|
|
 هل من أماكن مشبوهة بشارع (41) العمارات بالخرطوم ؟؟!!!!
|
الخرطوم - الأهرام اليوم
استنكر أصحاب المطاعم والكافتيريات السياحية بشارع (41) العمارات بالخرطوم القرار الذي أصدرته محلية الخرطوم باغلاق المحلات رغماً عن استيفائها لكل شروط الترخيص، وندد مالكو المحلات بالقرار واعتبروه استهدافاً واضحاً لهم تترتب عليه عواقب وخيمة عليهم وأسرهم وعلى العمال العاملين بالكافتيريات وقال نائب رئيس لجنة اصحاب الكافتيريات أحمد موسى خلال حديثه لـ (الأهرام اليوم) أمس السبت إن اجتماع اللجنة مع معتمد الخرطوم عمر نمر لم يوضح أسباب الاغلاق وأنه ذكر لهم بأن القرار مقصود به بعض المحلات والأماكن المشبوهة المنتشرة في المنطقة، وأضاف موسى إن المعتمد وجههم بمعالجة الأمر مع أحد مسؤولي المحلية ولكنه الآن تنصل من المسؤولية ونفى أن يكون جاءه توجيه أو قرار من المعتمد بالخصوص، مشيراً إلى أنهم دفعوا للتراخيص مئات الملايين لتطوير المحلات وجعلها سياحية وفقاً لاتفاق مسبق بينهم والمعتمد السابق عبد الملك البرير.
وأضافوا إن بعض المحلات بلغت تكلفة تحديثها مائتي مليون جنيه، وأشار المتضررون إلى أن القرار سيأتي وبالاً عليهم بعد أن باعوا سياراتهم ورهنوا المنازل للبنوك للحصول على قروض لتحديث المحلات مضيفين أنه لا يعقل إلغاء كل ذلك بقرار من المعتمد الجديد ، وهددوا بتصعيد القضية إلى أعلى المستويات من أجل الحفاظ على ممتلكاتهم وعدم تشريد العمال وعدم زيادة معدل العطالة في البلد.
|
|
  
|
|
|
|
|
|
|
|
Re: هل من أماكن مشبوهة بشارع (41) العمارات بالخرطوم ؟؟!!!! (Re: معتصم محمد صالح)
|
الاخ قرض لك التحيه والتقدير
طبعا الشارع دا والسوق دا بالتحديد
كان مشهور من زماااااان
وفيهو كان فندق كنارى وما ادراك مافندق كنارى
وكان جنب الفندق فى قهوة بتاعة حبش
فى زيارتى الاخيره للسودان قادتنى الاقدار لانى ازور الحتات دى
جابتنى الصدفه بهناك ياخ ماتفهمنى غلط , لووول
الموضوع بقى فيهو مخدرات مستورده يعنى كوكايين وهيرووين وعيييك
وشراب نضيف ونسوان نضاف
بس دا مابدى الحق للمعتمد انو يقفل المطاعم النضيفه
مفروض يكون عارف وين ال###### ويكنسوا
واكثر مرتادى المحلات المشبوهة دى بتاعين مواتر وعربات حكوميه
شفتهم بعينى ماقالو لى
البلد خربانه ياقرض
| |
|
|
|
|
|
|
|
|
|
Re: هل من أماكن مشبوهة بشارع (41) العمارات بالخرطوم ؟؟!!!! (Re: خضر الطيب)
|
مافي حاجة بتزعلني قدر القرارات البتخذوها افراد ساي كدا
الحتة المشبوهة قفلوها بعد تثبتوا انه فيها ما يثبت هذه الشبهات
متين يكون عندنا حكومة فاعلة وبرلمان فاعل موش عمد والفات يتخذوا القرارات ساي كدا وتمشي..
عايزين بلد تحكمها مؤسسات مو وجهات نظر خاصة..
ويجب الايغلق اي مكان بدون اثبات في محكمة بواسطة السلطات المعنية وهي البوليس والقضاء..
كل يوم جابيبن ليهم والي ولا معتمد يقطع ويرص بلا فهم ولا علم
| |
|
|
|
|
|
|
|
|
|
Re: هل من أماكن مشبوهة بشارع (41) العمارات بالخرطوم ؟؟!!!! (Re: منال)
|
بلا غلبة كتيرة
يتلمو على بعض ويعملوا شيرنغ ويختوهو في مظروف معنون باسم المعتمد الجديد
زمااااااان قلنا ليهم، ما تطفشوا الناس من الشوارع والحدائق العامة عشان الناس ح تتلاقى، في الخفاء، غصبا عن اي ديانة ولا دستور
لمن تعملوا كده الناس ح تتلاقى في الخفاء، والنتيجة مزيد من ضحايا المايقوما
| |
|
|
|
|
|
|
|
|
|
Re: هل من أماكن مشبوهة بشارع (41) العمارات بالخرطوم ؟؟!!!! (Re: محمد ابراهيم قرض)
|
Quote: وأشار المتضررون إلى أن القرار سيأتي وبالاً عليهم بعد أن باعوا سياراتهم
ورهنوا المنازل للبنوك للحصول على قروض لتحديث المحلات مضيفين أنه لا يعقل إلغاء
كل ذلك بقرار من المعتمد الجديد |
هـم الفالحين ديل شايلين مال البنوك الحرام دا ماشين يربحوا بيهو ..؟
عشان كدا ربنا سلط عليكم شيطان أكبر لكنس الحرام دا ..
ويا نيابة المصارف امانه ما جوكـ زباين ....
| |
|
|
|
|
|
|
| |
طارق جبريل
معتصم محمد صالح
خضر الطيب
amir jabir
Elawad Eltayeb
أحمد ابن عوف
Hisham Ibrahim
فدياس نجم الدين
راشد يحى مدلل
saadeldin abdelrahman
فيس بوك
تويتر
انستقرام
يوتيوب
بنتيريست