دعواتكم لزميلنا المفكر د.الباقر العفيف بالشفاء العاجل
|
|
 اجتماع هام بخصوص الحفل الخيري لغادة نوري ( بورداب الخرطوم)
|
بورداب الامل .. بورداب الخرطوم
سيكون هناك اجتماع هام وعاجل بخصوص الحفل الخيري المقترح
.. وذلك من اجل علاج الاخت غادة نوري .. !!
عادة مثل هذه الحفلات الخيرية تحتاج لتضافر الجهود .. فليس باستطاعة نفر او نفرين القيام بهكذا مشروع .. بالجد لازم كلنا نجي ونناقش ونساهم بافكارنا .. دي امنياتي !!
بمشيئة الله .. سيعقد الاجتماع في :
الزمان :
يوم الاربعاء الموافق 6 ديسمبر 2006 الساعة الخامسة والنصف
المكان :
مركز الخرطوم لحقوق الانسان وتنمية البيئة
العمارات ش 59 قبالة مبني النفط غرب المستشفي الوطني
الدعوة لكل بورداب الخرطوم .. بورداب الخارج المتواجدين حاليا بالبلاد .. للمتضامين من اجل علاج الاخت غادة ..
اعزائي البورداب ..
دي فرصة اخرى لننال الثواب !!
فقط تذكروا ان .. تأخيرنا ليس من مصلحة غادة ..
هبة
|
|
 
|
|
|
|
|
|
|
 Re: اجتماع هام بخصوص الحفل الخيري لغادة نوري ( بورداب الخرطوم) (Re: سمرية)
|
اختي العزيزة سمرية
مسكاقمي
قلوبنا معكم
يدنا فوق ايديكم
واقترح ان يتم عمل يوم مفتوح به سوق خيري وحفل غنائي
ايام اجازة عيد الاضحى المبارك
ويشارك جميع اعضاء المنبر أينما وجدوا بالهاتف
والمشاركة المالية
ويكون المشاركة اثناء الاجتماع للتحضير ( لو امكن ذلك )
واثناء اقامة اليوم المفتوح
ونسأل الله ان يشفي اختنا غادة
ويجزاك خير يا اخت سمرية
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: حمزاوي)
|
Quote: اختي العزيزة سمرية
مسكاقمي
قلوبنا معكم
يدنا فوق ايديكم
واقترح ان يتم عمل يوم مفتوح به سوق خيري وحفل غنائي
ايام اجازة عيد الاضحى المبارك
ويشارك جميع اعضاء المنبر أينما وجدوا بالهاتف
والمشاركة المالية
ويكون المشاركة اثناء الاجتماع للتحضير ( لو امكن ذلك )
واثناء اقامة اليوم المفتوح
ونسأل الله ان يشفي اختنا غادة
ويجزاك خير يا اخت سمرية |
حمزاوي .. اقتراحك جميل .. اذا كنت من بورداب الخرطوم .. ياريت نقابلك يوم الاجتماع لنناقش المقترح واذا كنت بالخارج .. ساتكفل بادراجها الى اجندة الاجتماع !!
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: سمرية)
|
| Quote: حمزاوي .. اقتراحك جميل .. اذا كنت من بورداب الخرطوم .. ياريت نقابلك يوم الاجتماع لنناقش المقترح واذا كنت بالخارج .. ساتكفل بادراجها الى اجندة الاجتماع !! |
اختي العزيزة سمرية
ياريت يا اختي . . انا من بورداب الرياض السعودية ولكن معكم على كل ما تلتزمون وتتعاهدون عليها ومفوض الاخ ودقاسم نيابة عني .
واتمنى ان تدرج اقتراحي ضمن اجندة الاجتماع ولك الشكر والتقدير من قبل ومن بعد اختي سمرية
نسأل الله العظيم رب العرش العظيم ان يشفي اختنا غادة
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: حمزاوي)
|
الو اتصال من غادة .
اهلين كيفك
معليش طولت ما اتصلت بيك تلفوني سرقوه مني .
الاخبار
الاخبار تمام اخر حاجة وردي قال هو متبرع يعمل لي حفلة برضو, لكين عنده حفلة
يوم 6/1 في المسرح القومي وعنده بعدها ظروف سفر , وقلنا احسن
يكون في فرقة بين الحفلتين يعني تكون
بعد العيد.
تمام خلاص نحنا نجتهد مع ناس عقد الجلاد وساورا
ونشوف بعد العيد مع وردي .
......
انورعقد الجلاد بضرب لي طوالي بصبح وبمسي
علي وقال لي انا والشباب
مجتهدين حانعمل ليك حاجة .
......
بعد موضوع الجريدة (اللقاء في صحيفة الراي العام)
في ناس كتيرين بضربو لي وبتونسو معاي , وفيهم ناس عملو العملية
واحد عميد عملها في الصين.
يعني عاملين ليك ازعاج
لا لا بالعكس مونسني شديد وانا كمان بحب الونسة انفع كنت اكون محامي .
..
في دكتورة تعمل في زراعة الكبد في الصين سودانية قالت حاتعمل لي محاولات هناك
سعرها هناك اقل وفي تجارب قيمة في زراعة الكبد عنهم وبتكلف كلها 50.000 دولار
بما فيها النسيج .
..
فيب زول اسمه العكدابي راجل عندة مصنع ظريف قابلته هو نفسه عمل العملية
وهو الايام دي ماشي ايطاليا اخوه جراح في المانيا شال الورق
ووعدني انه حايشوف معاه وقال لي انا ممكن اساعدك ماعندك مشكلة لكن قال لي
اهم حاجة يكون في قروش بعد العملية لانه في تكاليف كتيرة جدا .
....
يلا تاني
شبه لقيت لي حتة منظمة تامين عالمي اسمها pupa في الخرطوم وهي بريطانية
وعرفتها عن طريق ناس جوني قالو بتهم عملتها عن طريق المنظة دي
قالوا بتتحمل التكلفة والاقامة عليك ومحتاجين قروب يامنوا عندهم
قابلت المسؤلة وقالت يجي قروب يامن عندهم مجموعة 10 انفار
القروش السنوية
الف وخمسمائة دولار سنوي .
يكون العشرة اشخاص مضمونين يواصلوا في التامين حتي اعمل العملية .والتامين
الاقل 1400 $ حسب الفئة العمرية ممكن من جهات مختلفة .
برضو قابلت الدكتور البتابع معاه قال الحالة مستقرة خالص وناس الاردن كلامهم فيه تضخيم
عشان استعجل ما اتاخر في اجراء العملية قال ممكن اذا حافظت ناخد زمن من
غير مشاكل لحد مانعمل العملية
وكان اداني حبوب بترفع السكري , حا ارجع له تاني عشان نشوف.
المهم انا كويسة وماعندي مشكلة.
.
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: حمزاوي)
|
Quote: اختي العزيزة سمرية
ياريت يا اختي . . انا من بورداب الرياض السعودية ولكن معكم على كل ما تلتزمون وتتعاهدون عليها ومفوض الاخ ودقاسم نيابة عني .
واتمنى ان تدرج اقتراحي ضمن اجندة الاجتماع ولك الشكر والتقدير من قبل ومن بعد اختي سمرية
نسأل الله العظيم رب العرش العظيم ان يشفي اختنا غادة |
ياريت ود قاسم يشرفنا ..
و ..
اقتراحك .. حيكون في عين الاعتبار !!
تحياتنا لبورداب الرياض ..
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: سمرية)
|
Quote: الو اتصال من غادة .
اهلين كيفك
معليش طولت ما اتصلت بيك تلفوني سرقوه مني .
الاخبار
الاخبار تمام اخر حاجة وردي قال هو متبرع يعمل لي حفلة برضو, لكين عنده حفلة
يوم 6/1 في المسرح القومي وعنده بعدها ظروف سفر , وقلنا احسن
يكون في فرقة بين الحفلتين يعني تكون
بعد العيد.
تمام خلاص نحنا نجتهد مع ناس عقد الجلاد وساورا
ونشوف بعد العيد مع وردي .
......
انورعقد الجلاد بضرب لي طوالي بصبح وبمسي
علي وقال لي انا والشباب
مجتهدين حانعمل ليك حاجة .
......
بعد موضوع الجريدة (اللقاء في صحيفة الراي العام)
في ناس كتيرين بضربو لي وبتونسو معاي , وفيهم ناس عملو العملية
واحد عميد عملها في الصين.
يعني عاملين ليك ازعاج
لا لا بالعكس مونسني شديد وانا كمان بحب الونسة انفع كنت اكون محامي .
..
في دكتورة تعمل في زراعة الكبد في الصين سودانية قالت حاتعمل لي محاولات هناك
سعرها هناك اقل وفي تجارب قيمة في زراعة الكبد عنهم وبتكلف كلها 50.000 دولار
بما فيها النسيج .
..
فيب زول اسمه العكدابي راجل عندة مصنع ظريف قابلته هو نفسه عمل العملية
وهو الايام دي ماشي ايطاليا اخوه جراح في المانيا شال الورق
ووعدني انه حايشوف معاه وقال لي انا ممكن اساعدك ماعندك مشكلة لكن قال لي
اهم حاجة يكون في قروش بعد العملية لانه في تكاليف كتيرة جدا .
....
يلا تاني
شبه لقيت لي حتة منظمة تامين عالمي اسمها pupa في الخرطوم وهي بريطانية
وعرفتها عن طريق ناس جوني قالو بتهم عملتها عن طريق المنظة دي
قالوا بتتحمل التكلفة والاقامة عليك ومحتاجين قروب يامنوا عندهم
قابلت المسؤلة وقالت يجي قروب يامن عندهم مجموعة 10 انفار
القروش السنوية
الف وخمسمائة دولار سنوي .
يكون العشرة اشخاص مضمونين يواصلوا في التامين حتي اعمل العملية .والتامين
الاقل 1400 $ حسب الفئة العمرية ممكن من جهات مختلفة .
برضو قابلت الدكتور البتابع معاه قال الحالة مستقرة خالص وناس الاردن كلامهم فيه تضخيم
عشان استعجل ما اتاخر في اجراء العملية قال ممكن اذا حافظت ناخد زمن من
غير مشاكل لحد مانعمل العملية
وكان اداني حبوب بترفع السكري , حا ارجع له تاني عشان نشوف.
المهم انا كويسة وماعندي مشكلة. |
دا كلام صاح ...
ملكتناوين ياناس ؟؟
اها المرة دي مافي ملحة ... تأكلي نارك .. والعمارات ما بعيدة .. ؟؟
| |
|
|
|
|
|
|
|
|
 Re: اجتماع هام بخصوص الحفل الخيري لغادة نوري ( بورداب الخرطوم) (Re: سمرية)
|
Quote: بمشيئة الله .. سيعقد الاجتماع في :
الزمان :
يوم الاربعاء الموافق 6 ديسمبر 2006 الساعة الخامسة والنصف
المكان :
مركز الخرطوم لحقوق الانسان وتنمية البيئة
العمارات ش 59 قبالة مبني النفط غرب المستشفي الوطني
الدعوة لكل بورداب الخرطوم .. بورداب الخارج المتواجدين حاليا بالبلاد .. للمتضامين من اجل علاج الاخت غادة .. |
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: سمرية)
|
بت الملوك
انا جاية بشارع ( قصرك الموقر ) .. ممكن موكب جنابك يتكرم ويسوقنا معاهو .. ؟؟!!
ها .. الملح الملكي ولا بلااااااااش ؟؟
موعدنا خمسة ونص .. في المكان الوصفو ليكم داااك طلال عفيفي !!
يا علي عجب .. اوعى تتأخر ؟!!
ناجي ، عبير ، انعام حيمورة .. خالد ماسا .. انتو جاييييييييييين ؟؟
معاوية كرفس قال جاي .. ومعاهو سامي .. ووديدي .. وسفيان برضو !!
اما المهندس .. والجريفاوي .. ماأظن .. ليه ما عارفة ؟؟!!
انعام عبد الحفيظ .. جات من السفر ؟؟
بورداب الامل .. بورداب الخرطوم ..... ؟؟!!
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: رشا سالم)
|
رشوية ..
انشاء الله ظروفك .. تروق وترجعي تواصلي بطلتك اللطيفة !!
بخصوص التقرير .. غادة قابلت الدكتور ومعاها نتائج الفحوصات .. بس الدكتور اداها علاج معين .. ثم يليه فحص .. حتى يتمكن من كتابة التقرير .. حسب علمي سوف يكون ذلك خلال الايام القادمة .. ساتأكد من غادة واديك خبر !!
عموما يا رشا ارجو المتابعة مع غادة شخصيا او انعام حيمورة .. فهي ستهتم بامر متابعة كل ما يتعلق باستلام التبرعات لغادة وذلك .. لظروف غيابي بسبب السفر خارج السودان لمدة 10 ايام !!
رشا سالم ... على موعدنا ؟؟!!
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: سمرية)
|
انعقد يوم امس الاربعاء في تمام الساعة السادسة مساء الاجتماع الخاص باقامة حفل خيري للاخت الغالية / غادة نوري ..
كان من الحضور :
- طلال عفيفي
- علي عجب
-ود الجعلي ( عابد)
- انعام حيمورة
ثم ..
- نادية السر
- ملكة سبأ
- سمرية
والاخ سمؤل وهو من المتابعين للبورد من غير الاعضاء
و .. خالد ماسا
وفجاة تظهر علينا ... غادة نوري ..وكانت مفاجاة جميلة جدا ان تشاركنا هذا الاجتماع فقد كان لحضورها .. وقع خاص جدا.
( والبت دي غتيتة غتاتة كنا فاطرين معانا انا وخالد ماسا .. وجبنا ليها سيرة الاجتماع عملت فيها رايحة وما قالت هي اتفقت مع علي عجب تحضر معانا .. )
جات غادة .. ومعها خضر خليل
- وسفيان نابري
- الجريفاوي
- ناذر احمد خليفة
- الفاتح وديدي
- اشراقة حيمورة
-واخيرا .. اسماعيل حميم
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: سمرية)
|
للجميع ,
سمؤل و راشد وراق (من قراء البورد من غير الاعضاء)
علي عجب
طلال عفيفي
ود الجعلي ( عابد)
انعام حيمورة
ملكة سبأ
خالد ماسا
سفيان نابري
الجريفاوي
ناذر الخليفة
الفاتح وديدي
اشراقة حيمورة
اسماعيل حميم
معاوية كرفس
الاجتماع القادم لمناقشة ما تم من اتفاق مع فرقة عقد الجلاد و ما تليه من خطوات للتجهيز للحفل الخيرى
يوم الاثنين 11/12 -مكتب الاستاذ على عجب الساعة 5:30 مساءا.[/B]
نادية السر
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: سمرية)
|
ملخص الاجتماع :
تكوين لجان لتقسيم العمل فيما بيننا :
لجنة مقابلة عقد الجلاد وساورا
- علي عجب
- خالد ماسا
- نادية السر
تم تحديد موعد مع عقد الجلاد يوم الاحد القادم
لجنة تحديد (مكان الحفل) والاجراءات المتعلقة
- اسماعيل حميم
- سمؤل
اللجنة الفنية
طلال عفيفي
سمرية
انعام حيمورة
تم تحديد موعد آخر لمواصلة الاجتماع بعد مقابلة عقد الجلاد .. في يوم الاثنين 11 /12 الساعة 5:30م وفي نفس المكان!!
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: سمرية)
|
طـــــق خاااااص
- بورداب " قطر " كانو تمام الحضور عبر الهاتف .
عبد الكريم الامين
ود رمليه
محمد عبد الرحمن
كم طمانني وجودكم يا " ملح الارض وصناع الحياه اليوماتي "
- غاده نوري يا سمريه جنس غتاته لقيتا لكن كويس موضوع الصوره والجواز ح اعيد النظر فيهو !!
- الناس الماحضرت ... إنتو الخسرانين ...!!
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: خالد ماسا)
|
Quote: بورداب " قطر " كانو تمام الحضور عبر الهاتف .
عبد الكريم الامين
ود رمليه
محمد عبد الرحمن
كم طمانني وجودكم يا " ملح الارض وصناع الحياه اليوماتي " |
وعبر الهاتف ايضا .. عبد الرحمن قوي ..
| Quote: الناس الماحضرت ... إنتو الخسرانين ...!! |
عبير خيري والمهندس انشاء الله المانع خير ؟؟!!
ناجي الملك .. تصدق الملكة لما جا الموكب النسائي .. ما اتذكرت حتى تسأل منك ..!!
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: معاوية كرفس)
|
العزيز معاوية ,
لك من التحايا الكريمة اجزلها ,
ما نختطه من مسعى للغالية غادة نورى هو من واقع حتمية ايفاءنا لبعض مستوجبات الانسانية لما تضفيه لحيواتنا من معانى !
و هذا الامر اتفقنا و تدافعنا نحوه حروفا و انشطة تقطر انسانية و مرؤة :
نساءا و رجالا
اعضاءا فاعلين فى المنبر او قراءا متابعين
من داخل السودان و خارجه
كل الرجاء ان يتوج مسعانا بالعافية و موفور الصحة لغادة.
معاوية نشوفك فى الاجتماع الجاى ان شاء الله يوم الاثنين القادم 11/12 فى مكتب الاستاذ على عجب الساعة 5:30 مساءا.
و للغالية انعام عبد الحفيظ
كل عبارات التعازى و الدعوات بالصبر و حسن العزاء .
نادية السر
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: Nadia Elsir)
|
Quote: عموم البورداب ,
بأسمكم فى هذا الصباح و نحن نشرع باب الامل نرسل لعقد الجلاد و مديرها الفنى الاستاذ نصر الدين كل التقدير و الامتنان لما بدأ منهم من اهتمام خاص بالحفل الخيرى المقام لدعم مساعى علاج الغالية غادة نورى .
تفاصيل أوفى فى اجتماع اليوم مساءا احرصوا على الحضور !!!!!!!!! |
بورداب الخرطوم ...
نادية ، الملكة ، خالد ماسا ، ناجي ، حميم ، عبير ، انعام ، منعم ، خضر ، طلال وعجب ... مشتاقة ليكم مووت !!
نادية السر ... ياريت ترسلي لي ايميل توريني الحاصل شنو معاكم امس ومن كلامك .. واضح انه خير بس عاوزة اعرف التفاصيل !!
ايميلي عند طلال عفيفي ..
ملكة سبأ .. سلامتك يا ملكة .. بس اوعى يكون الضغط زايد ؟؟ ( وش ابو عيون زايغة )
طمنوني على عبير خيري مالها .. غايبة عننا ؟؟
اما ناجي فالظاهر ... اطارات البوكس كلها ضربت ؟؟ وش .. ابو اي حاجة
خالد .. طلال ، علي عجب .. أظن المسؤولية بعد كدا زدات عليكم .. وانتم اكيد قدرها .. وعلى بركة الله .. !!
طلال برضو اتوقع منك ايميل .. عشان اعرف اجتماع اليوم وصلنا فيه لشنو ؟؟
Quote: اجتماع الحفل الخيرى لغادة نورى !
الزمان :
يوم الاثنين الموافق 11 ديسمبر 2006 الساعة الخامسة والنصف
المكان :
مركز الخرطوم لحقوق الانسان وتنمية البيئة
العمارات ش 59 قبالة مبني النفط غرب المستشفي الوطني
|
غادة الغتيتة .. وحشتني شديد بالله بلغوها .. تحياتي .. وقد كان صوتها آخر ما سمعته وانا على بعد خطوات من سلم الطيارة ... !!
حتى انها ارسلت لي (مرسال) .. قابلني عند سلم الطيارة .... يااااااه يا غادة .. كم تحاصرني روحك الجميلة؟؟
يا بت انتي طلعتي لينا من وين ؟؟!!
اتمنى ان يكلل اجتماع اليوم بالنجاح ...
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: سمرية)
|
سمرية الغالية,
يا سلااااااااااااااااام
بس يا عاملات الاستاذ ابو اللمين الله يديه العافية طلتلك (طلة وردة من السور )
ليك وحشة والله و مفتقداك شديد!
كل ما طلبتى هو فى العين و الرأس اطمئنى كأنك حاضرة و متابعة زى عهدنا بيك( بالورقة و القلم) !
تجينا بالسلامة ان شاء الله و موفقة ,
نادية السر
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: سمرية)
|
نادية
تحياتي
يا سلللااام علي مجهوداتكم العظيمة والنبيلة والمقدرة
قابلت غادة لاول مرة اول امس وعزمتني فول وعملت لي فحص
سكر للدم من الجهاز اللي معاها !! يا سللاااام حقيقة
اتاثرت جدا جدا بنت جميلة وقوية وحسيت وهي قاعدة
معاي انه انا المريض وبعاني ما هي ..
ما اتخيلت انه عمري كله اقابل انسان مريض وبعاني وعنده
الابتسامه الحلوة والصادقة دي !!
ربنا يشفيها يا رب وربنا يقدرنا علي عمل شئ
للانسانة العظيمة دي !!
شكرا ليكم وامنياتي الصادقة لها بالشفاء
وهي باذن الله شافية قريبا ..
تقديري ومحبتي للجميع
منعم
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: انعام حيمورة)
|
سمح وجميل ومنسق وكلوا تمام البتسوو فيهو ده كلكم
بالنسبة لاجتماع الليلة للاسف ما حأقدر أجيكم لظروف (بطالة خالص)
وزي ماكرفس قال ليكم فووق أي واجب بنشيلوا معاكم يعني من أيدكم دي (لي ايدكم دي)
وحنوصل الشمس البعيدة ونبقي عيدا
غادة الغتيتة يمكن تجي .
في مقترح برضوا كنت أتمني أنو ينقلوا الاخ عبد المنعم سليمان (ابو صلعة)
وهو مقترح مقدم من الاستاذ الحاج وراق وأنا شخصياً شايف أنو عملي جدا بجانب مابنقوم بيهوا نحن يعني كلوا مكمل بعضوا . طيب الاستاذ الحاج وراق بشوف الاتي
أن نقوم نصيغ رسالة بأسم سودانيز أونلاين موجهة لخادم الحرمين الشريفين نلتمس منه مد يد العون وهو بيتكفل أنو حينشر الرسالة في صحيفة الصحافة . وبفتكر أنو مباشرة السفارة السعودية هنا حتتولي الموضوع ده برمتو ورمانتو .
ويلا شدوا حيلكم
ومذيداً من المساهمات
خضر
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: خضر حسين خليل)
|
Quote: مقترح برضوا كنت أتمني أنو ينقلوا الاخ عبد المنعم سليمان (ابو صلعة)
وهو مقترح مقدم من الاستاذ الحاج وراق وأنا شخصياً شايف أنو عملي جدا بجانب مابنقوم بيهوا نحن يعني كلوا مكمل بعضوا . طيب الاستاذ الحاج وراق بشوف الاتي
أن نقوم نصيغ رسالة بأسم سودانيز أونلاين موجهة لخادم الحرمين الشريفين نلتمس منه مد يد العون وهو بيتكفل أنو حينشر الرسالة في صحيفة الصحافة . وبفتكر أنو مباشرة السفارة السعودية هنا حتتولي الموضوع ده برمتو ورمانتو . |
مقترح جميل جدا .. بس الآلية لتنفيذو كيف ..؟
يعني حنبدأ من وين .. والرسالة من سيكتبها ؟؟
بورداب الخرطوم ام ادارة سودانيز ؟؟
عموما الفكرة معقولة جدا ... ونحن محتاجين للمقترحات مثل هذا النوع !!
تحيايت للحاج وراق .. اتمنى ان يناقش المقترح في اجتماع اليوم ... بس حضورك يا خضر .. حاول بقدر المستطاع !!
الخليفة نادية .. والنائب ملكة سبأ .. حاولوا تكون غتيتات اليوم .. دي سياسة فعالة جدا ... اسألوا حتى انعام حيمورة والوريف خالد ماسا ( حقوق الطبع معفوصة )
رشا سالم .. الشمار.. شنو ؟؟!!
اشوفكم على خير
هبة
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: سمرية)
|
Quote: في مقترح برضوا كنت أتمني أنو ينقلوا الاخ عبد المنعم سليمان (ابو صلعة)
وهو مقترح مقدم من الاستاذ الحاج وراق وأنا شخصياً شايف أنو عملي جدا بجانب مابنقوم بيهوا نحن يعني كلوا مكمل بعضوا . طيب الاستاذ الحاج وراق بشوف الاتي
أن نقوم نصيغ رسالة بأسم سودانيز أونلاين موجهة لخادم الحرمين الشريفين نلتمس منه مد يد العون وهو بيتكفل أنو حينشر الرسالة في صحيفة الصحافة . وبفتكر أنو مباشرة السفارة السعودية هنا حتتولي الموضوع ده برمتو ورمانتو .
ويلا شدوا حيلكم |
خضر تحياتي واشواقي
اتكلمت مع غادة وقالت نصبر شوية اسبوعين تلاته
وانشاء الله تفرج !! شكرا يا جميل
وربنا يتقبل الشفاء !!
منعم
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: سمرية)
|
تحياتي للجميع
الاجتماع كان ناجح ونوقشت فية كل الافكار ولا احكي عنه حتي لا احرم
النبيلة نادية السر من حقها لانها من نظمت هذا الجمع الجميل
كان هناك عصام عبدالحفيظ .. طلال عفيفي .. ماسا .. سجيمان
سمؤال .. علي .. عابد .. نادية السر .. اشراقة حيموره
وشخصي الضعيف ..
فالتتم الباقي صاحبة الدعوة الكريمة نادية وتحكي للاخوة ..
عاجل الشفاء للاخت غادة نوري
,,احترامي ,,
منعم
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: عبد المنعم سليمان)
|
صباح الخير اينما كنتم ايها البورداب ,
و المتابعين كمان ,
اولا كل الامتنان لاسرة مركز الخرطوم لحقوق الانسان لكريم الاستضافة و الله مخجليننا عديييييييييل يا على عجب و طلال !
تانى اجتماع الامس الاثنين فى مجمله كان بيفيض حماسا و املا و عملا
اما تفصيله :
الحضور :
على عجب
طلال عفيفى
عبد المنعم سيلمان
عصام عبد الحفيظ
خالد ماسا
عابد محمود
عادل الصادق
اشراقة حيمورة
سمؤال بدر الدين
نادية السر
محاور النقاش و ما تم الاتفاق عليه:
1/افادة الحضور ما تم من اتفاق مع فرقة عقد الجلاد و تم الاتصال بادراة النادى لتأكيد الحجز فى اليوم المقترح مع اضافة بدائل.
2/تكوين ثلاث فرق عمل (اتصالات-اعلام-مالية)و تحديد مهامها و تم النتسيق لاجتماعات و نشاطات تخص كل فريق و برضو لسه محتاجين اعضاء للاسهام فى كل من فرق العمل المذكورة
3/تكلفة الحفل و اقتراح الاتصال بجهة راعية تغطى كل او جزء من التكاليف
4/ اهمية اصدار تذاكر اكرامية بفئات مختلفة و كذلك تم تحديد رقم حساب منفصل خاص بحملة البورداب (سنوافيكم بالرقم خلال اليوم)
5/ فريق عمل الاعلام سيدشن نشاطه ابتداء من السبت القادم الموافق 16ديسمبر و اتفقنا على اهمية الاعلام من داخل الجامعات و المؤسسات قبل تأريخ الحفل بمدة كافية.
6/ مواصلة ما بدأت من حملات اعلامية فى الرأى العام و الصحافة و كذلك جمع التبرعات .
7/ تم تحديد موعد للاجتماع القادم الاربعاء 20 ديسمبر
نادية السر
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: سمرية)
|
...
...
وحياة الله بالغتوا معاى
ياخى دخلت البوست بالصدفة
القاهو كلوا الملك ...ناجى ...البوكس ... القصر ....الموكب
وانا !!!!!!!!! مافى زول فيكم يدينى تلفون سااى !!
هبة ...نادية ... الملكة ...
ما تقابلونى قريب ...حابلع لسانى ده لحين ما نشوف الحاصل شنو
....
....
اى حاجة معاكم ..فيها ...للنهاية وربنا ياخد بيدها ..ويشفها
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: خالد ماسا)
|
الاعزاء..
سمرية..
نادية..
خالد...
طلال...
بت حيمورة..
الملك..
معاوية...
عبدالمنعم(ابو صلعة)..
وكل المتداخلين في البوست الرائع دا...
جمعت مبلغ بسيط لغاية دلوقت ..لكن اي نواية بتسند الزير..
باذن الله حاكون في الخرطوم يوم 28 ديسمبر وبعد داك حنكون متابعين اكتر..
اعزروني لعدم المشاركة الفعالة لكن والله ظروفي ما معقولة..
(وش ابوخجلة منكم)
| |
|
|
|
|
|
|
|
|
|
Re: اجتماع هام بخصوص الحفل الخيري لغادة نوري ( بورداب الخرطوم) (Re: سمرية)
|
طــــق خااااص
لعناية مجموعة عقد الجلاد ..
مع فائق الود والاحترام ..
" الناس في بلدي يصنعون الحب "
وللنبل سدرة للمنتهي .. وكما نتكئ علي انغامهم عندما توجعناالزوايا
كانو هناك مع الصهيل ..
شكرا جزيلا الاستاذ / نصر الدين المدير الاداري لعقد الجلاد علي هذا الادب الجم
والنبل الذي يشبه " عقد الجلاد" في كل شيئ .
شكرا لان الكتوف لم تستدير ..
كم هو نبيل هذا الوطن ..ينجب ابناء كما النيل
شكرا عقد الجلاد ..
| |
|
|
|
|
|
|
| |
سمرية
المكاشفي الخضر الطاهر
رشا سالم
خضر حسين خليل
عبد المنعم سليمان
طلال عفيفي
ملكة سبأ
سجيمان
معتصم دفع الله
هجو الأقرع
سفيان بشير نابرى
انعام حيمورة
معاوية كرفس
عبدالكريم الامين احمد
إسماعيل حميم
معتصم ود الجمام
ودرملية
خالد ماسا
Ishraga Haimoura
الملك
فيس بوك
تويتر
انستقرام
يوتيوب
بنتيريست