للتسهيل ساقوم بوضع كل فيديو البوست فى المداخلة الاولى الفيديو الاول
مشكلة عناوين البوستات ----- الفيديو الثانى تغيير كلمة السر
------- الفيديو الثالث نقل فيديو من اليوتوب ------------- الفيديو الرابع تحميل الصور -----------
الفيديو الخامس للتشكيل والتلوين والاقتباس ---------- الفيديو السادس البحث فى المكتبات --------------- الفيديو السابع اليوتوب لا يظهر عندى ----------- الفيديو الثامن البحث والتنقيب فى المكتبات ------------ الفيديو التاسع تحميل الاغانى والفيديو لموقع سودانيزانلاين ------------- الفيديو العاشر الماسنجر ----------- الفيديو رقم 11 اضافة البوستات للمكتبات
أضف إلى قائمة فيديوهاتك القادمة يرحمك الله 1. لما تضيف عنوان دائم لتغيير كلمة السر، تأكد من أن كلمة "تغيير" قد كتبت بدون أخطاء املائية. 2. ما تكتب القصة كلها في العنوان بحيث تستغرق المساحة المخصصة وتزيد عليها .. فيتدفق الباقي برة السطر. 3. لما تجي تكتب موضوع ما تكتب في البوست الاول نقطة أو ستار أو نص كلمة وترسله قبل ما تبتدي تكتب أو تنزل صورة... أدخل في الموضوع طوالي عشان نفهم الحاصل شنو. بمعني لا تستعمل "الهوامش" أو "النحنحة" .. القصة ما بتحتاج.. 4. لما تكون ما متأكد من شيء ما تكتبه... العجلة من الشيطان.. ممكن تتساءل لكن ما تغشنا ياخ وتضيع وكتنا. 5. أممم.. أكيد في أفكار فيديوهات زيادة .. نشوف
04-24-2010, 04:04 PM
طلعت الطيب طلعت الطيب
تاريخ التسجيل: 12-22-2005
مجموع المشاركات: 5845
الاخ دكتور يوسف ووليد شريف شكرا على المرور والتشجيع .
مع ان معظم اعضاء البورد يعرفون كيف ينقلون فيديوهات اليوتوب للبورد الا ان هناك فئة قليلة غير ملمة بكيفية نقل اليوتوب للبورد وتظن ان الامر معقد ومحتاج درس عصر .. الفيديو ده موجه للشريحة دى ودعوة ليهم "لخج" البورد بمختاراتهم من اليوتوب
يا زول ما تعمل لى سمعة ..انجليزى شنو البدرسو انا !!!
الفيديو المقصود بتكلم عن خاصية فى التلفزيون تساعد فى تعلم الانجليزى ... انا بس بحاول انبه الناس انو تهتم بيها وتستفيد منها ... الفيديو الاول تلقاهو هنا ..الفيديو التانى مصطكى بيهو لانو اطول من الزمن المسموح بيهو فى اليوتوب Closed Captioining خاصية تساعد فى تعلم اللغة الانجليزية(فيديو)
النصرى أمين تحياتى لك تشكرعلى المجهود الطيب بالجد استفدتا كتير من الفيديوهات دى باعتبار انى جديد وحاليا براجع فيها فى حاجة تانية ياريت توضحا لينا كيف تلقى مشاركاتك وبوستاتك.. عشان الواحد يجى يرد بكل بساطة ؟ وهل هناك امكانية للدخول التلقائى للمنبر بدلا من تسجيل اليوزر والباسورد فى كل مرة؟
الاخ مُحَمَّدٍ عِوَضٌ احْمَدُ(التشكيل عندك) اول حاجة مرحب بيك فى البورد ونتمنى ان يطيب لك المقام بيننا..
لو دايرين تفتش لبوستاتك ومداخلتك افضل طريقة تضعها للمفضلة اليك (favourite or bookmark) ممكن تعمل folder مخصوص تسميها سودانييزانلاين مثلا وتخزن فيها كل مداخلاتك والبوستات العايز ترجع ليها فى المستقبل .. الطريقة التانية انك تفتش بوست بوست (لمن عينك تورم) just kidding واحد من الفيديوهات الفوق دى بسهل عملية البحث ويوفر شوية زمن ...
زمان كان فى طريقة للدخول التلقائئ ..لكن بسبب المشاكل الكتيرة دى بكرى ابوبكر لغى الخاصية دى ويتحتم على الجميع كتابة اسم الدخول وكلمة السر ..
الكريم النصري ذكرتني أيام زمان لما كان فرانكلي وأخوانه مكرسين وقتهم لفائدة أعضاء البورد وتعريفهم بكيفية استخدام البورد.. أنا..رغم أني قديمة ما زي ناس محمد تشكيل..برضو كانت الدروس مفيدة لي شديد بعد ما نسيت كل الاتعلمته زمان لأنه ذاكرتي مبرمجاها تعمل delete كل ستة شهور شكرا كتير ياخ
رمانة
05-02-2010, 00:42 AM
Magdi Ahmed Elsheikh Magdi Ahmed Elsheikh
تاريخ التسجيل: 03-11-2008
مجموع المشاركات: 7720
والله يا جماعة النصري ده راجل هميم جدا من ما كنا طلبة ... كان برشد البرلومات وبشرح ليهم المحاسبة ووبشربهم البارد والله بجد مش البرلومات بس بل كل الناس اخو اخوان.. وينطبق عليه ( رجال اختصهم الله بقضاء حوائج الناس)
05-11-2010, 04:36 PM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11848
و الله يا النصري موضوع الفديو دا معقدني من زمان غايتو "عرض الموجة" الباند ودث جاهو بلاء خارج النص ياخي انت مالها كلمة السر بتاعتك طويلة كدى ؟ الشي قالو كلمة سر ما قالواجملة سر
ياريت لو تجرب برنامج SnagIt في عمل فيديو الشرح وهو برنامج جميل وسهل جداً يوفر عليك عناء التصوير بالكامير ويقدم ليك فيدو رائع واضح وصور جميلة وشروحات وافية ويستخدمة اغلب معلمي الكمبيوتر وشركات البرامج وغيرهم في تقديم الشروحات
أتمنى تجربه رفعت ليك نسخة كاملة وما اظنك تحتاج شرح واكرر ليك الشكر
عبدالعزيز يا دفعة حليل المعهد....كنت بجى كل يوم ومعاى جنيهين (بالقديم)اكملهم فى شراء الليمون وارجع بالباقى .. مرة عبدالهادى اشترى ليمون للقاعدين كلهم قرابة9 او 10(90% منهم جكس) ياخ لو عندك اى صور عليك الله نزلها فى بوست منجيييغه
----------------
يا محمد الشيخ اوريك طريقة خطيرة لحفظ كلمة السر .. اكتبها فى الحيطة بتاعت المطبخ وراء التلاجة ... صدقنى مستحيل تروح منك تانى الا ترحل او تضرب البيت بوهية
----------------- الاخ عبدالعزيز مرحب بيك فى البورد البرنامج بتاع snagit عندى فى الكمبيوتر(لكن برضو عملت تحميل للنسخة بتاعتك) ولدى بستخدمه منذ فترة طويلة لكن انا من معجبينه... هو print screen ( للناس الما عارفه اضغط على Alt و Prt Scr مع بعض لاخذ صورة من الشاشة واذهب الى برنامج Paint او مايكروسوفت وورد واعمل paste)
اظن طريقة الفيديو اسهل واسرع خاصة للمتلقى لانو قد يكون ما عندو خلفية نهائئ فى الموضوع .... والفيديو بوريهو خطوه بخطوة بدون تعقيد..
Quote: الاخ عبدالعزيز مرحب بيك فى البورد البرنامج بتاع snagit عندى فى الكمبيوتر(لكن برضو عملت تحميل للنسخة بتاعتك) ولدى بستخدمه منذ فترة طويلة لكن انا من معجبينه... هو print screen ( للناس الما عارفه اضغط على Alt و Prt Scr مع بعض لاخذ صورة من الشاشة واذهب الى برنامج Paint او مايكروسوفت وورد واعمل paste)
اظن طريقة الفيديو اسهل واسرع خاصة للمتلقى لانو قد يكون ما عندو خلفية نهائئ فى الموضوع .... والفيديو بوريهو خطوه بخطوة بدون تعقيد..
معليش أنا قلت ليك البرنامج بتاع snagit بصور ليك فيديو جميل نفس طريقة الاسكرين شوت بعد عليك ضبط اعدادة على تصوير فيديو
اذا المشكلة ما اتحلت ..كلمنا ..وان شاء الله نلقى ليك صرفة
سلام اشرف جرب الكود الموجود فى الصورة ادناه.. ممكن تغير الرقم لو شئت ..
<>
من الافضل اعداد النص فى صفحة text document or microsoft word....بعد ذلك كوبى اند بيست الى المداخلة فى البوست ...لان البورد شغال بمكنه عربية فعظم الحروف والارقام حتتشربك وتتلخبت
05-17-2010, 02:43 AM
Emad Mohamed Emad Mohamed
تاريخ التسجيل: 04-25-2010
مجموع المشاركات: 306
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
اساسي
saif massad ali
Hadeer Alzain
بكرى ابوبكر
د.يوسف محمد طاهر
محمد زكريا
rummana
طلعت الطيب
منتصرمحمد زكى
وجدان جمال
مُحَمَّدٍ عِوَضٌ احْمَدُ
Magdi Ahmed Elsheikh
عبد العزيز عبدالكريم نهار
MOHAMMED ELSHEIKH
ASHRAF MUSTAFA
سيف اليزل برعي البدوي
فاروق أبوحوه
Emad Mohamed
باسط المكي
احمد محمد بشير
فيس بوك
تويتر
انستقرام
يوتيوب
بنتيريست