|
دعواتكم لزميلنا المفكر د.الباقر العفيف بالشفاء العاجل
|
|
 Re: (ختمة قرآن) يا بورداب الخرطوم للأخت غادة نوري بمنزلها !! (Re: ملكة سبأ)
|
ملكتنا ..
اختيار الزمن كان لاسباب عديدة اولا اتاحة الفرصة لاكبر قدر من المشاركة فكما تعلمين ان معظم البورداب من فئة الموظفين واظن ان انسب وقت هو 5:30م .. خاصة ان الكلاكلة ما قريبة فكيف واحد بيطلع الساعة 3:00ظ او 4:00 مع زحمة المواصلات يصل الكلاكلة 3:30ظ ثانيا .. 3:30 ظ وقت ما مناسب للزيارة او حتى للتلاوة .. مواعيد غداء ونحن ما عاوزين نثقل على غادة واسرتها الكريمة !!
اما بالنسبة للتاخير بالنسبة ليك ما تشيلي هم نحنا بعد المغرب مباشرة حنطلع طوالي .. وانا بضمن ليك مقعد في امجاد انعام .. تاني شنو ؟؟
صدقيني .. اليوم يستحق مشاركتك لينا ... فكري .. يا بت الخالة !!
| |
 
|
|
|
|
|
|
|
|
Re: (ختمة قرآن) يا بورداب الخرطوم للأخت غادة نوري بمنزلها !! (Re: طلال عفيفي)
|
Quote: ديل بناتك يا رب ، إنظر في حالهم وتدبر لهم أمرهم
وارفع عن غادة ما نزل بها ، عشان هي طيبه وبتحبك
وكل الناس ديل بيحبوك ..
وهام يا سيدي يطرقون باب العشم السماوي : بابك ..
فافتح لهم وعليهم وارفق بمحبيك يا رحيم .. |
اللهم آمين ...
طلال ... قبل ان ازور غادة .. كنت اخاف من ذلك .. فقد كنت اتوقع ان ارى فتاة اعياها المرض .. ولكن غادة فاجأتني بحيويتها .. وروحها الطاهرة .. وقوة ارادتها .. وصبرها !!
تجي معانا يا طلال ؟؟
| |
|
|
|
|
|
|
|
|
 Re: (ختمة قرآن) يا بورداب الخرطوم للأخت غادة نوري بمنزلها !! (Re: سمرية)
|
صباح الخير صباح النور
صياح إشراق .. صباح بلور
صباح العافية دون دكتور ..
Quote: انا عارف صاحبة الجلالة دايرة تتاكد انو في غده
والا حاتملحوها ساكت لانو خمسة ونصف دي معناها ما حتحصل العضة
فطمنيها انو ضابحين عتيت.. |
ياجبلابي لاحظ اليوم إثنين
يعني صيام صيام
انت برضو تجي صايم ..
| Quote: ( مثلا شارع القصر جنب البنك الفرنسي الساعة 4:30م ) واي زول داير يجي معاك يتصل عليك .. !! |
الله يرضى عليك ياهبوية
ويا نــــــــــــاجي الملك اها انا ماشية معاك في الزمان والمكان المحددين أعلاه
| |
|
|
|
|
|
|
|
|
|
Re: (ختمة قرآن) يا بورداب الخرطوم للأخت غادة نوري بمنزلها !! (Re: سمرية)
|
مساءالخير بتوقيت الخرطوم
انا معاكم عشان ينوبنى من الطيب نصيب ونستمد بعض الجرعات الايمانيه
بس ورونا التفاصيل وحتتحركو من وين والساعه كم بالضبط
على كل حال انا ساكن الحلفايا وممكن برضو آخد معاى تلاته ماشى رايح وما حا أدفعم شيرنق فى البنزين وكمان حا أعزمم غدا
يلا يا ناجى وانعام ورونا الاوفرز بتاعنكم
انا طبعا ما عندى تلفون أى زول فاروجو من الناس الماشين واحد يخت تلفونو
مع تحياتى والامانى الطيبات لغاده بالشفاء العاجل
| |
|
|
|
|
|
|
|
|
|
Re: (ختمة قرآن) يا بورداب الخرطوم للأخت غادة نوري بمنزلها !! (Re: WAD ELGAALI#4)
|
Quote: مساءالخير بتوقيت الخرطوم
انا معاكم عشان ينوبنى من الطيب نصيب ونستمد بعض الجرعات الايمانيه
بس ورونا التفاصيل وحتتحركو من وين والساعه كم بالضبط
على كل حال انا ساكن الحلفايا وممكن برضو آخد معاى تلاته ماشى رايح وما حا أدفعم شيرنق فى البنزين وكمان حا أعزمم غدا
يلا يا ناجى وانعام ورونا الاوفرز بتاعنكم
انا طبعا ما عندى تلفون أى زول فاروجو من الناس الماشين واحد يخت تلفونو
مع تحياتى والامانى الطيبات لغاده بالشفاء العاجل |
اهلين بيك معاناويسعدنا جدا انك تشاركنا الاجر دا ..
نقطة التجمع شارع القصر .. امام البنك الفرنسي ... الساعة 4:30م
| |
|
|
|
|
|
|
|
|
|
Re: (ختمة قرآن) يا بورداب الخرطوم للأخت غادة نوري بمنزلها !! (Re: سمرية)
|
.
Quote: علي عجب :
الي كل الاصدقاء سلام
ارجو ان نهتم مرحليا
باقامة الحفل الخيري المقترح
وارجو ان نعمل علي جمع التبرعات الان
بخصوص ترتيبات الحفل
...
عمليا اقترح ان نجتمع كلنا عندنا يوم الخميس
العمارات مركز الخرطوم لحقوق الانسان وتنمية البيئة
فبالة مباني النفط في شارع 61 غرب المستشفي الوطني.
....
اذا كان الاقتراح مقبول اتمني ان نعمل من اليوم حتي يوم الخميس
علي استلام التبرعات بخصوص الحفل..
ونقيم يوم الاحتماع عل المجهودات.
ولكم مني خالص الامنيات
|
.
العزيز الأستاذ/ علي عجب
اثني اقتراحك و دعوتك الكريمة
.
.
| |
|
|
|
|
|
|
|
|
|
Re: (ختمة قرآن) يا بورداب الخرطوم للأخت غادة نوري بمنزلها !! (Re: سمرية)
|
ذهبنا في تمام الساعة السادسة مساء يوم امس لمنزل الاخت / غادة نوري .. وبصحبتنا .. مقرئين من احد الخلاوي بالصحافة !!
الاخت انعام حيمورة يديها العافية ... صاحبة المبادرات الجميلة .. والاقتراحات العملية .. تكلفت بامر هؤلاء الشيوخ !!
دخلنا منزل غادة .. ونحن نستنشق .. عبق حميم .. واستقبال سوداني اصيل !!
كنا في حضرة القران الكريم لمدة ساعتين ... ومع كل قلب يطمئن كان الدعاء يرفع لاجل غادة !!
ختمنا الاجزاء .. كلها .. ودعونا لغادة بالشفاء ..
ومع رشفات الشاي .. وبليلة انعام .. واللقيمات .. والكيك .. حكت لنا غادة عن يومها الحافل .. حيث انها استقبلت الكثير من الاتصالات .. بعد نشر موضوعها بالصحف .. احدى الاتصالات كانت من جهة حكومية .. مرضى قاموا باجراء عمليات زراعة كبد .. كثير من الطلبة اللذين تعاطفوا معها .. والكثير اللذين اتصلوا ليبلغوها انهم سيدعون لهاالله في كل حين !!
ومازال تلفون غادة يرن ... كلنا امل ان يرن التلفون بالذي ننتظر !!
ليتكم كنتم معنا لترون كيف كانت غادة سعيدة .. !!
| |
|
|
|
|
|
|
|
|
|
Re: (ختمة قرآن) يا بورداب الخرطوم للأخت غادة نوري بمنزلها !! (Re: خالد ماسا)
|
بعيد الغروب و فى امسية ضمت فى سويعاتها الاولى
ادق و اشد لحظات عمرى ارهافا
عشتها و من معى من اصدقاء غادة نورى و غادة نورى و اسرتها الكريمة
و ارانى لا اكذب ان قلت اننا حقا ممتنين لتلك اللحظات !
نحن فى حضرة القرآن العظيم
و بقلوب شفيفة يتدفق الدعاء منها صادقا
غسلت عيونى ادمعها و امتلات نفسى يقينا على يقين!
ربى انت الشافى
اشفى غادة شفاءا لايغشاها بعده سقما
بحق كلماتك و بحق نبيك الكريم نبى الرحمة!
نادية السر
| |
|
|
|
|
|
|
|
|
|
Re: (ختمة قرآن) يا بورداب الخرطوم للأخت غادة نوري بمنزلها !! (Re: خالدة البدوي)
|
الو اتصال من غادة .
اهلين كيفك
معليش طولت ما اتصلت بيك تلفوني سرقوه مني .
الاخبار
الاخبار تمام اخر حاجة وردي قال هو متبرع يعمل لي حفلة برضو, لكين عنده حفلة
يوم 6/1 في المسرح القومي وعنده بعدها ظروف سفر , وقلنا احسن
يكون في فرقة بين الحفلتين يعني تكون
بعد العيد.
تمام خلاص نحنا نجتهد مع ناس عقد الجلاد وساورا
ونشوف بعد العيد مع وردي .
......
انورعقد الجلاد بضرب لي طوالي بصبح وبمسي
علي وقال لي انا والشباب
مجتهدين حانعمل ليك حاجة .
......
بعد موضوع الجريدة (اللقاء في صحيفة الراي العام)
في ناس كتيرين بضربو لي وبتونسو معاي , وفيهم ناس عملو العملية
واحد عميد عملها في الصين.
يعني عاملين ليك ازعاج
لا لا بالعكس مونسني شديد وانا كمان بحب الونسة انفع كنت اكون محامي .
..
في دكتورة تعمل في زراعة الكبد في الصين سودانية قالت حاتعمل لي محاولات هناك
سعرها هناك اقل وفي تجارب قيمة في زراعة الكبد عنهم وبتكلف كلها 50.000 دولار
بما فيها النسيج .
..
فيب زول اسمه العكدابي راجل عندة مصنع ظريف قابلته هو نفسه عمل العملية
وهو الايام دي ماشي ايطاليا اخوه جراح في المانيا شال الورق
ووعدني انه حايشوف معاه وقال لي انا ممكن اساعدك ماعندك مشكلة لكن قال لي
اهم حاجة يكون في قروش بعد العملية لانه في تكاليف كتيرة جدا .
....
يلا تاني
شبه لقيت لي حتة منظمة تامين عالمي اسمها pupa في الخرطوم وهي بريطانية
وعرفتها عن طريق ناس جوني قالو بتهم عملتها عن طريق المنظة دي
قالوا بتتحمل التكلفة والاقامة عليك ومحتاجين قروب يامنوا عندهم
قابلت المسؤلة وقالت يجي قروب يامن عندهم مجموعة 10 انفار
القروش السنوية
الف وخمسمائة دولار سنوي .
يكون العشرة اشخاص مضمونين يواصلوا في التامين حتي اعمل العملية .والتامين
الاقل 1400 $ حسب الفئة العمرية ممكن من جهات مختلفة .
برضو قابلت الدكتور البتابع معاه قال الحالة مستقرة خالص وناس الاردن كلامهم فيه تضخيم
عشان استعجل ما اتاخر في اجراء العملية قال ممكن اذا حافظت ناخد زمن من
غير مشاكل لحد مانعمل العملية
وكان اداني حبوب بترفع السكري , حا ارجع له تاني عشان نشوف.
المهم انا كويسة وماعندي مشكلة.
.
| |
|
|
|
|
|
|
|
|
|
Re: (ختمة قرآن) يا بورداب الخرطوم للأخت غادة نوري بمنزلها !! (Re: سمرية)
|
Quote: فتاة تعيش بالدفع الذاتي "
هكذا كتب الصحفي ..
وهكذا شاهدتها تماما ..
كم المني هذا التماسك ..
وحدها تجيد التحديق نحو الشمس والمقل النحاسيه ...
كبنات بلدي ..
واقفه في العاصفه منصوبة الشراع .. |
...
...
ماسا
كأنى كنت أتوقع شيئاً ..وخاصة بعد سماعى لتلك القصة المحزنة
عن الحادث وعن الفتاة التى فقدت من حجمها الكثير ...ربما!!
إندهشت حينها
...
...
وجدناها ممتلئة بالحيوية ...والنشاط وتحكى المعاناة كأنها شخص ثالث ..
يالله ...ربنا يأخد بى يدها بس ...ويشفيها ...
| |
|
|
|
|
|
|
| |
سمرية
انعام عبد الحفيظ
ملكة سبأ
انعام حيمورة
الملك
عبير خيرى
Ishraga Haimoura
طلال عفيفي
Tumadir
Safa Fagiri
ناذر محمد الخليفة
القلب النابض
معتصم مصطفي الجبلابي
رشا سالم
معاوية كرفس
عبد المنعم سليمان
Adel Sameer Tawfiq
saadeldin abdelrahman
ghariba
SAdo7
معتصم دفع الله
WAD ELGAALI#4
خضر حسين خليل
خالد ماسا
خالدة البدوي
فيس بوك
تويتر
انستقرام
يوتيوب
بنتيريست