|
|
|
 Re: ليت صفقة العجب ( المليارية ) تكتمل .... وليته يؤمن بالمبلغ مستقبله ومستقبل أسرته (Re: عاطف عمر)
|
عندما كانت الصحف والجماهير المشفقة على والمحبة لنجمها الفنان الخلوق فيصل العجب تدعوه للترجل عن صهوة جواده
وعندما كان النجم الكبير يرد عليهم بأدبه الجم أن بإستطاعته اللعب لموسمين قادمين
كنت أنظر لمطالبات المعجبين المشفقين على أنها مطالبات تصدر من ما يشبه الأبراج العاجية
فقد كانت مطالبات لم تستصحب واقع الحال المعيشي في السوداني ولم يعط المشفقون أنفسهم فرصة للتفكير في
وماذا يفعل هذا اللاعب الذين يطالبونه بالإعتزال ليعول من يعول من أسرته ؟؟؟
هل أمنوا له أو أمنت له ( بدائل ) ليعيش منها ؟؟؟
وعندما كان يرد اللاعب عليهم بمقدرته على اللعب فقد كنت موقناً أن ( يده التي هى النار ) تشير لـ ( أياديهم التي هى الماء ) أن تكف عنه قليلاً
فبعض الحب ما قتل
| |
 
|
|
|
|
|
|
|
|
Re: ليت صفقة العجب ( المليارية ) تكتمل .... وليته يؤمن بالمبلغ مستقبله ومستقبل أسرته (Re: عاطف عمر)
|
طالعتنا الصحف ومواقع النت بأخبار صفقة الكاردينال المليارية للنجم الخلوق
أرى أنها رزق ساقه المنعم الكريم إليه
من أعماق قلبي أتمنى - رغم هلاليتي من منازلهم - التي لا أخفيها أتمنى لهذه الصفقة أن تكتمل
وأن يستلم النجم الكبير كافة إستحقاقاتها
وليته يتعامل مع هذا المبلغ الكبير على أنه ( مكافأة نهاية الخدمة )
يؤمن به مستقبله ومستقبل أسرته
وبعد ذلك
الأمر متروك لمدربي الهلال يجلسونه على دكة الإحتياط أم يشاركون به في أوقات متقطعة أو متواصلة من مباريات ودية أو رسمية أم يعيدونه للمدرجات
| |
|
|
|
|
|
|
|
|
|
Re: ليت صفقة العجب ( المليارية ) تكتمل .... وليته يؤمن بالمبلغ مستقبله ومستقبل أسرته (Re: عاطف عمر)
|
سلامات يا هندسة.....
تعرف مواضيع المعاش و نهاية الخدمة دى كلها عندها حسبات مختلفة فى السودان. ما بس فى الوسط الرياضى. اظن انها بقت فى كل الاوساط.
مع التضخم المتواصل فى السودان بقى انك لو اشتغلتا عمرك كله -و مهما حاولتا توفر قروش- لما تطلع معاش قروشك ح تبقى ما عندها قيمة. عشان كده (اظن) ان الناس بقت تستثمر فى اولادها. تحاول تعلمهم كويس و تكبرهم عشان لما يكبروا هم اللى يعشيوا اهاليهم.
كان فى سيدة بتجى تغسل الملابس فى بيتنا. من انا فى الابتدائي لحدى ما مرقتا من السودان. بتغسل كل يوم لبيت فى الحلة. كان عندها ولد وااحد و مات فى حرب الجنوب. اتخيل الزولة دى شغالة عمرها كلو. و ما وقفت يوم واحد. الان لما امشي بسال منها. ناس البيت قالوا لى انها كبرت و بقت ما بتقدر تشتغل. بتجى تسلم عليهم مرة مرة. حقيقي قلبى واجعنى عليها. زول ما وقف يوم واحد من الشغل طول شبابه, و لما يكبر ممكن يموت من الجوع و البرد.
على الاقل العجب ممكن يكون دخله عالى اثناء لعبه فى شبابه و ممكن يكون وفر قروش معقولة لمعاشه.
___________________________________
انتوا يا لمغتربين فى دول الخليج اهم حاجة البيت( التانى ) فى السودان. عشان تاجره و يبقى موضوع بالمرة...كل يوم شكلة مع ناس الاجار.
| |
|
|
|
|
|
|
|
|
|
Re: ليت صفقة العجب ( المليارية ) تكتمل .... وليته يؤمن بالمبلغ مستقبله ومستقبل أسرته (Re: smart_ana2001)
|
تحياتي وسلامات مهندستنا سمارت
أولن بالتبادي
| Quote: انتوا يا لمغتربين فى دول الخليج اهم حاجة البيت( التانى ) فى السودان. عشان تاجره و يبقى موضوع بالمرة...كل يوم شكلة مع ناس الاجار. |
ربنا يسمع منك يا سمارت يا بت أم سمارت
ربنا يقدرنا نكمل ( الأوضتين ) البديناهم قبل عشر سنوات ونسكن فيهم
بعدين الإيجار والشكل ملحوق
قاليك واحد سأل صاحبو راتبك كم ؟؟
قال ليهو مليون جنيه
رد عليهو قال والله بختك دا مبلغ كبير خلاص
قال ليهو كبير وين " أقساط المدارس والجامعات براها أربعمية ألف والترحيل بتاعم ميتين ألف ، والكهرباء والموية أربعمية ألف ، .... "
السائل جمع التفاصيل لقى المليون كمل فسأل صاحبه
طيب بتاكلوا شنو ؟؟
فرد عليه صاحبه بسرعة
بناكل سيد البيت
____________
بجيك راجع كان الله هون
| |
|
|
|
|
|
|
|
|
|
Re: ليت صفقة العجب ( المليارية ) تكتمل .... وليته يؤمن بالمبلغ مستقبله ومستقبل أسرته (Re: smart_ana2001)
|
الاخ عاطف عمر
حديثك مفعم بالعاطفة والانسانية والهم بقضايا الناس والوفاء، وهو حديث يجد عندي تقدير كبير والله .. وينم عن انسان كريم ابن كرام
الا انني اختلف معك تماماً
لا يجب ان تتم صفقة العجب (المليارية) بناءاً على ما ذكرت ... ولايجب ان يكون الاشفاق عليه مدعاة لعدم الاحترافية في ادارة شئؤن الهلال - أو غيره
يمكن ان تنظم له احتفالية اعتزال ضخمة تدر عليه (ربما) الكثير من المال
ثم يجب ان يكون تأمين مستقبل اللاعبين المحترفين عامةً - مسئؤلية شخصية- او عبر آلية تشمل الكل وفق ضوابط وآليات محددة
تحياتي
| |
|
|
|
|
|
|
|
|
|
Re: ليت صفقة العجب ( المليارية ) تكتمل .... وليته يؤمن بالمبلغ مستقبله ومستقبل أسرته (Re: أيمن محمود)
|
تحياتي وسلامات عزيزنا الباشمهندس أيمن
جزيل الشكر على كلماتك الطيبات في حقنا وأرجو أن اكون كما تظن
ربما لم أستطع أن أوضح رؤية البوست كما ينبغي
أردتها أن تكون محاوراً عديدة للنقاش وجزيل الشكر الكاردينال وفيصل العجب أن أتاحا الفرصة
- اللاعب النجم وعمره في الملاعب.
- النجم ومستقبله ما بعد الإعتزال
- الأثرياء وعلاقتهم بكرة القدم واعتقادهم أن ( فلوسهم ) هى البديل لأى رؤى فنية أو رؤى تخطيطية
- تعامل الإداريين المحترفين مع طائفة ( الأثرياء الرياضيين ) و تمريرهم أو غضهم الطرف لما يرى أهل المال الرياضيين من ( أفكار ) حتى وإن جانبها التوفيق الفني أو الصحة التخطيطية
وسط كل هذا
رأينا أن هذا اللاعب الكبير قد جلس في بيته بعد أن فرض عليه فريقه ( بحق ) أن يترجل
جاءه من يعرض عليه ( مليار ) جنيه ليلعب في الفريق المنافس لفريقه الأصلي
لذلك رأيت أنها عطية المنعم الكريم - وليست شفقة - على اللاعب
مخطئ من يقول لهذا اللاعب أرفض هذه ( النعمة ) ... خاصة في ظل ما نعرف من ظروف السودان
فهذا المليادير إما أنه يعلم أن هذا اللاعب قد قدم ما عنده وليس لديه ما يقدمه بموازاة هذا المبلغ - وإلا لما فرط فيه فريقه السابق - وأن الأولى بهذا المبلغ لاعبين صغار في السن يتم تدريبهم وتأهيلهم ليخدموا فريقه ، ورغم ذلك فهو يريد ( مكايدة ) للمريخ ولا تهم عنده الفلوس
أو أنه لا يعلم
وفي كلتا الحالتين فهذا رزق هذا اللاعب من مال هذا المليادير - الذي ولج مجالاً لا يعرف أبجدياته - رزق أراده المنعم القدير لهذا اللاعب لحكمة يعلمها هو وحده
بس إن شاء الله الصفقة تتم
| |
|
|
|
|
|
|
|
|
|
Re: ليت صفقة العجب ( المليارية ) تكتمل .... وليته يؤمن بالمبلغ مستقبله ومستقبل أسرته (Re: smart_ana2001)
|
Quote: تعرف مواضيع المعاش و نهاية الخدمة دى كلها عندها حسبات مختلفة فى السودان. ما بس فى الوسط الرياضى. اظن انها بقت فى كل الاوساط.
مع التضخم المتواصل فى السودان بقى انك لو اشتغلتا عمرك كله -و مهما حاولتا توفر قروش- لما تطلع معاش قروشك ح تبقى ما عندها قيمة. عشان كده (اظن) ان الناس بقت تستثمر فى اولادها. تحاول تعلمهم كويس و تكبرهم عشان لما يكبروا هم اللى يعشيوا اهاليهم.
|
لا أريد أن أفجعك يا سمارت
لكن هل تصدقين أن الإستثمار في الأولاد لم يعد هو ضماناً كافياً لمواضيع المعاش ؟؟
يصرف الآباء على الأنجال دم قلبهم في تعليمهم في أرقى الجامعات وأحسن الكليات وبعد أن يتخرجون يظل الواحد منهم أسير الإنتظار لسنين قد تطول للحصول على وظيفة
وبعد الحصول على الوظيفة فإن عائدها لو غطى مصروفاته الشخصية فتكون الدنيا لونها بمبي
كريمتي الطالبة الجامعية مازحتني ( جادة ) ذات يوم بأن مصروفها الحالي أكبر من راتبها المتوقع لو حصلت على وظيفة فلماذا ( الشحططة ) ؟؟
ربما يجد بعض المحظوظين فرصة في التغرب في دول الخليج ... أصحاب الحظ الأكبر من يسرجون خيولهم صوب ( دول الإستكبار ) و ( أرض الأحلام )
لكن في نهاية المطاف كم يمثل المغتربون خليجياً أو المهاجرون غربياً كنسبة مئوية ؟؟
إنه حقهم يا صديقتي نعطيهم إياه ما إستطعنا ولا نتوقع مقابلاً له
Quote: كان فى سيدة بتجى تغسل الملابس فى بيتنا. من انا فى الابتدائي لحدى ما مرقتا من السودان. بتغسل كل يوم لبيت فى الحلة. كان عندها ولد وااحد و مات فى حرب الجنوب. اتخيل الزولة دى شغالة عمرها كلو. و ما وقفت يوم واحد. الان لما امشي بسال منها. ناس البيت قالوا لى انها كبرت و بقت ما بتقدر تشتغل. بتجى تسلم عليهم مرة مرة. حقيقي قلبى واجعنى عليها. زول ما وقف يوم واحد من الشغل طول شبابه, و لما يكبر ممكن يموت من الجوع و البرد.
|
أدميت قلبي يا سمارت - غفر الله لك -
لها الله
يرحمها ويتولاها فقد إمتحنها إمتحاناً عسيراً
ويرحمنا ويتولانا بجاهها
Quote: على الاقل العجب ممكن يكون دخله عالى اثناء لعبه فى شبابه و ممكن يكون وفر قروش معقولة لمعاشه.
|
أتمنى أن يكون قد فعل
لكننا جميعنا نتاج ثقافة ( أصرف ما في الجيب يأتيك ما في الغيب )
لا تخطيط لغد يا سمارت
لذلك قد رأينا لاعبين ربما كانوا أشهر من العجب وفنانين كبار وشعراء قد هدهم المرض وهزمتهم الفاقة ففارق دنيانا من فارقها منهم وهو ملئ بالحسرات ويعيش على ظهرانينا من يعيش متجنباً من كانوا يعرفونه ( أيام العز )
_____________
ماذا حصل بخصوص حضورك لدبى ؟؟؟
فرحتينا ثم صهينتي
| |
|
|
|
|
|
|
|
|
|
Re: ليت صفقة العجب ( المليارية ) تكتمل .... وليته يؤمن بالمبلغ مستقبله ومستقبل أسرته (Re: عاطف عمر)
|
ربنا يحفظ كريمتك و يوفقها ويعلي مراتبها (و مرتبها).
فى دول (الاستكبار) و الامبريالية النظام معروف. بتشتغل طول حياتك و اولوياتك معروفة:
المعاش اولا.
بعدين تعيش بصورة كويسة, ثانيا.
وبعدها ممكن توفر للاولاد حق الجامعات, ثالثا.
فى النهاية الاولاد بيطلعوا من الثانوى و ممكن يشتغلوا اثناء الدراسة و ياخدوا قروض و يقروا جامعاتهم و يشوفوا حالهم. و الاهل ما بيبقوا مسولية اولادهم. لو الاهل ميسورين, بيدفعوا حق الجامعة و الكل بيكون مبسوط.
فى عالمنا السستم ما معمول بانه ممكن طالب جامعى ياخد قرض عشان يدرس. عشان كده هى مسؤلية الاهل.
و المشكلة تبقى انه -الان- الابناء ما متوفرة ليهم فرص عشان حتى يساعدوا روحهم. خلى يساعودا اهلهم فى المستقبل.
قصدة السيدة اللى كانت بتجى بيتنا فى السودان ما قصة فريدة. فى مئات القصص ذيها. لكن يمكن التكافل الاجتماعى فى السودان ما بيخلينا نسمع ان واحدة ذيها ماتت من الجوع.
حقيقي هى قصة بتدمى القلب. و رغم من ان ناس بيتنا قالوا لى ان جيرانها و اخواتها فى حى العزبة فى بحرى مخليين بالهم منها. و انها حتى لما تجبها قروش من ناس كانت زمان بتشتغل معاهم بتقسمها معاهم. برغم كل ده, هى دايما فى بالى. ادعوا معاى ربنا يخفف عليها.
عن موضوع الجية لدبى...الموضوع لسه ما وضح. الخواجات دي طلعوا بتاعين لولوة. لكن بنجيكم زيارة ان شاء الله.
Ahmad M A Salih...سلامات...
لحدى الاسبوع الفات هى بخير. و اتمنى انها تكون لسه بخير.
ذى ما قلتا... اخواتها و جاراتها بيشوفوها. و عندها حفيدة اختها -اظنها - عايشة معاها. بنت فى بداية العشريانات و بقت هى اللى بتشتغل.
| |
|
|
|
|
|
|
| |
عاطف عمر
smart_ana2001
أيمن محمود
فيس بوك
تويتر
انستقرام
يوتيوب
بنتيريست