|
|
 هنئوني .. حصلت على شهادة من مايكروسوفت في قواعد البيانات
|
قمت بأداء الإمتحان في الإسكندرية / جمهورية مصر العربية
نظرا لعدم توافره بالسودان بسبب العقوبات الأمريكية
هذه الشهادة تدعى Microsoft Certified Technology Specialist
تحديدا في :
SQL server 2008 Database Development
منحت بعدها هذا الـ Logo
خطوة أخرى بعيدا عن مهنة المتاعب 
|
|
 
|
|
|
|
|
|
|
 Re: هنئوني .. حصلت على شهادة من مايكروسوفت في قواعد البيانات (Re: ود الخليفه)
|
حبيبنا ودالخليفة
تسلم يا صاحب
الطب ده أنا قنعان منو من زمااااااان
الغريبة إنو أي زميل أسأله بكون عنده نفس القنعان ده من الطب !!
غايتو أضعف الإيمان أمشي في مجال Health Information System
أوباما طلع 20 بليون دولار لحوسبة النظام الصحي الأمريكي كله بحلول عام 2016
غايتو ما عارف في السودان ممكن نحصل المرحلة دي بتين ..
رغم إنو في بوادر مشجعه زي برنامج الـ Telemedicine الإتطبق في كم ولاية
بالإضافة لتجربة مستشفى بحري في حوسبة بيانات المرضى Computerized Order Physician Entry
الله يهون ..
بعد البرد الشفته بالإسكندرية بقيت مستمتع تماما بحر السودان !!
سلامة فعلا العودة للشمس الدافئة
| |
|
|
|
|
|
|
|
|
 Re: هنئوني .. حصلت على شهادة من مايكروسوفت في قواعد البيانات (Re: محمد قرشي عباس)
|
العزيز / Abureesh
Quote:
SELECT MCTS_Microsoft FROM Certifications WHERE Recognition = Global AND Income > Million
الف مبروك ولى قدام.
|
معليش مداخلتك راحت في النص
شكرا جزيلا على هذا الجمال ..
و ليصير جمالها أوضح للبعيدين عن هذا المجال
فهي مصاغة على هدى لغة الـ SQL البرمجية
(قلب أي نظام لقواعد البيانات)
لذا تكتسب طعما خاصا في هذا المقام ..
you made my day
| |
|
|
|
|
|
|
|
|
|
Re: هنئوني .. حصلت على شهادة من مايكروسوفت في قواعد البيانات (Re: محمد قرشي عباس)
|
العزيز و زميل مهنة الشقاء / د.خلف الله Ombada
شكرا جزيلا لك ..
تعرف في دراستي لماجستير الكومبيوتر
لاحظت إن قراية الطب بتدي الزول ميزة مهمة جدا
القدرة على إستيعاب كمية كبيرة من المعلومات في زمن وجيز
و الصبر على الإستذكار ساعات طويلة في اليوم !!
كنت بجنن زملائي الحاسوبيين في إكمال المراجع بزمن قياسي بالنسبة ليهم
إيه رأيك تقلب معاي ؟؟
| |
|
|
|
|
|
|
|
|
|
Re: هنئوني .. حصلت على شهادة من مايكروسوفت في قواعد البيانات (Re: محمد قرشي عباس)
|
تشكر يا نوفل
Quote:
الف مبروك يا حبيب .. ومزيدا من التقدم
العقبوبات الامريكيه علي السودان اقعدت بالشباب السوداني كثيرا وحرمته من هذه الشهادات القيمه
ثلاثه معاهد عالميه تقريبا لها عمل وفروع في السودان .. الا ان هذه العقوبات حدت من عملها كثيرا
وكثير من الشباب لا يستطيعون السفر للخارج لاداء الامتحان لظروف واسباب مختلفه
|
كلامك حقيقي تماما !!
في المعهد الأول المشيت أمتحن فيه
قالوا لي الإمتحان ده ممنوع للسودانيين !!
و لما مشيت بحثت في الموضوع
طلع فعلا ممنوع من سنة 2002م
بعدين في سنة 2007 طلع تعديل بيبيح الإمتحان بشروط
- أن يتم في دولة غير الدولة التي عليها عقوبات
- أن يتم الدفع عبر وسيلة لا تستعمل بنوك الدولة المعنية
الكوبيين لسه محرومين منه ..
ماعدا المقيمين بأمريكا فقط !!
لولا الأصحاب بالإسكندرية لكان الأمر أكثر صعوبة و تكلفة
إستضافوني و أكرموني و ماقصروا كلو كلو
و أخص مستر هيثم حسين (جراح المخ و الأعصاب و الأوعية الدموية)
و مستر السماني يحيى (جراح المخ و الأعصاب)
و الصديق العزيز د.علي حسن حسين (نائب الأشعة)
تعاضد السودانيين و زملاء الدراسة أمر يندر مثيله في العالم !!
| |
|
|
|
|
|
|
|
|
|
Re: هنئوني .. حصلت على شهادة من مايكروسوفت في قواعد البيانات (Re: نجاة محمد بابكر)
|
Quote:
يا زول أنا قلبت زمان. تخصص فى احدى علوم الطب الأساسية حيث لا سماعة ولا مشرط ولا حتى مرضى.
|
خير ما عملت ..
غايتو أنا إخترت الجلدية لسببين :
الأول زي ماذكرت حيث لا سماعة و لا يحزنون بس بإضافة المرضى
التاني تجذره في العلوم الأساسية خاصة المناعة (بحبها شديد)
بفكر أعمل لي شهادة في الـ Immunology أطلع بيها من قرايتي للطب
بدل ما تضيع سنوات القراية ساي في درب الكومبيوتر ده !!
كن بألف خير
| |
|
|
|
|
|
|
|
|
 Re: هنئوني .. حصلت على شهادة من مايكروسوفت في قواعد البيانات (Re: محمد قرشي عباس)
|
الأستاذه/ نجاة
Quote:
عايزة اعرف مدة الكورس والتكاليف والزول بقعد كم لكن مابمشى فى البرد جنى وجن البرد
|
في الحقيقة أنا مشيت إمتحنت بس ما خشيت لي كورس
الإمتحان حجزت ليه أون لاين عبر البطاقة الإئتمانية لأحد الأصحاب بالخارج
تكلفة الإمتحان 50 دولار أمريكي في مصر (150 دولار في الخليج - علشان كده إستحملت البرد )
الإمتحان بيركز على المهارات skills بدلا من المعلومات
علشان كده أحسن طريقة تحضير هي الممارسة ثم الممارسة
إستعنت بالكتاب التحضيري من مايكروسوفت 70-433 preparation Kit
و مسكت أهداف الإمتحان exam objective واحده واحده
بشكل أساسي ذاكرت من التوثيق المتاح مجانا من مايكروسوفت SQL server Books Online
بحيث غطيت كل المطلوب عبره
نزلت نسخة مجانية من البرنامج و جربت عبرها الأوامر و المهارات المطلوبة
بالإضافة لخبرتي في إدارة قواعد البيانات هذه تحديدا
حاجة مهمة برضو هي متابعة المنتديات المتخصصة و كتابة الآخرين حول المشاكل اليومية و طرق حلها
الإمتحان بيركز على أفضل الطرق للتعامل مع سيناريوهات واقعية
أتمنى لك كل التوفيق
go ahead
| |
|
|
|
|
|
|
|
|
|
Re: هنئوني .. حصلت على شهادة من مايكروسوفت في قواعد البيانات (Re: أمجد الزين)
|
يا قرشينا
حيرتنا
من الطب
للفيزياء
ثم الداتابيز
الف مبروك
والله فرحنا ليك
| Quote: العقبوبات الامريكيه علي السودان اقعدت بالشباب السوداني كثيرا وحرمته من هذه الشهادات القيمه |
ويجوك ناس عرمان ومن وراه محمد سليمان ويطالبوا الامريكان بعدم رفعها
يعني بدل 50 دولار، تكلف 2000 دولار
(شوية سياسة في البوست ما بتضر يا دوك)
| Quote: كل التخصصات السريرية تعنى الشقاء والبؤس للطبيب مهما كد واجتهد |
يعني تاني ما نعيا ولّ شنو يا د.امبدة
| |
|
|
|
|
|
|
|
|
 Re: هنئوني .. حصلت على شهادة من مايكروسوفت في قواعد البيانات (Re: محمد قرشي عباس)
|
أميننا الذي نحب
لك السلام و المحبة
Quote:
يا دوك ... أنا غايتو مفروض اهنئ رقبتي دي ... إنت واحد من قليل جدا من الناس الأنا بستفيد من بوستاتها و بتعلم منها ...
|
غايتو بالإضافة لكونها شهادة أعتز بها جدا ..
حتديني الأمل في إنك تنعم علي بلقب "تور"
ليكتمل اللقب إلى دكتور كـ هيثم طه تماما 
كن بألف خير
___________________________________________
لولا إني ما بأحب بلاد الرجل الأبيض الأمريكي
كنت قلت ليك شوف لي شغله في وادي السليكون العظيم !!
| |
|
|
|
|
|
|
|
|
|
Re: هنئوني .. حصلت على شهادة من مايكروسوفت في قواعد البيانات (Re: محمد قرشي عباس)
|
| Quote: غايتو أضعف الإيمان أمشي في مجال Health Information System |
نطام ال hospital/healthcare/ information systems تكاليفا باهظه حدا خاصة لو ان الدوله تعالج المواطنين مجانا مثل برطانبا
الكلام دا لانو اى مواطن لازم يكون عندو medical record/archive
عندما كنت طالبا فى الجامعه ادونا task انو نحلل النظم ونحدد المتطلبات الجديده المحتاجبن ليها which is always changing as this field is extremely dynamic
الى الان لم اجد system معقد زى بتاع تاس ال NHS
| |
|
|
|
|
|
|
|
|
|
Re: هنئوني .. حصلت على شهادة من مايكروسوفت في قواعد البيانات (Re: هيثم طه)
|
يادكتور الزول الشاطر ده ما شاطر محل ما يقبل ... الف مبروك وربنا يوفقك
بمناسبة الشطارة احكي ليك قصة التعلمجي عمنا (سلمي)
في يوم في الكلية الجماعة كانوا بوزعوا حلاوة .. ادو عمك سلمي واحدة
وقال ليهو الحلاوة دي جابه الرائد عادل العاجب (الفريق دكتور حالياً نائب مدير عام الشرطة)
عمك سلمي اكل الحلاوة وما قال المناسبة شنو ...
الجماعة قالوا ليهو ياعم سلمي ما سألت قلت المناسبة شنو ؟
قال ليهم مش جابه عادل العاجب ..
قالوا ليهو ايوه ..
قال ليهم خلاص بكون جاء الأول في حاجة ...
| |
|
|
|
|
|
|
|
|
Re: هنئوني .. حصلت على شهادة من مايكروسوفت في قواعد البيانات (Re: omer osman)
|
ود عمي ...
يعجبني فيك الإجتهاد في شتي ضروب العلم
أذكر أن والدى علية الرحمة والمغفرة
كان دائماً ما يقول لنا .... نحن ناس علم
عشان كده البيرفض العلم ما مننا
طبعاً كان بيعرف يقرأ ويكتب ويحسب وحافظ بعضاً من القرآن والأحاديث والسير والمأثورات
وكان أتحادياً متابعاً للسياسة والأخبار .... ولم يقرا فيزياء أو أحياء أو رياضيات أو علوم فلك
ومع ذلك كان يقول لنا (نحن ناس علم) !
له الرحمة والمغفرة .. فقد كان حكيم الأسرة الكبيرة الممتدة
ياخي ألف مبروك
وأعمل بمقولة المرحوم عمك الوالد مكاوى الشيخ موسي ... نيابة عني.
| |
|
|
|
|
|
|
|
|
 Re: هنئوني .. حصلت على شهادة من مايكروسوفت في قواعد البيانات (Re: عمار عبدالله عبدالرحمن)
|
Quote:
هل في امكانية انو الزول يهنؤك من برة و يحسدك من جوة !
لو في طريقة قول عوووك -- (أذاروايز ) صعبة شوية !
---
جهز الضبيحة يا دوك -جاييك البيت - التهنئة ملحوقة !
|
الدكتور* هيثم طه
غايتو لو غيرتها شوية لـ ( غبطة ) فقشة ما تعتر ليك
أما الحسد فللأسف أنا بمارسه تجاهك بعد كل مداخلة "عميقة" ليك !!
(أعفي لي)
و طبعا مرحب بيك كتير
أنا قلت العمق ده محتاج لمعاناة زول عايش معاي في البلد دي
ملاسي محتاج يتأمل في الشهادة الأول علشان يقدح في الفرحة بيها
إذا وجد إلى ذلك سبيلا !!
______________________________________________
* المصدر : بروف أمين نوته
| |
|
|
|
|
|
|
|
|
 Re: هنئوني .. حصلت على شهادة من مايكروسوفت في قواعد البيانات (Re: محمد قرشي عباس)
|
جنابو عمر
شكرا ليك كتير
بالذات القصة الطريفة
و التعلمجية مشهورون بحس الفكاهة
كن بخير دوما
العزيز عاطف مكاوي
شكرا يا قريبي
رحم الله والدك عظيم الرحمة
يبدو أنه كان حكيما و من الجيل الأصيل
و بالطبع مكاوي الصغير هو خير من سيحمل وصية جده
بتفوقه و عقله الشاب
مع كامل الشكر و المحبة
الأعزاء
شهاب كرار
عمار عبدالرحمن
أسعدني مروركم الكريم
كونا بخير
| |
|
|
|
|
|
|
|
|
 Re: هنئوني .. حصلت على شهادة من مايكروسوفت في قواعد البيانات (Re: محمد قرشي عباس)
|
Quote:
* المصدر : بروف أمين نوته
|
سند ضعيف .. حديث موضوع
امين نوتة من غير الثقات
(هو غالباً يقصد دكتوراة السفحي و اللفحي زي حقتو دي!)
--------
عندي ليك مصدر موثوق .. وقوي
د. شذا بلة ذكرت في بوست انو هيثم طه [سنيرنا]
يبقى هيثم دكتور ونص وخمسة ..
سنير الدتور .. برضو دكتور
ول شنو؟
قيقاراوي عالم رياضيات سياسية عليا ودقيقة*
(مالم يكون كان سنيرم في روضة دار الحنان غايتو)
* شفت السلبطة على اصولها (في واحد يقدر يشكك في لقبي الرفيع دا)
لكن ماذا نفعل لامين البسلبط في درجة علمية لازمة الاثبات بي ورقة!
| |
|
|
|
|
|
|
|
|
|
Re: هنئوني .. حصلت على شهادة من مايكروسوفت في قواعد البيانات (Re: Elawad)
|
الأخ / حافظ كنجال
مرحب بيك و شكرا على التهنئة
Quote:
باريت طريق بل جتس ده بفلس بيك
كل سنتين تلاتة تعمل تطوير وتحديث ومية دولار جديدة
ولا الامتحان هسه بقى بي كم
|
حاليا الإمتحان بـ 50 دولار
و مفروض تجيب قروش أضعاف تكاليفها
عموما الفلس ده في دربي الطبي الحالي .. الكومبيوتر رحمة شديدة
الجميل في الأمر أن الشهادة ستظل صالحة حتى بعد النسخ الجديدة المتوقعه (التي ظهرت منها 2 فعلا)
و سوق العمل بالطبع لا يتطور مع نسخ مايكروسوفت الجديدة
قاعدة البيانات SQL server 2005 لا تزال في السوق بقوة !!
و مادام درب الشهادات ده كان دربك
يا ريت ما تبخل علي بالنصائح :
أستفيد من شهادتي دي كيف ؟؟
مع أطيب التحايا
| |
|
|
|
|
|
|
|
|
|
Re: هنئوني .. حصلت على شهادة من مايكروسوفت في قواعد البيانات (Re: محمد قرشي عباس)
|
قيقا يا حبيب
Quote:
د. شذا بلة ذكرت في بوست انو هيثم طه [سنيرنا]
يبقى هيثم دكتور ونص وخمسة ..
سنير الدتور .. برضو دكتور
ول شنو؟
|
دي معلومة جديدة لنج !!
الفضول كاتلني لتأكيدها من (خشم البقرة)
لكن بيني و بينك ..
أخير ليه دكتوراة البروف من طبنا السجمان ده !!
الأخ الفاتح ميرغني
الأخ العوض
شكرا للمرور المقدر
أسعدني حتما و شكرا على الدعوات الطيبات
كونا بخير
| |
|
|
|
|
|
|
|
|
|
Re: هنئوني .. حصلت على شهادة من مايكروسوفت في قواعد البيانات (Re: محمد قرشي عباس)
|
في بوست مجاور
كان هذا تعليق على مداعبة الصديق أمين سالم متخصص الكومبيوتر
حول تركي للطب لأزاحمهم في عالم الحاسوب و سوقه !!
Quote:
تعرف بديت التعرف على عالم الكومبيوتر عام 1988م
بجهاز صخر MSX (معالج Z80) ..
كان شرط الوالد حين شرائه ألا أستخدمه في الألعاب مطلقا !!
أمام هذه التحفة التكنولوجية أيامها (ذاكرة 64 كيلوبايت)
لم أجد أمامي سوى الإمساك بكتاب البرمجة الأصفر الذي أتى مع الجهاز
لأنهمك في عالم GW BASIC بكل الحماس الطفولي
أذكر أنني نقلت في بداياتي معه برنامجا طويلا من 80 سطرا
و ما إنفك يفشل و يرجعني للبدء دون أدنى شفقه (عدة مرات)
حينها تعلمت أهمية أن تضغط زر ENTER بعد كل سطر لحفظ البرنامج بالذاكرة
ثم إقتنى لي الوالد جهاز 286 (معالجات ما قبل البنتيوم) الجديد حينها
لأتعلم بالتجربة و الخطأ عالم الـ DOS و خبايا الذاكرة الدنيا و العليا و غيرها !!
ثم تطورت مع تطور الحاسب الشخصي الذي عاصرته أمام عيني
منذ النسخة الأولى من الـ WINDOWS 3.0 التي تعمل عبر الـ DOS
و حتى الثامنة التي ظهرت حديثا !!
فالسؤال الحقيقي إذن هو لم تغولت على الطب و ليس على مجالك يا عزيزي !!
بالمناسبة أنا أحمل فعلا درجة عليا في الحاسوب بدراسة عليا أنجزتها بعد كلية الطب
|
رغم أنني أفضل أن أنظر لنفسي كـ Health Information manager
| |
|
|
|
|
|
|
|
|
|
Re: هنئوني .. حصلت على شهادة من مايكروسوفت في قواعد البيانات (Re: محمد قرشي عباس)
|
...
..
......
...
...Quote:
يازول طب شنو ...
..
..ده كان في طريقو لـــ فينوس ...
..
..لقي نفسو في المشرحه الملاصقه لجزارة ..... الجلابه ..
..
.
.
.
.
.
.
.
..
.
.
.
.
.دكتورنا ....يا وريف ...
.
.
.ياخي ...شهادة شنو ...كمان المن مايكروسوفت ...
.
.
.انشاء الله المره الجايه الشهادات من يدك و مباشرة لــــــ ميكروسوفت ...
..و جيرانم .....ناس نانوسوفت ...
..
.
.
.
.
.بالتوفيق يا عزيز في كل خطواتك ... و مشاكساتك!
.
...
 ......
| |
|
|
|
|
|
|
|
|
|
Re: هنئوني .. حصلت على شهادة من مايكروسوفت في قواعد البيانات (Re: محمد قرشي عباس)
|
Quote: سؤال للمتخصصين ..
مسار الـ Database development
هل من الممكن أن يؤهل لوظيفة DBA
أم ماهو الوصف الوظيفي الأمثل لهذا المسار
خاصة إذا تحصلت على شهادة MCITP بنفس المسار
خالص الشكر |
الف مبروك
لا تؤهل الشهادة هذه لوحدها لوظيفة دي بي آي، هذا جزء واحد فقط فلغة سيكول او اس كيو ال مهمة لوظيفة دي بي فهي جزء واحد فوظيفة دي بي آي تحتاج لتأهيل مختلف
It is better to explain to you in English, to become a DBA you need know the administration part, the certificate that you have now is a very important part for any DBA, you can't work as a DBA without knowing the development part, to work as DBA you need to know the server administration part like how to
build instance for a server in standalone and a Failover Cluster Node
Replication
Log shipiing
Backup and recovery
Mirroring
Service Broker
Automation like MS SQL job creation and scheduling
Tuning
Index building
and more
Plus how to create databases, tables, functions, Store Procdures and Triggers this part you should know by now
You can apply for Database developer job, also it will help you if you learn more about ETL and SSIS packages development
Thanks
هذه معلومات سريعة اتمنى ان تساعدك في فهم المسألة فلو قمت بإكمال الجزء الثاني من الشهادة الجانب الأداري يمكن ان تقدم لوظيفة دي بي آي ولكن ايضا اغلب الشركات تطلب خبرة عملية لثلاثة سنوات بالاضافة لشهادة بكلاريوس في الآي تي او الرياضيات أو بعض انواع الهندسات ولكن حصولك على الشهادتين يساعد كثيرا، اشجعك على ان تواصل في مجال ميديكال انفورميشن سيستم وقد لاحظت بعض الممرضين المتخصصين يدرسون في هذا المجال وهناك احتياج كثير لهذا التخصص في أمريكا
مع شكري
أبوهريرة
| |
|
|
|
|
|
|
|
|
|
Re: هنئوني .. حصلت على شهادة من مايكروسوفت في قواعد البيانات (Re: محمد قرشي عباس)
|
Quote: سؤال للمتخصصين ..
مسار الـ Database development
هل من الممكن أن يؤهل لوظيفة DBA
أم ماهو الوصف الوظيفي الأمثل لهذا المسار
خاصة إذا تحصلت على شهادة MCITP بنفس المسار
خالص الشكر |
الف مبروك
لا تؤهل الشهادة هذه لوحدها لوظيفة دي بي آي، هذا جزء واحد فقط فلغة سيكول او اس كيو ال مهمة لوظيفة دي بي فهي جزء واحد فوظيفة دي بي آي تحتاج لتأهيل مختلف
It is better to explain to you in English, to become a DBA you need know the administration part, the certificate that you have now is a very important part for any DBA, you can't work as a DBA without knowing the development part, to work as DBA you need to know the server administration part like how to
build instance for a server in standalone and a Failover Cluster Node
Replication
Log shipiing
Backup and recovery
Mirroring
Service Broker
Automation like MS SQL job creation and scheduling
Tuning
Index building
and more
Plus how to create databases, tables, functions, Store Procdures and Triggers this part you should know by now
You can apply for Database developer job, also it will help you if you learn more about ETL and SSIS packages development
Thanks
هذه معلومات سريعة اتمنى ان تساعدك في فهم المسألة فلو قمت بإكمال الجزء الثاني من الشهادة الجانب الأداري يمكن ان تقدم لوظيفة دي بي آي ولكن ايضا اغلب الشركات تطلب خبرة عملية لثلاثة سنوات بالاضافة لشهادة بكلاريوس في الآي تي او الرياضيات أو بعض انواع الهندسات ولكن حصولك على الشهادتين يساعد كثيرا، اشجعك على ان تواصل في مجال ميديكال انفورميشن سيستم وقد لاحظت بعض الممرضين المتخصصين يدرسون في هذا المجال وهناك احتياج كثير لهذا التخصص في أمريكا
مع شكري
أبوهريرة
| |
|
|
|
|
|
|
|
|
|
Re: هنئوني .. حصلت على شهادة من مايكروسوفت في قواعد البيانات (Re: ابوهريرة زين العابدين)
|
الأخ العزيز / أبوهريرة
شكرا جزيلا لمداخلتك الثرة ..
أنا فعلا حاصل على شهادة دبلوم فوق الجامعي في علوم الحاسوب
و على وشك إتمام درجة الماجستير ..
كما أنني أملك خبرة عملية طويلة في مجال قواعد البيانات و غيرها
إمتحان مايكروسوفت لا يركز فقط على الـ SQL و إمور البرمجة
بل يتعداهل للـ
Performance tunning
Service Broker
Database mail
Indexes, views, tables
Functions, Triggers, Stored procedures
و هذا رابط بمناحي الإمتحان من مايكروسوفت
http://www.microsoft.com/learning/en/us/exam.aspx?id=70-433#tab2
لذا جاء تساؤلي حول الـ DBA إذ أن المهام المتبقية ليست بالصعبة
كما أنني أجيدها تماما ..
أمامي خيار أن أواصل في إمتحان MCITP للـ Database development
و بين أن أمتحن بدلا عنه الـ Database administration بشقيه MCTS و MCITP
كان ظني أن التطوير سيكون أكثر إثباتا لجدارتي بقواعد البيانات إذ يحمل بداخله أصعب ما في الإدارة !!
شكرا جزيلا مرة أخرى للنصائح و حتما سأنظر لها بكل الجدية إن شاء الله
طبت بخير
كيف يمضي برنامج أوباما لحوسبة القطاع الصحي ؟؟
هل سينجح في أتمتة الإمور بحلول عام 2016 حقا ؟؟!!
| |
|
|
|
|
|
|
|
|
|
Re: هنئوني .. حصلت على شهادة من مايكروسوفت في قواعد البيانات (Re: محمد قرشي عباس)
|
الاخ محمد
هل انت موجود في أمريكا ام في مكان آخر
اشجعك على ان تو اصل في جانب الأدارة
الآن لقد لاحظت ان هناك ترند جديد في فصل الأثنين الأدارة من البرمجة، ولكن البرمجمة مهمة للدي بي آي والمبرمج مثل دوت نت او سي شارب فبدون لغة سيكويل لا يستطيعون العمل
مهمة مدير قاعدة البيانات تحتاج للإثنين ففي الادارة بالاضافة لما ذكرت انشاء السيرفر انستانس وباك اب و ريبلكيشن وغيرها، اذا كانت لديك خبرة فقد لاحظت لا يوجد اهتمام كبير بالشهادات مثل شهادات ميكروسوفت مع اهيمتيها لبعض الشركات اذا كنت تعرف العمل وهناك احتياج كبير لمديري قاعدة البيانات، لقد عينا في الشركة واحد قادم من اثيوبيا وله خبرة ثلاثة سنوات في امريكا وكان يدرس في الجامعة في اديس فله بكلاريوس في الرياضيات وماجستير في الكمبيوتر أيضا اثنين من الهند لهم خبرة كبيرة واحدهم خريج هندسة الكترونية ولكن مقدراته البرمجية عالية ولكن في إدارة قاعدة البيانات مستواه معقول ولكن الجانب الآخر غطي له وقد استطاع ان يتعلم بسرعة، الموضوع يعتمد على السيرة الذاتية بالإضافة للخبرة والشهادات ومقدرتك على الاجابة على الاسئلة التي تنطلق من واقع خبرة عملية وليست نظرية فقط.
كمدير لقاعدة البيانات تحتاج مقدرات تروبلشوتينج والله غلبني اترجمها، وتداخلها مع الابليكشنس ومشاكل السيرفر فالبرمجة هنا تلعب دور بسيط. شهادات مايكروسوفت تفيد كثيرا بالنسة للذين لا خبرة لهم او لا شهادات لهم في مجال الكمبيوتر، وكل شركة تختلف ولكن لاحظت هذا هو الترند العام، فانت طالما تملك خبرة وعندما تكمل الماجستير تستطيع ان تواصل بشهادات مايكروسوفت او بدونها والمهم زيادة الخير خيرين، المهم اذا كنت موجود في امريكا دعنا نتواصل
مع شكري
أبوهريرة
| |
|
|
|
|
|
|
|
| |
محمد قرشي عباس
الرفاعي عبدالعاطي حجر
Abureesh
ombadda
الامين موسى البشاري
نوفل عبد الرحيم حسن
ود الخليفه
نجاة محمد بابكر
أمجد الزين
محمد المسلمي
محمد الأمين موسى
وليد التلب
الشفيع وراق عبد الرحمن
قيقراوي
أمين محمد سليمان
Amin Salim
ذواليد سليمان مصطفى
البحيراوي
محمد علي شقدي
mekki
هيثم طه
omer osman
عاطف مكاوى
مدثر قرجاج
Shihab Karrar
عمار عبدالله عبدالرحمن
حافظ كنجال
الفاتح ميرغني
Elawad
Hololy
شهاب الفاتح عثمان
جدو
ابوهريرة زين العابدين
Emam Hassan
فيس بوك
تويتر
انستقرام
يوتيوب
بنتيريست