|
|
|
 Re: يا أيها البورداب: الى صاج السمك في ليلة رأس السنة، فهل انتم مجتمعو (Re: saadeldin abdelrahman)
|
| Quote: بيني و بينكم بقيت ما ضامن شيئ في بلدنا دي |
بلاااااااااي شوف زي دا !!!
يعمل فيها كانو قاعد في البلد دي و يقول لينا (بيني و بينكم )!!!
بلاااااي قوم لف
مالك وما البلد أنت ؟ و تاني حاجة عمنا جعفر ذاااتو مالو ومالا
ههههههههههههههههههه
لا كمان قال بشرع أنو أنا برا البلد !!!
لووووووول
غايتو للضمان كدا انتو ما صادقين لو صادقين ما بتقول :-
نتلاقي 5 لحدي 7 و بعد داك أي زول عندو مكان عايز يمشيهو يمشي !!
انتو مفروض تقولوا :- اى نتلاقي من 5 لحدى 7 بعد داك إي واحد
يمشي براهو يترشه بالبيض و الدقيق و الموية السااااقطه .
للضمان كدا غايتو أنا كان جيت فقطع شك داخل في زمرة دعوة
اخونا عمر منجي و ابقى و احد من التلاته و نكسب الودين ههههههه
بخصوص ود البشرى ما عندي ليهو حاجة
غير التجاهل
التجااااااهل
التجاااااااهل
دا زول بهية ساااي .
| |
  
|
|
|
|
|
|
|
|
Re: يا أيها البورداب: الى صاج السمك في ليلة رأس السنة، فهل انتم مجتمعو (Re: Ahmed musa)
|
يا ابو السعود
اكيد على بياض فرايت ذاااتو هههههه
يا احمد موسى والله انا اجازة كاملة ما كنت مقتنعة بالكلام دا لكن اعمل شنو .. مع الفاميلي نيم حق اليابان دا فميلي نيم اصلي ما تقليد
وكل عام وانتم بخير
يا ذو اليد العنوان ما واضح صاج السمك العمارات شارع 41 عملنا ليهو رابط في الفيس بوك لكن اسى ما في طريقة اجيبوا تعال وانت محمل بالكاميرااااات
بكري الخير كلو في انتظارك يامان
كل عام والجميع بخير وتتوالي المفأجات حينها
| |
|
|
|
|
|
|
|
|
|
Re: يا أيها البورداب: الى صاج السمك في ليلة رأس السنة، فهل انتم مجتمعو (Re: انعام حيمورة)
|
أبو السعود واصحابه
آمل أن تكونوا قد قضيتم وقتا طيبا مع صاج السمك ...
كل عام وأنتم تنعمون بموفور الصحة والعافية
الأستاذة انعام والأستاذ احمد موسى
كل عام وانتما بخير
صحيح كما ذكرت انعام فإن حكاية (الفاميلي نيم) هنا تثير بعض اللبس : مثلا إسمي جعفر عبدالرحمن إسماعيل وسعدالدين اسمه سعدالدين جعفر عبدالرحمن إسماعيل ، ولكن كما هو حاصل صار إسمي جعفر إسماعيل وسعدالين إسمه سعدالدين عبدالرحمن
مع تحياتي وأطيب أمنياتي بعام سعيد وعمر مديد.
| |
|
|
|
|
|
|
|
|
|
Re: يا أيها البورداب: الى صاج السمك في ليلة رأس السنة، فهل انتم مجتمعو (Re: محمد عبد الماجد الصايم)
|
سلام للبورداب
بما اني ماحاسدكم على تلك اللمة الجميلة ولكن كان نفسي اجرب المطعم والذي في ظرف سنة واحدة ماشاءالله
بفضل الله وادارة صاحبه عمار وصل الى ماوصل اليه ورايت هذا المطعم في تسجيل فيديو وهالني نظامه
ورعة القعدة البنبرية والديكور السوداني الخالص
ولو نعلمون طريقة تحضير وتنظيف هذا السمك لاكلتموه كل يوم
المهم معاكم لو جادين ورونا عددكم كم واليوم والزمن وانا على يقين ان صاحب المطعم الموجود هذه الايام بولاية فرجينيا
سيشملكم بعطفه وتخفيضات مغرية للبورداب
ومن بكرة الصباح ح ابلغه ليكم واوريكم تخفيضكم كم من هنا وارسال كلمة السر في بريد احدكم
| |
|
|
|
|
|
|
|
|
|
Re: يا أيها البورداب: الى صاج السمك في ليلة رأس السنة، فهل انتم مجتمعو (Re: سفيان بشير نابرى)
|
سلام للمجموعه المحظوظة برأس السنة السودانية البحتة في الخرطوم
ولمة الاهل والحبان وفرحة زي دي وكمان في صاج السمك
انت عارف ياسفيان واخونا سعد الدين انا بتكلم معاكم وكانت الساعه 3 ص بتوقيتنا
وبخلص شغل الساعه 6 ص يعني آذان الصبح وطبعا ماكنت فاكر الشغلانة مع فارق الوقت نفس اليوم
وماعارف اكلم عمار من قبل الصلاة عشان اقول ليه عايزين تخفيض للبورداب التوقيت غير مناسب
وطبعا انا بعد 6 صباحا دي ح امشي على السرير جري الله يكفيك ورديات الليل ح اكون في سابع نومة
المهم خليتها على بركة الله وانو احاول اصحي قبل مواعيدكم والاتصال بكم على المطعم بعد مكالمة الاخ عمار
لكن نيتكم سليمة ووجد احد اقارب عمار البوست قبل ان اخطره وماكان من عمار الهناء عمار الكرم والشهامة الا ان رفع سماعة التلفون
لكي يطمئن على طلباتكم ويكرمكم من على البعد (يعني الزول ده كان لقيتو هو شخصيا كان ضبح ليكم ولا شنو؟)
المهم انا ماعايز اشكر ليكم عمار حسب معرفتي به وشهادتي ستكون مشروخة لانه عمار وكفى
ولكن رأيكم بكل صراحة في المطعم خدمات ........ طعم الاكل ونكهته ... تذوق ..وديكورات ,,,,ونظام ,,,,,,معاملة زبائن ,,,,,,دون تحرج لان من راي ليس كمن سمع وانتم رايتم وسمعتم
ونحن سمعنا فقط
هابي نيو اير
وراجع ليكم تاني
| |
|
|
|
|
|
|
|
|
|
Re: يا أيها البورداب: الى صاج السمك في ليلة رأس السنة، فهل انتم مجتمعو (Re: محمد عبد الماجد الصايم)
|
Quote:
بعدين
سمك مقلي
ولا
سمك علي الفحم |
لااااحووووولااااا مجدي بشير شبندر
يازوووول أنت عايش!!!
كل سنة و انت طيب
ياخ لاحووولاااا و الله شوق الشوق
لمفاكرات و حوارات لم تكتمل
و لا زلت اذكر اللفن تفلر
و صاموئل هانتغتون بكل
الخير و اسرح مع فراس
السواح و الطيب محمد الطيب
و نظريات الشيخ محمد الشيخ
لا حووووولاااا يا شبندر
جد مشتاقين و انت تعال بس
السمك دا بنقبضوا ليك بيدينا
لووووووووول
يا عادل يا خياري من خياري و الله زي ما قال الزول الرقيق النحيف الظريف سعد الدين الذي كيف كيف
اسمو سعد الدين عبد الرحمن و ابوهو (فردة ود الصائم الإنتيم) أسمو جعفر إسماعيل !!! لكن عااادي
مش منبر بكري دا ؟ كل شئ جايز فيهو ... المهم زي ما قال سعد كل شي ممتاز زايد لطافه فى التعامل
و الآدب السابقو بشاشا (بشاشا من الفرح يا جماعه) حاجة غاية في السودانية زايد تمدن حضاري ما شاء
الله .
و الصور قطع شك ح تظهر من ذو اليد الفنان .
كونو بخير و يا ود الصايم تانى عِدل ع الصاج .
لازال جدالها دائر على مستوى
| |
|
|
|
|
|
|
|
|
|
Re: يا أيها البورداب: الى صاج السمك في ليلة رأس السنة، فهل انتم مجتمعو (Re: saadeldin abdelrahman)
|
سلام ودالصائم
ياخي والله لله ×لله كدة تعجبني ضحكتك دي وان شاءالله ديمة مبسوط ولي كيفك ده انا متكيف ليك
عشان كدة حقيقة كان نفسي تكون مع الجماعه ديل
وخصوصا بعد الماشغلانة طلعت
اتكلم اقول بي كم ياسعد ولا بتجيب لينا هوى
على كل ياودالصايم ان شاءالله نتلاقى في السودان وعرفنا سكة عمار بي وين
ولا ممكن انا اعزمك لكن لازم تلاقيني في الايام الاولى قبل مايظهروا ناس مين كدة ويعدموك حق رسوم المطار
ياجماعه منتظرين الصور
واخونا عمار عندو ليكم رسالة ياناس البورد لكن بعدما نشوف الصور
| |
|
|
|
|
|
|
|
|
|
Re: يا أيها البورداب: الى صاج السمك في ليلة رأس السنة، فهل انتم مجتمعو (Re: ذواليد سليمان مصطفى)
|
صاج السمك رووووعة
نظام و نظافة و خدمة راقية
شكرا عمار علي حسن الضيافة
و سعدنا بلقاء أخونا زول كتم الجميلة ذو اليد سليمان
و اخونا "الذهبي" سفيان نابري و الاخت الهميمة انعام
وتشرفت جدا بلقاء اخوة لاول مرة
الاخ الظريف المحترم سعد الدين جعفر عبد الرحمن و استعدنا معه زكريات الزمن الجميل
و الاخ الخلوق الدكتور عزان سعيد والذي من محاسن الصدف طلع من أقارب " المدام" من جزيرة " كومي " الجميلة
و الاخ الانيق ابراهيم بقال سراج .... لقد سعدنا والله باللقاء الجميل و البلطي الطاعم
و فعلا في الاخر كان دمار شامل و كامل "للبلطي المسكين" يا سعد الدين
شكرا صاج السمك و شكرا اخونا عمار و لنا عودة ان شاء الله
| |
|
|
|
|
|
|
| |
saadeldin abdelrahman
انعام حيمورة
سفيان بشير نابرى
Ahmed musa
بكري الخير
محمد البشرى الخضر
عمر موسي منجي
ابراهيم بقال سراج
محمد المرتضى حامد
ذواليد سليمان مصطفى
Gaafar Ismail
محمد عبد الماجد الصايم
عادل خياري
مجدي شبندر
willeim andrea
فيس بوك
تويتر
انستقرام
يوتيوب
بنتيريست