|
دعواتكم لزميلنا المفكر د.الباقر العفيف بالشفاء العاجل
|
|
 Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: عاطف عمر)
|
تحياتي وسلامات عزيزنا الصادق عبد الله الحسنQuote: أملنا أن تعود كل نبتة خضراء اقتلعت أو اجتثت من هنا..
والتحية لكم أخي عاطف، وأنتم تحملون معطفكم
وترعون حدائق المنبر وتتعهدون أشجاره و أزهاره ..
التحية لكل حفيدات الملكة (شناكداخيتى) .
التحية لسنونوة سودانيزاونلاين (راوية العباسي) التي
بقيت ( بأصلها وصورتها ) تبث الأوكسجين وتنفث الرحيق الملكي في أرجاء المنبر.
التحية لكل من صمدن برغم الكربون واتساع ثقب الأوزون،
و برغم الغبار، والجو العاصف والإعصار.
التحية لكل النحلات الغائبات..
والتحية لبنات العباسي وكل منهن تحاكي الماس صلابة وتلألؤاً..
|
ولك الشكر لهذه الكلمات الوضيئة
قلاد من جمال يزين بدوراً أنعم الله بهن علينا
فصرن نعم الأخوات
| |
 
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: عاطف عمر)
|
| Quote: ماف زول فيكم راعى مشاعر دينا خالد ليه؟ |
ههههههههههههههههههههههههه ...
اى زول يوفر مشاعره لى عوزه ...
بوست كل زول ح يجى يضرى فيه عيشو طبعا
بالصاح وبالكذب ....
وانت شن عرفك بالحقيقى وما الحقيقى يا صايمها ياخ
لك سينيما ما عنكو !!! 
ـــــــــــــــــــــــــــــ
وعشان خاطرك انت بس خلينىا نهدى سر صاحب البوست ..
غايتو دينا دا اسمى بتاع الجواز والبطاقة ...
الحقيقى دا يلقوا وين تانى ؟؟ الله ورسوله والمؤمنين وحدهم يعلمون ...!!
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: عاطف عمر)
|
Quote: ..صحوة ضمير متأخرة هزتني بعد أن قرأت هذا البوست فأدمعت عيناي وعضيت اصابع الندم فأسفي وعذري لكل من أضافني في قائمة الاصدقاء عبر الفيس بوك وتويتر والواتس أب على أنني عمر الفاروق ..
أختكم المحبة دوماً علوية سليمان .. |
ههههههههههههههههههه
يا علوية ياخ لكن أمانة ما بالغتي
نشيل وندلع فيك
ومرة عمر الفاروق ومرات الفاروق عمر
وإنتي ولا إنتي هنا أو هناك
ثم
سلامات يا عزيزنا
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: عاطف عمر)
|
سمارت يا سمارت
تحياتي وسلامات
Quote: و الله يا عاطف عمر من ناحية اتحسستا ما اكضب، اتحسستا.
التحية لصحبتاتي بنات العباسي. و ربنا يديهم العافية. |
أولاً بالتبادي كتر خيرك على الطلة ، والحساسية متوقعة وحاجة عادية
تانياً عاوز أحكي ليك قصة البوست دا
أنا زاتي لو قلت ليك أنو البوست دا فكرتو جاتني اليوم أو أمس أو الإسبوع الفات أكون كضبت عليك
تصدقي أنو البوست دا كان ( خاطرة ) في جواى منذ مايزيد على العشر سنوات ....
أول لمن بكري بدأ الموقع دا
كنت متابعو من البدايات تقريباً قراءة ....
أشياء موجبة وأخرى سالبة فتلك هى الحياة وتلك هى طبائع الأشياء
توقفت عند أشياء وتجاوزت أشياء فتلك أيضاً هى الحياة
من ضمن ما توقفت عنده قصة هؤلاء الأخوات الاتي يكتبن بأسمائهن الحقيقية في زمان كانت معظم المواقع الإسفيرية تضج بالأسماء المستعارة
يناقشن في الأدب وفي السياسة وفي الإقتصاد وفي الفنون وفي الرياضة وفي كل شئ - تاني لهن التحية -
حيث نشأت كان - ولا يزال - للمرأة دورها القوي والرئيسي في الأسرة
وحيث تعلمت كان علاقاتي منفتحة أفقياً ورأسياً ... زملاء وزميلات .. أصدقاء وصديقات
نفس الشئ نعيشه في حياتنا الأسرية
ورغم كل ذلك
شغلت بالي هذه القصة قليلاً أو كثيراً وقطعاً سرح خيالي محللاً.....
فالفعل مع ( الواقع المعاش ) أيامها مع ما تواجه به المرأة في مجتمعاتنا كان حرياً بالتوقف عنده
شاءت الصدف الجميلة أن ألتقي بعضهن في دروب الحياة وتوثقت ببعضهن الصلات حتى أصبحت أسرية ... فعلمت أن خيالي لم يكن جامحاً .. كان قريباً من الواقع
لذلك عندما رأيت عزيزتنا راوية تذكرنا بذاك الذي كان رجعت لي كل تلك الذكريات
إشارة راوية لم تكن اليوم أو أمس قد جاوزت شهوراً
أصدقك القول
قد ترددت كثيراً في فتح البوست
بين إحتفاء أراه ينسجم ودواخلي
وحساسية ( متوقعة ) من أناس لا أريد خسرانهم ..... كنت يا سمارت هنا في هذا الطرف من المعادلة
حسمت أمري أن أكون نفسي
راضياً بأى قدر من ( التضحيات )
فسادتنا المتصوفة يقولون
" الما بخلي شئ ما بيلقي شئ " .....
بمعنى أنه ليس بإمكان الفرد أن يجد كل حاجة ولا يتنازل عن أشياء أخرى
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: عاطف عمر)
|
Quote: ]توقفت ذات بوست في مداخلة للأخت الحبيبة راوية العباسي
أعلنت فيها فخرها ( المستحق )
بأنها وشقيقتها الحبيبة رجاء وبنات قوتة كن من رائدات الكتابة بأسمائهن الحقيقية
|
,,,,,,,,,,,,,,,,,,,,,,,,,,
عزيزي عاطف
تحية طيبة
اود ان اؤكد لك ان راوية العباسي هي اديبة وكاتبة لا يشق لها غبار .. وفي الحقيقة انا لا اعرفها معرفة شخصية ولمني عرفت من خالي انها ابنة اديب وحفيدة اديب يشار له بالبنان وهو محمد سعيد العباسي\ ووالدها كما عرفت- وارجو ان اكون ما غلطانة في الاسم- الأستاذ الأديب الأريب عبد الحميد العباسي ... وذاك الشبل من ذاك الأسد...
وقبل ان اعرف هذه المعلومات شعرت بأن راوية لازم تكون جاية من محيط محفوف بالأدب والشعر والابداع
والله يديها العافية ويديك العافية
(عدل بواسطة اميرة السيد on 02-25-2013, 08:05 PM)
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: اميرة السيد)
|
سلامات يا بشمهندس.
يا اخى انت اللى ما تحسس من تحسيي. من الواجب الاحتفاء بكل البنات و السيدات اللى كتبوا باسماءهم من البداية. الموضوع ما ساهل خالص خالص.
انا من ناحية ########ة جدا فى الموضوع ده...فانا ########ة. و ممكن اقول ليك بالتفيصل انا خايفة من شنو.
1- عندى اصحاب و صحبات صعبين جدا. لو كتبت اى حاجه (كده و كده) التلفونات ما ح تنقطع. ح يبرمجوا بى.
2- شفنا كتير هنا التعريض بالاسر و الازواج و الزوجات و الامهات كمان. زوجى (خاصة) ما بيفتح اى منتدى سودانى. ما عندو علاقة بالحجات دى. ما عاوزاه يوم يسمع من زول انه فى زول جاب سيرته فى موقع (بالفارغة) بسببي.
3- قبل كده فى واحد هنا (الله لا سامحه) لما نكت ليه بوستاته القديمة و التناقض فى كلامه قال لى : مالك متابعة بوستاتى, معجبة?. فى حالة ذى دى, لو انا بكتب باسمى الحقيقي (من حق اسرتى و ابوى -الله يرحمه- اللى ربانى و علمنى انى ما اقبل اى فارغة من اى زول),انى فى اول مرة مشيت السودان اصله فى مكتبه و افهمه -وجها لوجه- ان مثلى ما مكن تكون معجبة بمثله. ما لانى بتاعة مشاكل لكن لانه ابى ما كان ح يرضي.
شكرا يا بشمهندس و ان شاء الله ما اكون قلبتا البوست نكد
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: اميرة السيد)
|
تحياتي وسلامات عزيزتنا أميرةQuote: اود ان اؤكد لك ان راوية العباسي هي اديبة وكاتبة لا يشق لها غبار .. وفي الحقيقة انا لا اعرفها معرفة شخصية ولمني عرفت من خالي انها ابنة اديب وحفيدة اديب يشار له بالبنان وهو محمد سعيد العباسي\ ووالدها كما عرفت- وارجو ان اكون ما غلطانة في الاسم- الأستاذ الأديب الأريب عبد الحميد العباسي ... وذاك الشبل من ذاك الأسد...
وان قل ان اعرف هذ الأم شعرت بأن راوية لازم تكون جاية من محيط محفوف بالأدب والشعر والابداع
والله يديها العافية ويديك العافية |
ليت الأيام تسمح و تعرفينها وتعرفين شقيقاتها
حتماً لن تندمين
نعم هن كريمات أستاذ الأجيال الأستاذ الأديب الأريب عبد الحميد العباسي
والشيء من معدنه لا يُستغرب
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: عاطف عمر)
|
| Quote: ان شاء الله ما اكون قلبتا البوست نكد |
بعد إيه يا هندسة!! إنتي و دينا قلبتنّو نكد و انتهيتو
كتّر خير علوية سليمان غايتو الخفّفت من النكد :)
يا كوستاوي بكري في فترة ما كان بكتب بـ bakri قبل ما يغيّر لـ بكرى* ابوبكر
________________________________________
* يا اخوانا الألف المقصورة محل الياء دا ما منّي و حاة الله
بكري كاتب اسمه كدا :)
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: محمد البشرى الخضر)
|
Quote: سلامات يا بشمهندس.
يا اخى انت اللى ما تحسس من تحسيي. من الواجب الاحتفاء بكل البنات و السيدات اللى كتبوا باسماءهم من البداية. الموضوع ما ساهل خالص خالص.
انا من ناحية ########ة جدا فى الموضوع ده...فانا ########ة. و ممكن اقول ليك بالتفيصل انا خايفة من شنو.
1- عندى اصحاب و صحبات صعبين جدا. لو كتبت اى حاجه (كده و كده) التلفونات ما ح تنقطع. ح يبرمجوا بى.
2- شفنا كتير هنا التعريض بالاسر و الازواج و الزوجات و الامهات كمان. زوجى (خاصة) ما بيفتح اى منتدى سودانى. ما عندو علاقة بالحجات دى. ما عاوزاه يوم يسمع من زول انه فى زول جاب سيرته فى موقع (بالفارغة) بسببي. |
وتاني
غايتو لو في إتنين حيجيبوا لي الهوا حتكوني إنتي ودينا خالد* بسبب دفاعي المستميت عن "حقكم" وأكرر "حقكم" في عدم الكشف عن هويتكم وفي إنكم تكتبوا بالأسماء البتريحكم طالما إلتزمتوا بأصول وأخلاقيات الكتابة، وما جعلتوا من النكنيمز ستار للممارسة التجاوزات والتعديات والإسقاطات النفسية (ودا الحاصل فعلياً من جانبكم فلكم مني ألف إحترام) ..
الكلام دا طبعاً ما بمنع تأييدي برضو لمبادرة عزيزنا عاطف بتكريم الرائدات الماجدات لهن المحبة
وشجبي وتنديدي لتلقيب راوية بالسنونوة 
ـــ
* بإعتبار اللغط الحاصل حول حقيقية الاسم دا يا دندون يا ست الجواز والشخصية
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: عاطف عمر)
|
مراحب يا كوستاويQuote: كوستاوي
الإسم الحقيقي: الكرمبا الكرمبا smart
بعدين منبر بكري دا بقول ليك أكتب لقبك....لقبك ما إسمك |
ورغم أنو منبر بكري دا بقول ليك أكتب لقبك....لقبك ما إسمك
لكن في شابات زى الورد قالن لا
نكتب بأسمائنا الحقيقية
قلنا نقول ليهم شكراً
لأنكم أسستم القاعدة التي أصبح عليها المنبر الحالي
الكتابة بالأسماء الحقيقية
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: داليا حافظ)
|
تسلمي عزيزتنا أم ملك
ياخ فضفضي وفضفضي وفضفضي
نحن نطول ؟؟Quote: ممكن أفضفض ..؟
طيب شكرا ..إمكن انا مامن الرائدات ..لكن قبل هنااسمي اشعلق في الجرائد لسنين ..وصورتي كمان ومتصالحة معاهم شديد ومازلت
لكن لو قلت لي عن الكتابة في الاسافير تحديدا هل مرت بيك لحظات أتمنيتي أنو كان تكتبي بأسم مستعار وما تختي صورتك حاقول ليك بكل صدق نعم كبيييرة ..
بعدين ما كنت مكتشفة انو قصة التخفي دي جذابة كدة .. |
ح أصدقك طبعاً
من محاسن أو مساوئ الأسافير أن رد الفعل لما نكتب حاضر ولحظي
مرات كتيرة رد الفعل الزول ما بيقدر يتنبأ بيهو
ممكن يكون إستحسان وممكن ينحو مناحي بعيدة شديد
عكس الصحافة و ( بريقها )... الزول يكتب ويكون مرتاح ع الأقل ما سمع حاجة وحشة
بس مسألة تمني الكتابة في مرات باسم مستعار حقيقة ماعارف أرد أقول شنو ؟؟
لأنو الحياة دي تقاطعاتها غريبة شديد ...
بمعنى مافي قانون ( رياضي ) ممكن الزول يطبقو لـ ( نفس الحالة ) ويكون ضامن أن يصل لذات النتيجة
غايتو في النهاية
النتيجة الوصلت ليها أنو الزول يكون نفسو مادام هذا الأمر لا يضر بآخرين
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: عاطف عمر)
|
تسلم ياهندسة ..
| Quote: بس مسألة تمني الكتابة في مرات باسم مستعار حقيقة ماعارف أرد أقول شنو ؟؟ |
اتخيل لي أني ما عبرت عن نفسي صاح ..أنا ما قصدت ..أنو في مرات نفسي أكتب باسم مستعار وفي مرات لأ ..، قصدت أنو مرت علي لحظات نتيجة ردود فعل انا ما إتوقعتها بالشراسة دي ..، أو إمكن لأني ما أتعودت على رد الفعل المباشر نتيجة التواصل المباشر البفرضو الفضاء المفتوح ..امنيت انو ما كانت تجربتي تكون باسمي الحقيقي (لي لحظات )..وده برضو ما عشاني ..عشان تانين ما يتأذوا ..و في الحقيقة هم إتأذوا فعلا ..
لكن لو الزمن رجع تاني حاختار أكتب باسمي برضو (النفس البشرية دي معقدة شديد) :)
| Quote: بمعنى مافي قانون ( رياضي ) ممكن الزول يطبقو لـ ( نفس الحالة ) ويكون ضامن أن يصل لذات النتيجة |
ده كلام زي الورد ..
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: داليا حافظ)
|
منورة عزيزتنا أم ملكQuote: لكن لو الزمن رجع تاني حاختار أكتب باسمي برضو (النفس البشرية دي معقدة شديد) :)
|
إذاً هذه هى
داليا حافظ إختارت الطريق
رغم أشواكه| Quote: امنيت انو ما كانت تجربتي تكون باسمي الحقيقي (لي لحظات )..وده برضو ما عشاني ..عشان تانين ما يتأذوا ..و في الحقيقة هم إتأذوا فعلا .. |
هذا بعد جديد يا داليا
توقفت عنده إذ ذكرته عزيزتنا سمارت
ها أنت تؤكدين عليه
بعد يقرأ على كونه ( النأى بأعزاء آخرين ) عن مرامي نيران قد تأتيهم ( في صمة خشومهم )
هو بعد نبيل ما في ذلك شك
وبالطبع يختلف الناس باختلاف تكويناتهم في كيفية الموازنة بين ( التصدي للهجمات الشرسة التي قد تطال الأحباب ) وبين رغباتهم أن يكونوا أنفسهم...
برضكم يا داليا لستم بعيدين تماماً عمن نحتفي بهم
أخذتم من تجربتهم وطورتم فيها بقدرما أتيح لكم
لكم أتمنى أن يأتي اليوم الذي تمارس فيه المرأة حياتها كاملة كما تحب لا تخشى في ذلك إلا الله وضميرها
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: انعام حيمورة)
|
| Quote: امنيت انو ما كانت تجربتي تكون باسمي الحقيقي (لي لحظات )..وده برضو ما عشاني ..عشان تانين ما يتأذوا ..و في الحقيقة هم إتأذوا فعلا .. |
عاطف يا صحبي سلام
البوست رغم أريحيته وسهولة هضمه لكن في رأيي بناقش في مشكلة ليها أبعاد أعمق!
المشكلة في نظري ما محصورة بس في البتكتبوا باسمائهن الحقيقيّة أو في (المُنقبات)!
ولكن في محورين أساسين: نظرة المجتمع للمرأة ونظرة المرأة لذاتها!
كلام داليا الأنا أقتبستو فوق وممكن نضيف عليه كلام سمارت بيعكس جزء من المشكلة دي ..!
ممكن يكون الوضع اليوم افضل شوية من بدايات العوالم الإسفيرية لكن المشكلة ما زالت قائمة.
انا شخصياً بستغرب من موقف المستنيرات والمثقفات والمتعلمات من بناتنا اللي ما زالوا خايفين
من تحدي المجتمع لإثبات إنتهاء صلاحية العادات والتقاليد والموروث البيعامل المرأة على آنها
مخلوق ثانوي! وبعتقد انهم هم كمان بتحملوا جزء من استمرار المشكلة (بدون ما أقسو عليهم)!
دا البخليني أعتقد أنه إحتفاءك وتكريمك لرائدات الكتابة بأسمائهن الحقيقيّة هو تكريم في محله.
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: يوسف السماني يوسف)
|
Quote:
كوستاوي
الإسم الحقيقي: الكرمبا الكرمبا smart |
كوستاوي ده انا حبوبته لزم ^_*
Quote: بعد إيه يا هندسة!! إنتي و دينا قلبتنّو نكد و انتهيتو
كتّر خير علوية سليمان غايتو الخفّفت من النكد :) |
ود البشرى، الموضوع بالجد قلب نكد. :(
عمر الفاروق، من خطك باين عليك دبيب و بصلعة كمان :)
سلامات يا تيسير. شكرًا جزيلا جزيلا علي الكلام الطيب.
و شكرًا جزيلا علي المجاملات اللطيفة يا بشمهندس عمر. يديك العافية.
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: smart_ana2001)
|
Quote:
انا شخصياً بستغرب من موقف المستنيرات والمثقفات والمتعلمات من بناتنا اللي ما زالوا خايفين من تحدي المجتمع لإثبات إنتهاء صلاحية العادات والتقاليد والموروث البيعامل المرأة على آنها مخلوق ثانوي! وبعتقد انهم هم كمان بتحملوا جزء من استمرار المشكلة (بدون ما أقسو عليهم)!
|
سلامات أمين عمر
خلينا نتناقش بهدوء حول الموضوع ده.
أي عادات و تقاليد ؟ انا شخصيا حددت 3 أسباب بتخليني ما اكتب باسمي الحقيقي. ما في واحدة فيهم ليها علاقة بالعادات و التقاليد او بمكاني في المجتمع كدرجة أولي او درجة تانية. بس في واحدة فيهم بتدل أني في الحقيقة زولة ( more aggressive ) ( بغض النظر عن الحاجة دي كويسه ام كعبة).
لكن علي العموم ( و عشان ما ننكر حقوق أخواتي ) خليني اعترف ان أي واحدة بتكتب باسمها اشجع مني.
في رجال كتار بيكتبوا بأسماء مستعارة، ليه لما الموضوع بقي علي الجكس بقي طوالي شعور بالدونية في المجتمع و ما سمعنا بكلام ذي ده للرجال !!!
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: Balla Musa)
|
Quote: التحية لكل نساء السودان الماجدات اللائي كتبن باسمائهن الحقيقية في ظل مخاطر الكتابة عبر الاسفير .
والقيود المجتمعية التي تحيط بهن وسوء بعض الكتابات المنبرية والردود التي تتعدي مناقشة الراي الي
شخصنة الكتابة والاساءات لهن ولاسرهن . والتحية ايضاً للاتي كتبنا ياسماء مستعارة خشية من لسعة الكتابه للاسرة .
Quote: 1 - رجاء العباسي .
2 – راوية العباسي .
3 – تماضر شيخ الدين
4- د. اشراقة مصطفي
5 - نور تاور
6 - سلوي صيام
7- اسماء الجنيد
8- روزمين الصياد
9 – انعام عبدالحفيظ
10 – انعام حيمورة
11 – لنا مهدي
12 – مني خوجلي .
13 – نادية عثمان مختار
14 - داليا حافظ
15 - حليمة عبدالرحمن
16 - ناهد بشير الطيب
17 - عزاز شامي
18- منال خوجلي
19 - تيسير عووضة
20 - امنه مختار
21 - تراجي مصطفي
22 - رانيا بابكر
23 - د.نجاة محمود
24 - مها بشير
25 - اميرة الشيخ
26 - دينا خالد
التعديل للاضافة اسم سقط سهوا .
|
>>>>>>>>>>>>>>>>>>>>>>>>..
وانا بضيف من عندي:
احلام اسماعيل حسن
اميرة مصطفي السيد
وثلاثة اخريات
( يعني مستحتونا بالاستيكة من عضوية المنبر الذي نفتخر بعضويته( وجه ضاحك)
والله يديك العافية
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: Balla Musa)
|
Quote: و القال ليكم منو سودانيزأونلاين تأسست سنة 2002
نحن بنعتبر دفعة 2002 برالمة |
Quote: Kostawi
تاريخ التسجيل: 04-02-2002 |
يعرفوك برلومة كيف يادكتور
سودانيزأونلاين بدأت سنة 1999
و في 2002 حصلت حاجة في السيرفر و بكري lost كل الإرشيف
و بدأ من جديد...عشان كدا أي زول بكتب قبل 2002 تحول تسجيله ل 2002
و عندي بوست عن تاريخ سودانيزأونلاين حا أفتش ليه و أجيب ليكم اللنك عشان البرالمة الزيكم ديل يتعلموا و يعرفوا حاجة عن تاريخ مدرسة بكري أب صلعة
العاملة زي كفر الكرة أب زراير.
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: Kostawi)
|
سلام يا عاطف..
علي الرغم من بساطة الموضوع إلا أن الكتابة فيه ليست سهلة وذلك لعدة اسباب منها الحساسية في أن نكتب شيئا في اصل وسبب الكتابة بغير الإسم الحقيقي والذي قد يظنه البعض كتابة غير محبوبة.. وحيث أن الحديث عن الكتابة بغير الإسم الحقيقي هي النصف المعني في هذا البوست فإن تجنب الكتابة فيه يصبح أمرا غير عاديا وتصبح المشاركة في البوست غير متكاملة..
السبب التاني هو في الحقيقة مرتبط بشكل ما بالسبب الأول هي الأسباب في أن يلجأ البعض للكتابة بإسم غير حقيقي..ولقد شرحت بعض منها سمارت علي حسب ظروفها هي وناقش بعض من جذورأسبابها أمير عمر..
أود أن ارجع فيما بعد لذلك النقاش إن أمكن لأن الاسباب الخاصة بسمارت هي أسباب مختلفة عن آخرين..
...........
...........
تحياتي لك وللجميع..
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: عاطف عمر)
|
تحياتي يا سمارت
أكيد النقاش هادئ ومافي تعصب لفكرة معينة وإنما في وجهات نظر ممكن تكون متباينة ولكن بالتأكيد بدون أي تقليل من وجهة النظر المقابلة (خصوصاً من ناحيتي)! الظاهر أنه خوفي من الإطالة خلاني ما اقدر اوصل فكرتي بصورة واضحة وبالتالي ما اقدر ألومك على فهمك لمداخلتي بصورة مختلفة! أنا حاولت أتكلم عن جذور المشكلة بعيداً عن (فكرة الدونيّة) ولقيت في مداخلة داليا ومداخلتك نقطة مشتركة (إحساسكم العالي بالآخرين وخوفكم من أن يتأذوا بسببكما) .. والنقطة دي كانت بتدعم فكرة مداخلتي فأستشهدت بيك وبداليا بدون ما أقول إنه تواجد أي أخت بإسم مستعار هو نتاج إحساسها بالدونيّة ... وبالمناسبة ما من حقي ولا من حق غيري أن يطلق حُكم زي دا أو حتى يتناول أسبابكم الذكرتوها دي أو ينتقدها، فأنتم فقط الأكثر درايّة بظروفكما وليس من حق أحد أن ينتقد أو يضع رأي في شيء لا يملك فيه الإلمام التام.
طيب خليني أشرح ليك فكرتي.. العامل المشترك الأنا شفتو بين كلام داليا وكلامك هو (الخوف) سواء كان الخوف دا على اشخاص أعزاء ممكن يتأذوا دون ذنب بسببك كتاباتكم باسمائكم الحقيقيّة، أو كان خوف من (نقة صحباتك)، أو خوف من كلمة مافي محلها تجيك في صمة خشمك..الخ! الخوف دا ما جاي من فراغ، يا سمارت، بل جذوره الحقيقية هي « نظرة المجتمع عموماً للمرأة » ودا خلى « نظرة المرأة لذاتها » وتصرفاتها وكلامها في أي مجتمع (أسفيري أو تقليدي) مكبل ويشوبه الحذر. الحذر دا ممكن يكون في أشكال مختلفة زي إنها تحاول تخفي إسمها الحقيقي مثلاً. الأرض القامت عليها الجذور دي هي الموروث والتقاليد والعادات اللي رسخّت في أذهان المجتمع إنه المرأة أقل شأناً من الرجل وبالتالي كلمتها محسوبة وضحكتها محسوبة وحتى مشيتها في الارض محسوبة. وبالتأكيد لو هي حاولت تطلع من القالب أو الإطار الوضعها فيهو المجتمع حتبدأ تحاصرها الظنون والشكوك ويحاك حولها الحكاوي والكلام الفارغ الخ. إعتقادي الشخصي وحسن ظني في اخواتي المتعلمات والمستنيرات إنه مطلوب منهم نزع هذا الخوف ومواجهة المجتمع لحدي ما يتغير الوضع ويوضع في نصابه الصحيح ليكون مجتمع متعافي وخالي من العقد والدونيّة تجاه أي فرد فيه بغض النظر عن نوعه، ودا ما حيحصل لو ما في مقاومة واضحة. دي كانت وجهة نظري الشخصيّة للموضوع ولو غلطان ح اتقبل تصحيحك بكل رحابة صدر!
ـــــــــــــ
بالمناسبة أنا نهائي ما منتقد ولا معترض على مشاركتك بإسم مستعار بل بالعكس بعتبرك برضو واحدة من الرائدات اللائي إقتحمن عالم المنابر العامة في وقت مبكر وشاركن في إيصال أرائهن بكل شجاعة وإقتدار حتى ولو كان بمظهر متخفي، والدليل نقاشنا دا ونقاشات أخرى قريتها ليك!
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: عاطف عمر)
|
تحياتي وسلامات عزيزنا محمد الكامل
Quote: مما لاشك فيه ان المرأة اصبحت ذات سهم في كل حراك انساني...عبر جهدها الجهيد في الخروج من القوقعة الافتراضية التي احدثها التاريخ والثقافة ويدخل في ذلك المعتقد...ولكن الرواسب المتبقية هي صاحبة التاثير في خلق الاستعارة..
|
نعم خاضت المرأة في حراكها معارك كثيرة
قدمت في سبيل ما ترنو إليه تضحيات كثيرة
ولكن ليس للكمال نهايات
حراك سرمدي
الشئ الذي يدعو للفخر أنه حتى في وجود أسباب أوجدت قاعدة الأسماء المستعارة ( للرجال وللنساء ) فقد صدعت أخوات كريمات بتحدي هذه الأسباب
وكتبن بأسمائهن الحقيقية ...
وكما هى طبائع الأشياء قدمن تضحيات .. سفهاً من سفهاء وجهالة من جهلاء
لكن بالمقابل النتيجة كانت أجمل
على مدى زمني قصير ( قصير بحكم أعمار الشعوب ) ...
صارت الكتابة بالأسماء الحقيقية هى السمة الأبرز
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: عاطف عمر)
|
تحياتي وسلامات عزيزنا جعفر إسماعيل
عندما رأيت إسمك كآخر متداخل شعرت بفرح حقيقي
وركضت أفتح البوست رغم ( الزنقة الصباحية ) المعتادة في العمل
أصدقك القول
لقد صدمتني المداخلة بسؤالها ( التجريمي )| Quote: تراجي مصطفى تكتب باسمها الحقيقي ، فلماذا همشتوها |
صدمتني مداخلتك ( وأنت عندي من أهل الوقار والحكمة ) لسببين
السبب الأول
لقد أوضحنا في أول مداخلات البوست أن ( الرائدات ) المقصودات هن من ظللن يكتبن منذ تأسيس المنبر حتى 2004 منذ . حيث إعتباراً من دفعة 2004 أوقف بكري تسجيل العضوية بأسماء مستعارة
جزيل الشكر هنا للأخ العزيز د. بلة موسى الذي أفرد مداخلة لتوضيح هذا المعنى
السبب الثاني
لقد عنونا البوست بالقول| Quote: التحية لرائدات الكتابة بأسمائهن الحقيقية ... منا الفكرة ومنكم الأسماء |
لو كنت ترى أن الأخت العزيزة تراجي مصطفى قد إستوفت المذكور أعلاه كان بإمكانك إضافتها
حيث أن إقتراح الأسماء هو ( مأمول ) البوست من جميع الأعضاء
____________
تحياتي وسلامي للأخت العزيزة تراجي مصطفى
وهى أيضاً من ( أبكار ) الجيل التالي لجيل الرائدات
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: عاطف عمر)
|
| Quote: لقد صدمتني المداخلة بسؤالها ( التجريمي ) |
الحبيب العزيز عاطف
عفوا لم اقصد مطلقا تجريمك بل دخلت البوست مازحا- ووضعت علامة الابتسام - لكي أبرز ماأرمي إليه ..لو خطر ببالي أنك ستأخذ مداخلتي بهذه الحساسية لما تجرأت بكتابتها وانت من بين اكثر الأعضاء الذين احترمهم واهفو لقراءة انتاجهم .
لك العتبى حتى ترضى .
وتقبل وافراحترامي ومودتي
-----
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: Gaafar Ismail)
|
عاطف يا عمّك
قراءة من زاوية تانية للبوست وفكرته, ليه تكون الكتابة بالإسم الحقيقي تميّز و ريادة في حين دا الشي الطبيعي و المفروض يكون الأصل, أو بمعنى آخر ليه الكتابة بإسم مستعار ؟
في رأيي القصة دي تعود للتعامل غير المسؤول مع الأسافير و مسؤولية الكتابة و الخصوصية و سيادة ثقافة "كسر العين" و الإبتزاز و استسهال التلفيق و تناول الخصوصيات و الفكرة الغبية في مسألة الرد على الكاتب في رقبته و ليس على ما كتبه من رأي وفكرة و غيرها من أمراض الأسافير السودانية
خلّيك من الأسافير الزمان هسّي شوف بعض تعليقات الشباب في الفيس بووك هنا و عدم حساسيتها و تعدّيها على خصوصيات الزملاء و الزميلات
وتذكر بالتاكيد ايام تهكير المنبر و منبر الأشباح العواليق المتخفين و كيف كانوا بنتهكوا أعراض و سمعة و حقوق الأعضاء هنا
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: عاطف عمر)
|
تحياتي Smart Lady :)
Quote: النصيحة لله كلامك منطقى. او خلينا نقول ممكن يكون منطقى. لكن فى جملتك دى انت بتتكلم عن حاجتين ما فى بينهم علاقة (فى نظرى).
| Quote: Quote: والعادات اللي رسخّت في أذهان المجتمع إنه المرأة أقل شأناً من الرجل وبالتالي كلمتها محسوبة وضحكتها محسوبة وحتى مشيتها في الارض محسوبة |
|
نظرتك الشفتي بيها عدم العلاقة كانت نظرة من زاوية نشأتك إنتِ زي ما حكيتي عن أسرتك ووالدك - طيّب الله ثراه - وأسلوب تعامله معاكم بدون حسابات الجندر، ودي التربية السليمة. أنا برضو نشأت في بيت شبيه لبيتكم دا وكنا أنا وأخواني بنتهزأ وبناخد على رأسنا زي الترتيب واكتر بكتير من أختي، واتربينا برضو علي أنه مافي فرق بين ولد وبت والحاجة الوحيدة الثابتة في التعامل بيناتنا هي أحترام الأكبر منك وتوقير الأصغر منك. لكن لو حاولنا أنا وانتِ نطلّع نفسنا من الفريم الضيق دا ونشوف المجتمع بعدسة (wide angle) تفتكري ح نلقى المنظر بنفس تفاصيله ولاّ ح نقدر نشوف نماذج كتيرة مختلفة توضح الإرتباط بين تقليل شأن المرأة وبين العادات اللي قام عليها المجتمع؟!!
| Quote: لكن انا مصرة ان الموضوع ده ما ليه دخل بموضوع الكتابة باسم حقيقى. على الاقل لى انا. و مصرة برضو انى حتى لو كنت dude ما اظن كنت اكتب اسمى. برضو لانه اصحابى و صحباتى ما ح يتغيروا . هم نفس الناس اللى بلسانات طويلة. و ح يبرمجوا بى ذى ما الان بيبرمجوا باى واحد/ واحدة يكتب كلام (نص نص) فى الفيسبوك. |
والله يا هندسة ما عارف ليه انا مُصر اقنعك تشوفي الموضوع من زاوية تانية 
كدي حاولي تطلّعي نفسك من الموضوع دا وتشوفي معاي الصورة بإطار اوسع شوية، وخليني أتفق معاك (for the sake of argument) إنه الكتابة بالاسم الحقيقي ما عندها أي علاقة بنظرة المجتمع للمرأة .. طيب ممكن تفسري لي ليه البوست النحن بنتناقش تحته دا نفسه بيحتفي بـ (رائدات الكتابة بأسمائهن الحقيقيّة) في حين أنه هناك (رواد) كتااار ظهروا في نفس الفترة دي (2002 - 2004) بأسمائهم الحقيقيّة لكن مافي زول جاب سيرتهم ولا إحتفى بيهم أو أعتبرهم ظاهرة أو إنجاز يستحق الإحتفاء؟! بمعنى أخر، هل إنتي كمشاركة في البوست دا شايفة أنه فكرة الإحتفاء بالرائدات دون الرواد أمر عادي ولاّ عندها إرتباط بنظرة المجتمع للمرأة؟!
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: عاطف عمر)
|
Quote: جيناكم بعد غربة وشوق
اولا في جائزة لينا عشان بنكتب بي اسامينا
ولوفي الرجاء ما تكون شهادة
انا بشوف الجايزة تكون ظرف
وملياااااان
ولا قوموا لفو
التحيات الندية |
ههههههههههههههههه
سلام وكتير إحترام عزيزتنا أحلام
وتحياتنا أكثر نداوة
ورغم أن الجائزة ( ظرف ) من ( ظروفنا ) العجيبة
إلا أننا
هاهنا جالسون
ولن نلف قيد أنملة
ثم
تحياتنا للأمير الصغير
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: عاطف عمر)
|
Quote: التحية لكل نساء السودان الماجدات اللائي كتبن باسمائهن الحقيقية في ظل مخاطر الكتابة عبر الاسفير .
والقيود المجتمعية التي تحيط بهن وسوء بعض الكتابات المنبرية والردود التي تتعدي مناقشة الراي الي
شخصنة الكتابة والاساءات لهن ولاسرهن . والتحية ايضاً للاتي كتبنا ياسماء مستعارة خشية من لسعة الكتابه للاسرة .
|
ولك التحية
وكل الشكر
عزيزنا يوسف السماني
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: عاطف عمر)
|
Quote: عشان ماتطولوا اللستة
الرائدات هن العضوات فى العام 2002 واللائى سجلن بأسمائهن الحقيقية..
وبس!
|
تشكرات يا دكترة يا حبيب
محاولة وضع البوست في إطاره ( الزمني ) الصحيح
سوف نلحق بهن ( الأبكار ) ... و ( أبكار البكرات )
لهن جمعيهن التحياتQuote: عاطف ياهندسة
ذكرتنى بمقولة بكرى : رودا مردة هى رودة مردا
ولكن لا استغراب فكليكما مهندس!! |
الدم بحن يا حبة
لوووووووووووووول
نسيت أني بتكلم مع دكتور
أقوم آخد بستفة في خصائص الدم وشنو وشنو كدا الدم
وأنو ما عندو أيتها علاقة بالحنية
وكدا
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: عاطف عمر)
|
Quote: سودانيزأونلاين بدأت سنة 1999
و في 2002 حصلت حاجة في السيرفر و بكري lost كل الإرشيف
و بدأ من جديد...عشان كدا أي زول بكتب قبل 2002 تحول تسجيله ل 2002
و عندي بوست عن تاريخ سودانيزأونلاين حا أفتش ليه و أجيب ليكم اللنك عشان البرالمة الزيكم ديل يتعلموا و يعرفوا حاجة عن تاريخ مدرسة بكري أب صلعة
|
جزيل الشكر عزيزنا كوستاوي للمعلومات المهمة
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: عاطف عمر)
|
الملكة يا ستهم
تحياتي وسلامات
Quote: علي الرغم من بساطة الموضوع إلا أن الكتابة فيه ليست سهلة وذلك لعدة اسباب منها الحساسية في أن نكتب شيئا في اصل وسبب الكتابة بغير الإسم الحقيقي والذي قد يظنه البعض كتابة غير محبوبة.. وحيث أن الحديث عن الكتابة بغير الإسم الحقيقي هي النصف المعني في هذا البوست فإن تجنب الكتابة فيه يصبح أمرا غير عاديا وتصبح المشاركة في البوست غير متكاملة..
السبب التاني هو في الحقيقة مرتبط بشكل ما بالسبب الأول هي الأسباب في أن يلجأ البعض للكتابة بإسم غير حقيقي..ولقد شرحت بعض منها سمارت علي حسب ظروفها هي وناقش بعض من جذورأسبابها أمير عمر..
أود أن ارجع فيما بعد لذلك النقاش إن أمكن لأن الاسباب الخاصة بسمارت هي أسباب مختلفة عن آخرين.. |
نعم يا منى
الإنسان الحصيف ( يحلل ) التاريخ ليستقى منه العبر التي تمكنه من تجاوز مطباته لا أن ( يحاكمه )
سوف يكون لإحتفائنا بأخواتك وبك معنى وألف معنى إن نحن نجحنا في تحليل ما جرى
لماذا من الأساس ؟؟
وكيف نتجنب ما جرى وقد خطونا خطوات واسعة ؟؟
من هنا تأخذ مشاركتك الموعودة أهميتها القصوى
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: عاطف عمر)
|
Quote: فات على أن أذكر وأحيي ضمن الرائدات أختى الصغرى وإبنة أخي
مريم بنت الحسين
________________
فاتت عليك كيف يا سمارت ؟؟ |
هي يا يمه سمارت فاضية من التبرير... سمارت هوووووي انت بقيتي بيّاعه يا صاحبتي...
انا مريم احمد مصطفى الحسين... مريم بنت الحسين ده لقب أطلقه علي نادر أيام الجكس.. لكن السبب انه انا في الاردن كنت بستخدم اسم الحسين كإسم عائلة.. والنصيحة انه بكري من نفسه اداني الاسم ده، انا اساساً ما طلبت عضوية... انا رسلته ليه موضوع كنت عايزاه ينزله في البورد، قام رسل لي username and password... بكري برضه معرفة قديمة على خفيف كده قبل سودانيزأونلاين... هو وعادل عبدالعاطي ومجموعة أخرى كنا عاملين حاجة اسمها Sudanese Internet Association..
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: عاطف عمر)
|
تحياتي عاطف
زمان لما سجلنا كان الغالبية من الناس بتكتب بي نك نيم وكان دا العرف السائد في معظم المنتديات زي سودان توب وسودان نت ..وبالرغم من كدة الناس
كانت بتتعارف كويس جدا على المستوى الشخصي ..وكان في بوستات كدة زي اللقاء او الكرسي الساخن وكان الواحد بيكتب فيها اسمه الحقيقي وكتير من
المعلومات الشخصية الحقيقية..
تحياتي للجميع
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: عاطف عمر)
|
ود البشرى يا راصدنا الإستراتيجي
تحياتي وسلاماتQuote: عاطف يا عمّك
قراءة من زاوية تانية للبوست وفكرته, ليه تكون الكتابة بالإسم الحقيقي تميّز و ريادة في حين دا الشي الطبيعي و المفروض يكون الأصل, أو بمعنى آخر ليه الكتابة بإسم مستعار ؟
في رأيي القصة دي تعود للتعامل غير المسؤول مع الأسافير و مسؤولية الكتابة و الخصوصية و سيادة ثقافة "كسر العين" و الإبتزاز و استسهال التلفيق و تناول الخصوصيات و الفكرة الغبية في مسألة الرد على الكاتب في رقبته و ليس على ما كتبه من رأي وفكرة و غيرها من أمراض الأسافير السودانية
خلّيك من الأسافير الزمان هسّي شوف بعض تعليقات الشباب في الفيس بووك هنا و عدم حساسيتها و تعدّيها على خصوصيات الزملاء و الزميلات
وتذكر بالتاكيد ايام تهكير المنبر و منبر الأشباح العواليق المتخفين و كيف كانوا بنتهكوا أعراض و سمعة و حقوق الأعضاء هنا |
لعمري أنك قد سألت سؤالاً ( مؤرقاً )
ولعمري أيضاً فقد أجبت عليه بنفسك إجابة ( موجعة )
ولأجل السبب الذي ذكرت من ( التعامل غير المسؤول مع الأسافير و مسؤولية الكتابة و الخصوصية و سيادة ثقافة "كسر العين" و الإبتزاز و استسهال التلفيق و تناول الخصوصيات و الفكرة الغبية في مسألة الرد على الكاتب في رقبته و ليس على ما كتبه من رأي وفكرة و غيرها من أمراض الأسافير السودانية ) تظل من واجهت مثل الواقع رائدة ومتميزة ... على أن ذلك لا يقلل من قدر الأخريات فالناس في تحملهم للأذى يختلفون
نقرأ هذا مع كون أن واقع أسافير اليوم قد أصبح أفضل كثيراً من واقع أسافير الأمس عندما إختارت هؤلاء الأخوات المشى فوق أشواك ذلك الدرب ...
للآن لم أفهم حكمة عمنا بكري في فتح باب تعليقات لمنسوبين في الفيسبوك وفي ذات الوقت عدم وجود آلية لضبط هذه التعليقات رغماً عن ( عدم حساسيتها و تعدّيها على خصوصيات الزملاء و الزميلات )
| |
|
|
|
|
|
|
|
|
|
Re: التحية لرائدات الكتابة بأسمائهن الحقيقية ... منا الفكرة ومنكم الأ (Re: عاطف عمر)
|
Quote: في ناس ياعمر بحبوا اغيروا اساميهم الحقيقية باخرى فنية
ومرات بتضرب معاهم وبتبقى الاسماء الجديدة احلى
وفي ناس بتختفي ورا الاسم وتلبد لاسباب غير معلومة
وفي ناس اساميها بتعكس روحها وفي ناس افعالهم عكس اساميهم
الفكرة حلوة وربنا يديك الفي مرادك
هسي اسمك براه سمح وكامل لذيذ
مودتي ومحبتي |
فناننا الكبير زارع الفرح والجمال
تحيات ومحبات
عارف قصة الأسماء قصة عجيبة شديد
رغم أنني والمدام كنا نجلس نتناقش أثناء فترات حملها في الطفل القادم لو ولد يكون إسمه إيه ولو بنت يكون إسمها إيه
لكن عند لحظة التسمية أصاب برجفة..
هل يا ترى إخترت لهذه البنت أو لهذا الولد الإسم المناسب له ولزمانه
وهل سوف يأتي يوم و ( يطنطن ) أبوى ظلمني في الإسم دا ؟؟؟
طرفة
رزقت بكريمتين بفضل الله ... كانت المدام حامل للمرة الثالثة .. إتفقنا لو طلعت بنت نسميها ( أمنية )
وفعلاً طلعت بنت وقررنا خلاص نسميها أمنية
إتصلت شقيقتي مهنئة بالمولودة
وسألت أها ح تسموها منو ؟
بتلقائية رديت عليها ح نسميها أمنية إن شاء الله
فردت على بقنبلة
" عليك الله إنت وزوجتك بطلوا الكضب بتاعكم دا وما تعقدوا البنت ساكت ، يعني إنتو عندكم بنتين صحي صحي كدا كنتو متمنين بنت تالتة ؟؟ "
ضحكت زوجتي حتى أدمعت عيناها وأجابتني والله أختك عندها حق ، النصيحة لى الله أنا كنت متمنية المولود يكون ولد
أنقر ما غيرنا الإسم ؟؟
| |
|
|
|
|
|
|
| |
عاطف عمر
محمد البشرى الخضر
حامد بدوي بشير
Rawia
محمد عبد الماجد الصايم
دينا خالد
عمر الفاروق
محمد عبدالرحمن
smart_ana2001
Kostawi
تيسير عووضة
Gaafar Ismail
Mohamed Mekki
داليا حافظ
انعام حيمورة
Amir Omer
احلام وهبي
يوسف السماني يوسف
محمد حيدر المشرف
Muna Khugali
عبد الله فقير
عفاف الصادق بابكر
محمد سنى دفع الله
أبو ساندرا
Siham Elmugammar
مريم بنت الحسين
جدو
فيس بوك
تويتر
انستقرام
يوتيوب
بنتيريست