|
|
|
 Re: الكـلام دخـل الحـوش... وشـكرا ســودانير!! (Re: حليمة محمد عبد الرحمن)
|
الاخت حليمه ده الكلام ونشكر اخونا عبد الفتاح واكيد الرجل مكسب لى sudan airways
وده واجب قدره واكيد يضاف لسودانير عبره كما عرفنا عنه مرونته فى التعامل مع الجاليه
السودانيه . رجل يعرف كيف يستقطب ابناء بلده مع التنافس الحاصل من الناقل الاخر وهو يعرف ذلك له الشكر والعرفان . الفضل يرجع ليه ونتمنى ان يجد الدعم من ادراة سودانير فى الخرطوم وفهم الحاصل فى اوقات المواسم وتلبية رغبة السودانى فى دول الخليج وخاصة
الممملكة العربيه السعوديه الخط الهام جدا .شكرا اخ عبد الفتاح .
| |
 
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: خالد المحرب)
|
ابو حريرة..
شيخ العربQuote: ده الكلام ونشكر اخونا عبد الفتاح واكيد الرجل مكسب لى sudan airways
وده واجب قدره واكيد يضاف لسودانير عبره كما عرفنا عنه مرونته فى التعامل مع الجاليه
السودانيه . رجل يعرف كيف يستقطب ابناء بلده مع التنافس الحاصل من الناقل الاخر وهو يعرف ذلك له الشكر والعرفان . الفضل يرجع ليه ونتمنى ان يجد الدعم من ادراة سودانير فى الخرطوم وفهم الحاصل فى اوقات المواسم وتلبية رغبة السودانى فى دول الخليج وخاصة
الممملكة العربيه السعوديه الخط الهام جدا .شكرا اخ عبد الفتاح . |
اوجزت واوفيت..
ليس لدى ما اقوله امام بلاغة منطقك وقوة.. وعظمة العطاء..
سلمت وغنمت..
| |
|
|
|
|
|
|
|
|
 Re: الكـلام دخـل الحـوش... وشـكرا ســودانير!! (Re: حليمة محمد عبد الرحمن)
|
حليمة ..
اخبرني قبل قليل الريس أبوجهينة بهذا الخبــر السعيد .. وبذلك نكون قطعنــا نصف المشوار ..
ما تبقى لنــا من عمل هو:
التركيز على الفترة الزمنية المحددة ..
حشد اكبر عددية من اخوانا هنــا .. بالاتصالات المباشرة ووسائل الاعلام السرية المتفق عليها .. وأرى ان الجميع قطع شوط كبير في ذلك وما تم جمعه حتى الآن مبشر بفال اكبر في الايام القادمة..
غدا نبتدي المشوار .. والكورة الآن بملعبنا..
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: tmbis)
|
تمبس الغالي..
اكيد غاطس مع الشغل..
نحتاج الى لمساتك السحرية
وكمرتك الرائعة...
تمبس الوصي بالمهلة..
الرسول عليك كان تنسي
الـFINISHING
 
احتمال كبير يكون عندنا عرض صور بالبروجيكتور
ساتصل بك غدا صباحا..
تصبح على خير او صباح الخير..
انا نعست تب ..ورايا قومة الدغش..
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: خالد المحرب)
|
الأخت حليمة ،
هذا فعلا ما كنا نتوقعه من سودانير
ولم تخذلنا .. وكيف تفعل وفيها من
الرجال أمثال الأخ عبدالفتاح ، ممن
يسعون لخدمة السودانيين عبر الناقل
الوطني بشتى السبل .
ودي فعلا المحرية فيه وفي الكوكبة
التي معه من طاقم سودانير هنا في الرياض .
وتسلم الهمم ، ريسنا أبو جهينة ونائبه ود الباوقة
وأختنا العزيزة بت عبدالرحمن .
و .. معاً نحو إنقاذ وليد دارفور .
تحياتي ،
( ليمو )
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: abdulhalim altilib)
|
Quote: هذا فعلا ما كنا نتوقعه من سودانير
ولم تخذلنا .. وكيف تفعل وفيها من
الرجال أمثال الأخ عبدالفتاح ، ممن
يسعون لخدمة السودانيين عبر الناقل
الوطني بشتى السبل .
ودي فعلا المحرية فيه وفي الكوكبة
التي معه من طاقم سودانير هنا في الرياض .
|
الاخ عبد الحليم التلب (ليمو)
شكرا لك على شهادتك الضافية في حق سودانير..
ولك الشكر على كلماتك الطيبة..
وهاهو سيل شهادات الحق في حق سودانير يترى..
وايدي مع ايدك لليوم وغدا..
..............
تخريمة جانبية: الرسالة وصلتك ولا لا؟
حليمة
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: tmbis)
|
Quote: الشكر للاستاذ عبد الفتــاح مدير محطة الرياض ..
فقد اوفى الرجــل بما قطعه معنــا من وعــد .. مسبـــق .
|
شقيت الغرب السنة دي شفتو ثمرتو
واحدين عَيَّشوا وواحدين بِشَتوا وِ دِرتوا (من الدرت)
وفتشت الرجال الفيهو النخاوة خِبِرْتو
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: طارق عبد اللطيف نقد)
|
غرة في جبين الوطن
| Quote: الناقل الوطني كما نتمناه |
الناقل الوطنى، نافذتنا التي نطل منها على العوالم الرحبة الفسيحة.
| Quote: وهذا هو الريس عبد الفتاح كم عرفناه |
عرفت الرجل، قبل ان اراه.. وعطر بخوره فاح..
لله درهم..
| Quote: والي الملتقى غدا بأستراحة المجد منفوحه شارع الفريان |
في انتظارك.. وشكرا لمنتدى بكرى الذي فتح لنا افاقا رحبة من العلوم
والمعارف الانسانية والاجتماعية..واتاح لي الفرصة للتعرف بكوكبتكم الرائعة
شاب جاد خلوق من امثالك يا طارق..
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: ابو جهينة)
|
الاخت / حليمة
الشكر اجزله لاخوة في سودانير هذا العملاق عبر نصف قرن من الزمان من العطاء ووقت الحارة دائما تجد الرجال ونتمني من باقي الجهات ذات صلة بالحملة انقذو وليد دارفور بالسعودية ان تستلهم الهمم وتشعر بالمسؤلية الوطنية تجاه مواطنيها وتسعي لتظليل الصعاب لان هنالك خير كثير موعودون بها ولكن يحتاج مساندة من السفارة السودانية بالتصاديق وما ادراك بالتصاديق ، واخيرا طالما مشكلة التخزين والترحيل تم حلها نتمني من جميع الاخوة الاسراع بجمع اكبر عدد من المساعدات العينية لاهلنا في دارفور
ان الله لايضيع اجر من احسن عملا
تخريمة
يا تمبس وطارق نقد وينكم متوقع نشاهد دعاية في السفارة السودانية ومطاعم السودانيين في غبيرة ومناطق تجمع السودانين دعاية ولو بشكل مصغر
اسرم
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: munswor almophtah)
|
منصور المفتاح بهيبة جلاله "بعندنا".
شكرا لسودانير التي حملت رياحها الينا
الاخيار ابناء الاخيار..منصور المفتاح..
ارجو المعذرة اخي منصور،لم يسقط اسم
كمبال، لاننا بصدد التطرق الى الاسماء
والبوست فتحناهو في عجالة صباح اليوم.
سنعود لاحقا لكمبال واخوة كمبال..
والريس عبد الفتاح.
يكفي سودانير فخرا كوكبتها النيرة..
التي اضطلعت بمهمة تسهيل وتذليل كل الصعاب
التي تقف في وجه وصول الدعم الى اخوتنا وابنائنا
في غربنا الحبيب..
خالص ودي ..
حليمة
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: abubakr)
|
Quote: وقريبي ابوجهينة
كتر خيركم للمسعي النبيل
ممكن تسالو ناس سودانير عشان يمدو سياستهم الكريمة لتشمل كل محطاتهم في الخليج
انتو اكبر تجمع سوداني في المهجر وناس سودانير بسوو ليكم حساب |
اهلا بعودة الرجل الرائع ابو بكر..
امسك في قريبك ابو جهينة دا قوي.. اصلو قاعد فوق "دكة" كبيرة.. ما شايفه سلك الامور كيف؟
| |
|
|
|
|
|
|
|
|
 Re: الكـلام دخـل الحـوش... وشـكرا ســودانير!! (Re: حليمة محمد عبد الرحمن)
|
Quote: الخبر أعلاه أثلج صدورنا... وأعاد ، بقوة، البسمة إلى شفاهنا...
التحية لسودانير الناقل الوطني العظيم والرائد الذي لم ولن يخذل أهله..
التحية لسودانير وهي تزيل عن كاهلنا كافة أعباء ترحيل الأشياء المتبرع بها إلى إخوتنا
وأبنائنا في دارفور قبل موسم الأمطار..
التحية للخطوط الجوية السودانية في "ركزتها" الرائعة معنا،
التحية لسودانير الناقل الوطني العملاق وهي تستشرف أفاقا إنسانية أرحب في خدمة المواطن
السوداني أينما وجد..
سودانير.. (رُكازة) المواطن السوداني ، أينما حل.
سودانير...الرائد الذي لا يخذل أهله..
|
ودي هي الأخبار الحلوة
شكراً سودانير
شكراً حليمة لإيراد الخبر
ويا بورداب الرياض ما خذلتمونا أبداً
كل ما تقومون به من أعمال انما تعكس
مدى تماسككم وحبكم للسودان ولإنسانه
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: انعام عبد الحفيظ)
|
Quote: ودي هي الأخبار الحلوة
شكراً سودانير |
شكرا الاخت انعام..
حقيقة لا تسعنا الفرحة لهذا الدعم
العملاق الذي تفضلت به علينا سودانير..
وازاحت عن كاهلنا اكثر من عبء 90 في المائة
من عبء الترحيل..
هاهي ايادينا الممدودة تتلاقي من اجل مسح
دمعة عن طفل دارفور.. وهو جهد المقل..
مودتي ..
حليمة
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: حليمة محمد عبد الرحمن)
|
Quote: 1. تتكفل سودانير بترحيل كل العفش إلى مستودعاتها مجانا.
2. تخصيص مستودع، مجانا، خاص بالإغراض التي تم / وسيتم جمعها.
|
والله شكرا كتير للزعيم عبد الفتاح، ودائما سباق ويبذل من
الجهد الكثير من أجل إعلاء شأن سودانير والمضي حثيثا لمواصلة
الطفرة النوعية التي أنتظمت أداءها مؤخراً،،
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: ismeil abbas)
|
Quote: ألأخ/عبدالفتاح/مدير المبيعات/الرياض/الخطوط الجوية السودانية.
وألأخ/أزهرى كمبال/المدير ألأقليمى/الرياض..وكل ألذين مروا على هذه المحطة أصحاب أيادى بيضاء فى فعل الخير.
وليس غريب ذلك على سودانير ولا السودانين.
|
الشكر موصول للقائمين على امر سودانير بالرياض:
الاستاذ عبد الفتاح / مدير المبيعات
والاستاذ ابراهيم كمبال / المدير الاقليمي
فقد اتيناهم ولسان حالنا يقول:
حبلي كربتو في الوسرة الدليوَ عَضََّلْ
جيتك(م) حِلُو لَيْ أَنْ نَصُد أنْبَلْ
أبو(ات) عزما قوى ابو(ات) ربطا ما بِنْحَلْ
وخرجنا ولسان حالنا يلهج بالشكر والثناء
للاخوة القائمين على سودانير..
سودانير.. الرائد الذي لا يكذب اهله.
شكرا لك اخي اسماعيل عباس على مداخلتك
الطيبة..
ودم بالف خير..
حليمة
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: صالح عبده)
|
Quote: بلا شك هذا عمل انساني رائع
والاخ عبدالفتاح رجل يستحق
التقدير والاحترام لمواقفه
الشجاعة وانا شخصيا عندى
تجربةمعاه.والتحية لكل سودانير |
الاخ صالح عبده.. شكرا لك ..
كلماتك الطيبات عن سودانير، يشاركك
فيها كتير من الاخوة والاخوات الذين
حكوا لي الكتير من المواقف الرائعة
مع هذا العملاق الوطنى.. ولهج لسانهم
بالشكر للاستاذ عبد الفتاح والقائمين
على امر هذا المكتب..
ساتناول نماذج منها في الايام القادمة..
خالص ودي وتقديري..
حليمة
| |
|
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: حليمة محمد عبد الرحمن)
|
وصلني الآتي من الريس ابو جهينة:
تبرع السيد حسن احمد حسن رئيس عزة السودان
بـ(200) لبسة مدرسية جديدة، كانت منظمة سعودية قد تبرعت بها لأسرة عزة السودان .
وأضاف ان هذا التبرع السخي ، جاء ذلك انطلاقا من انفعال اسر عزة السودان مع
حملة "إنقاذ وليد دارفور" ، والتي رأت فيها أن أطفال دارفور أولي.
ونوه ابو جهينة الى ان اسر عزة السودان، قامت اليوم الخميس بإعادة استئجار
الاستراحة الخاصة بالجمعية خصيصا لهذا الغرض وذلك لتتخذها مركزا لجمع الترعات
اللازمة.
وأضاف انه يتوقع وصول أسرة عزة السودان، بترعها الذي يصل إلى حمولة (10) عربات ،
وذلك مساء يوم غد الجمعة، عقب صلاة المغرب، الى استراحة (المجد) ، التي يستأجرها
بورداب سودانيز اونلاين بالرياض.. ..
ونوه أبو جهينة الى ضرورة تواجد بورداب الرياض، خاصة اعضاء اللجنة العشرينية ،
في المكان والزمان المحددين.
وختم بضرورة توثيق علاء الدين منصور (تمبس) لهذا الحدث الهام منذ ساعته الاولي.
..
حليمة
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: حليمة محمد عبد الرحمن)
|
بسم الله بدينا .. وعلى بركة الله توكلنا ..  يا مسهل .. خالد المحرب  جاهزين لأي أوامر يا أستاذة .. إدريس الخليفة لحليمة محمد عبدالرحمن  يا ألف مرحب .. آدم الهلباوي يرحب بمحمد الحسن  الريس أبوجهينة يدون ملاحظاته  مهيد أحمد حنين .. ما شاء الله عليه  وليد شريف .. كلنا وليد دارفور  أحمد العمار مجهود كبير إن شاء الله في ميزان حسناتك يا رب .. خالدة البدوي  آدم الهلباوي وهارون أسرم يجمعون الأدوية  عفاف أبوحريرة ودكتورة رشا وأحمد حنين يراجعون الأدوية  إيد على إيد تجدع بعيد .. أحمد حنين .. إدريس الخليفة أحمد العمار .. هارون أسرم .. مهيد أحمد حنين
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: ahmed haneen)
|
url=http://www.sudaneseonline.com/] [/url]
وكلامكم
ده
دخل جوه الروح وبيغادى
مساء حميم وحنين ومطاء جمعكم
هناك
وكان كل حديثكم وهمكم
وليد دارفور
شكرا كل الاحباب
على هاتفكم الزاد والحنين
شكرا
حنين
تمبس
ابوجهينة
ابو قصى
حليمة
كلكم
كلكم
فانا ممتن وكلى حنين
وما اجمله حديث
وما اجملكم وطن
نستظل بعطاءكم لابناءكم
بدارفور الجرح النازف
وقلنا حملة شعبية ونفير
ونقبل ونرحب
من قلبه
او نصفهو هناك
ورشة الاطفال تنتظم مركز توقذزر شارع 61
يرسم الاطفال لاقرانهم هناك
وصال ضياء الدين مديرة المركز
وقلبها هناك
فالتشكيليون رسموا
فى دارفور
عاشوا مع اهلها
كانوا هناك
ونتنادى كلنا فى الخرطوم شرقها
وغربها شمالها وجنوبها
وهمنا ان نجمع
ما فاض عن حاجتنا
وما نتبرع به من جديد
من
اغطية
ملابس
وكا ما يحتاجه الاطفال
بعد مراكز العاصمة
نادى الشجرة
نادى الزومة
منظمة سودانا
نادى ابوروف
المجمع الطبى محطة معاوية
منزل المبدع الراحل مجدى النور الحاج يوسف
شفاك الله اخى عبدالله هندى فكم عزفت لدارفور بلدنا اجمل الالحان وللوطن
وفى السابعة جميعنا
بمنزل الشاعر محجوب شريف
الثورة الحارة 21
وقيمةالنداء تكمن
فى ان لاتنم وطفلك فى العراء والهجير والحرب
واللاسلام
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: أحمد الشايقي)
|
شكرا اخي احمد الشايقي..
نتائج العم الجماعي ، كحل عيوننا اليوم..
مراى الاكياس الضخمة التي تجاوزت اكثر من 22 كيسا، تتجاوز زنة الكيس الواحد
150 كيلو.. فضلا عن الاكياس المتوسطة التي تجاوزت العشر الخاصة بالاحذية..
وقد اشار السيد عبد الفتاح محمد مدير المبيعات الذي زار الاستراحة مساء اليوم،
الجمعة 8/6/ الالية الخاصة المتبعة في تخزين الادوية..
تفاصيل اوفي غدا صباحا..
تصبحون على خير..
تمبس ، ارجو ان لا تنسَ رفد البوست بالصور والكلمات الحية.. خاصة كلمة
الاستاذ عبد الفتاح والسيد حسن احمد حسن رئيس جمعية اسر عزة السودان..
حليمة
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: عفاف أبو حريرة)
|
عجبوني الليلة جو لي وليد درارفور ما قصروا ..
عمل انساني رائع نسال الله ان يجعله في حسنات القائمين عليه .
سعدت جدا باللفتة الرائعة من اخواننا في عزة السودان بقيادة الاخ الكريم حسن احمد حسن والاخ مجدي وبقية الاخوة الكرام اعضاء الجمعية . وازدادت سعادتي عند سمـــــاعي للكلمة الضافية التي ارتجلها الاخ حسن احمد حسن وقفزت بي السعادة الى العلا بعد التبرع السخي لجمعية عزة السودان ( بلبسات مدرسية ) تكفي حوالي 500 طالب .
الشكر ايضا لاخي وصديقي عبد الفتاح ( مدير مبيعات المنطقة الوسطى والشرقية ) لما قـام ويقوم به دائما في خدمة الاخوة السودانيين في تسهيل كل ما يحتاجونه من اجراءات تتعلـق بالسفر والشحن وخلافه . كما لا ننسى وقفته المشهودة في تذليل كافة الصعاب بغرض وصـــول المساعدات الانسانية الى مستحقيها لاهلنافي دارفور..
هارون اسرم
ادريس علم الهدي
عماد محمد على
مصدق حسين
احمد العمار
الهلباوي الغلباوي
وليد شريف
التوأم تامبا والشفيف معتصم
المكاتل حنين
حليمة
خالدة
فاتن
سارة
عفاف
واخرون .. لقد كنتم شعلة من النشاط والهمة العالية ( في تنظيم و ( تستيف ) العفش
بارك الله فيكم وكتر من امثالكم ....
الود حميدة ...
تحية خاصة للربان الماهر الريس ابو جهينة..
ود الباوقة
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: حليمة محمد عبد الرحمن)
|
وليد دارفور بمشي معاك الليلة
للسلام بمشي معاك الليلة
بالاحضان نتلاقى ونعيش سوا سوا
مع مجوك وأدروب وخليل وضرار وحجاب ومحمد احمد ويوحنا
ونقول ياهو دا السودان
الشكر والتقدير للناقل الوطني
سودانير
الشكر والتقدير لجمعية أسر عزة السودان
وقائد الركبان الاستاذ حسن احمد عمر
والشكر والتقدير لكل من حضر
والشكر والتقدير للمهندس بكري ابوبكر الذي خلق هذا البورد الذي جمعنا
وأوجد بيننا هذه المحبة والألفة
تخريمة
يا ود الباوقة أخوي
مسكاقمي
أحنا يا اللخو
وقعنا من قعر القفة
ما كنا معاكم
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: حمزاوي)
|
الاستاذة الفاضلة الأخت حليمة
صباحك مشرق بنور الايمان دوماً ، ، ،
كل المودة والمحبة لجيمع بورداب الرياض على هذا المجهود السخي الذي أثلج صدورنا وأرح ضمائرنا ، هكذا هو إنسان السودان محبة , وفاء , إخلاص ، مودة ، شفافية , إنسان مواقف .
كل الشكر والتقدير لاسرة سودانير على هذا العمل العظيم الذي قاموا وسيقومون به ، وهكذا هم كما عودونا مشاعر متدفقة وأحاسيس نبيلة تحكي عن أصالة الشعب السوداني المتلاحم أينما وجد .
الشكر والتقدير للاخ الباشمهندس بكري أبو بكر الذي اوجد واتاح لنا هذه المساحة الشاسعة لمزيد من التلاحم والتأخي بين أبناء الوطن الواحد في مشارق الأرض ومغاربها .
التحية والتقدير لك من ساهم في نجاح هذا المشروع العظيم سواء إن كان بالمشاركة أو بارسال العون نقدي أو عيني .
شكراً حليمة الأصيلة ، وحقاً إذا كانت معرفت الرجال كنز فمعرفت النساء من أمثالك هي كنوز الدنيا كلها...
مـودتـــي ، ، ،
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: عماد محمود علي)
|
| Quote: شكراً حليمة الأصيلة ، وحقاً إذا كانت معرفت الرجال كنز فمعرفت النساء من أمثالك هي كنوز الدنيا كلها... |
الاخ العزيز عماد محمود على..
شهد الله انك سبقتني.. احساس سعيد يتملكني بمعرفتي لك ومعرفتي للاخوة الاعزاء البورداب.. شكرا لوليد دارفور، الذي جعلنا نتجاوز الصور المصاحبة لملف كل واحد منا في المنتدى العامر، ونصبح شخوصا حقيقية.. نتلاقي مهمومين بمصاعب الطفل الدارفوري، ومغروسين حتى النخاع في كل ما يهم المواطن السوداني، اينما حل..
لك الشكر اجزله اخي عماد..
مودتى ..
حليمة
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: ابو جهينة)
|
تحايا تراتبية:
التحية الاولي:
التحية لجمعية اسر عزة السودان، وقد حضر نفر كريم منها..
سبقني الاخ ود الباوقة الى ذكر بعضهم..اتطرق حاليا الى الجانب النسائي..
التحية للاخت زكية عوض عمر التي عرفنا دوما سباقة الى عمل الخير..
بمالها وضراعها..
التحية للاخت ابتسام حسن عباس التي جادت قريحتها بابيات من وحي
المناسبة،ننشرها لاحقا..
التحية للاخت ثالثتهن والتي غاب اسمها عن ذاكرتي، لكن مشهدها وهي
تنقل الكراتين الضخمة من مكان الى اخر، لن يفارق ذاكرتي قط..
التحية لاسر عزة السودان وقد ابي رئيسها الاستاذ حسن احمد حسن،
الا ان يرفع كمية الكراتين من 10 كراتين عبوة كل منها 20 لبسة ،
الى 20 كرتونة، ليصبح عدد اللبسات 400 لبسة بالتمام
والكمال، بجانب التبرعات التي هبت نساء الجمعية الى جمعها في نفس
الساعة التي وصلهن فيها خبر حملة "انقذوا وليد دارفور" التي يضطلع
بها بورداب الرياض..ففاقت العشرين كيسا وشنطة..
التحية للمراة السودانية وهي ما زالت كعهدنا بها.. (تتب حفيانة) مرددة
لبيك وسعديك.. حينما تسمع نداء الوطن. لم تمس الغربة جوهر معدنها الاصيل..
بل صقلته الايام و(جَمْرَته)..فزاد نصاعة على نصاعته..
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: ابو جهينة)
|
وان كان هذا هو الواجب تجاه اهلنا فى دارفور ، وانه ليس بغريب على اهل السودان ان يقوموا بمثل
هذا العمل الانسانى ولكن يسعدنى ان اتقدم بالتهنئة لجميع بورداب الرياض ولجميع الذين شاركوا فى
( حملة انقذوا وليد دارفور ) اهنئهم على اكتمال المرحلة الاولى من الحملة بنجاح
وهذا النجاح لم يأتى من فراغ بل بجهد بكل الاخوة البورداب وأسرهم واصدقاهم .
وبذلك تكون المرحلة الاولى من الحملة تمت بنجاح وهى مرحلة ( الكساء والدواء)
والمتبقى مرحلة ( الغطاء والايواء ) مع استمرار الحملة للكساء والدواء
ندعو الله ان يوفقنا فى القيام بها العمل على اكمل وجه ،
كما ندعو جميع الاخوة لمضاعفة الجهد لكى تتم الحملة بالنجاح المرجو ، ان شاء الله .
أحمد العمار
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: احمد العمار)
|
ســـلام من الأعمـــاق
ابتسام حسن عباس*
بنقولها سلام من الأعماق عشان سودانا يتوحد
بنقولها صغار وكبار وليهو ولانا يتجدد
سودانا العزيز وكبير شايل سحبه مطر الخير
يمطر يروي مليون ميل..
سودانا الشاية والراية دوام أيديه ممدودة
سلام ومحبة للإخوان من حلفا لي نمولي
تآلف دينق مع عثمان
ومن الفاشر لكسلا
ادم مع احمد دوام في وئام
سلام.. سلام سودانا سلام
سلام وحدة وتحقيق ذات
سلامنا سلام "عزة السودان"
سلامنا سلام أمجاد سلام أجداد
سلام إخوان.. سلام أخوات
سلام أولاد وبنات..
سلامنا سلاما راوياه موية النيل
سلامنا من جبل مرة..سلام بلد حرة...
سلام الخوة....
سلام نابع من الضمير جوه
سلامنا كلمة رجال أحرار
يقعدوا سوا.....
من غير رجوع لي ورا
يمشوا كل الخطاوي سوا
سلام .. مليون.. سلام بنقولها سوا
ــــــــــ
* نائب رئيس اللجنة الثقافية ..
م/سكرتير العلاقات الخارجية والإعلام
بجمعية اسر عزة السودان
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: عصام عبد الحفيظ)
|
تحية ثانية:
التحايا الصادقة، للسيدة سارة عبد الله عباس حرم السفير الكارب،
وهي تترك ضيوفها الذين قدموا اليها من بعيد، لتصل الينا، ليل امس،
بدعمها العيني والمادي السخي، وهي تقف كذلك على سير المرحلة الاولي
من الحملة (الكساء والدواء)، منذ بدايتها، الى ان اختتمناها يوم امس..
كما اسلفنا في غير هذا السياق، يستشرف العمل العام في
الرياض، خيرا، بمقدم هذه السيدة الفاضلة، التي آلت على
نفسها، مهمة توثيق عرى الصداقة والتواصل بين الجاليات
الاجنبية وابناء الجالية السودانية..
مقدم السيدة سارة الى المملكة، احدث حراكاَ ثقافيا، واجتماعيا كبيرين بين ابناء
وخاصة بنات الجالية السودانية، ويشهد على ذلك سلسلة الندوات المفتوحة
التي اقامتها في منزلها العامر، مغتنمة تواجد بعض الضيفات المميزات،
المشهود لهن بالخبرة والكفاءة في العمل العام، كالاستاذة نفيسة احمد الامين
التي قدمت محاضرة في العمل العام، كانت من اميز المحاضرات، التي شهدتها
العاصمة الرياض..
التحية للسيدة سارة وهي تصارع ظروف النساء الصعبة، لتحلق بهن الى سماوات المعرفة
العالية، مشرئبة الى عوالم زاهية في المسيرة العامة..
حليمة
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: haroon asram)
|
| Quote: مما أدى إلى تراجع اقتصادي كبير في حياة شعب دارفور |
| Quote: لتخفيف معاناة شعب دارفور |
بالرغم من حردتي للمنبر ... الا انه استفزتني كلمة شعب دارفور .. ولم افهم المغزي منها .. ارجو التوضيح ...
كسرة:
عندي حبوبة عندكم ادوني ليها ..
وراجع لي حردتي تاني
سلام
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: ادريس خليفة علم الهدي)
|
الاخ الكريم / ادريس
لك التحية
يشهد الله انا لم اقصد من كلمة شعب دارفور غير انسان دارفور المنكوب والمغلوب علي امره لا تذهب بعيداً انا لست من يدعون الي التميز ويكفي انو انا شاهدت كيف تدافع شعب السوداني بكل الوانه ومن جميع اتجاهات ووقف مع انسان دارفور لا اقول شعب دارفور هذه المرة يا علم الهدي و اذا في واحد عندو كلام ما عاجبو يقول وانا علي اهبه استعداد لتعديل زعلك مرفوض يا ادريس كدا كفاية ولا كيف
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: حليمة محمد عبد الرحمن)
|
التحية للخطوط الجوية السودانية في "ركزتها" الرائعة معنا،
التحية لسودانير الناقل الوطني العملاق وهي تستشرف أفاقا إنسانية أرحب في خدمة المواطن
السوداني أينما وجد..
سودانير.. (رُكازة) المواطن السوداني ، أينما حل.
سودانير...الرائد الذي لا يخذل أهله..
........................................
والتحية ليك يا حليمة السعدية
وليك الحب
ام وضاح
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: حليمة محمد عبد الرحمن)
|
حليمة الحبيبة
ما أجمل ما كان قبل الأمس وما أروع ما كان أمس
ملحمة لحملة وليد دارفور ..
بكل المحبه والود والسلام والحنين بين أبناء الوطن
بمختلف سحناتهم يمثلون سودان مصغر للسودان الوطن الكبير
الذي يسع ويضم بين حناياه كل أبنائه الابطال الشرفاء
وهم يحملون على عاتقهم كل همومه ويسعون جاهدون إلى
لم شمله ومد العون لأبنائه وأهمهم وليد دارفور الذي
تحقة الشمس ويضنية ألم المرض ويهلكة الجوع ..
يقشعر بدننا عند ذكره رباه ارحمه واجره وفرج كربته
يارب وأنت المجيب ..
كان لسودانير الدور الكبير في تخفيف هم بورداب الرياض
بعد تلك النفرة الحماسية التي تجاوب لها الكثيرين وكانت
حصالتها الكميات الهائلة من العون من أبناء الوطن الواحد
اصدقاء ومعارف بورداب الرياض والجمعيات والكيانات والتي اثبتت
عزة السودان أمس مدى التجاوب اللامحدود ..
فكانت سودانير لتزيح الهم والحيرة التي دخلنا فيها بخصوص
أولاً .. المكان لوضع الكميات الكبيرة دي لان الايجار مرهق
وما يدفع للايجار اولى به وليد دارفور ..
ثانياً.. قيمة الشحن .. بدأ التخفيف اسرة عزة السودان
وسودانير كانت الفاصل في ذلك ..
ليس غريب على سودامير الناقل الوطني لوقفتهم الكريمة
من الاستاذ عبدالفتاح - مدير المنطقة الاوسطى
وكذلك المدير المالي وكان يتحدث باحساس عميق ورغبه
كبيرة في تقديم المساعدة لهذا العمل الانساني
من اجل وليد دارفور ..
التحية لسودانير على هذة الوقفة الانسانية الرائعة ...
التحية للاستاذة سارة حرم السفير على الدعم المعنوي والمادي
لبورداب الرياض ووقفتها الكريمة بجانب هذا العمل الانساني من أجل
وليد دارفور ..
حقيقة أمس ارتحت كثيراً مما كان ينتابني من خوف تجاه كيفية ايصال
هذا الدعم قبل الخريف ..
أحس بالرمضاء تحرق تلك الاقدام الصغيرة ..
أحس بذاك الجنين في بطن أمه العارية تلفحها السموم على الجوع الوهن
احس بذاك الشيخ الكهل وهو يرمي نظرة على ما يحدث حياله ولا يقوى
على فعل شيء رقم رجولته التي يعتز بها ..
أحس بالكثير من الالم تجاه هولاء الابرياء ..
أبكي بداخلي انزف من الالم فتنزل دموع اجففها بطرف ثوبي
لأواصل اجتهادي في تقديم عون لوليد دارفور البريء ..
تخريمه /
الصور تباعاً يا حليمة ..
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: خالدة البدوي)
|
تحية ثالثة:
التحية للسيدة الفضلي حرم السفير اليمنى التي قدمت دعمها العيني
عبر السيدة سارة عبد الله حرم سفير السودان، مؤكدة
على عمق ومتانة العلاقات التاريخية، والثقافية والاجتماعية
التي تربط بين الشعبين اليمنى والسوداني..
كان لتبرعها السخي اثره الطيب على نقوس البورداب والحضور،
الذين كانوا متواجدين لحظة تقديم تبرعها.
نرجو من السيدة سارة ان تنقل نيابة عنا، شكر اطفال
دارفور لها..
اجزله...
حليمة
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: خالدة البدوي)
|
تحية ثالثة:
التحية للسيدة الفضلي حرم السفير اليمنى التي قدمت دعمها العيني
عبر السيدة سارة عبد الله حرم سفير السودان، مؤكدة
على عمق ومتانة العلاقات التاريخية، والثقافية والاجتماعية
التي تربط بين الشعبين اليمنى والسوداني..
كان لتبرعها السخي اثره الطيب على نقوس البورداب والحضور،
الذين كانوا متواجدين لحظة تقديم تبرعها.
نرجو من السيدة سارة ان تنقل نيابة عنا، شكر اطفال
دارفور لها..
اجزله...
حليمة
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: حليمة محمد عبد الرحمن)
|
القصيدة المرفقة .. جادت بها القريحة .. في عُجالة .. لهذا العمل
الرائع الذي يقوم به الأخوةوالأخوات بورداب الرياض وأسر عزة السودان
وكل الإخوة السودانيين والأخوات السودانيات بالرياض .. وفقكم الله في
أدائكم لهذا العمل الرائع..
حيدر الشيخ
قيثاره للوطن
التحية ليكم أهلنا أهل الرياض بورداب
تنادوا والنِدا نفوساً كريمه سليمه أصاب
لي وليد دارفور عُرس التكافل سالب الألباب
عزة السودان قالو كيف يفوتنا خِضاب
أعراسك يا وطن ملاحم جد تخافه ذئاب
كلاً في عمل الخير تسابق حاريلو ثواب
وسودانير طايرنا الميمون في الفضا عُقاب
كم سر وأبهج نفوس وجمعّ بُعاد أحباب
لي وليد دارفور موجود الخير هبّ وجاب
إنسانك يا وطن مهما منك طالو غياب
شايلك في العيون مطراً بشايرو سحاب
حاضر عند المُلمات رُباناً شَقاّها عُباب
تكاتُف من صميمنا ما من البعيد إجلاب
في عيون الغير تشوفو إندهاش وإعجاب
إن إستغاث الغرب الشرق تلقاهو أجاب
وإن أنهّ الشمال الجنوب متأهباً (كوكاب)
النبع العذب و(الفزعه) في الأصل تيراب
وطناً كريم الخصال خصيبه ما إخصاب
اولادو في حالك الليالي ضاوي شهاب
شيالين التقيله خيولاً أصيله بلا إعطاب
ابوجهينه وصحبه شعاعاً في النفوس إنساب
وأبو خالد كريم الخلق زينه الأرباب
أُسُوداً في العرين وكم في عرينه تُهاب
كيف إن إنطلقت وحاله صار وَثاب
بناتو عند الحاره الغيمه الشايله سحاب
وفي عُلاهن القمر الفي السما جذاب
إن درته النسيم لقيتن النسيم نَدِي هبهاب
وإن درته الشجاعه وكلام أسود الغاب
ليهن فارس الفوارس الشُجاع هياب
حليمة وبت أبو حريره وخياتن الأعناب
سارة بت عباس الوعي للقامات جلاب
شُعله لي الوطن الضي.. الفي الضلام إسكاب
باذلات السواعد.. وإتحزمن (قُرقاب)
وطناً لي حلو السماحه دايم الإنجاب
قديم موروثك يا وطن لي الفوارق أذاب
إن دعى الحال ورَبي الحال تَسِدو رُقاب
شعر: حيدر الشيخ
ـــــــــــــــــ
التحية للاخ الشاعر حيدر الشيخ الذي يتابع هذا المنبر
منذ عهد طويل، على الرغم من انه ليس عضوا فيه.. ويعرف
كل دهاليزه ودروبه..
متابعته اللصيقة لهذا البوست واعجابه بالمجهود الكبير الذي
بذله (شباب) البورد، بمختلف فئاتهم العمرية، وكذلك اسر الجالية
السودانية، خاصة عزة السودان، اتحفتنا بهذه القصيدة الانفعالية
الرائعة..
حليمة
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: Souad Taj-Elsir)
|
العزيزة حليمة
اها كدا الحسادة قتلتني منكم..
ربنا يقدركم على عمل الخير دائما..
ياريتني لو كنت معاكم اشارككم الفضل...
وربنا يحفظ وطنا السودان من الفتن وما ظهر منها وما بطن
ويعم فيه السلام والامن...
ويرجع اهل دارفور من المعسكرات ليعمروا قراهم..
التحية لكم جميعا.. وربنا يتقبل منكم..
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: bayan)
|
Quote: اها كدا الحسادة قتلتني منكم..
ربنا يقدركم على عمل الخير دائما..
ياريتني لو كنت معاكم اشارككم الفضل...
|
العزيزة بيان..
مودتي وحبي وتقديري لك..
يكفي صورة الطفل محمد المصاحبة لملفك،
دليلا على عظم انجازاتك ومنها الانجاز الاخير
الذي قمت به..
فانت لم تعيدي البسمة للطفل محمد وحده..
ولكن لكل افراد اسرته الصغيرة والممتدة..
بنتى يا بيان وبانت نفايلك..وحركتي طاقات
الخير في قلوب اهل السودان في شتى نواحي الدنيا
رغما عن اختلافهم الفكري والسياسي والاجتماعي..
خالص مودتي ..
ـــــــــ
طولت ما تابعت اخبار البوست.. العملية متين؟
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: Souad Taj-Elsir)
|
Quote: الخبر أعلاه أثلج صدورنا... وأعاد ، بقوة، البسمة إلى شفاهنا...
التحية لسودانير الناقل الوطني العظيم والرائد الذي لم ولن يخذل أهله..
التحية لسودانير وهي تزيل عن كاهلنا كافة أعباء ترحيل الأشياء المتبرع بها إلى إخوتنا
وأبنائنا في دارفور قبل موسم الأمطار..
التحية للخطوط الجوية السودانية في "ركزتها" الرائعة معنا،
التحية لسودانير الناقل الوطني العملاق وهي تستشرف أفاقا إنسانية أرحب في خدمة المواطن
السوداني أينما وجد..
سودانير.. (رُكازة) المواطن السوداني ، أينما حل.
سودانير...الرائد الذي لا يخذل أهله.. |
مجهود كبير ومقدر ..وواجب علينا جميعا لأهلنا في دارفور ..
لكن الشكر ايضا واجب لكل هذا التكاتف بينكم كبار وصغارا..
ولإدارة سـودان اير 'وهي تستشرف أفاقا إنسانية أرحب'..
تحياتي حليمه
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: Muna Khugali)
|
Quote:
مجهود كبير ومقدر ..وواجب علينا جميعا لأهلنا في دارفور ..
لكن الشكر ايضا واجب لكل هذا التكاتف بينكم كبار وصغارا..
ولإدارة سـودان اير 'وهي تستشرف أفاقا إنسانية أرحب'..
|
العزيزه حليمه
عمل جيد ومقدر
عسي ان نمسح شيء من حزن دارفور
وشكرا لسودانير
ولكل من ساهم في هذه الخطوه العظيمه
| |
|
|
|
|
|
|
|
|
|
Re: الكـلام دخـل الحـوش... وشـكرا ســودانير!! (Re: bent-elassied)
|
Quote: عسي ان نمسح شيء من حزن دارفور
وشكرا لسودانير
ولكل من ساهم في هذه الخطوه العظيمه |
العزيزة مي الاسيد..
ما احلي الاماني حينما تصدر عن قلب صادق ،
سراجه الوهاج، عزيمة تصارع لجة التيار..
ونقول معك شكرا سودانير.. وفي انتظار
على متن طائرنا الميمون..
لك منى خالص الود وعميقه يا غالية..
مودتي..
حليمة
| |
|
|
|
|
|
|
|
| |
حليمة محمد عبد الرحمن
خالد المحرب
tmbis
.. كويس يا حليمة خلي الباقي علي 
abdulhalim altilib
طارق عبد اللطيف نقد
abubakr
munswor almophtah
ابو جهينة
haroon asram
سارة عمر
انعام عبد الحفيظ
Mohamed Abdelgaleel
انعام حيمورة
welyab
ismeil abbas
صالح عبده
ahmed haneen
رشا سالم
Kostawi
AmroKamal
خالدة البدوي
عصام عبد الحفيظ
أحمد الشايقي
عفاف أبو حريرة
ادريس خليفة علم الهدي
essam&amal
الصادق خليفة
Souad Taj-Elsir
bayan
Muna Khugali
bent-elassied
فيس بوك
تويتر
انستقرام
يوتيوب
بنتيريست