|
|
 التلفزيون الاثيوبى ( وردى سلامنو )
|
بالامس فى الفترة الصباحية وعلى القناة الاثيوبية الرئيسية قدمت برمجة لمدة زمنية معتبرة عن (وردى ) ، والله العظيم لقد خجلت للمحطات الفضائية السودانية ، امنت بالله ، عمل بسيط لكن صادق ، ومعبر ، ساحاول الحصول على تسجيل للمادة لعرضها هنا
|
|
  
|
|
|
|
|
|
|
 Re: التلفزيون الاثيوبى ( وردى سلامنو ) (Re: محمد حامد جمعه)
|
استاذنا ود السنى
انا بصحى سمع وشوف ، وكنت اصلا متوقع الكلام دا ويمكن عارفو ، تصدق قبل نحو عام وشوية كنت فى اديس ابابا ، مشروع فكرة شغل ومبحث عن وردى دا بالذات ، العمق الافريقى بتاعو وتمددو هناك ، الناس ديك بتجيز نفسها للغنا هناك بـــــــــــــــ( ما تخجلى يا السمحة قومى استعجلى ) تصدق هناك لقيت فنانين كبار ونجوم اوزان ثقيلة (محمود احمد ) مثلا دا عارف مباحث عن وردى دا حكاية ، لقيتو مسافر فرنسا ووعدتو ارجع اليه لكن تقول شنو ، الله ما طلق ، اها فى فنان هسة تنسك ، لزم الكنسية ، بقى زمارى (يعنى بتاع مزامير ) وتراتيل دا تجيب ليهو سيرة وردى بقول ليك ...هسة بمرق من الدير دا بغنى تانى ...غنا وردى ... ودا فنان كبير ، كبير ورمز من رموز الفن الاثيوبى ، وعندو غنا كتير بعتبروه ساس الغنا الحبشى زولنا المتنسك دا
اها بالاجواء دى جماعتنا ديل عملو مادة والله تكفى وردى وتغنى عن الكلام فى تلفزوينم البسيط دا ، اصبر بس وقول يا لطيف لغاية ما الم فى التسجيل ، شفت لو اسافر ليهو بجيبو ونشوف كلنا
| |
|
|
|
|
|
|
| |
محمد حامد جمعه
محمد سنى دفع الله
خضر الطيب
حمد عبد الغفار عمر
Adam Omer
فيس بوك
تويتر
انستقرام
يوتيوب
بنتيريست