|
قناة الشروق تعاني من زكام وجيوب أنفية مزمنة
|
ينتابني هذا الشعور والإحساس ممزوجاً برغبة قوية في التنفس كلما أطلت المذيعة إكرام محمد عبدالله وأختها إيمان بركية عبر شاشة الشروق هذا مع إحترامي للحضور والطلة الوقورة - لكنهما تعانيان إنسداداً في أعلى الجهاز التنفسي يؤثر على صوتيهما - هذا بعد رصد ومتابعة طويلة وأشير إلى أنني استعرت العنوان والفكرة من عبارة عمي وأستاذي جعفر محمدأحمد، حيث يطلق على قناة الشروق إسم القناة المزكومة لهذا السبب.
|
|
|
|
|
|
|
|
Re: قناة الشروق تعاني من زكام وجيوب أنفية مزمنة (Re: أبوعبيدة محمد الأمين)
|
انا تاني من يوم الليلة ما بناديك الأ بيا دكتور ابوعبيدة اختصاصي الانف والاذن والحنجرة
دي قلبت فيها الهوبا ، شكلو مزاجك رايق وايامك باسطة
وكمان ازيدك من الشعر بيت القناة دي قالوا فيها مسئول اردني شغال فصل في الموظفين السودانيين
اها يقوم يقرأ البوست بتاعك ده ويلقاها فرصة في البنيات المسكينات ديل ويشلحن من الصباح
وكمان في واحد اسمو اسماعيل تيسو بالله ادينا تقييم لصوتو.
تشكرات كتيرات جدن.
| |
|
|
|
|
|
|
Re: قناة الشروق تعاني من زكام وجيوب أنفية مزمنة (Re: عبد اللطيف السيدح)
|
تحياتى اخى ابو عبيدة،،
Quote: ينتابني هذا الشعور والإحساس ممزوجاً برغبة قوية في التنفس كلما أطلت المذيعة إكرام محمد عبدالله وأختها إيمان بركية عبر شاشة الشروق |
صدقت فى ما ذكرت نفس الملاحظة ارددها كلما تطل علينا المذيعة ايمان بركية عبر برنامجها الجيد المتعلق بتوثيق تاريخ الاحياء .. وفعلا التقديم والكلام الذى يخرج من المناخير لا يليق ولا يتناسب مع مهنة كهذه .. اعتقد انه ومن ابسط ابجديات العمل كمذيعة او مذيع ان تكون مخارج الحروف هى الاوضح على اقل تقدير ممكن .. فبالله يا ناس الشروق انتبهوا لهذه الملاحظة او اعملوا على علاج هذه الامراض المزمنه ..
| |
|
|
|
|
|
|
Re: قناة الشروق تعاني من زكام وجيوب أنفية مزمنة (Re: على محمد الخير)
|
الأخ/علي محمد الخير حياك الله بالخير
نردد ماقلته Quote: التقديم والكلام الذى يخرج من المناخير لا يليق ولا يتناسب مع مهنة كهذه .. اعتقد انه ومن ابسط ابجديات العمل كمذيعة او مذيع ان تكون مخارج الحروف هى الاوضح على اقل تقدير ممكن .. فبالله يا ناس الشروق انتبهوا لهذه الملاحظة او اعملوا على علاج هذه الامراض المزمنه .. |
ونأمل أن تصل رسالتنا لقناة الشروق
| |
|
|
|
|
|
|
Re: قناة الشروق تعاني من زكام وجيوب أنفية مزمنة (Re: عبد اللطيف السيدح)
|
الأخ الحبيب عبداللطيف السيدح السلام عليكم ورحمة الله
أخي ياعبداللطيف الشروق قناة رصينة وتعمل بمهنة عالية بالذات في مجال التغطية الإخبارية للشأن الداخلي السوداني أما قولكQuote: وكمان ازيدك من الشعر بيت القناة دي قالوا فيها مسئول اردني شغال فصل في الموظفين السودانيين اها يقوم يقرأ البوست بتاعك ده ويلقاها فرصة في البنيات المسكينات ديل ويشلحن من الصباح |
فما قصدنا إلا الإصلاح والحرص وحقيقة هنالك أشياء لاتصلح المجاملة فيها وأظنك توافقني أن الصوت الواااااااااضح النقي أهم مقومات المذيع ، ولا أظن أن المعيار في الشلح بالشروق على أساس السودانية أو عسكها وإلا لكان ضحى بأختينا إكرام وإيمان ولا يوجد من يلومه حينها فحقيقة ودون مجاملة أصواتهن معيبة بصورة تقدح في مصداقية ومهنية القناة. وعليه يمكن الإستفادة منهن في مواضع اخرى بالقناة غير التقديم أو معالجة هذه العلة الظااااااااااااااااهرة
Quote: وكمان في واحد اسمو اسماعيل تيسو بالله ادينا تقييم لصوتو. |
إسماعيل تيسو إستمعت له في الإذاعة ولا أستحضر غير إسمه الرنان ولكن لا أظن أن إذاعة أمدرمان تجامل في مجال الأصوات مطلقاً لكن الحنجرة الذهبية فما شاء الله يتمتع بها مراسل التلفزيون من دنقلا إسمه هشاب أو كشاب على ما أظن فتستمع إليه وترجع لصوت محمد خوجلي صالحين والكتبي ربنا يحفظه ويزيده ويجيبو الخرطوم قول آمين.
خارج النص: السيدح مابتزعل مني كان قلت ليك أنا جيت الحج؟
| |
|
|
|
|
|
|
Re: قناة الشروق تعاني من زكام وجيوب أنفية مزمنة (Re: نادر النور آدم)
|
الأخ نادر النور آدم تحية طيبة
Quote: فعلا قناة الشروق قناة محترفة بمعنى الكلمة مقارنة بكل القنوات السودانية الأخرى والأستاذة ايمان بركية متمكنة وموسوعية الفهم والاطلاع وبرنامجها رحيق الأمكنة فعلا مميز وطريقتها تلقائية وجميلة ولكن موضوع الجيوب الأنفية دا صعب فعلا.. نتمنى أن يجد الحل |
ولأن قناة الشروق هي درة القنوات السودانية يجيئ حديثكم وكل رواد البوصت ونأمل أن تجد هذه الملاحظات إهتمام إدارة القناة
| |
|
|
|
|
|
|
Re: قناة الشروق تعاني من زكام وجيوب أنفية مزمنة (Re: أبوعبيدة محمد الأمين)
|
يالسيدح
بالنسبة لإسماعيل تيسو:
شاهدته واستمعت إليه قبل لحظات في تقرير للشروق من دبي في تغطية ضافية وراقية لملتقى رجال اعمال صينين وسودانيين بدبي، أعجبني التقرير ومحرره تيسو الذي ظهر موقعاً في آخر التقرير واتضح لي أنه يعاني في التمييز بين الذال والزاي رغم حرصة البائن في إنه ملم ويستطيع التغريق بين هذين الحرفين لكنه وقع في فخ الزاي التي أخرج لسانه لربعه ثم رده من حيث اتى أكثر من مرة، بيد أن الرجال مرة ممتاز والله.
| |
|
|
|
|
|
|
Re: قناة الشروق تعاني من زكام وجيوب أنفية مزمنة (Re: أبوعبيدة محمد الأمين)
|
Quote: ينتابني هذا الشعور والإحساس ممزوجاً برغبة قوية في التنفس كلما أطلت المذيعة إكرام محمد عبدالله وأختها إيمان بركية عبر شاشة الشروق |
أنا مرات بشعر بالقرف و الإحتقان لحدى ما أقرب أعطس !!! ياخ دى مش مزكومه ! دى ( مجلبغه ! ) عديل كدى مويه !!! سلامات أستاذ أبو عبيده محمد الأمين .. و شكرا على البوست ... عبدالماجد
| |
|
|
|
|
|
|
Re: قناة الشروق تعاني من زكام وجيوب أنفية مزمنة (Re: الحاج حمد الحاج)
|
الأخ/الحاج حمد الحاج السلام عليكم ورحمة الله وبركاته
Quote: نخنخة شديدة خاصة للمذيعة فالوضع اشد حساسية من مقدمة البرنامج |
والله ياخي الزولة دي - إكرام - تقدم في هذه اللحظة فاصلاً من النخنخة فيهو شيئ من اللامبالاة من المذيعة وعدم إحترام المشاهد من إدارة القناة - الزولة دي قدمت زميلها حامد منو كده ماعارف - لم نتبين الإسم من شدة النخنخة - لكننا نعرفه حامد الناظر. شفاها الله هي وأختها بت بركية
أرحمونا ياناس الشروق عليكم الله
| |
|
|
|
|
|
|
Re: قناة الشروق تعاني من زكام وجيوب أنفية مزمنة (Re: فدوى الشريف)
|
الأخت/فدوى الشريف السلام عليكم ورحمة الله
Quote: شخصيا معجبة بمهنية الاخوات اكرام وايمان لكن اتفق معاك فيما قلته بالنخنخة الظاهرة فى الصوت واثنى بان المذيع لابد أن تكون مخرجات الحروف لديه واضحة بالاضافة الى مقومات الاداء الاخرى التى تجعل منه مذيع ناجح |
أول مقومات المذيع الناجح هي الصوت الواضح فكيف الحال إن كان الصوت بهذه العتامة الكاتمة للنفس؟ شكراً أختي فدوى على المرور
| |
|
|
|
|
|
|
Re: قناة الشروق تعاني من زكام وجيوب أنفية مزمنة (Re: أبوعبيدة محمد الأمين)
|
هاتفني من جدة قبل لحظات الأخ الكريم والمزميل العزيز/جعفر أحمد الطيب، ضاحكاً وناقداً: ياخ إنت خلاص كملت الكلام كلو بس بقيت علي بت ناس بركية دي؟ هههههه، إنت عارف البت دي خالا منو؟ قلت ليهو والله ماعارفو -قال لي: الممثل المرحوم/فتحي بركية (السميح) قلت له: سبحان الله بعدين يا أبوالجعافر أنا ماعندي مأخذ عليها أو أختها إكرام لكن المشكلة في الصوت المعيب فضحك قائلاً: تعرف في أوروبا والدول المتقدمة ههههه ناس القنوات بجيبوا مذيعين أشكالهم غريبة أو بلغتنا ماوجه تلفزيوني كعنصر جذب للمشاهد وإحتمال ناس الشروق ديل عاملين المسألة دي للفت نظر المشاهد والمستمع فقلت له يارييييييييييييييييييت يكونوا أولاً عارفين المسألة دي وياريت يكونوا قاصدين، وكان غير كده الرماد كال حماد
شكراً أخي جعفر على الإهتمام والمشاركة عبر الأثير
| |
|
|
|
|
|
|
Re: قناة الشروق تعاني من زكام وجيوب أنفية مزمنة (Re: أبوعبيدة محمد الأمين)
|
سلامات قبل الارشفه نحن نحتاج لمواصفات مهنيه تخطيط لكل مناحى حياتنا كلامك صاح يا ابو عبيده ونوافقك فى كل ما ذهبت اليه واليك الاتى تغيبت المذيعه اكرام الاسبوع المنصرم عن تقديم برنامج يهتم بشريحة المغتربين وانشطتهم اعتذر المذيع لغيابها وذلك نسبه لاجرائها عمليه جراحيه نسال الله ان تكون عملية جيوب ناجحه اميين
| |
|
|
|
|
|
|
|