دعواتكم لزميلنا المفكر د.الباقر العفيف بالشفاء العاجل
|
|
 حتى لا يحزن الأعضاء الحساسون ، الصفحة الثانية وما يليها هي أيضاً مكان للمواضيع الجيدة
|
-يشهد المنبر العام لسودانيزأونلاين زخماً كبيراً بعودة أقلام ( كيبوردات ) كبيرة كان لها مع آخرين فضل وضع اللبنات الأولى لهذا الصرح العزيز علينا .
رجاء العباسي
عادل عبدالعاطي
إيمان أحمد
وهو حضور أخاف العزيزة منى خوجلي من ( العين والحسد ) . وهو زخم جعل الأخت تيسير عووضة تصرح " أن البورد بقى حلو عديل "
- كما يشهد كذلك أعضاء جدد نمسك الخشب ونحن نشهد نشاطهم الكثيف
مهند مامون ( سأله العزيز جني " إنت مركب مكنة شنو ؟؟ " )
عواطف إدريس إسماعيل
وأخيراً الكاتبة الكبيرة
صابرين الصباغ
- يشهد المنبر كذلك حراكاً قوياً لأصدقائنا الجمهوريين إعادة لقراءة الفكرة الجمهورية أو ممارسة للشك فيما بينهم وجميعهم في مواجهة خصومهم الفكريين الذين يقودهم الأخوان الأفاضل فرانكلي ومعتز القريش .
يظل أيضاً ذلك الحضور الدافئ للأعضاء المخضرمين
تمبس
عمر الفاروق
منى خوجلي
ناذر الخليفة
د. بيان
حسين ملاسي
- يظل دائماً الحضور القوي لـ :
تراجي
هشام هباني
بشاشا
- نضيف لذلك بوستات العزاء الواجبة وبوستات التهانئ الواجبة وبوستات الترحيب الواجبة .
- وبذلك تكون يا آنساتي وسيداتي و سادتي الصفحة الأولى من المنبر العام لسودانيزأونلاين قد إمتلأت تماماً .ومن يتجرأ من ( الهواة ) أمثالي بكتابة بوست عليه ترقبه في الصفحة الثانية وما بعدها . وهو مكان لا يقدح بحال من الأحوال في جدية وأهمية وظرف المواضيع المطروحة .
وبعد الكلام دا كلو
سوف آخذ الموضوع بروح رياضية لو لقيت البوست دا زاتو في الصفحة الثانية وما يليها .
|
|
 
|
|
|
|
|
|
|
|
Re: حتى لا يحزن الأعضاء الحساسون ، الصفحة الثانية وما يليها هي أيضاً مكان للمواضيع الجيدة (Re: عاطف عمر)
|
عاطف ازيك
كيف سعديه والاولاد انشالله كلهم بخير
انا غايتو ياعاطف اخوى لابحزن ولامع يحزنون انزل وحياتك التالت والرابع عادى وبكل احساس وجلد تخين اجيبو واجى
اساسا انا بيكون عندى كلام عايزه اقولو المهم انى اقولو صفحه اولى ولا خمسين مافرقت لمن اكون عايزه اجبيه الاولى بجيبو
بمزاج وبعدين تعال انت ولؤى غطسانين وين انا قلبى اكلنى اظنكم قمتو نفذتو المشروع براكم لؤى يغيب ويجى تساله يقول ليك مشاغل خفيفه بتاعت دنيا وانت بجاى تقول الصفحه التانيه غايتو ماعافيه ليكم كان سويتو القلبى حسسنى بيه
تحياتى ليك وللاسرة
| |
|
|
|
|
|
|
|
|
|
Re: حتى لا يحزن الأعضاء الحساسون ، الصفحة الثانية وما يليها هي أيضاً مكان للمواضيع الجيدة (Re: ماجدة عوض خوجلى)
|
يا ماجدولينا
والله مشتاقون
وإن شاء الله ما نجاملك في شينة| Quote: وبعدين تعال انت ولؤى غطسانين وين انا قلبى اكلنى اظنكم قمتو نفذتو المشروع براكم لؤى يغيب ويجى تساله يقول ليك مشاغل خفيفه بتاعت دنيا وانت بجاى تقول الصفحه التانيه غايتو ماعافيه ليكم كان سويتو القلبى حسسنى بيه |
هسع عليك النبي يا ماجدة زولاً بيفتش لى موضوعو مكان في الصفحة الأولى دا زول عمل بيزنس ولا عندو قروش ؟؟
عارفة من زمان صاحبتك سعدية حسمت الموضوع وقالت قولتها بعد أن فكرنا في زي عشرمية مشروع و( زغت ) منهم في آخر لحظة
" إنت أصلك ما شبه الناس الغنيانين "
تحياتي لأسرتك الكريمة
| |
|
|
|
|
|
|
|
|
 Re: حتى لا يحزن الأعضاء الحساسون ، الصفحة الثانية وما يليها هي أيضاً مكان للمواضيع الجيدة (Re: عاطف عمر)
|
عاطف يا غالي..
سلامات ومحبات..
وحاتك رجعتا لعادتي القديمة وببدأ قرايتي للمنبر من الصفحة الخامسة.. مع ملاحظة أن الصفحة الخامسة زمان كانت مواضيع يوم اول امبارح.. هسع بقت مواضيع امبارح او قبيل الصباح..
جميل رؤية الحراك في الموضوعات والبوستات.. مع ملاحظة إن صاحب البوستات البتغتطس لما يجي يرد على ضيوفه.. تلاقيهو ملأ الصفحة الأولى.. وبيني وبينك بشعر بخجل لما الاقي بوستاتي مرصوصة..
بقيت أقسًم اليوم.. في الصباح أقرأ.. وفي النهار أتابع.. وبالليل خلاص لما الناس تنوم أبدأ أرد..
تحياتي لسعدية والبنات وفارسنا الأمين..
ودي
| |
|
|
|
|
|
|
|
|
|
Re: حتى لا يحزن الأعضاء الحساسون ، الصفحة الثانية وما يليها هي أيضاً مكان للمواضيع الجيدة (Re: عاطف عمر)
|
عارف ياعاطف ..
قلت لماجده المواضيع في الصفحة الأولي لا تبقي هناك أكثر من دقائق..
وعند ترصـدي لعدد الحضور عرفت السبب بتأكد..
عدد الحضورفي معظم ساعات النهار (بالنسبة لجرينتش) يزيد عن السبعين عضوا اغلبهم
ان لم يكن كلهم.. يقضون وقتهم في الكتابة علي الأغلب في مواضيعهم مع مساهمات بسيطة في
بوستات الغير..
عن نفسي..أفضل الكتابة في بوستاتي عند تواجد المزاج ..وأفضل القراءة اولا ثم تقديم واجبات
التعزية والتهنئة قبل أي شـئ..وزادت قاعدة المشاركة السريعة عندي مع ضياع المواضيع مما قد
يؤدي الي تقصير دون مقصود..
أما عن احساسي الشخصي عن ضياع بوستاتي في الصفحات لأخيرة..فقد تعلمت ان لا اتضايق كثيرا من ذلك..وسبب الضيق ان زيادة العضوية الكاتبة الآن قـد تجعل زمن المشاركة من الغير أقل..
نسبة لرغبتهم أيضا في الكتابة في مواضيعهم الخاصة أو أي اسباب أخري ...وبالطبع قلة المشاركة تساعد البوست علي الذهاب للصفحات الخلفية..وكذلك المشاركة ترفعها..
كدي النسألك..إنت بتغيب وين?
سلام لسعدية وبناتي وولدي!
| |
|
|
|
|
|
|
|
|
|
Re: حتى لا يحزن الأعضاء الحساسون ، الصفحة الثانية وما يليها هي أيضاً مكان للمواضيع الجيدة (Re: Muna Khugali)
|
منى خوجلي زاتا؟؟
والله جنس عزQuote: ان زيادة العضوية الكاتبة الآن قـد تجعل زمن المشاركة من الغير أقل..
نسبة لرغبتهم أيضا في الكتابة في مواضيعهم الخاصة أو أي اسباب أخري ...وبالطبع قلة المشاركة تساعد البوست علي الذهاب للصفحات الخلفية..وكذلك المشاركة ترفعها.. |
حقو نقترح على بكري يقوم يعمل نظام الكوتة . بمعنى إنو أى عضو يكون عندو فرصة تنزيل عدد محدد من البوستات في الشهر أو في الإسبوع . الأعضاء الكسالى ( زي حالتي ) ممكن يسلفوا أو يهبوا كوتتهم للأعضاء ذوي النشاط الزائد ( زي الحبيب محمد عادل )| Quote: كدي النسألك..إنت بتغيب وين? |
والله يا منى مافي أى سبب وجيه أقولو ليك
غايتو تربية الأطفال مسؤولية عويصة كيف ؟
و ( أعوص ) ما فيها أنها تستنفذ الوقت بصورة خرافية
دمتي يا غالية
سلامك وصل
ويهدونك أضعافه.
| |
|
|
|
|
|
|
|
|
|
Re: حتى لا يحزن الأعضاء الحساسون ، الصفحة الثانية وما يليها هي أيضاً مكان للمواضيع الجيدة (Re: إسماعيل التاج)
|
الحبيب مولانا إسماعيل
والله ليك وحشة| Quote: نظام الكوتة ما بنفع لأنو بتجي معاهو التماسيح وبرضو بنكون في خطر. |
ههههههههه
ياخي بكلمتين بس ذكرتنا تلك الأيام و( السوق السودا) والتماسيح ( السمان )
و ---- ( في حكاياتنا مايو )
الشئ بالشئ يذكر تذكرت في وسط هذه القهقهة عزيزنا الحسين ود راعي الديم ( حياه الله أينما كان ) وكنا أيامها يافعين لا هم لنا في الإجازات سوى لعب ( الوست ) . لم يكن يعرف طريقة لعبها ومع ذلك كان يجلس معنا الساعات الطوال يتفرج . إقترحنا عليه يوماً أن نعلمه أصول اللعب وبدأنا بالأساسيات عدد الورق ، الآتو --------- فقاطعنا قائلاً:
" كان عاوزني أتعلم كويس أول حاجة أشرحوا لى الثغرات القانونية الـ ( بتدكها ) "
أها يا سيدي
والكورة رجعت لملعبكم
هل وجد هيكل لتنظيم شئ بدون ( ثغرات قانونية ) ؟؟؟
المحبة كما تعرف
| |
|
|
|
|
|
|
|
|
|
Re: حتى لا يحزن الأعضاء الحساسون ، الصفحة الثانية وما يليها هي أيضاً مكان للمواضيع الجيدة (Re: عاطف عمر)
|
الأحباب عاطف وضيوفه الحلوين..
سلام تالت..
تعرف يا عاطف فكرة "الكوتات" دي جميلة شديد.. لأنها حتحد من "الشلهته" البنعانيها في متابعة ما يكتب.. يعني لو قسموا لكل زول 50 مشاركة في اليوم .. وعدد إتناشر بوست في الأسبوع .. القارئ المحظوظ والمتابعين المشلهتين زينا كده حيعرفوا الاتكتب شنو برااحة ..
في أسلوب "شرامي" ممكن الواحد يقترحه في حال إستمرار الحكاية كده.. وهو أن يقوم بعمل شبكة من الأصدقاء لمتابعة البوستات. ولازم الأصدقاء ديل يكونو مقسمين بخطوط الطول. وعلى المتضررين مراعاة فروق الوقت ..
مهمة الشبكة دي إنو لو في موضوع كتبه زول فيهم النقول مثلا من أستراليا.. يقوم الزول الفي الخليج يرفعو من الصفحة التانية بعد مرور ساعتين من كتابته. وبعد داك زول القاهرة يرفعه برضو بعد ساعتين، وزول لندن شرحو، لغاية ما تصل لزولنا في لوس أنجلوس.. لووووووووووووووووووووووووول
في سؤال مهم بيجي في راسي كل ما أشوف زحمة البوستات: إحنا بنكتب لمنو ؟
بجي راجعة تاني..
| |
|
|
|
|
|
|
|
|
|
Re: حتى لا يحزن الأعضاء الحساسون ، الصفحة الثانية وما يليها هي أيضاً مكان للمواضيع الجيدة (Re: Muna Khugali)
|
منى سلام..
في ناس بتمشي النادي عشان تتونس مع أصحاب معينين.. وفي ناس بيمشو عشان يلعبو كونشينة، وناس عشان تسبح شويتين، وناس عشان تتغدى او تتعشى "تغيير يعني"..
لكن في كل فئة من ديل مافي زول فيهم بينغص للتانين عيشتهم.. وهنا الفرق!!
في ناس بتكتب في موضوع عشان عايزة الباقين يشاركوها فيه، وفي ناس بيكتبو في موضوع غايظهم، وناس في موضوع بيأثر على حياتهم إما مباشر او غير مباشر.. وكل دي كتابات مهمة.. واسباب أهم للكتابة..
طيب،،،
ليه في بوستات بترفع الضغط؟
| |
|
|
|
|
|
|
|
|
|
Re: حتى لا يحزن الأعضاء الحساسون ، الصفحة الثانية وما يليها هي أيضاً مكان للمواضيع الجيدة (Re: Raja)
|
| Quote: تعرف يا عاطف فكرة "الكوتات" دي جميلة شديد.. لأنها حتحد من "الشلهته" البنعانيها في متابعة ما يكتب.. يعني لو قسموا لكل زول 50 مشاركة في اليوم .. وعدد إتناشر بوست في الأسبوع .. القارئ المحظوظ والمتابعين المشلهتين زينا كده حيعرفوا الاتكتب شنو برااحة .. |
اقتراح تم تثنيته وتثليثه من الهيئة القضائية ( مولانا اسماعيل ) ويا بكري جاك بلاء.
ومن ميزاته أيضاً أن الكتًاب ( المغمورين ) أمثالنا سيجدون فرصة أن تنتشر ( أعمالهم ) .Quote: في أسلوب "شرامي" ممكن الواحد يقترحه في حال إستمرار الحكاية كده.. وهو أن يقوم بعمل شبكة من الأصدقاء لمتابعة البوستات. ولازم الأصدقاء ديل يكونو مقسمين بخطوط الطول. وعلى المتضررين مراعاة فروق الوقت ..
مهمة الشبكة دي إنو لو في موضوع كتبه زول فيهم النقول مثلا من أستراليا.. يقوم الزول الفي الخليج يرفعو من الصفحة التانية بعد مرور ساعتين من كتابته. وبعد داك زول القاهرة يرفعه برضو بعد ساعتين، وزول لندن شرحو، لغاية ما تصل لزولنا في لوس أنجلوس.. لووووووووووووووووووووووووول |
الله أكبر
ظهرت ( الخطط التنفيذية ) المعتبرة
مقعد رئيس شبكة الخليج محجوز ( بوضع اليد ) من هسع .Quote: في سؤال مهم بيجي في راسي كل ما أشوف زحمة البوستات: إحنا بنكتب لمنو ؟
|
طبعاً دا سؤال كبير جداً
وفعلاً عاوز بوست زى بوستات منى خوجلي الفيها زي تمانية تسعة صفحات داك.
غايتو ماجدة ختتها على بلاطة وقالت بيكون عندها كلام عاوزة توصلو للناس تقوم تقولو والبيحصل يحصل .
الله عليك يا رجاء
سلام دائم
| |
|
|
|
|
|
|
|
|
|
Re: حتى لا يحزن الأعضاء الحساسون ، الصفحة الثانية وما يليها هي أيضاً مكان للمواضيع الجيدة (Re: عاطف عمر)
|
غايتو ياعاطف
كلام رجاء لو اتنفذ امانا الشعب السودانى البطل ماتعب
وطبعا بيتعب لاسباب كتيره ومنطقيه لانى عند افكار كتابات عايزه اكتبا
وغير كده برضو بيكون فى كده المهم يارجاء الافله بتاعتك تمام بس بعد نوزع ساعات العمل انا عن نفسى عايزه
ورديه الليل اصلى صاحيه
رجاء يابتاعت الشريك انتى ازيك الشرك ماشى كيف اناغايتو ماشيه بعدين هناك حقتو ننفذ الفكرة كوالى اكل العيش يحب الخفيه
غايتو عندى اتنين برضوممكن يكونو معانا لانى شايفاهم لافين الليل كله بيقينا كم انا بليده فى الحساب
منى
رجاء
سميه
نور
عاطف
ماجدة
منى خوجلى انت قاعده تهببى فى شنو اقرى الكلام ده كويس علشان كده
اها ياعاطف سيدالبيت ايه رايك
| |
|
|
|
|
|
|
|
|
 Re: حتى لا يحزن الأعضاء الحساسون ، الصفحة الثانية وما يليها هي أيضاً مكان للمواضيع الجيدة (Re: عاطف عمر)
|
عاطف سلام انا الليله جيت استلمت بدرى
Quote: ماجدولينا
هسع البيغطس فينا منو ؟؟
بجيك راجع لشبكة رجاء
لكن وأنت المحبة ( للشمارات ) عاوز اشتكي ليك أختك
فاتحة ليها بوست طويل عريض عاوزانا نحكي قصصنا مع بنات الجيران
ناوية تعمل فينا شنو منى دي
المهم
تلقاها عند الغافل عاطف ازيك انا الليله جيت بدرى |
عليك الله ياعاطف دى مشكله الموضوع محلول قبل ماترد على منى امشى قول لسعديه انك قبل ماتتزوجو وكده كان عندك يقين انها بت الجيران ولو سالتك كيف كده قول ليها انك سمعت كتير قبل كده قالوانو الانسان لمن يرتبط بانسان بيجيه احساس مؤكدانها بت الجيران وانك كل مازول بسالك عن بت الجيران انت كنت بتحكى عنهاهى كده بتكون غطيت ضهرك بعد امشى احكى بهناك .
عارف لو سعديه صدقت كلامك ده تكون بالغت عديل
| |
|
|
|
|
|
|
|
|
|
Re: حتى لا يحزن الأعضاء الحساسون ، الصفحة الثانية وما يليها هي أيضاً مكان للمواضيع الجيدة (Re: ماجدة عوض خوجلى)
|
سلامات يا ماجدة
عارفة وفي الأيام الشباب الأولى كنت قد إرتبطت بقصة حب لم يكتب لها النجاح . تفرقت وصاحبة القصة واحتفظنا لبعضنا بالإحترام . وتزوجت هي بإنسان فاضل كريم. لما ظهرت سعدية في حياتي وجدتني أحكي لها عن هذه القصة . مرت الأيام بل قولي السنين . تصادفنا جميعنا في إجازة في السودان . صاحب هذه المصادفة قصة حزينة وهي أن هذه السيدة قد تسببت بإهمال غريب في ضياع مدخرات زوجها في الغربة .
والناس لا هم لها سوى هذه القصة وفي ( لحظة صفاء ) فاجأتني سعدية بالقول : -
" تعرف يا عاطف والله أنا نفسي كان تتزوج ( .... ) دي "
تعودت أن أرتاب كثيراً في مثل هذه المقدمات ( الإستدراجية )
" ليه ماأنا ربنا أكرمني واتزوجت من هي أفضل منها بما لا يقاس " ( شفتي كسير التلج كيف ؟؟ )
ردت هي :
" لا..... أنا نفسي كان تتزوجها عشان تضيع ليك قروشك دي "
| |
|
|
|
|
|
|
|
|
|
Re: حتى لا يحزن الأعضاء الحساسون ، الصفحة الثانية وما يليها هي أيضاً مكان للمواضيع الجيدة (Re: عمر الفاروق)
|
| Quote: يا زول اسة في ذمتك تكون بتقول الفرق التالية بتلعب كورة سمحة وتذكر مانشيستر وبرشلونة وارسنال وشيلسي وميلان وظيييييييطك كده تقوم تحشر مريخ المعيلق ؟؟؟ |
وكمان تشكره على المؤازة الشليقة دي ؟ ياصديقي عاطف ؟..(أعني عمر الفاروق
المالاحق مريخ ولا " المعيلق ") ! .. لعلمك يا ابن شيخ الدين ، أنّ المريخَ مـرّيخٌ
على رأسـِه نارٌ ، والهلال " بقيـّة رشـّاشات ، أو هبـُّود ! كان شالوه ما بنشال
،وكان خلــّوه سـكن الدّار بلا عمـّة ولا عَـقالْ ! وإن طال الزمان " وكثرتْ الأموال ..
أمـّا " المعيلق " ، فهيَ " الريفي " - التاريخي - الذي تقع في دائرته قريتنا
الســعيدة " السـّعدانة" وفينانة ، وكما قال شـاعرها : بصلتا بُرتـُكانا ..
فضلاً عن كونها مقر مدرستنا الثانوية أخريات السبعينات - أيامات الزمن الجميل - فإيّاك
أن تعاودها وإلاّ فآذَن بحربٍ ، اقـلــّها ان يدخل الباشمهندس عاطف ، وبوستـُه الجميل
هذا،الخور العتيق !!
(عُمر ، ما تقول لي بعدالفصاحة دي كلـّها"هلالابي
؟ " تبقه " حنـك بيش ! " ولا أزيد !)
----
عاطف ،، ســـلام ..
وســلامي لكل مـُـشارِكاتك ومـُشـاركيك البوست " المفتوح على الغد الجميل " ..
نؤيـِّد معكم ، الكوتة في توزيع الفرص .. وان يجد كلّ ذي حقٍّ حقـَّـه ..
وإلى عودة ..
نبثــّكم ، جميعاً ، أطيب التحايا ..
| |
|
|
|
|
|
|
|
|
|
Re: حتى لا يحزن الأعضاء الحساسون ، الصفحة الثانية وما يليها هي أيضاً مكان للمواضيع الجيدة (Re: محمد أبوجودة)
|
Quote: زول اسة في ذمتك تكون بتقول الفرق التالية بتلعب كورة سمحة وتذكر مانشيستر وبرشلونة وارسنال
وشيلسي وميلان وظيييييييطك كده تقوم تحشر مريخ المعيلق ؟؟؟
أها ده السويتو يا اخوي بي حشر إسمي مع النجوم ديل.. |
| Quote: وكمان تشكره على المؤازة الشليقة دي ؟ ياصديقي عاطف ؟..(أعني عمر الفاروق المالاحق مريخ ولا " المعيلق ") ! |
العزيز أبو جودة
التحايا والمودة كما تعرف
أصدقك القول إنني توقفت كثيراً عند التعبير معجباً بسلاسته .
هو ضرب من الفنون برع فيه صديقنا عمر الفاروق . يطوع بمهارة فائقة معارفه الفنية والكروية لإيصال فكرته .
لم تخف عني أيضاً ( رمزيته ) وهو يناوش أصدقاءه المريخاب . فظننا أن ذاكرته تحتضن آلاف الفرق الضعيفة لكنها حرفة إهتبال السوانح من الفرص .
نعم للمعيلق وقع خاص في النفس فلا أزال أذكر كيف كنا ونحن في نهاية السبعينات نستعد لإمتحان الشهادة السودانية ، نتسارع لإقتناء ( الإمتحانات التجريبية ) التي تأتينا من هناك . كنا نرى بها تميزاً ودقة ترجعنا لإعادة القراءة والتمحيص .
دمت بألف خير
| |
|
|
|
|
|
|
| |
عاطف عمر
ماجدة عوض خوجلى
Raja
Muna Khugali
إسماعيل التاج
Hani Arabi Mohamed
عمر الفاروق
محمد أبوجودة
فيس بوك
تويتر
انستقرام
يوتيوب
بنتيريست