ست البنات اختى تحياتى واشواقى وينك انت يا زوله؟ رغم حساسية الموضوع الذى يتطلب تاهيلا ودراية فى تاريخ تلك الحقبة المهمة فى تاريخ الفن الغنائى فانى سمعت فيما تسمع الاذن من احاديث المجالس التى لا تُعتبر مرجعاً توثيقياً مثلما سمعت فى اغنية المسالمة التىتفضلت بذكرها,وكذلك اغنية(خدعوك وجرحو سمعتك) والعهدة على مجالس طق الحنك الىان ياتينا الخبر اليقين من المختصين تظل الحقيبة منارة الفن الغنائى فى بلادنا وبعد ان ياتينا كذلك ولى قدام شاذلى
هذا سؤال عجيب وغريب وشاذ ، كشذوذ كل من يتغنى فى نفس جنسه ، وسأقوم فعلا بالاتصال بالأخ عوض ، المخضرم فى شئون الحقيبة ، وحسبك هنا (صديق الموج) ذوى الخبرات (الحقيبية) المهولة ، ولكن قبل سؤال عوض لى تعقيب واجتهاد شخصى فى هذه المسألة ، بل ورأى أريد أن أبديه لك:
أعتقد أن حقيبة الفن برئية تماما من مثل هذا الاتهام ، فكل الشعراء كانوا من فحول زمانهم ، وكانوا يتعقبون الجمال (المدارى) عنهم بسبب القيود الاجتماعية وقتها ، اذ لا يمكن أن تظهر لهم الفتاه كظهورها فى القنوات اللبنانية اليوم ، بل يجدون صعوبة بالغة فى التحدث اليهم أو رؤيتهم ، وكثيرا ما كانوا يتعللوا بأسباب كثيرة ربما تؤدى لرؤية المحبوبة ، وكان مجتمعهم مجتمعا سويا ، لا شذوذ فيه ، اذ كان الشباب حسب العرف السائد وقتها يتزوجون فى سن مبكرة ، لزوم تحصين المجتمع لهم حتى لا يقعوا فى المحظور ، ولم يكن غريبا وقتها زواج الصبى بالصبية (حتى قبل بلوغهم سن الرشد) ، اذ كانوا يمرحون سويا فى (الحلال) ، ولا وقت لديهم للبحث عن علاقات شاذة ، وبالتالى كان المجتمع وقتها نظيفا من مثل هذه الرذائل ،
ثم جاءت المدنية ، وجاء الانجليز (بكل طبائعهم الكريهة) أبان الاستعمار البغيض ، فأدخلوا للبلاد السيارات واللوارى وشوارع الظلط ، بل والبارات ، وبالطبع أتوا بشذوذهم الجنسى المعروف عنهم وأدخلوا تلك الرذائل الى السودان بقوة كبيرة ، وتبعهم الغاوون ، فصارت مثل هذه الممارسات ينظر لها البعض كنوع حضارة جديد مستورد واستهوت شريحة كبيرة من المجتمع ، وهنا سمعنا ونحن صغار أن أغنيات كثيرة تغنت فى الأصل فى (أولاد) مثل (من عيونك يا غزالى) فغزالى كان أحد (الجميلين) فى بورتسودان ، وتبع ذلك أغنيات كثيرة تغنى بها الشفيع ، وكان صاحبها يرددها فى الأولاد والصبيان الحسان الذين يلاقيهم فى حياته اليومية او الذين أنشأ معهم علاقات شاذة ، وقد تغنى بتلكم الأغنيات الشعب السودانى كله ، أما فى زمن الحقيبة فلم يكن ذلك الأمر مألوفا ، بل بغيضا وكريها ولا وجود له بين شعرائهم الذين كانوا يعقدون المنتديات ويتنافسون فى أشعارهم بين حسان أحياء المسالمة والقلعة وغيرها من أحياء امدرمان والسودان كله ،
وحتما سوف أعود لنكمل ....
02-14-2005, 07:28 AM
ست البنات ست البنات
تاريخ التسجيل: 10-02-2002
مجموع المشاركات: 3639
بالنسبه لسؤالك لا اعتقد ذلك ... يبدو لي القصائد المذكره سهل التلحين والغناء ... حاولي انثي بعض الاغاني المذكره .. ما بتجي عديل .. عشان كده الشعراء في السودان يطلقون التذكير ويريدون التأنيث .... والله اعلم
02-14-2005, 07:39 AM
ست البنات ست البنات
تاريخ التسجيل: 10-02-2002
مجموع المشاركات: 3639
الغريبة اسم .. البت .. القال فيها شاعرنا عبد الرحمن الريح ... القصيدة .. عارف اسمها منو .. ومن عائلة كبيرة في المسالمة ... فهمتي بت ..... الله يديك العافية ويسكنك الصافية .. ..... لي في المسالمة غزال .. نافر بغني عليهو جاهل وقلبو قاسي وقلبي طائع ليهو مصباح الظلام الربنا معليهو زايد في الجمال نور الجمال جاليهو لو شافو الغزال على نفرتو بواليهو وان شافو القمر أنوار تخجل ليهو ان جاه النسيم زي الفرع يتنيهو والثمر الرطيب كذب البقول يجنيهو باللمي والخدود ياذا العشوق بفنيهو الصحا والنعاس والسحر في عينيهو كل من شافو قال انا بالنفس افديهو هو غصن الرياض الزاهي في واديهو أزهار الربيع مازج زهور خديهو وجدلات الحرير مالينه ذي ايديهو والدو معجنو على فطرتو مربيهو هو الفرد الوحيد في الدنيا ما في شبيهو يتجاهل علي وأنا حالي ما غابيهو سالبني في نار هواه شال قلبي يلعب بيهو ...
الأخت ست البنات : والله انا ما زول عجوز بس من المعجبين بي برنامج نسليم الليل سابقا للمرحوم سيادة اللواء ومتابع لبرنامج حقيبة الفن في غالب الاوقات .. كان عوض بابكر دوماً يتحدث عن شعراء هذا الجيل بالذات عن أنهم كانوا يكتبوا الشعر في بنات الحي وخصوصاً بنات المسالمة في ذلك الوقت ولعل السبب في ذلك ان معظم شعراء الحقيبة كانوا من سكان مدينة أمدرمان وخصوصاً في حي العرب والشاعر عبد الرحمن الريح وأذكر أنه قال أن شعرتء تلك الحقبة كانوا يطلقون الأشاعات من أجل رؤية الفتاة فيعطوا الأطفال تريفة ومليم عشان يصرخوا " الحريقة قااامت وولعت " عشان الناس تطلع وخصوصا البنات ... ما يجعلني استبعد فكرة انها في غلام هو إشتهار المسالمة في ذلك الوقت بالبنات الجميلات .. ظبية المسالمة بي الحاصل بي عالمة ويا ظالمة يا ظالمة (غايتو لو كان قال ثعلب المسالمة كان ريحك مش ؟؟ )
عبد الرحمن الريح كان من شعراء ذلك الزمان وهو من كتب حاول يخفي نفسو وهل يخفي القمر في سماهو ابداً وطبعاً لا شفناهو شفناهو وكانت في فتاة حاولت ان تختبئ منهم في طاحونة ..وكتب سيد عبد العزيز عن احدي بنات بيت المهدي يا قائد الأسطول تخضع لك الفرسان وهي تمشي في طريقها للبيت من كلية المعلمات جوار حوش الخليفة .. وكذلك جاهل وديع مغرور في احلام صباه نايم خلي ومسرور ما عرف الهوي في سور وداخل سور في خدو الزهور..
اعتقد أن شعراء هذه الحقبة كانوا يكتبون عن البنات وحتي لا افتي تحديدا في غزال المسالمة فقط سردت وجهة نظر ..
تخريمة : سمعت قصيدة كتبت يقال انها كتبت في غلام ولست متأكد مائة المائة وهي أغنية لكمال ترباس تسمي " جني الباباي " جني الباباي يا جني الباباي ..مرة قبل جاي ..بالي في ريدك تاني وينو رجاي .. شفتو ماشي برا والعيون تبرا ما بيكلم زول في مشيتو تقول في وحل ... التفت لينا ونحن جنينا .. الليلة يا اهلي انا من جهلي زيو ما لاقيت غيرو ما حبيت حتي ضهبني وما عرفت البيت المدلل ده تاني وين نلقا .. اها يا ست البنات غايتو دي معرفة بسييييطة ومشاركة متواضعة من زول ما عجوز
02-14-2005, 07:57 AM
ست البنات ست البنات
تاريخ التسجيل: 10-02-2002
مجموع المشاركات: 3639
زمان انا كنت كتبت بحث التخرج فى ابي الروس اها بمشى المجلس القومى للفنون الشهير بالمجلس القومى للفطور.. بلقى الجماعة ديل ملمومين..وبس جنهم كلام عن نسوان زمان وبنات الزمن دا... وكدا
لى فى المسالمة غزال دى اتعملت فى بت مسيحية والله اعلم
ننتظر ناس الحقيبة .. نزار حسين دا مرجعية فى الكلام دا رسلى ليه رسالة الفتى نظرو
عبد الرحمن الريح كان من شعراء ذلك الزمان وهو من كتب حاول يخفي نفسو وهل يخفي القمر في سماهو ابداً وطبعاً لا شفناهو شفناهو وكانت في فتاة عمر اخوى تسلم والقصيدة التى ذكرت من شعر سيد عبد العزيز وهى من عيون شعر الحقيبة وسوف افرد لك قصتها فى مكان اخر فى هذا البوست ان شاء الله.
ستهن العزيزه كتر خيرك وانت تقوددينا من ابداع الى اخر وبعد غسلت ايدى من سبروقك وادشيت اها النجيك للكلام الصح:
هذا كلام مجالس فقط ولم يكن من بين شعراء الحقيبة من تغنى لغلمان ولكنهم تغنوا وكتبوا لكثير من الاخوان ومثال فى الناعسات عيونن قال ابوصلاح دار العز ياعبدالعزيز وهو العريس وفى زواج عربى البارودى فى حى البيان بامدرمان قال عتيق فى قضينا ليلة ساهرة ولى عربى البارودى التهانى مستمرة وفى زواج عثمان التوم قال ابوصلاح تغشاك يا عثمان نعمة وسرور كل حين وفى زواج ربيع الطاهر قال عبيد ياربيع اتوقى الشرور دام عليك الهناء والسرور و هناك كثير من الامثلة.....حتما سوف اعود
02-14-2005, 08:29 AM
Ridhaa Ridhaa
تاريخ التسجيل: 02-04-2002
مجموع المشاركات: 10057
الأخت ست البنات سلام ..... لايخلوا مجتمع من شواذ ...نعم هنالك قصائد بسيطة قد كتبت (بضم الواو) وذلك لعدم اهتمام بعض أكرر بعض أفراد تلك الحقبة الزمنية بأمور الدين مابالك في زمن كانت تستخرج فيه رخص للدعارة وأنادي لشرب المريسة... فلازم تكون هنالك شواذ في المجمتع ..... عندما كنا صغار كنا نرى بعض الرجال وهم سكارى في الحفلات ....وشرب الخمر وتدخين السجائر وسف التمباك يعتبر من الرجالة . اليوم اختلف الأمر هنالك لجنة نصوص والحان ولايتم الاعتراف بالقصيدة الا بعد اجازتها من تلك اللجنة ......
================ الأخ يازول سلام
في تلك الحقبة الزمنية هل كان يسمى الشعراء والفنانيين بالصعاليك وهل كان يسمى بيت الحفلة ببيت اللعبة
02-14-2005, 09:19 AM
ست البنات ست البنات
تاريخ التسجيل: 10-02-2002
مجموع المشاركات: 3639
اعود لشعر الحقيبة يا ست البنيات...تعم تغنوا لاخوانهم وهناك كثير من الشعر الذى كتب وكان الموصوف هو الحبيب او المحبوب والموصوف بالطبع احد الملهمات واحيانا تجدهم يشيرون الى الملهمة بوصفها مذكر وهى للتمويه واحيانا لضرورة القافية وسوف افرد لك كثير من الابيات وهل يعقل ان يكون الموصوف مذكر اب زميم نسى لى ام طرى ام شلوخا عشرة مسطرة(ابوصلاح) او مثال: مرة الحاظا قابلونى ظلما اسهاما نبلونى قالت لى ارداف تقال بلونى والسنون تضوى فالبه لونى(ابوصلاح) او جسمك جميل يا بتنا زى القطيف الانتنى قالت لى عددت التنا هن ستة غير التنتنة(العبادى) او ريدو اللى نحل ناعس غير منام واكحل غير كحل زى شهد النحل كالسحب الرحل من تقل المرجرج كالخائض الوحل(عبيد) او قامتك رطيبة كانها مخلوقة من قطر الندى (عبد الرحمن الريح) او خفيف الروح شفتو نايم فوق خدورو والعفاف حوالو حايم(الجاغريو) او الهجروك حبى وعملوا السبب حبى كيف ينزعوالصورةالمرسومةفى قلبى(جاغريو) رشقتنى عيونو وجذبتنى فنونو من اول نظرة فيك يا ذو الامرة عاجبانى رشاقة تقسيمة وضمرة وفى لونك سمرة وفى عيونك خمرة الليل والقمرة ضدين اجتمعوا ولى قامتك رنعوا حوارى زمنا وحسان الجنة بالنسبة لى حسنك ايه يعنى يكونو(عتيق) برقك يشيل عبادى فقت الحضر والبادى (حدباى) وكثير يضيق المكان بذكرها..والمخاطب فى كل هذا مذكر ولكن اذا تبحرت فى القصيدة لوجدت وصف الخصر والشعر والصدر والكفل وهذا ما لايتثنى لرجل او غلام... عليه نخلص الى ان التربية الدينية والتى تظهر فى كثير من شعرهم كانت خير وازع لهم من ان ينزلقوا الى تلك المهاوى..وعفافهم ايضا يمنعهم من ذلك ..ستهن اتمنى ان اكون ابنت بعض من تساولاتك ولك الود
02-15-2005, 09:22 PM
قاسم المهداوى قاسم المهداوى
تاريخ التسجيل: 11-26-2004
مجموع المشاركات: 8640
الأخ صديق الموج : تحية طيبة ومشكور علي التثنية لاني مرات الزاكرة ما بتسعفني وبخاف اكون خرمجت .. قصة سيد عبد العزيز مع قائد الأسطول أذكر فيما يقال انها كتبت في احدي بنات ال المهدي عندما طلب الزواج منها وقد كان فعلاً هناك فهم سائد أن الشعراء كانوا من الصعاليك فرفضوا تزويجها له فيقال انه كان يذهب ويجلس في حوش الخليفة خصوصا ونا الفتاة كانت تسكن حي الامراء وعند خروجها من كلية البنات (جوار السجن) كانت تخرج أول واحدة وهي مسرعة في إتجاه المنزل فكانت بذلك تكون في المقدمة ويأتي من بعدها باقي البنات يذهبن في صفوف وشلليات فصور سيد عبد العزيز هذا المشهد وكأنها هي قائدة لهذا الجيش من البنات : يا قائد الأسطول تخضع لك الفرسان .. يا زو الفخار والطول أرحم بني الانسان .. مين لي سماك يطول ما بطولك اللمسان معان شرحوا يطول والله يا انسان .. اصدق كفاك مطول يا زو لحسن وحسان .. انا قلبي بيك ممشغول والنس عقول ولسان ..
ولعل اجمل ما عجبني من تصوير لهذ المشهد قوله :
وما الجندي ده المقتول وطالب الغفران .. من إيدو راح منتول واستعوض النيران .. حتي الصباح مبتول من ما رأي حيران .. واصبح زهرتو المشتول وفااااح ملا الجيران
وهنا تحضرني قصة توضح عبقرية هذا الشاعر والمغني في نفس الوقت .. يقال انه ذهب يوما الي قرية المسلمية (الجزيرة) ويقال ان سيد عبد العزيز كان يغني في ذلك الحفل وفجأة نظر في الراقصين فوجد فتاة جمييييييييلة جداً ولكنه لاحظ انها ترقص خارج الزمن ( شترة مع الايقاع) فيقال انه وبسرع بديهة قام بتحويل الاغنية واللحن لاغنية ولحن يتناسب مع رقصة تلك الفتاة الجميلة فصار الجميع هم الشتر وهي الصاح
ست البنات : معليش خرمنا بيك وقلبنا الموضوع حقيييييييييييييييييييبة الفن بس الموضوع صراحة جميل وجذاب ..
02-16-2005, 07:20 AM
ست البنات ست البنات
تاريخ التسجيل: 10-02-2002
مجموع المشاركات: 3639
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ست البنات
اساسي
خال فاطمة
shazaly gafar
يازولyazoalيازول
) 
bayan
صديق الموج
Ridhaa
قاسم المهداوى
فيس بوك
تويتر
انستقرام
يوتيوب
بنتيريست