أرمي ليا مطار ..

أرمى ليا


مطار



فى الفضا المفرود


بين


بلود وبلود


أرميهو يا أ خيه


..


.

رميناه المطار ،
بين الحدود ،
و السدود
يا خال !

Quote: ![ /رميناه المطار ، بين الحدود ، و السدود يا خال !QUOTE] ... منوت يا لسيس جنوبنا يا .. F M يا صاحبى .. كيف حالك . !! ! شكرا على التحيه والسلا م يا سواموراي يا عجيب !

Re: أرمي ليا مطار .. (Re: ناهد بشير الطيب)

يمر الورد بلا توفيق يلتهب الجرح يذيد حريق تصير حياتى كوم عذاب رحلة ضيق والحلق يجف من العبرات يموت الريق الليل يذيب خطاى بكل طريق وارمى لى طريق ..... _____________ من قصيدة مريم للكاتب نجم الدين على حسن

(عدل بواسطة khatab on 11-24-2008, 10:01 PM)

العزيزه ناهد .. كتبت لك ردا .. متضمنا ايرادى لم كتبت
لكنه لم يثبت على اي حال , ربما يكون هنالك , طارئ ما طرأ
على الجهاز او لسبب تقنىاّخر , عموما انا سعيد بمداخلتك وايرادك لهذاالمقطع
من قصيدة الشاعر نجم الدين على حسن

وحتما نلتقى .. دائما خطاب

.

الله اكفينا شر الهكر

.

Quote: ضهب الرفاقه..غُني.. ردد صداه النيل.. تلك العصية .. مُني مطراً قفاه السيل.. صُراع الموجه أغنيه.. ضراع الفال معدية. تآلف (حَور) وقطيه.. خريفك يانواصي الخيل.. مطار يديك شدّة حيل.



هذا يا عزيزى فاروق شعر جميل ويحتشد بمشاعر شتى
فلك منى كثير التقدير وعظيم الامتنان , لقد حاولت هنا تجريب هواجسى .. لا اكثر
وامتطيت من القصيد ماتوفر لى , من رهان
اما بخصوص الكتابه على ظهر الاسافير , فذاك قرار, كنت قد اتخذته
قبل عام ٍ ونيف ,
رهان ..
على انتباه البعض , وايضا ً على عدم الانتباه ..
ولقد خلصت على كثير مما كنت اصبو ,
او لا اتوقع الوصول اليه ,
انتباها ً وغير انتباه ..
واشياء بها بعض الطرافه وبها بعض المفاجأه
لكنها كلها لا تخرج عن حدود التصور الموضوع
فلك منى خالص الود

.

وسأعود ببعض الذى رغبت ان يُقال

.

( وسأعود ببعض الذى رغبت ان يُقال )
( على هامش الغناء .. )

.
.


فردة جناح يا بت

ارميها يا بنيه

مقعد علي الشُباك

والدنيا قمريه ..

طائر ونص الليل فوق السحاب لا عش

لا شجره فى النجمه

صبحا ً اقولك إيش !

وانا كنت ليش

ما فيش !

قوليلى يا بنيه !

.

.



.

زمنا تجى وبتمُر .. فوق الغُنا ساكت .. الحاصل شنو هنا ؟؟
لا لا مافى حاجه .. يا ابن العم ..
وهكذا دواليب ..!!

..


اصلو كانو فى شوية ناس متلمين هنا ..

وبعدين .؟

لما جات الشُرطه .. اتفرقو

بس دى كل الحكايه ..


..

والله حكايه عجيبه لاكين !! انت متأكد ده كل الحصل .!!

..

وذهب العابر يضرب أخماسا ً فى أسداس

ويدى ربُه العجب .

.
.

أعجب دائما للذين يعملون فى محطات السفر
سكك حديد .. مطارات .. موانئ
قابعون هم فى خانة المراقبه .. ونحن
الناس نمر من امامهم
ننتقل من مكان لاّخر .. تحمل دواخلنا عوالما ً,
ستتلاقى بعوالم .. وستنهض صباحات جدد ونهارات مختلفه
واحوال ليالى ستلون ما اعتدنا من احلام ..
اعجب لاولئك العاملين ..
أيما عجب .!!
هل يرونا كما نرانا .!!
هل بامكانهم قياس حجم الشوق وقياس درجة اللهفه لمصافحه وحضن حبيب
لملامسة ارض .. تملى جدول ماء او الخلود من الاشجار كلهاالى شجره .. سماع اصوات ٍ
بعينها والهديل الذى يمكن ان تغرقك فيه .. ضحكه .!!!

.


.


أعجب

.

خطاب وفارووق
زولين في إسم واحد
روحين في بوح واحد
ونغمتين في وتر واحد
ونيلين لوطن واحد
ـــــــــ
ادفقوا
فيضوا حنان
وطيروا في مملكة
هوانا
فلوبنا ليكم
مـطــار

Quote: فردة جناح يا بت ارميها يا بنيه مقعد علي الشُباك والدنيا قمريه .. طائر ونص الليل فوق السحاب لا عش لا شجره فى النجمه صبحا ً اقولك إيش ! وانا كنت ليش ما فيش ! قوليلى يا بنيه !



فردة جناحك.. ضُل

مفرود علي المرقه..

ما جنَّحِك ريح ليل

أو هبهبات خرقه

ما رنّحِك ملميل..

أو نار سهاد طرقه

مرواد غمامك .. صب..

شوك العيون مارقه..

يابت نريدك .. تب

ما اظن غتاك سارقه

ما كان غناك .. مغتب

أو صاج بهاك حارقه.

يابت نزيدو .. الخب

سر الخطي الخارقه

بلع الرقاريق.. جب

ضلاً وهيط طالقه..

فردة جناحك .. شب

جوه ( العكار) .. دالقه

حادق رفيفك .. طَب

حلق الغمام شارقه.

Quote: فردة جناحك.. ضُل مفرود علي المرقه.. ما جنَّحِك ريح ليل أو هبهبات خرقه ما رنّحِك ملميل.. أو نار سهاد طرقه مرواد غمامك .. صب.. شوك العيون مارقه.. يابت نريدك .. تب ما اظن غتاك سارقه ما كان غناك .. مغتب أو صاج بهاك حارقه. يابت نزيدو .. الخب سر الخطي الخارقه بلع الرقاريق.. جب ضلاً وهيط طالقه.. فردة جناحك .. شب جوه ( العكار) .. دالقه حادق رفيفك .. طَب حلق الغمام شارقه.



..

.

يا جنا ات مابراك .. اوباما ولاا شنو .!!

.

أبت بالِغ .. وكده .!!

.

.

عفارم عليك .. بالطريقه دى حأضطر أواصِل

وكده ..

الغنا ترياق الحلِوق

.

.

Quote: خطاب وفارووق زولين في إسم واحد روحين في بوح واحد ونغمتين في وتر واحد ونيلين لوطن واحد ـــــــــ ادفقوا فيضوا حنان وطيروا في مملكة هوانا فلوبنا ليكم مـطــار





حماده يالسُنى .. ليك المواسم شوق

والسِيره يا صاحب .. فوق اللِسان أطعم

يا خويا ليها نغم , متدسى فى الاوتار

اوتارو دار

ورى دار..

دار الزمان مادار

نتلاقى عيديه

و نغنى للشُفع .. مسرح عرائس شي ..

كبارهم ,

مسرح الشارع

حيث الفعل كلو .. يا صاحبى

مضارع ..

لك اخلص الوُد

وما تنتقى من جهات

.

خطاش

.

تشحد مطار الهم

والمطرة طارت طير

والنم سحاب الموج

ان فينا حلّق طير

يا طاير الاشواق

لو كنت فينا طوير

حلّق علي بيتا

فكك ضفاير الليل

يا تبقى غشيتا

وريتا كيف بتطير

او مرة وريتا

دسيتا تحت النيل

ما قدرتا ضاريتا

مرقت عجينة فطير

مربوطة في خيتا

ما بين شليل وشليل

لمن طلع زيتا

طلعوبا ناسا غير

طلعت كما الاصحاب

يتلا لا سوميتا

ركت ترك الروق

رقراقا رق البير

ان مرة بس جيتا

طار الحمام ويرف

رفرف بي دوبيتا

قال ارمي ليا مطار

Quote: تشحد مطار الهم والمطرة طارت طير والنم سحاب الموج ان فينا حلّق طير يا طاير الاشواق لو كنت فينا طوير حلّق علي بيتا فكك ضفاير الليل يا تبقى غشيتا وريتا كيف بتطير او مرة وريتا دسيتا تحت النيل ما قدرتا ضاريتا مرقت عجينة فطير مربوطة في خيتا ما بين شليل وشليل لمن طلع زيتا طلعوبا ناسا غير طلعت كما الاصحاب يتلا لا سوميتا ركت ترك الروق رقراقا رق البير ان مرة بس جيتا طار الحمام ويرف رفرف بي دوبيتا قال ارمي ليا مطار



..

.

عبدالله يا وداعه .. ود الامين ياخي

سلا م مربع ياخ ..

طالت الفُرقه

واللمه مطلوبه ,

تجينا العصافير لون ..

تجينا

مطلوبه , ساحاتنا مصلوبه والفكره معطوبه

أجمل من الحريه ..

يا صديق

مافى

.


أفرد مطاراتك و يانى زولك

تب


.

Quote: يا جنا ات مابراك .. اوباما ولاا شنو .!! . أبت بالِغ .. وكده .!! . . عفارم عليك .. بالطريقه دى حأضطر أواصِل وكده .. الغنا ترياق الحلِوق . .


عندي اشواق للنيل ..

يا ريت غنايا .. يوصِله..

عيداً هناااك .. في البال..

سفراً يمد حبل الصِله..

مشتاق كتير بالحيل..

حاجات صبوحه محصِّله..

أمي وأبـوي ..

أختي وأخوي..

وطناً أنيق..

وسمح صِله.. ..

................

( لو كانت دي ؟ ما تقول بي مويه وكملت )

أو قول إتلاقينا عديييل.

ياااارب..


......

سمح الشعر في (قلم) سيدو.. .. .

واصل (هبوطك) الإختياري..
بأي المطارات شئت ..غير مضطر..
ودعنا (نحرس) الحرف ..
( مقيمين غير مسافرين)..

أو بالأصح (مصنقرين)..



______________________________________
ماله الحروف دي ( بتتمحرك) كده؟؟ دا خطاب يا ( بت الذين أحبهم).

Quote: أرمى ليا مطار فى الفضا المفرود بين بلود وبلود أرميهو يا أ خيه



وأنا مين
يرميلي بلود

قول مين يرميلنا
بلد


منو يا خ ك(تااااب)

Quote: أرمى ليا مطار فى الفضا المفرود بين بلود وبلود أرميهو يا أ خيه





لو لى بساط الريح


أو ريشى لسه سغار

كان طرت ليك فى التو

ونزلت عندك زار

ياخ الحنين ودار


دار الحنين ما دار


وارميهو ياأخية
















كسرة: يا خطاب حرام عليك


بالطريقة دى


الليل ما حيهات لينا

أى صباح

ياخ التذاكر على ياخ( وجه مخستك)



مودتى

Quote: لو لى بساط الريح أو ريشى لسه سغار كان طرت ليك فى التو ونزلت عندك زار ياخ الحنين ودار دار الحنين ما دار وارميهو ياأخية كسرة: يا خطاب حرام عليك بالطريقة دى الليل ما حيهات لينا أى صباح ياخ التذاكر على ياخ( وجه مخستك) مودتى




ليت الصباحات تطل
اخى عزالدين عثمان
من الليالى الحالكات
ليت الغناء يرفدنا جميعا
ً بفيضه وطميه وشواطئ نيله العامر
وليتنا نتوسد رملا ً او صخره
نتوكأ ُ غابة ً او مجرى هُناك
انها الهواجس ياصديق ..

وهذا لا يعفيك من التذاكر
طبعا ً..
.

والعاقبه عندكم فى المطارات

..

وارمى ليا مطار

.

.

Quote: : أرمى ليا مطار فى الفضا المفرود بين بلود وبلود أرميهو يا أ خيه وأنا مين يرميلي بلود قول مين يرميلنا بلد منو يا خ ك(تااااب)




خضر حسين خليل .. مراحب يا صاحب

مرحب بالطله على الجيران

كترت علينا ياخضر والفوله مالت بالعليها

وفاضت .. قلنا نديها من العلينا شويه

شن القعده يا ابوالسُره .!

تحياتى يا صديق

.

.

حضووور في هدوء، كالعاده!

صباحكم خير
و يومكم خير

تشجيع لآآآآآآآآآآآآآآآآآخر السكة


أو

لنهاية المدرج

أولاد حلويين
الله يقطع شياطينكم

Quote: تشجيع لآآآآآآآآآآآآآآآآآخر السكة أو لنهاية المدرج أولاد حلويين الله يقطع شياطينكم



..
.
العزيز جعفر محى الدين لك خالص الود

( تشجيعك الجميل .. اعادنى للاعب الفنان .. شواطين )
لاكين تشجيعك جميل لاّخر السكه
وعجبنى بالتحديد نهاية المُدرَج ..
فياخى يدك معانا او مع عمك
وارمى ليا مطار .!
جوبا .. حلفا .. سنار .. كوستى .. قلع النحل
الغزاله جاوزت .. مكوار .. المحيريبه
بابنوسه .. كرش الفيل
كسلا .. قضارف .. أطلع بره
ممنوع الاقتراب او التصوير
المهم يدك معانا ..

.

تسلم يا حبيب

.

Quote: حضووور في هدوء، كالعاده! صباحكم خير و يومكم خير




رحاب الخليفه كيفنك
وتبقى الصباحات
حلوات
كما بنتى ,

طليتى كالنسمه ..
على هجير ها الشوق

شوفى الشرار
طار فوق
عرش السما
الاّمن
والعطر متطامن
لون
صباح الناس

اديك العافيه شكرا ًرحاب

.

.

قال ارمى لينا مطار

عشق الوطن مو ودار

بين بلود و بلود

نسرج خيولنا طول الليل

نرجم جمرات شياطينهن

ابو يفارقوا لينا الدار

سب يا جماعة الجن

ما تمرقو يمرق جلدكم

قربتو تكملو علينا الحجار


سلام يا خطاب

قلبت علينا المواجع

Quote: سلام يا خطاب قلبت علينا المواجع



العزيز دائما هشام المجمر .. لك التحايا النواضر
والله ايها العزيز لقد سرنى واسعدنى تداخُلك
وضحكت فى هذا الصباح .. قُت ليه شنو .!

امرقوا امرُق شنو .!!

ياخى بالغت .! زهجونا مُش ؟؟؟

ياخى ديل ..

لاكين ولا يهمك يا صديق .. ما ضاقت الا ليي فرج
وقريب انشاء الله .. ياخى نحن شعب أوسطى ..
وكان غيرهم اشطر , شعب لا بركع ولا بنداس
القبلينا ختو الساس .. وهم عارفين انو الفيلم
شارف النهايه ورفع ( التتراات ) زيما بقولوا
اصحابنا ناس السينما .. about to run
فيا صديقى المسأله
مسألة زمن ..
والعرجا لى مراحه والسايقه واصله
وكل اول ليهو اّخر
والنضال سكة حياتنا
مهما عمر السكه طول

وهكذا دواليب

شكرا ً يا صديق
وارمى ليا مطار
برضو ..

.

.

موسم الحب
نحو الشمس
تطير عصافير الهوى
من مطار قلبي
وترجع
موسم العشاق
تطير لي
قمر قلبك
وترك في
مطار احلامك
موسم الحب

أمحومد يا ودفع الله

اخويايا السُنى

فرفر بي
جناح الشوق
وفوق لى فوق .. حَلَق وطار
كايس يا صديقى مطار

زهلل بيا شوق ياخي
أوقد فى حَناي النار ..
اندلعت فى الحيط والسقف
عم الحله دُخانى

..




_____

القصه ما شعر بس

جد جد

_____

خطاش

.

لذا وجبت الاشاره

.

.

أرمى ليا


مطار



فى الفضا المفرود


بين


بلود وبلود


أرميهو يا أ خيه


..

ياعزه


دق َ الطار


ودرويشك المجذوب ..


الساعى ,


دار ليي


دار


فى جِبتُه


ُالجذوه ..


والحَلقه ,


دُف النار

دار الحنين .. مادار


هرع الفراش


للضو .. وأشتعلت


الحضره ,

كل الدروب فاتحات


والعين علي


الساحه ..


كل البيوت كو .. كو


قرع الرياح


النو ..


فى الباب


وفى الشُباك


تتمطق الاشواق


الزهره


والاشواك ..

طعم البلل ياخي ..

فى الغابه والصحرى ..

السهل وفوق الصي ..

بتكرف المطره ..

.

يا غريب عن ديارك مصيرك تعود
بعد غربة سنين مصيرك تعود
تحكي لي يمة شوق شال منامك زمان
تحكي ليك الحنين
يابا عاتب ليك
ليه رسايلك قلال
ياخي ما بصح ليك
شوقنا ليك عمرو طال
...... ....... ......

الصبية أم عيون
شوقا ليك يوم تعود
راجية منك وعود
تزرع الريد في دربك بأجمل ورود
ريدا فايت الحدود
و بررضو عاتبين عليك
ليه رسايلك قلال
ياخ ما بصح ليك
شوقنا ليك عمرو طال
.... .... .....
يا ليل الغريب
قصر علي سمارك
و ارجع يا غريب
فرحك هناك في دارك
يغشاك الغمام
تصبح نسايم نارك

(عدل بواسطة Hafiz Suliman on 11-26-2008, 03:37 PM)

العزيز حافظ .. شكرا على الهديه الجميله ولقد اصابت الشوق ببهجه ومقتل
كل هذا بضربه او فيونكه .. واحده ..
لك خالص الود وللدكتوره واظنها قد
مسكت الدرب .. قطع شك ..
واخبار صديقنا عامر الجوهرى .. فنان ابوراس كبير دي .. اعمل تلفون
مازال ذاك الرقم يعمل وفى النيه زياره وكده ..
سأكون فى الانتظار .. لذاك الهاتف ,
مرحلة ما قبل المطار
اعنى الذى سيرمى من البعيد
دم حافظا وضاحكا ومدندنا ًوجميلا

.

.

خطاب

سماك غناى

ياصاحب

العزيز خطاب ..


بوح أماسينا الشتائية.. اليوم ماطر هنا .. والريح تزأر حبلى بحبات المطر .. أتتبع بإهتمام هذا المطار .. لماذا تعذر الهبوط ..! في إنتظار أن يكتمل البناء .. أعني هذا المطار .. في هذا الشتاء النوفمبري .. وأمطار الباسيفيكي تسقط حبة حبة .. كاملة التهذيب .. وبرب الكعبة أ ناشدك أن ( ترمي لينا مطار).

(عدل بواسطة malamih on 11-26-2008, 07:26 PM)
(عدل بواسطة malamih on 11-26-2008, 07:28 PM)

Quote: أرمى ليا مطار فى الفضا المفرود بين بلود وبلود أرميهو يا أ خيه .. ياعزه دق َ الطار ودرويشك المجذوب .. الساعى , دار ليي دار فى جِبتُه ُالجذوه .. والحَلقه , دُف النار دار الحنين .. مادار هرع الفراش للضو .. وأشتعلت الحضره , كل الدروب فاتحات والعين علي الساحه .. كل البيوت كو .. كو قرع الرياح النو .. فى الباب وفى الشُباك تتمطق الاشواق الزهره والاشواك .. طعم البلل ياخي .. فى الغابه والصحرى .. السهل وفوق الصي .. بتكرف المطره .. .





HAPPY THANKSGIVING DAY KHATTAB

Quote: ]العزيز خطاب .. بوح أماسينا الشتائية.. اليوم ماطر هنا .. والريح تزأر حبلى بحبات المطر .. أتتبع بإهتمام هذا المطار .. لماذا تعذر الهبوط ..! في إنتظار أن يكتمل البناء .. أعني هذا المطار .. في هذا الشتاء النوفمبري .. وأمطار الباسيفيكي تسقط حبة حبة .. كاملة التهذيب .. وبرب الكعبة أ ناشدك أن ( ترمي لينا مطار).




الخزيز ملامح .. سرنى جدا ً حضورك ساحة الهواجس المؤرقه .. هذه التى تنتابنا
فلا نجد مثل الخيل .. سوى الصهيل
انها البلاد .. ولقد حرضتنى بالمواصله
سأنقب اوراقى .. لا تلك النصوص التى ابحث عنها
بل تلك التى معى , و سأوافيك بنصوص ,
الى درجة ما , ٍ
أعتقد انها ,
توافق مزاج الشتاء

.

ولى معك ياملامح عودات .. شتى

دُم صديقى بألف خير وعيد الشكر
كم احن ُ الى الخروف واللمه ديك
لاكين المهم.. الزمن ياصاحب
امكنه .. ازمنه
وتصاريف
واللا كيف .!

.
ألم يغنى فناننا الجميل :..
احمد ربشه .. ذات شدو ٍ حميم .!
:
وتسألين يا حبيبتى كيف الخريف فات
لا البروق صهلت ولا السحاب
باح بالمطر

.



(عدل بواسطة khatab on 11-27-2008, 02:48 AM)

Quote: خطاب سماك غناى ياصاحب ..




وسماك يا طارق
وانت تخرج من درب مكتبك بتانهسو بالخرطوم
شريطا ً
عادى الشكل ..
تسجيل ركوردر يعنى ..

: ياخى مصطفى بسلم عليك جدا ً
: وبقول ليك ..

وانت تناولنى الشريط

: انا غنيت
: للناس
: البت الحديقه ..
..

انه الشعر يا صديقى .. قوتنا اليومى

.

عل بذوره تنبت للناس احلامهم المضارعة البسيطه

وعلنا نتمكن دائما .. من الغناء

.

وارمى ليا معاك ما انتخبت
من مطارات ..

.

خلينى ا ّخُد نفسى اول
من الى باعو
للسماسره
ومن خزانات البنوك
أرجع الصوت للحلِق

.

اشوفكم

.

ابو حوه كيفنك
فتشلك * جنس
فتيش
.!!

.!!

ببرواقه بجيك راجع ..


.


.



التعديل لاضافة .. الثلاثه نقاط لحرف الشين
لذا وجب التوضيح والتعيين ..


,

(عدل بواسطة khatab on 11-27-2008, 01:08 AM)
(عدل بواسطة khatab on 11-27-2008, 01:16 AM)

استاذنا / خطاب

لك التحية مقدرة ..


صدقنى كل صالات الترانزيت تقود اقدامنا الى مواقع موطئى ليس بذى ثبات ( فانهاتدور)....

وفى تقاطع العشم نقبع ههنا جوار مدخل الفضاء (ناسا)....

ونحلم بفضاءات اوسع بعيدا عن الدوران ...

وبمطارنا الدولى هلم يا صاح ....

وبمدخل كبار الزوار ادلف

خطاب

يا نيروز حياتنا

ازيك

كن جميل

اّسيااا ربيع .. بلهجه اثيو- ارتريه .. كما نحب ان نناديك

شكرا يازوله .. لاكين نيروز دي جبتيها من وين !!

غايتو بتجيبو ليكم مرات جنس كلام !! الله اديكم العافيه ..

.. اما كُن جميل دي .. فاختلف فيها العلماء ..

المهم بحاول لاكين شايفا .. طشاش طشاش

والعاقبه عندكم فى المسرات



.

اعملى تلفون عشان فى حاجات مهمه ..
اسمع الجرس ..
مودتى للجميع

.

Quote: .. . عبدالله يا وداعه .. ود الامين ياخي سلا م مربع ياخ .. طالت الفُرقه واللمه مطلوبه , تجينا العصافير لون .. تجينا مطلوبه , ساحاتنا مصلوبه والفكره معطوبه أجمل من الحريه .. يا صديق مافى . أفرد مطاراتك و يانى زولك تب



خطاب حبيبنا سلام يغشاك انت

.....

....

اللمة مطلوبة

وما بين مطار ومطار

ارواحنا مصلوبة

صبح الوطن اوراق

من عملة مطلوبة

لي الارزقية وناس

ارواحا معطوبة

تدرش كما التيران

من طوبة لي طوبة

فتحو الجرح جرحين

ما خلوا عرقوبة

شفطوها من الروح

خلوها مقلوبة

ضرع الحبيبة حليب

حلبوهوا في طوبة

الطوبة عليت طوب

غتت له راكوبة

فدان محبة وبير

مستشفى منكوبة

يا بايع الاوطان

والبيعة مكروبة

نضف جرح ارضك

لو يشفى مكروبا

ارضك كما عرضك

عرضك كما توبا

امكن يستر الحال

لو كنت من توبا

توب الوطن اولاد

وبنية من توبة

تاب الوطن والناس

واشتدّ كرتوبا

شدّ الضراع ,,, النيل

ادينا مكتوبا

نقرا الوطن دينين

وديونو مكتوبة

او نرمي ليك مطار

والحسبة محسوبة

بيع المطار وارح

العزيز عبدالرحمن الخليفه .. خالص مودتى

هيوستن مدينه كان المفترض منذ وقت بعيد .. لكن يبدو ان نداءها

اقوى مما كنت اعتقد واكاد ارى مطارها يلوح فى البعيد ..

( .. وفى تقاطع العشم نقبع ههنا جوار مدخل الفضاء .. ناسا.. )

اعجبتنى هذه العباره .. يعنى السما منكم قريب , ختفة كُراع ..

تشكر يا صديق على انيق الدعوه و فخامة الترحيب .


اشوفكم قريب

.