دعواتكم لزميلنا المفكر د.الباقر العفيف بالشفاء العاجل
|
|
 يا أهلنا عنواين البوستات الاجتماعية يجب ان تكون واضحة, بكا, عرس, مرض, سماية, طهور, الخ....
|
السلام عليكم يا أهلنا جميعاً...
الرجاء ان يلتزم الناس طريقة معينة فى كتابة البوستات الاجتماعية والتى تشمل بكا, عرس, مرض, سماية, طهور والخ...
وفي داخل البوست أيضاً يجب ان تكون هناك عناوين واضحة وتلفونات عاملة حتى يتثنى لقارئ البوست بعمل واجب المناسبة...
الأخ فتحي بحيري كتب انه تمت ترقيته من ملازم أول الى نقيب... فى زول فهم حاجة؟
طلع الموضوع جابوا ليهو بنت تالتة....
وكثير جداً من العناوين الخادعة... وتدخلنا فى اللوم ....
الرجاء الالتزام بطريقة معينة وهذه الاقتراحات :
عزاء واجب :............................
مبروك: .................................
سماية:..................................
طهور:..................................
مرض:....................................
حامد وهكذا...
لكم الشكر على التعاون...
أنور
|
|
 
|
|
|
|
|
|
|
|
Re: عاد يا خال فاطنة ما بالغتا.... (Re: AnwarKing)
|
| Quote: طهور:.................................. |
انور ازيك
مقصود هنا اكيد طهور الروح من احزانها
بس عليك الله اوعى من ام صندوق الحديد ام فستانا ابيض
تعال نتضامن ونطالب الدولة تحقق ليها بديل للدخل بدل ماتقتات بموسها دى
لك ودى
| |
|
|
|
|
|
|
|
|
|
Re: عاد يا خال فاطنة ما بالغتا.... (Re: Ishraga Mustafa)
|
العزيزة جداً أشراقة...
تحياتي لك وللاسرة وكل عام وانتم بخير...
Quote: مقصود هنا اكيد طهور الروح من احزانها
بس عليك الله اوعى من ام صندوق الحديد ام فستانا ابيض
تعال نتضامن ونطالب الدولة تحقق ليها بديل للدخل بدل ماتقتات بموسها دى
|
والله أطالب معك الدولة بإيجاد بدائل للدخل بدل الصناديق وضرائب الزكاة والخ,.....
لكن الطهور القاصدو فوق دا...ياهو زاتو الطهور الواحد دا...ما طهارة الروح...
لك مودتي وتقديري...
أنور
| |
|
|
|
|
|
|
|
|
 Re: ههههههههههههههههههههههههههههههههههههع.... (Re: خال فاطمة)
|
خال فاطنة...صحي انت من زمن جوز الحمام كان تلاتة...
وكانت الكمونية بالمتر...
يا أخوي أقسم بالله انا كرت طهور دا ما سمعتا بيهو ابداً!
لكن يجازي محنك...على باليمين بضحك زي المجنون ..."ناو" بالانجليزي...
بمناسبة دعوات الطهور دي..سمعتا بخالك العامل رايح فى حفلة؟ هجموا ليك واحد: تبع العريس ولا العروس؟
قال ليهو العروس بت خالتي لزم...
قال ليهو أمرق يا كلب...الحفلة عشان طهور....
لك المودة...
أنور
| |
|
|
|
|
|
|
|
|
 Re: يا أهلنا عنواين البوستات الاجتماعية يجب ان تكون واضحة, بكا, عرس, مرض, سماية, طهور, الخ.... (Re: Raja)
|
| Quote: يا أهلنا عنواين البوستات الاجتماعية يجب ان تكون واضحة, بكا, عرس, مرض, سماية, طهور, الخ.... |
اصلو في البورد دا ما اكلنا سمايه
بالعكس كروتونا كلهم واكلونا سمايات البيبيهات بتوعهم
| |
|
|
|
|
|
|
|
|
|
Re: يا أهلنا عنواين البوستات الاجتماعية يجب ان تكون واضحة, بكا, عرس, مرض, سماية, طهور, الخ.... (Re: Raja)
|
العزيزة جداً رجاء...
ناهيك عن أنك تستحقي كل كلمة أكتبها بحقك وأكتر وانا آسف لكوني لست كتاباً عشان كنت أكتب فيك الكلام المانكتب...
شيلي نفس
ناهيك عن دا كلو...
هي الدنيا أيه؟ غــــــــــــــــــير لمة ناس فى خير....
أو....
كلمة طيبة
أنتظر عودتك علي أحر من الأكل الكوري  والله يا رجوية هنا وقت الاكل كان يسموه وقت البكاء...
يا أما الاكل حار فى المحتوى...ودا الارجح...
يا اما الاكل حار من النار...
يا اما الاتنين... (ودي ياها فى الحالتين انا ضايع)...
أنور
| |
|
|
|
|
|
|
|
|
 Re: يا أهلنا عنواين البوستات الاجتماعية يجب ان تكون واضحة, بكا, عرس, مرض, سماية, طهور, الخ.... (Re: طلال عفيفي)
|
الحبيب طلال...
الله يخليك يا رب...ويعلي مقدارك ويجعلك فى كل خطوة سلامة...
بالله ما أشتقتا لنوع الدعاء ده يا طلال...
بالله ما أشتقتا لحميمية الحياة فى مصر؟ وعيون المصريات؟
لما تركب "المشروع" من أبوقير الى ميامي على البحر... وتجر نور طويل للعيون...تدخل فيها سينمات ومسارح ومسلسلات...
؟
يديك العافية يا طلال...بس والله عملتها واضحة بطرف الجيتار ده... ما كان تكملو عليك الله؟
كلكم أخذ الجام ولا جام لنا؟
ما الذي يضير مدير الجام لو جاملنا؟
أنور
| |
|
|
|
|
|
|
|
|
|
Re: يا أهلنا عنواين البوستات الاجتماعية يجب ان تكون واضحة, بكا, عرس, مرض, سماية, طهور, الخ.... (Re: AnwarKing)
|
ودأخوى الغالى أنور
حمدلله على السلامة
ووالله العظيم معك حق فيما تنادى بة وربما تجدنى
قد طرحت نفس سؤالك هذا فيما مضى فى بوست تعزية
حول وفاة شخص علية الرحمة والذى قام بإنزال خبر
الوفاة اشار فقط الى إسم المتوفى ولم ىقم بتعريفة
وقد تساءلت فى حينها من هو المتوفى اى نبذة عنة وطبعآ
ياعزيزى عينك ماتشوف إلا النور الجماعة نطوا لى فى حلقى
وهاك ياإستهجان وكما ترى الأن من التعليقات . حقيقة كما
ذكرت لابد من تعريف الشخص المعنى فى البوست سواء كان بوست
فرح ولا ترح او ايآ كان والغرض من ذلك ربما تكون لك صلة قربى
بذلك الشخص و انت لاتدرى بالذات فى بوستات الوفيات والسودان دا
زى مابقولوا أهلنا بلد ضيق .
واللة من وراء القصد
مع خالص ودى
عبداللة
| |
|
|
|
|
|
|
|
|
|
Re: يا أهلنا عنواين البوستات الاجتماعية يجب ان تكون واضحة, بكا, عرس, مرض, سماية, طهور, الخ.... (Re: Abdalla mohamed)
|
عزيزي وقريبي عبد الله محمد...
الف شكر على المرور وتأكيد أهمية التوضيح...
فعلاً قد يكون هناك صلة قرابة....ومؤكد ستكون هناك صلة نسابة...
وأكيد أكتر كمان انو فى صلة وطن...
عارف صدقاً لكلامك...بتكلم مع ود عمي "معتز" من يومين...عرفت أنو عندنا قريبنا طبيب مأسور فى دارفور...
مستنين يجي زول يورينا المأسورين ديل حا يكونوا تبع العدل والمساوة ولا تحرير السودان...
أهو نحنا فى الآخر سوا...
لك المودة وما ليهو حق الزول الجاط فيك...رغم عن ظروف الموضوع...فمن الطبيعي السؤال دا فى بيوت البكا: المرحوم مات مالو؟
كان عندو شنو...
تلقى قريب المرحوم يتمخط ويجاوب...
الله يرحم أمواتنا...
آمييين..
أنور
| |
|
|
|
|
|
|
|
|
|
Re: يا أهلنا عنواين البوستات الاجتماعية يجب ان تكون واضحة, بكا, عرس, مرض, سماية, طهور, الخ.... (Re: AnwarKing)
|
اقتراحك يا أنور.. (بيناتنا مافي مجامله موش؟)
هو اقتراح ظريف.. لكن.. اناماشايفه لازمته... يمكن حبيب نوره عنده رؤيه محدده في مسألة عيد ميلاده.. ما عايز يعلن عن مناسبة اجتماعية.. عايز قلمه ينساب كده.. ويكتب على راحته... أما بخصوص البوستات الثانية... انا شايفه إنه العناوين البتتكتب واضحه تماما.. وبتعبرعن محتواها.. يعني عشان حبيب نوره شات أوت...؟ ولا في أسباب تانية؟
الترتيب حلو برضه... ولو في ضرورة ليهو.. احسن يكون في جزء مخصص للمناسبات دي... بورد خاص بيها.. عشان ما تغتس سريع قبل ما الناس يشوفوها....
النزله كيف؟
دوماً.. بنت الحسين...
| |
|
|
|
|
|
|
|
|
|
Re:مسئولة من الخير يا بت الحسين...محمد عبد الرحمن وينو؟ لعلو بخير؟ (Re: مريم بنت الحسين)
|
سلامات عزيزتي جداً مريم...
حمد لله على السلامة وتسلمي على السؤال...
الحمد لله النزلة خفت كتير...
على باليمين أدوني دواء....غايتو بنكهة الموت كدا... يا تموت يا تبقا كويس... انا قلت أخير أموت...
مسئولة من الخير يا بت الحسين...محمد عبد الرحمن وينو؟ لعلو بخير؟
اها...نجي للموضوع...
قلت:
| Quote: هو اقتراح ظريف.. لكن.. اناماشايفه لازمته... |
شفتي بعد لكن دا الكلام البفتش ليهو زاتو....
القصد يا مريم ان يكون الابداع بداخل البوست.... ما معقول الجواب يكون مبدع من عنوانو!
خصوصاً لو كان الجواب من النوع التلغراف*
نظرة للصفحة الاولي والثانية يا مريم ومن دون الدخول لكل البوستات وقرأة السطور وما بينها المفروض الزول يعرف الحاصل شنو أجتماعيا ....
والا بيحصل اللوم...
براكي ما شفتي فى ناس نزلو العيديات بتاعتم بعد العيد ما انتهى بشهر؟
ده كلو عشان العناوين ما كانت واضحة...وخصوصاً لما تكوني عايشة مثلاً فى مدينة الضباب...
دايره ليك كشّاف قوي عشان تعرفي الحاصل جوة شنو...
ولا شنو؟
لك الشكر الجزيل والمودة الف حمد الله على السلامة...
مستنين نتائج الرحلة يا مريومة....
أنور
-------------
التلغراف نذير موت فى كثير من الاحيان فى السودان...مازال....
| |
|
|
|
|
|
|
| |
AnwarKing
Agab
خال فاطمة
Ishraga Mustafa
nour tawir
Raja
Rawia
طلال عفيفي
مريم بنت الحسين
فيس بوك
تويتر
انستقرام
يوتيوب
بنتيريست