بختكم بيه يا خطّاب ، وأهو العام سيبدأ بدفء صوته الذى سيذيب ثلج الغربة الهائلة فى قلوب الكثيرين . هو رائحة الزمن الجميل ، الزمن الفلانى الذى لم نقوى على تسميته فيما مضى ، والذى لم يقوى على تسميتنا له الان . هنيئاً لكم "واحشنى" و "أضحكى" ، علّكم تضحكون ، علّكم تبتسمون فى وجه الغربة ، والتغريبة المحيطة بنا .
عام سعيد ، بلا خيبة ولا خذلان ، ولامكابدة يا خطاب .
واحشنى يا الخليت ملامحك فى حياتى ، واحشنى يا الرسيت مراسيك جوة ذاتى ، الا باكر لما ترجع ، أنا بحكى ليك عن الحصل ، وعن بعد المسافة وقربها ولمن يفارق زول عيون غاليات عليهو كتير خلاص وبحبها والله أحكام يا قدر والله أحكام يا مسافة ويا سفر
وانت لما بتسيبنى وتسافر خت فى إعتبارك ، انو دنياى فى مدارك وجد- لفافات الصبر دخنتها وكل المقاطع فى غناى طوعتها وغريبة غنت ، فرحة . لا . لا غربة ..لا..لا تقصد شنو ما عرفتها وأهى تجربة خطيرة – جد – وأجتزتها ولسة واحشنى
Araki , as an exceptional orderly artist , I believe .. even the time -difference is not going to affect his tempo by a single Quasihemidemisemiquaver ________
01-04-2008, 08:00 PM
wesamm wesamm
تاريخ التسجيل: 05-02-2006
مجموع المشاركات: 5128
فى ليالى انجمينا فى النصف الآخر من ثمانينات القرن الماضى ... انا ومجموعة من الاصدقاء نستمع الى الفنان ابوعركى البخيت من شريط كاسيت وكلهم مندمجون فى صوت ابو عركى العذب.. فجأة يقول الاديب الراحل الدبلوماسى عبدالهادى الصديق... " انتو بتستمتعوا بغناه لكين ان استمتعت بغناه وصداقته.. قلت له: هسه كلنا فى الهوا سوا... والآن وبعد مرور حوالى ربع قرن من الزمان جئتنا يا ابوعركى بلحمك وشحمك ودمك وحق علينا ان نستمتع بغنائك فى حضورك والغنا حلو من خشم سيدو...لن نتركك حتى تبلل ارواح المنفيين التى صدئت واصابها كلس الإغتراب وصار الوطن كبسولة نتناولهاعند اللزوم فى اشرطة كاسيت وفيديو وDVD وبعض الذكريات...
الكل يرحبون بك كما لم يرحبوا باحد من قبل... احبوك لانك التزمت جانبهم وغنيت لهم ولامالهم وطموحاتهم.. واصل ابداعك فمحبيك كثر... على امتداد العالم من ام درمان الى واشنطن..
نورالدين منان
01-04-2008, 09:09 PM
محمد سنى دفع الله محمد سنى دفع الله
تاريخ التسجيل: 12-10-2005
مجموع المشاركات: 11025
واحشني يا تووشي واحشني جد كنت خايف عليك من الحنين والحزن الطاويك تحت جناحو الأيام الفاتت .. لكن اهو جاك الفرح قدر اعوامك الجايات والراحن منك خاسب على اصابعك لسه ابوعركي طفل كبير مليان محنة حيقالدك ويبكي فرقتكم وغربتكم القسى ويغني ليكم ويعزف عود مدوزن من عصب همو يحلق بأخلامكم لي دنيا بعيدة سلم عليهو وابكي معاه خليل وقول ليه خليل راقد نايم بين الخليل والكاشف غرحان مع الملايكه ياملاك النيل واحشني ياخطاب واحشني
01-04-2008, 10:19 PM
khatab khatab
تاريخ التسجيل: 09-28-2007
مجموع المشاركات: 3433
وجد لفافات الصبر انا دخنتها وحتى المقاطع فى غناى طوعتها وغريبة غنت فرحة لا لا مش فرحة
دى فرحة واكبر منها سماع صوتك صوتك يرد الروح التاهت نست يا حبيبنا بركة الجيت تسالمنا وتكالمنا قبل ما نفوت يا ولدا محنن برويحة الناس مغسل بدموع الشوق مرتب جوه فى الوجدان دولاب مستف بالغنا وفايض وبلدا تموج بيك يا حبيب بلدا روحك النازلة على كل ديم فيها تدفيها بكلمة حب وضحكة تغسل الوجدان وابتسامة الزول بتنبع من شعوره والبقابلك ببتسم ليك من ضميره وانت اصلك بتسمح للابتسام يعبر ما انت روح الابتسام سيد الغنا وسيد الكلام كلام حنين يدخل مسام الروح يغسل كل ادران الزمن ويدفى كل اللكان بردان بريدك الا بس كلمة بريدك باقية صعبة على اللسان عم الزين محكر فى قطار الهم وطائر الشفق الغريب وما تنسى الحراز والمطر ياحرازتنا ويا ضلنا الطويل ممتد وياهمنا الشلتو من كم سنه وما قت تعب القلب ياهو قلبك هو البيفتح لجداول الناس تسيل وتنملى الدنيا بجمالك يا جميل يا جميل يا نيل يا بلد يا زول جميل انا قلت ليك انك نبيل؟ واكتر من النبل العديل ياعديل لما امى تجيها داخل تفتح الباب وتسالم يا ابونا يا اخونا يا طيبتنا يا غنوتنا يا بهجتنا يا ابوعركى البخيت وعديل يا زول بطول النيل وموية النيل تجيك طالبة الرواء ويجيك النيل ويقول ليك فصل التيبان مرايل لطفل قاسى العيون وتفصل التيبان تغطى للعريان وتكسى يا ولد يا نبيل يا ابوعركى البخيت الطيب والعديل ليك الحب بعدد ذرات الموية الفى الدنيا بعدد ما قام زرعا اخضر بعدد اطفال الكون الكانوا والجايين بعدد ما يكون يا اجمل كون واجمل انسان عرفناه يا نبل النبل يا ابوعركى اقعد عافية لقمة دافية تدى الجيعان معنى الشبع وللعريان معنى الكسوة يوم العيد يا عيدنا بيك وهنانا بيك يا انبل نبيل وما بوفيك لو كلمت الشجر الطير البحر البر لو قلت الكلم القول ليك ما بحوق لانك اقوى من الكلمات اكبر من كل الاحرف اعظم انسان ياعركى الطيب وعديل
01-05-2008, 03:01 PM
khatab khatab
تاريخ التسجيل: 09-28-2007
مجموع المشاركات: 3433
استاذ/ خطاب لك كل الاشياء الحلوه والجميلة بروعة وقامة ابوعركي .... اخر حفله حضرتها ليه كانت في دار الاطبه والحضور كان بيطالب بامونة.. وهوبياجل فيها ... اخر الحفل وبعد اصرار الحضور الكبير وافق علي امونه بس اشترط بدون اقلام والله يا بخت اللي بيحضرو ليه حفلاته في رحلته الي امريكا
Quote: صبحت نفسي ساعة الكتمه من ضيق الزمن والناس وألقي دمي يفور تمد إيدينا تمسح في العصب والراس أمانه كلاما كان رفرف وكت ساعة الدرس ياخوي يطير قلمي ويزغرد سنـّو في الكراس
ولكم كامل الود
01-05-2008, 08:07 PM
khatab khatab
تاريخ التسجيل: 09-28-2007
مجموع المشاركات: 3433
الاستاذ خطاب حسن أحمد كل عام وأنت بخير، فلتهنأبصديقك الجميل أبوعركي البخيت، وليهنئك معك الموسيقار الموصلي، فقط ما خطر في البال: فجرتي فيني خطوط الماس أشعلت فيني حريق بليغ الله يديكم العافية
01-06-2008, 04:26 PM
الفاتح يسن الفاتح يسن
تاريخ التسجيل: 06-07-2003
مجموع المشاركات: 1060
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
khatab
عبدالله شمس الدين مصطفى
أبو ساندرا
بكرى ابوبكر
سمندلاوى
Osman Musa
Saber Abdelhadi
wesamm
Emad Abdulla
Mannan
محمد سنى دفع الله
Elmosley
صلاح شعيب
Tagelsir Elmelik
Mohamed Abdelgaleel
nazar hussien
سلمى الشيخ سلامة
معتصم دفع الله
emad altaib
Badr Edinn Abdul Rahman
الفاتح يسن
نجوان
)..
Mohamed Ahmaed Olyesh
abdalla elshaikh
فيس بوك
تويتر
انستقرام
يوتيوب
بنتيريست