دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا
أرتِق الشَرِخ دَا/ العِصيان ناداك
الشعب الملهم.. لن يصبر من كدا أكثر
إلى شباب ثورة العصيان المدني: الحرية لا تقبل المساومة!
أكتب وأهرب: (أوقاف ) قوقل..و (سبيل ) الفيسبوك ...! بقلم يحيى العوض
نيويورك 10 ديسمبر، حوار حول الحراك المعارض في السودان في ختام معرض الاشكال والجسد
19 ديسمبر .. إني أرى شعباً يثور !!
مقال للخائفين على السودان من مصير ليبيا و سوريا إن حدث التغيير
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-11-2016, 04:17 AM الصفحة الرئيسية

مكتبة هبة عثمان عبده(سمرية)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

شربوت سااااااااااااااي !!

12-16-2007, 10:48 AM

سمرية
<aسمرية
تاريخ التسجيل: 01-16-2005
مجموع المشاركات: 2793

للتواصل معنا

FaceBook
تويتر Twitter
YouTube

كيف احذف مداخلة من بوستى

شربوت سااااااااااااااي !!

    انا دايما بنتظر قدوم عيد الاضحي بفارق الصبر عشان اشرب الشربوت ولمن انكشف حبي ليهو الشديد .. بقوا ناس البيت ما بجيبوا البلح وبتركوا شراية البلح علي انا كل سنة .. ملوة .. ملوتين حسب المزاج !!

    والفحم برضو علي ... وحتى الخميرة .. اليوم داك بلقاها اتعدمت تماما من درج المطبخ !!

    ومن الوقفة المسا حبوبة بعد تستلم البلح مني تشد( حلة الشربوت ) ... ولغاية فجر العيد .. بتكون الحلة فوق النار .. تزيد فحم وتنقص جمرة !!


    وغالبا ما بتحصل شكلة ... بيني وبين حبوبة لانو حسب العادة الخميرة بتختها في الشربوت مع صلاة الصبح وانا بصحا بلقى حبوبة اتطانشت حكاية الخميرة دي عن قصد باتفاق مع امي .. على اساس انو الخميرة دي بتسكر وحرام وكلام كتير كدا !!

    وانا بقعد انفعل واقول ليكم انا دايرة اسكر مالكم ومالي .. ولو انت دايرين عصير بلح بنقص ليكم شوية كدا في جك !!

    وشربوتنا اشتهر للاهل والجيران انو مضبوط وجميل جدا ... ومن ما تجي الساعة حداشر صباحا تلاقي جكاكة الحلة تتطاقش على بيتنا .. دايرين يضوقوا شربوتنا !!

    دا غير الاصحاب البكونوا جابو جكاكتهم من بدري ..

    ومن طرائف الشربوت الحصلت عندنا في البيت .. مرة اختي عندها واحدة صديقتها طلبت منها تخلى ليها الشربوت حقها لغاية ما تجي تشيلوا ... قامت اختى ملت باقة الكريستال الكبيرة بالشربوت ( تقول جابت البلح هي ) ودستها جوة دولاب المطبخ ... واول يوم وما جات البت وتاني يوم وما جات تالت يوم .. جاتنا بت خالتي ومعاها اطفالها يعيدوا علينا واثناء ما كنت في المطبخ بعمل ليهم في عصير ... نسمع ليك صوت طااااااااااااااخ طرااااااااخ والعدة الجوة دولاب المطبخ كلها تجي كاسرة باب الدولاب وجكوكة القزاز حقت امي تروح في غضب الله !!

    وبت خالتي واولادها وكل ناس البيت يكسروا على المطبخ كانوا قايلين انبوبة الغاز هي الانفجرت !!

    وطبعن معروف الانفجر شنو ؟؟!!

    ومرة ... ثالت يوم في العيد وبعدما شربوتنا قرب يخلص .. فكرنا انا وحبوبة نعمل شربوت تاني عشان الطبايح لسه مدورة .. قامت حبوبة طمعت وملت ليك الحلة زوووود موية والشربوت دا غلي وغلي وكل شوية تزيد موووية .. قامت نادتني قالت لي تعالي ننزل الحلة دي عشان نزيد نار للشربوت وطبعا الحلة ( قوز ) كبيرة .. وتقيلة .. رفعناها .. انا وحبوبة وسندناها على حافة المنقد .. ولانها تقيلة ومليانة صعب ننزلها الارض لانها ممكن تحرق لينا رجلينا .. ولانها مليانة وتقيلة كان حاولنا ننزلها المنقد تاني برضو حتحرق لينا وشنا واصبح الوضع حرج للغاية ... كدا وووب وكدا وووب .. وانا قعدت اكورك .. وحيلي مااااااااااااااات وحبوبة صامدة ... ماسكين الحلة .. وما عارفين نتصرف كيف ؟!!

    وحبوبة الله يديها العافية زولة المهام الصعبة ... كوركت لاختي وقالت ليها جيبي لي جردل صغير ... وماعون اقرف فيهو وانا من الموقف الحرج دا بقيت اضحك لمن حيلي خلاص ماااااااات كلو كلو وقربت ارمي الحلة ونخلص .. وحبوبة تنهر فيني وتقولي لي : امسكي قوي حتحرقينا وتريحينا !!

    وفضلت حبوبة تقرف من الحلة وتقرف لغاية ما نقصت وبقى ممكن ننزلها دون خوووف !!

    اها بعد دا كلو برضو ما تبنا من الشربوت ... وما زلت اتوق لتذوقه في العيد الجاي دا .. رغم انو مافي لحمة ... عشان كدا فكرنا نعمل اكلة شامية اسمها ( مقلوبة ) بالفراخ والارز ... ونشرب بعدها الشربوت وننووووووووووووووم ...

    وكل سنة وشربوتكم بخير !!

    والله يحمي بلح السودان من الآفات ..!!
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-16-2007, 10:54 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: سمرية)

    سمرية الطعم انسانها زى شربوت الحبوبات...



    هو العيد متين؟




    العيد ده ماتكترى من الشربوت لاسباب فى نفس يعقوبة

    كل سنة وانتى طيبة والعيد الجاى...اححححححححم معروشة بحنان الدنيا كلو
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-16-2007, 11:11 AM

سمرية
<aسمرية
تاريخ التسجيل: 01-16-2005
مجموع المشاركات: 2793

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: Ishraga Mustafa)

    Quote: هو العيد متين؟


    العيد قبل ما نشرب الشربوت بشوووووووووية كدا !!

    ام واصل .. نهارك سعيد ..

    انا يومي الليلة عجيب صحي صحي .. القاك الصباح وانت ماشة الشغل واصبح عليك وهسي بعد ترجعي اقول ليك قيلتي كيف ؟؟

    عليك الله في أعجب من كدا ؟؟


    Quote: العيد ده ماتكترى من الشربوت لاسباب فى نفس يعقوبة


    عاوزة اشرب يا شوشو عشان اركز .. كويس !!


    Quote: والعيد الجاى...اححححححححم معروشة بحنان الدنيا كلو


    وانشاء الله نعرش كلنا بالحنان !!
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-16-2007, 07:46 PM

بله محمد الفاضل
<aبله محمد الفاضل
تاريخ التسجيل: 11-27-2007
مجموع المشاركات: 7992

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: سمرية)

    العزيزة هبة
    كيفك
    وكل عام وأنتِ كما أنتِ
    عنوان النضار والإشراق والجمال

    لكِ الشوق
    وعيدكم مبارك
    وربنا يحقق الأماني

    اللهم لا حسد
    شربوت...
    يا حليلنا نحن


    دعواتك بالعودة

    بله
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 06:08 AM

سمرية
<aسمرية
تاريخ التسجيل: 01-16-2005
مجموع المشاركات: 2793

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: بله محمد الفاضل)

    الصديق والاخ ود الفاضل ..


    وانشاء الله ايامك كلها اعياد ..

    وعيد الاضحى الجاي تكون معيد هنا ، والعيد ما يكون شربوت ساي .. !!

    تعرف السنة دي اول مرة من زمن طوووووووووووووووويل ابوي يعيد معانا ... وكان لما يتصل علينا .. يقول لينا كدي شممونني ريحة الشية !!

    دا غير خالتي وزوجها ليهو سنوات طويلة خارج البلد وحيصل اليوم وجاي وبحلم بالمرارة وام فتفت وشية الصاج والشربوت ، اهاالسنة دي الحمى النزفية دي شرطت عينا !!


    يديك العافية يا بله وكل سنة واسرتك كلها بخير !!
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 06:29 AM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: سمرية)

    هبة
    امانة خلي لي قزازتي لحدي ما نتلاقى

    انشالله تختيها في فتيل محلبية..

    انا جادي..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 07:34 AM

سمرية
<aسمرية
تاريخ التسجيل: 01-16-2005
مجموع المشاركات: 2793

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: DKEEN)

    Quote: انشالله تختيها في فتيل محلبية..



    انت داير تفجر ليها بيتنا بقنبلة .. كيميائية .. ؟؟!!

    Quote: انا جادي..



    ممكن ارسل ليك الوصفة وانت تعملوا في حلة صغيرة كدا ( قدر ظروفك ) ... انا جادة ذاتي !!


    وكل سنة وانت طيب يا عزيز ...
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 06:35 AM

Dr. Faisal Mohamed

تاريخ التسجيل: 06-20-2004
مجموع المشاركات: 1180

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: سمرية)

    سلامات هبة

    وكل عام وانتو بخير وصحة وعافية.
    Quote: وشربوتنا اشتهر للاهل والجيران انو مضبوط وجميل جدا ... ومن ما تجي الساعة حداشر صباحا تلاقي جكاكة الحلة تتطاقش على بيتنا .. دايرين يضوقوا شربوتنا !!

    ما في طريقة لارسال باقة الكريستال أو جركانة الشربوت بالدي اتس ال (DHL) لكندا.... لــول .... واحد محروم من الشربوت لاكثر من 15 سنة وبمزح ساكت، وكل سنة وشربوتكم بخير !!
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 07:28 AM

wadalzain
<awadalzain
تاريخ التسجيل: 06-16-2002
مجموع المشاركات: 4086

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: Dr. Faisal Mohamed)

    كل سنه وانت طيبه

    والجميع بخير وشواءاتهم دخاخينها فى السماء وشربوتكم يغلى وينعنش يسنسن

    وهذه مناسبه ليستعرض لنا كل واحد او واحده طريقته فى عمل الشربوت

    ابدى لنا انت ياسمريه ما هى طريقة حبوبتك فى عمل الشربوت ، اكيد طبعا خبرة سنين كثيره ، ما هى المواد والبهارات غير البلح طبعا وكيف يغلى واين يترك .... الخ

    وشكرا
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 08:08 AM

سمرية
<aسمرية
تاريخ التسجيل: 01-16-2005
مجموع المشاركات: 2793

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: wadalzain)

    الاخ ود الزين .. حبابك وكل سنة وانت طيب !!

    وشكرا لاقتراحك ، بالنسبة لشربوتنا نحنا .. انا بشوف حبوبة بتغسل البلح كوووويس وبعدين كلما كان البلح جديد كلما كان الشربوت طاااااااااعم ولذيذ ... اها بتقوم حبوبة تخت الشربوت في النار بعد تكب ليهو الموية اللازمة .. والبهارات البنختها ( قورنجال وشوية زنجبيل ) .. !!

    اها بعد البلح ينضج بتقوم حبوبة بتكب الخميرة حسب كمية البلح .. وهنا بتكون نزلت البلح من النار طبعن ويترك فترة قصيرة ثم يصفى ويدخل الثلاجة فورا .. !!

    ما حصل طبعن عملتوا براااي !!

    واتفضل معانا شربووووت سااااااي ...
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 07:30 AM

إسماعيل حميم
<aإسماعيل حميم
تاريخ التسجيل: 07-19-2005
مجموع المشاركات: 2213

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: Dr. Faisal Mohamed)



    العزيزة هبة

    سلامات

    شئ شربوت!!
    وشئ شليل!!

    والله بالغتي عدييييل
    يا حبوبة

    مودتي

    إسماعيل حميم


    .
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 08:20 AM

سمرية
<aسمرية
تاريخ التسجيل: 01-16-2005
مجموع المشاركات: 2793

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: إسماعيل حميم)

    صاحبنا زمان ود حسين

    انت مش زعلان مني ؟؟ طبعن جابك الشربوت ؟؟

    وعارفاك عاوز ترجع المياه لمجاريها عشان القاك في العيد جايب جكك وجاي لينا .. اها ارتاح نحنا العيد دا معيدين بره الخرطوم ... !!

    وحاجة تانية ... ممكن اتصل عليك ولا ... ؟؟!!


    وعشان خاطر ابراهيم ومختار وهبوية كل سنة وانت طيب ولااسرة كلها بخير !!
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 07:38 AM

سمرية
<aسمرية
تاريخ التسجيل: 01-16-2005
مجموع المشاركات: 2793

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: Dr. Faisal Mohamed)

    Quote: ما في طريقة لارسال باقة الكريستال أو جركانة الشربوت بالدي اتس ال (DHL) لكندا.... لــول .... واحد محروم من الشربوت لاكثر من 15 سنة وبمزح ساكت، وكل سنة وشربوتكم بخير !!



    العزيز فيصل ..


    اريتو لو كان بصلك .. كان رسلت ليك كرتونة من الباقات ( حجم عائلي ) والله لو ما شربوت الضحية دا انا كان خليت السودان زمااااااااااااان .. دا السبب الوحيد المصبرني ومخليني اقعد فيهو .. تصدق ؟؟!!

    وكل سنة وانت طيب .. ويديك الصحة والعافية ..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 08:39 AM

عمرو كمال ابراهيم
<aعمرو كمال ابراهيم
تاريخ التسجيل: 10-09-2007
مجموع المشاركات: 1226

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: سمرية)

    Quote: ومن الوقفة المسا حبوبة بعد تستلم البلح مني تشد( حلة الشربوت ) ... ولغاية فجر العيد .. بتكون الحلة فوق النار .. تزيد فحم وتنقص جمرة !!






    هيع



    امانة ما دقستى يا هبة


    انحنا جايين بالدرب عديييييييييييييييييييييييييل










    خلى ناس دكين وفيصل ديل يستنوا ال D H L
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 09:12 AM

سمرية
<aسمرية
تاريخ التسجيل: 01-16-2005
مجموع المشاركات: 2793

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: عمرو كمال ابراهيم)

    Quote: هيع

    امانة ما دقستى يا هبة

    انحنا جايين بالدرب عديييييييييييييييييييييييييل

    خلى ناس دكين وفيصل ديل يستنوا ال D H L



    عمرو ...

    كدي سلم هسي وكل سنة وانت طيب ، والدرب البوصفوا ليك منو ؟؟!!

    خالد ماسا وحيعمل رايح وما بعرف بيتنا لاسباب في نفس الترمس حقو الجابو من الليلة وخلاهو عندي !!


    وبا فيصل ودكين شكلو فتيل المحلبية زاتو ما حيصلكم ؟ قطارة تنفع ؟؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 09:28 AM

عمرو كمال ابراهيم
<aعمرو كمال ابراهيم
تاريخ التسجيل: 10-09-2007
مجموع المشاركات: 1226

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: سمرية)

    Quote: خالد ماسا وحيعمل رايح وما بعرف بيتنا لاسباب في نفس الترمس حقو الجابو من الليلة وخلاهو عندي !!



    هاهاها .... وانعام مشت وين؟؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 09:32 AM

سمرية
<aسمرية
تاريخ التسجيل: 01-16-2005
مجموع المشاركات: 2793

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: عمرو كمال ابراهيم)

    وهاها ئين ...

    انعام معيدة في الحصاحيصا ؟؟!!
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 11:11 AM

عمرو كمال ابراهيم
<aعمرو كمال ابراهيم
تاريخ التسجيل: 10-09-2007
مجموع المشاركات: 1226

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: سمرية)

    Quote: وهاها ئين ...

    انعام معيدة في الحصاحيصا ؟؟!!



    !!!!!!!!!!!!!!!!!!!!!!!!!!!


    !!!!!!!!!!!!!!!!!!!!!!!!!!!













    Quote: لكن تفتكري لو ختينا السبيرتو بكون رهييييييييييب .... ؟؟!!



    طيب لو انا عندى سبيرتو أبو من دون ريحة.... بتخلينى اجى !!!""::""::""
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 11:25 AM

سمرية
<aسمرية
تاريخ التسجيل: 01-16-2005
مجموع المشاركات: 2793

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: عمرو كمال ابراهيم)

    Quote: طيب لو انا عندى سبيرتو أبو من دون ريحة.... بتخلينى اجى !!!""::""::""


    ديشااااااااااااااااااك ... دا ذاتو البفتش ليهوووووو !!


    خلاس تعال ... يوم الوقفة بالليل جيب البهار دا ... وتاني يوم تعال شيل ما تيسر !!

    قصرت معاك ؟؟

    اوعى كمان تجيب ترميس موية وتجيني ... حبوبة حتطير الشربوت في رأسي .. وكمان ما تقول ليها انا اعلنت عن شربوتها في النت !!
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 11:41 AM

عمرو كمال ابراهيم
<aعمرو كمال ابراهيم
تاريخ التسجيل: 10-09-2007
مجموع المشاركات: 1226

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: سمرية)

    Quote: اوعى كمان تجيب ترميس موية وتجيني ...




    يا حليلك... انتى من الزمن ده


    اليومين دى باقات بزيانوس الجديدة طالعة موضة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 08:43 AM

إسماعيل حميم
<aإسماعيل حميم
تاريخ التسجيل: 07-19-2005
مجموع المشاركات: 2213

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: سمرية)

    Quote: صاحبنا زمان ود حسين
    انت مش زعلان مني ؟؟ طبعن جابك الشربوت ؟؟



    والله هي زعلة شربوت ما يفكها
    لكن أم فتفت كان ادونا رخصة
    إكمـــن

    بعدين أحمد فاتحة ليهو كدا ليه؟؟؟


    إسماعيل حميم

    .
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 09:23 AM

سمرية
<aسمرية
تاريخ التسجيل: 01-16-2005
مجموع المشاركات: 2793

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: إسماعيل حميم)

    Quote: لكن أم فتفت كان ادونا رخصة
    إكمـــن


    ما قلنا ليك ام فتفت مافي ، شربوووووووووووت سااااي ..

    ما قايلاك مصر تخاصمني لدرجة انك تطلب المستحيل ..



    Quote: بعدين أحمد فاتحة ليهو كدا ليه؟؟؟


    ابو هبة ،
    انا قلتا مافي داعي اجيب سيرة احمد عشان الناس ما تعرف انك اب لاربعة ... وبتك هبوية خطوبتها في العيد .. وقربت تبقى جدوو ..

    عشان تاني تقول لي حبوبة ؟؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 09:20 AM

mamkouna
<amamkouna
تاريخ التسجيل: 12-05-2004
مجموع المشاركات: 2246

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: سمرية)

    Quote: وطبعن معروف الانفجر شنو ؟؟!!


    سمرية..
    ختيتو خميرة..و لا ..سبيرتو..؟!!!



    -------------

    كل سنة و إنتو طيبين.


                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 09:35 AM

سمرية
<aسمرية
تاريخ التسجيل: 01-16-2005
مجموع المشاركات: 2793

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: mamkouna)

    Quote: سمرية..
    ختيتو خميرة..و لا ..سبيرتو..؟!!!



    ممكونة ... اول حاجة متشاقيييين ... وتاني حاجة برضو موشااااقيييين واخر حاجة كمان !!


    الخميرة حقتنا يا ست البنات ... بتكون جدددددددديدة ورغم انها محلية وحبوبة بتجيبها في كيس كمان ..


    لكن تفتكري لو ختينا السبيرتو بكون رهييييييييييب .... ؟؟!!
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 12:18 PM

ريهان الريح الشاذلي
<aريهان الريح الشاذلي
تاريخ التسجيل: 02-22-2005
مجموع المشاركات: 2178

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: سمرية)

    يا سمرية ازيك كل سنة وانتي بخير وجميع البورداب

    فعلا شربوت سااااااااي انا غايتو اقنعت اهلي اقناع انو مافي علاقة بين الشربوت واللحمة عشان يقولو انو طالما ما ضابحين مافي داعي للشربوت.....

    عندنا نخلة في البيت في الموسم طرحت بلح جميل جدا شكلا وطعما اقترحت لناس بيتنا انو البلح ده

    كتير وانو نعمل منو شربوت (الكلام ده قبل عيد الضحية بفترة طويلة ) رد علي ابوي قال :

    الفرق بين البيت والانداية انو البيت بيعمل شربوت في عيد الضحية بس والانداية علي طول ايام
    السنة ..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 12:45 PM

عمرو كمال ابراهيم
<aعمرو كمال ابراهيم
تاريخ التسجيل: 10-09-2007
مجموع المشاركات: 1226

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: ريهان الريح الشاذلي)
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 12:47 PM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 08-30-2006
مجموع المشاركات: 12098

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: سمرية)

    سمرية ...

    صراحة أنا جاي إجازة في العيد ...

    واحد من أهم الأسباب هو الشربوت .... سااااي .. ما سااااي .... المهم يكون في .. (البلح فيهو نزفية؟)

    كل سنة وإنتو طيبين
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 03:48 PM

Najlaa El Mahi

تاريخ التسجيل: 07-17-2007
مجموع المشاركات: 434

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: محمد أبوالعزائم أبوالريش)

    Quote: وشكرا لاقتراحك ، بالنسبة لشربوتنا نحنا .. انا بشوف حبوبة بتغسل البلح كوووويس وبعدين كلما كان البلح جديد كلما كان الشربوت طاااااااااعم ولذيذ ... اها بتقوم حبوبة تخت الشربوت في النار بعد تكب ليهو الموية اللازمة .. والبهارات البنختها ( قورنجال وشوية زنجبيل ) .. !!

    اها بعد البلح ينضج بتقوم حبوبة بتكب الخميرة حسب كمية البلح .. وهنا بتكون نزلت البلح من النار طبعن ويترك فترة قصيرة ثم يصفى ويدخل الثلاجة فورا .. !!


    سلامات يا سمرية وعيد سعيد

    قلت اشيل اعمل وصفتك دى وكنت عاوزة اضرب ليك عديل لانى شايفة حكاية انه اقول ليك عاوزة لى كريستال حجم عائلى دى شوية مرهقة قلت اعمله براى اها القاك يا اختى ولا قلتى المقادير ولا حاجة يعنى لازم تمشى تسألى حبوبة من دربك دة وتجى بالوصفة والمقادير يا اختى ده شربوت سااااااااى وبس سريع فى الانتظار الوقفة قربت خلينا نمشى نجيب البلح الجديد ده قدر شنو بالظبط؟ يعنى تحددى كوب كذا وكيلو عدد كذا والموية دى اهم حاجة تتوزن
    اسمعى مستنيين والا بيتكم محاصر من يوم الوقفة بالليل ( لزوم حراسة الحلة)

    تعيدى بالف خير وبلاش المقلوبة ما احنا اصلا مقلوبين وقاتلبين هوبة فى البلد دى.
    جادة جدا فى حكاية الوصفة بالمقادير


    مودتى
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 06:02 PM

Nola

تاريخ التسجيل: 12-03-2006
مجموع المشاركات: 71

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: سمرية)

    سمرية يااااا لذيذه يا رايقة

    الشربوت ماااا عندكم واللمة كمان

    بث عارفة يا منقة الشربوت دا لو ربطتي ليك زريعه في قماش ورميتها فيهو

    ماااااااااا مبالغة بكون ( وش عامل رايح)

    بث يا سمرية عارفة الاخطر من شربوت البلح شنو

    شروووووووب الجنزبيل

    امااااااااااااال ايييييييه


    هيع نسيت

    كل سنة وانت طيبة وعيد سعيد

    وكل سنة وجميع البورداب بخير وتامين ولامين
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 06:09 PM

الطاهر ساتي
<aالطاهر ساتي
تاريخ التسجيل: 02-18-2006
مجموع المشاركات: 3227

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: سمرية)

    Quote: ولغاية فجر العيد .. بتكون الحلة فوق النار


    مااظن ده يكون شربوت الحلتو فوق النار لغاية الفجر ..!!

    سمرية خلى العشوائية ولو مصرة جيبي البتاعات المضمونة من نمرة اتنين
    غايتو دى نصيحتى ليك
    والا
    بعد العيد حنجى نقرا بوست يقول ( كفارة لى سمرية قربت تشقها البتاعات العشوائية )


    عيدك سعيد .. وأظهري ، لو مرقتى سالمة من الحلة البتتشد للفجراوى ..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 06:22 PM

Rawia

تاريخ التسجيل: 11-23-2002
مجموع المشاركات: 8396

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: الطاهر ساتي)

    كل سنة وكل الضيوف الفي البوست دا وصاحبة البوست بخير وصحة وعافية

    وياسمرية ينفعكم الشربوت حتى لو من غير لحمة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-17-2007, 07:14 PM

علاء الدين حيموره
<aعلاء الدين حيموره
تاريخ التسجيل: 08-07-2006
مجموع المشاركات: 5671

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شربوت سااااااااااااااي !! (Re: Rawia)

    كل سنة وانت بالف خير وربنا يحقق امانيك ويديك الف عافية ويسعدك ..

    عبرك برضو بهنيء الاخت راوية وبقول ليها كل سنة وانت طيبة ويعود عليك بالبركة .. وكل الاخوة زملاء البورد بدون فرز ..


    مودتي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de