دعواتكم لزميلنا المفكر د.الباقر العفيف بالشفاء العاجل
|
|
 شكرا لرابطة سوانيز اونلاين بالشرقية ولجميع الاصدقاء
|
أكثر من عشرة شهور وانا كنت أعاني البطالة والتهديد بالخروج النهائي .
اثر مؤامرة من المدير العام وضعف شخصية المدير المالي تم فصلنا من الخدمة ( انا ومديري المالي ) فتجرعت كافة أنواع الحرمان وكل ما يترتب على عقوبة الفصل .والتي اعنقد انها اقسى عقوبة ( عانيت مها مرتين في السودان اخر ايام نميري واول ايام الجبهة الاسلاموية ).
الأدهى من ذلك كله هو ترصد المدير العام لخطواتي عندما أتقدم للعمل بالشركات الأخرى , كان يترصد ني ويشوه سمعتي لدى الشركة الجديدة حتى لا يتم قبولي بها !!!!
وقف معي أصدقائي بالشرقية وقفة مشرفة
لا اريد ان احكي صنوف المعاناة التي صادفتها
ذات ليلة لم استطع النوم كالعادة وحوالي الرابعة صباحا لجات الى كمبيوتري ونشرت نداءا لرابطة سودانيز اونلاين بالمنطقة الشرقية بالسعودية .كنت مترددا فترة طويلة في نشر مشكلتي على الملأ !!!
نشرت بوست بمشكلتي التي فاضت في اللوست المعني
لا احب ان اغمط الباقين حقهم ولكن
اول اتصال تليفوني تلقيته من الاخ هشام ابراهيم
وساحكي عنه لاحقا
تواترت بعدها الردود على البوست
عمت بدني الفرحة عنما حصم العريس لؤي شمت الموضوع بقرار قاطع ( ارجو مقابلتي بمباني الشركة
الساعة التاسعة صباحا غدا )
وهكذا كان
انا الان موظف محترم بالشركة
ظلت التهديدات تتوالى من شئون الموظفين بالشركة القديمة تهددني بالخروج النهائي اذا لم انقل كفالتي بالسرعة اللازمة .
هذه أيضا تم حلها بواسطة الاخ لؤي شمت وحتى هذه اللحظة لا اعرف كيف ارد له جميله ولا حتى كيف شكره !!
نعود للاخ هشام ابراهيم الذي اتصل بي الثامنة صباحا عند رؤيته للبوست
من صوته كنت اظنه اخصر اللون (بشنب كبير) زي اغللبية السوانيين حسب رسمي لصورته في ذهني عند اتصالاته
ولكن عند مقابلتي له اتضح انو ( حلبي) . او فاتح اللون من الجزيرة المروية .
كنت اعتقد ان سنوات الغربة وضغوط الظروف الجائرة التي خلقتها السلطة الحاكمة في السودان ستغير العاات السودانية الى الاسوأ ولكن الحمد لله خاب ظني .
الدرس الاول الذي خرجت به من هذه المعاناة هي ان الشعب السوداني ما زال يحب التكاتف والتكافل ولم ولن يلجأ الى الانكفاء على الذات !!!! الويل لسارقي اليمقراطية مع شعب كهذا
|
|
 
|
|
|
|
|
|
|
 Re: شكرا لرابطة سوانيز اونلاين بالشرقية ولجميع الاصدقاء (Re: محمد عبداللطيف إدريس)
|
Quote:
نعود للاخ هشام ابراهيم الذي اتصل بي الثامنة صباحا عند رؤيته للبوست
من صوته كنت اظنه اخصر اللون (بشنب كبير) زي اغللبية السوانيين حسب رسمي لصورته في ذهني عند اتصالاته
ولكن عند مقابلتي له اتضح انو ( حلبي) . او فاتح اللون من الجزيرة المروية . |
محمّد
صباح الخير
الله يستر عليك من مولانا أُستاذ عادل سمير توفيق
ومن صديقنا طارق ميرغني
والأُستاذ المستشار محمّد المُرتضى حامد
ومن هشام صخسيّاً
يا راجل لا شُكر على واجب
عيب
| |
|
|
|
|
|
|
|
|
 Re: شكرا لرابطة سوانيز اونلاين بالشرقية ولجميع الاصدقاء (Re: Tragie Mustafa)
|
الف مبروك يا محمد الوظيفة
تستاهلها والله لطيبة قلبك ونقاؤه ولخفة روحك الجميلة
ويستاهلوها قبلك اروى وسوسن والصغيرونة
اما ناس الشرقية ديل بالجد يصعب وصفهم
فهم قبيلة بحالها واهل وعشيرة والله يعلم على ذلك
هكذا عودونا - وقوفهم مع بعض وسند لكل من عرفو ولكل من يسمعو بحوجته - يعطون عصاره جهدهم وجل وقتهم
لا انس وقفتهم معي في محنتي والى الان ما انقطعو مني ومن بناتي
ربنا يدوم المعروف بي اهلو
اما لؤي هذا الانسان الخلوق اخو البنات
ربنا ينعمو بسعادة ابدية دنيا واخرة
مبروك يا محمد مرة تانية وتحياتي عبرك للاسرة الكريمة
| |
|
|
|
|
|
|
|
|
|
Re: شكرا لرابطة سوانيز اونلاين بالشرقية ولجميع الاصدقاء (Re: أم سهى)
|
يا ابو الالطاف
تستاهل الطيب كما يقول اهلنا هنا في الشرقية
نتمنى لك التوفيق في الوظيفة الجديدة , وابقى عشرة على البنيات
واظهر علينا, وواصل في مشروع السي ام اى , اخر الاخبار ممكن طبعا تكون مقطوع ليك فترة بسبب الدبرسة , ان نظام الامتحان سوف يتغير في يناير القادم لذلك عندك فرصة امتحان مايو وامتحان اكتوبر بالنظام القديم والا الاتجاه الي النظام الجديد والدخول في مقارنة ايهم احسن ,
,( يعني بعد كدة عادي ممكن ندينك ونستدين منك هاهاهاهاهاها )
| |
|
|
|
|
|
|
|
|
|
Re: شكرا لرابطة سوانيز اونلاين بالشرقية ولجميع الاصدقاء (Re: awadharoun)
|
محمد عبد اللطيف .. ليك التحية .. وعلى وعدنا في اول راتب .. لانه قرب خلاص ..
وقول يوم الخميس الجايي في بيت زياد ..  ( ناس الشمارات ما معانا )
Quote: اخونا اسمه أحمد ابن عوف من ابناء الخرطوم العمارات
يعرفه عضو المنبر كامل كرار رجاء تزكيته عند بكري
فهو يرغب في الكتابه هنا...حاولت اتوسط فلم يقبل بكري
وساطتي له باعتباري لا اعرفه شخصيا الا من المنابر...
يا حيدر الزين بالله اتعرف على الزول ده من كامل كرار
وزكوهوا يا شباب يعلم الله رجلا خلوق وجلابي كامل الدسم(هههههه) |
يا ام حازم تحية وشهادة حقيقية في حق صديقي احمد ابن عوف ..
رسلت ليهو طلب لبكري زمان .. وثنيتو مرة تانية لكن طالما ثنيتيهو انتي عرفت ليه بكري رفض يضموا لينا هنا جبتي ليهو الهواء يآخ
وإحتمال كمان عاوزاهو يواصل معاك بهناك هو والسيالي واحمد الفاضل وباقي الشباب ..
احمد ابن شاب نشيط ورجل حبوب ومن ضمن اعضاء رابطة بورداب الشرقية
..
| Quote: ,( يعني بعد كدة عادي ممكن ندينك ونستدين منك هاهاهاهاهاها ) |
عوض هارون والله انا مستقر وظيفياً .. ممكن استدين منك ؟!
ايوة بيضمني سري بخاري !!
| |
|
|
|
|
|
|
|
|
|
Re: شكرا لرابطة سوانيز اونلاين بالشرقية ولجميع الاصدقاء (Re: لؤى)
|
| Quote: أمرت الآن القسم المالي في الشّركة بخصم مُرتّبك بالكامل |
بتعملها يا حضرة المديــر العام
فطالما ضيعت الراجل وشبكتو إنت بقيت تسرح ومشيت البحر وجيت من البحر
جهجهتو لمن مش جاب الوليدات ( رغم انه كان متعهد يعيش فري زي ستة شهور كدة)
هسع زياد حسب الله وحمد فتح الرحمن ومحمد الفيل ذنبهم شنو تخصم مرتب الزول دا
| |
|
|
|
|
|
|
|
|
|
Re: شكرا لرابطة سوانيز اونلاين بالشرقية ولجميع الاصدقاء (Re: محمد الشيخ أرباب)
|
الف مبروك يا لطفى صبرت ونلت . والصابر عند الله جزاه
وبالتوفيق إن شاء الله
بعدين بالله ما تسمع كلام حيدر الزين ده يغشك ويقول ليك الخميس الجاى
لانو الشهر بيكون لسه ما انتهى ، بعدين انا طالع الرياض ، يعنى ما ح اكون حاضر الاحتفال الكبير ده
عشان كده بالله خليها الخميس البعدو داااااااااك
Quote: عوض هارون والله انا مستقر وظيفياً .. ممكن استدين منك ؟!
ايوة بيضمني سري بخاري !! |
عوض هارون انا بحذرك من الضامن، المضمون خليهو أمسك فى الضامن
قال بيضمنو سرى قال
| |
|
|
|
|
|
|
|
|
|
Re: شكرا لرابطة سوانيز اونلاين بالشرقية ولجميع الاصدقاء (Re: هيثم درار)
|
شكرا يا لؤي على دعواتك الطيبة لينا
وربنا يحفظنا اجمعين
وما تخاف سارة وسهى وراهم رجالة هههه
تحياتي يا ملك
هوووي يا حيدر الزين ويا ناس هيثم وبقية العقد الفريد
ما معانا خميسات لي سنة كدة لي قدام لامن محمد يستقر ويجوهو ناس اروة
والبيت يعمر والحال يسر
بعد داك كان خميسات كان اسبوع باربعاتو ما عندنا شغلة هههه
تسلمو ويديم عليكم الهنا والسرور
| |
|
|
|
|
|
|
|
|
|
Re: شكرا لرابطة سوانيز اونلاين بالشرقية ولجميع الاصدقاء (Re: أم سهى)
|
يا محمد عبد اللطيف
ياخي انا ما تكسر ليـ تلج بنوم في الخط طوالي وأقول كفاي كدا السويتو !!
وإنت يا قريب البدري وصاحب أمير وحاتك طالما وراكـ البنيات الحلوات ديل
ما تلاوز خلي قلبك قوي !!
البنات رزقهن سمح . هو كان ما سمح يلمكـ في لؤي شمت ؟
ربنا يقدرنا على جزاء الملك دا -
والراجل دا كان ساهل شـنـبـي دا يقوم ليـ خالتي دار السلام !!
لؤي شمت دا ملاكـ بثـ بيـ نضارة نظـــر !
ولمن تسوق للصناعية دي يا لُطفي ما ترد على الجوال سمح - وخلي
بالك من العربيات الكُبار والشاحنات ! والإشارات !!
ربنا يوفق ويسدد الخُطى يا حبيب ويتم المراد بما تُريد وتهوى !
عارفانا المكارم انحــنا بنخـــودا ) مقطع غنائي ..
هشام
| |
|
|
|
|
|
|
|
|
|
Re: شكرا لرابطة سوانيز اونلاين بالشرقية ولجميع الاصدقاء (Re: أم سهى)
|
Quote: هوووي يا حيدر الزين ويا ناس هيثم وبقية العقد الفريد
ما معانا خميسات لي سنة كدة لي قدام لامن محمد يستقر ويجوهو ناس اروة
والبيت يعمر والحال يسر
بعد داك كان خميسات كان اسبوع باربعاتو ما عندنا شغلة هههه
تسلمو ويديم عليكم الهنا والسرور |
سلامات يا ام سهي وتحياتي للبنات المتفوقات ربنا يحفظن ويغطيهن ..
عارفة الخميسات دي ماهي زاتها المُعين وزاد محمد عشان ينتظر السنة البيجو فيها ناس اروة
كان ما كدة كان طرشق ...
| |
|
|
|
|
|
|
|
|
 Re: شكرا لرابطة سوانيز اونلاين بالشرقية ولجميع الاصدقاء (Re: أم سهى)
|
Quote:
هوووي يا حيدر الزين ويا ناس هيثم وبقية العقد الفريد
ما معانا خميسات لي سنة كدة لي قدام لامن محمد يستقر ويجوهو ناس اروة
والبيت يعمر والحال يسر
بعد داك كان خميسات كان اسبوع باربعاتو ما عندنا شغلة هههه |
أُم سُهى
يدّيك العافية 
وبالمرّة كدا أنا يجوني 2011 
على أقلّ تقدير
| |
|
|
|
|
|
|
|
|
|
Re: شكرا لرابطة سوانيز اونلاين بالشرقية ولجميع الاصدقاء (Re: العوض المسلمي)
|
Quote: محمد عبداللطيف اخوي
مسكاقمي
الــ1000ــف مبروك
الوظيفة الجديدة
نشوفك قريب مدير كبير
بالتوفيق |
ياحبيبنا امسح المداخلة دي سريع قبل مايشوفها المدير الكبير ويرفدو ليكم
وكم علمته نظم القوافي وكلما نظم قافية هجاني
غايتو العرب ديل عملوا بيوت شعر كده تخلي الواحد ثقتوا قليلة
مبروك يامحمد وان شاء الله تلاقي وظيفة مدير كبير في حته تانية لووووووووووووولز
زاتوووو
| |
|
|
|
|
|
|
|
|
|
Re: شكرا لرابطة سوانيز اونلاين بالشرقية ولجميع الاصدقاء (Re: لؤى)
|
يالؤي
غايتو انا امبارح شوف عيني دي شايفو سايق ليهو بكوس جديد لنج بتشبه بكاسي الحكومة
وسلم علي سلام بارد قلت يمكن عامل زغبير من الاشتراكات
بي مناسبة الاشتراكات دي محمد قبض ولا لسع مش قالوا اول راتب للرابطة حسب شروط العقد ههههههههههه
اما لو قال عايز يشيل نفسو الرماد كان حماد
تراجي احمد ابنعوف راجل حبيبنا وعملت ليهو توصية لي بكوري ووقعت ليهو كشاهد لاستخراج جنسية لي اولادو الانجليز بس انتي كمان ماتقصري شوفي لينا زيارة لي كندا لو الزيارة صعبة ان شاء الله شيك عمرة
تحياتي
زاتووو
| |
|
|
|
|
|
|
|
|
|
Re: شكرا لرابطة سوانيز اونلاين بالشرقية ولجميع الاصدقاء (Re: ALZOLZATOO)
|
Quote: يا ام حازم تحية وشهادة حقيقية في حق صديقي احمد ابن عوف ..
رسلت ليهو طلب لبكري زمان .. وثنيتو مرة تانية لكن طالما ثنيتيهو انتي عرفت ليه بكري رفض يضموا لينا هنا جبتي ليهو الهواء يآخ
وإحتمال كمان عاوزاهو يواصل معاك بهناك هو والسيالي واحمد الفاضل وباقي الشباب ..
احمد ابن شاب نشيط ورجل حبوب ومن ضمن اعضاء رابطة بورداب الشرقية |
يا حيدر الزين
وحياتك ما جبت له الكتاحه
فقط انت وكامل كرار مفروض تنسقوا سوا
وتقدموا ايملي واحد بنسخه لكل منكم ومنها لبكري ونسخه لاحمد ابن عوف
وقتها بكري سيقر بانه يعرفه اكثر من نفرين من بورداب الشرقيه
يا اخي يلا جيبوا لينا الحنكوش ده هنا...تحياتي
| |
|
|
|
|
|
|
|
|
|
Re: شكرا لرابطة سوانيز اونلاين بالشرقية ولجميع الاصدقاء (Re: ALZOLZATOO)
|
Quote:
يالؤي
غايتو انا امبارح شوف عيني دي شايفو سايق ليهو بكوس جديد لنج بتشبه بكاسي الحكومة
وسلم علي سلام بارد قلت يمكن عامل زغبير من الاشتراكات
بي مناسبة الاشتراكات دي محمد قبض ولا لسع مش قالوا اول راتب للرابطة حسب شروط العقد ههههههههههه
اما لو قال عايز يشيل نفسو الرماد كان حماد |
يا ذاتو
مساء الخير
بالله هو الكان سارق البوكس ؟
لا كان كدا كان عامل زُغبير من حاجة تانية
وبكدا معناها ما في قبض راتب
رابطة شنو ؟ 
| |
|
|
|
|
|
|
|
|
|
Re: شكرا لرابطة سوانيز اونلاين بالشرقية ولجميع الاصدقاء (Re: خضر حسين خليل)
|
العزيزات والاعزاء
لؤي
تراجي
ام سهى( ومرفقاته)
قريبي حمزاوي
عوض اوكيOK
انا من امبارح بديت القرايةpart two
حيدر الزين
هاشم محمد
محمدالشيخ ارباب (ممثل ناس جدة)لك الشكرفي محاولاتك الاولي وايضا غسان وهبة
هيثم العريس ( حنسحب اللقب ده ونديهو لبدري)
هشام ابراهيم
محمد صلاح
عبداللطيف السيد ح
حاتم يوسف العبيد
العوض المسلمي
الزول زاتو
اسامه الكرور واخوه عمر( وشركاه)
حسن محمود
خضرحسين ومعاك خالد الطيب ( الحاقدين لوجه الله )العاوزين تجيبوني السودان!!
الله لا جاب يوم شكركم
نتلاقى ان شاء الله في الافراح
لكم الشكر
| |
|
|
|
|
|
|
|
|
|
Re: شكرا لرابطة سوانيز اونلاين بالشرقية ولجميع الاصدقاء (Re: خضر حسين خليل)
|
العزيزات والاعزاء
لؤي
تراجي
ام سهى( ومرفقاته)
قريبي حمزاوي
عوض اوكيOK
انا من امبارح بديت القرايةpart two
حيدر الزين
هاشم محمد
محمدالشيخ ارباب (ممثل ناس جدة)لك الشكرفي محاولاتك الاولي وايضا غسان وهبة
هيثم العريس ( حنسحب اللقب ده ونديهو لبدري)
هشام ابراهيم
محمد صلاح
عبداللطيف السيد ح
حاتم يوسف العبيد
العوض المسلمي
الزول زاتو
اسامه الكرور واخوه عمر( وشركاه)
حسن محمود
خضرحسين ومعاك خالد الطيب ( الحاقدين لوجه الله )العاوزين تجيبوني السودان!!
الله لا جاب يوم شكركم
نتلاقى ان شاء الله في الافراح
لكم الشكر
| |
|
|
|
|
|
|
|
|
|
Re: شكرا لرابطة سوانيز اونلاين بالشرقية ولجميع الاصدقاء (Re: محمد عبداللطيف إدريس)
|
مبروك اخي محمد عبد اللطيف
و حمد لله علي الروح السودانية
الما (مرقتا) الملمات و المحن
اها يا ناس الشرقية كنت عاوز اكاتبكم
منفردين لكن في اللمة الجميلة دي
اتفاءل بامكانية مساعدة واحد اخونا
معاكم في الشرقية، شغال في شركة ليهو
سنين و ربنا سخر ليهو صاحب عمل اخر
قدم ليهو عرض وظيفي مغري جدا و الراجل
جادي بدليل انه استقدم اخوان صاحبنا
من السودان و وظفهم باوضاع كويسة جدا
المشكلة الان في نقل الكفالة، اصحاب
الشركة الشغال فيها يبدو انهم واصلين
و سبق ان رفضوا انتقال موظف اردني
لشركة اخري و حين ذهب الاردني لبلده
و عادل بفيزا علي الشركة التانية
عرفوهوا و تسببوا في ترحيله من المملكة
اها لو بتعرفوا مخرج من المطب دا تكونوا
ما قصرتوا
و يا حيدر الزين لو الحكاية ظبطت ما ترضي
من اخونا دا باقل من عزومة في البحرين
| |
|
|
|
|
|
|
|
|
 Re: شكرا لرابطة سوانيز اونلاين بالشرقية ولجميع الاصدقاء (Re: نصار)
|
Quote:
قول حاجة اي حاجة
يا شباب
|
أخي نصّار
صباح الخير
قصّة نقل الكفالة دي ممكنة
بس لازم موافقة الكفيل الحالي
وبالعدم المغادرة النّهائيّة والعودة بفيزا جديدة على الكفيل الجّديد
وفي الحالة دي لازم قبل المغادرة بحصل على خطاب عدم ممانعة من الكفيل الحالي ( N O C )
لو أمكن أديني رقم الرّاجل نتفاهم
أو دا رقمي
0500324855
| |
|
|
|
|
|
|
|
|
|
Re: شكرا لرابطة سوانيز اونلاين بالشرقية ولجميع الاصدقاء (Re: لؤى)
|
Quote: ولمن تسوق للصناعية دي يا لُطفي ما ترد على الجوال سمح - وخلي
|
تعرف يا هشام كل يوم في مشواري للصناعية بلقى في يمسني عربات ضخمة وشاحنات وبي شمالي حفرة لتصليح الشارع
ومرة جات جنبي سطحة فقلت لي نفسي ( هسع يضربك بتاع السطحة ويشيلك فوق ضهرو )
مغامرات يومية وربنا يستر
| |
|
|
|
|
|
|
| |
لؤى
Tragie Mustafa
أم سهى
awadharoun
HAIDER ALZAIN
هاشم محمد الحسن عبدالله
محمد الشيخ أرباب
هيثم درار
Hisham Ibrahim
عبد اللطيف السيدح
العوض المسلمي
ALZOLZATOO
أسامه الكرور
خضر حسين خليل
نصار
فيس بوك
تويتر
انستقرام
يوتيوب
بنتيريست