|
|
 شن فايدة الرجعة ؟؟؟
|
انبش مكان وجعى الدفين
وانقرف كيوق الجرحة لو
يبست قبيل
نأمل نقول نرجع نعود
نلقى الوجوه نديانة
زى فلق الصباح
لسه بتسرج فينا نور
نلقى القلوب
عمرانة بيك ما خاينة
ما نكصت عهود
نلقى النفوس المطمئنة
ما مرق جباهم فى التراب
زولآ حقود
ألقاك أبوى !
ألقاك أبوى!
فارقنى شوقك وقولة أبوى !
أمك وأبوى
أختك وأخوى
شن فايدة الرجعة
البقت بعد العزاز
فاتو العصير؟
شن فايدة الرجعة
وأبوى فارق بيوتنا
بلا نذير؟
شن فايدة الرجعة
وأبوى شوقك حفر
وديان أسى
وأنهار حزن
شن فايدة الرجعة
وغيابك يا أبوى
يفرق كتير
وكيفن بنستحمل غيابك
وكيفن بلاك أقدر أحس
بفرحة الزول البجى ؟
وكيف الأرض أقدر أصابحها
أو أجى ؟
وكيف يا بلد
لمان أجيك
وأسألك من العقاب
كيفن تردى ؟
بتقدرى ؟
|
|
 
|
|
|
|
|
|
|
|
Re: شن فايدة الرجعة ؟؟؟ (Re: يحي ابن عوف)
|
الأخ يحيى ابنعوف ,
الشوق ! شوية خلاص كمان !!!
كيفك ووين أراضيك ؟
ولا مشغول تساسق مرة فى درب الترك ومرات تشيل منجل تندلا لى ساقة بحيرى , ما تنسى تغشى الكروماب يا ابنعوف كاتلنى شوق كل البلد , مشرق , تمودى , قرفتناية منقرفة , وقراصة حارة , صحن لبا وغنماية ولدت فى الفجر .
وسلام عباس
قرعت خلاص؟
واتلمن الروضة
وحليمى وعاشة
شايلات الفطور
بى موية حشن لو
البصل
ربطنو فى الصحن
الكبير
شالنو واندلن
تحت
واتونسن جابن
خبر
تمر الهبوب
الليلى قالوا
ملا البلد
وعوض الله
جابولو الولد
****
وتحياتى وسلامى ...ست البنات .
| |
|
|
|
|
|
|
|
|
|
Re: شن فايدة الرجعة ؟؟؟ (Re: ست البنات)
|
خالص التحيه
الزميله ست البنات
كيف الاخبار وتشكرى يارائعه وفعلا شن فايده الرجعه على الاقل اذا لم نحقق الحد الادنى من الاهداف التى خرجنا من اجلها ..وشكرا لك على هذه الكلامات الحلوه..
خالص التحايا ليك من ماااااااااااو ياست البنات..
| |
|
|
|
|
|
|
| |
ست البنات
يحي ابن عوف
معتز تروتسكى
فيس بوك
تويتر
انستقرام
يوتيوب
بنتيريست