|
|
 شرطة دبى ... الإعجاز والإدهاش المستمر ... حدث اليوم في مطار دبى
|
أتتنا في إجازة نصف السنة الدراسية كريمتي أسيل الطالبة الجامعية في السودان
وقضت معنا ثلاثة أسابيع مرات سراعاً
ذهبنا معها صباح اليوم لمطار دبى مودعين
كان في دواخلي فرح كبير أن ( العيال كبرت ) وهاهم يمشون خطاوي حياتهم
وفي نفس الوقت كان في دواخلنا توجس خفي كونها المرة الأولى التي تسافر فيها لوحدها
كما تقتضي الإجراءات ودعناها عند صالة المغادرين
وطلبت منها أن تخبرني خطوة بخطوة حتى ركوبها الطائرة
|
|
 
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
أتاني إتصال من رقم غريب غير مسجل عندي
من يتصل في هذا الصباح الباكر ( وقتها كانت الساعة قد تجاوزت الثامنة صباحاً بقليل )
أجبت المتصل
" بابا أنا أسيل ... موبايلي ضاع .. بكلمك من موبايل ( عمو ) سوداني "
طيب بهدوء ... إنت الموبايل آخر مرة شوفتيهو متين ؟؟
أنا وضعتو في الصحن في السير مع بقية أغراضي عشان يمشي يمر على جهاز الفحص الإلكتروني "
في الحالة دي بلغي الشرطة الموجودين عند جهاز الفحص الإلكتروني وهم ح يتولوا كل شئ
بلغتهم يا بابا.. أخدوا معلوماتي الشخصية وقالوا لى ما في مشكلة ح نلاقو ليك .. أمشي مكان الإنتظار لمن تظهر حاجة ح نبلغك
شعرت بها مضطربة
هدأتها
أرسلت لها أحد أجهزة الموبايل التي أستخدمها مع أحد المسافرين لأكون على تواصل معها
وذهبت لمركز الشرطة الملحق بالمطار خارجياً
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
إستمعوا إلى باهتمام كبير
الموضوع بسيط ، الشباب جوة ح يلقوا الموبايل وح يسلموا للبنت وحتى لو سافرت ح نتصل بيك ونرجعوا ليك
في هذا الوقت كانت أسيل تتصل على رأس كل خمس دقائق
لاحظ الضابط لذلك خاطبني قائلاً
دعها لا تقلق .. غرفة العمليات قد تولت الموضوع وسوف تعيد فحص أشرطة المراقبة وسوف تتعرف على من أخذه
كل ذلك والإبتسامة لا تفارق شفاههم
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
إتصلت أسيل مرة أخرى
بابا ناس الشرطة جو سألوني عن الشخص الكان واقف قدامي أوصافو كانت كيف ولما لم أتذكر تماماً حاوزلو يساعدوني كان لابس .... و..... و.....
قلت لهم نعم
قالوا لى خلاص ما في مشكلة
رجعت لمكتب الشرطة الخارجي لأتابع قابلني الضابط بابتسامة كبيرة
" خلاص مبروك وجدنا الشخص الأخد الموبايل.. ووجدنا الموبايل معاهو .. دقائق وح يكون مع البنت "
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
سلام باشمهندس عاطف
وفعلا العيال كبرت
اتمني ليها حياه دراسيه موفقه وان شاء الله بعد سنوات نسمع خبر التخرج وربنا يغطي عليها
التحيه عبرك للقائد الفريق/ ضاحي خلفان المسئول الاول عن شرطة دبي
وبمتابعه كريمه من سعادة الشيخ / محمد بن راشد آل مكتوم حاكم دبي
سنحت لى الظروف فى العمل والتعامل المباشر مع سعادة الفريق ضاحي خلفان وكان وقتها برتبة اللواء ,
وكان ذلك داخل القياده العامه لشرطة دبي وكان الموضوع الذي اتيت من اجله هو انشاء استديو لانتاج برامج توعويه
وهي عباره عن رسالة شرطة دبي التي كان يتم انتاجها وبثها فى تلفزيون دبي
حقيقة ماشهدته هناك وقتها كان شيئا يفوق الخيال قمة الانضباط والمهنيه وقمة الانسانيه التي تفتقدها الكثير من ادرارات الشرطه فى الكثير من الدول العربيه .
واسمح لى من هنا ان ابعث عظيم تحياتي للاخ العقيد(حينها) / احمد علي عبيد السعدي مدير ادارة التوجيه المعنوي بالقياده العامه لشرطة دبي.
كت اوت :
كنت قد وصلت الى ابوظبي اول ايام العيد على ان اداوم رابع ايام العيد بالقياده العامه لشرطة دبي
اتصلت على سعادة العقيد السعدي وطلب مني الحضور الي القياده العامه وذكر فى حديثه بلهجته الاماراتيه المحببه
تعال الاستقبال (وبطرشلك) الملازم سلطان . انا غايتو بطرشلك دي مافهمتا منها اي حاجه قدر ماحاولتا اركبا تاني فى جمله مفيده غلبني
لما انتهت المكالمه سألت الخبراء المعاي قالوا لى حيرسل ليك النقيب دا يجيك فى الاستقبال
فعلا لما جيت الاستقبال لقيت الملازم سلطان مطرش لي
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
Quote: أغلب الظن عندي أن من أخذ الموبايل قد أخذه بعد مروره من جهاز الفحص بالخطأ
ربما تكون أسيل قد وضعته بالخطأ في الصحن الخاص به
أو قد يكون قد تشابه عليه
وفي كل الأحوال لم ينتبه لإتصالاتنا المتكررة على الرقم |
الأستاذ/ عاطف عمر
ســـلام
الإقتباس أعلاه يمثل قمة حسن الظن بالآخرين ،
ليتنا جميعا نحسن الظن مع بعضنا قبل توجيه أي إتهام،
الحمد لله على السلامة،
وعليها الحرص الشديد في وطنها فإن تم سرقة شيء ليس هنالك من يعيده إليها،
ربنا يحفظنا جميعا ، يوفق ولاة أمرنا للعمل على تقدم بلادنا وإزدهارها،
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
| Quote: شرطة دبى ... الإعجاز والإدهاش المستمر ... حدث اليوم في مطار دبى |
وجه الإعجاز يكمن في كيفية ضبط مطار تهبط وتقلع منه الطائرات على مدار الدقيقة ويكون بداخله في ذات اللحظة عشرات الآلاف من المسافرين ، كيفية ضبطه و وفعالية أجهزة الشرطة وتمرس العاملين فيها بحيث يمكنهم الوصول لمن يريدون الوصول إليه في أقل من ( أربعين ) دقيقة
وأربعين دقيقة هذه هى رحلتنا مع هذه القصة
ووجه الإدهاش في ذلك السلوك الحضاري والإنساني الذي يجعلك تشعر أن كل القوات الموجودة هم أصدقائك الخلص الذين يريدون الوقوف معك في محنتك
لله درهم
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
Quote: الف حمدلله على سلامتها يا هندسةوربنا يطمئنكم عليها
عكســة :- كب الكلام جملة مرة واحد شغل التشويق ده والقطاعي ما بنفع في ناس من اصحاب القلوب الرحيمة ممكن الطريقة دي تعمل ليها اثار جانية ومضاعفات
مودتي
الرحــــــال |
ربنا يسلمك يا رحال
أبداً والله ليس في الموضوع تشويق
بس المداخلات الطويلة عشان بتتعبني في القراية ( إلا أطبعها ) عشان كدا بحاول ما أعملها في بوستاتي
لذلك تراني أسابق الزمن عشان أكمل الموضوع قبل أن أرد على الأحباب المتداخلين
جزيل الشكر
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
سلامات يا عاطف،
تابعت بإهتمام، ليس ما قامت به شرطة دبي فحسب، بل أول تجربة سفرللابنة أسيل. أعتقد ده أول درس مفيد ليها في عالم السفر،وتاني أكيد جتكون إستفادت الكثير من الحادثة. لازم نتيح لأبنائنا فرص التجريب والاعتماد على النفس ودي هيه مدرسة الحياة. أنا متأكد إنها كانت مرتبكة لانو دي أول مره تسافر لوحدها وتكمل إجراءاتها داخل المطار بمفردها.التحية لأسيل وإنشا الله توصل بالسلامة وما تضيع الموبايل في مطارنا الدولي!
أكيد شرطة دبي صاحية شديد، أول مره أحضر لدبي قبل سنوات خلت للعمل وكنت أبحث عن سكن، وجهوني ان شركة إعمار عندهم عماره تحت التشطيب في نهدة دبي وفعلا ذهبت لمعاينة البناية لمعرفة متى ستنتهي وبما ان الشوارع حول الموقع لم تكن معبده فعند المغادره غرزت إطارات سيارتي في الرمال وبدأت أحاول تخليص السيارة ولكن دون جدوى. وما هي إلا لحظات أفاجأ بدورية الشرطة قادمة نحوي ولا أدري من دلاهم علي وفي لحظات ذهبت معهم وإشترينا قطره وسحبو لي سيارتي ومشو لحال سبيلهم، علما بان مكاني كان بعيدا عن الشوارع العامة المطروقة. إذا كان هذا حالهم قبل ما يزيد على عشر سنوات فلا غرابة ان يجدو موبايل أسيل في أربعين دقيقة.
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
Quote: الحمدلله طلع الموضوع كده قلقنا معاك والله
تمشي وتجي بسلامة ابنتنا اسيل وما تشيلي هم الجوال تب بدل الانسرق ده بابا بجيب 1000
مودتي
الرحــــال |
فعلاً يا أشرف الموضوع بسيط
لكن من لا يشكر الناس لا يشكر الله
الأهم من كدا
أنو لمن تشوف الشرطة بتتعامل مع المواضيع حتى البسيطة منها بكل هذه الجدية وتصل للفاعل في زمن قياسي تمتلئ زهواً
لذلك رأيت أن أوصل لهم إحساسي
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
الأخ العزيز والصديق عاطف عمـر،
سلام،
حمدلله على سلامـة موبايل البنيـة والشكــر لشرطـة دبى اليقظـة وعلى رأسهـا الرجل الهمام الكفـؤ الفريق ضاحي خلفان .
قصـة مشابهـة حدثت لى فى مدينة هانجـزوو فى الصين عام 2009، ويبدو أن الســـودان البلـد الوحيـد الشـادى بضنب الأمم.
أعتقـد نشرتها هنا من قبل، فقـد أعطيت سائق تاكسى ورقة بالصينى مكتوب عليها اســم محطـة قطارات معينـة، فذهب بى الى محطـة أخرى أبعـد بكثير.. سفر فى
حد ذاتها ليزيـد عداد الأجرة مستغلا عدم فهمى للمدينة.. نزلت وطلبت تذكرة لشنغهاى، فقالوا لى أنت فى المحطـة الخطأ.. وحين أعطيتهم الورقـة قالوا نعم هـذا عنوان محطتك ولكن
ليس هنا.. فسردت لهم قصـة التاكسى وإنى أعطيته الورقة دون ان اتحدث معـه. فى هـذا الوقت خرجت الموظفـة من شباك التذاكر وقادتنى لمكتب شرطـة المحطـة.. ولحسن الحظ كنت
قد أخذا من سائق التاكسى إيصال مكنـة العداد، وفيه ارقام عن الشركـة ورقم العربة والسائق والوقت...الخ. فأخذ الشرطى الورقـة وضرب عدة مفاتيح على الكمبيــوتر، ثم بعد لحظات
ووسط الدهشـة.. أشوف ليك زولك السـواق زاتو فى الشارع واقف يرفع شنطـة أمرأة فى الضهـريـة، وذلك فى شاشـة تلفزيون مقابلـة.. الشرطى قال لى هل هـذا هو قلت نعم..
فقال هو الان يبعـد 20 دقيقـة من هنا، فإن شئت تنتظـر ونحضره ويعتذر لك ثم يوصلك المحطـة، أو نوصلك نحن وسيكون لنا شأن معـه.. فقلت لهم انى أذهب الان ولا داعى للإعتذار
فأخذنى أحدهم فى سيارة الشرطـة.
قصـة شبـه خياليـة، ولكنه الجى بى أس وكمرات الشوارع وكمبيوترات الشرطـة.. شبكـة رهيبـة ودقيقـة لأبعـد حـد.. صحيح نحن ناس ملكيـة ساكت.
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: حمد عبد الغفار عمر)
|
| Quote: أنو لمن تشوف الشرطة بتتعامل مع المواضيع حتى البسيطة منها بكل هذه الجدية وتصل للفاعل في زمن قياسي تمتلئ زهواً |
ياباشمهندس
اخذ المواضيع بالجديه هو المحك .. وانا اعرف ان كل مسافر وقادم وعابر يمكن متابعة كل تحركاته داخل قاعات مطار دبي حتي ساحات
المواقف الخارجيه .. اذن فلا شيء يخرج عن السيطرة .. ليس في المطارات وحدها .. وليس الشرطة وحدهم .. دبي مدينة جادة ومتمسكة
بالتطور .. وبقيمة الانسان ..
وانت يا شيخنا .. لاتحزن فان الله معك .. وعارف حمل البنيات .. والا لضاع موبايل اسيل في مطارات اخري يضيع فيها البني ادم بي طوله
تحياتي ..
عمر علي حسن
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عمر علي حسن)
|
Quote:
وجه الإعجاز يكمن في كيفية ضبط مطار تهبط وتقلع منه الطائرات على مدار الدقيقة ويكون بداخله في ذات اللحظة عشرات الآلاف من المسافرين ، كيفية ضبطه و وفعالية أجهزة الشرطة وتمرس العاملين فيها بحيث يمكنهم الوصول لمن يريدون الوصول إليه في أقل من ( أربعين ) دقيقة
وأربعين دقيقة هذه هى رحلتنا مع هذه القصة
ووجه الإدهاش في ذلك السلوك الحضاري والإنساني الذي يجعلك تشعر أن كل القوات الموجودة هم أصدقائك الخلص الذين يريدون الوقوف معك في محنتك
لله درهم
|
حفظهم الله وبلادهم وزادهم من عنده خير وبركة ..
الكلام الفوق دا حاجة بسيطة وسهلة جدا بالنسبة لشرطة دبي يا عاطف .
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عمر علي حسن)
|
الحمد لله اسيل بخير
وحمدالله على سلامة الموبايل
لكل جهاز امني هناك قصور ولولاه لما كانت هناك جرائم اصلاً
الساعة حوالي السادسة مساء
المكان: ستي سنتر
الموقع الدور الاول: ماجيك بلانت حيث ملاهي الاطفال
المدام تجر عربة الطفل واسفلها في الشيالة مياه وشنطة اليد حقتها
وللاسف الشديد في اليوم دا بالذات (ونحن جايين نقضى اجازة) من بلد تانية
شلت كل الكاش المعاي وقلت ليها امسكي القروش دي وللاسف .. لا احمل بطاقة فيزا في ذلك الوقت
ودي اكبر غلطة انك تدي المرة قروش في يدها
اخير تخليها في جيبك انت دا .. حتى لو اتنشلت
انا كنت واقف بعيد .. دقائق الولية جات تصرخ
احمد احمد .. الحقني
الشنطة
انا في اللحظة دي قربت اغمر
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: Ahmed Yassin)
|
الشنطة ضاعت .. وهي تبكي وتولول الشنطة يا احمد
زي ما قال ابوقطاطي 0شوفتا الدنيا دارت بي)
لملمت خلعتي واتماسكت شوية وقلت ليهاياتو شنطة
قلت يمكن الشنطة الفيها (بامبرز) لا مؤاخذة
ياتو شنطة؟
الشنطة حقتي البونية
تاني جاني ابوقطاطي ناطي الدنيا دارت بي
جريت يمين شمال وبعاين في ايادي الناس
بدون فائدة
اتلموا نسوان الدنيا والعالمين عليها وهي مازالت تبكي
جاء فلبيني شايل دفتر وعمل معاي استجواب
محتويات الشنطة واللون بني وفيها وفيها وفيها
في واحد لازلت اذكر اسمه (قيصل) وهو سوري يعمل في بيت الاشباح
قال لي: اتركك من هادولي في تحت في الباركنق مكتب شرطة دبي
روح اعمل بلاغ
جري جريت بالسلم لى تحت : للباركنق حيث شرطة دبي
ذات السمعة العالمية
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: Ahmed Yassin)
|
لقيت تلاتة انفار قاعدين ولابسين جلاليب والطرح حقتهم دي
سلام عليكم وعليكم السلام
دخلت مباشرة في الموضوع
واحد منهم قال لي اجلس يازول
وحط رجل على رجل
فعلا قعدت خلفت رجلي وقلت ليهو اها دي رجل فوق رجل
واطمنت جدا جدا ام بالتطور البنقرا عنو دا
الشنطة هسي بتجي .. ديل تبع ضاحي خلفان
ديل كشفو المجرمين الكتلو المبحوح ما يجيبو لي الشنطة البونية
وانا صوتي راح والولية صوتها بقى مبحوح
المهم القال لي حط رجل على رجل دا اسمو عبدو ..طلع وجاء بعد
نوص ساعة كدة
ناداني وقال لي تعال .. طبعا الولية جات قعدت بعيد مني ولازالت تبكي
المهم طلعت مع عبدو دا وقال لي تعال
مشيت معاهو لى غرفة المراقبة الكنترول فيها يمكن الف شاشة
وقعد ينادي يا مظفر يا مظفر ... دا الهندي المسئول
قال لي شوف المنطقة الانتو او المدام الكانت فيها
للاسف الكاميرا معطلة
معطلة يعني شنو يا سعادتك؟
قعد يديني ليك في محاضرة ان ما اخرب الاجازة على الاولاد
والحمد لله اولادك بخير
قلت ليو اختصر يا سعادتك
جايبني في كل الشاشات دي وتقول لي معطلة
المهم
رجعنا المكتب ولقيتهم جابو اتنين لابسين شرطة دبي رسمي
اقوال واوصاف
ولا زالت الشنطة الغالية بمحتوياتها العزيزة في عداد المفقودين
آه
آه يابطني
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عمر علي حسن)
|
Hafiez Farah · Dubai, United Arab Emirates
حصل في شهر اتناشر كان عندنا مناسبة زواج في دبي 000 و عند مغادرة الاهل كان معاهم خالاتنا كبار في منطقة التفتيش بعد الجوازات نسيت بنت خالتنا شنطة يدها باللخمة و فيها دهب المناسبة زايد باقي قروش و لم تتمكن من الاتصال بي الي ان وصلت السودان حوالي الساعة عشرة بالليل 000 توجهت الي قسم المفقودات بالاماراتية و قالو ما عندهم حاجة وجهوني الي التوجه الي شرطة المطار 000 حكيت ليهم القصة في دقايق كان عدد من افراد الشرطة و التحريات / المباحث معاهم الضابط المناوب بي رتبة نقيب 000 اخدو اقوالي و سالوني من المكنة التم التفتيش فيها و الزمن و ملاحظة غريبة انو سالوني كان معاهم اطفال و كانو لابسين شنو 000 قال لي الضابط عندنا امكانية نجيبة بالكميرات من ما نزلت من العربية و نحنا ناسنا ماممكن يسرقو شي الا يكون راكب اخدة 000 المهم اتوكل و بنتصل بيك الكلام ده كان زي الساعة حداشر بالليل 000 الساعة واحدة ونص صباحا جاني رقم غريب نوع الكلو ارقام متشابة قال لي معاك محمود من التحريات عثرنا علي الشنطة و حصرنا الاشيا و وجدانها كما زكرت 000 لاكن ماممكن نسلمك ليها الا ب حضور صاحبة الشنطة او توكيل منها لم تحتوية من دهب و قروش 000 الملاحظة التانية انو كانت معاي بنت خالتي جاية من السودان قالت لي ناس البوليس ديل انتا بتعرفهم و لا في زول موصيهم ليك قلتا ليها ما بعرفهم قالت لي ناس غريبين في الاحترام و التهذيب و المهنية 000 يا حليلنا و حليل السودان كان اول حاجة قال ليك البوليس هم زاتهم الفياقة ليهم و السفر شنو ما يتلمو في بيوتهم
| |
|
|
|
|
|
|
|
|
 Re: شرطة دبى ... الإعجاز والإدهاش المستمر ... حدث اليوم في مطار دبى (Re: عمر علي حسن)
|
يا حاج .. ربنا يحفظ البنية ويوفقها ان شاء الله
في عام 2005 أو 2006 لا أذكر .. انا وواحد من الشباب مررنا عبر الشارقة ترانزيت .. وادونا تأشيرة دخول لمدة 96 ساعة .. الضابط لما ختم لي الدخول بابتسامة كبيرة قال لي: المرة دي جيتونا عبور نتمنى المرة الجاية تجونا زيارة
لهم التحية والتقدير من على البعد.. وفي الخاطر زيارة الإمارات بالوليدات بإذن الله
| |
|
|
|
|
|
|
|
|
 Re: شرطة دبى ... الإعجاز والإدهاش المستمر ... حدث اليوم في مطار دبى (Re: Abureesh)
|
سلامات ياعاطف اخوى وحمدالله سلامة اسيل وربنا يحفظها
يازول اهو الخال جنابو عمر اداك النجيضة وقال ليك المطار دة محروس بعيون دقيقة حتى الباركنج
والتحية لشرطة دبى ومهنيتها العالية
المهنية دى عرفناها لكن والله ناس مطار دبى الانسانية زاتها مكملنها اها شوف القصة دى
جيتنا الفاتت انا والحاج واقفين فى آخر صف الجوازات والحاج متكل على عصاته والشعر قطنة ، مانشوف ليك الا واحد من ناس المطار يجينا ويسلم علينا ويودينا على كاونتر فاضى ويخلصوا لينا الاجراءات فى دقايق
وآآآآآآآآآآآآآآآآآآآآآآآآآآآآخ يابلد
تحياتى
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: Abureesh)
|
Quote:
حمدلله على سلامـة موبايل البنيـة والشكــر لشرطـة دبى اليقظـة وعلى رأسهـا الرجل الهمام الكفـؤ الفريق ضاحي خلفان .
قصـة مشابهـة حدثت لى فى مدينة هانجـزوو فى الصين عام 2009، ويبدو أن الســـودان البلـد الوحيـد الشـادى بضنب الأمم.
أعتقـد نشرتها هنا من قبل، فقـد أعطيت سائق تاكسى ورقة بالصينى مكتوب عليها اســم محطـة قطارات معينـة، فذهب بى الى محطـة أخرى أبعـد بكثير.. سفر فى
حد ذاتها ليزيـد عداد الأجرة مستغلا عدم فهمى للمدينة.. نزلت وطلبت تذكرة لشنغهاى، فقالوا لى أنت فى المحطـة الخطأ.. وحين أعطيتهم الورقـة قالوا نعم هـذا عنوان محطتك ولكن
ليس هنا.. فسردت لهم قصـة التاكسى وإنى أعطيته الورقة دون ان اتحدث معـه. فى هـذا الوقت خرجت الموظفـة من شباك التذاكر وقادتنى لمكتب شرطـة المحطـة.. ولحسن الحظ كنت
قد أخذا من سائق التاكسى إيصال مكنـة العداد، وفيه ارقام عن الشركـة ورقم العربة والسائق والوقت...الخ. فأخذ الشرطى الورقـة وضرب عدة مفاتيح على الكمبيــوتر، ثم بعد لحظات
ووسط الدهشـة.. أشوف ليك زولك السـواق زاتو فى الشارع واقف يرفع شنطـة أمرأة فى الضهـريـة، وذلك فى شاشـة تلفزيون مقابلـة.. الشرطى قال لى هل هـذا هو قلت نعم..
فقال هو الان يبعـد 20 دقيقـة من هنا، فإن شئت تنتظـر ونحضره ويعتذر لك ثم يوصلك المحطـة، أو نوصلك نحن وسيكون لنا شأن معـه.. فقلت لهم انى أذهب الان ولا داعى للإعتذار
فأخذنى أحدهم فى سيارة الشرطـة.
قصـة شبـه خياليـة، ولكنه الجى بى أس وكمرات الشوارع وكمبيوترات الشرطـة.. شبكـة رهيبـة ودقيقـة لأبعـد حـد.. صحيح نحن ناس ملكيـة ساكت.
|
تذكرتُ وأنا أقرأ قصتك هذه حال مدينتين:
الخرطوم : التي يحرجك سائق التاكسي فيها بعد أن يوصلك ويقول لك: نحن اتفقنا لكن السكة كانت زحمة واضطريت اطلع بشارع تاني، يتعمد إحراجك أمام من أتيتَ إليهم لتدفع له مبلغاَ إضافياً.
القاهرة: حين تود الذهاب من التحرير إلى العتبة يأخذك السائق إلى صلاح سالم ومن ثم يوصلك إلى مصر الجديدة ليعود بك إلى العتبة.
:)
:)
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
تحياتي وسلامات عزيزنا النعمةQuote: تابعت بإهتمام، ليس ما قامت به شرطة دبي فحسب، بل أول تجربة سفرللابنة أسيل. أعتقد ده أول درس مفيد ليها في عالم السفر،وتاني أكيد جتكون إستفادت الكثير من الحادثة. لازم نتيح لأبنائنا فرص التجريب والاعتماد على النفس ودي هيه مدرسة الحياة. أنا متأكد إنها كانت مرتبكة لانو دي أول مره تسافر لوحدها وتكمل إجراءاتها داخل المطار بمفردها.التحية لأسيل وإنشا الله توصل بالسلامة وما تضيع الموبايل في مطارنا الدولي!
|
أراك قد أضفت بعداً رئيسياً للموضوع ، بل قد نظرت للموضوع من جذوره .. التجربة الأولى في مسيرة صاحبها وإفرازتها .. معك أتفق تمام الإتفاق أن لارتباك أسيل وتهيبها من التجربة الأثر الأكبر ومعك أرجو أن تكون هذه التجربة قد أنضجتها| Quote: أكيد شرطة دبي صاحية شديد، أول مره أحضر لدبي قبل سنوات خلت للعمل وكنت أبحث عن سكن، وجهوني ان شركة إعمار عندهم عماره تحت التشطيب في نهدة دبي وفعلا ذهبت لمعاينة البناية لمعرفة متى ستنتهي وبما ان الشوارع حول الموقع لم تكن معبده فعند المغادره غرزت إطارات سيارتي في الرمال وبدأت أحاول تخليص السيارة ولكن دون جدوى. وما هي إلا لحظات أفاجأ بدورية الشرطة قادمة نحوي ولا أدري من دلاهم علي وفي لحظات ذهبت معهم وإشترينا قطره وسحبو لي سيارتي ومشو لحال سبيلهم، علما بان مكاني كان بعيدا عن الشوارع العامة المطروقة. إذا كان هذا حالهم قبل ما يزيد على عشر سنوات فلا غرابة ان يجدو موبايل أسيل في أربعين دقيقة. |
أعادتني هذه الجزئية لثلاث سنين خلت ، فقد شرفني في زيارة عابرة إبن خالي الرائد شرطة معاش محمد التلب ( وهو عضو معنا في هذا البورد ) ...وبحكم التخصص الشرطي فإن أول ما لفت نظره هو ( الغياب العلني ) للشرطة في الشوارع وفي مراكز التسوق وفي الأسواق العامة لكن عندما يستجد أمر يستدعي حضور الشرطة تجدهم أمامك كأن الأرض قد قذفت بهم لسطحها .... كيف ؟؟
لا أحد يعرف .. يقول التلب أن هذا هو قمة المهنية وأذكر أنه قد ربط ذلك ( تماماً كحكم مباراة كرة القدم الناجح الذي يدير المباراة بنجاح تام ولا تكاد تحس بوجوده )
جزيل الشكر لمرورك المحفز
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
الدعوات بالتوفيق والسلامة لكريمتكم اسيل في الحل والترحال
قريت وسمعت كتير عن سعوديين وغير سعوديين سافروا لدبي وتعرضوا لمواقف مماثلة ورجعوا ليرووا بكل تقدير وامتنان قصصا عن مستوى الخدمة الرفيع لشرطة دبي
| Quote: و يا ابو الريش دحين الصيني ده فرزتو كيفن من باقي رفاقتو |
دي ذكرتني بنكتة المكاوي اللي اشتغل سواق تاكسي في الصين - مكاوي لزوم اللهجة وكدة - وكلما ياشروا ليهو واحد ي يقول ليهو:
ياوااااد بلا بهللة ..........دوبي موصلك
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
تحياتي وسلامات عزيزنا الصديق أبو الريشQuote: قصـة مشابهـة حدثت لى فى مدينة هانجـزوو فى الصين عام 2009، ويبدو أن الســـودان البلـد الوحيـد الشـادى بضنب الأمم.
أعتقـد نشرتها هنا من قبل، فقـد أعطيت سائق تاكسى ورقة بالصينى مكتوب عليها اســم محطـة قطارات معينـة، فذهب بى الى محطـة أخرى أبعـد بكثير.. سفر فى
حد ذاتها ليزيـد عداد الأجرة مستغلا عدم فهمى للمدينة.. نزلت وطلبت تذكرة لشنغهاى، فقالوا لى أنت فى المحطـة الخطأ.. وحين أعطيتهم الورقـة قالوا نعم هـذا عنوان محطتك ولكن
ليس هنا.. فسردت لهم قصـة التاكسى وإنى أعطيته الورقة دون ان اتحدث معـه. فى هـذا الوقت خرجت الموظفـة من شباك التذاكر وقادتنى لمكتب شرطـة المحطـة.. ولحسن الحظ كنت
قد أخذا من سائق التاكسى إيصال مكنـة العداد، وفيه ارقام عن الشركـة ورقم العربة والسائق والوقت...الخ. فأخذ الشرطى الورقـة وضرب عدة مفاتيح على الكمبيــوتر، ثم بعد لحظات
ووسط الدهشـة.. أشوف ليك زولك السـواق زاتو فى الشارع واقف يرفع شنطـة أمرأة فى الضهـريـة، وذلك فى شاشـة تلفزيون مقابلـة.. الشرطى قال لى هل هـذا هو قلت نعم..
فقال هو الان يبعـد 20 دقيقـة من هنا، فإن شئت تنتظـر ونحضره ويعتذر لك ثم يوصلك المحطـة، أو نوصلك نحن وسيكون لنا شأن معـه.. فقلت لهم انى أذهب الان ولا داعى للإعتذار
فأخذنى أحدهم فى سيارة الشرطـة.
قصـة شبـه خياليـة، ولكنه الجى بى أس وكمرات الشوارع وكمبيوترات الشرطـة.. شبكـة رهيبـة ودقيقـة لأبعـد حـد.. صحيح نحن ناس ملكيـة ساكت. |
مثال آخر جميل
وأنا سعيد جداً أنك أوردته
حتى يعرف ولاة أمورنا المراقي العليا التي وصلت لها الشرطة في العالم
هذا العالم الذي أصبح قرية صغيرة
ليتنا نستفيد من تجارب هذه القرية الصغيرة
تقبل الله تعالى دعواتك الطيبة
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
ربنا يحفظ اسيل و يحميها من كل شر.
الشرطة دى غايتو عندنا فى السودان...عالم تانى خالص.
__________________________
فى بلاد الفرنجة, قبل كم شهر, و انا طالعة من عيادة طبيب الاطفال شايلة طفلتى ذات ال 12 شهر. فى عربة شرطة جات ماشه سريع و انا حسيت بانه ما شايفنا. وقفتا و ما قطعتا الشارع (اصلا هو ما شارع..ده المسافة بين باب المبنى و الباركن). وفعلا طلع ما شايفنا و مشي طوالى. لما بقى قصادنا اتلفت و شافنى انا بعين ليه فى وشه بدهشة. وعرف انى ما مشيت لانه كان ما شي سريع و ما منتبه للشارع. الراجل(الشرطى) وقف و هاك يا اعتذارات بانه خلعنا و انه كان ماشي سريع. و اذا كان فى اى شيء ممكن يعملو لى الان (لانى مخلوعة). قلت ليه شكرا. احنا كويسين و have a nice day, sir
| |
|
|
|
|
|
|
|
|
 Re: شرطة دبى ... الإعجاز والإدهاش المستمر ... حدث اليوم في مطار دبى (Re: smart_ana2001)
|
حبيبنا الباشمهندس عاطف .. وضيوفه الكرام ..
حمدالله على سلامة الإبنة أسيل ..
أما عن شرطة دبي .. فالحديث يطول عن الإحترافية والمهنية والرقي في التعامل مع الجميع ..
ويقال إنه الشيخ محمد بن راشد المكتوم حاكم الإمارة أصدر تعلميات واضحة وصريحة للشرطة بخصوص التعامل مع الجميع ..
وهناك قصة تحكى كنكته للدلالة على مهنية وإحترافية شرطة دبي .. وسرعة إستجابتها لأيِّ إستدعاء ..
قالو .. والعهدة على الراوي ... واحد عمل حادث مروري .. والسيارة إتقلبت .. وهو ما جاتو عوجة ..
كان بيحاول يطلع من نافذة السيارة واللساتك لسة مدورة بعد إنقلاب السيارة ...
أول ما طلَّع راسه من النافذة .... شاف بوت عسكري المرور ...I
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
مراحب عمنا الحبيب سعادة اللواء عمرQuote: اخذ المواضيع بالجديه هو المحك .. وانا اعرف ان كل مسافر وقادم وعابر يمكن متابعة كل تحركاته داخل قاعات مطار دبي حتي ساحات
المواقف الخارجيه .. اذن فلا شيء يخرج عن السيطرة .. ليس في المطارات وحدها .. وليس الشرطة وحدهم .. دبي مدينة جادة ومتمسكة
بالتطور .. وبقيمة الانسان ..
|
وهل ينبئك مثل خبير
نعم سعادتك هو كذلك
أخذ الأمور بالجدية هو المحك .. دبي مدينة جادة ومتمسكة بالتطور .. وبقيمة الانسان ..
أعلنوا هدفهم جهاراً نهاراً
المركز الأول في كل شئ
ثم هم قد عملوا لذلك
تطويع التكنولوجيا والمعارف الحديثة والموارد البشرية لصالح التنمية
ثم ربط كل ذلك بقيم السماحة الأصيلة في طباعهم
Quote: وانت يا شيخنا .. لاتحزن فان الله معك .. وعارف حمل البنيات .. والا لضاع موبايل اسيل في مطارات اخري يضيع فيها البني ادم بي طوله
|
أرجو أن نكون دوماً في معية الله تعالى
فهو من لا تضيع عنده الودائع
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
تحياتي وسلامات عزيزنا ناصر الأمين
والتحايا العطرات للأخ العزيز ( من الفيسبوك ) حافظ فرح
قصة بالغة الدلالة .. تعزز رؤية البوست وتضيف إليه
توقفت كذلك عند تعليق إبنة خالته
| Quote: الملاحظة التانية انو كانت معاي بنت خالتي جاية من السودان قالت لي ناس البوليس ديل انتا بتعرفهم و لا في زول موصيهم ليك قلتا ليها ما بعرفهم قالت لي ناس غريبين في الاحترام و التهذيب و المهنية |
لها ألف حق في تفكيرها
مقارنة بين ما ( ألفته ) وتعايشت معه في بلادنا وبين ما وجدت أن الناس خارج السودان قد وصلت إليه
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
تحياتي وسلامات عزيزنا نادر
Quote: يا حاج .. ربنا يحفظ البنية ويوفقها ان شاء الله
في عام 2005 أو 2006 لا أذكر .. انا وواحد من الشباب مررنا عبر الشارقة ترانزيت .. وادونا تأشيرة دخول لمدة 96 ساعة .. الضابط لما ختم لي الدخول بابتسامة كبيرة قال لي: المرة دي جيتونا عبور نتمنى المرة الجاية تجونا زيارة
لهم التحية والتقدير من على البعد.. وفي الخاطر زيارة الإمارات بالوليدات بإذن الله |
ألف مرحب بيك في إمارات الخير
هكذا هو تعاملهم الإنساني الراقي
تقبل الله تعالى دعواتك الصالحة
جزيل شكري
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
تحياتي وسلامات عزيزنا الدكتور سيف النصر
Quote: حمد لله على السلامة يا عاطف .الغريبة انك قد تجد سودانيين مساهمين في مثل هذه الاعمال بل و قد يكون بعضهم في مواقع متقدمة
في الشركات التي تنتج أنظمة المراقبة او التي تقوم بصيانتها و لكن زي ما بيقولوا باب النجار مخلع.
و يا ابو الريش دحين الصيني ده فرزتو كيفن من باقي رفاقتو هههههه |
تسلم وأسرتك الكريمة وأحبابك من كل سوء
تذكرت بمداخلتك أنه وحتى وقت قريب كانت إدارات الصرف الصحي ببلديات الدولة كانت تكاد تكون حكراً على المهندسين السودانيين وللتاريخ فقد أدوا إنجازاً على أرفع المستويات فكان ذلك مدعاة للطرفة التي كان يرددها أصدقاؤنا المصريون
" السودانيين دول في بلادهم مافيش مجاري وجايين يشتغلوا فيها في الإمارات ""
هؤلاء وأولئك
كما أنت عليم قد أتوا للإمارات مزودين بالأساس العلمي المتين
وجدوا بيئة العمل المحفزة والإمكانيات المعينة على تجويد الأداء فبرزت إمكانياتهم الحقيقية
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
تحياتي وسلامات عزيزتنا د. مهيرة
Quote: سلامات ياعاطف اخوى وحمدالله سلامة اسيل وربنا يحفظها
يازول اهو الخال جنابو عمر اداك النجيضة وقال ليك المطار دة محروس بعيون دقيقة حتى الباركنج
والتحية لشرطة دبى ومهنيتها العالية
المهنية دى عرفناها لكن والله ناس مطار دبى الانسانية زاتها مكملنها اها شوف القصة دى
جيتنا الفاتت انا والحاج واقفين فى آخر صف الجوازات والحاج متكل على عصاته والشعر قطنة ، مانشوف ليك الا واحد من ناس المطار يجينا ويسلم علينا ويودينا على كاونتر فاضى ويخلصوا لينا الاجراءات فى دقايق
وآآآآآآآآآآآآآآآآآآآآآآآآآآآآخ يابلد
|
تسلمي يا غالية ويسلموا أولادك وأحبابك
خالك وعمنا سعادة اللواء ربنا يعطيه الصحة والعافية جاب الموضوع من الآخر ...
باين لى أن كل من أتي للإمارات عندو قصة تحكي عظمة هذا الشعب وعظمة أجهزة شرطته
ولأجل ذلك تجدين بلدهم في تطور مستمر لا يعرف التوقف
لقد بدأوا حقاً من حيث إنتهى الآخرون
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
تحياتي وسلامات عزيزتنا ( من الفيسبوك ) أم مؤيد
تسلمي يا رب وتقبل الله تعالى دعواتك الطيبة
| Quote: سلام باشمهندس .. وربنا يسعدك بيها وهي ماشة لبيت العَدل باذن الله.. أكثر ما يثير الدهشة في الامارات عموم الايقاع المنتظم في كفية إدارة البلد وفيها الكم الهائل من الوافديين ومعروف كل يوم في تذايد مستمر .. |
ذلك هو الإعجاز
سلاسة منقطعة النظير
وثقة في النفس
وتعامل راقي
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
الأخ عاطف عمر,
نتمى للبت النجاح والتوفيق في بقية مسيرة حياتها
حقيقة معظم أجهزة الشرطة في العالم تتعامل بمهنية عالية جدا, أتذكر قصة حدثت في تركيا, كان هنالك شخص مشرد يعتمد في حياته على القمامة, وفي مرة من المرات تحصل على شنطة جيتار ثقيلة جدا في صندوق قمامة وقد أخرجها بصعوبة من الصندوق. بعد فتح الشنطة وجد فيها جثة شابة مقطوعة الرأس. وقد كان منظرا مرعبا بصورة غير طبيعية للشخص مما أدخله في حالة هستيرية أقرب إلي الجنون. إتصل الرجل بالشرطة, وفي أقل من أربعة وعشرين ساعة تمكنت الشرطة التركية من تحديد شخصين قاما برمي الشنطة في القمامة, وهما شاب وسائق تاكسي. تم التعرف عليهم عن طريق كاميرات المراقبة المنتشرة في أستانبول, وما ساعدهم في التعرف على سائق التاكسي هي لوحة التاكسي التي تم التعرف عليها من الكاميرات. وقام سائق التاكسي بإخطار رجال الشرطة بالمنزل الذي تم تحميل الشنطة منها وعليه تم التعرف على البنت أيضا من كاميرات المراقية وهي داخلة المنزل مع الشاب المتهم بقتلها. وأيضا تم التعرف بأن الشاب كان له علاقة عاطفية مع البنت وأستدرجهاإلي المنزل وقام بقتلها. وفي حينها أختفى الشاب وأيضا سبب قتله للشابة لم يكن واضحة. ولم أتمكن من متابعة مجيرات بقية القصة لكن أظن بأن الشرطة التركية تمكنت من القبض على الشاب وإجراء اللازم.
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: aosman)
|
تحياتي استاذ عاطف وحمدا لله على السلامة ..
يوم الاربعاء الفاتت دي القريبة دي .. شالتني نومة في طيارة الامارات .. وكنت مرهق شديد .. المهم بعد نزلت مطار دبي اكتشفت اني نسيت الايباد بتاعي في الكرسي الجنبي الذي كان فارغا .. انزعجت جدا لان الايباد به معلومات مهمة جدا اضافة الى ان البريد الالكتروني فااااتح .. والفيس فاااااتح وكللهم فيهم بلاوي متلتلة وهذا اكثر ما شغلني بالاضافة لصور عزيزة علي جدا .. ذهبت الى مكتب طيران الامارات فاخبرتهم فطلبو مني الذهاب الى مكتب (lost and found ) ذهبت الى المكتب سالتني الموظفة ماذا فقدت ؟ آيباد .. لون ؟ أسود .. رقم الرحلة ؟ 734 .. رقم المقعد ؟ 6J بعدها اتصلت بتلفون وقالت لي مافي حاجة لغاية هسه .. والعمل ؟ اعطتني ارقام تلفونات وقالت لي اتصل بعد ساعة .. ذهبت الى الفندق وبعد ساعة اتصلت .. سالوني اسئلة اخرى وقالو لي حتى الان لا شئ .. وقالوا اتصل بعد ساعة .. نمت وصحيت الصباح مخلوع .. وطوالي اتصلت عليهم .. سالوني عن لون الايباد وكم سؤال كده وقالوا لي تعال المطار وجيب جوازك معاك .. فللي المطار مشيت ليهم قالوا لي انتظر .. بعد شوية جا واحد هندي شايل ايبادي ..
التحية لدبي ولشرطة دبي
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
تحياتي وسلامات عزيزنا مهدي صلاح
Quote: الدعوات بالتوفيق والسلامة لكريمتكم اسيل في الحل والترحال
قريت وسمعت كتير عن سعوديين وغير سعوديين سافروا لدبي وتعرضوا لمواقف مماثلة ورجعوا ليرووا بكل تقدير وامتنان قصصا عن مستوى الخدمة الرفيع لشرطة دبي
|
لك التحايا وجزيل الشكر على الدعوات الطيبة راجياً قبول الله نعالى لها
هو مثال نرجو أن يسود في كل مكان
وأول هذه الأمكنة نرجوه أن يتواجد في سوداننا
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
تحياتي وسلامات عزيزتنا سمارت
تسلمي يا رب من كل سوء أنت وأسرتك وأحبابك
Quote: ربنا يحفظ اسيل و يحميها من كل شر.
الشرطة دى غايتو عندنا فى السودان...عالم تانى خالص.
__________________________
فى بلاد الفرنجة, قبل كم شهر, و انا طالعة من عيادة طبيب الاطفال شايلة طفلتى ذات ال 12 شهر. فى عربة شرطة جات ماشه سريع و انا حسيت بانه ما شايفنا. وقفتا و ما قطعتا الشارع (اصلا هو ما شارع..ده المسافة بين باب المبنى و الباركن). وفعلا طلع ما شايفنا و مشي طوالى. لما بقى قصادنا اتلفت و شافنى انا بعين ليه فى وشه بدهشة. وعرف انى ما مشيت لانه كان ما شي سريع و ما منتبه للشارع. الراجل(الشرطى) وقف و هاك يا اعتذارات بانه خلعنا و انه كان ماشي سريع. و اذا كان فى اى شيء ممكن يعملو لى الان (لانى مخلوعة). قلت ليه شكرا. احنا كويسين و have a nice day, sir |
عارفة يا سمارت
وأنا أفكر في عنوان هذا البوست ، عنّ لي أن أكتب في نهاية العنوان جملة ( إهداء إلى شرطة السودان )
صرفت النظر لأن المساحة المخصصة للعنوان لا تكفي ثم أن العنوان كان ح يكون قصة لحاله
أنا سعيد جداً بالقصة التي شاركتينا بها كما كانت سعادتي بقصص الأخوان من مختلف أنحاء العالم
نجمعها جميعها ونهديها بـ ( صمتها ) لأحبابنا في شرطة السودان
على الأقل تكون معلومة ( في الإطار النظري ) لما وصل إليه زملاؤهم الشرطيون في أنحاء العالم
_________________
مباركة إن شاء الله المولودة ذات ال 12 شهر
يطرشني ما سمعت
كنا نبارك ليك
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
تحياتي وسلامات حبيبنا الريس كسلا
تسلم يا رب من كل سوءQuote: حبيبنا الباشمهندس عاطف .. وضيوفه الكرام ..
حمدالله على سلامة الإبنة أسيل ..
أما عن شرطة دبي .. فالحديث يطول عن الإحترافية والمهنية والرقي في التعامل مع الجميع ..
ويقال إنه الشيخ محمد بن راشد المكتوم حاكم الإمارة أصدر تعلميات واضحة وصريحة للشرطة بخصوص التعامل مع الجميع ..
وهناك قصة تحكى كنكته للدلالة على مهنية وإحترافية شرطة دبي .. وسرعة إستجابتها لأيِّ إستدعاء ..
قالو .. والعهدة على الراوي ... واحد عمل حادث مروري .. والسيارة إتقلبت .. وهو ما جاتو عوجة ..
كان بيحاول يطلع من نافذة السيارة واللساتك لسة مدورة بعد إنقلاب السيارة ...
أول ما طلَّع راسه من النافذة .... شاف بوت عسكري المرور ...I |
نعم يا حبيب
توجيهات سمو الشيخ محمد بن راشد المكتوم حاكم الإمارة وحكومة دبى لنا كموظفين في حكومة دبى بـ ( إشباع ) رغبات الزبون ... تم تجاوز ( تلبية ) رغبات الزبون
شفت كيف ؟؟
النكتة - أى نكتة - لا تأتي من فراغ
ونكتتك الجميلة التي شاركتنا بها ناتجة من واقع أن شرطة دبى تجدها عند الحاجة لها وبأسرع مما تتوقع
ويحتار خيالك من أين أتت؟؟
وكيف وصلت إليك بهذه السرعة ؟؟
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
تحياتي وسلامات عزيزنا عثمان
تسلم على الأمنيات الطيبةQuote: نتمى للبت النجاح والتوفيق في بقية مسيرة حياتها
حقيقة معظم أجهزة الشرطة في العالم تتعامل بمهنية عالية جدا, أتذكر قصة حدثت في تركيا, كان هنالك شخص مشرد يعتمد في حياته على القمامة, وفي مرة من المرات تحصل على شنطة جيتار ثقيلة جدا في صندوق قمامة وقد أخرجها بصعوبة من الصندوق. بعد فتح الشنطة وجد فيها جثة شابة مقطوعة الرأس. وقد كان منظرا مرعبا بصورة غير طبيعية للشخص مما أدخله في حالة هستيرية أقرب إلي الجنون. إتصل الرجل بالشرطة, وفي أقل من أربعة وعشرين ساعة تمكنت الشرطة التركية من تحديد شخصين قاما برمي الشنطة في القمامة, وهما شاب وسائق تاكسي. تم التعرف عليهم عن طريق كاميرات المراقبة المنتشرة في أستانبول, وما ساعدهم في التعرف على سائق التاكسي هي لوحة التاكسي التي تم التعرف عليها من الكاميرات. وقام سائق التاكسي بإخطار رجال الشرطة بالمنزل الذي تم تحميل الشنطة منها وعليه تم التعرف على البنت أيضا من كاميرات المراقية وهي داخلة المنزل مع الشاب المتهم بقتلها. وأيضا تم التعرف بأن الشاب كان له علاقة عاطفية مع البنت وأستدرجهاإلي المنزل وقام بقتلها. وفي حينها أختفى الشاب وأيضا سبب قتله للشابة لم يكن واضحة. ولم أتمكن من متابعة مجيرات بقية القصة لكن أظن بأن الشرطة التركية تمكنت من القبض على الشاب وإجراء اللازم. |
وقصة أخرى ذات دلالات كبيرة تضاف لقصص الشرطة حول العالم
أرجو أن تجد من يقرأها ويستخلص منها العبر
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: امير الامين حسن)
|
Quote: القاهرة: حين تود الذهاب من التحرير إلى العتبة يأخذك السائق إلى صلاح سالم ومن ثم يوصلك إلى مصر الجديدة ليعود بك إلى العتبة.
:) |
سلامات يا شباب
ياهانى والله عذا ما حصل معى
فى عام 78 نزلت بفندق المغربلين بالعتبة وامامه مباشرة نزل ابن عمى بفندق ميامى
فأردت مقابلته وطلبت من صاحب التاكسى ابو عداد ان يوصلنى اليه. تعرف اخد معاى اكثر من ثلث ساعة والعداد
مدور وبعد ان اوصلنى نظرت فوجدت اننى فى نفس المكان على الجانب الآخر من الطريق
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
تحياتي وسلامات عزيزنا معتصم
تسلم يا رب من كل سوءQuote: تحياتي استاذ عاطف وحمدا لله على السلامة ..
يوم الاربعاء الفاتت دي القريبة دي .. شالتني نومة في طيارة الامارات .. وكنت مرهق شديد .. المهم بعد نزلت مطار دبي اكتشفت اني نسيت الايباد بتاعي في الكرسي الجنبي الذي كان فارغا .. انزعجت جدا لان الايباد به معلومات مهمة جدا اضافة الى ان البريد الالكتروني فااااتح .. والفيس فاااااتح وكللهم فيهم بلاوي متلتلة وهذا اكثر ما شغلني بالاضافة لصور عزيزة علي جدا .. ذهبت الى مكتب طيران الامارات فاخبرتهم فطلبو مني الذهاب الى مكتب (lost and found ) ذهبت الى المكتب سالتني الموظفة ماذا فقدت ؟ آيباد .. لون ؟ أسود .. رقم الرحلة ؟ 734 .. رقم المقعد ؟ 6J بعدها اتصلت بتلفون وقالت لي مافي حاجة لغاية هسه .. والعمل ؟ اعطتني ارقام تلفونات وقالت لي اتصل بعد ساعة .. ذهبت الى الفندق وبعد ساعة اتصلت .. سالوني اسئلة اخرى وقالو لي حتى الان لا شئ .. وقالوا اتصل بعد ساعة .. نمت وصحيت الصباح مخلوع .. وطوالي اتصلت عليهم .. سالوني عن لون الايباد وكم سؤال كده وقالوا لي تعال المطار وجيب جوازك معاك .. فللي المطار مشيت ليهم قالوا لي انتظر .. بعد شوية جا واحد هندي شايل ايبادي ..
التحية لدبي ولشرطة دبي |
قصة معبرة
بعدين لاحظ أن كل متابعاتك فقط بالتلفون
وخلال ساعات كان موضوعك إنتهى
وآيبادك برجع ليك بالسلامة
عالم تاني مش كدا ؟؟
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
تحياتي وسلامات عزيزنا سعادتو يوسف باشري ( من الفيسبوك )| Quote: أخى عاطف تحية طيبة .. سأكشف لك سر النجاح والتألق فى شرطة ( الأمارات ) عموما ودبى بالخصوص فلقد كان لى الشرف بأن أكون ضمن أجهزة المباحث الأماراتية الراقية والمهنية .. السر هو أولا فى ( التدريب ) والتعليم ( المستمر ) وثانيا بالطبع الأمكانيات . عندما تم إستيعابى وتمت تجربتى تم إلحاقى بفرع إنشئ حديثا وكنت ( السودانى ) الوحيد أو قل الوافد الوحيد من غير أهل البلد .. تم إلحاقنا بكورس بقيادة ضباط من شرطة ( إسكوتلنديارد ) ..بعدها بسنة تم إلحاقنا بكورس بقيادة ضباط من الشرطة( الألمانية ) وأيضا بعدها بسنتين أو أكثر تم إلحاقنا بكورس مع ضباط من شرطة ( جنوب إفريقيا ) أنظر للتنوع فى الخبرات والتجارب و دراسة التنوع فى الجريمة وإختلاف أسلوب ( إرتكابها ) وإختلاف طرق الكشف عنها .. كانت شرطة الأمارات تبذل( المال ) لكنها تكسب ( كوادر ) مؤهلين تأهليا ( عالميا ) .. ثانيا ( الأمكانيات ) فالراتب والحوافز التى تدفع لك تغنيك عن التو...رط فى إستلام رشوة أو النظر لما فى أيدى الآخرين وتوفير ( موبايل ) مدفوعة مقدما قيمة كل مكالماتك الضرورية داخليا وخارجيا وأيضا ( سيارة ) لكل تحركاتك مع بترول وصيانة وتأمين ( مجانا ) على مستوى الدولة صحيح ليس لكل شخص ولكن عن نفسى فلقد كنت أتمتع بكل ذلك .. تجدنى لا أستطيع أن أوفى ( الأمارات ) حقها حتى أموت فلقد عشت فيها معززا مكرما حتى بعد أن تقدمت بأستقالتى عن العمل تم إستدعائى من قبل (مدير ) المباحث وقال لى أنه غير مطمئن للأسباب المكتوبة فى الأستقالة وهى اللحاق بعائلتى فى ( المهجر ) ويطلب منى أبين له أن كنت وجدت ( مضايقة ) من أى شخص فى الدولة ..! الشكر كله للأمارات فلقد كانوا لايفرقون بينى وبين أبناء البلد وتم الصرف على تعليمى وتأهيلى مثلهم تماما ..! |
مشاركة على مستوى عالي جداً من الأهمية
لا أجد عندي ما أضيفه لها
سوى الدعوات بدوام النجاح والتميز والتألق لشرطة الإمارات
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
لصراحه هم ظريفين وتعاملهم راقى ومنظمين
وحمدلله على سلامة البنيه يا عاطف
غايتو احمد موسى قطعت لى قلبى بالحصل ربنا يعوضك خير
اظرف موقف لقانى معاهم وانا راجعه السودان من اجازه 2009
وصورتى فى الجواز كنت اخذتها وانا قرفانننننننننه عديل وطلعت مع القرفه اخر بشاااااااااااااااااعه
اها لمن مديت له الجواز لزول الاماراتى فتحه وقام سئلنى دا جوازك
قولت له اى
تانى عاين له واتفحصه ويعاين لى وقالى انتى متاكده
قولت له اى
قال لى لكن الفى الصوره دى ما بتشبه الهيئه القدامى وقعد يضحك
طبعا كنت عامله الفورمه كيف كيف والنضاره كيف كيف واخر بهجه
قومت ضحكت وقولت له اى الصوره كانت نفسياتى فيها كعبه شديييييييييييييييييييد
غايتودايما متحرجه بالصوره دى لانى برضو جيت مسافره 2011 وانا فى الوزن برضو زوله فليبينه
تشيل وتضحك وتعاين لى ومنها قالت لى يو ار سو ينج, ذا بيك فور ومن سوووووووو اولد
:)))))
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
تحياتي وسلامات عزيزنا عمار ( من الفيسبوك )
| Quote: سبحان الله ..مره نسيت فايل فهو ورق مهم في المترو في السويد و لمن مشيت بلغت قالو لي أمشي البيت و الجواب براهو بجيك في البيت و فعلا بعد and#1635; يوم جاني جواب في البيت من الزول الكان قاعد جنب الظرف و كاتب لي إنو أنا نسيت الظرف ده في المترو و كمان دفع حق البريد ،،، ديل كمان لا شرطة ولا يحزنون الناس كلها أمينة لي درجة تدعو للدهشة |
جزيل الشكر لإشراكنا في هذه القصة المعبرة
| |
|
|
|
|
|
|
|
|
|
Re: شرطة دبى ... الإعجاز والإدهاش المستمر ... حدث اليوم في مطار دبى (Re: عاطف عمر)
|
تحياتي وسلامات عزيزتنا رانيةQuote: لصراحه هم ظريفين وتعاملهم راقى ومنظمين
وحمدلله على سلامة البنيه يا عاطف
غايتو احمد موسى قطعت لى قلبى بالحصل ربنا يعوضك خير
اظرف موقف لقانى معاهم وانا راجعه السودان من اجازه 2009
وصورتى فى الجواز كنت اخذتها وانا قرفانننننننننه عديل وطلعت مع القرفه اخر بشاااااااااااااااااعه
اها لمن مديت له الجواز لزول الاماراتى فتحه وقام سئلنى دا جوازك
قولت له اى
تانى عاين له واتفحصه ويعاين لى وقالى انتى متاكده
قولت له اى
قال لى لكن الفى الصوره دى ما بتشبه الهيئه القدامى وقعد يضحك
طبعا كنت عامله الفورمه كيف كيف والنضاره كيف كيف واخر بهجه
قومت ضحكت وقولت له اى الصوره كانت نفسياتى فيها كعبه شديييييييييييييييييييد
غايتودايما متحرجه بالصوره دى لانى برضو جيت مسافره 2011 وانا فى الوزن برضو زوله فليبينه
تشيل وتضحك وتعاين لى ومنها قالت لى يو ار سو ينج, ذا بيك فور ومن سوووووووو اولد
:))))) |
وشكري الجزيل لإشراكنا في هذه القصة الطريفة
حسن المعاملة سر النجاح
| |
|
|
|
|
|
|
| |
عاطف عمر
Yassir Tayfour
Hussein Mallasi
أشرف الرحال
على عبدالله بشير
خضر الطيب
عمار عبدالله عبدالرحمن
abas
صلاح حمد
Abureesh
حمد عبد الغفار عمر
طلحة عبدالله
Ahmed Yassin
ناصر احمد الامين
نادر النور آدم
سيف النصر محي الدين
مهيرة
Hani Arabi Mohamed
مهدي صلاح
smart_ana2001
عبد الله كسلا
aosman
معتصم محمد صالح
أسامة عبد الجليل
الطيب عثمان يوسف
فيس بوك
تويتر
انستقرام
يوتيوب
بنتيريست