|
دعواتكم لزميلنا المفكر د.الباقر العفيف بالشفاء العاجل
|
|
 Re: بورداب وبوردابيات كُورتهم فكّت ( توجد أسماء ) (Re: بابكر عثمان مكي)
|
Quote: نسيتنى انا ياصديق هناك متعة لايعرفها الا المتصوفة الذين لايحبون الاضواء
الا وهى تاخد ليك ركن وتقعد تقرا فى كلام الناس الكورتم فكت ديل
مرات مرات بلعبو ليهم لعبات رائعة خلاص بس بتخونم اللياقة البدنية
عاوزين جيم فى حوش بكرى دا
|
يا بابكر
قلنا ليك القائمة تطول
فرجاءاً من البورداب الذين نسينا ذكرهم في هذه القائمة ـ رجاءاً إنهم يعذرونا
الراس ضارب لكن بنتذكر شوية شوية
تسلم يا بابكر
| |
  
|
|
|
|
|
|
|
 Re: بورداب وبوردابيات كُورتهم فكّت ( توجد أسماء ) (Re: Sidig Rahama Elnour)
|
Quote: كمال عباس في طولة باله و تعديلاته
كمال بشاشا في تجلياته وإستغراقه الكوشي
عجب الفيا في إبداعاته وتراتيله
الطيب برير في حكاياته ومتعها
صلاح شعيب في نقده وجماله
الحبشي في تلميحاته وذكائه |
صديق رحمة
ياخ إنت ذااااتك وين ؟ والله ايام يا زمان
إيييييه دنيا !!
والله أتوحشناك بزاف
أبق أظهر يا حبيب
| |
|
|
|
|
|
|
|
|
 Re: بورداب وبوردابيات كُورتهم فكّت ( توجد أسماء ) (Re: عباس محمود)
|
Quote: يا الحبيب ........وينك
انت بس نزل لينا شوية من آخر حاجة كتبتها وبعدها ما (تاكل هم) زي ما بيقولو الزلم
محمد الشيخ ......العوج......والعديل.......شغله موسمي وانا متذكر خطبته الاخيرة و (شيطان) الكتابة بتاعه في لندن....
|
يا عباس يا جميل أخبارك وأخبار كل الناس الطيبين
الله يرحم بقي يا عبس
الحرس القديم سلم سلاحو وأيامو راحو
أبق طيب إنت بس
| |
|
|
|
|
|
|
|
|
 Re: بورداب وبوردابيات كُورتهم فكّت ( توجد أسماء ) (Re: بت قضيم)
|
بت قضيم يا أنا مشتاقين شديد والله مشتاقيــــــــــن..
زيك أنا، شفت الاسم وجيت جارية ألاقي وأسلم
وينك انت وقلمك وونستك وهترشتك وأيام ما كنا روح واحدة في كم جسد وشويتين!؟
حلوة الأيام كانت (والجاية أحلى) وقراية سلامك ترد الروح
تحياتي لك ولكل المختفين ومذنبات هالي العديدين والكورتهم فكت كمان (whatever that means)
حبيب نورا.. الله يديم على نورا خيرك.. شكرا على سانحة السلام الطيبة
| |
|
|
|
|
|
|
|
|
 Re: بورداب وبوردابيات كُورتهم فكّت ( توجد أسماء ) (Re: هيثم طه)
|
Quote: المشكلة مافي الكورة الفكت ! المشكلة انهم مصرين يلعبوا -دوري ايطالي بس !
و بعدين شابكيننا ديناصورات السياسة لازم يستقيلوا و يدوا فرصة للشباب و هم مكنكشين في باسوردراتهم
حق الصادق و الميرغني تشوف حقكم ما تشوف !
وين المبدئية هنا -
تعرف يا نورة انا عرفت كورتهم فكت جد جد متين !؟
قبل يومين واحد مهاجم من الجيل الجديد اسمو انقابو شات كورة غلط -ياخ الوليد برمج بيهم جنس برمجة !! ياخي الكهول ديل مسكوا في الشافع و نزلوا فيهو دق و كواريك !
لا حولا ! انت منو و انت الجابك شنو !و انت ود ناس منو ! شفت بس مرحلة الكــلب ديك في دورة الانسان - ياها ذاتها
بالجد حنيت علي حالتهم و المكنة الخفت !
معا من اجل منبر معافاة و خالي من الديناصورات و المكنات الخفيفة! |
هيثم طه
لووووول غايتو كلامك ده بجيب ليك هوا السنين
أعمل حسابك ما يعفصك ديناصور يضيع مستقبلك الإسفيري ههههههههههههه
حاول أستفيد من الإحتكاك شوية
| |
|
|
|
|
|
|
|
|
 Re: بورداب وبوردابيات كُورتهم فكّت ( توجد أسماء ) (Re: بت قضيم)
|
Quote: يا حبيب نوره العزبتوها في ام روحها دي
ازيك يا جميل
وحشتنا شديد |
بت قضييييييييييييم يا معتقة
مشتاقين وحاتك بالكراتين
عارفة الغياب الطويل ده برضو يعتبر دلالة علي تدهور المستوي
عشان كده كل شوية أدينا طلة وشوفي الدنيا شن فيها
أرقدي عافية يا ست الناس
| |
|
|
|
|
|
|
|
|
 Re: بورداب وبوردابيات كُورتهم فكّت ( توجد أسماء ) (Re: singawi)
|
| Quote: بعدين شابكيننا ديناصورات السياسة لازم يستقيلوا و يدوا فرصة للشباب و هم مكنكشين في باسوردراتهم |
وجوه ضاحكة خضرا وفوشيه وموف كتييييييرة كدا
الفرحانين بيه ده ما هو ذاته الحوش الذي بناه الدينصورات.....!!
انتوا بعد ما استلمتوه عملتوا فيه شنو يعني! عشان لتقتوا ورقعتوا وغيرتو فرش الصالون المهوقني بواحد صيني؟
سنجاوي أب كلاما بداوي.. عليك الله شوف ناس نعم للاحالة للصالح العام ديل!! آز إف عملوا المنتدى دار السلام..قصة والله وحكاية
حبيب نورا عفوا ياخ كأني احتليت البوست وكده
تحياتي لهيثم طه وزوار البوست
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: rummana)
|
Quote: جوه ضاحكة خضرا وفوشيه وموف كتييييييرة كدا
الفرحانين بيه ده ما هو ذاته الحوش الذي بناه الدينصورات.....!!
انتوا بعد ما استلمتوه عملتوا فيه شنو يعني! عشان لتقتوا ورقعتوا وغيرتو فرش الصالون المهوقني بواحد صيني؟ |
أها عارفة يا بت قضيم ده مربط الفرس
الجيل الجديد بتهمكم بعدم المواكبة والبشتنة وكده
يعني يشيلوا ليكم عناقريبكم ويجيبوا ليكم طقم راقي وجديد وما عاجبكم ؟
أصلو ما بتطوروا نهائي
الجيل الجديد عايزكم تواكبوا العلم والتطور والتهور :)
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: singawi)
|
Quote: حبيب نورة ازيك
هسة انا جبت سيرة حبيبك يا زول يازول
كورتو ياها زي ما عارفها بس قال ما داير معانا
إلا يشيلو ليهو مسي من التشكيلة |
عارف يا سنجاوي
أخونا هشومي ده بقي يشتكي من شد عضلي متواصل
عشان كده بقي ملازم الكنبة ليه فترة
الزول ده من ساعة ما أدي الخواجة شلوت تقول وقعت فيه عين
عين السواد يا يابة
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: rummana)
|
Quote: ا حبيب نورة سلام كتير
أول حاجة يعني شنو كورتهم فكت؟؟ لو بتقصد غايبين يعني أنا غايتو لي اسبوع حايمة بهنا لكن شايفاك قاااااعد تحمد الله.. وكمان "أسماء" تانية في القائمة..
غايتو يا ناس حوش بكري العربي بتاعكم بقى صعب عليا شديد |
رمانة ملكة زمانة
مشتهيك زي أم فت فت والله
الكورة فكت دي دلالة علي الكياشة المتأخرة
يعني الناس البجلوها وهي واقفة علي قول الكورنجية
ياخ صحصحي معانا شوية يا مخضرمة
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: عفاف علي ميرغني)
|
Quote: رمانة الزمن الجميل
قرات اسمك فدخلت على حبيبها توووووش اسلم عليك وارسل تهاني وأشواق بحجم غيابك
يااااااااه
كيفك ياخي؟؟!!؟
يا حبيب نوره العزبتوها في ام روحها دي
ازيك يا جميل
وحشتنا شديد |
بت قضيم !! يا سلالالالام ياخي
يا حليل أيامكم والله ليكم وحشة
أخبارك شنو؟؟
بارك الله فيك يا حبيب نورة طلعت لينا ناس مختفين
...........................
في ناس اعتزلوا وبقوا مدربين وفي واحدين بقوا يحضروها في التلفزيون
زمان لما جينا البورد دا برالمة كانو ناس بت قضيم دي أسياد الكفر ولا ميسي في زمانه
وناس سنتيمنتال وشرير والبرتقالة والسنجك وشيري و سيمباتيكو ...
والله كان زمن سمح (تقولو ديناصورات تقولو بعشومات) ما كانت في الكتاحات والعواصف المدورة هسة
يعني بدون لبس خمسة نوهائي ما تجازف تخش الميدان
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: احمد حامد صالح)
|
Quote: بريمة بقى شايت عكس الهواء
عزام اصابة ملاعب
مواهب ادريس اعتزال ام ابعاد |
هاهاهاهاهاهاهاها
بريمة صديقي حايم بين السعيّة في ديار البقارة؛ والجواميس في ديار الكاوبوي وما بينهما من خُوار
أما عزام صديقي الآخر فقد أصابته شظية في حادثة مقتل دكتور خليل !
مواهب إدريس يقال أنها أصيبت من ( رشاشة ) عقب نهائي الممتاز الأخير !
:)
| |
|
|
|
|
|
|
|
|
 Re: بورداب وبوردابيات كُورتهم فكّت ( توجد أسماء ) (Re: جدو)
|
Quote: بارك الله فيك يا حبيب نورة طلعت لينا ناس مختفين
...........................
في ناس اعتزلوا وبقوا مدربين وفي واحدين بقوا يحضروها في التلفزيون
زمان لما جينا البورد دا برالمة كانو ناس بت قضيم دي أسياد الكفر ولا ميسي في زمانه
وناس سنتيمنتال وشرير والبرتقالة والسنجك وشيري و سيمباتيكو ...
والله كان زمن سمح (تقولو ديناصورات تقولو بعشومات) ما كانت في الكتاحات والعواصف المدورة هسة
يعني بدون لبس خمسة نوهائي ما تجازف تخش الميدان |
يا جدو كيفنك ياخي
من أمبارح عايز أرد عليك لكن يبدو إني أستنفدت عدد مداخلاتي كاملاً مكملاً
ودي أول مرة أعرفها
يا سلام عليك ويا سلام علي الزمن السمح
جبت لينا طاري ديناصورات لم يعد زمانها بعد
أشكرك جداً يا مخضرم علي الطلة الحلوة
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: حبيب نورة)
|
| Quote: مشتهيك زي أم فت فت والله |
واضح انو البوست (مبوز)
علشان ( الكنتاكى الضانى) دا بيكون صباح اليوم التانى
عموما الدنيا شتاء وبعض الناس ( الخفيف ) بيجيهم مع الرشاش
والبعض الاخر شتاءا لهذا دخول الخلوة والتسابيح والاوراد مهم
وساعة لقلبك وساعات ليوم ( الحساب والاكفهرار )
سؤال :
اول ما اعمل البخور بحس بى حركة فى الشقة
اكون مخاوى ولا الحاصل شنو يا ( حبيب واحدة فى البنات )
موضوع الحركة مع البخور دا جد حقيقى )
يا سيدى الكورة ما فكت بس خاتنها ارضى
والتغيير خلق حالة انكماش فى مثلث برمودا
hgpvdm < hsjdgh < h,]d,k
الفوضى الخلاقة , jt;; [.dzhj hg.vm ,hg h2 o
وشكرا عميقا
قاسم المهداوى
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: محمد حيدر المشرف)
|
Quote: الكورة فى الراس وما بتفك ..
زمان كنت بختها فى أضانى يا حبيب نوره و.. مازلت
الا اللعب مع الدراويش ما حلو ..
كورة فاكه وعن(.........)ه
*عنطــــــزه دى كلمه ما سمحه ولا شنو ؟
بعدين دى آخر ابتكارات بكري !! |
المشرف الجميل
فعلاً الكورة في الراس لكن الكلام اللياقة والمروّة
لو مافي مروة ما بتجيب من جوة
أنت عامل شنو يا حبيب ؟
هل أرتويت ؟
أين العطش ؟؟؟
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: د.نجاة محمود)
|
Quote:
في زولين احن اليهم حنين ناس عبري لعبري واتمنى لو القاهم ويرجعو ونفتح لينا بوست ذي دا
فى البوردShock & Awe وطالعنى الخلا و ثكلتك أمك
شنتير و سنتي بن منتال
وزعيم الخنفشارية جازلوت
وفردي الحلاوي وعثفير الجنة الله يطراهم بالخير
والحبيبة شيري
وايز اوف لبرتي
واحمد وصدى وكل الناس الحلوة
عشان يرجع العصر الذهبي..
لكل الخنفشاربة والحداسبة
حروب الخنفشاربة ضد الحداسة وما بعدها |
سلامات
والله فعلاً ذكرتي الزول ناس وأيام وبوستات مازالت محفورة في أعماق الذاكرة
ولا أخفي عليك من أسباب نقمتي علي كثيرين من ضمنهم أنت بالطبع
أني مازلت أحتفظ بعبق تلك الأيام الجميلة والكتابات السمحة
معليش بتعامل معاك بالوجه الذي أحبه فيك
حروب الخنفشارية دي كانت أكتر من ممتعة
ياريت تعود الأيام ديك
تسلم يا دكتورة
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: قاسم المهداوى)
|
Quote: اول ما اعمل البخور بحس بى حركة فى الشقة
اكون مخاوى ولا الحاصل شنو يا ( حبيب واحدة فى البنات )
موضوع الحركة مع البخور دا جد حقيقى )
يا سيدى الكورة ما فكت بس خاتنها ارضى
والتغيير خلق حالة انكماش فى مثلث برمودا
hgpvdm < hsjdgh < h,]d,k
الفوضى الخلاقة , jt;; [.dzhj hg.vm ,hg h2 o
وشكرا عميقا
قاسم المهداوى |
المهداوي
واضح جداً إنو المداخلة دي رائحتها نفاذة ومستمطرة قادمة شديد
ياخوي تعال بالصباح ممكن نفهم حاجة
وحليل أيامك يا مهداوي والله
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: حبيب نورة)
|
هيثم طه القديم المستجدد تحياتي
حق الدينصورات* تشوف حقكم ما تشوف !
ماهو برضو الانسان الـ شايف نفسه أصلح من غيره ومدي روحه سلطة تقرير نهاية صلاحية الغير وتوقيع أحكام الازالة ما اختلف عن الـ بنتقد فيهم ...زيه زيهم..أنا غايتو ما عندي اعتراض على وجود ديناصورات في السياسة أبدا ..أؤمن بالديمقراطية وأرفض ديكتاتورية الشيوخ والشباب على السواء وأعترض كل محاولات الاجتثاث والاقصاء أوالعزل...
.. وقولة "ياااا حليل" لو نظرت ليها بحبة تفاؤل حتلقاها احتفال دائم بالتاريخ والماضي والذكرى الحلوة زوادة الايام الجايات – ولا تعمي ولا تنقص من حلاوة الجايات شيء
شكرا يا هيثم مستمتعة بمداخلاتك في بوست "استغفر الله"..إلخ.. كرهتوا الكلام عيشتو مالكم كلامكم كتير كدا..
أنا كمان عاوزة أغير اسمي على سبيل التهور وليس التطور لكن منطقـ(ة) الأمور ماسامحة لي.. لست إلا سحابة صيف هنا
* أنا ما عارفة انقابو قال شنو لمنو لكن لي اسبوع محل ما اقبل بلقاهو قدامي زي دعاية قرايب ام تي ان.. تحياتي له واتمنى له غواصة سعيدة في عالم سودانيزاون لاين
-------------
حبيب نورا
الكياشة المتأخرة ما زينة معاك حق.. لكنها ما أسوأ من الأثاث الصيني.. ده بعمل زحمة وضيق في المكان وبيتداعى بسرعة
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: rummana)
|
حبيب نورة
بوستك ذكرنى الفنانات الكورتن فكت مباشرة بعد اجتياز فترة نجوم الغد والسبب الزواج!
بالنسبة للمنبر
الناس بتكتب وما بتقرا عشان كدا بتفضى..
فى فايروسات معدية لاتستطيع تجنبها
انا جيت المنبر دا عندى شوية نحو وكويس فى اﻹملاء
هسع بقيت افتش فى قوقل عشان اكتب (أضطر) وما اكتب (اطر)
والله مرة (يدحض) دى أتعبتنى تعب ماتتخيلو
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: Balla Musa)
|
Quote: يا جدو كيفنك ياخي
من أمبارح عايز أرد عليك لكن يبدو إني أستنفدت عدد مداخلاتي كاملاً مكملاً
ودي أول مرة أعرفها
يا سلام عليك ويا سلام علي الزمن السمح
جبت لينا طاري ديناصورات لم يعد زمانها بعد
أشكرك جداً يا مخضرم علي الطلة الحلوة |
بالله هو عدد المداخلات محدد؟؟!!
ما كنت عارف الحكاية دي
يعني أخيراً بكري لقى حل لإهدار الباندويدث :)
انا كمان تاني بشكرك على البوست الطاعم دا
بقينا زي أعمامك الكبار ما يفتحوا إلا مع اجترار الذكريات ...
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: جدو)
|
Quote: بالله هو عدد المداخلات محدد؟؟!!
ما كنت عارف الحكاية دي
يعني أخيراً بكري لقى حل لإهدار الباندويدث :)
انا كمان تاني بشكرك على البوست الطاعم دا
بقينا زي أعمامك الكبار ما يفتحوا إلا مع اجترار الذكريات ... |
جدو كيفنك يا حبيب
وحاتك أمبارح كانت شهيتي مفتوحة للكتابة والردود
لمن بقت عليك قالوا لي سوري يا عمك تعال بكرة؛ هسه مافي طريقة نهائي
وقدر ما حاولت حلف بالتقطعو كان يخليني أكتب لي سطر واحد
أها
والله الحنين ده ياهو الفضل لينا
بنفتش في طريقة كان يرجع الزمن السمح والناس اللطاف
قول يا رب بس
شكرن كتيرن!
| |
|
|
|
|
|
|
|
|
 Re: بورداب وبوردابيات كُورتهم فكّت ( توجد أسماء ) (Re: Balla Musa)
|
Quote: بوستك ذكرنى الفنانات الكورتن فكت مباشرة بعد اجتياز فترة نجوم الغد والسبب الزواج!
بالنسبة للمنبر
الناس بتكتب وما بتقرا عشان كدا بتفضى..
فى فايروسات معدية لاتستطيع تجنبها
انا جيت المنبر دا عندى شوية نحو وكويس فى اﻹملاء
هسع بقيت افتش فى قوقل عشان اكتب (أضطر) وما اكتب (اطر)
والله مرة (يدحض) دى أتعبتنى تعب ماتتخيلو |
يا أستاذ بلة موسي
والله دي مداخلة عظيمة جداً
أنا أشرت ليها في معرض ردي علي رمانة
ح تجي تقراها لمن ترجع
ياخ سوء الإحتكاك ده يمكن يكون سبب رئيس للأزمة دي
الواحد من البورد ده إتعلم يكتب كيف ويكتب شنو لغاية ما غير شخصيتو الكتابية والفكرية تماماً
هسه غايتو بناكل من سنامنا
تشكر علي المداخلة القيمة
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: rummana)
|
Quote: وقولة "ياااا حليل" لو نظرت ليها بحبة تفاؤل حتلقاها احتفال دائم بالتاريخ والماضي والذكرى الحلوة زوادة الايام الجايات – ولا تعمي ولا تنقص من حلاوة الجايات شيء
شكرا يا هيثم مستمتعة بمداخلاتك في بوست "استغفر الله"..إلخ.. كرهتوا الكلام عيشتو مالكم كلامكم كتير كدا..
أنا كمان عاوزة أغير اسمي على سبيل التهور وليس التطور لكن منطقـ(ة) الأمور ماسامحة لي.. لست إلا سحابة صيف هنا
* أنا ما عارفة انقابو قال شنو لمنو لكن لي اسبوع محل ما اقبل بلقاهو قدامي زي دعاية قرايب ام تي ان.. تحياتي له واتمنى له غواصة سعيدة في عالم سودانيزاون لاين
-------------
حبيب نورا
الكياشة المتأخرة ما زينة معاك حق.. لكنها ما أسوأ من الأثاث الصيني.. ده بعمل زحمة وضيق في المكان وبيتداعى بسرعة |
والله يا رمانة كلام يتوزن بميزان الدهب
عفيت منك نجضتي الكلام؛ أمانة ما مخضرمة وخطيرة
فعلاً كلمة يا حليلو دي ما بتقال إلا لي زول بي مواصفات خاصة؛ وعلي شرط يكون ساب ذكرة
وخلاني نشعر بالحنين تجاهو
لكن صدقيني الكياشة المتأخرة ليها أسبابها
أقري مداخلة بلة موسي في نفس البوست ده
عبّر عني تماماً
تعالي صادة النبي
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: haroon diyab)
|
Quote: تعرف يا نورة انا عرفت كورتهم فكت جد جد متين !؟
قبل يومين واحد مهاجم من الجيل الجديد اسمو انقابو شات كورة غلط -ياخ الوليد برمج بيهم جنس برمجة !! ياخي الكهول ديل مسكوا في الشافع و نزلوا فيهو دق و كواريك !
لا حولا ! انت منو و انت الجابك شنو !و انت ود ناس منو ! شفت بس مرحلة الكــلب ديك في دورة الانسان - ياها ذاتها
بالجد حنيت علي حالتهم و المكنة الخفت ! |
طبعا عمكـ هيثم دا ضرب لي التأمين الساعة تلاتة صباحاً
وأنا قاعد الله ورقبتي وبجرجر في نفسين شيشة!!
الساعة الانفعقت ضحكـ تم اكتشاف التمرّد وإني ما نمت لسع!!!
يا معلم .. ركوب العجلة ما بتنسي!
والكورة القاعدة في الراس .. زي جدول الضرب!!
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: محمد عبد الماجد الصايم)
|
والله انت يا حبيب البنت اياها .. الكورتك فكت ..
طالما انك بتدردق للينا الدامة حقتنا عشان يجلدوها ناس حافظ ..
والله بي صراحة يا حافظ .. إنت ما حافظ اي حاجة ..
كان حافظ .. بوست زي دا ما بتدخلو لانو بجيب ليك الهوا الساقط ..
تاني لما تلقى ليك بوست زي دا مفتوح .. تجي تقرا بس .. لانو البوستات الزي دي .. بتكون عبارة عن دردقـه .. عشان تجيب الشجر الكبار ..
اها لما يجي الشجر الكبار .. إنت بعداك بتكون في حتة ضيقة زي ما قال اخوك هشام دا .. خاصة انو لحدت الآن ما اتخرجنا من الجامعة بتاعتك بتاعت المرة الفاتت ..
يعني حسع دي عادي جدا نبلعك البوست دا .. في شخص حبيب نورة ..
يعني نظام بشوف في شخصك احلامي وكدا ..
اعمل حسابك اليومين دي شايف الناس المخضرمة بدت ترجع ..
يعني بي صورة اوضح ممكن يتعمل ليك فرش متاع ويطلبو منك تسميع نشيد العلم ..
عليك الله إنت حسع دي حافظ نشيد العلم بتاع البورد دا واللا ساكت جاي تنطط لينا هنا دا ..
يا حبيب نورة بلاي تاني لما تجي تستفز الواحد كلمو من ضو .. وحدد لينا اوجه الاختصاصات عشان ما نجي نندرع لينا في برلوم نعوقو ليكم ساكت ..
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: tmbis)
|
Quote: والله انت يا حبيب البنت اياها .. الكورتك فكت ..
طالما انك بتدردق للينا الدامة حقتنا عشان يجلدوها ناس حافظ ..
والله بي صراحة يا حافظ .. إنت ما حافظ اي حاجة ..
كان حافظ .. بوست زي دا ما بتدخلو لانو بجيب ليك الهوا الساقط ..
تاني لما تلقى ليك بوست زي دا مفتوح .. تجي تقرا بس .. لانو البوستات الزي دي .. بتكون عبارة عن دردقـه .. عشان تجيب الشجر الكبار ..
اها لما يجي الشجر الكبار .. إنت بعداك بتكون في حتة ضيقة زي ما قال اخوك هشام دا .. خاصة انو لحدت الآن ما اتخرجنا من الجامعة بتاعتك بتاعت المرة الفاتت ..
يعني حسع دي عادي جدا نبلعك البوست دا .. في شخص حبيب نورة ..
يعني نظام بشوف في شخصك احلامي وكدا ..
اعمل حسابك اليومين دي شايف الناس المخضرمة بدت ترجع ..
يعني بي صورة اوضح ممكن يتعمل ليك فرش متاع ويطلبو منك تسميع نشيد العلم ..
عليك الله إنت حسع دي حافظ نشيد العلم بتاع البورد دا واللا ساكت جاي تنطط لينا هنا دا ..
يا حبيب نورة بلاي تاني لما تجي تستفز الواحد كلمو من ضو .. وحدد لينا اوجه الاختصاصات عشان ما نجي نندرع لينا في برلوم نعوقو ليكم ساكت ..
|
دا كلو يا تمبس عشان قلت ليك بقيت مدرب .. معقولة ياخ
ياخ والله انا بستمتع بكتاباتك يا انق ولو كنت عارف مدرب دي بتمرقك كنت كتبتها ليك من زماااااااااااااااااااااااااااان
ايوة كدا يا تمبس خليك كدا ياخ حروفك الحلوة دي
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: حافظ انقابو)
|
Quote: دا كلو يا تمبس عشان قلت ليك بقيت مدرب .. معقولة ياخ
ياخ والله انا بستمتع بكتاباتك يا انق ولو كنت عارف مدرب دي بتمرقك كنت كتبتها ليك من زماااااااااااااااااااااااااااان
ايوة كدا يا تمبس خليك كدا ياخ حروفك الحلوة دي |
كااااااااااااااااااااااااااك لكن شفت باصات المدربين الأسكرو دي يا عمك
Quote: اولاً يا هيثم انا ما شت كورة غلط.. ارجع للبوستات عشان تعرف الحاصل
عمك كل الحصل في مهاجم قطع الكورة وجا جاري بيها من الحارس للحارس .. لما الدفاع اتصدى ليهواداني ليها في وشي
وطبعا ما رضييت بالشوتة لانها ما قانونية عشان كدا الامور جاطت .. لكن الحمد لله هسة مشت كويس |
أيوة كده أتصلح معانا عشان ما يلم فيك باك يوديك المستشفي :)
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: tmbis)
|
Quote: تاني لما تلقى ليك بوست زي دا مفتوح .. تجي تقرا بس .. لانو البوستات الزي دي .. بتكون عبارة عن دردقـه .. عشان تجيب الشجر الكبار ..
اها لما يجي الشجر الكبار .. إنت بعداك بتكون في حتة ضيقة زي ما قال اخوك هشام دا .. خاصة انو لحدت الآن ما اتخرجنا من الجامعة بتاعتك بتاعت المرة الفاتت ..
يعني حسع دي عادي جدا نبلعك البوست دا .. في شخص حبيب نورة ..
يعني نظام بشوف في شخصك احلامي وكدا .. |
والله يا تامبا البوست ده نظام تِبِش دردقو من النوع بتاع السينما الوطنية داك
يعني الدردقة بتحصل مع ختة صحن الشطة وبعد داك عينك ما تشوف إلا النور هههههههههههههههههه
Quote: اعمل حسابك اليومين دي شايف الناس المخضرمة بدت ترجع ..
يعني بي صورة اوضح ممكن يتعمل ليك فرش متاع ويطلبو منك تسميع نشيد العلم ..
عليك الله إنت حسع دي حافظ نشيد العلم بتاع البورد دا واللا ساكت جاي تنطط لينا هنا دا ..
|
أها النقطة دي بالذات بتديني أمل إنو ممكن مع شوية إسبرنتات كده وجيم متواصل ممكن تاني ترجع تعمل حركة كسرة يا أبو علي
عشان ما تلقي ليك برلوم يجهجه باكاتك ويعمل ليك دردقني في النجيلة
وحكاية حافظ والله ذكرتني شواطين مع بيليه
نظام قطعو النفس وكده
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: محمد عبد الماجد الصايم)
|
Quote:
قبل يومين واحد مهاجم من الجيل الجديد اسمو انقابو شات كورة غلط -ياخ الوليد برمج بيهم جنس برمجة !! ياخي الكهول ديل مسكوا في الشافع و نزلوا فيهو دق و كواريك !
لا حولا ! انت منو و انت الجابك شنو !و انت ود ناس منو ! شفت بس مرحلة الكــلب ديك في دورة الانسان - ياها ذاتها
بالجد حنيت علي حالتهم و المكنة الخفت !
|
اولاً يا هيثم انا ما شت كورة غلط.. ارجع للبوستات عشان تعرف الحاصل
عمك كل الحصل في مهاجم قطع الكورة وجا جاري بيها من الحارس للحارس .. لما الدفاع اتصدى ليهواداني ليها في وشي
وطبعا ما رضييت بالشوتة لانها ما قانونية عشان كدا الامور جاطت .. لكن الحمد لله هسة مشت كويس
| Quote: أنا ما عارفة انقابو قال شنو لمنو لكن لي اسبوع محل ما اقبل بلقاهو قدامي زي دعاية قرايب ام تي ان.. تحياتي له واتمنى له غواصة سعيدة في عالم سودانيزاون لاين |
ياخ قولي ماشاء الله
والله حبوبتي لو سمعتك يحلك منها الحلة بلة
خمسة وخميسة
تحياتي للجميع
حافظ
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: ABUHUSSEIN)
|
| Quote: أو كما قال طارق نقد!! |
.. | Quote: طارق نقد قال شنو كمان ....؟؟؟؟؟ |
ما قااال اي حاجة .. وقفلو الموضوع دا لحدت هنـا ..
والله يا حافظ انا كلمتك لكن ما بتسمع الكلام ..
اها شفت الاتنين الفوق ديل .. قعدو ليك في البوست دا .. حبيب نورة زاتوو يشوف ليهو مكان يتخارج .. مش قلت ليك شجر كبااار ..؟
..
يا ود الصايم .. حافظ دا كان حكاها معاك .. تم ليهو باقي الشغل بتاع راس الحربة دا عله يرعوي .. ..
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: tmbis)
|
| Quote: ما قااال اي حاجة .. وقفلو الموضوع دا لحدت هنـا .. |
نقفل شنو يا تمبس ياخ ......
ود الصائم حرف كلام طارق نُقد ياخ....
طارق نقد قال ( طق ...طق....طق...)
ود الصائم قال ( لط...لط....لط....)
| Quote: حبيب نورة زاتوو يشوف ليهو مكان يتخارج |
غايتو ود الصائم الغتيت دا خت ليه خازوق في البوست دا.. إلا إجي خالد المحرب إقرأ ليه آية الكرسي ...
حبيب نورة إزيك ياخ
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: ABUHUSSEIN)
|
Quote: طارق نقد قال ( طق ...طق....طق...)
ود الصائم قال ( لط...لط....لط....) |
.. والله يا ابوحسين انا بتفق مع ود الصايم ..
(لط .. لط .. لط )
اصلو ما ممكن يكون ( طق .. طق .. طق ) .
بعدين ( لط .. لط .. لط) بتقال للانسان والحيوان ..
بيد أن ..
(طق .. طق .. طق) بتتقال للجماد ..
يعني الشغلانة دي جابت ليها خشــب كمان واللا الحنك شنو ..؟
يا حافظ اي حاجة ..
بما إني المدرب بتاعك .. شكلك كدا بتلعب راس حربــة خطير جدا .. من وصفك للكورة دا .. لذلك .. كان انفردته انا بنصحك شووت طوالي
ملحوظة:
مشفر والحمد لله رب العالمين .. 
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: ABUHUSSEIN)
|
Quote: .. والله يا ابوحسين انا بتفق مع ود الصايم ..
(لط .. لط .. لط )
اصلو ما ممكن يكون ( طق .. طق .. طق ) .
بعدين ( لط .. لط .. لط) بتقال للانسان والحيوان ..
بيد أن ..
(طق .. طق .. طق) بتتقال للجماد .. |
يا تمبس ياخ لط ...لط.. دي لي الإنسان الطاشم ماليها أي دخل بي علم الأصوات ياخ....
لكن طق.... طق....... طق...... طق....... دي فيها موسيقى بتحكي عن الحاصل فعلاً
أسي إنت إتخيل نفسك مكان الراجل الضيع الكورة دي بالله كان موقفك حا إكون شنو ...؟؟؟؟
حبيب نورة إزيك ياخ..
.
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: ABUHUSSEIN)
|
| Quote: حبيب نورة إزيك ياخ.. |
عليك الله يا ابو حسين حبيب نورة دا كدي ارخيهو .. يكون نايم زي الوكت دا . ونوم الظالم طبعا عبادة ..
| Quote: يا تمبس ياخ لط ...لط.. دي لي الإنسان الطاشم ماليها أي دخل بي علم الأصوات ياخ.... |
.. كيف ما ليها علاقة بي علم الاصوات ..؟
حسع عليك الله يا ابو حسين كدي اتخيل معاي .. لو راس الحربة دا قووه قلبو شوية .. وساق بتاع (اللط لطه) دا الجير .. تفتكر الصوت مش كان ح يتغير تغيير موضعي .. يتناسب مع الحجم وكدا؟
بصورة أوضح :
سرعة الصوت بتكون موازية لسرعة انعكاس الكورة من مربع تمنية في الناحية الجنوبية الغربية من الملعب .. بينما سرعة الضوء المنعكس من الكشافات الشرقية .. بيكون منكسر وبيكشف زاوية معامل ( اللطلطـة) ود بنسف النظرية بتاعتك حقت الصين الفوقانية دي ..
واحتمال كبير لو كسره صغيرة رجع بيها راس الحربة دا من الجير لراس خط طمنطاشر .. يحدث مالم يحمد عقبـاه .. يعني ممكن يشتتو عديل كدا
يعني لو قدرته تتخيل معاي بي (شفافيـه عالية) ممكن تلقى زولك بتاع اللطلطـة دا .. (مكتــف) ..
زي النظرية بتاعت اجدادنا القدماء .. البتقول ( من دقنو وافتلو )
تخيل عليك الله زول يتكتف .. من دقنو وافتلو ..
| |
|
|
|
|
|
|
|
|
|
Re: بورداب وبوردابيات كُورتهم فكّت ( توجد أسماء ) (Re: tmbis)
|
| Quote: عليك الله يا ابو حسين حبيب نورة دا كدي ارخيهو .. يكون نايم زي الوكت دا . ونوم الظالم طبعا عبادة .. |
والله يا تامبا غيبوبة بنت حرام عديل كده
ههههههههههههههههههههههههههههههههه
Quote: كيف ما ليها علاقة بي علم الاصوات ..؟
حسع عليك الله يا ابو حسين كدي اتخيل معاي .. لو راس الحربة دا قووه قلبو شوية .. وساق بتاع (اللط لطه) دا الجير .. تفتكر الصوت مش كان ح يتغير تغيير موضعي .. يتناسب مع الحجم وكدا؟
بصورة أوضح :
سرعة الصوت بتكون موازية لسرعة انعكاس الكورة من مربع تمنية في الناحية الجنوبية الغربية من الملعب .. بينما سرعة الضوء المنعكس من الكشافات الشرقية .. بيكون منكسر وبيكشف زاوية معامل ( اللطلطـة) ود بنسف النظرية بتاعتك حقت الصين الفوقانية دي ..
واحتمال كبير لو كسره صغيرة رجع بيها راس الحربة دا من الجير لراس خط طمنطاشر .. يحدث مالم يحمد عقبـاه .. يعني ممكن يشتتو عديل كدا
يعني لو قدرته تتخيل معاي بي (شفافيـه عالية) ممكن تلقى زولك بتاع اللطلطـة دا .. (مكتــف) ..
زي النظرية بتاعت اجدادنا القدماء .. البتقول ( من دقنو وافتلو )
تخيل عليك الله زول يتكتف .. من دقنو وافتلو .. |
كااااااااااااااااااااااااااااااك
والله لكن يا تامبا لقيتك باك أقدم من إبراهيم عطا
من زمن الجناح ودّيه الجير وراس الحربة ختّو في سدرك
ماعندك فنيلة لابس فيها نمرة إتنين ؟؟
| |
|
|
|
|
|
|
|
|
 Re: بورداب وبوردابيات كُورتهم فكّت ( توجد أسماء ) (Re: ABUHUSSEIN)
|
Quote: يا تمبس ياخ لط ...لط.. دي لي الإنسان الطاشم ماليها أي دخل بي علم الأصوات ياخ....
لكن طق.... طق....... طق...... طق....... دي فيها موسيقى بتحكي عن الحاصل فعلاً
أسي إنت إتخيل نفسك مكان الراجل الضيع الكورة دي بالله كان موقفك حا إكون شنو ...؟؟؟؟
حبيب نورة إزيك ياخ.. |
يا جماعة الحركات دي ما كويسة منكم
أنا ما أستلمت والله الظاهر الواحد بعد الكرِش دي بقي ما بقدر علي الإسبرنتات
اللطلطة دي ياها حقتنا والّ حاجة تانية ؟؟ 
| |
|
|
|
|
|
|
| |
حبيب نورة
المعز عبدالمتعال
محمد أبوالعزائم أبوالريش
MOHAMMED ELSHEIKH
سيف النصر محي الدين
عباس محمود
طارق جبريل
Sidig Rahama Elnour
بابكر عثمان مكي
حواء سليمان ابراهيم
rummana
بت قضيم
هيثم طه
الفاضل يسن عثمان
محمد المرتضى حامد
جمال الباقر
عفاف علي ميرغني
حافظ انقابو
محمد قرشي عباس
جدو
Dr.Elsadig Abdalla
مزمل خيرى
قاسم المهداوى
محمد حيدر المشرف
Balla Musa
عبد العظيم احمد
haroon diyab
محمد عبد الماجد الصايم
tmbis
نور الدين عثمان
ABUHUSSEIN
فيس بوك
تويتر
انستقرام
يوتيوب
بنتيريست