|
|
|
 Re: الحل السياسي للازمة .. عودة عقار لل BN وتعيين الحلو واليا ل ج كردف (Re: بريمة محمد)
|
ابو حميد سلامات
ولحكومة السجم دي بنقول لهم يا ابو حميد ابيت تاكلوها مملحه
حنبلعكم ليها ناشفه؟!
وللمسكين بريمه لم اجد افضل من كلمة دينق (اختشي يا بريمه)!
وليه مركزو وتاور ده ما آخير السفاح احمد خميس ايه رايك عشان تتم الناقصه؟!
Quote: يجب أن يحكم جنوب كردفان أحد أبناء النوبة ليس فى الحركة الشعبية ..
الفريق جلال تاور .. أو اللواء محمد مركزو
بريمة |
ولا اقول لك يا اخي السجمان دانيال كودي كيف مالك حاقر بيه؟!
ولا اقول لك تابيتا بطرس مالها يا اخي عيبها لي؟! ما كلهم مؤتمر وطني يا اخي
حتنكر عليهم حتى العار ده؟!
| |
  
|
|
|
|
|
|
|
|
Re: الحل السياسي للازمة .. عودة عقار لل BN وتعيين الحلو واليا ل ج كردف (Re: أحمد ابن عوف)
|
تحية ليك يا احمد بن عوف وضيوفك الكرام.
فى تقديرى الازمة اكثر تعقيدا من ذلك
الازمة تكمن فى النظام القابع فى صدر الشعب السودانى
الذى جعل خيار الحرب الخيار الاوحد مما انعكس على الحياة العامة فى السودان
فنتج عنها تردى فى الاوضاع على نطاق واسع.
فى الحريات العامة
المحسوبية
العنصرية
الفقر
اكثر 10 ملايين (مهجر او مغترب او لاجىء)
الفاقد التربوى
تقبل تحياتى
صلاح الدين موسى
| |
|
|
|
|
|
|
|
|
|
Re: الحل السياسي للازمة .. عودة عقار لل BN وتعيين الحلو واليا ل ج كردف (Re: أحمد ابن عوف)
|
Quote: ابو حميد سلامات
ولحكومة السجم دي بنقول لهم يا ابو حميد ابيت تاكلوها مملحه
حنبلعكم ليها ناشفه؟! |
الرمم ، فكروا انهم بكل بساطة ممكن يلغوا تلاتين سنة من نضال عقار و الحلو
وبشوية صعلقة يطردوهم من شمال السودان ويتحكروا يحكموا براهم
كمعارض للنظام ولكن في نفس الوقت ليس عضوا في الجبهة الثورية ممكن او على الاقل
اعتقد انو ممكن يكون حل سياسي بصيغة win/win
لكن هذا يستدعي تفكيك الجبهة الثورية ومصير المكون الدارفوري سيكون غامضا الى حين
لكن هو ثمن السلام لاهالي جنوب كردفان والنيل الازرق وعودة تلك الولايات الى حضن وتحت
قيادة الحركة الشعبية
| |
|
|
|
|
|
|
|
|
|
Re: الحل السياسي للازمة .. عودة عقار لل BN وتعيين الحلو واليا ل ج كردف (Re: أحمد ابن عوف)
|
الاخ صلاح الدين موسى
تحياتي
Quote: فى تقديرى الازمة اكثر تعقيدا من ذلك
الازمة تكمن فى النظام القابع فى صدر الشعب السودانى
الذى جعل خيار الحرب الخيار الاوحد |
كلامك سليم مية المية، نعلم ان بزوال النظام الحالي ستحل 99% من مشاكل السودان
واحتمال قارة افريقيا كلها
هدف الحرب هو السلام، فالآن لا احد يريد ان يتواصل القتال في جنوب كردفان لاننا نفقد يوميا
آلاف الضحايا المدنيين، ومقدرات السودانيين واموالهم وارواحهم
اذا كانت تلك الصفقة ستوقف الحرب بين الشمال والشمال وتبعد شبح الحرب بين الجنوب والشمال من
جهة اخرى، فلا مانع عندي ان اقبل بمثل هذه الصفقة، لكن بشروط جديدة، مافيها مجال لمشورة شعبية
وكلام فارغ من النوع دا.
تحياتي
| |
|
|
|
|
|
|
|
|
|
Re: الحل السياسي للازمة .. عودة عقار لل BN وتعيين الحلو واليا ل ج كردف (Re: الامين موسى البشاري)
|
الامين بشاري
تحياتي
Quote: لو حمل السلاح والتسبب في ازهاق ارواح الابرياء
يجعلك والياً على ولايتك لماذا لا نحمل السلاح؟ |
الحلو وعقار تم ابعادهم بقوة السلاح وليس عبر صناديق الاقتراع
وما اخذ بالقوة لا يسترد الا بالقوة
نأمل ان يكون الهدف من حمل السلاح هو اجبار الكيزان ان يحترموا خيار جماهير
ولايتي النيل الازرق وجنوب كردفان وان يعودوا الى مواقعهم التي استحقوها دستوريا
يعني نتمنى ان يكون للحركة الشعبية او الجبهة الثورية مشروع سياسي خلف البندقية
الا تكون مصيبة لو شايلين السلاح ساكت كده بس
ولا منة من المؤتمر الوطني، بل هو حقهم، اما ذلك واما مواصلة القتال، ففي النهاية
انت مقتول مقتول
غدا سيبدأ المؤتمر الوطني في مغازلة عقار للعودة كوالي للنيل الازرق، وسيوافقون على
ابعاد احمد هارون ولكن قد يعترضوا على الحلو كوالي، احتمال اختيار شخصية ثالثة توافقية
انت كأمين بشاري، عندك استعداد كسوداني ان تبارك مثل هذه الاتفاقية ان تمت؟؟
| |
|
|
|
|
|
|
|
|
|
Re: الحل السياسي للازمة .. عودة عقار لل BN وتعيين الحلو واليا ل ج كردف (Re: أحمد ابن عوف)
|
أحمد
Quote: او المؤتمر الوطني خليك fair
ديل ما عرفتهم
الفريق جلال تاور .. أو اللواء محمد مركزو
|
طيب تعرف مينو يا أحمد فى جنوب كردفان؟ الفريق جلال تاور هو شقيق الأستاذة نور تاور .. وهو مؤتمر وطنى .. واللواء مركزو هو حاكم سابق للأقليم عن المؤتمر الوطنى ..
ليه أنا لم أختار مثلاً الأستاذ الحبيب سرنوب حزب الأمة .. أو الأستاذ منير شيخ الدين المرشح الرئاسى السابق .. لأنهم خارج دائرة السلطة التى يتحكم فيها المؤتمر الوطنى. والسبب ببساطة ح يفشلوا أن لم تكن السلطة فى هذه المرحلة فى يد المؤتمر الوطنى .. وهذا ليس حباً فى المؤتمر الوطنى لكن حباً فى السلام ووقف الموت المجانى حتى تنجلى الأحوال ويتم معالجة القضية السودانية برمتها بما فيها جبال النوبة .. معالجة أوضاع جنوب كردفان أو النيل الأزرق أو دارفور دون الوطن فيه خلل ..
---------------------------------
تراجى أنتم المؤتمر الوطنى طردكم رجالة وحمرة عين من دارفور وجايين تتككفوا النضال على حساب أبناء جنوب كردفاء .. عار عار ..
بريمة
| |
|
|
|
|
|
|
| |
أحمد ابن عوف
بريمة محمد
Tragie Mustafa
الامين موسى البشاري
فيس بوك
تويتر
انستقرام
يوتيوب
بنتيريست