكرا لك ياحماد
    لنا جعفر محجوبتراث
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-19-2003, 01:44 PM

فتحي البحيري
<aفتحي البحيري
تاريخ التسجيل: 02-14-2003
مجموع المشاركات: 19109

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ياجماعة البرجعني للبودر الجميل ده شنو ؟ (Re: تراث)

    تسلم يا نبيل
    تسلم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de