إلى لؤى محمد عثمان ( لؤى ) - تحية وردية -

Quote: ( حبيبـي وأبـي ) ( كنت من قبلك بشيل الليل دموع وأطويهو هـم ) ( قبلك كنت لا بـحلـم ولا موجود ) ( قبلك كنت تائه حياتـي عدم ) ( سلواي كان دموعـي وسـميـري الألـم ) ( غريب وحيد ) ( حيـران ) ( حزنان ) ( دموعـي تسيل وليلـي طويل وعايش فـي مهبّ الرّيح براي شـمعة ) ( يوم ما عرفتك ) ( فنّان بيـريد للفرح ما ردَّ إيد ) ( غنّااااااااااي ) ( يدندن غناك ) ( فـي حياتـي جذور ) ( يهدي لـي أنغام تسمو بالأحلام توهب الفنّان روعة الإلـهام ) ( حروف إسـمك نغـم ) ( خلقوك علشان ما تردّد أجـمل غنوة ) ( لـمّا الكلـمة تطلع منّك برتكانة ) ( وكُلّ كلـمة من شفايفك أحلـى غنوة ) ( بيك صادفنـي ولقـى عنوانـي رذاذ الفرح الـخلّـى الـجّيّة ) ( دُنياي إبتسـم وهلّ ربيعـي ) ( ضُقتَ السّعادة وفارقنـي النّدم ) ( راحوا دموعـي ) ( الـهـم راح وإنطوى ) ( إخترتك سعيد البال ) ( هويتك صرت ولـهانك عشقت الدُّنيا دي علشانك ) ( وكم ردّدتَ ألحانك كتير جدّدتَ ذكراها كتير غنّيت بشوقـي إليك ) ( عشنا أيّامنا سوا وما قاسينا النّوى ) ( عزفنا ونزفنا شربنا وروينا من لذيذ الغُنا ) ( نغنّـي غناوي ونـحكـي حكاوي ) ( تسكرنا الليالـي وتطربنا النُقّارة ) ( وعلـى غيـر إنتظار ) ( رحَلْتَ ) ( وافترقنا ) ( ومشـى لباحات الـخلود ) ( ركيـزة بيتنا ) ( وشكشكتْ مطرة وبرق عبّادي فـي الأُفق الرّمادي ) ( واستحـمّت خاطرة فـي موج العشيّة ) ( صبـح رمل الطّريق حزنان ) ( زهور عطشانة فوق أحزانـها متكيّة ) ( لأنّك إنت روح الكُل ) ( يا أعزّ النّاس ) ( يا أميـر الـحُسن ) ( يا روعة سحر الأسطورة ) ( غلبنـي أقيف ) ( شُفْتَ الدُّنيا دارتْ بَـيْ ) ( ومدّيت للرّهاب إيدَي ) ( فـي بعدك لقيت كُل الأرض منفـى ) ( قستْ الدُّنيا علـيَّ وجافَـى النُّوم عينـيَّ ) ( السُّهاد أضنانـي والبعاد أشقانـي ) ( وا شقاي أنا وا عذابـي ) ( ياما بعدك شفتَ الألـم قلَّ نومـي وصبري إنعدم شوف دموعـي وراك صاروا دم ) ( والله قد ضاع السّرور ) ( عشانك فؤادي جريـح عشانك أنا مقتول وبـموت معاك مقتول ) ( عشانك يا حزن نبيل عشانك يا حلـم جـميل ) ( عشانك يا بلد يا نيل يا ليل يا سـمح يا زين ) ( يا دهب مصهور ) ( يا فخر هذا الـجيل ) ( يا سامـي الـمقام ) ( يا نيلنا يا أرضنا الـخضراء ) ( أسوّي شنو ؟ ) ( أنا والأنغام والعود فـي إيدي ؟ ) ( أسوّي شنو مع الـمقدور ؟ ) ( ما ترد علـي يا إنت ) ( يا الفراقك علـيَّ كان مكتوب ) ( يا نور العين إنت وينك وين ؟ ) ( وكيف أصبـر وعارف نفسـي ما صابـر ؟ ) ( عيونـي فـي الدّمعات وحيلة ) ( أنا لا الصّبـر قادر علـيّ ولا عندي حيلة ) ( ومرّة أسرح ومرّة تغلبنـي القراية ولّمن أكتبلك وداعاً قلبـي ينزف آآآآآآآآه ) ( قلبـي ينزف فـي الدّواية ) ( الدّمعات عيونـي كيفن تـمنعها ؟ ) ( فرض يا دموعـي تنتثري ) ( ومن صمتـي ما قادر أفيق ) ( أتوسّد ضُراعـي سُكات ) ( آآآآآآآآآه ناري بعدك ) ( لِـمن تُرى أعزِفُ أُغنيّتـي ؟ ساعةَ لا مِقياسَ إلا الكَـمال ) ( إن لـم تكن أنتَ الـجّمالُ الذي يملأُ كأسِـي ويفيضُ الـجّـمال ) ( وأخُط إسـمك علـى باب الزّمان إكليـل وردة صبيّة تلـمع فوق صديري النّيـل ) ( وبإسـمك أغنّـي لعالـم بسيط وجـميـل ) ( وأنادي عليك فـي كُلّ السلالـم ) ( مازلت لا أقوى أن أنقل الخطوَ ) ( بين ضلوعي النار تقيد دا حرام والله حرام ) ( حليل الكان بيهدّي الغير صبح مـحتار يكوس هدّاي ) ( ساهد بغنّـي الذّكريات ) ( يا حليل حليل ليالـي الـهنا ) ( حليلك والعـمر فانـي ) ( حلّفتك يا قلبـي وحـمّلتك أمانة حلّفتك تقول لـي إيه آخرة بكانا ) ( اقول أتناسـى حبّو يزيد تزيد بالتّالـي أوجاعـي ) ( يزيد الـهـم علـي ويسفـح وريدي ) ( داير الدّموع يتـّقّـلـو ورجعـتَ خلّيت الـدّموع يـرتاحوا مـنّـي ويـنزلوا ) ( وكان غرساً سقيتو بكاء ) ( لقد شربت دموعـي أما سئـمت شرابـي ؟ ) ( وااااااااا أسفاي ) ( بلد مـجروح ) ( بلد غاطس لـحدّ الليلة فـي الوجعة ) ( ونـحن بنبكـي جوّا ) ( بنـحبّك نـحن وما قادريـن أبداً عن حبّك نتخلّـى ) ( بيك نوّرت أيّامنا ) ( وهسَّع رُحْنا نتْوجّع نعيش بالـحسرَة نتأسّف ) ( يا سليـم الذّوق لو تعرف الشّوق أبقـى أنزل يوم من علاك الفوق ) ( شوف عـمايل الـحب فـي الـحشا الـمحروق ) ( وفـي أحزان عيون النّاس ) ( الـحزن الذي كحّل هاتيك الـمآقـي ) ( من أقصـى شـمال بلادي لأقصـى جنوب الوادي ) ( كـم شقينا ) ( ياما الضّفّة تشهد يوم غنّيت مكانـها ) ( يوم الغابة شافت فـي عينيك زمانـها ) ( نـحن أبناؤك فـي الفرح الـجّميل نـحن أبناؤك فـي الـحزن النّبيل ) ( قد تنادينا خفافا كـخيول الرّيح فـي جوف العتامير ) ( لـم تكن حلـماً ولكن كنت للشّعب إنتظاراً ) ( وإتّـخذناك حبيباً وصديقاً وديارا ) ( ستبقـى بين أيدينا وفينا ) ( والله مـشتاقيـن ) ( يــا حلـم حاضرنا وشـمس ماضينا وشـمس كُلّ زمان ) ( القمح صفارو لولـح مشتهيلَك ) ( عشان مكحّل دارنا بسـمرة جبينك ) ( الغروب يسألنـي منّك وأُمسياتنا فـي شوق إليك ) ( الرّمال النّاعـمة مشتاقة لـمشيك ) ( الطّيور الرّاحلة فـي ضل الـمساء بتسأل عليك ) ( كيف تفارق الضّفّة والنّيل هان عليك ؟ ) ( جـميع الأغانـي إتّكالٍ عليك ) ( لأنّك مـحنّك ) ( وفوقك هيبة ) ( قدرك عالـي قدرك ) ( ماكَ هويّن سهل قيادك سّيد نفسك ميـن أسيادك ؟ ) ( وإنت نشيد الصّبـح كلامك وعطر أنفاسك ) ( يا الإصرارك سطراً سطراً مَلا كرّاسك ) ( الـمستميت علـى المبادىء مؤمنا ) ( الـمشرئبّ إلـى الـنّـجوم لـينتقـي صدر السّماء لشعبنا ) ( للظّلم يوماً ما ركع مهـما جرى ) ( بس يا حليلنا نـحن دموع تسقـي الوسادة ) ( يا بابا شوف ) ( الجّرح الأكبـر منّـي وقاسـي علـيَّ ) ( وحزنك السّكن الـحناجر والدّفاتر والـمعازف ) ( أشيل من فكري ذكراك الـجّميلة ؟ مـحال يا روحي ما باليدّ حيلة ) ( أنا لا ما بنساك ) ( أنا لو أنسـى ما بنساك وما بنسـى أيّامـي معاك ) ( يا الفرهدتَ فرح جوّاي ) ( بدون عينيك بصبـح زول بدون ذكرى وبدون ميلاد ) ( وأنت عشقـي ) ( وكُل خفقة فـي قلبـي نغـمة تحكـي ليك شوقـي وهواي ) ( يشهد ربّـي أنا بـهواك ) ( إنت عارف أنا يا روحـي بـحبّك ) ( أحبّك لا قدر مكتوب ولا دمعاً سقـى الـمنديـل ) ( أحبّك مكانك صميـم الفؤاد ) ( وبإسـمك أغنّـي تغنّـي السّواقي خيوط الطّواقي سلام التّلاقي ودموع الفراق ) ( أحبَّك لا الزّمن حوّلنـي عن حُبّك ولا الـحسرة ) ( ما قادر أقولّك عن حبّـي الكبير وصفو علـيَّ قاسـي وعايش فـي الضّميـر ) ( قدر الكون دا كُلّو حبّـي وأكبـر بكتيـر ) ( بينـي وبينك والأيّام قصّة حب طويلة شيّدناها بالآمال والعشرة النّبيلة ) ( وبيّنـي وبينك الضّحكة ورحيق الشّاي وطعم الـخبز والسُّترة ومساء النّور ) ( وعمق الإلفة بيـن النّهر والنّخلة وغُنا الطّنبور وصدق العُشرة بيـن الأرضِ والإنسان ) ( وبينـي وبينك الفكرة وجـمال الذّكرى والنّسيان وحُسن الظّن ) ( تعال يا من هويتو وشوف حالـي ) ( أسأل قلبك عن حالـي أسألو ) ( ضاع الكلام ماتت حروف ) ( قلبـي الغريق فـي الـهـم نزف ) ( الـمحبّة تزيد الألم وكُلّ يوم أصبـح لـي فـي هـم ) ( خلاص يا حبيبـي ما عُدتَ أطيق بُعدك ) ( مع طُول الألـم والليل ) ( فـي غيابك ياما ليل الغربة بالآلام رمانـي ) ( الليلة يا حبّـي الكبيـر فـي حرقة لافّينـي الأسـى ) ( وحياة الأيّام الجائرة وظالـمة ) ( كُل ما سحابة تلاقـي سحابة تنزل منّك دمعة عشانـي ) ( يا حبيبـي أنا خايف ياما بعدك أنسـى حالـي ) ( هناي فـي بسمتك فـي وقفتك فـي مشيك ) ( فـي حديثك فـي إبتسامتك ) ( حِبِّـي عارف إنّو فـي صمتك كلام ) ( لا تدعنـي للأسـى يدفعنـي مدّاً وجزرا ) ( يعنـي خلاص كدا ؟ ) ( ها نـحن مع النّور إلتقينا ) ( ومن قلبـي بدعيلك ) ( ربّـي يعدل ليك سبيلك وكُل مناي فـي الكون عديلك ونـهاية الخير مصيرك ) ( أتـمنّـى يوم تـجـمعنا جنّات حبّنا ) ( أصلو فراقنا أوّل كان قسـمة وإرادة ) ( دي الإرادة ونـحن ما بنقدر نـجابه الـمستحيـل دي الإرادة والـمقدّر ما بنجيـب ليهو بديـل ) ( الـمكتوب علـي أنا قلبـي إرتضـى ) ( إلاّ عينيك ما بتتفات ) ( صابـر بتألّـم والـمر دا شرابـي حليـل الرّاح وحليل أحبابـي ) ( وا ضيعة الوتـر ) ( ورنّة طبلة رقصت ليك ) ( الحياة زيارة و فوات والعـمر إطلالة واحدة تفضل أجـمل ذكريات الـمواسم الـحلوة شاهدة ) ( نحرس الأمل الـموات والظّروف الـما مساعدة ؟ ولاّ نتـحدّى السُّكات بأغانـي جديدة واعدة ؟ ) ( أمنّـي نفسـي وأقول بكرة الـجّنّة ) ( كُلّ حدائق الدُّنيا أقلّ وسامة وحضور وأنـهار الدُّعاء تَـمور ) ( ملاذاً من شتاء الأيّام وبرداً فـي الـحياة وسلام ) ( وعند الله جزاك ) ( ووداعاً ) ( يا أول وآخر حب لينا يا شرح الـحاصل والفينا ) ( سلامات ) من لؤي مـحـمّد عثـمان ( ومن شعب السُّودان )

(عدل بواسطة عاطف عمر on 02-15-2013, 08:39 PM)