|
|
|
 Re: وزير الداخلية ووالىالخرطوم يؤكدان وقفتهم مع (أسرة )عوضية ودعمها (Re: Deng)
|
Quote: كذب ونفاق الغرض منه أمتصاص الغضب الهادر.
سقطت سقطت يا كيزان.
وكلمة سقطت هذا، تشمل أخلاقكم قبل سلطلتكم الغاشمة |
دينق انت زول قلبك حاقد ليس الا ... وزول فتنة ومن الناس البستغلوا الحادثة لتحقيق اجندتهم المريضة . والخبيثة .. قلت انوا عوضية استهدفوها عشان جنس عذر اقبح من الذنب ووقائع الحادثة بعيدة كل البعد من كذبك وتلفيقك انت وكودى حقيقة تشيعون ثقافة الانتقام والثار بطريقة مقذذة جداً ..
| |
 
|
|
|
|
|
|
|
|
Re: وزير الداخلية ووالىالخرطوم يؤكدان وقفتهم مع (أسرة )عوضية ودعمها (Re: أيمن دياب)
|
يا أيمن، أنا مسموح لي أجاوب بغير نعم أو لا؟ ......... شكراً
طلب الوالي تعديل البيان عشان الناس يروّقوا المنقة (تحنيسة يعني) وقال ليهم حنسمي شارع بإسم عوضية.
ولو بعد كده ما رضوا ........ حيجيب ليهم حلاوة حربة.
يعيش عمّو الوالي
____
يا فدوى .... ما دام وزير الداخلية ووالي الخرطوم ديل حقانيين كده .... كلميهم لينا بالمرة، يقيفوا مع أسرة صفية إسحق كمان.
| |
|
|
|
|
|
|
|
|
|
Re: وزير الداخلية ووالىالخرطوم يؤكدان وقفتهم مع (أسرة )عوضية ودعمها (Re: حمزاوي)
|
| Quote: البيان طلب الوالى بتعديله ياصديق ويجب ان لانصب مزيد من الزيت على النار ونشين سمعة اسرة عوضية رحمها الله |
طلب تعديلو كيف موش بيان رسمي من وزارة الداخلية ؟!!
يعني الوالي عاوز يتستر علي اسرة فاسدة بتاعت خمور ؟؟
ولا وزارة الداخلية وزارة كاذبة ومضللة وغير مسئولة وبالتالي وجب اقالة الوزير بكامل طاقمه ؟!!
يا فدوى انت الان جزء لا يتجزا من هذه الجريمة انت لا تستحقين ان تكوني امراة لا يوجد انسان سوي يعمل علي تبرير الخطا بل ليس خطا انه جريمه وعار في جبين الحكومة كلها وان لم تخلو يوم من عار
اخس عليكم عالم معدومة الضمير نهائيا لو كان بالسودان شعب غيور علي ارضه وعرضه لنصبت لكم المشانق لكن خسارة لم يعد هنالك شعب بل خيالات ماتة
| |
|
|
|
|
|
|
|
|
Re: وزير الداخلية ووالىالخرطوم يؤكدان وقفتهم مع (أسرة )عوضية ودعمها (Re: محمد حسن العمدة)
|
يا محمد حسن العمدة يجب ان تفهم موقفى من البداية انا لم ابرر لاحد قلت حسب كلام الوالى الذى هاجم البيان صوناً للحق الأدبي والنفسي وانا ذاتى لم اقبل بيان وزارة الداخلية واتفق مع اسرة عوضية فى انوا البيان يشين بسمعتهم حادثة الديم لاتسر أحد اكيد لانو الوقائع الفيها بلا شك محزنة شديد .ولا تمت بصلة للمعاملة الكريمة من قبل شرطة النظام العام مع اسرة الشهيدة .
واكرر هذه الحادثة قتلت فيها الشرطة روح بريئة وكان موقفى تجاهها من البداية واضح عشان تانى ماتجى تتهمنى بهذه الاتهامات المافى محلها .
| |
|
|
|
|
|
|
|
|
|
Re: وزير الداخلية ووالىالخرطوم يؤكدان وقفتهم مع (أسرة )عوضية ودعمها (Re: فدوى الشريف)
|
Quote:
البيان طلب الوالى بتعديله ياصديق ويجب ان لانصب مزيد من الزيت على النار ونشين سمعة اسرة عوضية رحمها الله |
فدوى ............. سلام تربيع
معقول يا فدوى هسه انا ناهيك عن دولة باكملها تطلع ليها بيان تقول شارع بيتكم
او شارع بيتنا فيه ساقطات وتوزعه على العالم كله وبعدين الوالى يعتذر والموضوع يكون عادى؟
من الذى شان سمعة عوضية واسرتها وعلى العالم باسره وكل سكان الشارع اليس هو هذه الحكومة الخيبانة؟
اذا كنت انت لم ترضيها منى انا الشخص الواحد فماذا تقولى لهذه الحكومة الجائرة؟
كيف تحكمين يا بت القبايل ؟
فدوى انا وانت والوالى كلنا كتادحون كدحا لملاقاة ربنا ارجوا ان لايعميك انتمائك للمؤتمر الوطنى عن قول الحق
فاذا كان الوالى والوزير ومدير الشرطه يقبضون وخائفين على مصالحهم و يكذبون ويزورون
من اجل هذه المصالح الـــــــتا فـــ ــهة فما الذى يجبرك انت يا عزيزة؟
| |
|
|
|
|
|
|
|
|
|
Re: وزير الداخلية ووالىالخرطوم يؤكدان وقفتهم مع (أسرة )عوضية ودعمها (Re: صديق الموج)
|
| Quote: واكرر هذه الحادثة قتلت فيها الشرطة روح بريئة وكان موقفى تجاهها من البداية واضح عشان تانى ماتجى تتهمنى بهذه الاتهامات المافى محلها . |
مافيش اتهامات مافي محلها يا فدوى
انتي الان بتروجي للفساد والعبط ومحاولات التهرب سوا من الوالي او وزير الداخلية البيان الصادر من وزارة الداخلية القتل الشهيدة وقتل اسرتها الف الف مرة ... لا يمكن ان يقتلو القتيل ويمشو في جنازتو ويشوهو سمعتو ويظل ذات الوزير يمارس الدجل والعبط والاستهبال وانتي تكتبي عنوان كبير في المنبر باسم وزير الداخلية ووالي الخرطوم وتروجي لمحاولات التملص من الجريمة بل هي اكثر من جريمة حتى ايداع الملازم في السجن يعتبر جريمة فليس هو وحده من يجب ان يودع السجن البيان يمثل وزارة الداخلية باجمعها والوزير هو المسئول الاول عن كل صغيرة وكبيرة في الوزارة ام فقط يفهم كيف يخرج المكافاة والحوافز ؟!!
علي وزير الداخلية ووالي الخرطوم بكامل حكومته الاستقالة فورا وتقديمهم جميعهم للمحاكمة
| |
|
|
|
|
|
|
|
|
 Re: وزير الداخلية ووالىالخرطوم يؤكدان وقفتهم مع (أسرة )عوضية ودعمها (Re: فدوى الشريف)
|
البيان الصادر من الشرطة ومع الإفتراض جدلا بصحة المعلومات الواردة فية لا يبرر الجريمة التي قام بفعلها ضابط الشرطة المسؤل عن عربة الدورية المذكورة، إفادات الشهود التي وردت عبر المواقع الإلكتروية تفضح مدى الكذب والتلفيق في بيان الشرطة، منع صحف الخرطوم في التعاطي مع الخبر إلا في حدود بيان الشرطة و كل ذلك يفضح المحاولات الفاشلة للشرطة لحجب الحقيقه والتستر على الجريمة تعديل البيان دون الإعتراف بالكذب الوارد في البيان السابق والإعتذار عنة ومحاسبة المسؤل عن الكذب الوارد فيه يجعل من تعديله محاولة جديدة للتمادي في حجب الحقائق والتستر على جرائم الشرطة
| |
|
|
|
|
|
|
|
|
|
Re: وزير الداخلية ووالىالخرطوم يؤكدان وقفتهم مع (أسرة )عوضية ودعمها (Re: فدوى الشريف)
|
اختنا فى الانسانية والمواطنة
قدمنا الانسانية على المواطنة لان الانسان قبل الاديان والاوطان
ولان الاوطان ان لم يكن بها بشر تظل كما الربع الخالى (وليس اقليم )
وشريطة ان يسمى الجزء من الارض باقليم هو توافر العنصر البشرى به
كويس
اها
Quote: دعمها قانونيا واجتماعيا وماديا
وهذا ما يجب ا يكون |
الكلاام دا مبهم ويشوبة عيب الخطأ اذ كيف لوزير اعطى مستخدمية الضوء
الاخضر ل( شوت تو كل ) ان يدعم اسرة الضحية قانونيا ؟ كدا فهمينا ياخ
| Quote: وعدم اشعال ثورة غضب من شأنها تحقيق مكاسب للمندسين |
المندسين ديل منو ؟؟؟ ناس نحن يعنى؟؟ غايتو شايف انك استلمتى المايك من عائشة القذافى
| Quote: الذين يسعون لاستغلال الحادث لتحقيق اجندة خفية وهذا مايحدث فى المنبر الذين يثيرون فتنة القبلية |
دا اسمو اتهام بالتآآآمر باقى ليك تمسكى مسدس زى هالة المصراتى و(تورورى) بيهو بس للناس
يا زولة استهدى بالله وختى الرحمن فى قلبك والثورة قادمة قادمة واسباب مقومات الثورة متوفرة وبالكوم
اديك منها
الفساد الادارى والمالى
مصادرة الحريات وغياب الديمقراطية وانعدام العدالة الاجتماعية
البطش و التنكيل بالخصوم السياسيين
افساد الحياة السياسية والاجتماعية والاقتصادية والاخلاقية
احتكار السلطة والثورة والتوظيف وعييييييك وحتى انفاس الناس
الانهيار الاقتصادى المريع بعد ايقاف ضخ البترول
انتى قايلة الناس بتعمل ثورات ليه ؟؟ ما علشان انعدام الحاجات دى
ولا كــــــــــــيف ؟؟؟
قاسم المهداوى
| |
|
|
|
|
|
|
| |
فدوى الشريف
Deng
صديق الموج
محمد أبوالعزائم أبوالريش
مرتضى احمد عبد القادر
saif massad ali
عمر التاج
Adil Ali
قاسم المهداوى
Khalid Kodi
فيس بوك
تويتر
انستقرام
يوتيوب
بنتيريست