|
|
 الماشي ورح والقاعد تح
|
لمتين هذا الاغتراب الذي يبدو كما الرهاب كلما ما مشيت عليهو اجر لغادي
شغلة زي القمار تقول انقعد شوية امكن اخرت ....
بعضنا يعتقد بانه يمتلك عمرين واحد للاغتراب والتاني بعد ارجع البلد
وينسى انه يمر اليوم هنا وينقص من العمر اضعافه وتمشي هناك تزح زحيح
غايتو انا خلاس بطلت وماشي اهلي الماش ارفع ايدو ما عدا الامين البشاري
لانو غير مجرى حياتو من اولا لاخرا
|
|
 
|
|
|
|
|
|
|
|
Re: الماشي ورح والقاعد تح (Re: عبدالله ود البوش)
|
قد يقول قايل البلد كعبة تب اوعك تجي وانا ذاتي قلت هذه المقولة
للمين البشاري وسمع كلامي جزاهو الله خير
ويقول قايل اخر يا زول الرزق علي الله واصلو مكتوب في ائ مكان
انا هنا تبيت يا وطني وزيك ما لقيت يا وطني
غايتو سجن سجن غرامة غرامة كان ما تبقى علي حكاية صلاح غريبة
ولا كمان تبقى علي حكاية الكلــب اللكل الدريش
| |
|
|
|
|
|
|
|
|
|
Re: الماشي ورح والقاعد تح (Re: عبدالله ود البوش)
|
عيشة الله ببهائم جربناها وبرا بهائم جربناها
فوجدت ان عيشته بدون بهائم تكفيك شر الزريبة وكواسة الرايحة
شمشو تغيب تطلع جبلك وتتكرفس
وبصراحة كدا نحن ناس الحلول ديل اصلوا ما فارقة معانا كتير
شيخ الحلة والجار عودو وسيد الطاحونة وراجل المرا المجنونة كلو واحد
اها في داعي لعوك لعوك في الفاضية والمليانة
يا الشيخ بدوي تمسكني من اضاني وترجعني لبكاني
| |
|
|
|
|
|
|
|
|
|
Re: الماشي ورح والقاعد تح (Re: عبدالله ود البوش)
|
غايتو انا ماش فخليكم هاهنا قاعدون لحدي ما الجرس ادق
اولك يا بادي مشيتي كدي اشيل ليك الدنكوج كلو وارمي في التقنت منها اعلي الدقنت
ومنها اخلي ليك الوطا اكسييييير زرقاء كمان ما تقول شايل معاي طورية النوع الممتاز
بس الله اكفيني شر السعدا وبصل الكلــلاب والبودة خرابة المسور
| |
|
|
|
|
|
|
|
|
|
Re: الماشي ورح والقاعد تح (Re: عبدالله ود البوش)
|
معظم المغتربين والمهاجرين والهاربين من هجير الوطن بحثا عن حياة كريمة
خارجه ومن يفقد الحياة الكريمة في بيته يصعب الحصول عليها في بيت الناس
فدائما يرادوهم الحنين لتراب الوطن ولكن من يعيشون على تراب الوطن يشكون
ويتهامسون ويتهامسون وينقنقون .... ينقنقون وينقنقون
الله يرحمك يا العطبرواي غناهو كلمات تمشي على قدميها
فعندما تسمع هذه الاغنية والحالة الزمن داك مافي اسمو شنو يا جنا الاغنية المصورة
الجنيات بسموهو شنو كدي ما عارف
العطبراوي بصوتو بس يقوليك كداي من كداي
اها ابت تب وقفت وحرنت وفرتنا وبطلنا
صلاح غريبة مشى القبلة الخامسةعرف ليهو جيهة
قال عودة طوعية قال
| |
|
|
|
|
|
|
|
|
|
Re: الماشي ورح والقاعد تح (Re: عبدالله ود البوش)
|
مشيت يا سيد اللمنتي ليك صليت العصر احمد ربي وسويت الباقيات الصالحات
باصابعي ساهي اصلو كلو كلو ما سعيت سبحة لكن المرة دي ناوي ليها
كمان ما تقول سوا زاوية صلاة جنب بيتي الحيطة بالحيطة الله يباركك يا خالد خيري
اها جيت لقيت ستة مكالمات فايتة
واحدة من فريد ولدي طبعا انخلع وائ حرف بكتبوا هنا بولع عندو هناك
والمكالمة التانية من الوالدة الله اطول عمرا وطبعا لابتوبها تحت العنقريب
اييييييه دنيا يا حليل الشريط الكاسيت
والمكالمة التالتة سر لكن كان اضايقت بقولو
والرابعة من كركاسة ود عباس اخوي داير ليهو فيزة ان شاء الله فيزة جلد زي ما قال
الخامسة واحد طالبني قروش
والساتة سر للغاية وكان شنو شنو داك ما بقولو
بشرب لي شاهي احمر وبرجع للمهم من المكالمات الفوق دي وكان لقيت طريقة بوريكن الحاصل شنو
| |
|
|
|
|
|
|
|
|
|
Re: الماشي ورح والقاعد تح (Re: د.محمد حسن)
|
| Quote: كان قلت ليك دي سقرطة مخ ساي |
والحالة دي مرت عليك يا دكتور كتير ؟
.
.
هو في مخ ؟
خلينا ياخي نفكر بهدؤ في تقرير المصير القدامنا دا
وساعدنا بالالفاظ ... عالم تتفرج ولاتساعد كلو كلو
| |
|
|
|
|
|
|
|
|
|
Re: الماشي ورح والقاعد تح (Re: عبدالله ود البوش)
|
أخى عبدالله لك التحية وللعيال.
فكر والتفكير مشروع للجميع.
كثير ماتراودنى هذه الفكرة ولكن أتخذ الحكمة مسلكى.
ضع لك ورقة وقلم وسجل سلبيات وإيجابيات الموضوعين والأيجابياته أكثر خذه وهذا بعد ألأستخارة وألأستشارة.
الخالق رازق فى كل مكان...ولكن العمل بألأسباب مهم.
ربنا يجعل لك الخير أين ماكنت............وتقديرى وإحترامى.
| |
|
|
|
|
|
|
| |
عبدالله ود البوش
د.محمد حسن
ismeil abbas
فيس بوك
تويتر
انستقرام
يوتيوب
بنتيريست