|
|
 حسبت ان دموعي قد جفت ولكنها انهمرت لرحيلك يا شاعر الغلابة
|
حيكومات تجي وحيكومات تغور
ويرحل حميد
هودو وقنودو
القدم ما يعز عليك
إلا باشواكه العوارض زاربة من عيني عينيك
إلا أقدار لاب تفاوض
لا تقدر شغلي بيك
بس زمانات عد تعاند وتستخف باشواقي ليك
يا غناي المني مارق
يا مناي الداخرو فيك
يوم خطاي لا بد تفارق غربتا ومنفاي وأجيك
إنتي صبحي الماشي شارق
أو ضحى الضواي وشيك
دام سماي من قلبي بارق يبقى صب مطرك وشيك
والسحيبات حين يجودو الطيور ديلك يعودو
يخضر الزمن اللي عودو حتحت الأيام ورودو
في أمان الله نمرح
مافي أمنا فات حدودو
ويرجع الوطن المدردح لي زمن هودو وقنودو
******
بيني بينك وعد أخضر
صبر طيب يا جميل
شوق مكمتر ريدة واكتر ومو انتظار المستحيل
******
دي الجروف لو ما يعكر وما يتور نفسو نيل
لا بتخدِّر لا بتنوِّر لا مع النسام تميل
انتظرني قصاد شتيلة دابا أول شيلة ليها
التمور صاقعالا هيلا والطيور فرحانة بيها
والشتيلة الشادِّ حيلا
هبت الريح ما عليها
صبَّت المطرة التقيلة قيرة قيرة تلَّقي ايديها
******
انتظرني قصاده ..جايي..
أو قصادك أو قصادي
زي تكني من التخايي ومن علوق الريح جوادي
******
ياتو فينا الفي المرايي انت واللا قمر بلادي..؟
وتمرة فاقشي الليل
ترايي وتبدي في الهواء جاي وغادي
شفت ما فات الغرابة واليمحن في بعادي
ناس طيابة نست عقابا وكان طيابه يرف مبادي
وشفتك إنت
في كل غابة وصحراء وأيِّ صعيد ووادي
يوت تنادي على الغلابة ولا حيات لمن تنادي
****
كان رقابة وراء سحابة
وكان ترابا يضاضي صادي
غرغره الريح بالحرابة وحسبنا الله
...
...
يا بلادي
|
|
 
|
|
|
|
|
|
|
|
Re: حسبت ان دموعي قد جفت ولكنها انهمرت لرحيلك يا شاعر الغلابة (Re: abdelrahim abayazid)
|
فتاح يا عليم .. رزاق يا كريم ..
صلى على عجل ..
همهم .. همهمة ..
حصن للعباد ... وهوزز سبحتو
ودنقر للتراب .. هم فوق همهمة ..
صنقع للسما ..
وكان في الجو في غيم ..
وكم نجمات بُعاد ..
وكان الدنيا صيف ..
لا قالتلو كيف ..
كيف أصبحت كيف ..
لا لمسة حنان .. لا لمسة وداد ..
لا رمشة طريف من قلباً وفي ..
زي أيام زمان ..
أيام الدفي ..
وكانت ماها في .. كانت في المراح ..
شدتلو الحمار ..
تحلب في الغنم لي شاي الصباح ..
والطير ما نضم ... ما رسل نغم ..
عم عبد الرحيم أتوكل نزل ..
في المشرع لقى .. زملان الشقى
الجاء من الجريف .. الجاء من الجبل
عل الناس بخير ..
صبح هاظرم
نقنق ناقرم ..
غاظوه ونعل
وعم عبد الرحيم ما يخبر زعل ..
كل الناس هنا ما بتخبر زعل ..
تزعل من منو .. وتزعل في شِنو ..
كل الناس هنا .. كل الناس صحاب ..كل الناس أهل
والماهم قراب .. قربم العمل ..
الطاق اليطق عشت أبو الزمل ..
بالحالة العليك بالفال بالأمل ..
عم عبد الرحيم كُت فلاح في يوم ..
في أيدك تنوم .. على كيفك تقوم ..
لا دفتر حضور .. لا حصة فطور ..
تقرع بالقمر .. تزرع بالنجوم ..
لكن الزمن دوار لا بدوم ...
وعم عبد الرحيم ماشي على الشغل ..
في البال القديم
إتعارض تُكل ..
تنشايح جراح يا 000..
كيف الغسل ..
الدِنيا أم صلاح .. تبدأ من التُكل ..
في حق الملاح .. في اللبس الجديد ..
في القص القديم .. وبيناتن عشم ..
في الفرج البعيد ..
أمونه الصباح قالتلو النعال ..
والطِرق إنهرن ..ما قالتلو جيب
شيلن يا الحبيب .. غشهن النقُلتي والترزي القريب
بس يا أم الحسن ..
طقهن لا بفيد ....
إنطقن زمن ..
وإنطق الزمن لازمك توب جديد ..
وبأياً تمن ..
غصباً للظروف والحال الحرن ..
شان يا أم الرحوم .. ما تنكسفي يوم
لو جارتنا جن .. مارقات لي صفاح
أو بيريك نجاح .. ده الواجب إذن
وإيه الدنيا غير .. لمت ناس في خير
أو ساعة حزن ..
عم عبد الرحيم يا حر ..
ات ماك حر ..
ياريت التمر ياريت لو يشيل كل تلات اشر ..
ولا أيام زمان كانت ما بتمر ..
كان ما جاك هوان وما لاقاك ضر ..
كان لا ضقتي ضيق لا اتغرغر صبر ..
لا شابيت غريق لا طوح فقر ..
وكان ما كان ... وكان اكسيكي در ..
والماهية أُف .. عيشة هاك وكُف
في هذا الزمن .. تُف يا دنيا تُف
يا العبد الشقي .. ما إتعود شكِي
لكن الكفاف فوقك مُنتكي
والسوق فيك يسوق ..حالك ما بتسر ..
إلا كمان في ناس فايتاك بالصبر ..
ساكنين بالإيجار لا طين لا تمر ..
واحدين بالإيجار ما لاقين جُحر ..
سلعتم الضراع والعرق اليخر ..
عمال المدن .. كلات المواني ..
الغبش التعاني ..
بحارة السفن .. حشاشة القِصون ..
لقاطة القطن .. الجالب الحُبال
الفِطن الفرن .. الشغلانتو نار ..
والجو كيف سُخن ..
فرقاً شتى بين .. ناساً عيشا دين ..
مجرورة وتجر ..
تقدح بالأجر .. ومرة بلا أجر ..
عيشن كم هو .. وديشن هانقدر ..
وناساً حاله زين ..
مصنع .. مصنعين ..
طين في طين وين ..
ما مرابه مُر ..
بارد همها .. لا يعرق جبين ..
لا وشاً يصُر ..
عين والله عين ..
كلها كمها .. وعزها هان قدر ..
في الجنة أم نعيم .. في الجنة أم قصُر ..
يا عبد الرحيم إلا وراء القبر ..
ويُلكز في الحُمار .. لا تسرح كُتر
فتاح يا عليم ..
وإن كان القفر يا عبد الرحيم ..
أشبه بالكفر ..
حيكومات تجي .. وحيكومات تغور ..
تحكُم بالحُجي .. بالدجل الكجُور ..
ومرة العسكري كسار الجبُور ..
يوم باسم النبي تحكمك القبور ..
تعرف يا صبي ..
مرة تلف تدور .. ولا تقول برِي ..
أو تحرق بخور ..
هِم يا الفنجري .. يالجرف الصبور ..
كل السمتو مات .. باقي على التمور
وأرضك راقدي بُور ..
لا تيراب وصل .. لا بابور يدور
ونقرط للحمار .. نقريطة الحمار
لا تنسى النعال ..
الطِرقي .. الخضار .. اللبس الجديد
تسريح السفر للماشي الصعيد .. ماشي الديش نفر
والبال إشتغل .. والبال إشتعل بالآبى ما يعيد
الحول ما إشتغل ..
الغُبن الشديد .. السابا ورحل ..
الضيق المحل .. والفرج القريب ..
الجاء وما وصل ..
زي الحال ده يوم لا كان لا حصل .. والبال إشتغل
السكة الحديد يا عمو القطر ..
يا عبد الرحيم قدامك قطر ..
وسال الدم مطر ..
وطارت دمعتين ..وإنشايح وتر
يا طاحن الخبر ما بين القضا ومرحاكة القدر
الشهدوا الدموم .. والدمع الهدر ..
إيدهم في التراب .. والعين في القطر ..
عارفين الحصل .. عارفين في حذر ..
الخبر اليقين بوّخ وإنتشر ..
أطفال القرى وعمال الحضر ..
أدوه الطيور ودنو البحر ..
إنصاعد سحاب وإندافق مطر ..
عم عبد الرحيم في الشارع عَصر ..
لي تاله اليسار متفادي الكجر ..
دورية الكجر .. عربية الكجر ..
جفلت الحمار وطوّح زي حجر ..
وعم عبد الرحيم إتلافا القطر ..
فتاح يا عليم .. سال الدم مطر ..
جرتق للتراب .. منشور بي كتاب ..
روشتة وجواب .. وماهية شهر ..
مفتاح آب غراب .. أورنيكين سهر ..
جنب لبدة حمار مقطوعين ضهر ..
عم عبد الرحيم يا كمين بشر ..
صحي الموت سلام ..
ما يغشاك شر
| |
|
|
|
|
|
|
|
|
|
Re: حسبت ان دموعي قد جفت ولكنها انهمرت لرحيلك يا شاعر الغلابة (Re: abdelrahim abayazid)
|
اللهم اغفر له و ارحمه و اعف عنه و عافيه
و اكرم نزله و وسع مدخله
و جازه بالاحسان احسانا و بالسيئات عفوا و غفرانا
اللهم ان كان محسنآ فزد فى إحسانه و إن كان مسيئآ فتجاوز عن سيئاته
اللهم وسع قبره و اجعل فيه الفسحة و السرور والضياء و النور و باعد بين جنباته
و لا حولا و لا قوة الا بالله
و إنا لله و إنا اليه راجعون
و العزاء موصول لأهله بنورى و لأصدقائه و كل معارفه و الى الشعب السودانى الذى أسعده هذا الشاعر الرقيق بجميل كلماته
| |
|
|
|
|
|
|
|
|
|
Re: حسبت ان دموعي قد جفت ولكنها انهمرت لرحيلك يا شاعر الغلابة (Re: abdelrahim abayazid)
|
فتاح يا عليم .. رزاق يا كريم ..
صلى على عجل ..
همهم .. همهمة ..
حصن للعباد ... وهوزز سبحتو
ودنقر للتراب .. هم فوق همهمة ..
صنقع للسما ..
وكان في الجو في غيم ..
وكم نجمات بُعاد ..
وكان الدنيا صيف ..
لا قالتلو كيف ..
كيف أصبحت كيف ..
لا لمسة حنان .. لا لمسة وداد ..
لا رمشة طريف من قلباً وفي ..
زي أيام زمان ..
أيام الدفي ..
وكانت ماها في .. كانت في المراح ..
شدتلو الحمار ..
تحلب في الغنم لي شاي الصباح ..
والطير ما نضم ... ما رسل نغم ..
عم عبد الرحيم أتوكل نزل ..
في المشرع لقى .. زملان الشقى
الجاء من الجريف .. الجاء من الجبل
عل الناس بخير ..
صبح هاظرم
نقنق ناقرم ..
غاظوه ونعل
وعم عبد الرحيم ما يخبر زعل ..
كل الناس هنا ما بتخبر زعل ..
تزعل من منو .. وتزعل في شِنو ..
كل الناس هنا .. كل الناس صحاب ..كل الناس أهل
والماهم قراب .. قربم العمل ..
الطاق اليطق عشت أبو الزمل ..
بالحالة العليك بالفال بالأمل ..
عم عبد الرحيم كُت فلاح في يوم ..
في أيدك تنوم .. على كيفك تقوم ..
لا دفتر حضور .. لا حصة فطور ..
تقرع بالقمر .. تزرع بالنجوم ..
لكن الزمن دوار لا بدوم ...
وعم عبد الرحيم ماشي على الشغل ..
في البال القديم
إتعارض تُكل ..
تنشايح جراح يا 000..
كيف الغسل ..
الدِنيا أم صلاح .. تبدأ من التُكل ..
في حق الملاح .. في اللبس الجديد ..
في القص القديم .. وبيناتن عشم ..
في الفرج البعيد ..
أمونه الصباح قالتلو النعال ..
والطِرق إنهرن ..ما قالتلو جيب
شيلن يا الحبيب .. غشهن النقُلتي والترزي القريب
بس يا أم الحسن ..
طقهن لا بفيد ....
إنطقن زمن ..
وإنطق الزمن لازمك توب جديد ..
وبأياً تمن ..
غصباً للظروف والحال الحرن ..
شان يا أم الرحوم .. ما تنكسفي يوم
لو جارتنا جن .. مارقات لي صفاح
أو بيريك نجاح .. ده الواجب إذن
وإيه الدنيا غير .. لمت ناس في خير
أو ساعة حزن ..
عم عبد الرحيم يا حر ..
ات ماك حر ..
ياريت التمر ياريت لو يشيل كل تلات اشر ..
ولا أيام زمان كانت ما بتمر ..
كان ما جاك هوان وما لاقاك ضر ..
كان لا ضقتي ضيق لا اتغرغر صبر ..
لا شابيت غريق لا طوح فقر ..
وكان ما كان ... وكان اكسيكي در ..
والماهية أُف .. عيشة هاك وكُف
في هذا الزمن .. تُف يا دنيا تُف
يا العبد الشقي .. ما إتعود شكِي
لكن الكفاف فوقك مُنتكي
والسوق فيك يسوق ..حالك ما بتسر ..
إلا كمان في ناس فايتاك بالصبر ..
ساكنين بالإيجار لا طين لا تمر ..
واحدين بالإيجار ما لاقين جُحر ..
سلعتم الضراع والعرق اليخر ..
عمال المدن .. كلات المواني ..
الغبش التعاني ..
بحارة السفن .. حشاشة القِصون ..
لقاطة القطن .. الجالب الحُبال
الفِطن الفرن .. الشغلانتو نار ..
والجو كيف سُخن ..
فرقاً شتى بين .. ناساً عيشا دين ..
مجرورة وتجر ..
تقدح بالأجر .. ومرة بلا أجر ..
عيشن كم هو .. وديشن هانقدر ..
وناساً حاله زين ..
مصنع .. مصنعين ..
طين في طين وين ..
ما مرابه مُر ..
بارد همها .. لا يعرق جبين ..
لا وشاً يصُر ..
عين والله عين ..
كلها كمها .. وعزها هان قدر ..
في الجنة أم نعيم .. في الجنة أم قصُر ..
يا عبد الرحيم إلا وراء القبر ..
ويُلكز في الحُمار .. لا تسرح كُتر
فتاح يا عليم ..
وإن كان القفر يا عبد الرحيم ..
أشبه بالكفر ..
حيكومات تجي .. وحيكومات تغور ..
تحكُم بالحُجي .. بالدجل الكجُور ..
ومرة العسكري كسار الجبُور ..
يوم باسم النبي تحكمك القبور ..
تعرف يا صبي ..
مرة تلف تدور .. ولا تقول برِي ..
أو تحرق بخور ..
هِم يا الفنجري .. يالجرف الصبور ..
كل السمتو مات .. باقي على التمور
وأرضك راقدي بُور ..
لا تيراب وصل .. لا بابور يدور
ونقرط للحمار .. نقريطة الحمار
لا تنسى النعال ..
الطِرقي .. الخضار .. اللبس الجديد
تسريح السفر للماشي الصعيد .. ماشي الديش نفر
والبال إشتغل .. والبال إشتعل بالآبى ما يعيد
الحول ما إشتغل ..
الغُبن الشديد .. السابا ورحل ..
الضيق المحل .. والفرج القريب ..
الجاء وما وصل ..
زي الحال ده يوم لا كان لا حصل .. والبال إشتغل
السكة الحديد يا عمو القطر ..
يا عبد الرحيم قدامك قطر ..
وسال الدم مطر ..
وطارت دمعتين ..وإنشايح وتر
يا طاحن الخبر ما بين القضا ومرحاكة القدر
الشهدوا الدموم .. والدمع الهدر ..
إيدهم في التراب .. والعين في القطر ..
عارفين الحصل .. عارفين في حذر ..
الخبر اليقين بوّخ وإنتشر ..
أطفال القرى وعمال الحضر ..
أدوه الطيور ودنو البحر ..
إنصاعد سحاب وإندافق مطر ..
عم عبد الرحيم في الشارع عَصر ..
لي تاله اليسار متفادي الكجر ..
دورية الكجر .. عربية الكجر ..
جفلت الحمار وطوّح زي حجر ..
وعم عبد الرحيم إتلافا القطر ..
فتاح يا عليم .. سال الدم مطر ..
جرتق للتراب .. منشور بي كتاب ..
روشتة وجواب .. وماهية شهر ..
مفتاح آب غراب .. أورنيكين سهر ..
جنب لبدة حمار مقطوعين ضهر ..
عم عبد الرحيم يا كمين بشر ..
صحي الموت سلام ..
ما يغشاك شر
| |
|
|
|
|
|
|
|
|
|
Re: حسبت ان دموعي قد جفت ولكنها انهمرت لرحيلك يا شاعر الغلابة (Re: abdelrahim abayazid)
|
جرتق للتراب
يا حميد..
**
خوفي من تلحق رفيقك
خوفي من تلحق رفيقك
يا بريق نجم الحيارى
وإنت لا نّور طريقك
لا شرق فجر السهارى
من زمن يا صحوة طلعك
غصة في حلق الصحارى
حتى شال النمة فرعك
دودى زي وهج البشارة
قلنا يا سعد المواسم
عودك المليان جسارة
عودك الفجري المصادم
بالبصيرات والبصارى
مستحيل يرضخ يساوم
مهما كان الريح حصارا
يفضل النخل البقاوم
في السقوط نخل الفقارى
يا اندلاع صوت الغفاري
في حلق دغش الغلابا
لو خريفك تاني يطرح
آه يا اخر سحابة
لما يا شرف المواكب
يبقى هم الناس إمارة
تندحر كل المناصب
ينكسر كرسي الوزراة
كنتو وين وين إنتو كنتو
كنتو وين
لما الشوارع ما ثبت قداما مرتق
نفضّت صمت المسافة
مّدت الشوق المضارع
للصباحات التجرتق
كف شهيدا البق مارق
من فرقة الظلمة فجرًا
تم بي دموّ الشرافة
وضم حضن الارض عاشق
كنتو وين وين انتو كنتو
لما كان في سجنو ثائر
بي جلابة السونكي نومتو
ويصحى بي أمر العساكر
قومتو في الزنزانة يمحى
ويفتح الاف الحناجر
تجدب الاطفال ويكتب انبل الاشعار لباكر
تشطب السجان وصوتو
ويبقى فنانا البساسق
كنتو وين . وين انتو كنتو
لما فضل الدين عباية
تدبي فوق كتف الغنايا
تنتصب في الجو طوابق
تنقلب في التو بنوكا
للبداهن
والبنافق
والبوافق
لما كان نفس العبايا
تتنفخ بي قدرة حبلا
لي قصار عمر الكحايا
من جُنب تنسلا سيفًا
عبَّر السواهو سارق
شدة الفقر الخرافي
حدة الشغل اللي مافي
رُغم الاف المتاجر
والخوازيق والمرافق
كنتو وين انتو كتو
لما البيوت في الشمال قامت خنادق
للكتابات البتنزل فوق ضهاريهم مطارق
لما طلاب الحقيقة كانو بختارو المشانق
ولما لسة الله بموت في الجنوب
بين البنادق
كنتو وين وين انتو كنتو
آهي يا وطني المستَّف
في المطارات القصية
آهي يا كفني المنتَّف
في مدارات القضية
آهي يا صمتي المكتَّف في العبارات الندية
آهي يا نفسي الملطَّف بالنهارات الصبية
آهي من رفع المصاحف بالرماح الاجنبية
المعاطف اجنبية
العواطف اجنبية
الجلاليب اجنبية
الدولايب اجنبية
الدهاليز اجنبية
السراير اجنبية
المساير اجنبية
صبة الكآس اجنبية
ختة الراس اجنبية
رشة الدلكة اجنبية
رعشة الفركة اجنبية
طفية النور اجنبية
والخوازيق
عربية
عربية
عربية
فضي نارك يا محارب
وللا هات البندقية
غني عشقك يا صبية
احنا قدامك مدارك
غني للوطن المفارق
عشت يا وطني المبرق
بالندى ولون المشارق
يا محرق
يا محرّق
يا مجرب
عشت بي شرف البنادق
ويسقط
العفن ال بتلب فوقنا من شُرف الفنادق
يسقط
يسقط
يسقط
| |
|
|
|
|
|
|
|
|
|
Re: حسبت ان دموعي قد جفت ولكنها انهمرت لرحيلك يا شاعر الغلابة (Re: abdelrahim abayazid)
|
يا غيم بلا كلفة
يا غيم بلا كلفة
أدَّ الوطن بُلاّل
ناساً فرِِد وقفة
أبقالُن الضُلاّل
..
خدِّر حراز جفَّ
رجعلو طيراً ضال
قلباً وراك خفَّ
ما دار بلاك تقّال
..
غنيت من المنفى
للحلم والأطفال
موّالي ما كفَّى
يا غيم أرِم موّال
..
يا غيم بلال في الضيق
وكم من بلال لا زال
ما صادفو الصدِّيق
مجرور على الرمّال
..
من نتقة الكانديك
ماسك في أحَد تقّال
في الكير دبارتو عليك
وما أصعب الشلال
...
غرقان وريقو دقيق
يا غيم تعال وتعال
من فوق وتحتو حريق
وبعض الصبر هقّال
ما يطفي هادي النار
ما يشفي إلاّ النار
نار المطر يا نار
تار النبيين حار
...
يا نسمة يكفي سفر
يا رحمة صدّي الدار
في كل زول في مطر
وياما إحنا يمة كتار
...
يانا العربنا النيل
من جملة الأنهار
وكالنيل نفسنا طويل
وزي موجو .. وين ننهار !؟
...
يا هاجر التسعى
بين الوطن والبال
السبعة فوق سبعة
قمراً سمح مو هلال
...
وتحت القمر رجّال
عمرت بها الحلاّل
بتوعِّي في الأجيال
إنو الحِلم مو خيال
...
عودني جرحي أوعى
ما السخرة والرأسمال
ما الطيبي والروعة
والصيبي في العمّال
...
من دمعة لي دمعة
شافع غناي رحال
قادر على اللوعة
وصابر على الآمال
..
يا أم عطشةّ إسماعيل
يا أم رعشةّ الأطفال
ترفس فكان النيل
وكان العشم والفأل
...
باب الفجر بفتح
فتح النَفِس موّال
فتح اللبق في الصيف
تالا الشتل تربال
...
باب الفجر بفتح
لا ضيق ولا إستعجال
والظلمة تترايم
عند دقة الرجّال
...
هز الفجر يا خي
وأم ضي رمت شبّال
عرض البلد صي صيْ
وشويمت يا البلال
...
خشّيت على حلة
لاقيت شعاعاً ضال
من ضو صباح الله
ضارب لو في رحّال
...
قاعدلو فوق بنبر
يتمطق الأطلال
ماسك حمام أخضر
يسقيهو في موال
...
حين عشرق السكر
يمة الحمام شِن قال
قُصّر أم القيصر
يسكر بدم أطفال
...
طار الحمام
في الحال
الزيفة بوخه لوى
من قبلي برقاً شال
جاب البشارة هوا
...
دلّو الليالي تقال
وطلق المطيرة خوى
جوانا بتّق طال
عشماً عويدو قِوى
...
وغنّا الشعاع الطال
غنينا طلنا سوى
شال النغم عتّال
بايتين عيالو قوى
...
باكرنا سترة حال
باكر رغيف وروى
باكرنا بقة فأل
باكر كتاب ودوا
...
باكرنا للأجيال
ينشرّا نور وهوى
لا تلاقي فيهو وبال
لا هم بعاد لا جوى
منذ أكثر من سنة
وملعون ابو الفرقه
ملعون ابو الدولار
ياغيم بلاكلفه
| |
|
|
|
|
|
|
| |
abdelrahim abayazid
محمد حيدر المشرف
saif basheer
عبدالكريم عبدالله
فيس بوك
تويتر
انستقرام
يوتيوب
بنتيريست