|
دعواتكم لزميلنا المفكر د.الباقر العفيف بالشفاء العاجل
|
|
 Re: هشام شيخ الدين جبريل (يازولyazoalيازول) (Re: أبوذر بابكر)
|
شكراً رأفت ميلاد
فقد لمست جانباً منشخصيته
ابوذر بابكر
تسلم يا جميل ورائع على القصيدة النمة
والزول دا يستاهل القصيدة وأكثر
| Quote: "مسور" دى بتعرفو معناها |
طالما (السياق) سياق شكرة
فـ قطع شك مسور دي معناها سمح (يعني ماها نبذة)
وشكراً تاني يا اباذر
| |
 
|
|
|
|
|
|
|
|
Re: هشام شيخ الدين جبريل (يازولyazoalيازول) (Re: ناذر محمد الخليفة)
|
ناذر كيفك يا جميل
اها قلت اخش عليك في الحفلة بتاعة العرس ديك الا الـ(PC)علق
وحرمني من الرد علي ردك
ماااااااااااش
ولو عايز تكلم ناس المنبر بي مصدر (الكليب) انا جاهز لأنني ما صممتو
انا نسختو للفرجة بس
الا في ناس روجو ليهو على مستوى (كوني)
اها شن قولك في الفضيحة...؟
....
بالنسبة لي هنا مشكور على المرور والسؤال
لكن ما بنقدر نرد باللاوندي
راجين زيارة منك تانية..
| |
|
|
|
|
|
|
|
|
|
Re: هشام شيخ الدين جبريل (يازولyazoalيازول) (Re: عادل فضل المولى)
|
قلنا انه فاكهة المنبر وريحانته
و
و
و
اها نجي للواو الاولى
يقول جزء من البروفايل الخاص به
Quote: هشام شيخ الدين جبريل
التعليم: جامعى
التلفون: 00966503605062
الحالة الاجتماعية: Married
العنوان الدائم: السعودية - جدة (والباقى بالايميل)
الفنان المفضل: اعتزل (الجيلى الشيخ)
اللون السياسى: حزب أمة
النوع: Male
الهوايات المفضلة: السباحة
الوظيفة: ُTranslator
تاريخ الميلاد: June 17, 19 |
ولن نخوض في تفاصيل حياته الخاصة رغم انه قام بسرد كثير منها
لكن سنحاول التركيز على ايراد نماذج من البوستات التي تؤكد
خفة دم وظرافة اخونا هشام
اما امتلاكه لخاصية السرد(الحكي) فهي غير محل خلاف
فما أن تبدأ في قراءة بوست له الا وتجد نفسك مشدودا اليه حتى آخر كلمة
فهشام حسب تقدير الـ(...) فهو في نهاية العقد(...) أو بداية (...)
يعني ينتمي الى ناس الزمن الجميل في السودان
الناس الذين تفتح وعيهم في الستينيات والسبعينيات من القرن الماضي
حيث كانت الحياة اكثر بساطة وحميمية (على المستوى الاجتماعي) وحيث العائلة الممتدة
ويظهر هذا التأثير القوي للعائلة في بناء شخصيته بوجود صورة (ابيه) شيخ الدين في الايميش
..تأثير ممتد ولا اريد الانسياق هنا وراء تحليل انطباعي...ولكن التأثير ينعكس في الوضوح الشديد في سرد القصص والحكايات التي نفسها تستبطن الحكمة في كثير من مجرياتها..
...
شكراً هشام
وأرجو ان تسمح لنا بايراد بعض البوستات هنا لـ(ألمؤانسة والامتاع)
| |
|
|
|
|
|
|
|
|
|
Re: هشام شيخ الدين جبريل (يازولyazoalيازول) (Re: Muna Khugali)
|
الاستاذة منى خوجلي
شكرا على المرور الجميل بالبوست
تعرفي خلال التخريمات بين (الشغل والمنبر)
لقيت نفسي بفتح في بوست اسمو لحظة من فضلك(قديم/ جديد)
وبديت اعيد القراءة في الصفحة الاولى
ووقفت كتير في البيت القديم الفي مصر (الولدوك فيهو) وسألت نفسي
(إذا لم تكن لها مرافقة في ذلك الوقت..كيف كانت ستفسر ذلك الشعور..)
وكمان وقفت عند شقيقك الشهيد مصطفى بي شقاوتو ديك
وتذكرت شيئاً من (مواقفي الشخصية)
ومداخلات سعد الدين ومنصور والشلة
واظنها كانت اللحظات نفسها التي كنت تتصفحين فيها هذا البوست
دا شنو دا..؟
لا ازيد ولك الشكر ثانية
...
بعد دا ما يجي واحد يقول قاعد تكسر في تلج..!
| |
|
|
|
|
|
|
|
|
 Re: هشام شيخ الدين جبريل (يازولyazoalيازول) (Re: يازولyazoalيازول)
|
تحية خاصة للحبيب رأفت ميلاد وللحبيب ناذر(وين الدكتور الراقى؟ وباقى أصحابك؟)  ،
ذكرتونى النميرى لما قال (شكرا شعبى)
ويا غادة كتلتينا بالضحك (أنا وكل الأسرة) الذين صاروا يتندرون على (غسلى للعدة)
تحياتى لجميع الأحباب الذين أحبهم لله فى لله وهم يعرفون أنفسهم (يعنى بالجملة كده)
| |
|
|
|
|
|
|
|
|
|
Re: هشام شيخ الدين جبريل (يازولyazoalيازول) (Re: فيصل نوبي)
|
ود النوبة
كيفك
في كلام بي هناك ان شاء الله مريت عليهو..؟
تعرف..
البوست كان مستنيك من قبيل
واخونا رافت ميلاد ختاها ليك في (عبّك)
بي غسيل العدة
لكن اظن انك كنت تقوم بالواجب نفسه في وقت الإشارة نفسها
يعني الشمار صحي
قالوا منّور البلد بعد كم يوم..؟
يا للـ س ع ا دةةةةةةة
(وجه مفقوع بالابتسام)
بالنسبة للبيجو
جيب معاك
جوز مساعدات قدام بي اغطيتها وجهاز كركبة وعصافير ومراية فرامل يمين وجلود جهاز فرامل فوق وحلزونة وجلب للاستارتر وفونية كبريتر وبولتين وست بلكات أصلي ولديتر 3 خط وفانوس يمين وخزنة ومفتاح الاشارات والبوري ومكنة قزاز وتيلة لطبلة الضهرية و...و...و
واعمل حسابك ما يغشوك يدوك المصري أو التركي، لازم يكون فرنسي 100% ....
(وجه صعيدي)
 [/[/IMG]
وبي الحاجات دي البيجو
حتكون جاهزة ونستقبلك بها في المطار
وتجي بالسلامة يا حبيب
| |
|
|
|
|
|
|
|
|
|
Re: هشام شيخ الدين جبريل (يازولyazoalيازول) (Re: عبدالمحمود محمد عبدالرحمن)
|
عبد المحمود (الحفيان)
تحياتي
كراهية بورتسودان دي ماها اصيلة فيهو دي عابرة مثل عبوره بها
وقد اعتذر ابتداءاً لأهل بورتسودان في ذلك البوست
| Quote: لا اقصد من قريب ولا بعيد الإساءة لمدينة بورتسودان وأهلها الكرام ، ولكنى أورد حقائق فقط قد يوافقنى فيها البعض وقد لا يوافقنى آخرون وهم كثر ، فقد هيأت لى الظروف رؤية مدينة بورتسودان ولمدة ثلاثة أيام فقط طيلة حياتى |
وهو معذور لأنه زارها في عز الصيف ولم يزورها في ديسمبر/يناير/فبراير والا لكان (آمن واقتنع) بي جنة بورتسودان!
وانا نفسي زرتها مرتين ، المرة الأولى كانت في شهر 9 وكانت هناك شوية أمطار لكن الرطوبة (خنقتني) ومنعتني النوم لمدة ثلاثة ايام، والمرة الثانية أمسك عن تاريخها ..... وعبد الوهاب صديقنا وزميلنا البورتسوداني، يعترف بما قاله هشام لكن قال لينا انو بورتسودان فيها فصل ربيع يمتد لثلاثة أشهر (وصدقناه) من ديسمبر حتى فبراير..
عشان كدا ما نلوموا.
شكرا يا محمود
بالمناسبة صاحب الصورة (الايميش) ايضا محمود وفي رواية عبد المحمود
| |
|
|
|
|
|
|
|
|
|
Re: هشام شيخ الدين جبريل (يازولyazoalيازول) (Re: حبيب نورة)
|
عاد الحبيب المنتظر
ياخ والله حمدا لله على عودتك
ونورّت المنبر والبوست وعيون القراء والمتداخلين
ووالله تستحق ان نفرد لك بوستا خاصاً للترحيب بي الجية
لكن العتب على المشغوليات
شكراً على المرور
وكتّر من الطلة عشان عيون معجبي حروفك الندية
| |
|
|
|
|
|
|
|
|
|
Re: هشام شيخ الدين جبريل (يازولyazoalيازول) (Re: عادل فضل المولى)
|
.
الأخ عادل
تحياتي
| Quote: معذور لأنه زارها في عز الصيف ولم يزورها في ديسمبر/يناير/فبراير والا لكان (آمن واقتنع) بي جنة بورتسودان! |
بيني وبينك هشام كان مفروض يزور بورتسودان في الستينات ـ يعني يجي من المستقبل عشان يزور الماضي؛ زي التيرمنيتور Terminator كده.
صراحة "أكاد أهلك أسى ويخونني التجلد" وأنا أطالع وشمها الجميل من علٍ كل ما عبرت البحر محلقاً جيئة أو ذهاباً.
..
"محمود" الله يخليه ماسك الكي بورد من هسه وامسك الخشب. في عمرو ده كنا بنجارى بي عضمة شليل وين راح.
أكيد عضو في المنبر بس لازم يوافينا برأيو في الزول "يازول"
مودتي
محمود
| |
|
|
|
|
|
|
|
|
|
Re: هشام شيخ الدين جبريل (يازولyazoalيازول) (Re: عبدالمحمود محمد عبدالرحمن)
|
سلامات محمود
وشكراً على العودة والطلة مرة اخرى
قلت
| Quote: بيني وبينك هشام كان مفروض يزور بورتسودان في الستينات |
معليش راحت عليه
لكن بعد المداخلة يمكن يفكر في زيارتها في وقت آخر (لزوم التصحيح)
قلت عن محمود
| Quote: في عمرو ده كنا بنجارى بي عضمة شليل وين راح. |
واحد صديق قال عن أطفال الزمن دا
(السعداء أولاد الأشقياء)
وفعلاً تتجسد المقولة في كل
تفاصيل حياتهم ومعيشتهم
ربنا يحفظهم وينفع بهم الوطن
ويا حليل شليل
ووينو راح؟
| |
|
|
|
|
|
|
|
|
|
Re: هشام شيخ الدين جبريل (يازولyazoalيازول) (Re: عادل فضل المولى)
|
اها نجي للواو التانية
وهي انني لا اعرف هشام (معرفة شخصية)ولم اقابله في حياتي
(توضيح لأسيري كسير التلج).
لكن تداخلت معه مرة في بوست عابر عن مدينة طابت وحبه لمشايخ طابت ونيته لزيارتها..نهاية 2004
غاب هشام عن المنبر فترة طويلة ربما تعدت العام او هكذا بدت لي ، وكنت اظن انه من المقلين في الكتابة (مزاجي كدة يعني) لكن لاحظت هذا العام انه كان الأوفر نشاطاً حيث يمكن رصد 3 بوستات يوميا في بعض الاحيان (غير المداخلات والردود) مما يشير الى تمكنه من الاخذ بناصية الكتابة أولاً ومدى الترتيب الذي يعمل به خاصة ان المواضيع التي يطرحها في المنبر تتميز بالتنوع والثراء ويزيد من القها بساطة اللغة المستخدمة وكثافة المشاهد التي يعالجها في البوست مما يجعل الموضوعات المطروحة جاذبة للقراء ويجد فيها الزائر (ما يشبع حاجة ما عنده)..صحيح ان هناك بوستات عالجها عن طريق الصورة فقط الا انها لا تنقص من قدرته الكتابية مطلقاً حيث وظف عبارات وجمل بسيطة ذات معاني مدهشة لتفسير الصور...مما يشير ايضا الى قدرته على (التعبير البصري)
اما الموضوعات المطروحة فقد غطت مختلف المجالات...
(نواصل)
للاخ هشام مطلق الحرية في التداخل والرد والتصحيح ما أمكن
| |
|
|
|
|
|
|
|
|
|
Re: هشام شيخ الدين جبريل (يازولyazoalيازول) (Re: الزوول)
|
الزوول الجميل بالحيل
اطيب التحيات واتم التسليمات
صدقني حين أجد مداخلة لك (في أي بوست)
اعرف ان هناك (صيد جميل) إذ أن حرفك عصي على الابتذال
لك من الحب اقصاه
| Quote: أعِد مَدحٌه فإني أحبّه ...هذا الزول الجميل الأصيل |
ويا ليتك (تعد مدحه فإن القلوب تحبه)
وصلى الله عليك ياحبيبي يا محمد
شكرا على المرور والبوست متصل
| |
|
|
|
|
|
|
|
|
 Re: هشام شيخ الدين جبريل (يازولyazoalيازول) (Re: kamalabas)
|
فيصل نوبى
حبيب نورة
عبدالمحمود
الزوول
كمال عباس
وسيد البوست عادل
ياخ والله كتر خيركم كتير ، أخجلتونى ، وبعدين يا عبدالمحمود أعتذر لو أصاب رشاش كتابتى عن بورتسودان ، فقد وصلتنى إتصالات هاتفية عديدة من ناس (بورتسودان) شخصيا ومن مدينة بورتسودان يعاتبوننى فيها إذ أغلظت على مدينتهم وأظن أنه يلزمنى إعتذار لهم رغم حقيقة ما واجهت ، فلك العتبى
وشكرا يا كمال على كلامك الجميل ، وأفكر جادا فى تجميع بوستاتى فى شكل (كتاب) ، وشكرا يا عادل فأنا متابع ما تكتب بشغف وأشكرك على إفراد المساحة لشخصى الضعيف ، كما أشك (الزوول) النقى وباقى الحبايب وعلى راسهم فيصل وحبيب نورة
| |
|
|
|
|
|
|
|
|
|
Re: هشام شيخ الدين جبريل (يازولyazoalيازول) (Re: يازولyazoalيازول)
|
Quote: بيني وبينك هشام كان مفروض يزور بورتسودان في الستينات ـ يعني يجي من المستقبل عشان يزور الماضي؛ زي التيرمنيتور Terminator كده.
صراحة "أكاد أهلك أسى ويخونني التجلد" وأنا أطالع وشمها الجميل من علٍ كل ما عبرت البحر محلقاً جيئة أو ذهاباً |
والله يا هاشم كلامه صاح حاجة فعلآ مؤسفة
بورتسودان كانت أجمل وأنظف مدينة فى العالم
يا عبد المحمود أنا أول دفعة فى باوارث
دفعة بافلى والأمين أدروب
سكنت فى ديم مدينة جيران فاطنة تلميذه وناس هلال
وقدامنا ناس دكتور أهل عزمى أحمد خليل
وخالى زكريا رحمة الله عليه كان رئيس نادى الإتحاد
زمن جميل وناس حلوين
معليش يا جماعة على المداخلة
وكله فى وجود هشام جميل
| |
|
|
|
|
|
|
|
|
|
Re: هشام شيخ الدين جبريل (يازولyazoalيازول) (Re: kamalabas)
|
الاحباب رأفت وأبو فتحية وكمال عباس
وافر المحبة لكم
كمال عباس
لعلك (سرقت) تفاصيل كتيرة كانت جاية في البوست
نظام توارد خواطر (تطابق خواطر)
ومشكور والله من جوة القلب إذ انك اختصرت مسافات طويلة
كان مخططا ان يكون من بينها الاستشهاد ببوستات معينة للوصول
الى ما وصفته انت..
Quote: ....تغوص في النفس الانسانية وتحللها ....لك تجارب ثرة في الحياة
تعرف كيف تسردها بأسلوب راقي ....بسيط يرتفع عن لغة الابتزال
السوقي و وينأي عن تنطع بعض المتعلميين وتقعرهم....... |
شيئ في هذا الاطار
وخلاصة القول (البوست) كان مخططاً لها ان تكون ذات الدعوة
Quote: ألم تفكر في كتابة كتاب يجمع ما تحمله من رؤي
وأراء وتجارب وأكرر تجارب الحياة |
ان يجمع هذه التداعيات والذكريات والتسجيلات في كتاب سيكون خفيفاً ورائعاً ورائجاً
إذ انه سيكشف ملامح كثيرة تتصل بشكل الحياة في السودان والتحولات التي طرأت عليها
والتأثيرات التي احدثها الاغتراب في الحياة السودانية، بإعتباره ظاهرة اجتماعية لها اسبابها السياسية والاقتصادية، وكذلك سيعطي الكتاب اشارات وملامح للإجابة على سؤال مآلات سودانيي الشتات ومستقبل ابنائهم..
لك الشكر سيدي
واعتقد ان البوست وصل الى غايته تماماً حيث ثبت ان عدداً كبيرا من اعضاء المنبر وزوراه يعرفون الاخ هشام جيداً ويتابعون ما يكتب..لهم وله المحبة والتقدير
| |
|
|
|
|
|
|
| |
عادل فضل المولى
يازولyazoalيازول
رأفت ميلاد
أبوذر بابكر
ناذر محمد الخليفة
حيدر حسن ميرغني
Muna Khugali
غادة عبدالعزيز خالد
فيصل نوبي
عبدالمحمود محمد عبدالرحمن
حبيب نورة
الزوول
kamalabas
الصادق صديق سلمان
فيس بوك
تويتر
انستقرام
يوتيوب
بنتيريست