دعواتكم لزميلنا المفكر د.الباقر العفيف بالشفاء العاجل
|
|
 يا برالمة ما تروقو شوية
|
والله كتاباتكم ومشاركاتكم مفرحانا شديد بس كمان الواحد ما يكتب ليهو حرف الا ويلقاهو نزل الصفحة التانية وكمان لو غبت يوم تاني الا الارشيف
بعدين الجري دا انحنا ما عندنا ليهو قدرة يعني عامل السن والنظر عندو دور في الشغلانة
فبس هدو لينا اللعب شويه ولا رايكم شنو يا عجائز المنبر
|
|
 
|
|
|
|
|
|
|
 Re: يا برالمة ما تروقو شوية (Re: محمد حسن العمدة)
|
Quote: بعدين الجري دا انحنا ما عندنا ليهو قدرة يعني عامل السن والنظر عندو دور في الشغلانة
فبس هدو لينا اللعب شويه ولا رايكم شنو يا عجائز المنبر |
عاد عملتها فى روحك براك يا عمدة
ما شفتا بوست البرلوم الطالب باحالة العجائز الى التقاعد برضاهم قبل ما يداهمم شبح الصالح العام؟؟
ما معاك انا
| |
|
|
|
|
|
|
|
|
|
Re: يا برالمة ما تروقو شوية (Re: زول ساكت)
|
Quote: خليها تتنفس شويه وبعدين براها بتروق
|
عارف يا زول هم هسي بتنفسو لكن بعد اول فاتورة يفتشو للنفس ما يلقوهو
قالوا اسال مجرب بعدين ياخ انحنا ما عندنا بوستات شادنها سبحة بس هسي والله اتلخبطت علينا كلها
| |
|
|
|
|
|
|
|
|
|
Re: يا برالمة ما تروقو شوية (Re: lana mahdi)
|
| Quote: الطالب باحالة العجائز الى التقاعد برضاهم قبل ما يداهمم شبح الصالح العام؟؟ |
والله يا لنا الشغلانية كمان بقى فيها دفير ... ود الباوقة شكلو جاي بسنونو
قال صالح عام قال ... صالح عام ولا فائض عماله
| |
|
|
|
|
|
|
|
|
 Re: يا برالمة ما تروقو شوية (Re: بلدى يا حبوب)
|
الحبيب العمدة كيفن حالك انشا الله زين
قلت لي برالمة وكمان دخل فيها كبر أمك
ملاحظة فعلا جدير بالانتباه الكثير من المواضيع اصبحت تنزلق بسرعة الصاروخ من صفحة لصفحة يعني الواحد لو عاجبو بوست بس كل مرة يعمل up
برضو الجداد شداد خليهم يومين ثلاثة كده وبروقوا دي فرحة العيد
| |
|
|
|
|
|
|
|
|
|
Re: يا برالمة ما تروقو شوية (Re: Ana Zaty Omdur)
|
يا ام در والله لو منتظراهم واطاتك اصبحت الجماعة واحدين خلصو التهاني ودشو البوستات وواحدين قالو عندهم 10 بوستات - لاحظي بوستات - ح تنزل الليلة بس
يعني شكلك موش ح تنتظري ح تاخدي تلبيدة طويلة كمان
هسي البوست دا كنت مصاقرو لحدي 2.30 صباحا توقيت السعودية رجعت لقيتو صفحة دلشيون
| |
|
|
|
|
|
|
|
|
|
Re: يا برالمة ما تروقو شوية (Re: محمد حسن العمدة)
|
هههههههههههههههههه يا ود العمدة
والله البرالمة ديل الظاهر عليهم سمهم فاير حيرونا عديل
تجى ترحب بالواحد فيهم تلقاء مشاركاته ثلاثين ......... ذى ده ترحب بيهو ليه ما خلاص
بقه صاحب الدار وما بقه ضيف
حاجه عجيبة
وان شاء الله النشاط ده يدوم ما يكون فوره وبعده سكون
ولك الود
| |
|
|
|
|
|
|
|
|
|
Re: يا برالمة ما تروقو شوية (Re: عمر محمد عبد القادر)
|
ود العمدة
ماك طيب ؟
عسى الاْهل بالديرة كلهم بخير ؟
أنحنا طيبين نحمد الله.
أمبارح زارنا خالك ود فضل
وبيسل عليك كتير.
علا ياولدى الدرت السنة دى بالحيل صعبز
الجراد أكل الزريعة مغى العيش واقف حطب !
وعمك ود فضل قال لينا الحرابة واقفة قرون قرون فى دار غرب.
وسمعنا اللهم أحفظنا قالوا عندم الى يوت مقطوع من الماسورة
والكتاحة مغطية السم .
غايتو ياوليدى الله يستر
تر البلد دى حاها أتشقلب
وعسى بس رب العالمين يلطف بى عبيده.
سلام كتير لى عمتك أمسرور
وقول ليها حبوتك بت العمدة بتسلم عليكى كتير
ويتقول ليكى الغنمايات حقنها كبرن
والاْخرانية الصفرة
جابت ليها سخلتين
واحدة سودة وواحدة بيضا.
أها فتك بى عافية يالحبوب
سلامى كتير لكل الاْهل
وماتنسى الجيران...
سلام !
| |
|
|
|
|
|
|
|
|
|
Re: يا برالمة ما تروقو شوية (Re: عمر محمد عبد القادر)
|
(( علا ياولدى الدرت السنة دى بالحيل صعبز
الجراد أكل الزريعة مغى العيش واقف حطب !
وعمك ود فضل قال لينا الحرابة واقفة قرون قرون فى دار غرب.
وسمعنا اللهم أحفظنا قالوا عندم الى يوت مقطوع من الماسورة
والكتاحة مغطية السم .
غايتو ياوليدى الله يستر
تر البلد دى حاها أتشقلب
وعسى بس رب العالمين يلطف بى عبيده.
سلام كتير لى عمتك أمسرور
وقول ليها حبوتك بت العمدة بتسلم عليكى كتير
ويتقول ليكى الغنمايات حقنها كبرن
والاْخرانية الصفرة
جابت ليها سخلتين
واحدة سودة وواحدة بيضا.
أها فتك بى عافية يالحبوب
سلامى كتير لكل الاْهل
وماتنسى الجيران...))
اخيتي نور والله البلد حالتا بقت صعبة خلاص
والسماء ما بتبشر بيخير
علا ربنا يلطف ساي بس
وعقب تاني كان كرجت وكرت ما تلاقي فيها زول
ودار غرب ما براها في الشايفو دا ربك يستر طالما البلد بقو حكماها الصقور وشارع زلطا شفخانة
خالي فضل الله يديهو العافية
وقولي ليهو العجال مهما طولن مصيرن يلاقن
| |
|
|
|
|
|
|
|
|
|
Re: يا برالمة ما تروقو شوية (Re: محمد حسن العمدة)
|
محمد حسن العمدة
التحية للعمد والبشوات والدكاترة ناس معز وكل الاهل والاعزاء ببوستكم العامر
لكن يعنى انتو بى هناك ترحبوا بينا وبى هنا تزهجوا مننا ؟
حيرتونا والله نسوى شنو ؟ نقعد ولانمشى ؟
د. معز انا رسلت ليك رسالة هامة فى بوست ندى القلعة ولاعبرتنى جابت ليها حقارة كمان وطناش؟
ود العمدة قالو الجديد شدييييد شوية كده وبنمشى ..ونروق ليكم المنقة والبرتكان كمان والله تانى علا تفتشونا فتيش
انا بالذات اسبوع ولااتنين كده وبختفى عندى امتحانات ومادايرة اعييييد السمستر كلو ياعمدة
تقعد بالعافية انت وضيوفك
وتسلم من كل شر
| |
|
|
|
|
|
|
|
|
|
Re: يا برالمة ما تروقو شوية (Re: نادية عثمان)
|
| Quote: حيرتونا والله نسوى شنو ؟ |
سوي لينا كباية عصير ليمون بااااااااااااااردة من يدك المباركة دي
تمشي وين يا بت الناس هو نحنا شفنا حاجة ؟ على الاقل نشوف دكتور معز مالو ما برد على رسائلك iiiiiiiiii نحتو هنا دا.. ونعرف الحاصل شنو ؟؟؟ من البداية جابت ليها طنيش كمان ؟؟
اها شفتي يا نادية عرفتي الدرب كويس ... تاريك نجييييضة دكتور معز وسي جي ديل خلو النضمي وجرو ورا بت القلعة تاني اليطنشك فيهو بس ندى وشوفي كان يطنشوك تاني
| Quote: عندى امتحانات ومادايرة اعييييد السمستر |
ربنا يوفقك انشاء الله ويوفق كل احبابك
| |
|
|
|
|
|
|
|
|
|
Re: يا برالمة ما تروقو شوية (Re: عمر محمد عبد القادر)
|
مش كدا وبس يا ود العمدة..
بوستنا بتاع رسالة من ندى القلعة لسجيمان لمن حلفنا ما ينزل وصاقرناه أن وسي جي هكروه ولا سحروه ما بعرف
البوست فات الألفين زائر رجع للصفر والمتداخلين مية
أها شفت جنس الحالة البقت علينا..
وعشان الحركات دي أنا حايم باللاب توب بتاعي وحسة بكتب من الصحراء..
ياخي بوست زيدان مسافة ركبت الطيارة ونزلت المطار فتحت الإنترنت من الصالة بتاعة الوصول ألقاهو ليك من الأولى طفش للخرتمية وكم ما بعرف
تقول لي شنو؟؟؟!!..
| |
|
|
|
|
|
|
|
|
|
Re: يا برالمة ما تروقو شوية (Re: Dr. Moiz Bakhiet)
|
هلا هلا هلا بالدكتور الغالي عارف يا معز كل ما اشوفك بذكر دكتور عمر بالله اخبارو شنو ؟؟
| Quote: هكروه ولا سحروه ما بعرف |
يا دكتور موش بيقولو الجاتك في بوستك - طبعا بقصد البوست يا دكتور - سامحتك ؟؟
يعني هسي سي جي دا لو سحروهو ح يكون شكلو كيف ؟؟ وتقول لي ندى مكسرة ؟؟
| Quote: ياخي بوست زيدان مسافة ركبت الطيارة ونزلت المطار فتحت الإنترنت من الصالة بتاعة الوصول ألقاهو ليك من الأولى طفش للخرتمية وكم ما بعرف |
والله نشاف ريق يعني لو حرست بتاع ندى كان احسن والله قلت ليك زي الزول الفاتحلو موية في قصب
| |
|
|
|
|
|
|
|
|
|
Re: يا برالمة ما تروقو شوية (Re: معتصم الطاهر)
|
Quote: وكذلك كل غث ..
هذا هو الهدف من قدومهم ..
وشكرا لترحيبك ( بالشكل دا).. |
والله يا معتصم كتير خيرك برضو.. بس برضو بنفتكر انو ما كل بوستاتنا كانت غث وشكل
والشكل شي طبيعي وبيقولو ليك المصارين جوا البطن بتششاكل والاخوان والاصحاب والام والابو يعني مسالة الشكل دي حاجة عادية لكن كيف نحسم خلافاتنا في النهاية دا المحك
وعلى فكرة تعرف حاجة اسمها المدح بما يشبه الذم ؟؟؟؟؟؟؟
وكدا كدا شكرا على المشاركة وفي انتظار اسهاماتك والف مرحب بيك
| |
|
|
|
|
|
|
|
|
|
Re: يا برالمة ما تروقو شوية (Re: محمد حسن العمدة)
|
كتب محمد حسن العمدة:
والله كتاباتكم ومشاركاتكم مفرحانا شديد بس كمان الواحد ما يكتب ليهو حرف
الا ويلقاهو نزل الصفحة التانية وكمان لو غبت يوم تاني الا الارشيف
بعدين الجري دا انحنا ما عندنا ليهو قدرة يعني عامل السن والنظر عندو دور في الشغلانة
فبس هدو لينا اللعب شويه ولا رايكم شنو يا عجائز المنبر.
....
اخوتي البرالمة يجب ان نهدي اللعب شوية حتي لا نزعل شيوخ البورد
| |
|
|
|
|
|
|
|
|
|
Re: يا برالمة ما تروقو شوية (Re: Abubaker Kameir)
|
الاستاذ محمد:
تحية طيبة. اتمني ان يستجيب اخوتي البرالمة للنداء الذى وجهتة لهم الان و ربنا يستر. باالمناسبة انا بكتب و لااستطيع ان اكف عن الضحك.
الحقيقة عندي سوال: هل عندك قرابة مع الشاب المهزب بازرعة علي عبدالماجد? شكرا و لك صادق الود
| |
|
|
|
|
|
|
|
|
|
Re: يا برالمة ما تروقو شوية (Re: محمد حسن العمدة)
|
الاخ الكريم /د. معز
لك التحايا والود
لكن يادكتور الجماعة ديل ماخلو لينا صفحة نرقد
عليها الحكاية شنو الناس المشاكسة فى الكلاكلة
انا قدرت عليهم والله عندى عكاز مضبب اسع فى
الكلاكلة واحد يقدر يرفع عينو ساكت مافى وحتى
الاحياء التى تغنى فيها ندى الناس كلها ترقص مدنقرة
لكن ناس الانترنيت ديل الم فيهم بعكازى ده وين ؟
تحياتى .. عماد
المملكة المتحدة
| |
|
|
|
|
|
|
|
|
|
Re: يا برالمة ما تروقو شوية (Re: محمد حسن العمدة)
|
الاخ الفاضل / ود العمدة
كل عام وانت بخير
نروق كيف ياود العمدة نحن زمن طويل
نحاحى من بره وبعد ماتفضل علينا الاخ
الكريم بكرى تجىْ تقول روقو ونحنا متابعين
كلامكم وكتاباتكم وماصدقنا لمن دخلنا تجى
تقول روقو والله الروقه ياحبيب معاك
والاخ العزيز برير والاستاذة الفاضلة رجاء
والدكتور معز والصحفى المخضرم حضر
عطاالمنان وبقية الاخوة والاخوات الكرام
فى ماتكتبونه وتتناولونه
واسع بسبب كلامكم ده لخبطونا وخليتنى
رسلته ليك رسالة بالخطأ معزرة ...
مع خالص ودى وتقديرى
اخوك / عماد
المملكة المتحدة
| |
|
|
|
|
|
|
|
|
|
Re: يا برالمة ما تروقو شوية (Re: عماد عثمان)
|
Quote: واسع بسبب كلامكم ده لخبطونا وخليتنى
رسلته ليك رسالة بالخطأ معزرة ...
|
ما دا الخايفين منو زااااااااتو يا عمدة
البوست هين الخازوق ترسل ليك ماسنجر بالغلط لووووووووووووووول
تشكر يا عماد
| |
|
|
|
|
|
|
|
|
|
Re: يا برالمة ما تروقو شوية (Re: عامر الأمير)
|
عامر الامير والله ذكرتني جامعة الجزيرة ودفعها يا ربي تكون حصلت الدفعة كم غايتو انا خليت ناس الدفعة 21 على الابواب
الفينا حب وود وترحيب وحفاوة بكل سوداني اصيل ينضم لينا في وطنا الصغير دا
واهو الزجمة خفت شوية وقدرنا نتابع بعض مواضيعنا الكانت وقفت بسبب الزحمة وقالو الزحمة فيها الرحمة يعني كدا كدا فرحانين بيكم
| |
|
|
|
|
|
|
|
|
|
Re: يا برالمة ما تروقو شوية (Re: محمد حسن العمدة)
|
شنو يا جماعة نازلين فينا حش
ماتروقوا المنقة شوية ..
بصراحة أنحنا ما مصدقين إننا
بقينا بيناتكم.. وأمام السناير
الواحد لازم يثبت وجودو .. بس
بروعة الفكرة والمشاركة الهادفة
وسامحونا غايتو لحدي مانهدأ برانا...
والتحية ليك يا عمدة
ولكل الرائعين الذين شاركوك بلطفهم
وخفة ظلهم.. وندعو الله أن نكون كما
أنتم وهم حماساً وروعة وفكرة ...
مع حبي
| |
|
|
|
|
|
|
|
|
|
Re: يا برالمة ما تروقو شوية (Re: abuguta)
|
والله عاد
ياابقوته
ماقصرت في الناس الجداد
ناس كانو بياعنوا البعاد
والم السهاد
كايسين زمن يتلمو في الناس السعاد
وكتين خلاص تم المراد
وبدون ميعاد
خشينا في وسط الزحام
اتعرفنا بالقوم الكرام
ونهلنا من احسن مدام
وسعدنا بي الكرام
وسبحنا في بحر الكلام
خلونا نسبح للامام
وتتشابك الايدي
بين الجداد والقدام
ويعم علينا قريب سلام
مستدام
ولي بلدنا نرفع كل هام
ويكون سلالالالالالالالالالالالام
ولكم سلام
| |
|
|
|
|
|
|
| |
lana mahdi
زول ساكت
بلدى يا حبوب
ebrahim_ali
الواثق تاج السر عبدالله
nour tawir
معتصم الطاهر
Dr. Moiz Bakhiet
abuguta
وليد محمد المبارك
فيس بوك
تويتر
انستقرام
يوتيوب
بنتيريست